نوحه وفات حضرت زینب ای منیم سروریم ابوالفضل یولدادی گوزلریم ابوالفضل شامیده دوشموشم ایاقدان داده گل یاوریم ابوالفضل زینبین گوزلری باخور یوللاریوه هارداسان قربانام اوزون قوللاریوه عالمین ایشلری عجبدی گوندوزی یاره تیره شبدی کربلا حسرتیم اورکده رحلتیم نیمه¬ی رجبدی گل دوشوب کربلا هواسی باشیما باجیوام واردی چوخ سوزوم قارداشیما گل یاتان بختیمی اویاندور زینبی قبلیه دولاندور گون باتور جان گلوب دوداقه شامیده شمع هجری یاندور زینبین قلبی غصه¬دن دینجله جاق ئولورم یاسیمه منیم کیم گله جاق؟! دلده وار چوخ سوزوم حسینه هی دیردیم ئوزوم حسینه جان چیخان وقتیده یومولماز دوشمه سه گر گوزوم حسینه ای دوشن اللری بدندن من اوزاق دوشموشم وطندن نه سنی نه حسینی گوردوم دوت خبر مشکله دوشندن سنده دی دردینون دواسی باجیوین گلمسن خوار اولار عزاسی باجیوین موضوع: #حضرت_زینب سبک: #اصغریم_ای_شیرین_زبانیم شاعر: #کلامی_زنجانی

نوحه امام علی علیه السلام امیر المومنین ای حجت حق شاه مردان اولا جان دو عالم سن کیمی مولایه قربان حبیب دلرباسن عزیز مصطفی سن پناه اهل عالم علی مشکل گشاسن شعاریم علی نگاریم علی هامی درده دواسن قویوب درگاهیوه یوز جمله انسان و فرشته قسیم النار و الجنة محکسن خوب وزشته سنی کیم تاپسا مولا یول تاپار باغ و بهشته ائدرسن بیر نگاهیله هامی موری سلیمان حبیب دلرباسن عزیز مصطفی سن پناه اهل عالم علی مشکل گشاسن شعاریم علی نگاریم علی هامی درده دواسن آق قربانون اولام بو دل سوزان سنوندی کیچیک سربازیوم من باشسنوندی جان سنوندی ولی اللهسن سن عالم امکان سنوندی وئربدی اختیاراتیسنه خلاق سبحان حبیب دلرباسن عزیز مصطفی سن پناه اهل عالم علی مشکل گشاسن شعاریم علی نگاریم علی هامی درده دواسن علی جان باخ بیزه صدیقه کبرایه خاطر قاپوندان قوما بو عاشقلری زهرایه خاطر ائله آینده می تضمین شب احیایه خاطر سوزون سالماز یئره حق ای وجودی حقه برهان حبیب دلرباسن عزیز مصطفی سن پناه اهل عالم علی مشکل گشاسن شعاریم علی نگاریم علی هامی درده دواسن صف محشرده هرکس ئوز نگارین آختاراندا اوجادان سسلرم وار حیدرین عشقی بو جاندا الیمدن دوت آقا ساخلا منی ظل اماندا ولایت نوریوی سال قلبیمه ای مهر تابان حبیب دلرباسن عزیز مصطفی سن پناه اهل عالم علی مشکل گشاسن شعاریم علی نگاریم علی هامی درده دواسن موضوع: #امام_علی علیه السلام سبک: #چو_گیسوی_تو شاعر: #کلامی_زنجانی

اربعین حاج ولی الله کلامی دوریارالی زینب بی یاریوم قرخ گجه گوندوزدی عزاداریوم گلدیم حسین وای دیم/اصغره لایلای دیم ای سسیمه سس وئرَنیم آچ گوزون یوسف بی پیرهنیم آچ گوزون شهیدخونین کفنیم آچ گوزون هم سنه مهمان همی زواریوم نهرفراتین سویی حیران آخور اشگی ربابین اودی هرآن آخور وای اورگیندن باجیوین قان آخور دور سو وئریم غملی پرستاریوم من باشیما قاره سالان زینبم کوینگون اللردن آلان زینبم هم قوجالان هم اوجالان زینبم یوخدی ابوالفضلون علمداریوم عهدیمه ایفا ائلیوب گلمیشم کوفه ده غوغاائلیوب گلمیشم دشمنب رسواائلیوب گلمیشم حقّیوی احیا ائلین یاریوم من بو چولون عاشق وشیداسیم زینب آدیم قاف غم عنقاسیم کرب وبلانین قوجا زهراسیم آنام کیمی محرم اسراریوم اصغره لایلای دئسه لر مین کتاب اولماز آنا لایلایی ای خوش مآب نیلوم اوزاقدا دایانوبدی رباب سسلور آقا منده دل افکاریوم نازلی رقیه ن ساچینی هورمدی باشیوی آلدی منه ده وئرمه دی قبریوی افسوس،او بالان گورمدی دییردی هی حسرت دیداریوم من ره تقواده قدم ویرمیشام نقشه لره نقش عدم ویرمیشام کوفیه اود شامه علم ویرمیشام حافظ آئین ومددکاریوم سن ائلدون قانیله دِینون ادا ای اوآخان قانووه جانیم فدا ئولمیاجاق حماسه ی کربلا مُبلّغ ایده و افکاریوم #اربعین #کلامی_زنجانی

﷽ «من زار قبر عبدالعظيم الحسني بِرِيْ، كمن زار الحسين بكربلا» شعر جدید ترکی «تقدیم به ارادتمندان سیدالکریم حضرت ابوالقاسم عبدالعظیم حسنی» «سیدالکریم» ای ری ده قوزیان علم ای سیدالکریم دلبسته‌دی سنه عجم ای سیدالکریم قوی گوزلر اوستونه قدم ای سیدالکریم گلدیم مزاریوی ئوپم ای سیدالکریم من سائلم سَن اِئت کرم ای سیدالکریم معصومیدندی بو خبر ای حامی ولا عبدالعظیمه کیم گله ری ده قوناق اولا گویا اولوبدی زائر سلطان کربلا آری بو آستاندا مس دل اولار طلا عرض ائت جناندی بو حرم ای سیدالکریم شکر اللها که ساقی جان می ویروب بیزه آهنگ نینوا اوخیان نی ویروب بیزه رب الکرم نه‌ایسته میشوخ هی ویروب بیزه ایراندا کربلا عوضی ری ویروب بیزه وِئر عاشق حسینه دم ای سیدالکریم ای دینینی ارائه ویرن ئوز امامینه ای مرحبا امامی دیین خوش مرامینه گیتدون او گون که حضرت هادی سلامینه حضرت ولیّنا دیدی سن تک غلامینه عالم غلامون اولدی هم ای سیدالکریم عرض ایله دون سنه آقا واردی ارادتیم سندن قاباقدا دوقوز امامیمدی حجتیم حضرت دیدی ادامه لی دی بوبشارتیم مندن صورا حسندی صورا مهدی عزتیم یاروندی اون ایکی حکم ای سیدالکریم سن جنت النعیمدن اسمیش نسیم‌سن نسل جدیده آیت عهد قدیم‌سن چوخدور کرامتون حسنی سن کریم‌سن اعظم جلال حضرت عبدالعظیم‌سن نجل الامام محترم ای سیدالکریم مولا دعا ایله شهدا دن توان آلاخ بیرگون بقیعیده حسنه بیر حرم سالاخ قلب مدینه ده علم نصرتی چالان قویماز امام عصر یانوب منتظر قالاخ سنده اله گوتور قلم ای سیدالکریم یاز تذکره بقیعه گیداخ یابن مجتبی آل سعود گوزلرینه اوخ وراخ آقا بیر صحنیده سنون آدیوا ایلیاخ بنا لبیک یاحسن سسی افلاکه قوزانا سن امر ایله دیاخ نَعَم ای سیدالکریم شوالین اون بشینده سن اولدون شهید حق قانون ظلمی ایتدی قضا عطف ماسبق یعنی احد ده غملر آلوب حمزه دن رمق تاریخه سینه داغلی «کلامی» ورار ورق اوننان عطاوی ایتمه کم ای سیدالکریم #کلامی_زنجانی

نوحه حضرت زهرا علیها سلام گلعذاریم زهرا هواداریم زهرا منی قویما تنها علی بی کسدی گوزیوی سست ائتمه الیمدن گَل گئتمه دؤنوب باغرین قانه ئورگیم اَسدی خداحافظ زهرا 3 ، یارالی زهرا سنی دشمن یوردی منه خاطر ووردی نگاریندن اولدی علی شرمنده فدک الدن گئتدی توان دلدن گئتدی گولوم اولدی پرپر سولان گلشنده سنی زینب جانی حسینون افغانی گوزون آچ بیر لحظه گوزوم وار سنده خداحافظ زهرا 3 ، یارالی زهرا بو غروبین وقتی، غروب ائتمه زهرا که سن برج عشقه مهِ یکتاسن آغاروبدی باشون وار اون سگّیز یاشون نه تئز دوشدون دلدن گل طاهاسن سوروشان یوخ حالون سینوب قوش تک بالون گَلن یوخ دیداره عجب تنهاسن خداحافظ زهرا 3 ، یارالی زهرا داریخوبسان بیلّم گوزون یاشون سیلّم سنی اهل بطحا یادا سالمولّار بو مدینه اهلی اولوب کینه اهلی سلامه گلموللر قاپون چالمولّار سنه من همدردم دچار نامردم بو شهر اهلی مندن سلام آلمولّار خداحافظ زهرا 3 ، یارالی زهرا موضوع: #حضرت_زهرا علیها سلام سبک: #یخیلوب_عباسیم شاعر: #کلامی_زنجانی #کانال_ترکی_مجمع_الذاکرین

نوحه امام هادی علیه السلام ظلم متوّکلدن اولوب برهم عوالم مسموم ائلیوب حضرت هادینی او ظالم ایا حضرت هادی آزاده علی النقی اُل نور هدایت بعد از آتاسی ایتدی اوتوز اوچ ایل امامت قرخ آلتی یاشیندیدی ایچوب شهد شهادت رحلت ایلدی دهریدن اُل عامل و عالم آلدی باشینی عسکری اوغلی دیزی اوسته ییرمی ایکی سسننده جوان قلبی شکسته عرض ایلدی بابا ائلیوب غم سنی خسته گوردوم سنی بو حالیده سیندی پر و بالیم خون دل زهرانی فلک اشکه قاتوبدی هادی بالاسی سامره شهرینده یاتوبدی غربتده یاتوب ائللرینی گوزدن آتوبدی یانّام او غریبه توکولر اشک زلالیم هرچند که مسموم ایدوب اُل حضرتی اعدا ظلم آتشینه خیمه لری یانمادی امّا ای دل او حسیندور که قالوب بی کس و تنها سسلردی سپاهیم داغلوب غملی دی حالیم موضوع: #امام_هادی علیه السلام سبک: #ما_در_دوجهان شاعر: #کلامی_زنجانی

#شهادت_حضرت_رقیه_سلام_الله_علیها 🏴#سبک_همه_جا_بروم 🎤کربلایی سعید سلطانی #کانال_ترکی_مجمع_الذاکرین ▪️▪️▪️▪️▪️▪️▪️▪️▪️ باشیما چک الون، روحمون همدمی من یاتا بیلمورم، گئجه نین عالمی چخاجاق جانیم بیلورم عمه ئولورم عمه ئولورم عمه هی دیردیم قوناق، اولا یار کاش منه وئردیلر طبقده ، بیر کسیک باش منه بو باشین یو لوندا ، چوخ دیوب داش منه غملریم آغلادار ، کوثر و زمزمی چخاجاق جانیم بیلورم عمه ئولورم عمه ئولورم عمه کیم گوروب عمه جان من گورن گونلری حالیم ایلور بیان ، باشیمون معجری قالدی یولدا گوزوم ، گورمدیم اکبری گلسه جان وئرنده ، بالاوین نه غمی چخاجاق جانیم بیلورم عمه ئولورم عمه ئولورم عمه آند وئرم بی بی ، عمومون جاننا ربابین آهینا ، اصغرین قاننا دعا ایله گئدیم ، بابا مون یاننا در ویرانیه ، وور قرا پرچمی چخاجاق جانیم بیلورم عمه ئولورم عمه ئولورم عمه آجیقلاندی منه دشمن آغلیاندا شمر امان وئرمدی ، سینه داغلیاندا شامین یولاریندا ، یاره باغلیاندا نفرینیم دوتاجاق ، خصم نامحرمی چخاجاق جانیم بیلورم عمه ئولورم عمه ئولورم عمه قوش سسون سسیمه ، چاغوراخ ئللری دیوللر عمو مون ، کسیلوب اللری سسله بابام گله ، آچا مشکللری آیریلیق غصه سی ، چوخ سیخوب سینه می چخاجاق جانیم بیلورم عمه ئولورم عمه ئولورم عمه شاعر: #کلامی_زنجانی

#اربعین #ترکی 🎤کربلایی سعید سلطانی #کانال_ترکی_مجمع_الذاکرین ▪️▪️▪️▪️▪️▪️▪️▪️ پریشان گلمیشم آی قارداش نوا خوان گلمیشم آی قارداش دور ایله زینبی استقبال که مهمان گلمیشم آی قارداش دیار شامه غوغا سالدیم ابوالفضلیمدن الهام آلدیم دمشقه قاره پرچم چالدیم شتابان گلمیشم آی قارداش مگر بو فراقه دؤزوم وار ابوالفضله گیزلین سؤزوم وار ئوزون قولّلاریندا گوزوم وار هراسان گلمیشم آی قارداش موضوع: #اربعین سبک: #نسیمی_جانفزا شاعر: #کلامی_زنجانی

نوحه حضرت عباس گوزلرون قربانی ام گَل هرایه یا حسین سال نظر دلدن دوشن خاک پایه یا حسین گَل آنام زهرا گلوب کربلایه یا حسین دگدی اوخ مشکیم جالاندی یا حسین داده گل باش پارچالاندی یا حسین یا حسین جان یا حسین بیر نگاهون سیدی مین جهانه وئرمرم دامنون من الدن ای نازدانه وئرمرم گلمسن بو جانی من جانسِتانه وئرمرم قلبیمه غملر قالاندی یاحسین داده گل باش پارچالاندی یا حسین یا حسین جان یا حسین آند اولا آل الله¬ین بانگ یا زهراسینه آند اولا جانانیمون فیض عاشوراسینه عاشقم دلداریمین دیده¬ی شهلاسینه عاشقین عشقی قالاندی یا حسین داده گل باش پارچالاندی یا حسین یا حسین جان یا حسین موضوع: #حضرت_عباس سبک: #از_زمین_و_آسمان شاعر: #کلامی_زنجانی (با تغییر)

نوحه اربعین دور حسینیم شامیدن موكب گلور اربعینه غم چكن زینب گلور جان حسین عطشان حسین قبریوه قربان حسین ای بو صحراده چاتان آمالینه من فدا درباریوین اجلانیه دور ایاقه باخ باجون احوالینه اهلبیتین دیده ی سیالینه محرم غم كاشف مطلب گلور جان حسین عطشان حسین قبریوه قربان حسین یتدون عاشورا گونی سن مقصده بیزدن آیریلدی باشون سرنیزه ده گلدیم آردونجا عزیزیم غمزده اول یارالی باشی گوردوم كوفه ده نیزه ده چون ماه در عقرب گلور جان حسین عطشان حسین قبریوه قربان حسین ایتدی طاغیان كوفه ده بحر فساد سالدی زندانه بیزی ابن زیاد نطق ایدوب ویردیم شعار اعتقاد یعنی آئین حسینی زنده باد گوردولر احیاگر مكتب گلور جان حسین عطشان حسین قبریوه قربان حسین حق دیوب خوار ایلدیم بیگانه نی خوفه سالدیم زاده مرجانه نی شامه گیتدیم تا آلام ویرانه نی اوردا گوردوم شمعیله پروانه نی اوخشادون شمعه كه وقت شب گلور جان حسین عطشان حسین قبریوه قربان حسین طوره دوندردون خرابه منزلی تاپدی رونق اهلبیتین محفلی گوردی، حل اولدی رقیه مشكلی خیر مقدم سویلدی شیرین دلی جسم عشاقه او غمدن تب گلور جان حسین عطشان حسین قبریوه قربان حسین موضوع: #اربعین سبک: #کربلاده_بوگئجه شاعر: #کلامی_زنجانی

ذاکر اهل بیت(ع)کربلایی پرهیزکارنوحه اربعین ای گل زهرا حسین، شمع عاشورا حسین من سنه پروانه¬یم بی قرارم یا حسین زینب آغلار قبرون اوسته دلغمین گلدی یولدان کاروان اربعین یا حسین جان یا حسین ای شهیدان سروری زینبین بال و پری خلقتین زیب و فری عالمین تاج سری گلدی لیلا شامیدن سسله دورسون اکبری زینبه ناز ایلمه ای نازنین گلدی یولدان کاروان اربعین یا حسین جان یا حسین ای شه دور از وطن یوسف بی پیرهن کوفیه گئتدی باشون قالدی مقتلده بدن دور گتوردوم کوینگون یاتما قارداش بی کفن کوینگون سویموشدی تندن اهل کین گلدی یولدان کاروان اربعین یا حسین جان یا حسین سن رهِ حقده گؤزل امتحان وئردون حسین جانیوی جانانیوه ارمغان وئردون حسین چوللره آخدی فرات تشنه جان وئردون حسین سسلر عاشقلر بو عشقه آفرین گلدی یولدان کاروان اربعین یا حسین جان یا حسین موضوع: #اربعین سبک: #از_زمین_و_آسمان شاعر: #کلامی_زنجانی (با تغییر)

ذاکر اهل بیت(ع)کربلایی پرهیزکارنوحه اربعین یا حسین دور نوایه گلدیم ئولمَدیم کربلایه گلدیم اربعین دوتماقا عزیزیم قبرین اوسته عزایه گلدیم آیریلیق غملی سرنوشتیمدی منیم زینبم! کربلا بهشتیمدی منیم من حسین هجر اودوندا یاندیم شامی هم کوفه نی دولاندیم منطق فاطمیله قارداش عترته آبرو قازاندیم قویمادیم آل هاشمی خوار ائدلر پرچم نهضتین نگونسار ائدلر بو همان دشت غمفزادی سر به سر ناله و نوادی غملیدی صحنه سی فراتین سو دیمه آتش عزادی نهر علقم آخور هله ئوز باشینا باخمور هئچ زینبین آخان گؤز یاشینا دیمدیم گلمدی رقیه سسلدیم گلمدی رقیه اصغریم جان وئرنده گولدی آغلادی گولمدی رقیه من اونون نازلی گوزلرین باغلامیشام قبرینی شامیده قازیپ آغلامیشام موضوع: #اربعین سبک: #اصغریم_ای_شیرین_زبانیم شاعر: #کلامی_زنجانی