✅زنده یادحاج محمدباقر منصوری ✅روضه خوانی ورود به کربلا ✅شب دوم محرم ۱ 🔴حسینیه مکتب العباس(ع)تهران

آلتی آیدی آنان رباب آچاراوغلوم بلر سنی سنده صبر ایت سوسوزلیقا بالا قویما ملر منی(2) صودامرلر لای لایا یوخلار سوا گیتمه حرمله اوخلار آغلاما لای لای اصغریم(2) سینمه دیرناقون دییب سویوخومدی یوام قانی الرین باغلرام اوغول اولمییدی بودنیانی(2) چاره یوخدور ربابیده اینجیمه سن باجین جانی بویانان لبلرون کیمی علی یانسون بودشمنی بالا قویما ملر منی صودامرلر لای لایا یوخلار سوا گیتمه حرمله اوخلار آغلاما لای لای اصغریم(2) ✨اَللّهُمَّ عَجِّل لِوَلیِّکَ الفَرَج✨ #محرم1402 #شیر_خوارگان #هفتم_محرم

زبانحال حر (ره) کریمی مراغه ای . ای نورِ چشمِ مصطفیٰ، التّوبه توبه ای زاده‌یِ خیرُالنّساء، التّوبه توبه . درگاهیوه گلدیم حسین، استغفرالله یا مَن شفیع المذنبین، استغرالله . . حرِّ غریبم رزملرده شهسوارم شاها ریاحی قومینه من افتخارم ایمدی قاپوندا بیر غُلامِ خاکسارم بیچاره‌ام زار و حزین استغفرالله التّوبه توبه (2) . . شاها بو چولده باشیوی سالدیم بلایه ای کاش ازلد‌ن گلمیییدیم کربلایه ائتمه بابان پیغمبره مند‌ن گیلایه یابن الامیرالمومنین استغفرالله التّوبه توبه (2) . . قورخوتدوم اهلِ بیتیوی ائتدیم هراسان باعث منم جمعیتون اولدی پریشان اوز ائتدیگیم اعمالیمد‌ن اولدوم پریشان اوللم خجالتد‌ن یقین استغفرالله التّوبه توبه (2) . . من بیلمه‌دیم مُنجر اولار ایش بو مقامه فکر ائیلدیم تنظیم اولار بیر صلح‌نامه بی‌دین جماعت اولدولار یاغی امامه قالدون بو چولده بی‌مُعین استغفرالله التّوبه توبه (2) . . شاها سنی وئرر‌م قسم خیرالنّسایه جدّون رسوله هم آنان شیرِ خدایه عفو ائت منیم تقصیریمی گئچ مُجتبی‌ٰیه عرض ائیلیر‌م من یا حسین استغفرالله التّوبه توبه (2) . . اولسون شریح‌ین قانیله ساقّالی الوان ائتدی جهاندا دینینی دیناره قربان اویدی اونون فتواسینه بیر عدّه نادان چکدی یوزیوه تیغِ کین استغفرالله التّوبه توبه (2) . . ال دامنوندن چکمر‌م ای شهریاریم یوز قویموشام درگاهیوه وار انتظاریم چوخ چوخ جسارت ائتمیشم وار اعتذاریم ای پیشوایِ مسلمین استغفرالله التّوبه توبه (2) . . نذر ائتمیشم ائتسون منیم حقّیمده احسان الان وئر‌م بو جانیمی عشقونده قربان گل سال یولا قربانیوی ای شاهِ عطشان ائیله منی قربانِ دین استغفرالله التّوبه توبه (2) . . کلاً کریم ‌الطبعسوز، سیز خانواده تقصیری اولسا هر کسین حدد‌ن زیاده نادم قَییتمز دورسا بو بابِ سخاده قَیترمه حرّی دل غمین استغفرالله التّوبه توبه (2)

🎧سلطان الذاکرین استاد سلیم موذن زاده 🎙التوبه توبه

🎆#سینه_زنی_ترکی_امام_حسین_ع 🎇#زنجیرزنی 🎆#کربلایی_صابر_رهنما 🎇#پیشنهادم 👌👌 سائل نالایقم من یا حسین ئوز سوزومده باقیم من یا حسین هرنه اولسامدا عزادارم سنه کربلا مشتاقیم من یا حسین 🎆گویلوم ایستور اصغره لای لای دئیم 🎇قتلگه ده آغلیوم ایوای دئیم عاشق عاشق اولسا دل عمان اولار گوز یاشی آخسا یوزه طوفان اولار بولمورم یارب نه حکمت وار مگر تل زینبده ئوکلر قان اولار 🎆گویلوم ایستور اصغره لای لای دئیم 🎇قتلگه ده آغلیوم ایوای دئیم گلشن کرب و بلاده گل آچوب نالیه دل . صحنیده بلبل آچوب ای صبا گیت دئه ربابه آغلاما سینه سلطاندا اصغر دل آچوب 🎆گویلوم ایستور اصغره لای لای دئیم 🎇قتلگه ده آغلیوم ایوای دئیم شور عشقی قلب و احساسیمده وار بحر غمده نچه الماسیمده وار گوزگوز اولسا دوز نظر سالسا گورر قان حناسی خیمه قاسیمده وار نه روادور سو چوله آخسون بیله یا رقیه آغلیوب ایوی دئیه ایندیده گویا دئیور عباس آقام نعشمی قارداش آپارما خیمیه 🎆گویلوم ایستور اصغره لای لای دئیم 🎇قتلگه ده آغلیوم ایوای دئیم 🎆هدیه به حضرت معصومه سلام الله علیها (صلوات)🎆 ┈••✾•🌿🌺🌿•✾••┈

▪️نوحه جدید #امیری_یاحسین 🎼سبک:ای صفای قلب زارم... ای پناه بی پناهان یاحسین ای شاه خوبان سنه ای زهرا بالاسی شیعیانین جانی قربان سنه من نوکرم / آدیوی سسلرم ئولونجه یا حسین/ قاپوندان گیتمرم حسین جانم حسین امیری یا حسین لرزه سالدن کائناته سَس یتیشدی شش جهاته یتیریبسن ای لب عطشان خضری سن آب حیاته قیامون زنده دی / آدون پاینده دی جهانین شاهلاری / قاپوندا بنده دی شوکتون ضرب المثلدی عزّ و شأنون بی بدلدی آلتی گوشه قبرون ارباب عرش اعلادن گوزلدی من اولدوم دلغمین / گدانین دوت اَلین آقا سن بیل آنان / چاغیر بو اربعین مدفنون چوخ دلگشادی قتلگاهون غم فزادی تل زینبده یانار دیل خیمه گاهون با صفادی اولاندان قحط آب / اولوب دیللر کباب گمان لایلای چالور / گینه آغلیر رباب عَلقم اوسته آی باتوبدی اشکیمی قانه قاتوبدی اوردا بیر غیرتلی سردار ایندی شرمنده یاتوبدی وجودی دوغرانیب / سینیخ قلبی یانیب گلنده خیمیه / سو مشکی اوخلانیب شَرف آل عباسن سن شه گلگون قباسن من یوزی قاره غلامم سنده شاه کربلاسن اَیا سِبط رسول / سنی جان بتول گدای (بیکَسم ) / منی ایله قبول ___ #امام_حسین_علیه_السلام #محرم_۱۴۰۳

🏴#نوحه 🏴#امام_حسین 🎤مداح :کربلایی مصطفی کامران @turki_nohemajma #کانال_ترکی_مجمع_الذاکرین

شب دوم محرم🥀 🏴ورودبکربلا-زبانحال امام حسین🏴 ✍من کلام منزوی اردبیلی بورا نینوادی زینب، بومکان نواسیز اوْلماز آدی کربلا اوْلان یر، بولورم بلاسیز اوْلماز بوزمین پاکه قانیم وئره‌ر آیری بیر اثرلر سوْرا قانلی تُربَتیمده‌ن گل آرزو در‌للر اؤپوب ال به ال جهاندا، اوْنی تُحفه گؤندرللر اوْلا هر مریضه قسمت، مرضی شفاسیز اوْلماز من اؤزوم خلیل عشقم، بورادور منای عشقیم اوْ فرات زَمزَمیمدیر، بومکان صفای عشقیم بوگل اوزلی اکبر اوْغلوم، اوْلاجاق فدای عشقیم کی خلیل اوْلان مناسیز، بومنا فداسیز اوْلماز بومکاندا سن قوْناقسان، منیم اصلی مسکنیمدیر بولور‌م ندور حدودی، هارا عین مدفنیمدیر باخ اوْ تلّ سند‌ن اؤتری، بوچوخور مکان منیمدیر هارا سالک طریقت، گیده رهنماسیز اوْلماز اوْ فراتی کی گؤرورسن، بیزه گؤرسه‌دیر سیاهه منی سسلییور یتیرسوْن، سؤزونی بوبی‌پناهه کی گلین بیرآزسویومدان، آپارون اوخیمه‌گاهه دوْلانار مباح اوْلان سو، ستم وْجفاسیز اوْلماز اوجالوب سسی فراتین، ولی چوخلی باکنایه سویونی تعارف ایستیر، ائده سود امربالایه کی گل ایچ نقدر ایچیرسن، سوْرا ائیلمه گلایه قدغن اوْلاندا گلسن، بوْغازون یاراسیز اوْلماز باجی من کی شش جهات وْدوجهانه پادشاهم گر‌ک آلتی گوشه بیر قبر، ائده‌لر منه فراهم اوره‌گیم چوْخ ایستیر اوْردا یاتاق اکبریله باهم ائله بیرمزاریم اوْلسا، بئله مه لقاسیز اوْلماز باجی مند‌ن اؤتری شمره سن اوجاتما دست حاجت منی خنجرآلتدا گؤرسوْن، اوْنا ائیله‌مه سماجت دم خنجره ال آتما، الون ائیلمه جراحت ائله نطفه‌ی زنانین الی چون خطاسیز اوْلماز ✍شعراز: مرحوم رحیم منزوی اردبیلی 🎤حاج‌ مهدی لیثی

روضه حضرت رقیه (س) سیاحته مردم گیدر چمن یرینه سنون خرابیه باشون گلوب بدن یرینه دیسم خرابیه خوش گلموسن سزا دیوری رقیه نون ولی خوش گلمیسن ئولن یرینه ایاقلارینان اوپردیم اولیدی گر ایاقون بو قانلی باشیوین اولام فدا گلن یرینه اشیدمیشم چوخ اوپرمیش آنان بوغازوندان قویوم دوداقیمی قوی بیر آنان اوپن یرینه (بیر باخدی اویارالی باشا) نه یاخشی گوزلریوی یوموسان فدا گوزوه گوزون ساتاشموری بوینومداکی رسن یرینه دانشموسان بابا یوخسا دوداقلارون یارادی؟ فدا اولبلریون من آغاج دین یرینه من کربلادن هلهله دن قوخموشام بابا اصغر ئولنن حرمله دن قوخموشام بابا (زینب باخوردی گوردی رقیه دوشدی بیر یانا اوقانلی باشدا بیر یانا) به نفس گرم: شیخ مسلم جعفری

روضه حضرت رقیه(س) عمه جان هر قیز آنادان ارث آپارار رسمیدور بله سیلی و تازیانه ننمدن چاتوب منه (هم سیلی یمیشم هم تازیانه، اما بو بالا بیر ایش گوروب باخدی باخدی دیدی بابا ) نه اولار نیزه باشندا باشیوی اندیره سن بو رقیه بالاوی بیر یول ئوزون دیندیره سن باشیوون قانی آخوبدور قارشوب گوز یاشوا ایستیور نازلی رقیون ده دولانسون باشوا (زینب دییر وقتی که یارالی باشی گتدیلر ) آتا گلمیشدی قوناق محول عحب محویلیدی جمع شمع و گل و پروانه اودم کاملیدی بیر خرابه دولوسی بلبلودی بیر گلودی خردا بلبلر اوخوردی گله هجران سوزونی حیف تئز یومدی اونون خرداجا بلبل گوزونی گل ئوزی بلبلونون حالینه قان آغلاردی یر گوی اهلی اواحواله باخوب آغلاردی او قیزین قاره گوزون عمه لری باغلاردی او قیز ئولدی اله وضعه اولاری سالمشدی آتانین یاره لی باشی آرادا قالمشدی (اله دیردی عمه اگر من ئولسم منیم قبریمی کیم قازاجاخ نه آتام وار نه قارداشیم ، دییر یرده بیر جمله یازر) علی یادندا وار منه سن گوشواره آلموشدون قولاقیمه اولاری ئوز الینله سالمشدون اولاری دشمن آلاندا هایاندا قالمشدون باجون نشانه نی ویرمزدی قطع اولوب چاراسی قولاقیمون علی العاندا قان ویرور یاراسی حسین قیزون عشقینی هر لحظه چکردیم محکه ایستیوردی اسرانون هامی دردون او چکه عین زهرا گوزونه دوشموشودی قانلی لکه دیدی عمه او آغر ال بوبالا صورتیه گوی گل اکیب ایندی بولدوم ننمه سیلی دینده نه چکوب یالوارادم باشیوی تپراقا قویما بالا سن فکره سالدی ولی بیر گون منی بو درد محن قوری یردن گوتوروب باغرما باسدم اونی من آیری بیر منظره اولدی هامی بولمز دادنی تپراقون اوستونه گوردوم یازور اکبر آدینی دیدی غم کلکی یازام وسعتی العان پوزارام من دیرناقلاریمیلان سنه مقتل قازارام من اکبر آدینی قبریوین اوسته یازارام من (دیدی قیزیم چخ بیر دولان دیدی عمه جان) ایشقلی گون بختیم کیمی قرادی شانه غم زفلریمی دارادی گویلوم ایستیر چخوب گزیب دولانام ولی نیلیم ایاقلاریم یارادی بوداشلی یول کربلانین یولودی بویول هرگون هرایلن دولودی خرابه ده سایه دوشدی چینیمه اله بولدوم عموم ابوالفضلین قولودی

کوچ از خرابه زبان حال حضرت رباب علیه السلام در  کنار قبر  حضرت  رقیه سلام الله علیها به قلم کربلایی صابر ثمودی 🏴🏴🏴 ای ربابی آغلار قویان قیزیم.رنج و محنتون ئولدورر منی دور ایاقه یاتما قیزیم گئداخ درد ِ غربتون ئولدورر منی ئولدورر منی ئولدورر منی سنون غمون عزیز جان ئولدورر منی سنون بوغربتون اینان ئولدورر منی سنون سولوب سارالماقون ئولدورر منی خرابه یئرده قالماقون ئولدورر منی ئولدورر منی ئولدورر منی ئولدورر منی ئولدورر منی ئولدورر منی 🏴🏴🏴 ای گئجیله قبر گئدن بالا غم دیارینه کاروان گئدور دور ایاقه سنده قوشول بیزه گور نجه آنون باغریقان  گئدور غربت ائلده قالما گوزل بالام باغریقان  آنون ناگران گئدور درد غربتون رنج و محنتون نیلیوم قیزیم ئولدورر منی ئولدورر منی ئولدورر سنون سولوب سارالماقون ئولدورر منی خرابه یئرده قالماقون ئولدورر منی ئولدورر منی ئولدورر منی ئولدورر منی ئولدورر منی 🏴🏴 ای باتان خرابه مَکانیده آسمان عصمت ستاره غسلی نصف شبده اولان بالا شاه کربلا ماه پاره سی کهنه معجریلن کفن اولا یاره لی گئدن غم مزارینه سینه داغلارام آغلارام سنه غارت گئدن گوشواره سی رنج و محنتون درد غربتون نیلیوم قیزیم ئولدورر منی ئولدورر منی ئولدورر منی سنون سولووب سارالماقون ئولدورر منی خرابه یئرده قالماقون ئولدورر منی ئولدورر منی ئولدورر منی ئولدورر منی ئولدورر منی 🏴🏴🏴 ای زمانه  دن تئز دویان بالا گلشنِ غمون خسته بلبلی قبر ائوین سوون خیردا سینّیلَن آل عصمتین تئز سولان گولی چاره یوخ قیزیم من گرک گئدم دور ربابی سال سن ئوزون یولا غم آلیب آنان اختیارینی سینه ده گئدور چوخلی نسگیلی رنج و محنتون دردِ غربتون نیلیوم قیزیم ئولدورر منی ئولدورر منی ئولدورر منی سنون سولوب سارالماقون ئولدورر منی خرابه یئرده قالماقون ئولدورر منی ئولدورر منی ئولدورر منی ئولدورر منی ئولدورر منی 🏴🏴🏴 هانسی بیر آنا من کیمین قیزیم.غرق بئله رنج و محنته غنچه و گولی ظلمیلن سولان هر بیری دوشه شهر غربته آغلیار( ثمودی)بیزیم غمه روز وشب دییر جان رقیّه جان قبربوه فدا دعوت ائت خانیم هیئتیله گلم  زیارته رنج و محنتون درد ِ غربتون نیلیوم قیزیم ئولدورر منی ئولدورر منی ئولدورر منی سنون سولوب سارالماقون ئولدورر منی خرابه یئرده قالماقون ئولدورر منی ئولدورر منی ئولدورر منی ئولدورر منی ئولدورر منی

روضه حضرت رقیه سلام الله علیها سلام اولا یوزونه گوز یاشی آخان بالیا دگنده سیلی دونوب علقمه باخان بالیا سلام اولا هامونون مشگلون آچان بالیا ایاق یالین باش آچوخ چکللره قاچان بالیا سلام اولا او قیزا خیمه لر یانان ساعت اولوبدو اکبر آلان گوشواره سی غارت سلام اولا یوزونه گوزیاشی آخان بالیا دگنده سیلی دونوب علقمه باخان بالیا سلام اولا هامونون مشکلون آچان بالیا ایاق یالن باش آچوخ چوللره قاچان بالیا سلام اولا او قیزا قلبین إتیلر یاره گجاودن یخیلیب چولده قالدی آواره سلام اولا اوقیزا یوللار اوسته آغلاردی ایاقلارین یاره سین معجرینن باغلاردی سلام اولا اوقیزا دوندو گوزلری ابره خرابه یئرده ئولوب عمه سی قویدی قبره غارت اولدی صبر اویم غارتده هاردیدون بابا خیملر تاراج اولان حالتده هاردیدون بابا ناقدن شامین یولوندا ساربان یخدی منی قالدیم او صحرایه پرو وحشته هاردیدون بابا آغلیاندا من سنه دشمن بابا گولدی منه یاندی قلبیم آتش محنده هاردیدون بابا کاش اولیدوک گورمیدوخ هیچ بیز یزیدمجلسین قالمادی طاقت دل عترده هاردیدون بابا لینگ کانال ✨اَللّهُمَّ عَجِّل لِوَلیِّکَ الفَرَج✨

روضه باب الحوائج حضرت رقیه سلام الله علیها با نوای زنده یاد محمد باقر منصوری 😭😭🖤🖤

عرض ارادتی خدمت سقای کربلا (بسیار شور انگیز و حماسی) (ای قَدَر قدرت اَبالفضل) ای سوسوز سقٌا ابالفضل شأنی والا ابالفضل غیرت و صدق و وفاده ای بی همتا ابالفضل عزّت و شأنون ، والادی خوانِ احسانون ، دریادی نوکرون اولماق ، زیبادی اولمارام لایق ، آدیوا عاشق ، زهرادی جانسان عباس حامی قرآنسان عبّاس اهلِ جهان، دردینه درمانسان عبّاس ای کَرَم دریاسی عباس عشقین اَلماسی عباس واردی هانسی بیر گروهون سن تک مولاسی عباس سن علمدارِ ، لشکر سن کَشتیِ دینه، لَنگر سن شیرِ یزدانه ، دلبرسن بَسدی شأنونده ، سنده شاگردِ ، حیدرسن مَه سن عباس، سن بیزه هَمرَه سن عباس دیلده اولان غملره آگَه سن عباس معدنِ غیرت ابالفضل با صلابت ابالفضل گوردی دشمن سنده واردی نه شجاعت ابالفضل بولورم تایسیز ، اِنسان سان اسداللهِ ، دورانسان دیدی دشمنلر، سن اوزون شیرِ ، میدانسان زَر سن عباس ، شعله ی آذر سن عباس دَهریده سن حیدره بَنذَر سن عباس عالَمه مُشکل گُشاسن اَلحق کانِ سَخاسن کیم یاپیشسا دامَنوندن دردینه سن دَواسن اوره گیمده وار ، مین دردیم سنه چوخ قاصد ، گوندَردیم من اوشاقلیقدان ، آدیوی هرآن ، سَسلردیم یاریم عباس ، غم گونی غمخواریم عباس (بیکَسم) آقا گَل اول دلداریم عباس علمدار شور محرم التماس دعای فرج الاحقر مهدی عبادی

سَن گُلِ باغِ وَفا سَن، اِئوین آباد رقیَه جِلوه‌ی نورِ خدا سَن، اِئوین آباد رقیَه نَوه‌ی خَیرِالنِّساء سَن، اِئوین آباد رقیَه سَن هامی دردَ دَوا سَن، اِئوین آباد رقیَه دولتِ عشقَه سَفیر اولدون اِی اَللّٰهَه مُقرّب اؤزیِئریندَه سَنی اوچ یاشدا وَکیل اِئیلَدی زینب زینبی لَر باشینین تاجی سان اِی بانوی اَطیَب قبله سَن قبله‌نَما سَن، اِئوین آباد رقیَه سَن هامی دردَ دَوا سَن، اِئوین آباد رقیَه اِی هُمای مَلَکوتی نَه مُبارک لَقَبین وار هامی سَسلَر اَدَبیلن سنی چون چوخ اَدَبین وار قائمَ اللَّیلِ سَن اَلبته مناجاتِ شَبین وار عاشقِ حمد و ثَنا سَن، اِئوین آباد رقیَه سَن هامی دردَ دَوا سَن، اِئوین آباد رقیَه قاپیوی کیم دوگه اِی نورِ دوچشمانِ پیمبر چوخ بویوک مشکل آچیک دَهریدَه اول خِرداجا اَللَر بیزیدَه گَل اَلی بوش سالما یولا اِی گلِ حیدر سَن خانوم، کانَ عطا سَن، اِئوین آباد رقیَه سَن هامی دردَ دَوا سَن، اِئوین آباد رقیَه مظلوم، غریب، بی‌کس، حسین... ▪️▪️▪️▪️▪️▪️▪️ #کانال_متن_روضه_مجمع_الذاکرین

#_واحد #ترکی #شب_سوم_محرم_۱۴۰۲ #حاج_مهدی_رسولی @majmaozakerine #کانال_متن_روضه_مجمع_الذاکرین

به نام خدا #مدح_ترکی #حضرت_رقیه_سلام_الله_علیها #شعراز_رقیه_سعیدی_کیمیا ┄┅═✼✵𖠇✵✼═┅┄ جانَــه حسینـین قیــزی جانانَه دور عشـق حسین ، شمعینه پروانَه دور گــؤل یارانیــب گلشـــن پیغمبــرَه باغ بهشتَـــه گــؤلِ ریحــانَــه دور گؤلْ قدمی عرشَه سالوب زمزمه شرم و حیا بحرینَه ، دُردانَه دور عالَمَــه گَلمَــز بِئلَـــه باب المـــراد درگهی هر ، دردَه دواخــانَه دور باب حوائج ، اَلـی مشکــل گشا سفره سی معنایِ کرمخانَه دور خورداجا اَلدَن نَه کرامت یاغیر وارث دستــان کـریمــانَـه دور اؤچ یاشی وار ، سینه سی دریا ولی علم و ادب درسینَــه فرزانَه دور زینب و زهــرادَن آلیب دَرسینی عالِمـــهٔ مکـتــب ریحــــانَه دور راحتی جانِ حسینــدور بوقیــز عمه سینَــه شمع حرمخانَه دور کربوبلانیـن گؤزَل آهـو سیدی اشکِ تری گوهـــر یکــدانَه دور گؤل یؤزؤنَه مادری زهرا کیمین رَدّی قالان ، سیلیِ خصمانَه دور عمر کمیندَه ، غم دوران گؤرؤب سینَه سی سوزان ،دیلی غمخانَه دور واردی اَیاقلاردا تیکان یارَه سی تورش اولونان خارمغیلانَه دور مادرَه بَنــزَر  یارالــی پیکـــری یـاس کبـــودِ دل ویــرانَه دور اِیلَه دیر آبــاد آدی ویرانــه نی همّتــی زهرا کیمی مردانَه دور شهر دمشقیــن مَهِ تابانیــــدور گؤل حـرمی درگَه شـاهانَه دور دردون اگر اولسا یاپوش دامنیــن چون آدی هردردَه ، شفاخانَه دور ┄┅═✼✵𖠇✵✼═┅┄ 📝رقیه سعیدی(کیمیا) ┄┅═✼✵𖠇✵✼═┅┄

❁﷽❁ #اوخشاما #پنجم_صفر #شهادت_حضرت_رقیه_علیهاسلام #سروده_رقیه_سعیدی_کیمیا ┈••✾•🏴✾🏴•✾••┈ قارداشیمیـن شیرین دیلی رقیه قــالدی ائلینـدن آیریلــــی رقیه سارالدی صُولدی کنج ویرانه ده اولــدی خــــرابه منــــزلی رقیه ┈••✾•🏴✾🏴•✾••┈ سیلی دَیَن صورتیــوه آغلارام ئورگیمی بو دردینـن داغلارام گؤل بدنون قبر ائوینه قویاندا قانه دولان گؤزلریمی باغلارام ┈••✾•🏴✾🏴•✾••┈ سن کیمی محنت لی باشی بلالی اولماز آچیلمامیش غنچه چمن ده بِئلَه صولماز کم اولدی عمرون ولی نیسگیلون چوخ اولدی هیچ بالانون شیشهٔ عمری بئله دولماز ┈••✾•🏴✾🏴•✾••┈ ✍رقیه سعیدی(کیمیا)

‍ روضه حضرت رقیه (س) قویما اولا عزیزیم یولداشلارین پریشان ای دشت کربلانین یورقون مارالی لای لای قلبیم کیمی اولوبدی قلبین یارالی لای لای قوی بیر اوپوم دویونجا سیلی دین یوزوندن قبره گجه گیدیرسن زهرا مثالی لای لای (گجه نین بیر عالمیدی گوردولر خرابه دن اله بیر آغلاماق سسی گلیر الله خرابه ده آغلیان کیم اولا گلدیلر لعنت الله یزیده خبر ویردیلر ایوی داغلان حسینین اوچ یاشندا بالاسی رقیه خرابیه ولوله سالوب او ظالم دیدی مندن نمنه ایستیر دیدیلر ظالم باباسینین یارالی باشین ایستیر او یارالی باشی قویدولا بیر طبقه گوندردیله خرابیه خانم اوباشی گورنده اولین کلمه ای که باباسینا دیدی باخدی  دیدی«من الذی ایتمنی علی صغر سنّی، ابتا» بابا کیم منی بو وقتیمده یتیم قویدی ، بابا کیم منی بو وقتیمده باباسیز قویدی باخدی بیر یارالی باشا ) دولانوم باشیوه من کیم سنی بو حاله سالوب سنی بو حاله سالان تاب و توان مندن آلوب بو باشیندور بابا جان پس بدنین هاردا قالوب بابا سن نجه گون کیمی باتدون اله منده باتارام سنون عشقونده بو عالملری گوزدن آتارام کنج ویرانه ده قبریمده کفنسیز یاتارام (خانم زینب بویورور) یاتموردی  بیر گجه اونی آلدیم قوجاقیمه سینمده بستر آچدیم اویورقون قوناقیمه آهسته گتدی آغزنی قویدی قولاقیمه عمه غذا هاچان دیجاخ دل دوداقیمه من زینبم عشقیده مردانه دورموشام قول باغلی باغلی عشق آدینا قاره ورموشام داغلار بویی بلا یورابولمزدی زینبی واضح دیم رقیه ئولندن قوجالمشام (باخدی او یارالی باشا دیدی بابا) بو دل شبده منی یاد الدون سن یارالی بو نه عالمدی بابا سن یارالی من یارالی گلمیسن بو گجه ویرانه ده قیزوی یاد ایده سن غملیدی غصه لیدی غصه دن آزاد ایده سن ایوین آباد اولا گل یاخجی گلیبسن یارالی (اوخشاما) زمانه یوردی منی آی بابا ای.... یوردی ئولدوردی منی آی بابا من دیدیم بابام هاردا ساربان وردی منی ای..... (اوندا گوردولر خانم بیر باخدی عمه سینه عمه بو گجه بابام قوناق گلپب خرابیه ) عمه جان درده درمان گلوبدی سویگولوم خسته یولدان گلوبدی گوزیاشیلا گلاب حاضر ایله لبلرینده بابام قان گلوبدی ای منیم یار و غمخواریم عمه دور سفردن گلوب یاریم عمه ساربانلار بابامی یوروبلار فاطمه قلبینی یاندربلار الله الله شیل اولسون اولارکی بو باشین آننا داش وروبلار ای منیم یارو غمخواریم عمه دور سفردن گلوب یاریم عمه کام آلونجا بو یورقون قوناقدان جان گلوب تنگه دوشدوم ایاقدان سن طبقدن گوتور قانلی باشی من اوپوم پارچالانمش دوداقدان ای منیم یارو غمخواریم عمه دور سفردن گلوب یاریم عمه هی دیردیم بابام کاش گلیدی هیچ دیمزدیم کسیک باش گلیدی گلدی یورقون بابام کاش ابوالفضل بو کسیک باشه یولداش گلیدی ای منیم یارو غمخواریم عمه دور سفردن گلوب یاریم عمه (خانم نچه دقیقه ایلشدی او باشین کنارینده بیر وقت گوردولر اویارالی بالا دوشدی بیر یانا اویارالی باشدا دوشدی بیر یانا او ظالم دیدی من گرک بو بالانی دده سیندن آیری سالام نیلدی ؟اوندا بیر یول گوردولر زینب اوجادان سسلدی ) گلون گلون بالام ئولدی دوتون عزا بالاما مریضیدور بالامین بولمدیم ندور مرضی نه بیر طبیب تاپلدی نه بیر دوا بالاما ورا ورا بالامی ساربانلار ئولدوردی (خانم دنیا دن گیتدی خانم خرابه ده دفن اولدی اوندا خانم زینب بیردنه لای لای چالوب رقییه ) دائم قره معجر سالان عمه ن سنه قربان آرامینی غملر آلان عمه ن سنه قربان قارداش سیز اوغولسوز قالان عمه ن سنه قربان لای لای رقیه لای لای

روضه حضرت رقیه (س) با نوای کربلایی بهنام تخت مینا التماس دعا از ذاکرین😭😭

🏴نوحه شهادت حضرت رقیه(س)🏴 بابا _کی رگهای گردنتو برید بابا _کی جسمتو به خاک و خون کشید بابا_ بهار عمر من شده خزون بابا _ز داغ تو قدم شده کمون بابا _عدو به زخم دل‌نمک زده بابا _تو راه شام منو کتک زده بابا _تا نام تو عدو ز من شنید بابا_ با کعب نی ناز منو خرید بابا _به پیکرم باشد نشانه بابا_از بسکه خوردم تازیانه علی قاسمی (شمیم) #محرم_۱۴۰۳ #شب_سوم_محرم #شهادت_حضرت_رقیه_علیهاسلام

🏴شهادت حضرت رقیه سلام الله علیها 🏴 بابا کی رگهای گردنتوبرید...😭😭😭😭 •✾•🎤کربلایی سعیدسلطانی ●━━━━━━─────── ⇆ㅤ ◁ㅤㅤ❚❚ㅤㅤ▷ㅤㅤ

طفلان حضرت زینب (س) 🏴🏴🏴🏴🏴🏴🏴 گل پرپر اولدی گللرون هارداسان زینب گل باغلا قانلی گؤزلرین باغریقان زینب آه و واویلا، سسلن یا زهرا الحق گؤزل اوغلانلارون حقّه یار اولدی عشق اوسته هر ایکّی بالون جان نثار اولدی اورگتدیگون درس وفا آشکار اولدی راه شرفده وئردیلر امتحان زینب غملر حسینون ایلیوب قلبینی القان چیخ پیشوازه قارداشون صبروه قربان آزاده خو اوغلانلارون گلدی میداندان جانان یولوندا اولدولار جان فشان زینب ائتمه پریشان قلبیمی بی قرارم من بسدی اوتاندیرما منی شرمسارم من آند اولسون اکبر جانینه داغدارم من یاندیرما یانموش قلبیمی مهربان زینب الحق الوبلار درس عشق عالی مکتبدن عالی حمایت ائتدیلر دین و مذهبدن بو شیردللر شیر اولوب شیر زینبدن احسن بئجرمیشسن ایکی قهرمان زینب ئوز قویدولار میدانه چون مرد مردانه هئچ باخمیوبلار کثرت قوم عدوانه ناگه ویروبلار اؤزلرین موج طوفانه حیران قالوبدی عرصه ده دشمنان زینب لحن حجازیلن ائدوب چون رجز خوانی تنگ ائتدی بو رزمنده لر خصمه میدانی قیردی داغیتدی قهریلن خیل عدوانی احسن دئدی اولادوه قدسیان زینب سسلردیلر ای کوفیان ایلروک اخطار بیزده ایکی آزاده دن ارث غیرت وار هم جدّیمیز حیدردی هم جعفر طیّار دوشدی او سؤزدن وحشته کوفیان زینب بو سسلینده شوریلن بیر اوجا تکبیر او اندیریردی غیضیلن ضربت شمشیر تکبیری شمشیر ایلیور گؤردولر تفسیر عرشه اوجالدی عرصه دن الامان زینب وئرمیشدیلر چون دالدالا بو ایکی قارداش دوشموشدی ظلّ ذلّته زمرۀ اوباش یورغون چاغیندا اونلارا سو اولئیدی کاش سوز عطشدن اولدولار ناتوان زینب سویگوللرون دوشدی باجی دام اشراره تنگ اولدی عرصه اول ایکی خسته دلداره سبقت ائدور گؤردوم او دم اوخلار اوخلاره واردی یئری قلبون اگر اولسا قان زینب التماس دعا

طفلان زینب(س) سبک:بزم عزاده گیمیشم 🏴🏴🏴🏴🏴🏴🏴 قارداش حسین اوغلانلاریم مرد میداندی وئر اذن دعوا بونلارا دیده گریاندی مولانا،حسینجان لطف ائت دولاندیر باشیوه سال یولا قارداش قرباندیلار گوز قاشیوه سال یولا قارداش ائله فدا قارداشیوه سال یولا قارداش بو خاطر محزونیوه قلبیم اودلاندی باخما عباده اکبره توکمه گوزیاشون باخ سرو تک عباسیوه ساقدی قارداشون فخر ایلرم اوغلانلاریم بذل ائده باشون هر ایکّیسی نون قانلاری دینه احساندی من بو قوزی قربانلارا ائتموشم زینت جنگی لباسی بونلارا وئرموشم خلعت اولسا قبول درگهون وئرگیلن رخصت مسرور اولار زینب گوره قانه غلطاندی آرایش ائتدیم بونلارا دسته ی گُلدی هم گوزلرینده سرمه وار زلفی سنبلدی ای باغبانیم سنده گول غنچالار گولدی شبنم یاغیر برگ گله گللر ایسلاندی آغلولّا سویلوللر دایی، اذن وئر جنگه سالسون باجون اوغلانلاری دشمنی تنگه نوباوه ی حیدر مگر صبر ائدر ننگه سن حجّت اللهسان سوزون حکم قرآندی گاهی محمد گاهی عون مرد مردانه بوسه ویرولّار شوقیلن پای سلطانه گاهی دونولر باشینه مثل پروانه گاهی اوپوللر اللرین بزم عرفاندی امر ائتدی مولا زینبه اول باجی آگاه سن ایستسن قربان وئروب فی سبیل الله شاید رضایت وئرمیه شخصاً عبدالله رأی ولیّ دم منه اصل برهاندی عرض ائتدی زینب ای منیم دردیمه درمان ائتدی بو نوعی همسریم رأیینی اعلان جنگ اولسا بو اوغلانلاری ائتگیلن قربان گرچه محقّردور بولار ، دینه قرباندی بعد از بو سؤز مولا حسین قوللارین آچدی ئوپدی قوزی قربانلاری بیر قوجاقلاشدی قارداش باجی اهل حرم یکسر آغلاشدی گئتسون باجیم اوغلانلاری روز هجراندی باهم ایکّی قارداش قاچوب تلّیدن اندی میداندا بیرجوت باهنر شبل گورسندی الله اکبر نعره سین چکدی سسلندی ای بی حیالر کیفروز تیغ برّاندی یوز قویدی قلب لشکره هر ایکی قارداش نیرانه عازم ائتدیلر گلدی هر اوباش پرچم یاتوب قوللار دوشوب آیریلوب چوخ باش بو قدرته قوم دغا مات و حیراندی طفلان زینب لشگرین طاقتین آلدی هرکس گلوب بیر ضربه ده تپراقا سالدی زاغ و زغن حمله ائدوب عون، تک قالدی گوردی محمد قارداشین جسمی شان شاندی دوشدی غزالان حرم دام صیاده سس یتدی تلّ اوسته دایی تئز گل امداده باش کسماقا جلّادیلر دورموش آماده اژ جان جانان داده گل وقت بحراندی گلدیله شاهیله وزیر مقتله گریان بیرجوت جنازه تاپدیلار قانیلن الوان دوغرانموشیدی جسمیلر سینه لر شان شان گل جسملردن کام آلان نوک پیکاندی 🏴🏴🏴🏴🏴🏴🏴🏴

طفلان زینب (ع) . . سنه هدیه دی مندن ایکی اوغلوم حسین جان بیری اکبره قربان، بیری اصغره قربان حسین جانم حسین جان (2) . دلِ زینبه بیر باخ، دوشوب سوز و گدازه قسم وئرّه م اؤرکدن سنی شاه حجازه تلطّف ائله قارداش! بولاره وئر اجازه بو عون و بو محمد، بو ایثار و بو میدان بیری اکبره قربان، بیری اصغره قربان حسین جانم حسین جان (2) . علی اکبر ئولندن دونوبدور قانا قلبیم غم و محنت اودوندا گره ک دیر یانا قلبیم اوغول داغی چکم تا یانیب اودلانا قلبیم گره ک دیر اولا قربان ره عشقه بو طفلان بیری اکبره قربان، بیری اصغره قربان حسین جانم حسین جان (2) . حسین! سن سن ازلدن منیم روح و روانیم فدا جانیوه اولسون بوگون غصّه لی جانیم یولوندا آخا ای کاش منیم ده یئره قانیم دیء آمین بو دعایه قبول ایلیه سبحان بیری اکبره قربان، بیری اصغره قربان حسین جانم حسین جان (2) . باجی قارداشا قربان روادی اولا ای کاش باجون زینبه بیر باخ دئمور وئر منه پاداش دیور سال یولا گئتسین جهاده ایکی قارداش بولار هر بیری بلکه اولا قانینه غلطان بیری اکبره قربان، بیری اصغره قربان حسین جانم حسین جان (2) . سؤزیمی یئره سالما گلِ یاسیمه خاطر هم اکبر همی اصغر، هم عبّاسیمه خاطر بو طفلانه عزیزیم جوان قاسیمه خاطر اوزون اللریویله گییندیر کفن الان بیری اکبره قربان، بیری اصغره قربان حسین جانم حسین جان (2) . ملولم منه خوشدی دئییم بیله بو چولده گوزوم یاشی سزادی دؤنه سیله بو چولده منیم عرضیمی لطف ائت قبول ایله بو چولده بولار باتماسا قانه اولار عشقیمه نقصان بیری اکبره قربان، بیری اصغره قربان حسین جانم حسین جان (2) . بولاره گوره قارداش قرا باغلامارام من دئمم وای ایکی اوغلوم اؤره ک داغلامارام من باخوب نعش لرینه یقین آغلامارام من سنه آغلیارام تک نقدری اولا امکان بیری اکبره قربان، بیری اصغره قربان حسین جانم حسین جان (2)

. حضرت رقیه سلام الله علیها سبک:یخیلوب عباسیم... گل نازیم لایلای/هم آوازیم لایلای اسیرغم لایلای/رقیم لایلای سنه آغلار زینب /گوزون باغلارزینب دییرهردم لایلای/رقیم لایلای واویلاواویلا۳رقیه جانم نیه دوشدون دلدن/تئزآیریلدون ائلدن بوغملی منزلدن/نه تئزکوچ ائتدون آتاباشین تاپدون/دوداقیندان ئوپدون مریدعشق اولدون /مراده یتدون یانارام فرقتده/شرارمحنتده دیارغربتده/الیمدن گئتدون غمه دوشدی باشیم/گوزومدن گوزیاشیم آخارنم نم لایلای/رقیم لایلای واویلاواویلا۳رقیه جانم منی سن آتمازدون/گجه لریاتمازدون نمازشب وقتی/قیام ایلردون چاغیراندا آدون/امام سجادون ادبله مولایه/سلام ایلردون هامیدان دوزلیدون/همیشه سوزلیدون اسیرانه حرمت/مدام ایلردون سنه اعلان ورّام/آدیوا یازدیرام قراپرچم لایلای/رقیم لایلای واویلاواویلا۳رقیه جانم کمکیم یوخ نیلوم/ملالیم چوخ نیلوم نه اکبروارگلسین/نه ده عباسیم آج سوسوزقالدون سن/صبریمی آلدون سن سؤوندی اغیار/نمک نشناسیم چوخالوب آلامون/کئچیلدی اندامون داغیلدی دردوندن/منیم اجلاسیم گَله ایکاش ائللر/بنی هاشم یکسر دیاخ باهم لایلای/رقیم لایلای واویلاواویلا۳رقیه جانم معرفت گورستدون/چوخ دردون گیزلتدون همیشه نی لرتک/نوالیدون سن دئمدون اسرارون/گووَردی رخسارون یوزه چکدون معجر/حیالیدون سن بدنون غساله/گوروب ایلرناله بیلرزهرامثلی/یارالیدون سن واراثرلی آهون/نوای جانکاهون یانارعالم لایلای/رقیم لایلای واویلاواویلا۳رقیه جانم قازارام قبرون من/سؤونسون قوی دشمن فنادوربودنیا/وفاسی یوخدی گوزوی یومدون سن/باباندان اومدون سن مریض هجرانون/شفاسی یوخدی داخی گئت رضوانه/دئ خیرنسوانه بوشامین یازهرا/صفاسی یوخدی گل نازمادر/سنه آغلارکوثر دیرزمزم لایلای/رقیم لایلای واویلاواویلا۳رقیه جانم

#نوحه #حضرت_رقیه س #ترکی 🎤کربلایی سعید سلطانی https://eitaa.com/turki_nohemajma

#نوحه #حضرت_رقیه س #ترکی 🎤کربلایی سعید سلطانی https://eitaa.com/turki_nohemajma

زبانحال حضرت رقیه (س) در خرابه شام (سبک : ای قلم سوزلرینده اثر یوخ) تنگه گلدی دل و جانیم عمه گلمدی شاه عطشانیم عمه شامون اهلی ائدوللر شماتت یوخدی بو درده درمانیم عمه **** هی ووروللار منه دل یاراسی چوخ دیوللر بونون یوخ لباسی بس بابام هاردادی گلمور عمه هی دیوللر ئولوبدی باباسی اکبره اصغره منتظر دور چشم خونبار و گریانیم عمه **** گلسه عمه بابام چوخ سوزوم وار سیلی لردن گوورمیش یوزوم وار آغلیاندا بابامه ووروبلار هاردا من تک اوشاقین دوزوم وار خاریلر یاره ایلوب ایاقدان جاری دور توپراقا قانیم عمه **** گون باتاندا ئورک داغلارام من دیلده بابا دیوب آغلارام من اگنیمون کهنه لوبدی لباسی معجریمی سیلوب باغلارام من اکبریم اولماسا نیلیورم اولسادا تازه دامانیم عمه **** توپراق اوسته قالوب آل عصمت خوردا سنیمده چکدیم مصیبت گوشواره می آلدی الیمدن آت دوشونده قووان اهل غارت یاره لنموش قولاق اولدی پاره سان وئرور ایندیده جانیم عمه **** قویموری یاره لر بیر یاتام من خوابیده وصل یاره چاتام من عفو ایله عمه جان بو سوزومدن نئچه گوندی بی بی چوخ آجام من من دعا ایلیوم سن دئ آمین قورتارا جانی ، جانانیم عمه **** (( متقی )) سوریه باغلی قالدی قلبیدن تاب و آرامی آلدی یاره لی باشی گوردی رقیه رنگ رخساری گول تک سارالدی سویلدی گلدی دیداریمه گل لبلری قانلی مهمانیم عمه ** حاج محمد متقی تبریزی