نوحه راه شام - از ناقه افتادن حضرت رقیه س الله بوقلب زاری پیکان غم بولوبدی شامین یولی رقیه آواره دی سولوبدی ائللریندن آرالی گزور حسین مارالی قولوندا قمچی ردی ایاقلاری یارالی سه ساله قیز ، گزور یاقیز، آدامسیز یوخ پناهی بو غم کشین ، بلا کشین ، ندور مگر گناهی او خوردا قلبی غمدن دوشوبدی پیچ و تابه الی ئورک باشیندا یوزون قویور ترابه دیور منی خدایا یتور آنام ربابه باتوبدی آی یئتیشدی ستاره نین زوالی قرا گئجه اسیر دیار پر خطردی ائلیندن آشنادن نه وقتدی بی خبردی گهی دوروب ایاقه گهی یئره دوشردی قولی قانادی سئنمیش پرنده نین مثالی امان الله ، آدامسیزلیق، چتیندی هر محندن سه ساله قیز ، قالوب چولده ، دوشوب آیری چمندن قویوبلا چولده آی بابا آنام باجیم ملر منی سالوبلار اوزگه لر کیمی گوزوندن عمه لر منی بو آیدا چخمور از قضا بیر آز ایشیقدا آغلیام ایاقیمون تیکانلارون چکوب جهانی داغلیام آچوب بو کهنه معجری بولوب یارامی باغلیام #راه_شام #شهادت_حضرت_رقیه_سلام_الله_علیها

‍ راه شام زبانحال حضرت رقیه کوفیان گور نجه یاندردی منی اشک محنتله بویاندردی منی بی بی زینب منه رحم ایله دایان کاروان گئتدی آدامسیز قالدیم عمّه من چرخ حیا اولدوزیام خاندانِ علوینون دوزویام هامیدان یاخچی تانورسان منی سن آتامون من دیلی شیرین قیزیام بی بی زینب ... بو فنا دهره کی گلدیم آنادان منی نازیله یاراتدی یارادان سیرِ اقبالیمی دؤندردی فَلَک خوش گونوم گئتدی تماماً آرادان چرخِ دون سالدی بلایه باشیمی آتا قارداش منیم آتدی داشیمی صود امر جیرانیما دلخوشودوم اوچیلار اوخلادی غم یولداشیمی سندروب چرخ دنی شهپریمی حبس ائدوب دیلده شیرین سوزلریمی باخورام قورخولی صحرایه مَلول توکورم دامَنَه اشکِ تریمی عمّه سن مندن اوزاق یاتمازیدون درد و غم یولداشیوی آتامزیدون ئولمَسِیدی منیم اللرده آتام سن بو تئزلیکده منی آتمازیدون سنه قربان بئله تک قویما منی قورخورام اینجیده بو قوم دنی یول قرانلوق من ئوزوم خردا اوشاق یورقونام ساخلا گئدن قافله نی شمر الیندن یایاقیم یارَه لَنوب تشنه لیکدن دوداقیم پارَه لَنوب ایستورم قافلیه ساری قاچام یره گلمور ایاقیم یارَه لَنوب سینه ده تنگه دوشوبدور نفسیم بو فنا عالم اولوبدور قفسیم بیر دایان قوللاریوی بوینوما سال واردی آغوشیوه دلدن هوسیم آز قالور قلبیمی غم تیری بُوله بیر ترحُّم ائله بو خسته دله منی چوللرده قویوب گئتسون اگر ایلَرَم جدّیمه محشرده گله غصّه دن ساغر صبریم جالانوب تللریم گرد و غباره بویانوب سسلورم هر کیمی من یوخدی جواب اوره گیم لاله مثل پارچالانوب عمر شیرینه چاتوب دستِ عدم آتورام صحنۀ مُحنتده قدم غرق دردم نه دوا وار نه طبیب نیلیوم بس بو چوله نابَلَدم بختی قاره اوشاقام خونجگرَم برگ گل تک غم الینده اَسَرَم یتشون دادیمه اللهه گوره یوخدی الدن دوتانیم دربدَرَم #کوفیان_گور_نجه_یاندیردی_منی #راه_شام #رقیه فایل صوتی👇👇👇

#دیار_شامه_عازمم #راه_شام #زنده_یاد_سلیم_مؤذن_زاده

‍ #راه_شام کوفه دن   شامه   روان    اولدی   قطار   اسرا نیزه لر  اوسته  آی  اولدوز  کیمی  رأس  شهدا قولی    باغلی     چکلوب     سلسلۀ     آل    عبا زینبون مین غمی مین غصه سی واردور  دیلده اوتوروب    غملی    رقیّیله      سنیق    محملده مرتضی   قیزلارینی   زجر  آپارور شامه  قوناق یول  چتین   آل پیمبر   یورولوب  مقصد  اوزاق نجه  عریان  دوه  اوسته  اوتورار خیردا اوشاق داش   اورکلر    ایله   مانعدی   اورک   داغلیانا تازیانیله         نوازش      اولونور           آغلیانا سوردورور   شمر    لعین   ناقه لری   سرعتیله بالالار     دشت   و    بیابانه   باخور   وحشتیله یول   گیدوللر   گیجه نی گوندوزی   بو  حالتیله دام    صیادیده     بنزولّه    پر     افتاده    قوشا بیر  بیریله   اولارون  فرصتی  یوخدور   دانیشا بوریوب   یوزلرینی   گوزلرینی   گرد    و   غبار یل   اسن   وقتیده   گیسولرینه    شانه    وورار نه   غذا  وقتی   معیّن   نه سرین  سولَری  وار کاروان   یولدا که    هر   منزل   و مأوایه  چاتار یمک  ایچمک  یادا دوشمز   بالالار فوری یاتار بیر گیجه  ایتدیله بیر قورخولی صحراده  مکان خیمه   قوردی  اوزینه   زجر دنی شمر و سنان سالدیلار  سفره   غذا میل  ایدوب اشرار زمان رختخواب آچدی  او   بی شرم  صفتلر   ئوزونه کیم  قویوب بالشه باشین یوخی گلدی گوزونه بیر طرفده   یاتیشوب  لشگر خونخوار و ظلام بیر  طرفده     اسرا    عدّه سی    اولدی    آرام قولّارین    قویدی    باشی   آلتنا    اولاد    امام پردۀ    ظلمت   شب   یوزلرینه  چکدی    نقاب اصغرون   دردی  اورکده   یوخیا  گئتدی  رباب بیر   اوجا   نیزه نون   اوسته  سر  سلطان  هدا آیدان  آرتوق او  چولی  روشن  ایدوب نور خدا او   باشا   واردی   نگهبان   نچه   مأمور    جفا نیزه    قالمیش    آرادا    نقطۀ     پرگار   کیمی گل   زهرانی    سالوبلار   وسطه    خار   کیمی گوروم اولسون  فلک کج  روشون طاقتی طاق او  نگهبان  نفراتون   بیری سویلور   بو  سیاق یاتدی یولداشلاریمون هامّوسی من قالدوم اویاق ناظریدی    اسرائیله     کسوک    باشه  گوزوم گیجه نون یاریسی بو منظره نی گوردوم اوزوم حرکت    وار   اسرا   ایچره   یره  سایه  سالور بیر قیزی درک  ایلدیم گاهی یاتور گاه اوجالور دیدیم   حتماً   یاراسی وار  یاتا  بیلمور چوبالور یاراسی اولماسا   یول  زحمتینی   باشدان  آتار گیجه نون نصفی کچوبدور یوخوسی گلسه یاتار من   بو فکریله  واریدیم   او  غم  و درده دچار اولدی   نیمخیز  اسرادن   ئوزینی  چکدی کنار قیلدی    اطرافینه    دقت    او    در   کنز   وقار وحشتیله   یولا   دوشدی   ایلدی  کشف  هدف یریدی  بارماقی اوستونده کسوک  باشه طرف پردۀ  ظلمت    هجرانی شکاف   ایتدی  او  قیز پیچ و خم یولارینی عشقیله صاف ایتدی او قیز نیزه نی کعبه کیمی گلدی طواف  ایتدی او  قیز سینه سی   اوسته   صورا اللرینه  ویردی  مقام روبروده   دایانوب  ایتدی کسوک  باشه  سلام گلدی    گفتاره    دیدی   اول  منه  دمساز   بابا یاره لی    باشوه     ایله     منی     همراز     بابا نگران      اولما     سنه     ایلمرم     ناز      بابا گیجه نون  نصفی هامی خوابیده دور من  اویاقام گلمیشم    درگهوه    قلبی  سنیق   بیر  قوناقام بو گیجه دوشدی او شبدن  بابا عشقون باشما دیمدیم    سوزلریمی      یاوریمه      یولداشما آچ او قانلی گوزی باخ گوزدن آخان گوز یاشما آتا هر  قدری  قیزا   لطف   ایده  اسراف   دگل بوینی چگنینده   منی    ساخلاما   انصاف  دگل دیمورم صحبت  ایدن وقته  منه جان دیه سن سیله سن گوز  یاشیمی خاطریمی ایستیه سن کرموندن  چوخ  اوزاقدور منی  دیندیرمیه سن قیز   یتیم   اولسا   مگر   گویلونی  آلمازلا   بابا دردمندی  قاپودان   بوش  یولا   سالمازلا   بابا گر چه   غارت   زده ام  قلبیده چوخدور مُحنیم یوزوون    تُپراقینی    سیلمگه    وار    پیرهنیم سن اوجا نی ده سن آخر بویوم آلچاقدی منیم سن  جدادن   بو   یتیمه   ایله   همدم   ئوزوی دانیشاق  بوسه لشاق  منده سیلوم یوز گوزوی نه    ربابه    گوره    نه   عترت   طاهایه   گوره نه    بی بیم    زینبه  خاطر   نده   لیلایه   گوره یوزوی  قوی   یوزومه   حضرت   زهرایه  گوره سنی    ایتامه    پرستار   یاراتمیش     یارادان سیلی نون    زحمتینی    بلکه   آپاردون  آرادان او   قیزون   سوزلرینه  دوزمدی  سلطان    هدا نیزه دن    اندی    بالیلا    گوروشه   گلدی   آتا آری    قرآن   دیوری   زنده دی   ئولمز   شهدا ایسته دی   یاخشی پذیرالیقی اولسون   قوناقا ادامه مطلب...👇👇

حضرت زینب ( س ) در راه شام ای یارالی گوز تیکوب بو کاروان منه دوش قباقه ویر بو یوللاری نشان منه چوخ یورولموشام دیندیرون منی ناقیه گلین میندرین منی کاروان گیدور باغری قان گیدور زینبون حسین ناگران گیدور قمچی الده باشیم اوسته ساربان دوروب ساق صولومدا شمر و خولی و سنان دوروب بو یارالارون باغلیامادیم ایل قبیلمه آغلیامادیم کاروان گیدور باغری قان گیدور زینبون حسین ناگران گیدور کربلاده آخدی ظلمیله آی اولدوزون جانه دویدی سینه ن اوسته خیرداجا قیزون شامه و کوفیه قافیلم گیدور زینبون الینده علم گیدور کاروان گیدور باغری قان گیدور زینبون حسین ناگران گیدور گون اوینده بی کفن یارالی یاتموسان بو یامان گون اهل بیتی گوزدن آتموسان من مسافرم خسته جان حسین دور دالیمجا ویر بیر اذان حسین کاروان گیدور باغری قان گیدور زینبون حسین ناگران گیدور ناقه اوسته غم کتابینی وراقلارام بو رقیّه نی گوز اوسته منده ساخلارام قویمارام بونا قمچی لر دَیَه بار غم بونون قامتین اَیَه کاروان گیدور باغری قان گیدور زینبون حسین ناگران گیدور قویمارام جهاندا بو آخان قانون باتا گر ئولمده قویمارام بو پرچمین یاتا دخت حیدرم ، زیب منبرم حافظ مرام پیمبرم کاروان گیدور باغری قان گیدور زینبون حسین ناگران گیدور اهل بیتین ال قولوندا قید و سلسله شامه و کوفیه گیدور بو غملی قافیله یولدا ناقه لر گوز یاشین الر اصغره باخوب آهولر ملر کاروان گیدور باغری قان گیدور زینبون حسین ناگران گیدور هر دقیقه قلبیمی بو غصّه تازه لر گون ایوینده عمری تازه ،گول جنازه لر باخ بو باشلارا ، گوزده یاشلارا نوک نیزه ده ، باغری قانلارا کاروان گیدور باغری قان گیدور زینبون حسین ناگران گیدور #ای_یارالی_گوز_تیکیبدور #کاروان_گئدور #راه_شام

کوفیان گورنجه یاندیردی منی ‍ راه شام زبانحال حضرت رقیه کوفیان گور نجه یاندردی منی اشک محنتله بویاندردی منی بی بی زینب منه رحم ایله دایان کاروان گئتدی آدامسیز قالدیم عمّه من چرخ حیا اولدوزیام خاندانِ علوینون دوزویام هامیدان یاخچی تانورسان منی سن آتامون من دیلی شیرین قیزیام بی بی زینب ... بو فنا دهره کی گلدیم آنادان منی نازیله یاراتدی یارادان سیرِ اقبالیمی دؤندردی فَلَک خوش گونوم گئتدی تماماً آرادان چرخِ دون سالدی بلایه باشیمی آتا قارداش منیم آتدی داشیمی صود امر جیرانیما دلخوشودوم اوچیلار اوخلادی غم یولداشیمی سندروب چرخ دنی شهپریمی حبس ائدوب دیلده شیرین سوزلریمی باخورام قورخولی صحرایه مَلول توکورم دامَنَه اشکِ تریمی عمّه سن مندن اوزاق یاتمازیدون درد و غم یولداشیوی آتامزیدون ئولمَسِیدی منیم اللرده آتام سن بو تئزلیکده منی آتمازیدون سنه قربان بئله تک قویما منی قورخورام اینجیده بو قوم دنی یول قرانلوق من ئوزوم خردا اوشاق یورقونام ساخلا گئدن قافله نی شمر الیندن یایاقیم یارَه لَنوب تشنه لیکدن دوداقیم پارَه لَنوب ایستورم قافلیه ساری قاچام یره گلمور ایاقیم یارَه لَنوب سینه ده تنگه دوشوبدور نفسیم بو فنا عالم اولوبدور قفسیم بیر دایان قوللاریوی بوینوما سال واردی آغوشیوه دلدن هوسیم آز قالور قلبیمی غم تیری بُوله بیر ترحُّم ائله بو خسته دله منی چوللرده قویوب گئتسون اگر ایلَرَم جدّیمه محشرده گله غصّه دن ساغر صبریم جالانوب تللریم گرد و غباره بویانوب سسلورم هر کیمی من یوخدی جواب اوره گیم لاله مثل پارچالانوب عمر شیرینه چاتوب دستِ عدم آتورام صحنۀ مُحنتده قدم غرق دردم نه دوا وار نه طبیب نیلیوم بس بو چوله نابَلَدم بختی قاره اوشاقام خونجگرَم برگ گل تک غم الینده اَسَرَم یتشون دادیمه اللهه گوره یوخدی الدن دوتانیم دربدَرَم #کوفیان_گور_نجه_یاندیردی_منی #راه_شام #رقیه

‍ راه شام زبانحال حضرت رقیه کوفیان گور نجه یاندردی منی اشک محنتله بویاندردی منی بی بی زینب منه رحم ایله دایان کاروان گئتدی آدامسیز قالدیم عمّه من چرخ حیا اولدوزیام خاندانِ علوینون دوزویام هامیدان یاخچی تانورسان منی سن آتامون من دیلی شیرین قیزیام بی بی زینب ... بو فنا دهره کی گلدیم آنادان منی نازیله یاراتدی یارادان سیرِ اقبالیمی دؤندردی فَلَک خوش گونوم گئتدی تماماً آرادان چرخِ دون سالدی بلایه باشیمی آتا قارداش منیم آتدی داشیمی صود امر جیرانیما دلخوشودوم اوچیلار اوخلادی غم یولداشیمی سندروب چرخ دنی شهپریمی حبس ائدوب دیلده شیرین سوزلریمی باخورام قورخولی صحرایه مَلول توکورم دامَنَه اشکِ تریمی عمّه سن مندن اوزاق یاتمازیدون درد و غم یولداشیوی آتامزیدون ئولمَسِیدی منیم اللرده آتام سن بو تئزلیکده منی آتمازیدون سنه قربان بئله تک قویما منی قورخورام اینجیده بو قوم دنی یول قرانلوق من ئوزوم خردا اوشاق یورقونام ساخلا گئدن قافله نی شمر الیندن یایاقیم یارَه لَنوب تشنه لیکدن دوداقیم پارَه لَنوب ایستورم قافلیه ساری قاچام یره گلمور ایاقیم یارَه لَنوب سینه ده تنگه دوشوبدور نفسیم بو فنا عالم اولوبدور قفسیم بیر دایان قوللاریوی بوینوما سال واردی آغوشیوه دلدن هوسیم آز قالور قلبیمی غم تیری بُوله بیر ترحُّم ائله بو خسته دله منی چوللرده قویوب گئتسون اگر ایلَرَم جدّیمه محشرده گله غصّه دن ساغر صبریم جالانوب تللریم گرد و غباره بویانوب سسلورم هر کیمی من یوخدی جواب اوره گیم لاله مثل پارچالانوب عمر شیرینه چاتوب دستِ عدم آتورام صحنۀ مُحنتده قدم غرق دردم نه دوا وار نه طبیب نیلیوم بس بو چوله نابَلَدم بختی قاره اوشاقام خونجگرَم برگ گل تک غم الینده اَسَرَم یتشون دادیمه اللهه گوره یوخدی الدن دوتانیم دربدَرَم #کوفیان_گور_نجه_یاندیردی_منی #راه_شام #رقیه #کانال_ترکی_مجمع_الذاکرین

‍ #روضه_باسبک ‍ من بیر قیزام شیرین شیرین سوزوم وار کمان قاشم شوه کیمین گوزوم وار اوچ ایل گچیب هله تولدمنن منده نجه دویولمگه دوزوم وار من بیر قیزام زمانه ساتدی منی قزل گل تک غمدن ساراتدی منی ساربانلار قولاریمی باغلادی سویگونچولار ناقه دن آتدی منی من بیر قیزام حالیمه بیر یانان یوخ یورولموشام پیکریمده توان یوخ قان سوزولور قابار ایاقلاریمنان آدامسزام یاره می باغلیان یوخ (ئوزون بیر مجسم اله ایوینده بالان اولسا بولرسن گئجه نین عالمی بو بالا قالدی چولده چوخ یورقونودولاربیر وقت گوزون آچدی گوردی کاروان گدیب قالب قرنلق چولده بیر صاقا قاشدی بیر صولا قاشدی اله دیردی) من بیر قیزام دردیمی یوخدی بولن غصه توزون قرا تلیمنن سیلن ئولسم اگر بو وحشتلی دمنده کیم غسل ایلر منه کیم ایلر کفن هیچ بولمورم گیدیگیم یول هارادی گئجم کیمی گوندوزومده قرادی بابا عممه ده یورقونلاری یوخلاسون گلنمیرم ایاقلاریم یارادی (نقدر الشدیلر نیزه ده کی اباعبداللهین او یارالی باشوی اوردیدی حرکت المه دی گوردولر آقانین گوزونن قان یاش گلیر گوردولر امام زین العابدین آقا گلدی دایاندی یارالی باشون قاباقندا بابا نیه گیتمیرسن بابا گورورسن بولار بهانه آختارور باجیلاریمی دویه لر عمه لریمی دویه لر بابا نیه دایانبسان گوردی الله بابانن گوزونون گوشه سیندن قان یاش گلیر باخور شامین یولونا بالام قالب یولاردا . زجر ملعون چوخ بیر نامسلمانیدی یولادلار بوبالانین دالسیجا بیر شیخ دییر گوردوم بو سرعتیلن کی بو نامرد گدیر بو بالانی سالم گتیرمیاجاخ دیدیم قوی منده گدیم بونا گوروم بو بالانی شاید الیه بولم بو نامردین الینن قوتارام تا یتیشدیلر اله کی بو بالانی گوردی اول ایش کی گوردی عوض اینکه اوبالانین نازین چکه اولده بیر محکم سیلی وردی اله باخدی دیدی ظالم) ئولدورمه باغلا قولاریمی سال قباقیوه ئولدورمگ ایسته سن اونادا حاضرم گینه اما بو چولده قویما بو محنت دچارینی سال نعشیمی آت اوسته آپار زینب عممه (راوی دییر من دیدیم قیزیم بو چولری سن گلنمه سن پیاده گل منیم ترکیمه سوار اول باخدی باخدی دیدی ) یا شیخ چوخ مروتلی شخصیسن اما بو یرده منطقیوین اشتباهی وار نامحرمیله بیر آتا مینمز حسین قیزی عمم دیوب بو بیر عملین چوخ گناهی وار بو تیکانلار آراسنان ئوزومه یول آچارام سیز چاپون آتلاریزی منده پیاده قاچارام #زبانحال_رقیه_س #راه_شام اجرا توسط حاج محمد عاملی👇

زبانحال دختر از ناقه افتاده با سر امام بعد از رسیدن به کاروان اُسرا عجب کَرَم قیلوب بابا بو کاروانی ساخلادون یارالی باشیله نجه بو ساربانی ساخلادون قیزون فدا اولا سنون گوزونده اشک آلوه خدایه شکر اولا گینه یتشمیشم وصالوه خدا بولور بو چولده من اَسفلی حاله قالمیشام قاچاندا داشلار اوسته من ئولومی یاده سالمیشام ایاقیمه تیکان باتوب غم اوستونه غم آلمیشام باتاندا خارلر دیمم حصار صبری یخمادی یر ایلیوبدی بعضی سی ایاقدا قالدی چخمادی ندن بو آیدا چخمادی بیر آز ایشیقدا آغلیم ایاقیمون تیکانلارین چکوب جهانی داغلیم نه وقتیمیدی آی بابا اوزوم یارامی باغلیم بو خیردا جا قیزین ایله باتوبدی قورخودان سسی سفارش ایله عمه مه منِ غریب و بیکَسی شکایت ایلرم بابا خدایِ حیّ و داوره مصادف اولموشام ندن گروه پَست و کافره بیری قوور بیری سویور بیری دوتور وورور یره خدا بولور کی قوم دون نقدری دویدولر منی بو قدر غصه و جفا یقیندی ئولدورر منی بو چولده زجر دون منی زبس قوووب اویان بویان حیاتیدن اوسانمیشام ئولومدی آرِزوم اینان اوقدر سیلی لر ووروب گوزومده تار اولوب جهان وورانمورام یوزومه اَل دگنده اینجیری بابا دوشوب مَحاقه صورتیم آناوا بنذیری بابا گلایه ایتمرم بابا اوزون قضاوت ایت ولی یانار ایشیتسه غصه می نجفده مرتضی علی نه نسبتی کیچیک یوزون بوزجر کافرین اَلی گوروم شل اولسون ای بابا بو زجر شوم و کافری اَلو چکور یوزوم بابا زبس آغیردی اللری فلک سالوب بلالره بو بینوا یتیمه نی اسیر ایدوبدی دشمنه سالوبدی وحشته منی دوشوبدی قورخی جانیمه هرایه سسلدیم سنی زبس بو چولده قاچمیشام صاقا صولا منِ غریب یانیبدی قلب فاطمه هرایمه آنان گلیب اگر چه (بیکَسا) سنون یوخوندی قدرت بیان کَرَم لَه لطف ایدوب سنه امیر مُلک انس و جان اجازه ویردی یازمیسان بو نچّه خطی بس دایان بورسمدور غلاملر سوزون دیوب دورار گیدر غلام دردینه ولی امیرلر دوا ایدر #راه_شام #محرم #شور #جلالت #عرض_ارادت #زیارت التماس دعای فرج الاحقر مهدی عبادی

#خروج_از_کوفه #راه_شام #ورود_به_شام #کانال_ترکی_مجمع_الذاکرین کوفه نی ترک ایلدی قوم لئام عازم شام اولدولار اشرار شام ناقه ی عریان و آل بوتراب دل لرینده خوف و ترس و اضطراب عرش و فرشی چولقاموشدی واهمه دم به دم سسلردیلر یا فاطمه کاروان منزل به منزل طی ائدور روز و شب ساعت به ساعت یول گیدور نیزه لر باشیندا باشلار باش باشا نچه یول یولاردا توش اولموش داشا ظلموده ظلم اهلی طغیان ایلدی اهلبیتین دل لرین قان ایلدی فاطمیه قیزلار اولدی دلکباب هم سریه هم سکینه هم رباب دل ده اکبر آدی لیلا آغلیور هر آنا اوز اوغلونا دل داغلیور تاب آلور دل دن ربابین ناله سی گوشینه گویا گلور اصغر سسی اوز خیالینده اونا لای لای چالور ناله سی دل دن قرار و تاب آلور زینب کبری دلینده شور و شین سسلنور باجون سنه قربان حسین قان دولان گوزلر له قارداش باخ منه اشک چشمیم اولدی قانیاش باخ منه نچه گوندور آیریلوب سندن باجون رخت الفت سویمیوب تندن باجون گیتسه هر یانه باشون گللم حسین مندن آیریلسان اگر ئوللم حسین ای سر بی تن دانیشدیر زینبی آتش عشقه آلشدیر زینبی ماحصل اول فرقه ی بی ننگ و عار یعنی عمال یزید نابکار بیر گیجه بیر یئرده سکنا ائتدیلر صبح آچیلدی دوردولار یول گئتیدیلر یولانوب تا کاروان ابتلا باشلانوب بیر ماجرای غم فزا نیزه دار راس شاه بی کسان نیزیه هر قدری وئردی چون تکان بو تلاش و اهتمام مستمر وئرمه دی شام اهلینه اصلآ ثمر گوردولر نیزه دایاندی گیتمه دی بو روش دن ذره تغییر ائتمه دی قالدی حیران بو ایشه سرکردگان گوردولر اعجازی شام اهلی عیان بو خبر فورا اولوبدور انتشار حضرت سجاده اولدی اختبار تا مقابل اولدی شاهنشاهیلن باخدی راس شاهه سوز و آهلین آنلادی فوراً ندور چون مطلبی سسلدی فوراً حضوره زینبی سویلدی عمه شمار ائت قیزلاری ماه تک ساندان گیچیرت اولدوزلاری زینب کبری انیس درد و غم سایدی اطفالی بیریسی گلدی کم ووردی باشه وای بالام ایوای دئدی گه بالام وای گاه حسینیم وای دئدی هارداسان ای غم دچاری هارداسان ای حسینون یادگاری هارداسان سوز بئله قالسین قالان قیزدان دییم صبرینی محنت آلان قیزدان دییم خواب غفلت دن اویاندی ناگهان گوردی کوچ ایلوب گیدیبدور کاروان ایله ذهنونده مجسم حالینی گوردی برهم کعبه ی آمالینی ایلدی خلاقیله راز و نیاز آغلادی بیرقدر ائتدی سوز و ساز عرض ائدوب یارب اوزون گل داد ایله دلشکسته بیر قیزام امداد ایله کاروانیم دن اوزولموش اللریم کوچ ائدوب بوردان گیدوبدور ائل لریم عمه لر گوزدن سالوب من بی کسی بو غریبون کیمسیه یتمور سسی بار الها دوندی قانه گوزیاشیم نه باجیم وار نه آنام نه قارداشیم من حسینه نازدانه دخترم پاره ی قلب علی اکبرم قورخولی صحراده بی کس قالمیشام کیمسه یوخ وئرسین منه سس، قالمیشام دل دئدی از بس او شیرین دل بالا دادینه یتدی شهید کربلا اوز وفا و مهرینی ترک ائتمدی گلمیینجه دلبری یول گیتمدی سعدین اوغلی عالمه سالدی شرر فتنه ی دیگر ائدوب اول فتنه گر زجری مأمور ایلدی بو مطلبه آییری یاره ووردی قلب زینبه آه یا صاحب زمان یابن الحسن خامه ده یوخدور توان ائتسین علن قمچی الده گلدی زجر کینه جو تا سکینه اولدی اونلا روبرو ایستدی ایمن اولا چون جوریدن تئز سلام ائتدی او شومه دوریدن الغرض گتدی یتوردی لشگره عالَم امکانی ووردی بیربیره تا یئتیشدی کاروانه خسته جان عمّه سین گوردی ائدوب اشگین روان آلدی آغوشه خانم ئوپدی یوزون گُل یُوزوندن سیلدی صحرانین توزون آل حیدر دلشکسته باغریقان شامه یولاندی دوباره کاروان شهریده باشلاندی گویا ولوله تیره دِل لر ایلیوردی هَلهله شامیان طبل بشارت چالدیلار خیردا قیزلارین قرارین آلدیلار گوردولر بیر عده دستی بسته دور باغلانوب زنجیره دلدن خسته دور بیر طرفده لشگر خونخوار شام بیر طرفده عترت خَیرُالانام بیر طرفده نیزده باشلار گلور هر طرفدن اوستونه داشلار گلور ماجراسین کیمدی دوز تقریر ائده یا کی شام اوضاعینی تفسیر ائده زینبه اولدی قیامت شامیده گوردی بیر آییری مصیبت شامیده نیزه ده گوردی حسینون باشینی دولدوروبدور چشم گوهر پاشینی چکدیلر کوی یهوده ناقه سین قیردیلار شام اهلی اُلفت ساقه سین طول وئرمه صحبته «دلجو» دایان یاد ایله اوضاع شامی سنده یان اصغر گلمحمدی متخلص به دلجو @turki_nohemajma #کانال_ترکی_مجمع_الذاکرین

▪️(((راه شام))) 🎼سبک: ممد نبودی ببینی... ویرانه نی آباد ایدن ,گوهریم لای لای شامین یولین آغلار گیدن , گوهریم لای لای قیمت ویرن ویرانییه , یاوریم لای لای یالوارمیان بیگانییه , یاوریم لای لای عمه سین , آغلادان کفنسیز , قلبی قان قارداشیمین مَه پاره سی , بی کفن لای لای ای چوللَرین آواره سی , بی کفن لای لای گُوز یاشیوی قبرَه آپار , قبریده آغلا غارت اولان گوشواره سی ,بی کفن لای لای عمه سین , آغلادان کفنسیز , قلبی قان قلبیلره لرزه سالان , رقیَّه لای لای طاقتیمی الدن آلان ,رقیَّه لای لای اِی ایاقی قابار وُوران , تِیکانلیخ چولده ای گُلمِیَن قان آغلِیان , رقیَّه لای لای عمه سین , آغلادان کفنسیز , قلبی قان ای گوزلری یاشلی ئُولَن , اُوستون چکدیم یات ای قلبیمی غَملن بُلَن , اُوستون چکدیم یات ویرانییه پرچم وُوران , پرچمون قربان دردیوی یوخ بالا بُولَن , اُوستون چکدیم یات عمه سین , آغلادان کفنسیز , قلبی قان شیرین زبان شیرین سُخن ,,یات بالا دینجل قاره زُلفون اولدی کفن , یات بالا دینجل گُوز یاشیلان غسلون ویرَّم , کفنسیز بالا ای سَر بَسر عُمری مِحَن , یات بالا دینجل عمه سین , آغلادان کفنسیز , قلبی قان آغلادیسان (محرمی) , آغلاشار عالم سینه وُورار قیز اُوشاقلار , دوتالّار ماتم دنیاسَنه یُوز گُور ستدی , یوزونی گُوردون شیعه سَسلَر یارُقَیَّه , آغلاشار باهم ای فلک , دای بَسدی اُورکلر , دای اَسدی واویلا , واویلا یازهرا , یازهرا ✍بقلم محرم کریمی ۴۰۴ , ۴ , ۲۹ #محرم1402 #راه_شام #شب_سوم_محرم #شهادت_حضرت_رقیه_سلام_الله_علیها .

#راه_شام 🎤 کربلایی سعید سلطانی