ای مست جام عالم قالو بلی اوغول مطبخ سرا هارا یارالی باش هارا اوغول سیر الی اللّهینده مبارکدی منزلین خلوت سرای عشقین اولوب غمفزا اوغول سودای وصل یار دوشه هانسی بیر باشا گلمز باشا باشیندا اولان ماجرا اوغول قاشون چکیب دی مدّ او بسم الله اوستونه نقطه کیمی گوزون اوتوروب تحت با اوغول جام بلایه مشتری سن شوق و ذوقیله بیر کیمسه ائتمییوب بیله بیع و شرا اوغول عالم فدا بو همّت و ایثاریوه سنون جانان یولوندا جانیوی ائتدین فدا اوغول گلدی آنان عیادته آچ قان دولان گوزون باغریم دونوبدی قانه اویان با وفا اوغول گلم دالینجا هر یئره گئتسون دوزنمرم تاب ائله مز بالا غمینه هئچ آنا اوغول ناز ائیلمه که منده داخی قالمییب توان اولما رضا بو قدری ائده م آه وا اوغول گل سینمه چوخ اینجیمسن چوخ یورولموسان از بس وروبلا یاره سنه اشقیا اوغول خولی گتیردی باشیوی قویدی کول اوستونه کول اولدی عالمین باشینا برملا اوغول دوتدی هوای نفس گوزون حقی گورمه دی گوردی سنه بو محنت و ظلمی روا اوغول بیر باش که طوف ائدر باشینا عرش و فرشیان گور هاردا یئر وئریب دی بو قوم دغا اوغول تک گلموسن ندن هانی بس لشگرون سنین سرلشگرون هایاندادی دوتسون لوا اوغول گوردوم وفالی قارداشیوین سعی و همّتین سو اوسته اولدی قولاری تندن جدا اوغول یاندیم علی اکبر و قاسم غمینده چوخ اصغر غمینده من سنی ائتدیم دعا اوغول کسدی او دم کی باشیوی شمر لعین سنین دوشدی بلایه عترت خیرالورا اوغول سندن صورا خیامی قشون غارت ائتدیلر عرشه اوجالدی خیمه دن آه و نوا اوغول قورخوشدی قیزلارین نگران قاچدی چوللره تا ائیلسین له جانلارین اوددان رها اوغول هم سویدولا بالالاری هم دوگدولر او دم اولدی اسیر عترت آلعبا اوغول آتلارایاقی آلتدا قالیب نازدانه لر سولدوردی بیر نئچه گولی اهل جفا اوغول سندنصورا آچیلدی فراتین یولی ولی هر کیم سو ایچدی اولدی غمه مبتلا اوغول باشون بلاسی درد و غمه سالدی عالمی گتدی نوایه اهل دلی نینوا اوغول گرچه کول اوسته یاتماقیوی بیلمیری باجون گرداب غمده غرقیدی اول ناخدا اوغول یانمیش چادیردا زینبی گوردوم گلنده من قورموشدی خیمه گاهیده بزم عزا اوغول نصفی یانان چادیردا طبیبانه زینبین آچمیشدی اهلبیتیوه دارالشفا اوغول نازین چکوب بالالاروین مهربان باجون بیر کس یوخیدی ائیلییه درده دوا اوغول بیکس رباب هیچ کیمه دردین دینمدی گیزلین شراره یاندی اوغولسوز آنا اوغول دوشدی یولوم گلنده منیم قتلگاهیدن یاندیم شرار غملریله هکذا اوغول توپراقلار اوسته قانه بلنمیش جنازه لر ائتمیشدیلر او یئرده سنه اقتدا اوغول گودال قتلگاهیدن آلدیم سراغیوی گوردوم وروبلا جسمیوه سایسیز یارا اوغول گلمیشدی نعشون اوسته بابان ختم الانبیا هم قارداشین حسن، هم آتان مرتضی اوغول نازلی قیزین شیرین دیلیله نوحه باشلادی وئردی او غملی انجمنه بیر صفا اوغول یاندیردی داغلی سینه میزی لیک ساربان اول دم که گلدی غارته اول بی حیا اوغول بیر ال کی ال دوتاردی اونی کسدی ظلمیله گلدی فغان و نالیه ارض و سما اوغول گوردوم اوغول او منظره نی یاندیم آغلادیم یاخدیم او قانی زلفیمه ائتدیم حنا اوغول گلمز تمامه مصحف غم هر نه شرح ائده م سن حالیوی بیان ائله ای مه لقا اوغول #مدهوش یازدی شام غریبان بو مطلبی هر کلمه سینده ائتدی سنه التجا اوغول #مدهوش 1-12. شام غریبان

اربعین دور عالمی بیر یولدا حیران ائیلروخ وار حسینه عشقمیز دونیایه اعلان ائیلروخ اولسا گر مین جانیمز اولشاهه قوربان ائیلروخ قطره قطره بیر له شیب بیر قانلی طوفان ائیلروخ کیم حسینه چپ باخا والله پشیمان ائیلروخ . . اربعیندور باخ حسین عاشقلرینده وحدته عشق ائله زهرا بالاسیندا مقام و عزته یاحسین سسله حسینین دوشمنین سال وحشته گورسون عالملر حسین عشقی بیزه ارزنده دی تا جهان واردی مقدس نهضتی پاینده دی . . شیعه نین وار مکتبینده منطق و اندیشه سی ریشه کفر و نفاقی سیندیرار حق تیشه سی قانیله سیراب اولوب دی نخل دینین ریشه سی هر قدر شیطان صفت لرائلییه مکر و جفا تا جهان وار کعبه اهل ولادی کربلا . . بو حسین کیمدیر کی دهری دولدوروب آوازه سی بو حسین کیمیدیر گلیر اوندان همیشه حق سسی بوحسین کیمدیر اولوب هر یئرده بی کس لر کسی بو حسین دور هر زمان اهل ولانین رهبری شیعه نین هم عشقیدی ، هم سروری، هم دلبری . . اربعین دیر شیعه لر الده علم آماده دی هاردا وار انسان حسینه عاشق و دلداده دی عالمین چشم امیدی بیر بئله مولاده دی قطره قطره بیرله شیب اهل وفا دوندی سله کاش ائله بو اربعین قان صاحبی مهدی گله . . چوخ زمان چکمز محبت اهلی غمدن دینجلر شیعه نین دشمن لری حقه اوزی اقرار ائلر کعبه دن ظاهر اولار بیر گون آقام مهدی گلر گورسدر اهل ولانین دردینین درمانینی ذوالفقاریله آلار مظلوم امامین قانینی . . اربعین دیر کربلاده شور عاشورایه باخ قطره اول بین الحرمده موجلی دریایه باخ عزت آختارسان اگر دونیا بویی سقایه باخ گور نجه اولدی حسینین نوکری تاپدی مقام گور نجه الله او مولایه وئریب عزت مدام . . اربعین دیر کربلایه یوز قویوب اهل ولا یا حسین دیلده گلیب دیر نالیه ارض و سما حضرت مهدی دوتوب شاه شهیدانه عزا یاده سالدوقجا او مظلومی پریشان آغلییور عمه سی زینب کیمی گوزدن توکور قان آغلییور . . اربعین دیر قوزانیر هر سمت دن انسان سسی کربلانی دولدوروب دی ناله و افغان سسی بیر کسیک باشدان گلور گویا گنه قرآن سسی بیر مزار اوسته گلیب زینب حسینم وای دئیور بیر طرفده خردا قیزلار اصغره لالای دئیور . . باخدی شش گوشه مزاره عترت خیرالانام جذبه جانانیده محو وصال اولدی تمام قارداشا دلخسته باجی عرض ائدیب اول سلام عرض ائدیر ای زینبه روح و وران ای باوفا زینبین جانی اولار بو قبریوه قارداش فدا . . ای منی اوز هجرینه بو قرخ گونی آغلار قویان آیریلیقدان بو نئچه مدت ده باغریم اولدی قان ای یارالار یورقونی قربان سنه یاتما اویان دور حسیینم بیرده دیندیر بو پریشان قیزلاری خوش صفا ایله یوروب یوللاردا عدوان قیزلاری . . غصه دن نازلی قیزین بیر لحظه ده دینجلمدی دردی گیزیلن اولدی هیچ بیر کیمسه دردین بیلمدی عذریمی قارداش قبول ایله رقیَّن گلمدی قمچی لر یولاردا یوردی دوشدی دیلدن ناز بالام گل کیمی سولدی جفاییله او عمری آز بالام . . دور حسین پیشوازیمه هجرینده نالان گلمیشم آیریلیقدان اولدی قلبیم قرخ گونی قان گلمیشم کوفه و شاماته گئتدیم چوخ پریشان گلمیشم گر چی قارداش بو سفرده چاتمیشام آمالیمه زینبین سنسیز قوجالدی قیل نظر احوالیمه . . ای یارالی جسمینی تاراج ائدن قوم عدو ای مقدس نهضتی قرآن و دینه آبرو وئرمه دی دشمن سنه جان اوسته ده بیر قطره سو ائیلدین دنیالری حیران وفا و صبریوه دولدوروب گوز کاسه سین اشگیله سپدیم قبریوه . . قوردی زینب آلتی گوشه قبرین اوسته بزم غم آچدی دیل شرح فراقه بیر به بیر اهل حرم شرح هجرانه قلم #مدهوش اولوب دی دمبدم گه خانیم زینب دیلیجه وای حسینیم وای دئدی گه ربابین محنتین یازدی بالام ایوای دئدی . .#کانال_نوحه_مجمع_الذاکرین

#اقتدار_و_مقاومت #غزه_سربلند جهان احوالی برهم دیر سر و سامانی لازم دیر هایاندا ظلم و طغیان وار خط پایانی لازم دیر دوتوب اود ،هر طرف دن ظلم اودیلا اودلانیر غزه دوشور دیلدن، نفس دن، دردینین درمانی لازم دیر باخیر دونیا گوزی، هر دم جنایت ائیلیر اسرائیل جهان ارام اولا بیر همت انسانی لازم دیر هارای لار قوزانیر عرشه ،یاتیب گویا مسلمانلار اچا بیر محکمه هر کیمسه نین وجدانی لازم دیر داغیتدی داعشی تدبیریله سردار سلیمانی چکه بیر نقشه بو بحرانیده قا آنی لازم دیر حمایت لر کرگ‌ اولسون بو گون طوفان الاقصی دن سالا دنیایه طوفان، امتین طوفانی لازم دیر بو قانلار سیل کیمی آخدی، ییخار اسرائیلی بیر گون ولی ایش سخت دور، بوش قویمویاق میدانی ، لازم دیر مسلمانلار ،مسلمانلار ،نه علت بی تفاوت سیز؟ اولا احیا یقین آزاده لیک عنوانی لازم دیر جوانلار باتدیلار قانه، اوشاقلار یاتدی یان یانه انالار گلدی افغانه، تسلی آنی لازم دیر شریک جرم دور ظلمه اروپائیله امریکا جنایت اهلینین هر عصریده تاوانی لازم دیر کرگ دیر اتحاد اولسون مسلمان لار آراسيندا تدابیریله حل ائتماق بئله بحرانی لازم دیر ، کرگ اولسون فلسطین دن کنار اسرائیل غاصب اولا برهم تفاقی محو اولا بنیانی لازم دیر ندای دین و قران دیر کرگ مظلومه یار اولماق اولا تجدید قران اهلینین پیمانی لازم دیر مصاف حق و باطل دیر مثال کربلا ،غزه عیاره چکماقا بیر دفعه ده ایمانی لازم دیر #اتحاد #غزه_پایدار #مدهوش #محمد_هوشمن

🏴#شهادت_حضرت_فاطمه_س 🏴#روضه 🏴#ترکی ▪️▪️▪️▪️▪️▪️▪️▪️▪️▪️ قیامت دیر مگر یارب بو غمده ماسوا آغلار نه وار بیت امامتده بوگون آلعبا آغلار گلیب یئر گوی نوایه قدسیان باشین آچیب یکسر جهانی ترک ائدیب زهرا، بوگون ارض و سما آغلار بهار آفرینش، ظلم اعدادن خزان اولدی گل آغلار، گلستان آغلار، ائده ر ناله صبا آغلار جفا و کینه دن اود ووردولار بیت الامان یاندی قاپی آغلار، در و دیواریده نقش و نما آغلار چمن آغلار، یئل آغلار، بلبل آغلار گول فراقینده دل آغلار، دلبر آغلار ،یاره لر آغلار دوا آغلار آییردی گردش دوران وفالی یاری یاریندن گلر جنت ده فریاده آچار باش مصطفی آغلار داخی محراب زهرادن، صدای ربنا گلمز علینین دودمانیندا آتا آغلار، بالا آغلار قبول اولدی دعاسی دینجلیب آلامیدن زهرا قیزی زینب بو محنتده سالار باشه قرا آغلار گلیب دیر دورت بالا افغانه زهرا نعشنین اوسته آنا وای سسلینده هر بالا ، شیر خدا آغلار توکر یاقوت تک گوزدن عذاره اشگینی کلثوم ایکی باجی ،ایکی قارداش، بو غمده برملا آغلار آنا گئتدی بو دنیادن، بلالر زینبه قالدی یانار نار فراقینده دئیه‌ر ایوای آنا آغلار علی مشکل ده دیر هر دم دئییر حسرتله یا زهرا گوز آچ باخ گؤر عم اوغلون درده اولموش مبتلا آغلار علینی هئچ بو حالدا گؤرمه میشدی دوست یا دشمن قالیب دی چاره سیز یالقیز شه مشگل گشا آغلار ائله برهم دی احوالی علینین بو قضایادن پریشان حالینی گؤرسه یاد آغلار، آشنا آغلار وئرنده غسل زهرایه، علی آز قالدی جان وئرسین قویوب دیواره ئوز سسیز، او شاه لافتی آغلار حسینین ناله سی افلاکه بیر شور و نوا سالدی گوروبله مغسل اوسته دیده‌ی خیر النسا آغلار دئییر اسما دل شبده، علینین قلبی اودلاندی چکیب ال غسل دن گوردوم علی المرتضی اغلار بو حالدا تسلییت وئردیم ،ساغ اولسون باشین ای مولا سنی هیچ گورمه میشدیم من بئله ای مقتدا، آغلار بویوردو دیل دولوب دردیله بیر کیمسه بیلن یوخدی وار حقیم گر گوزوم قالسا، منیم صبح و مسا آغلار سفارش ائیله دی زهرا وئرم غسلین لباس اوستن نهان سری عیان اولدوقجا چشم ماسوا آغلار بو مدت ده وفاسیندن غمین مندن نهان ائتدی علینین عمری اولسا هر قدر ائیله‌ر نوا آغلار وفاده بیر نفر زهرایه چاتماز، چوخ وفالیدی یقین قبر ایچره بو احوالیمه اول با وفا آغلار اؤزو گئتدی منی تک قویدی بو دنیای فانی ده منه بیگانه آغلار، دشمن آغلار، اقربا آغلار نئجه غسل ائتدی زهرایه نئجه توپراقه تاپشوردی نئجه آیریلدی قبریندن بو درده انبیا آغلار علی ئولدی دیریلدی تا که گنج عشقی گیزلتدی بقیعین توپراقی تا حشر اولنجا بیصدا آغلار توکنده قبرینه توپراق سپردی باشینه هردم علینین محنتین یاده سالار اهل ولا آغلار قلم یازدوقجا هجرانی گوزوندن قان توکر #مدهوش یانار دیلدن ائدر ناله بو غمده بی ریا آغلار #محمد_هوشمند #مدهوش ♦السلام علیک یا اباعبدالله الحسین (ع)♦ 📌ناب ترین کانال ترکی زیر نظر گروه مجمع الذاکرین @turki_nohemajma #کانال_ترکی_مجمع_الذاکرین

باشیم اوسته گل اوخی قران عم اوغلی یا علی بلکه زهرا جان وئره آسان عم اوغلی یا علی صبر ائله بو غمده بیله قلب زاری داغلاما سیل اشکیین دمبدم گوزدن عذاره باغلاما یوخ دوزوم بو حالیوه منده عم اوغلی اغلاما جانیم اولسون جانیوه قربان عم اوغلی یا علی جنته وئرمز بیلیرسن فاطمه درگاهیوی گل گوروم جان اوسته بیرده وجه وجه اللهیوی شاد ائله بو لحظه آخرده خاطر خواهیوی وصلیم آز قالدی اولا هجران عم اوغلی یا علی گلشن عمروم جفا و کینه دن اولدی خزان گوللریم قالدی سنین امیدوه ای باغبان قویما ائتسین زینب و کلثوم چوخ آه و فغان صبر ائله ای سینه سی سوزان عم اوغلی یا علی غملریم موجه گلیر یانام پریشان آغلارام حالیوه جان اوسته ای مظلوم دوران اغلارام حقیوی غصب ائتدیلر بو محنته قان آغلارام یوخ سنه بیر یار و پشتیبان عم اوغلی یا علی دوقوز ایل عشقونده من مهر وفادن دویمادیم عمروم آز اولدی عم اوغلی دورت بالادن دویمادیم جانه دویدم لیک بو ایوده صفادن دویمادیم دفتر عمروم تاپیر پایان عم اوغلی یا علی اهل کینه ظلمیله درگاهیوی یاندیردیلار سالدیلار فرصت اله حقین مسلم داندیلار مال و منصب وعده سیله چوخلاری آللاندیلار دین آدیلا ائتدیلر طغیان عم اوغلی یا علی ظلموله اود وردیلا درگاهیوه قوم عنید آستان وحی ده محسن بالام اولدی شهید وار اومیدیم حقیمی آلسین خداوند مجید باغریم اولدی غصه دن القان عم اوغلی یا علی بیر نئچه لحظه بودنیاده سنون مهمانیوم آغلاما ای فاتح خیبر سنون قربانیوم گل باشیم اوسته عم اوغلی طالب احسانیوم جان زهرا ائیلمه افغان عم اوغلی یا علی کوی عشقینده بلادن ائتمرم اصلا گله بیر نئچه کلمه وصییت ائیلیوم اجرا ائله دفن و کفنیم گیزیلین اولسون قویما دوشمنلر بوله ایستورم قبریم قالا پنهان عم اوغلی یا علی آسمان خاطرین دوتموش بیله ابر ملال فاطمه قربانین اولسون اولما چوخ غرق خیال آیریلیق وقتی یئتیشدی ائیله زهرانی حلال دردیمه ائیله اوزون درمان عم اوغلی یا علی امر حق دور ئولماقا وار اشتیاقیم یوخ سوزوم بو حسین و زینیبن احوالینه یانام اوزوم آغلاسا اوغلوم حسین هیچ حالدا یوخ منده دوزوم قانینه بیر گون اولار غلطان عم اوغلی یا علی آه او گوندن قان ائدللر زینبین گوزیاشینی زینت ائیلر نیزیه اعدا حسینون باشینی نیلیر گورسه او حالدا زینبیم قارداشینی نیلرم گر اولسا غسلی قان عم اوغلی یا علی #هوشمند #مدهوش

#درد_دل زبانحال باشیم اوسته گل روزگاریدن دویموشام داخی جانه یا علی گل منی حلال ائیله آز قالیر جان وئره م غریبانه یا علی گل اوتور بیر آز صحبت ائیلییاق داغلاما دل داغداریوی دمبدم چکیب اه آغلاما پوزما ای عزیزیم وقاریوی گرچه سالدیلار فتنه شیخ لر تیره ائتدیلر روزگاریوی یاورم سنه غم یئمه اگر امت اولدی بیگانه یا علی صبر ائله بو درد و مصیبته آغلاما بئله پوزما حالیوی قلبیمین باشی اود دوتور یانیر یاد ائدنده دیلده ملالیوی سن جهان عشقه امیرسن آرتیرا گوروم حق جلالیوی قویما غم ایاق دان سالا سنی صبر ائله بو هجرانه یا علی داغلی قلبیده چوخدی نیسگلیم وار بو صون نفس شرحینه نیاز حقیوی دانانلار بو درگهه گلماقین داخی بیلمیرم مجاز وئر اوزون منه غسل نیمه شب صبر ائیله اوزون قیل منه نماز قبریمی نهان ساخلا خلقیدن ای حکیم و فرزانه یا علی دورت بالام منه چوخ عزیزدور ساخلا جان کیمی روزگاریده گوللریم اگر سولسا غصه دن آه وداده گللم مزاریده قویما فتنه لر ائلسین خزان باغ صبریوی نوبهاریده سعی ائله ائوین با صفا اولا گلمه اه و افغانه یا علی بو صفالی ائودن مزاریمه من شکسته خاطر مسافرم ائیله باشیم اوسته حسینیمی صون نفسده حاضر مسافرم یاندی شمع جانیم مصیبته اولدی عومروم آخر مسافرم گتدی غصه لر بو غریبه نی بو آز عمریده جانه یا علی قاخمیری قولوم باغریما باسیم صون نفسده من نور عینمی جلوه ائیلیور کربلا چولی هر زمان گورنده حسینمی داد او وقتدن قتلگاهیده سالام عالمه شور و شینمی ائیلیوم زیارت دویونجا بیر باتمامیش هله قانه یا علی #محمد_هوشمند #مدهوش #حضرت_زهرا س

درد دل مادرانه #زبانحال آز قالیرکی تقدیم ائده م بو گون خسته جانی جانانه زینبیم دردیمین دواسی تاپولمادی یوخ اومید درمانه زینبیم گلمه آه و افغانه زینبیم آغلاما یانا یانه زینبیم عومرومون بهارین ستم یئلی ظلم و جوریله ائیله دی خزان یاندی درگهیم ئولدی محسنوم درد و غصه دن باغریم اولدی قان گرچی سنده باشی بلالی سان صبر ائله قیزیم ائیلمه فغان آغلاما کی گوزیاشین اود سالیر بو دل پریشانه زینبیم بو بئش اون گونی آخر عومریده کئچدی حَدّیدن محنتیم منیم قالمیوب دی جسمیمده قوتیم چوخ اولوب سیزه زحمتیم منیم ممکن اولمادی نازوزی چکم قالدی قلبیده حسرتیم منیم ایستیرم ولی قاخمیری قولوم زلفوه وورام شانه زینبیم گل دویونجا بیر صحبت ائیلیاق تا دئیوم نه لر اوز وئریب منه قیز آناسینین رازداریدی شرح ائدیم اورک دردینی سنه شرطی واردی پوزما وقاریوی آه و زار ائدیب گلمه شیونه وار سنین هله چوخلی محنتون گلمه بئیله افغانه زینبیم هر نه حالدا اولسا یتیم اولار اولماسا آناسی قیزین اگر چون آنا بیلر دردینی قیزین اوز بالاسینین نازینی چکر من سیزه آنالیق ائدنمدیم یاندیرار منی درد و غصه لر سن آنالیق ائیله اوشاقلارا تاب ائله بو هجرانه زینبیم غصب اولوبدی حقی عم اوغلومون داندیلار مقام ولایتی ال بیراولدیلار اهل ظلم و کین یاندیریبلا بیت امامتی پشت درد ده ثبت اولدی ظلمیله محسنون بو نوعی شهادتی اوز امامینه ائتمه دی کمک امت اولدی بیگانه زینبیم اگهم حالیمدان داخی منیم دفتر حیاتیم یئتیر باشا شیشه حیاتیم نشان اولوب ظلمیله بو آز عمریده داشا ائیلورم سنی سرپرست اوزوم هم باجی ، ایکی نازلی قارداشا وئر گیلن اوزون ذوقیله صفا بو سولان گلستانه زینبیم اهل کین او قدر جفا ائدیب تنگ اولوب منه ظلیملن جهان چاتمادیز بویا قالدی گوزلریم قبر ائوینده سیزدنده ناگران سیل غم قباقینده صبر ائیله اللها توکل ائدیب دایان آغلاساز اگر منده آغلارام قبریده یانا یانه زینبیم اگه اول قیزیم بو حسینمین باشدا بیر بیوک ماجراسی وار حکم ائدیب مشیت بو مطلبه کربلا آدیندا مناسی وار بیر منا که یئتمش ایکی فدا جان وئره او یئرده رضاسی وار سنده حاضر اول غم شریکیسن پادشاه عطشانه زینبیم گردش زمان بیر گونی یقین ائیلییر پریشان حسینمی شام و کوفه اهلی سالار غمه الده تیغ و پیکان حسینمی یوخدو رحم و انصاف خصمیده ئولدورللر عطشان حسینمی شمردون چکر تیغ کینه سین اللرین باتار قانه زینبیم داغلی سینمی آه و سوزیله دمبدم چکیب آه داغلاما ساخلا گوزیاشین قانلی مقتله چشمه چشمه رخساره باغلاما آغلیسان بالا من دوزنمیرم صبر ائله قیزیم بئله اغلاما قیل کمک ایاقه دورانمیرام ال یئتیر بو نالانه زینبیم #محمد_هوشمند #مدهوش #فاطمیه

زبانحال حضرت ام البنین یئتیش هراییمه ای مهربان ابوالفضلیم اجل گلیب ئولورم هارداسان ابوالفضلیم آنان فدا اولا ای مهربان اوزون قولووا باخیرام حسرتیله من سنین گلن یولووا اگر چه صدمه یئتیب کربلاده صاق صولوا گوزتلییرم یولوی باغریقان ابوالفضلیم اگرچه گویلومی درد و غمین شکار ائلییور غمینده بیکس آنان دایم آه و زار ائلییور ولیک سن کیمی جانانه افتخار ائلییور فدا اولا سنه مین بیله جان ابوالفضلیم گورنده سو چکرم بو یانیقلی دیلدن آه سارالدی سوز عطشدن او چولده ال الله قولووی سالدی سو استونده لشگر گمراه نحاله قالدین اوساعت امان ابوالفضلیم بهار عمریمی هجران گلیب خزان ائله دی صفالی گلشنیمی آیریلیق تالان ائله دی آنان بیر عمر غمین سینه ده نهان ائله دی اورک یانیر آلیشیر هر زمان ابالفضلیم منه یئتردیله کرب و بلا حکایتینی ایئشیتمیشم باشیوین موبه مو مصیبتنی آنان باخیب یولا توکدوقجا اشک حسرتینی دیلینده ازبر ائدیب وای جوان ابوالفضلیم اوغول سو اوسته کی پیکاریوه آنان قربان وفا و همت و ایثاریوه آنان قربان گوزل رویه و افکاریوه آنان قربان صودوم حلالین اولا قهرمان ابالفضلیم اجل یئتیشدی اوغول حالیمی اوزوم بیلیریم خوشام که رنج و بلادن بیرآزجا دینجلیره م سنون زیارتیوه ای عزیز جان گلیرم قفس اولوب منه سنسیز جهان ابالفضلیم طریق عشقیده طی ره صواب ائله دین فدا سنه که حسین سیز سوا جواب ائله دون سویی خجالت ائدیب عالمی کباب ائله دین سوسوز دوداقیوه قربان آنان ابالفضلیم #هوشمند #مدهوش

عرض ارادات به مقام مولی الموحدین ،امیر المومنین ، حضرت علی علیه السلام علی آدیلا قلم باشلییور بو انشانی عنایت اولسا آچام مصحف تولانی غرض بو شعریده مولامیزه ارادت دی و گرنه وصف ائده بیلمز بشر او مولانی خدایه شوکر ائدیرم کی علی امامیدی کمال عشقیله من دوتموشام بو دامانی علی مقامینی بیلمز مگر خدا و رسول چکوبدی قدرت الی بیله نقش والانی علی فضیلتینی یوخدی یازماقا امکان آقاجلار اولسا قلم جوهر ائتسه دریانی علی وجودی دی ایجاد عالمه علت علی جمالیدی دهری ائدوبدی نورانی علیدی مظهر ذات خدای حق یئرده علی دی، لیله ی اسراده صوت ربانی مبار ک آدینی ذکر ائله ماق عبادتدی علینی یاد ائلیین حمد ائدیب دی سبحانی علیدی ، اول و آخر علیدی نور هدی علیدی، اوج کماله یئتیشدی ایمانی علیدی بنده ممتاز خالق عالم سالیب تحیره عشقینده چرخ مینانی علیدی نور هدایت مسیر ایمانه علی صراطیدی هر یئرده حق میزانی بویوردی لو کشفت ائتدی بو سوزی علنی که معرفتله تاپیب کوی وصل جانانی علیدی جنگیده شیر خدادی بی پروا ولی گئجه دولانیب آختاران یتیمانی علیدی گویلره چوخ آشنادی یئرلردن علیدی آدمه اورگتدی رمز اسمانی علیدی مالک فردوس و شافع محشر علیدی کی بوله جاق جنتیله نیرانی علی آدیندا نقدری صفا و صولت وار ائدنده زمزمه روحیم گزور ثریانی دئسم خدادی، غلط سوزدی کافراولام من دئسم بشردی، نئجه شرح ائدیم قضایانی او گون کی حامله اولدی آناسی بنت اسد بولوبدی وار بالانین حق یانیندا رجحانی دوشن زماندان آنا بطنینه او مظهر حق اونون قدومینه نعمت لر اولدی ارزانی آناسی غصه له ننده انیس و همدمیدی دانیشدیراردی آناسین او طفل ربانی او دودمانه اولوب رحمت خدا افزون تاپیب تجلی او ماوده فیض رحمانی دولاندی آی گون اولوب اون اوچی مه رجبین یاخینلاشیب تاپا عزت مقام انسانی طواف ائدیردی خدا بیتینی علی آناسی اوزونده درک ائلیب دیر فراغت امکانی نفس شماره دوشوبدی کسیلدی چاره یولی مخاطب ائتدی او حالتده حی اعلانی اورک دولوب غمیله دوندریب یوزون عرشه نیاز یوخ سنه یارب دییم بو عنوانی علیم وقادر و حاضرسن ای کریم و رحیم که قدرتین ائدیب ایجاد کون و امکانی سنی قسم وئریره م من بو طفله بطنیمده که وار یانوندا سنون عز و جاه شایانی اوزون عنایت ائله آبرومی حفظ ائله کی یوخدی بحر غمین بو مکاندا پایانی دعاسین ائتدی اجابت خدای عز و وجل سحاب رحمت ائدیب اول فضانی بارانی او دمده گوردوله دیوار کعبه تاپدی ترک آچیلدی بیت خدا دعوت ائتدی مهمانی اولوبدی فاطمه داخل مقام والایه چکیبدی نازینی اوچ گون بهشت نسوانی او پاک یئرده علینی گتیردی دونیایه حقیقت اهلی اوزی درک ائدر بو معنانی بو فیض هیچ کیمه دنیاده اولمیوب قسمت اگرچه لال ائده بیلمز لجوج و نادانی علی جهانه قدم قویدی بیت الاعلاده عناد اهلی ندن گورموری بو برهانی گوروبله کعبه آچیلدی یئنه همان یئردن منور ائیله دی دنیانی نور تابانی آلیب دی فاطمه آغوشینه گوزل بالاسین ائدیب معطر او طفلیین قدومی دنیانی نه طفل نوریدی مشکات بی بدیل و بی همتا که عطری مست ائلیب گلشن و گلستانی نه طفل غبطه ییر مهر ماه طلعتینه اونو مثالینی گورموب بو عالم فانی قویوبدی جلوه سی حیرتده هر نظاره گری سالیب دی چوللره هم یوسف و زلیخانی نه طفل پیر طریقت دی هر نگاهیله ویرر صفا ایلییر هر یری چراغانی آلیب رسول خدا عشقیله قوجاقینه خدایه حمد ائلییب اول رسول حقانی همان علی دی اولوب دور وصی پیغمبر همان علی دی یازیب ایه ایه قرانی ادامه دارد... #محمد_هوشمند #مدهوش

یا باب الحوائج غربت ده ظلمیله بو گون سبط پیمبر جان وئرور یئر گوی گلیب دیرنالیه موسی ابن جعفر جان وئرور بیلمم نه غملی حالیدور بو عالم امکانیده نیل ستم طغیان ائدیب موسی قالیب طوفانیده زهرای اطهر یوسفی جان اوسته دی زندانیده نه وار گلن نه وار گئدن بی یار و یاور جان وئرور تقدیر حقه راضی دور راز و نیاز اوستونده دیر قلبینده وار چوخ نیسگلی سوز وگداز اوستونده دیر زهر جفا حالدان سالیب اما نماز اوستونده دیر زنجیر ظلمه باغلیدیر اول شیر داور جان وئرور دریای صبری بو گئجه دیلدن سالیب یوردی فراق تنگه گلیب دیر سینه سی وار وصل یاره اشتیاق ظلمیله چوخداندیر دوشوب اهل و عیالیندن اوزاق یوخ باشی اوسته همدمی زار و مکدر جان وئرور دنیایه باخ بیر بی گنه قید جفایه بسته دی چوخداندی زندانی اولوب ظلم و جفادن خسته دی رحم ائیلمور دشمن لری هر چند که جان اوسته دی حکم اجل زندانیده اولموش مقدر جان وئرور یوخ بیر انیس و همدمی قلبین دوتوب سوز و شرار سسلور آناسین دادینه اول سید والا تبار پیک اجل گلدی قالیب آخر نفس چشم انتطار خوشدور باشی اوسته گله زهرای اطهر ، جان وئرور قیل بیر نظر یا فاطمه تئز محبس بغداده گل سسلور هرایه دمبدم سس وئر خانیم امداده گل جان اوسته غملی حالینی گور شیون و فریاده گل عرشه اورکدن اوج ائدیر آه مکرر جان وئرور قاره گییب اهل ولا غمدور پیامی شیعه نین خط ولا دیر هر زمان اصلی مرامی شیعه نین زندانیده جان اوسته دور هفتم امامی شیعه نین عالم باتیب دیر ماتمه ارزنده رهبر جان وئرور #محمد_هوشمند #مدهوش #امام_موسی_کاظم_ع

اي اوركلردن آلان صبر و قراري كربلا سنده دور يئتمش ايكي عاشق مزاري كربلا هر زمان حسرت چكير توپراقيوه اهل ولا تربتینده واردی هر بیر چاره سیز درده دوا فخر ائدیر عالم اولا سنده یاتان شاهه گدا درس عشقين سنده دور آموزگاري كربلا نه جلالت سنده وار افلاك باش اگميش سنه سنده بیر گول وار جهانی دوندریب دی گلشنه جانيمز قربان او ششگوشه صفالي مدفنه شوق وصلی الدن آلمیش اختیاری کربلا سنده قان اولدي عطشدن اهل بيتين سينه سي خرد اولوب سنگ جفاییله وفا آئینه سی دفن اولوب توپراقيوه اسرار حق گنجينه سي سنده دور اهل ولا باغ و بهاری کربلا اي مقام و رتبه سی عرشيله همپايه اولان غبطه ائیلیر سنده كي جاه و جلاله آسمان قتلگاهونله قیاس اولسا اگر کل جهان رتبه ده افضلدی وار چوخ اعتباري كربلا قتلگاهون با فضیلت دور مناي كعبه دن سنده وار آرتيق صفا سعي و صفاي كعبه دن فيض عظمايه چاتوبسان مقتداي كعبه دن سنده دور عشق اهلينین دار و نداري كربلا وار یئری سقا غمیندن قلب عالم قان اولا ويرمدی بير مشك سو سنده عدو بیر جوت قولا راضي اولدون اوخ دگن مشگه اورك قاني دولا ائیله دی شرمنده اوخ اول نامداري كربلا ناقه حقی او گون اهل ضلالت پیله دی بی مروتلر اولوب ال بیر جنایت ائیله دی بیلمیرم قولسوز گوروب عباسی دشمن نیله دی پهلوانین خرداجا اولدی مزاري كربلا سنده عاشورا گوني قانه باتیب اهل وفا قالدي آغلارهم باجي هجرانه ياندي هم آنا بیر به بیر دوغراندی تیغ کینه آل مصطفا اوخلادی حتی عدو دلسیز شکاری کربلا شیشه آمال زینب دگدی هجران داشینه اوندا کی گوردی عدو رحم ائیلمیر قارداشینه چاره سیز قالدی بیر آز توپراق سووردی باشینه گوردی دوشموش توپراق اوسته شهریاری کربلا گلدی زینب قتلگاهه گوردی بیر باشسيز بدن گون قباقینده قالیب توپراقلار اوسته بیکفن یوخ بدنده صاف یئری دورین آلیب زاغ و زغن یوخدی جسمینده یارالارین شماری کربلا سسلدی بو پاره پیکر نور عینمدور منیم گر چی یالقیزدیر اوزی یار و معینمدور منیم کربلا ائله رعائت بو حسینمدور منیم یاخشی ساخلا زینبین یوخ کیمسه یاری کربلا شوق وصلیله قلم "مدهوش" اولوب ائتدی نوا اشک حسرت گوزده باشدا شور دیلده جان آقا جانیمز اولسون او آلتی گوشه لی قبره فدا دلنشین ائیلیر عجب شعر و شعاری کربلا #محمد_هوشمند #مدهوش @hushmand

غزل جدید انتظار #هوشمند خلایقین گوزلی اشکباریوم تئز گل هدایتین گونشی بیقراریوم تئز گل قرار عالم امکان ، امید خلق جهان هایانداسان ئولورم بیقراریوم تئز گل ادب طریقینی گر بیلمسم ارادت ده باغیشلا لطفیوله شرمساریوم تئز گل نقدری پرده ی غیبت ده نازه شایق سن کمند عشقیده دیلسیز شکاریوم تئز گل پائیز دی، قیش دی، طبیعت ده کی بهار سنسیز گورم جمالیوی لحظه شماریوم تئز گل اورکده نقش اولونان خط عشقه اند اولسون صداقتیله سنین جان نثاریوم تئز گل گوزل ادین دیلیمن ازبری اولوب ای گل چمنده لاله کیمی داغداریوم تئز گل زمانه سیخدی بیزی منجیق غربت ده اماندی داده یئتیش دلفکاریوم تئز گل ایکی جهاندا منیم شان و عزتیم سنسن نقدری عمروم اولا وامداریوم تئز گل خیال خالین ائديب گور نئجه منی مدهوش ئولونجه باده پرست و خماریوم تئز گل #محمد_هوشمند #مدهوش انتظار

استمداد و عرض ارادت جدید ای پور مرتضا دلبند مصطفا سلطان ماسوا سن شاه من گدا یابن الحسن آقا (۲) دیل تنگه گلدی گل غم قلبی دلدی گل وصلین گوزلدی گل قویما اورک یانا جانیم سنه فدا یابن الحسن آقا (۲) ای درده آشنا سر منشا وفا وی علت بقا جانیم سنه فدا یابن الحسن آقا (۲) ای منجی جهان غم دن امان امان ائله اوزون عیان قلبیم دونوب قانا جانیم سنه فدا یابن الحسن آقا (۲) دردیم عیان دی گل فعلیم فغان دی گل اشکیم روان دی گل یوخ دردیمه دوا جانیم سنه فدا یابن الحسن آقا (۲) یا صاحب الزمان یا امن و الامان مولای مهربان ویر قلبیمه صفا جانیم سنه فدا یابن الحسن آقا (۲) گل انتظاریوم چوخ بیقراریوم باخ اشکباریوم قلبیمده وار نوا جانیم سنه فدا یابن الحسن آقا (۲) #محمد_هوشمند #مدهوش #انتظار

#مناجات با خدا غم و دردیله اگهسن نئجه آکندیم یارب متاع عمریمی ساتدیم اوجوز شرمندیم یارب خطا گئتدیم گنهکارم غم و درده گرفتام منه ائیله عطا یارب (2) کرم درگاهیوه گلدیم الیم بوشدور یوزوم قاره الیمدن دوت عنایت قیل گل ائیله دردیمه چاره منه ائیله عطا یارب (2) اسیرم نفسیمه ائیله کمک آزاد اولوم یارب منی غم دن ر اوزون قورتار بیر آز دلشاد اولوم یارب منه ائیله عطا یارب (2) گناهیم گر چه چوخ چوخ دی ولی سن رب رحمان سان غفور و قادر و صبار ، حق حنان و منان سان منه ائیله عطا یارب (2) منادی سسلنور لا تقنطو من رحمه اللهی امیدیم وار فقط یارب سنین لطفونده واللهی منه ائیله عطا یارب (2) چاغیردین منده گلدیم رحمتین ده وار گوزوم یارب داخی بوندان علاوه هجریوه یوخ دیر دوزوم یارب منه ائیله عطا یارب (2) گوزوم ده اشک حسرت وار اورکده سوز آهیم وار خطارکارم منی عفو ائیله یارب چوخ گناهیم وار منه ائیله عطا یارب (2) الهی کیم منیم سندن صورا پرودگاریم دیر و یا وقت بلا و امتحاندا غمگساریم دیر منه ائیله عطا یارب (2) کرامت صاحبی سنسن شفاعت صاحبی سنسن منی سالما نظردن چون هدایت صاحبی سنسن منه ائیله عطا یارب (2) منی چوخ امتحان ائتمه اماندیر ائیلمه رسوا شتر دیدی ندیدی پس ، باغیشلا حرمت زهرا منه ائیله عطا یارب (2) #محمد_هوشمند #مدهوش

َحمایت از هیئات حسینی ای نماز و روزه اهلی، یار قران شیعه لر هارداسیز یالقیز قالیب شاه لب عطشان شیعه لر شیعه لر فصل عزا ماه محرم دور گلون باشلانیب شور و نوا ایام ماتم دور گلون فصل احیای شریعت موسم غم دور گلون باغلیاق بیردفعه ده یاریله پیمان شیعه لر ای دیین هر روز و شب یا لیتنا کنا معک آختاریر ایمدی دوباره شاه مظلومان کمک گئی قرا کوینک آقا ، باغلا باجی قاره لچک هارداسیز، بو سیز بو دشمن لر، بو میدان شیعه لر هارداسیز ای شیعه لر بو غمده فریاد ائیلیین ساخلییون دیلدن عزا پیغمبری شادائیلیین دشمنین آمالینی همتله برباد ائیلیین قویمیون فرصت تاپا اولاد شیطان شیعه لر آل سفیان تشنه لب سلطانی ایستیر ئولدوره شمرلر خنجر چکیب مولانی ایستیر ئولدوره ال بیر اولموش عترت و قرانی ایستیر ئولدوره بیزلره دشمن وئریب جنگه فراخوان شیعه لر ائیلییر بیر عده هر یئرده جفا هیئت لره ایستیور هر سمتیدن وورسون یارا هیئت لره قوخمیون هر گون وئرون شور و صفا هئیت لره ائیلین اوز عشقیزی دونیایه اعلان شیعه لر گونده مین رنگه دونور هر گون چالیر بیر نوعی ساز بیربیره ایستور ورا دونیانی خصم حقه باز نه تانیر قدر حسینی بی حجاب و بی نماز قویمیون جولان ائده بو اهل طغیان شیعه لر چوخلاری ال بیر اولوب ییخسین بنای هیئتی گونده بیر شبهه دئیور قاتسین هوای هیئتی سعی ائداق حفظ ائتماقا بیزده لوای هیئتی اتحادیله سالاق دنیایه طوفان شیعه لر بو حسین دریادی گر چه هر نه یی تطهیر ائده ر کیم یزیدی مسلک اولسا لیک اونا وئرمز ثمر صدقیله کیم دامنین دوتسا اولار زیر و زبر موسم خرمن دی، وقت فیض شایان شیعه لر ایستیور دین دشمنی خوار و فتاده هئیتی الده وار برنامه سی چکسین فساده هئیتی سیزده دایر ائلییون چوخ صاف و ساده هیئتی قویمیون هیئتده قالسین عیب و نقصان شیعه لر مدعی سسیز گلیب کوهی پر کاه ائیلسین گونده بیر جلده دوشور تا خلقی گمراه ائیلسین اهل حق لازم دی تا دنیانی آگاه ائیلسین الده لازم دیر اولا منطق له برهان شیعه لر اهل حقین وار یئری قلبین همیشه غم سیخا دین آدیلا ایستیور بیر عده قرانی ییخا قویمویاق صفین اولا قران جدا اوسته چیخا تابع قران و عترت دیر کماکان شیعه لر ای عزا اهلی مقدس دور حسینون پرچمی جلوه ی احکام قران دور سرای ماتمی قویمیون بیر عده قاتسین محرم و نا محرمی سست اولوب آیا نیه بو قدری ایمان شیعه لر هیئتی اولماقدا وار انسلارا چوخ امتیاز گر تولی و تبری اولسا هم سوز و گداز یوخ عزانین خیری گر سردسته اولسا بی نماز وای اگر تعطیل اولا احکام قران شیعه لر چون بیلیر دشمن که امکان یوخ عزا تعطیل اولا ایستیور بزم عزانی ائیلیه بی محتوا محتوا سیز اولسا هیئت ائیلمز درده دوا تربیت تاپسین گرک هییتده انسان شیعه لر ای عزا اهلی بیلین قرآنی هر امره گواه وقت بحران عترت و قران دی محکم تکیه گاه اهلبیتی دانسا کیم ، اوز عمرینی ائیلر تباه بیز قانادیله اوچار ایا قوش هاردان شیعه لر اولماسا گر بیر کسین قران و عترت باوری موقع حساس اولا بیلمز حسینون یاوری واجبات اهلی اولار والله حسینون نوکری دین پیغمبردی هر بیر شخصه میزان شیعه لر شیعه مهدینین یولون گوزلر امام حق بیلر واردی ایمانی که بیر گون منجی عالم گلر کیم زیارت ائیله سه اندوه و غمدن دینجه لر چوخ گوزل دور گر اولا قسمت او دوران شیعه لر #مدهوش

مناجات رمضان قدر او قدر ائیلمیشم عمریده خطا یارب اورک سوزون دئماقا ائیلیره م حیا یارب هوای نفس منیم روحیمی اسیر ائلییوب همیشه ائتمیشم اوز نفسیمه جفا یارب نه چاره واردی اگر شامل اولماسا حالیما بو آیدا مغفرت و رحمت و عطا یارب شفیع درگهیوه اهلبیت و قرآنی گتیرمیشم ائدیرم سندن التجا یارب منیم گناهیم آغیردی ولیک آگاهم که لطف و رحمتیوه یوخدی انتها یارب سنی قسم وئریرم مرتضایه دوت الیمی شکسته قلبیمه وئر رونق و صفا یارب امیدیله بو گئجه گلمیشم سنین قاپوا که بلکه سن ائده سن دردیمه دوا یارب قرا یوزیله سنین درگهینده من قوناقام عنایت ائیله اولا حاجتیم روا یا رب نقدرعیبیمه لطفیله پرده چکدین سن باغیشلا بو گئجه لطفیله هکذا یارب بهانه ائیله میشم گلماقا شب قدری الیمی دوت منی قیل حقه آشنا یارب بو گئجه شوق وصالیله اولموشام #مدهوش عجب نوایه چاتیب دیر بو بینوا یارب #مناجات ✨اَللّهُمَّ عَجِّل لِوَلیِّکَ الفَرَج✨

مناجات رمضان قدر او قدر ائیلمیشم عمریده خطا یارب اورک سوزون دئماقا ائیلیره م حیا یارب هوای نفس منیم روحیمی اسیر ائلییوب همیشه ائتمیشم اوز نفسیمه جفا یارب نه چاره واردی اگر شامل اولماسا حالیما بو آیدا مغفرت و رحمت و عطا یارب شفیع درگهیوه اهلبیت و قرآنی گتیرمیشم ائدیرم سندن التجا یارب منیم گناهیم آغیردی ولیک آگاهم که لطف و رحمتیوه یوخدی انتها یارب سنی قسم وئریرم مرتضایه دوت الیمی شکسته قلبیمه وئر رونق و صفا یارب امیدیله بو گئجه گلمیشم سنین قاپوا که بلکه سن ائده سن دردیمه دوا یارب قرا یوزیله سنین درگهینده من قوناقام عنایت ائیله اولا حاجتیم روا یا رب نقدرعیبیمه لطفیله پرده چکدین سن باغیشلا بو گئجه لطفیله هکذا یارب بهانه ائیله میشم گلماقا شب قدری الیمی دوت منی قیل حقه آشنا یارب بو گئجه شوق وصالیله اولموشام #مدهوش عجب نوایه چاتیب دیر بو بینوا یارب #مناجات ✨اَللّهُمَّ عَجِّل لِوَلیِّکَ الفَرَج✨

مناجات مناسب شب های قدر ای خدا باخ دیده ی گریانیمه دیلده سوز و اهیمه ، افغانیمه گلمیشم درگاهیوه ائیله نظر قدریوین سِرّین دن ائیله با خبر اند وئرم بو کتاب مُنزله چک منی دریای غمدن ساحله اند وئرم باطن قرانیوه لطف ائله بو بینوا مهمانیوه ای خدا اسماء حُسنی حقینه باخ منه آیات کبری حقینه ای کریم و قادر و حیّ علا قیل منه نار جهیمیندن رها قویموشام قرانی باشه دیلده آه سایه لطفونده وئر یارب پناه آتمیشام حاجت الین دامانیوه تیکمیشم گوز سفره احسانیوه عفو و غفران کیمده وار سندن صورا لطف و احسان کیمده وار سندن صورا کیمده وار قدرت شفاعت ائیله سین یا بیرین سنسیز حمایت ائیله سین آند وئرم حقیوه ای ذوالجلال قلبیمیزدن لطفیله رفع ائت ملال آند وئرم حضرت پیغمبره روح اطمینان یئتیر بو مضطره آند وئرم مرتضایه بو گئجه قویما قالسین توبه می یارب گئجه سن منی زهرایه خاطر عفو ائیله عصمت کبرایه خاطر عفو ائیله مجتبا حقینده ای رب کریم قیل من احسان جنات النعیم بو گئجه حق شهید نینوا وئر بیزه یارب برات کربلا قیل منی عاشق حسینین عشقینه شایق ائت قانلی قیامین مشقینه حضرت سجادین اشک الینه آند وئرم باخ بو زارین حالینه آند وئرم علم و حلم باقره ویر منه حقین یولوندا باصره صادق آل محمد حرمتی آل الیمدن بو حجاب غفلتی آند وئرم عترتین موساسینه سال منی علم و ادب دریاسینه بو گئجه حق علی موس الرضا ای خدا لطفیله مندن اول رضا واسطه اولدی امام المتقی لطف ائله تشخیص و تمییز حقی حق هادی قیل نظر یارب منه تا اولوم بیر بنده ی صالح سنه ای خدا جان امام عسگری دفع ائله مندن شیاطین و شری یا عزیز و یا قوی و منتقم حجت برحقیوه وئرم قسم کوی عشقینده شهید ائیله منی بو دل شب رو سفید ائیله منی ربنا یا ربنا ارحم لنا یا رحیم و یا ودود اغفر لنا #مناجات #محمد_هوشمند #مدهوش

#عید_فطر پیشاپیش عید سعید فطر را به همه عباد الله و دوستان مومن و روضه دار عزیز تبریک می گویم اروجلوق بایرامی گلدی، ای اهل رحمت و غفران ملک لر دعوت حقی بشارتله ائدیر اعلان گلین ای بنده لر درگاه حقدن ایستین حاجت اولوب حق اهلینه شامل بو گونده رحمت شایان قوشولدوق بيزده ابراره کرم درگاهینه گلدوق اولا مين شكر توفيق عبادت ائيله دي احسان اگر چی هئچ عبادت شانینه لایق اولا بیلمز قبول ائیلر یقین اوز بنده سیندن ایزد منان بیر آی حقه قوناق اولدوق، اطاعت ائیلدوک امرین بیر آی اولدوق کرامت سفره سینده خالقه مهمان بو درگهده قوناقیله قوناقه فرق قویمازلار آچیقدی سفره گل ادارکیوه وسعت وئر ای انسان گتیرمز بنده نین عیبین اوزه، ستار و رحماندور باغشلار هر نقدر اولسا گناهی قادر سبحان نه ایستیرسن گل ایسته خرمن غفران و رحمتدیر بیره مین اجریوی وئرسین، بو گونده صاحب قرآن بو گون بایرامدی ایسته عافیت دنیا و عقبایه بیزی اطهاره قوشسون، پاک قیلسین، خالق یزدان گل ای حق بنده سی ائله دعا صاحب زمان گلسین دولوب ظلملیه عالم بلکه محنت دن تاپا سامان سنی وئرم قسم یا رب بحق مرتضی حیدر اماندی واگذار ائتمه منی اوز باشیمه بیر آن بحق حضرت زهرا ترحم ائیله "مدهوشه" اگر چه دولدوروبدی نامه اعمالینی عصیان #فطر #محمد_هوشمند #مدهوش

مناجات عید فطر یارب بیزه آل اللهه خاطر نظر ائیله عاصی لری اوز رحمتیوه مفتخر ائیله آچدین بیزه بیر سفره احسان کرمین دن کسمه نظرین عومر بویی معتبر ائیله بیر آی قوناق اولدوق سنه ای واسع و غفار بیر عمر بیزی عشقیویله دربدر ائیله پاداش وئرورسن بیزه وئر شانیوه لایق امید باغین لطفووله پرثمر ائیله هر حالدا تیکیب بنده لرون گوز سنه یارب ای کان کرم جرم و خطادن گذر ائیله ال دوت بیزی قورتار بو دنی نفسین الیندن دیللرده وفا شعله سینی پر شرر ائیله هر کس سنه اوز دردینی بیر جور ائدیر اظهار من عبد خطا کاره ده هر آن نظر ائیله #فطر #هوشمند #مدهوش

فراق رمضان یارب نظر ائت فصل کرامت گئدیر الدن افسوس اولا که ماه عبادت گئدیر الدن مین آیدان اولان قدریده افضل شب قدری الله آیی ایام هدایت گئدیر الدن سیراب ائله دی قلبلری چشمه ی قران قرانیله چون جهل و جهالت گئدیر الدن شهر رمضان آچدی گوزل سفره سین اما قویدی بیزی بیر ایل یئنه حسرت گئدیر الدن به به واریدی ذکر و مناجات و دعاسی صبحونده اولان عطر و طراوت گئدیر الدن باشدان باشا عاصی لره اومّید آییدی نومید ائلمه نعمت و قسمت گئدیر الدن عزت واریدی وقت اذان سفره باشیندا ائولرده اولان شور و حلاوت گئدیر الدن یارب کرم ائیله نظر لطفیوی کسمه چون عشقیویله کبر و منیت گئدیر الدن درگاهیوه مین دفعه ده شکر ائیلسم آزدی توفیقین اگر اولماسا عزت گئدیر الدن عفو ائیله بیزی پنج تن آلعبایه تا واردی بو آی رحم ائله فرصت‌ گئدیر الدن بایرام گلیری ائیلمه هیچ بیر کسی نومید لطفونله اورکدن غم و حسرت گئدیر الدن یارب بیزه دنیا بویی وئر صبر و بصیرت صبر اولماسا هر قلبیده طاقت گئدیر الدن هر شام و سحر روحیمی مدهوش ائله یارب غفلت ده عجب عمر موقت گئدیر الدن #هوشمند #مدهوش

معلم آی الیمدن دوتوب یازماق اورگدن حیاتین باغینا باغبان معلم یاشایشا آچان تازا پنجره آخار چایلار کیمی روان معلم ********* سنسن اورکلرده طوفان ائیلین محنت چکیب درده درمان ائیلین وارلیقینی بوتون احسان ائیلین سنه جانلار اولسون قربان معلم ******************** سنیین یولون انبیانین یولودور سینه نن علم و حقیقتله دولودور شاهلار بوتون معلملر قولودور مدیوندور سنه انسان معلم ********************* سنسن منی جهالتدن قورتاران سنسن منه اوز آتامدان مهربان افتخار ائیلرم سنه هر زامان ای آیدین زحمتی پنهان معلم سعادت یولون چراغی سنسن مصیبت گونون دایاغی سنسن شرافتین یانار اوجاقی سنس محبت مولکونه سلطان معلم بسله دین سن منی محبتیله نجابت اورگتدین صداقتیله عمرینی وقف ائتدین شرافتیله صبرینه قالمیشام حیران معلم #محمد_هوشمند #مدهوش

قلم یازاندا هاچان شام ماجراسیندن گلر نوایه اورک ظلم و ابتلاسیندن نه شام شام ائلدی اهلبیت گوندوزونی بلا غباری یاغیردی باشا فضاسیندن نه شام دشمن ال علی و آل الله واریدی کینه لری دیلده آل یاسیندن عنان قافله نی چکدی ساربان اویئره گوروم خراب اولا بو عالمی بناسیندن خرابه یئر قوری توپراق دا نازنین بالالار نه چکدی آل علی دشمنین جفاسیندن دگردي ديل ياراسي قمچي ياره سي اوسته دولاردي گوش فلك قيزلارين نواسيندن غذا دويونجا وئریلمزدی اهلبیته ولی بيان حال ائلمزدی بیری حياسيندن قاپويا چيخمازدي اول خرابه دن بالالار ائدردي شرم و حیا گيديگي لباسيندن مگر اوشاقلارا بیر کس وئره بیلیردی جواب سوال ائدنده گوزي ياشلي اوز باباسيندن خرابه گرچی پریشانیدی ولی هر گون صفا تاپاردي حرم اهلینین دعاسيندن بابا بابا سسی داغلاردی زینبین قلبین خبر یوخیدی داخی خویش و اقرباسیندن رقیه بیر گئجه آختاردیقین تاپیپ یوخودا بیان حال ائلییب رنج و ابتلاسیندن اسیر عشق و محبت وصال یاره چاتیب یئتشیدی کامه بیر از یار اشناسیندان آییلدی تا یوخدان حیف اولا یاتیب بختی گوروب کی یوخدی خبر یار با وفاسیندن دوشوبدی باشینه سودای وصل یار اول دم بابا سراغینی دوتدی غم آشناسیندن سیزیلدیاندا اونا عرش و فرش سس وئردی گلیب دی نالیه یئر گوی اونون صداسیندن دگیب دی بیر بیره نظم عوالم امکان او غصه لی بالانون وای بابا نداسیندن بابا نه نوعی سسین آلدی دادینه یئتدی گلوب خرابیه دوتسون خبر بالاسیندن صفا تاپیب دی خرابه یارالی مهماندان اگر چه قانی آخوردی دوداق یاراسیندان گورنده طشتیده حق جلوه سین اوخردا بالا ال اتدی باشینه اودلاندی ماجراسیندن دولاندی غصه لی پروانه شمعینین باشینا آچوبدی دفتر هجرانی ابتداسیدن گورنده مهر ولا قانیله کسوفه دوشوب دویوبدی جانه اولوم ایسته دی خداسیندن یانا یانا دئدی خوش گلمیسن یارالی بابا دانیش منیله بیرآز باشیوین بلاسیندن فدا اولوم سنه بو حاله کیم سالیب باشیوی آییردی کیم من مظلومه نی آتاسیندن کسیبدی کیم بابا جان بوینوون دامارلارینی منی یتیم ائلدی کینه و جفاسیندان خرابه یئرده داخی تنگه گلمیشم باباجان واریم دی چوخلی سوزوم شامین اشقیاسیندن کناره گئتمه داخی قالمیوب فراقه دوزوم قوتار رقیوی شامین بو بد هواسیندن شیرین دیلیله خانیم دردینی بیان ائله دی دویونجا کام آپاریب یار مه لقاسیندن آلیب قوجاقه دمادم اوپردی عشقیله بابا سينون دوداقيندا آقاج ياراسيندان سینیق قانادینی پروانه اوتدا یاندیردی ستاره تک سوزولوب دی گونون قفاسیندن خموش اولدی او بلبل گولین قوجاقینده اوچوبدی طایر روحی او خوش نماسیندن باخیب رقییه زینب بولود کیمی دولدی توکوب سرشکی اوزه چشم غمفزاسیندن چاغیردی گل باجی کلثوم گل بالام اولدی ند ندی گلمیری سس باغ غم هماسیندن یغشیدی اهل حرم آزقالیب دی محشر اولا چتین دی آیریلا هر کیسه دلرباسیندن آلیب قوجاقه دیردی آناسی حسرتیله فلک آییردی من زاری دلرباسیندن خرابه گنج وفا و حیانی گزلتدی صفا تاپیپ او مکان گوهرین صفاسیندن رقیینین اولومی آیری انقلاب اولدی یزید کاخینه لرزه سالیب بناسیندن شكسته قافله نين انقلابي وئردي ثمر ضمانت ائلدي ديني حسين عزاسيندن #محمد_هوشمند #مدهوش ارسالی شاعر بزرگوار جناب هوشمند(مدهوش)

قوتاردي كوفه غمي آیری غم یازیب خامه چكوبدی قافله عشقی ساربان شامه یوخيدي اذن بيري ائيله سین نوا يولدا يانان ياناردي غم و درده بيصدا يولدا كيمن صداسي اوجالسيدي ني كيمي بير آن ووراردی باشینه قمچیله اشقیا یولدا گیدیردی شامه طرف قافله پریشان حال يوخيدي قافیلیه بير غم آشنا يولدا نئجه چتیندی سفر، اولسا ساربان قاتل مگر اولاردی اورک غصه دن رها یولدا گئدیردیلر يولي گوزیاشلی ديل لري داغلي شهيد اولانلارا دوتموشدولار عزا يولدا یارالی باشلاریلا همدمیدی اهل حرم گئدوردی شامه طرف خویش و اقربا یولدا باخاندا حسرتیله نیزده اوغول باشینا ائدردی درد دل آهسته هر آنا یولدا باخیردی اهل حرم دمبدم حسین باشینا او باش ائدوردی اورک دردینه دوا یولدا اوشاق بیوک هامی مشتاقیدی تلاوتینه وئره اورکلره بیر رونق و صفا یولدا گئدوردی سرعتیله شامه عشق قافله سی واریدی جلوه آیات کبریا یولدا مسیریده دایانیب قافله یول اوستونده هامي تعجب ائدوب وار نه ماجرا يولدا تکان یئمیر داخی سر نیزه ده کسیک باشلار نقدر زور وئریر حامل جدا یولدا نه وار مگر حرکتدن دوشوب زمین زمان ائدیب حسین باشینا عالم اقتدا یولدا قویوبدی اهل جفانی بو امر حیرتده گزردی چاره بو اعجازه برملا یولدا خلاصه بیلمدی بیر کس بو سرّ عظمانی اولوب دی حضرت سجاد رهنما یولدا بویوردی قافله دن آیریلیب قالان واردی بابام نظاره ائدیر خردا قیزلارا یولدا چاغیردی بیر بیر آدیلا حرملری زینب گوروبدی وئرمدی سس نازلی بیر بالا یولدا یانیب یانان اورگی نی کیمی فغانه گلیب اولوب دوباره غم و درده مبتلا یولدا یانا یانا دیدی الله بالام هایاندا قالیب آدامسیزام نه ائدیم من گئدیم هارا یولدا بالام تاپولماسا دنیانی یاندریب یاخارام اولونجه ائیلییرم شیون و نوا یولدا گوروبله قافله لنگ اولدی قالدیلار ناچار مصمم اولدولا مشکل اولا روا یولدا ائدیبئله تاپماقا زجر ستمگری مامور گلن مسیری قیتدی او بی حیا یولدا تاپيب گتیردی نه حالدا او نازنین بالانی گلیب پیاده، ایاقلار اولوب یارا یولدا یئتیشدی قافلیه نیزیه طرف قاچدی يا نا يانا ديدي قالمیشدیم آی بابا يولدا یورولموشام منی لطفیله بیر دانیشدیر سن دئیوم گلیب باشیما هر نه ابتلا یولدا بابا گوزوندن ایراق گلمیشم پیاده یولی گتیردیلر منی قمچی ورا ورا يولدا بي بي مه بيرده سفارش ائله بو خونجگري کی سالماسین بئله گوزدن او با وفا يولدا اگر چی زحمتیمی چوخ چکیب خانیم عمه م محبتلیه ائدیب گوگلومی رضا یولدا یئتیرسه شامه منی زحمتیم تمام اولاجاق گر اولماسا گل عمریم بئله فنا یولدا یزیدی خوار ائله سم آرزومه من چاتارام همیشه لیک یومارام گوز خرابه ده یاتارام زمانه گر چه منی ائتدی درد و محنته توش خرابه شامیده دنیانی ائیلرم  #مدهوش #مدهوش #هوشمند

#ورود_مدینه ای اهل یثرب آگه اولون کاروان گلیر زینب گلیر بو شهره ولی باغریقان گلیر بیر قافله که گئتدی گئجه چوخ جلالیله ایندی شکسته حالدا همان کاروان گلیر همت له تئز چیخین قاباقا پیشواز ائدین یولار یوروبدی کیم گلیری خسته جان گلیر چوخ غمفزادی قافله نین یوخ جوانلاری هر بیر آنا و یا باجی قدی کمان گلیر پیشوازه کیم گئدیر قره گئیسین ملالیله آلعبا اورک دولی درد نهان گلیر کرب و بلانی ائتدی وطن گلمه دی حسین یاس دوتماقا او تشنه لبه بانوان گلیر بوندان صورا مدینه داخی قالمالی دگیل گولشن ده گر گول اولماسا بوی خزان گلیر عباس و عون و فضل وعلی اکبر جوان گلمیر ولی قولاقلارا صوت اذان گلیر یوخدور ربابین اصغری آغوشی بوش قالیب قونداقه لای لای دئیور اول مهربان گلیر پیشوازه کیم گئدور صود امر طفل آپارماسین چونکه ربابه طفل سسی چوخ گران گلیر پیشوازه ائدنده سعی ائلییون شادلیق ائتمییون یاسه باتیب آنا باجیلار نوحه خوان گلیر هر بیر آنا کی حسرتیله سسلیر اوغلونی فریاده ناله سینده زمین و زمان گلیر شاماتیده بلایه دوشوب آل مرتضی داغلی اورکدن اود کیمی آه و فغان گلیر تاراج اولوبدی گلشن حق باد ظلمیله غرق ملال اولوبدی گلن باغریقان گلیر زینب گلیر ولی آغاروب زلفی قدّی خم اولموش اورک قانی یوزه سو تک روان گلیر بو کارواندا سید سجاد دور فقط جمع رجالیدن که گوزی خونفشان گلیر اولدوردی اهل کوفه سوسوز میهمانلاری اولدی اولن بیر عده جانین قورتاران گلیر زهرا مزارینه یئتیرین قانلی کوینگی یعقوبه یوسفیندن او عالی نشان گلیر اُم البینه بو خبری کیم مگر دییه ر عباس اولوب دی قافله بی پاسبان گلیر صبر ائیله سین بو غمده نئجه مهربان آنا دورت اوغلوون اولوم خبری ناگهان گلیر اهل مدینه گلدیله پیشوازه دل غمین تصویره هانسی ذهنیده بو داستان گلیر بیر حاله قالمیشدی حرملر تانینمادی یاده دوشنده آه چو اتشفشان گلیر عالم بیلیر حسین قانی یئرده دور هله یول گوزلییون که منتقم حق هاچان گلور مدهوش اولور یازاندا قلم آیریلیق سوزون جوهر مثالی نوک قلمد ن ده قان گلیر #محمد_هوشمند #مدهوش