نوحه اول محرم 🎶به سبک کوفه را ماتم گرفته.... عالم اولدی غرق ماتم ورودی جبرئیل عرشه پرچم آل طاها دوشوبدی بلایه شیعه لر گلدی بو آی نوایه وا محمد وا محمد وا محمد 2بار شیعه لر مولا حسینین شهریار عالمینین کاروانی چاتوب کربلایه شیعه لر گلدی بو آی نوایه وا محمد وامحمد وامحمد 2بار غم یاغوبدی غملر اوسته زینب اولدی دل شکسته دوشدی زینب بو آی ابتلایه شیعه لر گلدی بو آی نوایه وا محمد. وا محمد وامحمد 2بار لشگر آلدی کربلانی غم دوتوبدی آسمانی دوشدی غوغا بو آی نه سمایه شیعه لر گلدی بو آی نوایه وامحمد. وامحمد وامحمد 2بار جان طاها پور حیدر غصه دن یاندی اورکلر غرق اولوب ایندی امت عزایه شیعه لر گلدی بو آی نوایه وامحمد وامحمد وامحمد 2بار قان توکن لر اهریمن لر حق و باطل بیلمین لر ال قویوب ایندی دشمن جفایه شیعه لر گلدی بو آی نوایه وامحمد وامحمد وامحمد 2بار گوردی بیر ایش قوم خونخوار یوخ حسینه یار و غمخوار پیر و. برنا گیدوبلر منایه شیعه لر گلدی. بو آی نوایه وامحمد وامحمد وامحمد 2بار قدسیان آغلار حسینه گلدی شیعه شور و شینه تسلیت عرض ائدون مصطفایه شیعه لر گلدی بو آی نوایه وامحمد وامحمد وامحمد 2بار جن و انس و هم ملکلر قاره پوش اولدی پیمبر وا حسین قوزانار کبریایه شیعه لر گلدی بو آی نوایه وامحمد وامحمد وامحمد 2بار ویردی مولا تشنه لب جان اولسون احیا دین و قرآن یاندی امت بیله ماجرایه شیعه لر گلدی بو آی نوایه وامحمد وامحمد وامحمد 2بار «مهدیم» غرق گناهم بی پناهم رو سیاهم چوخدی دردیم دئیم مرتضایه شیعه لر گلدی بو آی نوایه وامحمد وامحمد وامحمد 2بار ملتمس دعا مهدی ملکی #امام_حسین_علیه_السلام #محرم_۱۴۰۳ #کانال_باب_الحوائج 🏴http://eitaa.com/torkiy🏴

🍁﷽🍁 🏴ورود بـه مـاه مـحرم🏴 سبـک: بـخدا دنیا رو نمیخوام بے ابوالفضل شیعه بـاشه قاره باغـلار یـا ابـوالفضل گلـدے یاسیـن سینه داغـلاریـا ابوالفضل چوخ وفـالے قارداشیـدون سن حسیـنه حالیـوه پیغمبـر آغـلار یـا ابـوالفضل یا ابوالفضل یا ابوالفضل یا ابوالفضل«2» هـر محرم شیعه لـر بو یـاسه آغـلار آیـرے ادیانـلار دا بو احساسه آغـلار حاجت آلدےکیم دخیل اولدے اوساعت بـاب حاجتـدور هـامے عبـاسه آغـلار یا ابوالفضل یا ابوالفضل یا ابوالفضل«2» درد بے درمانـلارا درمـان ابـوالفضل باب حاجت شائنیـوه قربـان ابـوالفضل اورگـدیـبسن غیرتیـن غیـرتـلے نـاسـه دینـه خاطرسن وریبـسن جـان ابـوالفضل یا ابوالفضل یا ابوالفضل یا ابوالفضل«2» سن عـزیـز مـرتـضے سن یـا ابـوالفضل مـظهـر عشـق و صفـاسـن یـا ابـوالفضل منـصبیـن بـاب لحوائـج بـو جهـانـدا کُـل امـراضـه دواسـن یـا ابـوالفضل یا ابوالفضل یا ابوالفضل یا ابوالفضل«2» ✍علے اصغرعباسعلے نژادکیوج_سراب ✨اَللّهُمَّ عَجِّل لِوَلیِّکَ الفَرَج✨ التماس دعا... #امام_حسین_علیه_السلام #محرم_۱۴۰۳ #کانال_باب_الحوائج

شور حسینی در آهنگ جان آقا سنه قربان آقا....... گلوب ایام عزا/دیلده گینه واردی نوا قره کوینک لرینی /گییدی گینه اهل ولا نوکر شاهنشاهوخ هرایکی دنیا بسدی اسدی قرا پرچم لر ریشه کفری کسدی جان آقا سنه قربان آقا سیدالعطشان آقا جان آقا آقامین نوکریم /ریزه خور اکبریم منی مست ایلوب آقام/مستِ می و ساغریم دوزدی فقیرم امّا گوهر نایابیم وار یوخدی غمیم عالمده سن کیمی اربابیم وار ای آقالار آقاسی/فاطمه نین گل بالاسی هاراگیدسین بو گَدا/وار بو گَدانین هاراسی شعله چکور قلبیمده عشقون اوتی سلطانیم بو اوتی خاموش ایتمه تاکی چخینجا جانیم گل گلزار ولا/قلبیلره نور و جَلا باجوین خاطرینه/ویر بیزه بیر کرب وبلا یوزیول اگر گلساخ بیز دویماروق آقا اوردان ای او گوزل قبریوه جانیمیز اولسون قربان وار اورکده کَدَریم/اشک توکور دیده لریم دیلده کی دردیمه سن /چاره قیل ای تاج سریم (بیکَسه)احسان ایله عاشق صادق اولسون طعن وشمادتله گَل قویمابوگوزلر # التماس دعای فرج #امام_حسین_علیه_السلام #محرم_۱۴۰۳ #کانال_باب_الحوائج http://eitaa.com/torkiy

▪️نوحه جدید #امیری_یاحسین 🎼سبک:ای صفای قلب زارم... ای پناه بی پناهان یاحسین ای شاه خوبان سنه ای زهرا بالاسی شیعیانین جانی قربان سنه من نوکرم / آدیوی سسلرم ئولونجه یا حسین/ قاپوندان گیتمرم حسین جانم حسین امیری یا حسین لرزه سالدن کائناته سَس یتیشدی شش جهاته یتیریبسن ای لب عطشان خضری سن آب حیاته قیامون زنده دی / آدون پاینده دی جهانین شاهلاری / قاپوندا بنده دی شوکتون ضرب المثلدی عزّ و شأنون بی بدلدی آلتی گوشه قبرون ارباب عرش اعلادن گوزلدی من اولدوم دلغمین / گدانین دوت اَلین آقا سن بیل آنان / چاغیر بو اربعین مدفنون چوخ دلگشادی قتلگاهون غم فزادی تل زینبده یانار دیل خیمه گاهون با صفادی اولاندان قحط آب / اولوب دیللر کباب گمان لایلای چالور / گینه آغلیر رباب عَلقم اوسته آی باتوبدی اشکیمی قانه قاتوبدی اوردا بیر غیرتلی سردار ایندی شرمنده یاتوبدی وجودی دوغرانیب / سینیخ قلبی یانیب گلنده خیمیه / سو مشکی اوخلانیب شَرف آل عباسن سن شه گلگون قباسن من یوزی قاره غلامم سنده شاه کربلاسن اَیا سِبط رسول / سنی جان بتول گدای (بیکَسم ) / منی ایله قبول ___ #امام_حسین_علیه_السلام #محرم_۱۴۰۳

🏴نوحه شهادت حضرت رقیه(س)🏴 بابا _کی رگهای گردنتو برید بابا _کی جسمتو به خاک و خون کشید بابا_ بهار عمر من شده خزون بابا _ز داغ تو قدم شده کمون بابا _عدو به زخم دل‌نمک زده بابا _تو راه شام منو کتک زده بابا _تا نام تو عدو ز من شنید بابا_ با کعب نی ناز منو خرید بابا _به پیکرم باشد نشانه بابا_از بسکه خوردم تازیانه علی قاسمی (شمیم) #محرم_۱۴۰۳ #شب_سوم_محرم #شهادت_حضرت_رقیه_علیهاسلام

🍂حضرت علی اصغر علیه السلام🍂 ✍مرحوم صراف تبریزی دولان قانیله قونداقی علی لای لای ،بالام لای لای قیزاردان قانی توپراقی علی لای لای ،بالام لای لای گلستانون گولی سولسون پوزولسون پایمال اولسون بالا سنسیز رباب ئولسون علی لای لای ،بالام لای لای الیمدن کیم سنی آلدی بئله توپراقلارا سالدی آنا یاخشی ملر قالدی علی لای لای ،بالام لای لای آنا دهرون بلاسیندن دونرمیش ئوز بلاسیندن من آیریلدیم بالا سندن علی لای لای ،بالام لای لای ایشیقلی أولدوزوم آتدون منی،توپراقیده یاتدون نه تئز چیخدون،نه تئز باتدون علی لای لای ،بالام لای لای آنان بو حالت زارون گوروب اولدی گرفتارون دی گل بوش قالدی گهوارون علی لای لای ،بالام لای لای سنی بی حال ائدن اوخدور یانان بو حالده چوخدور ولی لای لای دئین یوخدور علی لای لای ،بالام لای لای کونول دردینله سرخوشدور قوجاقیمده یئرون بوشدور ئوزوم لا ی لای دئیم،خوش دور علی لای لای ،بالام لای لای مگر دشمن امان وئردی سنه رحمین نشان وئردی گوروب سود یوخدی قان وئردی علی لای لای ،بالام لای لای علی سنسیز سنی آندیم سمندر تک اودا یاندیم سئسیمه سس وئر،اودلاندیم علی لای لای ،بالام لای لای شیل اولسون قاتلون آخر خزان ائتدی گولون آخر نولوب شیرین دیلون آخر؟ علی لای لای ،بالام لای لای اویان درد و بلان آللام دورنجا سن اویاخ قاللام کشیکچون من ئوزوم اوللام علی لای لای ،بالام لای لای دور ای شمع شبستانیم بهار و باغ و بستانیم سودیلن دولدی پستانیم علی لای لای ،بالام لای لای بو صرّاف سیه نامه یئتیردی شعرین اتمامه گینه باشدان یازار خامه علی لای لای ،بالام لای لای #محرم_۱۴۰۳ #هفتم_محرم #حضرت_علی_اصغر_علیه_السلام #شیرخوارگان #کانال_باب_الحوائج http://eitaa.com/torkiy

🏴نوحه ی حضرت علی اَصغرعلیه السّلام 🏴 ✍شاعر : علی عبدی 🎶به سبک :ای منه دردانه رقیه.... ای قوزو قربان علی اَصغر دردیمه درمان علی اَصغر ئوز آتاسینون اَلی اوسته جان وئرن عطشان علی اَصغر گل یاسمن لایلای اَنیس محن لایلای بوغازینده اوچ پر اوخ سوسوزجان وئرن لایلای بالام لایلای ، بالام لایلای 🏴🏴🏴🏴🏴 اوچ پر اوخی عشقیله دوتدون سو یرینه قانیوی اوتدون روحین آیریلدی بدنیندن عشق ئوومین سقفین اوچوتدون گوزل دلبریم لایلای مهِ اَنوریم لایلای اَیاق آچمیان دلسیز علی اَصغریم لایلای بالام لایلای ، بالام لایلای 🏴🏴🏴🏴🏴 دوندی اورک قانه اولونجاق سن قدمین دهره قوینجاق خرداجا قونداقوی اوعلوم آلمادیم آغوشه دویونجاق منیلن کوسن لایلای ائووندن کوچن لایلای بوغازینده کی قانین سوسوزدان ایچن لایلای بالام لایلای ، بالام لایلای 🏴🏴🏴🏴🏴 قلبیمه غملر قالانوبدی کاسه ی صبریم جالانوبدی اوخ بوغازین پارچالیان تک بو اورگین پارچالانوبدی جانیندان دویان لایلای منی تک قویان لایلای آناسی قالان حسرت ئولونجک طویان لایلای بالام لایلای ، بالام لایلای 🏴🏴🏴🏴🏴 باشیمه قاره سالارام من گون قاباقیندا قالارام من بوش بشگین آلّام آرایه هی سنه لایلای چالارام من بولوت تک دولان لایلای جمالی صولان لایلای بو دنیاده بیر گل تک آز عمری اولان لایلای بالام لایلای ، بالام لایلای 🏴🏴🏴🏴🏴 خوش سنون اِقبالیوه اوغلون چاتموشان آمالیوه اوغلوم من ولی هجرانیوه یاننام آغلارام اَحوالیوه اوغلوم سارالموش گولوم لایلای گولوم و بلبلوم لایلای اورکده سوزی قالموش ئولن سویگلوم لایلای بالام لایلای ، بالام لایلای #محرم_۱۴۰۳ #شب_هفتم_محرم #حضرت_علی_اصغر_علیه_السلام #شیرخوارگان #کانال_باب_الحوائج

🔹نوحه حضرت علی اَصغر🔹 در سبک ویرانه ده نازلی بالام جان وئردی دینجلدی ✍شاعر:علی عبدی ای اَللریم اوسته یاتان اَصغر بالام لایلای سو فکرینی باشدان آتان اَصغربالام لایلای نازک بوغازین اوچ یئره بو اوچ پراوخ بولدی بیلسه آنان بو مطلبی روحیه سی ئولدی قانین بوغازیندن آخوب اوجوما توکولدی سپدیم به سمت آسمان اَصغر بالام لایلای 🔹🔹🔹🔹🔹 قانلی قوماطین اوخشویور قانلی گلستانه مظلوم آنان ایندی یولون گوزلور یانا یانه بیلمم نئجه طاقت وئرر بو غملی دورانه آغلار سنه کون و مکان اَصغر بالام لایلای 🔹🔹🔹🔹🔹 سن آبیاری اِیلدون بو دینی قانیندن حقدن حمایت اِیلدون دلسیز زبانیندن گئچدین منه خاطر بالا ئوز جسم جانیندن ای شیرخواره قهرمان اَصغر بالام لایلای 🔹🔹🔹🔹🔹 سن اوخلاناندا گوزلرین آچدین بالا گولدون تشنه بوغازین اوخ بیچوب اولدی یارا گولدین بیلمم اوغملی عرصده باخدون هارا گولدون ای جان وئرن خنده کنان اَصغربالام لایلای 🔹🔹🔹🔹🔹 اَللریم اوسته بیلمیرم نعشیوی نِدم اوغلوم من خیمیه ساری یوزوم گلمورگِئدم اوغلوم اما سنی ایندی گرک من ترک اِئدم اوغلوم ای دهریده دل آچمیان اَصغر بالام لایلای 🔹🔹🔹🔹🔹 اللهه تاپشوردیم سنی شش ماهه سربازیم جنتده گیت اُول محسنه یولداش گل نازیم مندن اونا گوندر سلام ای محرم رازیم قوش تک یارالی خسته جان اَصغربالام لایلای 🔹🔹🔹🔹🔹 منده دالینجا چوخ زمان چکمز بالا گللم تیر غمیله عالمین من قلبینی دَللم آتدان دوشر بو پیکریم گوداله دینجللم سسلنَّم اوردا دیده قان اَصغربلام لایلای #محرم_۱۴۰۳ #هفتم_محرم #حضرت_علی_اصغر_علیه_السلام #شیرخوارگان #کانال_باب_الحوائج

🏴🏴🏴🏴 نوحه کوچ اسراازکربلا ✍شعراز: کربلایی محمدرضامحمدی(ناعم) آهنگ:کربلامنتظرماست بیاتابرویم 🌴🌴🌴🌴🌴 کربلادن گئدورم کوفیه قول باغلی حسین جبریلن آیریلورام من اوره گی داغلی حسین موکبیم دوشدی یولا دورمنی ایله دعا 🌴🌴🌴🌴🌴 چاره م اولسا اولارام معتکف کرب وبلا ائده رم باشوون اوستونده حسین آه ونوا گئتمورم من،آپارولّارمنی بوقوم دغا جبریلن آیریلورام من اوره گی داغلی حسین 🌴🌴🌴 باخورام باشووه سرنیزه نون اوستونده حسین سنده هردن منه باخ نیزه دن ای نوردوعــیـــــــن من دیوم نوحه سنه،سنده ائله شیون وشیــــــــن جبریلن آیریلورام من اوره گی داغلی حسیـــــــــــــڹ موکبیم دوشدی یولا دورمنی ایله دعـــــــا 🌴🌴🌴🌴 پیکرون قالدی چوخوریئرده باشون نیزه سوار قلبیلردن آپاروربومحنون صبروقرار تازیانیله بودشمن بیزی بوردان آپارار جبریلن آیریلورام من اوره گی داغلی حسین موکبیم دوشدی یولا دورمنی ایله دعـــا 🌴🌴🌴🌴 سیلرم کوفه ده بوگوزدن آخان گوزیاشیمی قویمارام خوارالیه کوفه لیلرقارداشیمی ویرارام محمله غیضیله بلالی باشیمی جبریلن آیریلورام من اوره گی داغلی حسیــــن موکبیم دوشدی یولا دورمنی ایله دعـــــــــا 🌴🌴🌴🌴 سالارام ابن زیادون جانینا اوردا شرر ائلسه نطق شررباریم اونامرده اثر غیرتی اولسااگر،تختینون اوستونده ئولر جبریلن آیریلورام من اوره گی داغلی حسین موکبیم دوشدی یولا دورمنی ایله دعــــــا 🌴🌴🌴🌴 قویمارام صدمه یئته غصه لی اولدوزلارووا پیشمرگ اولّام ئوزوم قلبی یاراقیزلارووا چپ باخانمازبیری یوللاردا آدامسیزلارووا جبریلن آیریلورام من اوره گی داغلی حسین موکبیم دوشدی یولا دورمنی ایله دعــــــــــا 🌴🌴🌴🌴 #محرم_۱۴۰۳ #یازدهم_محرم #وداع_از_کربلا #کوچ_از_قتلگاه

🏴نوحه دفن شهدازبانحال امام سجاد(ع)به مناسبت سومین روز شهادت امام حسین (ع)ویاران باوفایش 🎼سبک: ای باشی سر نیزده معراج ائدن... گونلرائوینده قالان ای گول بدن گلدیم آتا دفن ائلیم کوفه  دن وای بابامظلوم ئولن  الده یوخومدورکفن(۲) کوفه لیلر   دوغرادیلار      پیکرین اوخشویورام ذبح اولونان حنجرین یرده قالوب    اکبریلن     اصغرین پاره بدندن     سویولوب   پیرهن وای بابامظلوم ئولن  الده یوخومدورکفن محنت ودردین ئورگه اودسالوب عترتیوی کوفه ده نالان قالوب یوخدی کفن صبریمی الدن آلوب اوچ گون اولی اولمادی بیردفن ائدن وای بابامظلوم ئولن الده یوخومدورکفن آچ گوزیوی    خامس آل عبا قوی دولانوم بلکه تاپوم بوریا بوداغیلان جسمی قویوم توپراقا کرببلانی سن اولسون وطن وای بابامظلوم ئولن   الده یوخومدی کفن باشلاری ذبح ایلدی اهل جفا غارت ائدوبلر بیزی،قوم دغا مسکنوزاولدی آتاجان کربلا اسدی خزان سولدی گولیلن چمن وای بابامظلوم ئولن   الده یوخومدورکفن زائریوه قبرین عجب توشه دی عرش خدابنزری،ششگوشه دی اصغریوی زینت آغوشه   دی نیزه قلج ووردولا دعوت ائدن وای بابا مظلوم ئولن  الده یوخومدورکفن قوای ایاق التیندا قویوم اکبرین روبروقبرینده  تمام    یاورین من تانورام یاوریوین  پیکرین سینوین اوسته یاتا افغان ائدن وای بابامظلوم ئولن   الده یوخومدورکفن قلبیمه بیرمحنت اولوب اودسالان نهرفرات اوسته عموم دورقالان اهل قبیله اودی   صبری آلان باشی سینوب قانی آخوب نیزه دن وای آتامظلوم ئولن   الده یوخومدکفن صاحبی یاندی دئدی جان جان حسین ذبح اولونان ،لبلری، عطشان حسین یتمیش ایکی کسدی اوقربان حسین دعوت ائله زائر   اولا  نوکرین وای آتامظلوم ئولن  الده یوخومدور کفن(۲) ✍ دومین روزشهادت امام حسین ویاران باوفایش تسلیت باد ✍ حاج عباسعلی دهقان(صاحب) ارومیه۱۴۰۲/۵/۷ #محرم_۱۴۰۳ #سیزدهم_محرم #شهادت_امام_سجاد_علیه_السلام #دفن_شهدا ✨اَللّهُمَّ عَجِّل لِوَلیِّکَ الفَرَج✨ __

احوالات کوفه به قلم کربلایی صابر ثمودی سبک خرابه چراغان امشب 🏴🏴🏴 یارالی باشون نوک نی ده منی گئتدی شوره حسین جان دوشوب باشیوین آردیجان من گلدیم بو شهره اورک قان سن سیز دوزنمز باجون زینبِ زار یارالی دوشمه اوزاق مندن ای فاطمه نون مارالی علّت نه اولدی گئچن گون حسینیم حسینیم دوشدون بو بختی قرادن آرالی آرالی ای وای یارالی یارالی یارالی حسینیم 🏴🏴🏴 منی درده سالدی ملالون اُیور قلبیمی غملی حالون مگر یاتمیشیدون کول اوسته باتیب کوللر گول جمالون پرده چکیب  کول اولا حیف او قانلی جماله اوخشاتدی کوللر جمالون او دوتقون هلاله آچ قانلی بیر گوزلرون باخ یارالی بو شهره دوشوموش بلالی باشیم گور نئجه قیل و قاله ای وای یارالی یارالی یارالی حسینیم 🏴🏴🏴 شمادت ائدور حزب شیطان توکور گوز یاشی آل عمران قوتار سن بیزی بو بلادن اوخی سن جدا اوسته قرآن اولدوق نئجه گور بو شهر ایچره بیز غرقِ محنت قویما بو قدری ائده کوفه اهلی حسینیم شمادت اعجاز ایله نوک نیَ ده یارالی حسینیم بولسونله بو کوفه اهلی بیزوخ آل عصمت ای وای یارالی 🏴🏴🏴 سن ائدون تلاوت حسین جان آتور داش سنه اهل عصیان بو غمده نئجه تاب ائدیم من یارالی باشوندان آخور قان شل اولسون اللر سنه کی جداده آتیر داش دگسون او داشلار دئیورم یارالی منه کاش تقدیر بئله یازدی نیلَک یارالی حسینیم دوشدوق کی چُولَدن چولَه بیز ایکی باجی قارداش ای وای یارالی 🏴🏴🏴 گیرندن بو شهر ایچره قارداش دونوب گوز یاشیم اولدی قان یاش دوروب بامیلرده جماعت آتیلار حسینیم بیزه  داش هی داشدی یا کولدی پرتاب ائدور بوجماعت هارادان دگور داش ائدور شدتیلن جراحت بیر بیله داش کی یاغور بامیلردن حسینیم قورخوم بودی قالمیا خیردا قیزلار سلامت ای وای یارالی 🏴🏴🏴🏴 حسین گوز یاشیم اولدی القان جداده باخورسان لب عطشان یانار غملرونده (ثمودی) دییَر سن کیمین شاهه قربان شاها گدایم سنه سنده مولا گوزوم وار گیدیم قَراوی حسین جان من اولدوم عزادار هر قَدری عمروم جهاندا گر اولسا حسین جان عشق عالمی اوللام عشقیمده مولا وفادار ای وای یارالی 🏴🏴🏴 #محرم_۱۴۰۳ #احوالات_کوفه

▪️به مناسبت هفتمین روز شهادت امام حسین علیه السلام یدی گوندی دوغرانوبدور اکبری یدی گوندی اوخلانوبدی اصغری یدی گوندی کربلا اولدی منا سسلوروخ ایوای شهید کربلا یدی گوندی گلدی زینب ناله سی شیعه لرده وارحسینیم وای سسی یدی گوندی اصغر عطشان آغلادی قولارین یاندی آناسی باغلادی یدی گوندی روزعاشورااولوب ظلم الیلن باغ پیغمبر سولوب یدی گوندی دوشدی سقانین قولی اوستونه اوخلاریاغوب مثل دولی یدی گوندی حرمله آتدی اوخی آج سوسوز اصغر اوخاطاقت یوخی یدی گوندی دشمنی اولدی جَری انّی اوخ بیچدی اونازک حنجری یدی گوندی یاندی مولا اصغره قانین اوجوندا سپیبدی گویلره یدی گوندی تک قالوب پورعلی حضرت پیغمبره اولموش وصی یدی گوندی قلبینی اولدی نشان اوخ دگوب دالدان چیخوبدی آخدی قان یدی گوندی ئوزتوتوبدور داوره قانین اوجوندا سپیبدی گویلره یدی گوندی اوخ قلج نیزه دَیوب قارداشی ئولماخلوقی قدین اَیوب یدی گوندی نیزه اوخ ووردی سنان قلبینه هم حنجریندن آخدی قان یدی گوندی مقتله آخدی قانی قوملاری بالش ائدوب چئخسون جانی یدی گوندی شمرالینده خنجری قصدائدوب کسسون اویاره حنجری یدی گوندی کسدی عطشان باشینی زینبین قان ایلدی گوزیاشینی یدی گوندی دشمن ایلوبدی جفا غارت اولدی خامس آل عبا یدی گوندی یاندی یاندوخ خیمه لر عترت طاها اولوب غمدن ملر یدی گوندی زینب اولدی دستگیر عترت پیغمبری اولدی. اسیر یدی گوندی صاحبی قان آغلوری نوکری اشکین عذاره باغلوری ✍ حاج عباسعلی دهقان(صاحب )۱۴۰۳/۴/۳۱ ___________ #محرم_۱۴۰۳ #هفتم_شهادت_امام_حسین_علیه_السلام #کانال_باب_الحوائج

هفتم شهدای کربلا🏴 ✍شاعر: کربلایی محمدرضامحمدی(ناعـــم) ▪️▪️▪️▪️▪️▪️▪️ یدی گوندورگزورم چوللری آواره حسین قولی باغلی گئدورم کوچه وبازاره حسین یدی گوندورکه باشون نِی ده تجلا الیور گاه قرآن اوخیوب،دشمنی رسوا الیور یدی گوندورسنه من نوحه دیوب آغلیورام یدی گوندوربویانان سینه می من داغلیورام یدی گوندی آتاسیزقیزلاروون رهبریم غملرین جانه آلوب،دردوغمه مشتریم یدی گوندور بویووا حسرتم ای روح وروان آغلیابیلمه میشم قیزلاراخاطر اوجادان یدی گوندورکه گونوز زینبه قارداش گجه دی سویله زینب سنه قربان یارالارون نجه دی یدی گوندورکه شماتت اوخی بوقلبی دلیب غم الیندن نجه گورغملی باجون جانه گلیب یدی گوندورکه منیم یاروهواداریم ئولوب قاسم واکبروغیرتلی علمداریم ئولوب یدی گوندورسنه چوللرده عزاساخلامیشام اوخیوب نوحه رقیه،من اوره ک داغلامیشام دئمورم تیرمصیبتله دلی بولمه میشم قیزلاروندان نگران اولماحسین ئولمه میشــــــــــــــــــم یدی گونده نقدرقمچی دگوب قیزلارووا یانه قدری ویریلوب داش آدامسیزلارووا هامیسین اوّل ئوزوم نوش الیوب جان دئمیشم یورولان جانیمی قیزلارووه قربان دئمیشــــم یدی گونلوک غمیمی حشره کیمی یازسالا گــــــــــــر قوتارارواژه،یانار لوح،قلم جانه گلر یازدی "ناعم"بوغمی،زینت دفتر ائلدی یدی گوندن صورا،عاشورغمین، تازه لدی 🏴🏴🏴🏴🏴🏴🏴🏴🏴🏴 اشعارمحمدی(ناعم)مداح وشاعر #محرم_۱۴۰۳ #هفتم_شهادت_امام_حسین_علیه_السلام

گوزوم یاشیلا ای بابا عریضه یازمیشام  سنه خرابه ده  یورولموشام  دوزمروم  بو  محنه اگر چه   دختر   شهم  یریم  نیه  خرابه دی گلنده  شامیان  بیرا  شماتت  ایلیور   منه دیمورم ایندی ای بابا اسارت دوزنمورم ایاقلاریم   یارالیدی  اذیت     دوزنمورم اجام ولی وقاریمی بی یرده سیندیرانمورام اجیقلیقا دوزوم  واریم   شماتت  دوزنمورم یارالی باشیوی نجه گلوب قوجاقه المیشام عزالیام سنه بابا باشیما قاره سالمیشام دوداقلارون یارالیدی قولاقلاریم یارالیدی سنون کیمی یامان گونه بو یرده منده قالمیشام #محرم_۱۴۰۳ #خرابه_شام #شهادت_حضرت_رقیه_سلام_الله_علیها

🍂زبانحال حضرت رقیه سلام ا... علیها با سر خونین پدر🍂 🎶سبک(منم باید برم)... خدا یه شکر اولا/گینه اورک تاپوب صفا خرابیه گلوب/بابام بوگویلومی آلا بو نصف شب عجب/قیزیوی یا ده سالموسان نچه گونی بابا/ده گوروم هار دا قالموسان منی دوگوب بابا/بوزجروشمر بی حیا بو اوچ یاشینداقیز/نلرچکوب بولورخدا بوشهره گتدیلر/بابامنی ووراوورا «یارالیسان بابا بابا بابا بابا بابا» رقیه وین بابا/اورکده وار دی چوخ غمی بودردومحنتیم/یوروبدی زینب عمه می باخورمنه یانور/آلورباشیمی دامنه یوزومه هی باخور/دیورجوان ئولن ننه آناوابنزیری/کبوداولان یوزوم بابا بوقدری غصیه/دینه نجه دوزوم بابا قرااولوب بودم/گوزومده گوندوزوم بابا چمنده بلبله/هرهانسی گل انیس اولا دوزراوقوش مگر/اوسویدوقی گلی سولا؟ سنیله الفتیم/خدابولورنه پایه ده اودورسنی بابا/گوزتلدیم خرابه ده گذشت ایله منی/دورانمورام ایاقیوه یریوی بولمدیم/اوزوم گلم سراقیوه منی آپاربابا/دوزنمرم فرا قیوه بوعارضیم بابا/جفاوظلمیله سولوب قاچانداچولده من/ایاقیم آبله اولوب سرشکی قانیله/گوزومده شمر دون قاتوب سینه وه نازائدن/گجه خرابه ده یا توب آتاقوجاقیدور/قیزین همیشه مسکنی ولی فلک سالوب/بلا یه بو رقیه نی من آلمشام بابا/بودم قوجاقیمه سنی بلاچولونده من/بلالره دایانمیشام بویوندا، سلسله/بوچوللری دولانمیشام بیر اوچ یاشیندا قیز /بوقدری غصه وبلا بوآیرلیق غمی/بوقدری طعنه و جفا دعا ایله ئولوم/داخی یورولموشام بابا خرابه گوشه سی هارا/بوسویگولون هارا یوزوم کبود اولوب /ایاقلاریم اولوب یارا التماس دعای فرج الاحقر مهدی عبادی #محرم_۱۴۰۳ #شب_سوم_محرم #خرابه_شام #شهادت_حضرت_رقیه_سلام_الله_علیها

🍂زبانحال خانم زینب کبری( سلام الله علیها) با رقیه (سلام الله علیها) 🍂 🎶سبک:تامشکتو تو آب زدی....‌ ✍شاعرومداح اهلبیت، ودود آذرين خلخالی 🍂فارسی ای مونس شب های من///ای غنچه باغ وفا با عمه ات حرفی بزن///ای معدن عشق وصفا نرو از پیش من نالان و پریشان تحمل کن چندروزی ای جان جانان خودم نازت میکشم درویرانه شام نکن از هجرپدر دیگر آه و افغان رقيه  مرو مرو ای دلبرنازحسین///ای شمع شام تارمن ازکربلا تا شهرشام///ای نازنین غمخوارمن ترحم کن بردل محنت زای زینب بمان ای خورشیدعشق شبهای زینب نوازش کرده ترا ضرب تازیانه شدی اندر غصه وغم همتای زینب رقيه  مرو مرو 🍂ترکی سنسن حسین گلزارینون///غم غصه دن سولموش گلی گلمور سسون آیا ندن///ای باغ عشقون بلبلی سسون اولما آج سوسوز قالماخدان باتوبدی مگرشمرین قورخوسوندان رنگون آتوبدی یانار قلبیم تاجانیم واردی بوسوزوندن منی عمه اکبریمده گوزدن آتوبدی رقیه    لايلاي بالام رقیه    لايلاي گولوم سن عرصه گاه عشقیده///اولدون منیم بال و پریم اوج بلالرده بالا///اولدون رقیه شهپریم یخارغملر زینبی اکبرجانی گیتمه ایکی دنیا دریمون ای درمانی گیتمه منی تک قویما گوزل دردانم رقیه مصائبده زینبون هم پیمانی گیتمه رقیه    لايلاي بالام رقیه    لايلاي گولوم سنیندن آرتیخ غم چکن///گون مثلی سن بات راحت اول حسرت قالوبسان خوش گونه///یورقون بالام یات راحت اول سولار گللر ماتموندن ای ماهپاره قویار عمون دیده گریان جیسمون مزاره خرابه نی ایلییر آباد جسم پاکون گلایه ایتمه کفنون گراولساقاره رقیه    لايلاي بالام رقیه    لايلاي گولوم #محرم_۱۴۰۳ #شب_سوم_محرم #خرابه_شام #شهادت_حضرت_رقیه_سلام_الله_علیها