عشق چیست؟ اشاره به زبانحال حضرت لیلا (س) به سر مبارک حضرت علی اکبر (ع) مرحوم حاج مختار نخستین اردبیلی عشق بیر کلمۀ پر شوریدی تفسیر اولماز عشقه پابند اولان عالمده زمین گیر اولماز عاشق صادق اولان شخصیده تقصیر اولماز على ابروی کجون تک ایتی شمشیر اولماز بادۀ شهد وصالوندن ایچن سیر اولماز کعبۀ عشقه گئدوب سعی و صفا ایله موسن سن نیه عاشقووه مهر و وفا ایله موسن دردمندون بالا دردینه دوا ایله موسن منه بیر بوسه جمالوندن عطا ایله موسن یانوب عشق آتشینه لیلی نجه پیر اولماز یل دگور توپراق الور گؤر نجه لیلا باشینا من نجه نی ده باخوم بلبل شبدا باشینا دشمن ئولدوردی سنی کول اولا دنیا باشینا ال آتوب روضۀ رضوانیده زهرا باشینا بوندان آرتوق او کسوک باشووه تقدیر اولماز یوسفیم باشووه قویمولّا ذلیخا دولانا گله پروانه کیمین غمزده لیلا دولانا قویمیا گردنووه زلف سمن سا دولانا حقی واردور آنوون باشینه دنیا دولانا ئولمه سم من بو سنق قلبیمه تعمیر اولماز ماه رویونده اولان دانۀ خال حبشی کیم دیردی او قرا خالووی قانه بلشی دولانوم باشووه، ای حق یولونون پیشکشی یوزووی گؤرمگه بیگانه ائدر کشمکشی هر تماشاچی باخار گؤزلرووه سیر اولماز یاره لی باشه اوغول مسکن اولوب نوک جدا باشوون یاره سینه خاک رهون قویدی دوا او گؤزل گؤزلره حسرتله باخور میرهدی زلف چین چینوی چین چین ایلیوب باد صبا چین و ماچین ده حتى بیله تصویر اولماز نه گؤزه ل نقش ایلیوب حسنووی نقاش ازل سن کیمین تازه جواندان على لیلا چکوب أل نیزه داری یوخبا وئرسون اگر اولسا محل نیزه دن دوش یره بیرده منیم آغوشیمه گل زلفوون گردی کیمین لیلیه اکسیر اولماز قان دوتان تل لره وورّام مژه دن شانه على باتا مژگانیم او باشوندن آخان قانه على یتیره لیلینی بلکه سر و سامانه على شمع رخسارووه بی شک اولا پروانه على پر پروانه یانا شمعیده دلگیر اولماز نهضتین حلقۀ زنجیرینى دوت شیر کیمین قاشلارون اگریدی ویر دشمنه شمشیر کیمین ویر خدنگ مژه دن قان توکه نه تیر کیمین قانلو زلفون دولاشوب بوینوما زنجیر کیمین طاق ایوان عدالتده بو زنجبر اولماز هر دم آچ قانلو گؤزون باخ گوزوون قربانی گؤز یاشیملان یووارام قانلو گؤزوندن قانی فرض قیلما علی بیگانه کیمین لیلانی وئرمرم بیر توکووه وئرسله گر دنیانی نجه لیلاده اوغول نالۀ شب گیر اولماز بیلورم من على بو نهضتون آینده سی وار شهدانون بو گؤزل نهضته پرونده سی وار زینب عمّون کیمی شاماته نماینده سی وار لیلى تک حیف اولا گیسوی پراکنده سی وار زلفیدن که علی سولموش یوزه ساتیر اولماز کسیلوب چاره م علی دردیمه چاره گزورم آخور حسر تله گؤزوم یاشی عذاره گزورم قلبیمون یاره سی چوخدور گنه یاره گزورم برج نی لرده بالا خوردا ستاره گزورم یوخی دور بو، نه معبّر گله ، تعبیر اولماز باخورام نیزه ده شهلا گؤزه قلبیم دوتولور قان آخوب ردّ سالوب گول یوزه قلبیم دوتولور یتیشن وقته گئجم گوندوزه، قلبیم دوتولور علّتین بیلمیورم هر سؤزه قلبیم دوتولور بو خیالاتیمه هئچ نسخه ده تأثیر اولماز مجمر عشقیده سن سیز یانورام عود کیمین چخار آهیم فلکه پخش اولونار دود کیمین تار دل ناله ائدر نغمۀ داوود کیمین یوخدی بیر دادرسیم حضرت معبود کیمین باخماسا بنده لره لطفی سرازیر اولماز گزورم چوللری آواره لر آواره سیَم من ئوزوم چاره سیزم چاره سیزون چاره سیَم آسمان ادببن ثابت و سیّاره سی سیَم تیر آهیم داغیدان ابرلرون پاره سیَم منیم آهیم کیمی هچ ابر یاران تیر اولماز تار مویون کیمی تیترر ئوره گیم تاری علی گزورم سندن ئوتور چوللرى داغلاری علی سالما گؤزدن منی چوللرده سنی تارى على نه نه قربان دیله گل منله دانش باری علی نی ده سن، ناقه ده من، فرصت تقریر اولماز چکمیشم سندن ئوتور ال سر و سامانیمدن خبرون یوخدی مگر قلب پریشانیمدن چوللرون وحشی سی ناله ائدر افغانیمدن باغلارام یوللاری سیلابۀ طوفانیمدن یوللاری آچماقا هئچ کیمسه ده تدبیر اولماز فاطمه یوسفی یوسفدن آلوبسان باجی آنون اولموش على بیر باخماقوون محتاجی هانسی شهزاده قویوب باشینه قاندان تاجی؟ دوشوب آردونجا گزور فوج بلا آماجی سنی صید ایلیه لر سن کیمی نخجیر اولماز چوخ باخور نیزه ده اسماعیلینه ابراهیم یاندیرور قلبیمی عالیمدی منیم اللهیم گون چخوب ابره پناهنده اولوبدور ماهیم چتر آچوب باشوون اوستونده دومان تک آهیم آی، بولود آلتدا قالاندا بالا تسخیر اولماز کربلا قالمالیدور عالم اگر اولسا فنا شوره یردور ئوزی، وار اوردا ولی آب بقا دفتر عشق که منشورینی یازمیش شهدا قلمی قرمزی قان، مکتبی دور کرب و بلا قان یازان جمله پوزولماز زَبَری زیر اولماز یاز «نخستین» بالا دردین چکه بیلمز آناسی گوره غلطیده اولوب قانینه نورس بالاسی قان وئرور صفحۀ رخسارینه باشدان یاراسی هارا گئتسون ایله مظلومه آنا وار هاراسی ایله بیر غملی آنانین غمی تحریر اولما

زینب   زینب  زینب زینب  زینب زینب  شمس دو سرا زینب۲ زینب زینب زینب درد است و دوا زینب ۲ ای جانِ جانم دین و ایمانم ۲ زینب زینب زینب محبوب خدا  زینب۲ زینب زینب زینب مهراست و وفا زینب ۲ ای جانِ  جانم  دین  و ایمانم ۲ ای جانِ حسین زینب جانانِ حسین زینب ۲ قربان  حسین  زینب سامان حسین زینب ۲ ای جانِ جانم دین وایمانم ۲ زینب زینب زینب  بنت النجبی زینب زینب زینب زینب  بنت الهدی   زینب ای جانِ جانم دین و ایمانم ۲ ای جانِ  جانم  روح و  ریحانم ای جانِ  جانم   دین و   ایمانم ✍بیقرار اصفهانی ________________

✔️احوالات راه شام _منزوی * قویوبلا چولده آی بابا آنام باجیم ملرمنی سالوبلا ئوزگه لر کیمین گوزیندن عمه لرمنی * * * * * * نجه ئوزین ورار سودا ساقا صولا سنق گمی او حاله قالمیشام باباگوزوم گورنده کولگمی نه آی چخور نه کهکشان ایتورمشم دوشرگمی اجل بهانه آختارور سراغ ایدوب گزر منی * * * * * * * * * * قویوب گور ایندی بو گجه فلک کیمیله باش باشا بیر اوچ یاشندا قورخولی قزی سالوبدی داغ داشا ایاق یارالی چاتمور ال نه باجیا نه قارداشا من ئولمسمده ئولدورر مشقت سفر منی * * * * * * * * بو آیدا چخمور از قضا بیر آز ایشیقدا آغلیام ایاقمون تیکانلارین چکوب جهانی داغلیام آچوب بو کهنه معجری بولوب یارانی باغلیام اورکده چوخدی طاقتیم ایاقیم اینجدر منی * * * * * * * * * ئوزوه مسند ایتموسن اوجادا نوک نیزه نی ایاقون آلتدا گورموسن ایاقلانان ضعیفه نی گوزوندن اشگ تک دوشن بالون گنه گزورسنی یتش هرایه بوشلامور سیاهی خطرمنی * * * * * غرض قضائیلن قدر سالوب اله بهانه نی گجیله زجر بیحیا تاپوپ او نازدانه نی سلام وردی تتردی گورنده تازیانه نی دیدی گوزتله ورما ایلعین فتنه گر منی * * * * * * * قلم الیمده ایستمور سوزی سوزه هدر قاتا رقیه تک هوسلنور او کاروانه تز چاتا گیدور که تیر غمزه سین گوزیله نیزیه آتا دیه دوشنده ناقه دن گوزتله مختصر منی * * * * * * * * دینمرم نه لر چکوب بو کاروانه گلمشم بو داشلقی تیکانلقی گلینجه جانه گلمیشم فقط یارالی باشوی ایدوب بهانه گلمشم دیدیم جداده سیر ایدن یارالی چوخ سویر منی * * * * * * * * * * ئوزومی موج محنت و غم و بلایه ورمشام گزوب تاننمیان یولی بو خسته جانی یورمشام قوولمشام یخلمشام گنه دوباره دورمشام بو فکریلن که زجر دون یوبانسام ئولدوررمنی * * * * * * * * بیور دمشقه بویولون نقدر وار مسافتی اگر یوخوندی ویرمیوم بو کاروانه زحمتی اوزاخدی تاپشور عمه مه دوباره بو امانتی دی کوچ ایدنده ایلسون اققلی باخبر منی * * * * * * * تیکان باتوب ایاقمه گل آچدی بلبل آغلادی دوزنمدی فراقوه یانوب شیرین دل آغلادی اولوبدی فاطمه آنام دچار مشکل آغلادی یتشدی باسدی باغرینا او زار دیده تر منی * * * * * * دوشور منیم خیالمه وطنده کی مناظریم قبیله قونشی تای توشوم مقابلیم مجاوریم او عزتیم بو ذلتیم او اولیم بو آخریم مدینه لی ئوپر منی بو کوفه لی دویر منی * * * * * * * * مدینه ده دائیلاریم ایدنده خواهش عجزیله ئوزوی راضی ایتمدون گجه گیدم دائیم گیله نجه دوزرسن ایندی سن قزوون بابا دوشه چوله حسینه سویگلی بلن ایاقلیوب گچر منی * * * * * * * * * آنام دیردی هی منه اوزاقه گیتمه گوزدیر گوزیلن اوخلار آی بالا گوزل جمالی بدنظر گوزل لیگون طراوتین خزانه ویردی قمچیلر بونیلی صورتیم داخی یتیمه بنزه درمنی * * * * * رقیه جان ضریحوه رواقوه فدا اولوم سپنمدیم مزاروه گوزوم یاشین دولوم دولوم دیر همیشه "منزوی "او قبره دوشمدی یولوم اقللی جان ویرن زمان سن ایله مفتخر من #محرم1402 #راه_شام #اسارت

🏴هفتم شهدای کربلا ✍جعفر فتح اللهی (شاکر) یدی گوندور ،گیجه نی صبحه کیمی آغلامیشام آه جانسوزیله دنیا اورگین داغلامیشام سارالان صورته اشک تریمی باغلامشام گزمیشم کوچه و بازاریده آواره حسین قزلارین دردینه تک ایلمیشم چاره حسین یدی گوندور ،باخورام نیزده قانلی باشووا باجی قربان اولا او گوزدن آخان گوز یاشووا بویور ای شاه دو عالم اوجا بوی قارداشووا تازیانه ویروری قوم دنی قزلارووا یانورام هی نظر ایتدوکجه اوغولسوزلاروا یدی گوندور یارالی ،بوپوزولان دل آلیشار گوزومون یاشی اورک قانینه هر دم قاریشار دیسکینوب نازلی رقیه یوخودا هی دانیشار بابا وای ناله سی ایلیر دل دنیانی کباب آلوب آغوشه یوزوندن اوپر هر لحظه رباب یدی گوندور پوزولان قلبیده احساسیم ئولوب بویانوب قانه علی اکبریلن قاسیم ئولوب اوجا بوی ،انّی کورک ،شیر دل عباسیم ئولوب گیجه لر صبحه قَدَر ناله ایدوب وای دیرم توکرم گوز یاشیمی اصغره لایلای دیرم #هفتم_شهدا #کوفه #راه_شام #فتح_اللهی #شاکر ✨اَللّهُمَّ عَجِّل لِوَلیِّکَ الفَرَج✨

🎼سبک اجرا شده برای روضه فوق 👆👆 🎤#بانوای_حاج_علی_سیفی_افشار

بنام خدا 🏴نوحهٔ سینه زنی 🎼درآهنگ«ای قلم» ▪️زبانحال حضرت رقیه س در راه شام و یادی ازمدافعان حرم ____ سئیر ائدیر یولاری غم قطاری لشکر غم گئدیر شامه ساری ٱوج ائدیر آسمانه خدایا بیر‌ سه ساله قیزین آه و زاری گلدیم اوچ یاشدامن جانه یارب ائت غضب آل سفیانه یارب "" "" "" "" آل طاها دوشوب قیل و قاله بی نوالر قالوب آیری حاله بارالها گلنمور رقیه رحم ائله اول سه ساله غزاله گلدیم اوچ یاشدامن جانه یارب ائت غضب آل سفیانه یارب "" "" "" "" "" کاروان یولانوب غم سرایه قوزانوب آه و افغان سمایه آغلایور اوچ یاشیندا رقیه یالوارور بحر غم ده خدایه گلدیم اوچ یاشدامن جانه یارب ائت غصب آل سفیانه یارب "" "" "" "" "" "" شور اکبر چیخانمور باشیندان آیریلوبدی باجی‌ قارداشین دان قان ٱولور‌ عالمین باغری یارب اول سه ساله قیزین گوزیاشین دان گلدیم اوچ یاشدامن جانه یارب ائت غضب آل سفیانه یارب "" "" "" "" "" "" " هی باخور قانلی باشه قان آغلور گوز یاشین غملی رخساره باغلور سسلیور عمه سین داده هردم آه سوزانیله سینه داغلور گلدیم اوچ یاشدامن جانه یارب ائت غضب آل سفیانه یارب " "" "" "" "" " سویلیورعمه باغریم قان اولدی آه و نالم بو صحرایه دولدی من بو یولاردا اوللام شهیده عمه بو یول منه آیری یولدی گلدیم اوچ یاشدامن جانه یارب ائت غضب آل سفیانه یارب " "" "" "" "" "" " عمه جان ٱل ٱیاقیم قاباردی روز روشن منه لیل تاردی گلموشم جانه زجرین الیندن داده چات عمه عمروم‌ قوتاردی گلدیم اوچ یاشدامن جانه یارب ائت غضب آل سفیانه یارب " "" "" "" "" "" گوزلریم عمه قانیله دولدی گوشوارم منیم غارت اولدی اوچ یاشیندا باشا چاتدی عمریم گلستانیم بو صحراده سولدی گلدیم اوچ یاشدامن جانه یارب ائت غضب آل سفیانه یارب "" "" "" "" "" "" "" قولاریم باغلانوب دی طنابه قلبیم عمه دوشوب پیچ و تابه چوخ غمیم واردی سینمده امّا غم لریم چاتماز اصلا ربابه گلدیم اوچ یاشدامن جانه یارب ائت غضب آل سفیانه یارب "" "" "" "" "" " ساربان جانیمه اوت سالوب دی قمچی ردی یوزومده قالوب دی قاچموشام کاروانین دالیجا قورخودان عمه قلبیم یاتوبدی گلدیم اوچ یاشدامن جانه یارب ائت غضب آل سفیانه یارب " "" "" "" "" " باخموشام نیزه ده آفتابه دوشموشم بحر پر اضطرابه گوزلرین قان توتوبدی بابامون باخموری او من دل کبابه گلدیم اوچ یاشدامن جانه یارب ائت غضب آل سفیانه یارب "" "" "" "" "" فاخرا بو سوزی بوردا قورتار یازما نه حاله قالدی‌ او غمخوار ایسته آغلار گوزیله اورکدن بیر گونی اولگیلان شامه زوّاز عشقوی ایله ابراز اورکدن یاد ائله هی مدافعْ لری سن اونلارین حقی وار بوینموزدا ایرانی ایلیوب اونلار ایمن بیز بوتون ملت شاه دینوخ عاشق بو شه بی قرین وخ هر زمان و مکان دا همیشه دشمن جانی آل کین وخ ✍#مسلم_فرتوت_فاخر ____________

🎼سبک نوحه فوق 👆👆 🎤#بانوای_حاج_علی_سیفی_افشار

راه شام زبانحال حضرت رقیه (س) . سبک نوحه زینبم جان اوسته یم . مرحوم انور اردبیلی . عمه جان دشمن سالوب محنت قطاریندن منی نجم تک سن آیری سالما غم مداریندن منی . . ای اسارت مکتبینده قزلارا آموزگار هانسی بیر قز من کیمی دنیاده اولدی خوار و زار شاخه می سندیردی گل تک تند باد روزگار آیری سالدی زندگینون نوبهاریندن منی . . آغلاسون آغلار گوزوم تک عمّه دنیانون گوزی قلبنی دوتسون یانان قلبیم کیمی محنت کوزی اؤزگه لرده بُؤلمسه سنکه بُؤلورسن بو سوزی آرتوق ایستردی بابام دار و نداریندن منی . . آشیانسیز بیر قوشام کیمدور یته امدادیمه مانع اولدی ساربانلار نغمه و فریادیمه اُفّ اولیدی آشیانیم یاندیران صیّادیمه بوشلادی بیراهه ده چنگ شکاریندن منی . . ظلمته دوتدی او گونکه عترت طاها گونی باتدی اسلامون چوخوریرده جهان آرا گونی ئولمدوم قالدوم سلامت حیف عاشورا گونی طالعیم قورتارمادی دنیا فشاریندن منی . . دقّتیله هر قدر ایتدوم نظاره یولّارا ردّوزی گوردم نقدری بُلمدوم گتدوز هارا رحم ائدون آخر منه اولدی ایاقلاریم یارا اینجدوب بیراهه یولار نیش خاریندن منی . . دردمندم تیکمشم گوز بیر سنون درمانووه جاندان آز قالدوم دوشم اولسون قسم اؤز جانووه نه الیم چاتمور بو صحراده سنون دامانووه نه خلاص ائتمور اجل اؤز انتظاریندن منی . . سهلدور عمّه ایاقیمدن آخور شدّتله قان پردۀ خاک سیاهیله یوزوم اولموش نهان توز دوتان آئینیه تشبیع ائدوب دور زمان گور نه گرد آلوب ائدوب صحرا غباریندن منی . . مونسم خار مغیلانیله خوار اگلشمیشم دوشومشم دلدن یول اوسته انتظار اگلشمیشم بختیمه یوخ لطفووه امید وار اگلشمیشم گل حساب ائت لطفوون امیدواریندن منی . . سنّمه نسبت بی بی چوخ چوخ بلالیمیش باشیم صورتیم آئینه سینده لکّه سالمش گوزیاشیم من مگر صحبت ائدنده جان دیمزدی قارداشیم با کنار ایلردی بیر لحظه کناریندن منی . . وای منه هر آن منه قربان دینلر هاردادی ؟ بلبل خوش لفظ و خوش الحان دینلر هاردادی کَلمَمَه قیمت وئرنلر جان دینلر هاردادی یوخدی بیر کس قورتارا غم زیرِ باریندن منی . . غصّه سرگردانیَم عالمده هجران یولداشی ساقه سی سنمش گولَم خار مغیلان یولداشی روزگار اکبر غمین ایتدی منه جان یولداشی سالدی عالمده جلالت اعتباریندن منی . . خط سیرین سیر ایدوب مغربده باتدی آفتاب دولدوروب بو قورخلی دشتی سکوت انقلاب تترورم سیماب تک قلبیمده واردور اضطراب چخمیوب آی قورتارا ظلمت حصاریندن منی . . دامن صحرا قرانلوق گورسنور من قورخورام یل اسور خار مغیلان ترپنور من قورخورام تار زلفیم تل به تل قالخور اَنور من قورخورام ترسناک ایلور طبیعت اقتداریندن منی . . آغلاماق جرم اولسا ای عمه یتیمه قزلارا ایلورم پیمان ئولونجه ائتمرم آه و نوا قلب بی روحیم تک اولام من همیشه بی صدا سنده قویمازسان بی بی گوز اختیاریندن منی . . گرچه زحمتدور اؤزون گل ایلورم من التجا یا بی بیم کلثومی گوندر ایلسون غمدن رها زجر گلسه مانع اول گلسه اگر او بی حیا اینجدور یولّاردا زجر و انزجاریندن منی . . صورتین گورسم اونون غیظیله اولام زهره چاک هم او نالمدن گریزان هم من اوندان بیمناک آچسا بئلدن قمچیسین یوخ طاقتیم ایلر هلاک کم قیلار فوج اسیرانون شماریندن منی . . #انورم گر چه نصیبیم اولمیوب جاه و جهان واردی حمدیم حق تعالی لطف ائدوب طبع روان بزم عرفاندا ائدوبدور همدم صاحبدل ...

‍ اخشام اولدی ننه، زبانحال پسر حضرت ابوالفظل در مدینه ‍ آخشام اولدی ننه قربان اولّام سنه سنده یارالی منده یارالی ایندی سس ویر منه باشلیاق شیونه سنده عزالی منده یارالی قاپلاری باغلیاق, سینمیز داغلیاق,سس چکوب آغلیاق آی چیخدی گویده سوندور چراغی خلوت ایدک بو غملی اتاقی هر دم آلدیم خبر, دیدون آخشام گلر, آخشام اولدی سحر هی قاش آغاردی شفق قارالدی بابام گلمدی گوزوم سارالدی هر گون آخشام اولور, قلبیم قانه دولور, گول تک رنگیم سولور گونده آتامی یادیمه ساللام مسجدّن چیخوب قاپودا قاللام قلبیمه غم دولور, غم غم اوستن گلور, گوزلریم اشک اولور یول گوزلمکدن دوشدوم ایاقدان هامّی یتیمی تانور اوزاقدان صبحیدن آخشاما, باشلارام اوخشاما, آز قالور بایراما الله پوزولدی شادلیق اساسیم کهنلدی گیتدی بایرام لباسیم گل دوشک چوللره, یوز دوتاق گویلره, اوخشیاق ئیللره آتام گیدندن گیتمیش قوناقلار سینمی داغلار باغلی اطاقلار غم فلبیم سیخاندا, کوچیه چیخاندا, تای توشوم باخاندا, گورّم ویروبلر باهم باش باشا منه باخانلار ایستور آغلاشا هر کیم منه باخار , گورّم اشکی آخار, هیچ بلمورم نه وار هر دم قلاقیم بیردن سسلنور گورّم دیوللر آتاسیز گلور سبک بانوای مرحوم زنده یاد حاج سلیم موذن زاده اردبیلی 👇👇👇👇

‍ راه شام سبک : میگذرد کاروان... 📝 کربلایی رحیم شایان غملی بیابانیده قالدی بالام ساربان ناقه‌نی ساخلا  دایان ئولدی گولوم قورخودان قارداشیمین دلبری زینبه روح و روان قورخولی چولده قالوب ‌ایندی اولار باغریقان آغلاتما قیزلاری ساربان آختار بو دلداری ساربان گیتمه دایان ای  ساربان ( 2 ) ساخلا ایاق ساربان تاپ سن او شیرین دیلی عترت خونین دله اولموش او قیز سیوگیلی اوچ یاشی واردور ولی چوخدی اونون نیسگیلی تاپ اونی سن شاد ائله خسته پریشان ائلی آغلاتما قیزلاری ساربان آختار بو دلداری ساربان گیتمه دایان ای ساربان ( 2 ) تاپّماساخ اول جیرانی گیتمز آتاسی باشی چشم بصیرتله باخ گوزدن آخور قان یاشی آینه ی بختینه دگدی بلالر داشی کرب و بلاده ئولوب، هم آتا هم قارداشی آغلاتما قزلاری ساربان آختار بو دلداری ساربان گیتمه دایان ای ساربان ( 2 )

به مناسبت هفتمین روزشهادت امام حسین(ع) یدی گوندی باجیون حالی پریشاندی حسین یدی گوندی دولانور کوفه نی گریاندی حسین یدی گوندی سنی مقتلده گوروب یاندیم حسین نیزه اوخ داش وورانون لشکر عدواندی حسین یدی گوندی باشیوی شمرلعین کسدی سنون نیزه یه خولی ووروب کوفه ده مهماندی حسین یدی گوندی  سویولوب عترت طاهایارالی گوشواره آلونوب چوخلی قولاخ قاندی حسین یدی گوندی سنی ئولدوردی اخا کوفه لیلر امرائدوب شمرلعین خیمه لرین یاندی حسین یدی گوندی یانورام شبه پیمبر بالاوا اکبره آغلویورام ظلمیله دوغراندی حسین یدی گوندی اوخ آتوب حرمله دیلسیز بالاوا سودوئروب اوچ پراوخی اصغرین اوخلاندی حسین یدی گوندی داغلوب چوللره عطشان بالالار ریسمانیله اوگون   اللری باغلاندی حسین یدی گوندی سنه بوکوفه ده حسرتدی باجون آغلوری اوخشویوری منزلی زنداندی حسین یدی گوندی سویولان پیکریوه اوخشویورام اون نفرله داغیلوب جسمیوی، عریاندی حسین یدی گوندی داغیلوب قربان اَتی مثلِ بدن گوئیا پخش اولونان چوللره قرباندی حسین یدی گوندی بالالار سویلوری هارادا باباموز قمچی دگدی باشیما قولاریمایاندی،حسین یدی گونی یارالار قانی آخوب فتلگهه باجون ئولسون یارالی،غسلون ائدن قاندی حسین یدی گوندی یانورام اوغلوما قارداشلاریما باجون ئولسون یاراوی،جسمیده بی ساندی حسین یدی گوندی دوشوری،یادیمه علقم یانورام دوشوب عباسی یره جسمیده پیکاندی حسین یدی گونی سالونوب نخلیده صاق وصولونی باش سئنوب مشکی دوشوب یوخدی سو،نالاندی حسین یدی گونوی منیله صاحبیموزآغلویوری آنام اوغلی،یازوری،الده چوخ عنواندی،حسین ✍ باالتماس دعا-حاج عباسعلی دهقان(صاحب)۱۴۰۲/۵/۱۱ ____

آرزوی زیارت کربلا   واردی باشیمدا یا حسین هوای بین الحرمین سالار بهشتی یادیمه صفای بین الحرمین   گورمه میشم بهشتی من منزلتین ایشیتمیشم یوخدی بهشته حاجتیم کرب و بلایه گیتمیشم من که بهشت آقاسینا عرض ارادت ایتمیشم کمدی مگر بهشتیدن ؟ صفای بین الحرمین   وار ایکی جلوه لی مکان عالم بی قرینه ده بین بقیع و مرقد ختم رسل مدینده بیرده بهشت کربلا نقشی قالوبدی سینه ده گورملیدی نمای دل گشای بین الحرمین   اول ایکی باصفا حرم شهری ایدوب پر عطر و بو بیر آلتی گوشه قبر شه،قبر وزیر روبرو عرش اوزی آلتی گوشه دی ایلر او قبری آرزو عرشی ایدوبدی منجلی جلای بین الحرمین   صحنه باخاندا جلوه باقیه ایلرم سلام مشکی گورنده تشنه لب ساقیه ایلرم سلام خیمه یانیندا محمل و ناقیه ایلرم سلام زنگ شتردی کوچیده نوای بین الحرمین   تله چیخاندا آغلادیم ناله مته رویدی رهبر کاروان دیدی بو تل زینبیه دی ناله سسی گلور اودا زمزمه رقیه دی آختارور آشیانه سین همای بین الحرمین   دقتون اولسا گورسنور خیمه لرین یانان یری شارع صاحب الزمان اصغرین اوخلانان یری شبه پیمبر اکبرین پیکری دوغرانان یری صحنه ی خاطراتیدی نمای بین الحرمین   جلوه ی مسجد الحرام اوردادی باخ صفا ایله محرم محرمان عشق اوردا ایدله هروله یاده سالار صلابت کعبه نی وقت نافله صوت اذان مغرب و عشای بین الحرمین    ✍بقلم استاد کلامی زنجانی __

🏴واردی باشیمدا یا حسین هوای بین الحرمین 🎤#بانوای_حاج_علی_سیفی_افشار ______ ⬅️

🎙 حاج حسن نعمتی 🎋 احوالات #راه_شام ♦السلام علیک یا اباعبدالله الحسین (ع)♦ 📌ناب ترین کانال نوحه ترکی زیر نظر گروه مجمع الذاکرین @turki_nohemajma

روضه راه شام شهدا باشی کسیلدی ورولوب نیزه لره اسرا دوشدی یولا دلده فغان چولرده کوفه دروازه سینه قافله آخشام چاتدی یاتدی قیزلار گجه نی اشک فشان چولرده ای قلم کوفه نی رد اول دیمه صبح اولدی نلر یاز گوروم قالدی رقیه نه زمان چولرده کاروان سرعتیلن باشلادی یول شامه طرف دوش نسوانه دوشوب بار گران چولرده سعی ایدور زینب کبری بالالار اینجیمیه ساربان تند گیدور ویرمور امان چولرده ام کلثوم گوزی قولسوز ابوالفضلی گزیر هی دیور یوخ باجیوی یاده سالان چولرده یتجاخ هرمنزله وقتی که یاتور توز تپراق باخوری بیر بیره قیزلار نگران چولرده هرکس ایستور یاتا فورا اوجالور بانگ رهیل یول اوزاقدی تلسور شمر و سنان چولرده حرمله غملی ربابین گوزونه گورسنمیر گیزلدیب تیرو کمانین اوخ آتان چولرده تند یلر که اسور دیسگینور اصغر آناسی آختارور اوغلونی دلده ضربان چولرده غم مسافرلری عریان دوه لر اوسته گیدور یوخ رقیه تلینه شانه وران چولرده غرق ایدوب لیلینی ئوز دردی خیال عالمینه باخور اکبر باشینا وقت اذان چولرده دیور ای آهو باخشلی بالا آچ بیر گوزوی سنه خاطر قالوب آواره آنون چولرده ایستوری فاطمه بیر نامه یازا صغرایه نیلسون یازسادا یوخ نامه رسان چولرده یوز دوتوب یثربه سسلور باجی جان خوش حالوا گر گلیدون دیری قالمازدون اینان چولرده قاسمین داغی سریه اورگیندن چخمور اوخشور آهسته اونی سینه زنان چولرده کیم ئولور اوستونه فورا قالانور تپراقلار لااقل قبرینه قویمولا نشان چولرده هانسی راویدی الینده اولا آمار دقیق کیم بولور کیمدی ئولن کیمدی قالان چولرده او ایتن قبریلری بیرگونی مهدی تاپاجاخ گوزی یاشلی گزور العاندا همان چولرده بیر شیرین دل بالانی لیک ایتیره بولمدیلر اونا خاطر گورونوب معجز عیان چولرده او گجه یولدا بلا قافله سی لنگ اولدی اوجالوب همهمه سندی خفقان چولرده نیزده دوردی حسین باشی باخدی پشت سره (گوردولر امام حسینین یارالی باشی حرکت المیر واغردلار امام سجاد آقانی ، آقا سن بولرسن باخدی باباسینین قان دولان گوزلرینه بولمورم نه اشاره آلدی باباسینان یوزون دولاندردی عمه سینه ، عمه قیزلاری سایبسان؟ بیر بیر بالالاری چاغردی خانم زینب ایکی الی وردی باشنا رقیم چولده قالب)

هنده در خرابه ی شام کانال جامع شعر مذهبی ترکی و فارسی هنده بیر صاحب اخلاق و کمال عورتیدی بنت عبدالله عامر، نجبا نسبتیدی سابقا شاه ولایت ائوینه كلفتیدی خدمت ایلوردی خانم زینی کبرایه مدام سوپوروب صحن شریفین ایلدی کسبه مقام اونی ازاد ایلدی بانوی فرخنده لقا شامه گلدی او زن پاک دل و پاک نما مطلع حسن و جمالیدی بدیع السّیما ازدواج ایتدی او گنجینه ی عصمتله یزید حرمه قیلدی حرم باشی محبتله یزید نچه مدت که سراپرده ده اول زهره جبین حکمفرمائیدی شام اهلینه مغرور و متین تخت تالار حرمده ملکه صدر نشین اهل حاجت اونا اد قویموشیدی باب امید ایله محبوبیدی امرین یره سالمازدی یزید ناگهان گردش ایام ایلدی ترسه مدار اولدی اقبال یزید اسب مراد اوسته سوار قیلدی طاووس رسول اللهی مکریله شکار بیر گون عرضینده بنی هاشمی مظلوم ایلدی ابدالدهر اوزینی لعنته محکوم ایلدی دهم ماه محرم او سیه روز عزا گل ورقلندى خزان اولدی بهار زهرا قطعه قطعه ایلدی جسم حسینی اعدا اهل بیتی باش اچوق ناقه سوار ایلدیلر اپاروب شامده ویرانه ده خوار ایلدیلر کانال جامع شعر مذهبی ترکی و فارسی نجه ویرانه اچوق مسجدیدی کهنه حصار نه اونون سقفی نه دروازهسی نه غرفه سی وار هر طرفدن یل اسنده بوره یور گرد و غبار نجه گور زینبه تنگ اولدی او وسعتده جهان بیر بیله یرده او بانوی ادب قیلدی مکان او فشاریله خانم ویرمدى الدن ادبین بیر گیجه قویمادی فوته گیده اعمال شبین اوتوروب قیلدی نمازین خبر السان سببین چون كفایت قدری ویرمدیلر نان و طعام دیزده اولسیدی اگر قوتی ایلردی قیام گیجه نی اوچ پره بولمشدی او گردون خدمه اوّل شبده پرستاریدی اهل حرمه نصف شب سجده ایدردی حق صاحب کرمه اخر شبده یواش نوحه دیوب اغلاردی باشی دالدان کسیلن شاهه عزا ساخلاردی شمع ماتم اوره گینده گیجه لر حال نیاز اریوب قلبی تک ایلردی اونون سوز و گداز یانوب اول شمعه گیدردی ارادان پرده ی راز صحنه ی کرب و بلا ظاهر اولوردی گوزینه شهدا نعشی گوروردی یخلوب یر پوزینه هر بیر عورت که گلوردی اولارون خدمتینه زینبون واله اولوردی ادبی صحبتینه صبرینه رافتینه عفتینه عصمتینه اولماز عالمده دیردیله بو قدرتده خانم بو فصاحتنده بلاغتده رشادتده خانم واریدی نطق و بیانینده اونون بسکه اثر قیلدی عورتلره هر لفظی تجلای هنر حرکات و سکناتی ایلیوب جلب نظر نفسی عالی دی حقارت صفینه وورماز اوزین روزگاریله کشاکشده ده سندیرماز اوزین کانال جامع شعر مذهبی ترکی و فارسی شامده ایو یوخیدی اولمیا اوندا تقریر که گلوب شهره بیر عده نجبا زاده اسیر اسمان شرف و عزته خورشید منیر دختران ادب اموخته، بافضل زنان گنج تک حیف اولا ویرانه نی ایتمیشله مكان بیر گیجه خوش دلیدی هنده یزیدون حرمی عیشه مشغولیدی دورینده کنیز و خدمی ضمن صحبتده کنیزون بیری اول ذی حشمی ماجرای اسف انگیزه خبردار ایلدی خاک ویرانه ده گوردوکلرین اظهار ائلدی ای حرمخانه ی سفیانیده بانوی کبیر گورمیشم مسجد ویرانه ده بیر عده اسیر ننچه خاتون مجلل نچه اطفال صغیر درگه حقه مناجاتیده گوردوم اولاری سیرت اهل سماواتینه گوردوم اولاری بیر جوان سید نورانی نماسی مدنی اهنین سلسلیه باغلیدو ناخوش بدنی لحن قرانی سالور حیرته یولدان گئدنی لهجه ی اهل حجازیله او شیرین دانیشور هر کسه سالسا نظر، سرّ ضمیرین دانیشور خوردا قزلار سولشوب چون گل نسرین توكل مرحوم یحیوی اردبیلی ♦السلام علیک یا اباعبدالله الحسین (ع)♦ 📌ناب ترین کانال نوحه ترکی زیر نظر گروه مجمع الذاکرین @turki_nohemajma

به مناسبت هفتمین روزشهادت امام حسین(ع) کانال جامع شعر مذهبی ترکی و فارسی یدی گوندی باجیون حالی پریشاندی حسین یدی گوندی دولانور کوفه نی گریاندی حسین یدی گوندی سنی مقتلده گوروب یاندیم حسین نیزه اوخ داش وورانون لشکر عدواندی حسین یدی گوندی باشیوی شمرلعین کسدی سنون نیزه یه خولی ووروب کوفه ده مهماندی حسین یدی گوندی  سویولوب عترت طاهایارالی گوشواره آلونوب چوخلی قولاخ قاندی حسین یدی گوندی سنی ئولدوردی اخا کوفه لیلر امرائدوب شمرلعین خیمه لرین یاندی حسین یدی گوندی یانورام شبه پیمبر بالاوا اکبره آغلویورام ظلمیله دوغراندی حسین یدی گوندی اوخ آتوب حرمله دیلسیز بالاوا سودوئروب اوچ پراوخی اصغرین اوخلاندی حسین یدی گوندی داغلوب چوللره عطشان بالالار ریسمانیله اوگون   اللری باغلاندی حسین یدی گوندی سنه بوکوفه ده حسرتدی باجون آغلوری اوخشویوری منزلی زنداندی حسین یدی گوندی سویولان پیکریوه اوخشویورام اون نفرله داغیلوب جسمیوی، عریاندی حسین یدی گوندی داغیلوب قربان اَتی مثلِ بدن گوئیا پخش اولونان چوللره قرباندی حسین یدی گوندی بالالار سویلوری هارادا باباموز قمچی دگدی باشیما قولاریمایاندی،حسین یدی گونی یارالار قانی آخوب فتلگهه باجون ئولسون یارالی،غسلون ائدن قاندی حسین یدی گوندی یانورام اوغلوما قارداشلاریما باجون ئولسون یاراوی،جسمیده بی ساندی حسین یدی گوندی دوشوری،یادیمه علقم یانورام دوشوب عباسی یره جسمیده پیکاندی حسین یدی گونی سالونوب نخلیده صاق وصولونی باش سئنوب مشکی دوشوب یوخدی سو،نالاندی حسین یدی گونوی منیله صاحبیموزآغلویوری آنام اوغلی،یازوری،الده چوخ عنواندی،حسین به قلم افتخار کانالمون شاعر اهلبیت (ع) استاد بزرگوار حاج عباسعلی دهقان(صاحب)۱۴۰۲/۵/۱۱ ♦السلام علیک یا اباعبدالله الحسین (ع)♦ 📌ناب ترین کانال نوحه ترکی زیر نظر گروه مجمع الذاکرین @turki_nohemajma

🏴کوفه - راه شام - ورود شام🏴 ✍حاج روح الله رمضانی 🎼سبک : ایران اگر دل تو را شکستند قارداش کباب ائدر منی ملالون کوله باتوب گوزل جمالون نه جرمه ای شه مدینه داغیلدی عزت و جلالون یانام حسین حسین یارالی قارداش (۲) ویلان اخا اولوبدی اهل عیالون رقیه تک گوزل غزالون دوشوب خسوفه قان ایچینده بو کوفه ده رخ هلالون یانام حسین حسین یارالی قارداش(۲) حلقه وئرور ایکی گوزونده قانیاش رقیه باشوه باخاندا قارداش قانی رواندی گل جماله وئروبدی دشمن آلنوا داش یانام حسین حسین یارالی قارداش (۲) گلمز ملال و محنتیم حسابه دونوبدی قلبیمیز کبابه دیینده ای وای اصغریم وای ویرولا غمچی هی ربابه یانام حسین حسین یارالی قارداش(۲) باشون هاراگئده دالیجا گلم بوباشدان آیری دوشسم ئولم اییلسه نیزه گر بو باشین کولون قانین ساچیملا سیلم یانام حسین حسین یارالی قارداش(۲) #محرم1402 #اسارت #راه_شام لینک کانال👇 http://eitaa.com/torkiy ---•••◇🏴🏴🏴◇•••--- @torkiy

کربلایی سعید سلطانی

#اللهـم_عجـل_لولیـڪ_الفـرج سبک سینه زنی #واحد_سنگین #روضه_حضرت_رقیه_سلام_الله_علیها ------------------------ (((یورولموشام سویولموشام اولوبدی منزلیم بابا خرابه شام بال و پری سینان قوشام اولوبدی منزلیم بابا خرابه شام))) ☑️بند اول خوش گلدین دردیمین درمانی آچ گوزون گوزلرون قربانی باشیوه نه گلیبدی بابا آخیری لب لریوین قانی هجرین دن بابا گلدیم جانه جان قوربان سن کیمین مهمانه دردانه قیزیوا گور ایندی مسکن دی گوشه ی ویرانه بو گوشه ی خرابه دن اینجی میشم نولور بابا منی قوتار جانه دایانمیشام اینان یانینجا بو وطن غریبی نی آپار (((یورولموشام سویولموشام اولوبدی منزلیم بابا خرابه شام بال و پری سینان قوشام اولوبدی منزلیم بابا خرابه شام))) ☑️بند دوم ای نور ذوالجلاله مظهر عالمده اهل عشقه رهبر گُل جسمین کربلا ده قالدی خوش گلدین ای سر بی پیکر روز و شب گوزلریم گریان دی فریادیم گوی لره قوزاندی هر یان دا آغلادیم هجرین دن ووردولار قمچی جسمیم یاندی باش دان ایاقه پیکریم مثال یاسمن دی جور و ظلم دن گوندوزومی ائدیبله شام گیلی لیم بابا سنان و زجر دن (((یورولموشام سویولموشام اولوبدی منزلیم بابا خرابه شام بال و پری سینان قوشام اولوبدی منزلیم بابا خرابه شام))) ☑️بند سوم بو چرخ کج روش دن سیرم مردم شامیدن دلگیرم قالمیشام ائیله بیر احواله اوچ یاشیم واردی اما پیرم معذورم ای همای رحمت دیداره گلدین اولدی زحمت دورمورام گر ایاقه عفو ائت یوخ بابا دیزلریم ده طاقت صفای گلشنیم سولوب اورک دولی ملال و درد و گله دی گوزلریوا فدا اولوم دورانمیرام ایاخلاریم آبله دی (((یورولموشام سویولموشام اولوبدی منزلیم بابا خرابه شام بال و پری سینان قوشام اولوبدی منزلیم بابا خرابه شام))) ☑️بند چهارم بو غمدن جانیمه اوت سالدیم هر محنت گلدی جانه آلدیم بیر نصف شب ملالیم آرتیب وحشتلی چولده تنها قالدیم ناقه دن دوشماقیم بیر یانه بیر یانه سیلی خصمانه قورخوم نان ساغ سولا تا قاچدیم توش اولدوم خار مغیلانه او چول ده مین ایلین غمی خدایه آند اولا گلیب دی باشیما رحم ائلین تاپیلمادی بابا منه یتیمه نین گوز یاشینا (((یورولموشام سویولموشام اولوبدی منزلیم بابا خرابه شام بال و پری سینان قوشام اولوبدی منزلیم بابا خرابه شام #التماس_دعا🙏 #سبک_قدم_قدم_

#حضرت_رقیه_س کربلایی سعید سلطانی https://eitaa.com/turki_nohemajma

🏴‍روضه راه شام شهدا باشی کسیلدی ورولوب نیزه لره اسرا دوشدی یولا دلده فغان چولرده کوفه دروازه سینه قافله آخشام چاتدی یاتدی قیزلار گجه نی اشک فشان چولرده ای قلم کوفه نی رد اول دیمه صبح اولدی نلر یاز گوروم قالدی رقیه نه زمان چولرده کاروان سرعتیلن باشلادی یول شامه طرف دوش نسوانه دوشوب بار گران چولرده سعی ایدور زینب کبری بالالار اینجیمیه ساربان تند گیدور ویرمور امان چولرده ام کلثوم گوزی قولسوز ابوالفضلی گزیر هی دیور یوخ باجیوی یاده سالان چولرده یتجاخ هرمنزله وقتی که یاتور توز تپراق باخوری بیر بیره قیزلار نگران چولرده هرکس ایستور یاتا فورا اوجالور بانگ رهیل یول اوزاقدی تلسور شمر و سنان چولرده حرمله غملی ربابین گوزونه گورسنمیر گیزلدیب تیرو کمانین اوخ آتان چولرده تند یلر که اسور دیسگینور اصغر آناسی آختارور اوغلونی دلده ضربان چولرده غم مسافرلری عریان دوه لر اوسته گیدور یوخ رقیه تلینه شانه وران چولرده غرق ایدوب لیلینی ئوز دردی خیال عالمینه باخور اکبر باشینا وقت اذان چولرده دیور ای آهو باخشلی بالا آچ بیر گوزوی سنه خاطر قالوب آواره آنون چولرده ایستوری فاطمه بیر نامه یازا صغرایه نیلسون یازسادا یوخ نامه رسان چولرده یوز دوتوب یثربه سسلور باجی جان خوش حالوا گر گلیدون دیری قالمازدون اینان چولرده قاسمین داغی سریه اورگیندن چخمور اوخشور آهسته اونی سینه زنان چولرده کیم ئولور اوستونه فورا قالانور تپراقلار لااقل قبرینه قویمولا نشان چولرده هانسی راویدی الینده اولا آمار دقیق کیم بولور کیمدی ئولن کیمدی قالان چولرده او ایتن قبریلری بیرگونی مهدی تاپاجاخ گوزی یاشلی گزور العاندا همان چولرده بیر شیرین دل بالانی لیک ایتیره بولمدیلر اونا خاطر گورونوب معجز عیان چولرده او گجه یولدا بلا قافله سی لنگ اولدی اوجالوب همهمه سندی خفقان چولرده نیزده دوردی حسین باشی باخدی پشت سره (گوردولر امام حسینین  یارالی باشی حرکت المیر چاغردلار امام سجاد آقانی ، آقا سن بولرسن؟ باخدی باباسینین قان دولان گوزلرینه بولمورم نه اشاره آلدی باباسینان یوزون دولاندردی عمه سینه ، عمه قیزلاری سایبسان؟ بیر بیر بالالاری چاغردی خانم زینب ایکی الی وردی باشنا رقیم چولده قالب)