ولادت حضرت امام زین العابدین علیه السلام
(ای صفای قلب زارم)
پنجم شعبان گلوبدی
عالمه سلطان گلوبدی
گَلون ای درده دوشن لر
دردلره درمان گلوبدی
گلوب زِینُ العِباد
شَهِ والا نَهاد
گورنده گول یوزون
اورکلر اولدی شاد
علی بن الحسین
شاد ایدوب خالق حسینی
واردی دیلده شور و شِینی
گورنه زیبا خلق اولوبدی
شهربانو نورِعینی
جَمالی مُنجَلی
اولار خَلقه وَلی
عزیزِ فاطمه
آدین قویدی علی
علی بن الحسین
آدینین وار چون صفاسی
اولموشام من مُبتَلاسی
فخر ایدر دنیاده اولسا
حاتَم طائی گداسی
سخاوت معدنی
کرامت مخزَنی
گَل ای درده اسیر
آقا قووماز سنی
علی بن الحسین
دیللره مولا صفا ویر
دیلده کی درده دوا ویر
آناوا خاطر بو جَمعه
بیر بقیع بیر کربلا ویر
گوزوم قویما دولا
بو (بیکَس) لر سولا
دعا ایله هامی
وهابی مَحو اولا
علی بن الحسین
#امام_سجاد_علیه_السلام
#پنجم_شعبان
التماس دعای فرج
الاحقر مهدی عبادی
🌸ولادت امام سجاد (علیه السّلام)🌸
✍️ شاعر علیرضا علوی زنجانی
🎶آهنگ :«شیرازی»....
شیعه شاد اولدی بو گون پنجم شعبان گلدی جان گلدی
بعد عباس حسین قبله عرفان گلدی. جان گلدی
قدوموندن مدینه اولوب گویچک
گل بایرامون سجاد آقا مبارک
گلدی دنیایه بوگون حیدر کرار اوغلی یار اوغلی
فاتح خیبرون اسلامی فداکار اوغلی. یار اوغلی
شهدا سیدونون پاک و وفادار اوغلی یار اوغلی
قدوموندن مدینه اولوب گویچک
گل بایرامون سجاد آقا مبارک
ای ویرن عالم امکان صفا. یا سجاد. یا سجاد
گهر ناب گل شاه ولا یا سجاد. یا سجاد
فخر ایدر مقدمیوه ارض و سما یا سجاد یا سجاد
قدوموندن مدینه اولوب گویچک
گل بایرامون سجاد آقا مبارک
شهربانو دی آنان فخریدی ایرانلارا یا مولا یا مولا
بیزه دامادیدی شاه شهدا یا مولا یا مولا
سنی سسلر بو گیجه شاه و گدا. یا مولا یا مولا
قدوموندن مدینه اولوب گویچک
گل بایرامون سجاد آقا مبارک
دونوب عالم بو گیجه گلشنه ماشاالله. یا الله
یغیرعاشقلری گل دامنه ماشاالله. یا الله
افتخار ایلری ایران سنه. ماشاالله. یا الله
قدوموندن مدینه اولوب گویچک
گل بایرامون سجاد آقا مبارک
✍️ شاعر علیرضا علوی زنجانی
#اعیاد_شعبانیه
#پنجم_شعبان
#ولادت_امام_سجاد_علیه_السلام