#فاطمیه منیم بهاریمی گل فاطمه خزان ائلمه ئولوم سوزیله منی لطفا امتحان ائلمه قال ائوده ، نوریویله بو ائوی ائله روشن اوشاقلارین اورگین ممکن اولسا قان ائلمه طعام ائدنده طلب ، سن یات استراحت ائله بو قدری ایشلیوب اُول جسمی ناتوان ائلمه منی گورنده نیه فاطمه یوزون دوتوسان نولوبدی دردیوی مندن داخی نهان ائلمه یوزون دوتاندا خانم قلبیمی کباب ائدوسن عم اوغلووام آخی ، سن باری نیمه جان ائلمه اونون بونون سوزونه باخما کیم دئیور گئدوسن ئولوم سوزون داخی لطفا خانم بیان ائلمه منه ده رحم سندن صورا کسیم یوخدی سنی حسین جانی گل قدیمی کمان ائلمه #محمدرضا‌صادقی‌شیدا @turki_nohemajma

در مدح حضرت امام هادی ( ع ) ای زاده ء پاک تقی ای زاهد و ای متقی اولسون سلام حق سنه يا أَيُّها َ الهَادى ِ النَّقي سن شمس عالمتابسن حاجات خلقه بابسن سن سرور احبابسن يا أَيُّها َ الهَادى ِ النَّقي سن آیت سبحانیسن حقّه آقا برهانیسن سن معنی قرآنیسن يا أَيُّها َ الهَادى ِ النَّقي ای سروه بنزر قامتی ای عرشه بنزر ساحتی ای سِلمِ حقون غایتی يا أَيُّها َ الهَادى ِ النَّقي ای اهلبیت مصطفی ای یادگار مرتضا ای معدن صبر و وفا يا أَيُّها َ الهَادى ِ النَّقي ای منبع جود و سخا ای ملجاء شاه و گدا سنسن بوتون درده دوا يا أَيُّها َ الهَادى ِ النَّقي هم مست و هم بیماریوم بیر عمردور سرباریوم من سائل درباریوم يا أَيُّها َ الهَادى ِ النَّقي من روسیه بیر بنده یم چوخداندی سرافکنده یم من عاصی و شرمنده یم يا أَيُّها َ الهَادى ِ النَّقي ذات حقون یرده سسی بی کس لرین ای هر کسی عفو ائت بو خوار و بیکسی يا أَيُّها َ الهَادى ِ النَّقي ای سامراده مدفنی حقّه قسم وئرم سنی سالما گوزوندن سن منی يا أَيُّها َ الهَادى ِ النَّقي عشقونده تبدارم آقا درده گرفتارم آقا #شیدای گلزارم آقا يا أَيُّها َ الهَادى ِ النَّقي #محمدرضا‌صادقی‌شیدا