عرض ارادت خدمت ارباب دوعالم (در هنگ همه جا بروم......) اورکده وار گینه درد و غم هواسی حسینون قورولدی دوباره عزاسی اولوب آماده هامی عاشقلر گوزل آدینی اهل دیل سسلر ابی عبد ا... سینه لر غمونده آلیشدی حسین جان گینه نظم عالم قاریشدی حسین جان عاشقلر باشه قاره باغلادی یرلر آغلادی گویلر آغلادی قاپوندا گدایم اَیا شاه عالم منیم سروریمسن سنه من غلامم تاج عشقیمدی باشداکی قاره م سنه چوخداندی کی عزادارم من تیر عشقونله شکارم حسین جان قووما بو غلامی آقا سن قاپوندان من خمار باده ی اَلستم عشقونده مولا سرمستِ مَستم (بیکَسم) بولورسن ای شاه عاشورا الیم بوش،باشیمدا هوای کربلا نه اولور احسان ایده سن سنده دایانام بیرده تلّ زینبده #اورکده_وارگینه_دردوغم_هواسی #محرم #جلالت #سیدالشهدا #مقام_نوکری التماس دعای فرج

زبانحال دختر از ناقه افتاده با سر امام بعد از رسیدن به کاروان اُسرا عجب کَرَم قیلوب بابا بو کاروانی ساخلادون یارالی باشیله نجه بو ساربانی ساخلادون قیزون فدا اولا سنون گوزونده اشک آلوه خدایه شکر اولا گینه یتشمیشم وصالوه خدا بولور بو چولده من اَسفلی حاله قالمیشام قاچاندا داشلار اوسته من ئولومی یاده سالمیشام ایاقیمه تیکان باتوب غم اوستونه غم آلمیشام باتاندا خارلر دیمم حصار صبری یخمادی یر ایلیوبدی بعضی سی ایاقدا قالدی چخمادی ندن بو آیدا چخمادی بیر آز ایشیقدا آغلیم ایاقیمون تیکانلارین چکوب جهانی داغلیم نه وقتیمیدی آی بابا اوزوم یارامی باغلیم بو خیردا جا قیزین ایله باتوبدی قورخودان سسی سفارش ایله عمه مه منِ غریب و بیکَسی شکایت ایلرم بابا خدایِ حیّ و داوره مصادف اولموشام ندن گروه پَست و کافره بیری قوور بیری سویور بیری دوتور وورور یره خدا بولور کی قوم دون نقدری دویدولر منی بو قدر غصه و جفا یقیندی ئولدورر منی بو چولده زجر دون منی زبس قوووب اویان بویان حیاتیدن اوسانمیشام ئولومدی آرِزوم اینان اوقدر سیلی لر ووروب گوزومده تار اولوب جهان وورانمورام یوزومه اَل دگنده اینجیری بابا دوشوب مَحاقه صورتیم آناوا بنذیری بابا گلایه ایتمرم بابا اوزون قضاوت ایت ولی یانار ایشیتسه غصه می نجفده مرتضی علی نه نسبتی کیچیک یوزون بوزجر کافرین اَلی گوروم شل اولسون ای بابا بو زجر شوم و کافری اَلو چکور یوزوم بابا زبس آغیردی اللری فلک سالوب بلالره بو بینوا یتیمه نی اسیر ایدوبدی دشمنه سالوبدی وحشته منی دوشوبدی قورخی جانیمه هرایه سسلدیم سنی زبس بو چولده قاچمیشام صاقا صولا منِ غریب یانیبدی قلب فاطمه هرایمه آنان گلیب اگر چه (بیکَسا) سنون یوخوندی قدرت بیان کَرَم لَه لطف ایدوب سنه امیر مُلک انس و جان اجازه ویردی یازمیسان بو نچّه خطی بس دایان بورسمدور غلاملر سوزون دیوب دورار گیدر غلام دردینه ولی امیرلر دوا ایدر #راه_شام #محرم #شور #جلالت #عرض_ارادت #زیارت التماس دعای فرج الاحقر مهدی عبادی

شعر شماره ۹۵ عرض ادب و آرزوی زیارت حضرت سیدالشهدا علیه السلام سلام ارباب گَدای روسیاهم من بولورسن کی نجه غرق گناهم من حسین جانم(۲) باشیمدا وار هوای قبر ششگوشه اوقبری کاش چَکیدیم بیرده آغوشه حسین جانم(۲) گوزوم یاشی آخور گوزدن فراقوندا چاغیر بیرده دوروم مولا رواقوندا حسین جانم(۲) منه سیزدن آقا دائم عنایت وار الیم بوشدی ولی شوق زیارت وار حسین جانم(۲) حرم فکری بو بیمارین آلوب صبرین گویول ایستیر علمدارین کیچیک قبرین حسین جانم(۲) اگر گلسم خلاص اوللام هامی غمدن ولی چوخدی گلایم نهر علقمدن حسین جانم (۲) #سلام_ارباب_گدای_روسیاهم_من #محرم #شور #جلالت #عرض_ارادت #زیارت التماس دعای فرج الاحقر مهدی عبادی

👆👆👆‍ عرض ارادت به ساحت قدسی ارباب بی کفن ➖➖➖➖➖➖➖ عالمون آیری بیر عالمدی حسین جان سنون عشقونده جهان اهلیدی حیران در و دیواره گینه قاره چکوبلر گلوب ایام عزا ای گل رضوان محرمون گلوب اورکلر یاندی _ بو اون گجه نه غصلی دوراندی حسین حسین آقام ابا عبد ا... _________ یاحسین ای شرف عالم آدم گوزل آدون یارالی قلبیمه مرهم زاهدین فکری بهشت آختاریر امّا منه جنّتدی حسین محفل ماتم نمازیده صفای محرابیم سن _ بوبسدی کی جهاندا اربابیم سن ________ ای اولان کان کرم حجت یزدان فاطمه سویگلی سن ای شه دوران اُمتین باب نجاتی آقا سن سن رحمت واسعه سن ای شه دوران گناهیمیز اگرچه چوخدی مولا _ هارا گیداخ پناه یوخدی مولا ________ دیل آچاندان آدیوی ازبرم ارباب سوز باشی گول آدیوی سسلرم ارباب ای منیم هر ایکی دنیاده وقاریم گر قبول ایلیسن نوکرم ارباب محبتون اورکده سرمایمدی _ بو ماتمون غریبه بیر ماتمدی ________ بنده لیق سندن حسین تاپدی شرافت ای نجاتین گمیسی نور هدایت آلتی گوشه حرمی گویلوموز ایستیر (بیکَسه) ویرآقاجان قول زیارت نولور گورم نصیب اولوبدی یارب_ دایانمیشام به روی تل زینب ___ #محرم #جلالت #سیدالشهدا #مقام_نوکری 💠بامداحی کربلای......فیاض😔😔😔😔🥀🥀🥀🥀🥀

عرض ارادت خدمت ارباب بیکفن و آرزوی زیارت (شور ترکیبی با آهنگ‌ جدید) حسین یا مولا اسیرِ عشقون اولموشام چوخداندی حسین یا مولا گدایِ دَرگَهیوه باخ احساندی حسین یا مولا آدون تمامِ دردلره درماندی چوخدی منیم خطالریم ، هِی دورموشام یخیلمیشام بنده لری سایاندا من ، خط یِمیشم چیخیلمیشام اُمیدیم عالَمده بودی ، من قاپیوا سیخیلمیشام یابن الزهرا یابن الزهرا آتام آنام سنه فدا آدیوا قربان ای اَنبیا و اولیأ بیتابی آدیوا قربان ایدَن روشن کوْنی رُخِ مَهتابی آدیوا قربان کیمون واردی سن کیمی بیر اَربابی آدون سالیبدی قلبیمه،گجه گونوز،شوریله شِین سنه بولوسن عاشقیوَم ، فاطمیه نورِ دو عِین بو بَسدی عالَمده منه ، دیولسه نوکَرِ حسین یابن الزهرا یابن الزهرا آتام آنام سنه فدا عزیزَ الزَّهرا سالیب فراق اودی منی ،بیر درده عزیزَ الزَّهرا او قانلی گوزله باخ بو رویِ زَرده عزیزَ الزَّهرا گوزوم او ساربان کَسَن اَللرده عزّت قازانمیشام آقا ، بو آسِتانه دن حسین ای کَرَم و سَخاسینی ، عالَمه گورسَدَن حسین بیر بیله اولماز آیریلیق، چاخیرموسان نَدن حسین یابن الزهرا یابن الزهرا آتام آنام سنه اَبا عبدالله بو خسته قلبیمه اوزون ویر جَلا اَبا عبدالله ایدوبسن عشقیوه منی مُبتلا اَبا عبدالله دوشوبدی باشیمه گینه کربلا او آلتی گوشه لی حَرم ،بهشتیدن صفالیدی مرکزِ آه و ناله دی، کرب و بلا بَلالیدی روحِ ربابِ بینوا ، اوردا هَله عَزالیدی یابن الزهرا یابن الزهرا آتام آنام سنه فدا #حسین_یامولا_اسیرعشقون_اولموشام_چوخداندی #شور #محرم #جلالت #اربعین #امام_حسین_علیه_السلام التماس دعای فرج الاحقر مهدی عبادی

شعر شماره۳ رُخصتِ نوکری از امام زمان عجل ا... تعالی فرجه الشریف یابن الحسن ،آقا گوز یاشیوا ،فدا گونلر گیچدی ،بیرده گلدی ماهِ ،عزا رُخصت ویر قاره می گیوم ،آقا جدّیوه عزا ساخلیوم ،آقا یابن الحسن یابن الحسن ،آقا ۳ بو آی آغلار ، گوزلر باشه وورار ،حیدر ایوای اِرباً ، اِربا دوغراناجاق ، اکبر باشی اوسته اولار حسین ،بیتاب عَبایه جسمین یغاجاق ،ارباب حسن ماهِ ، اَنور وای اوغول وای ،سَسلر پَرپَر اولار ،جسمِ قاسمِ مَه ،پیکر قاسمون نسگیلی اورک ،داغلار جسمین سالار یامان گونه ،آتلار بو آی سو قان ، اِیْلر تشنه قالار ،لَب لر آتا قوجاقینده اوخلاناجاق ، اصغر شَه قلبینی بو غم سیخار ، ایوای ربابین اوخ ایوین یخار ،ایوای محشر اولار ، بر پا شَه قالاندا ، تنها بیر مشک سو ،اوسته قولسوز دوشَر ،سقا شَه سَسلَنَر آرخام ائلیم ،یاتما یاتما اویان سیندی بئلیم ،یاتما درده دوشَر ،زینب امّا دوزَر ،زینب قَتلگهده ، بیر گون حیران گَزر ،زینب سَسلر هایانداسان حسین ،قارداش قویما گوزوم توکسون بیله ،قانیاش #یابن_الحسن_آقا #محرم #جلالت #سیدالشهدا #مقام_نوکری التماس دعای فرج الاحقر مهدی عبادی

شعر شماره۵ در مقام امام حسین علیه السلام... مهر جهان تابیم حسین یابن فاطمه ای درّ نایابیم حسین عالمده اربابیم حسین جانلار فدا بو عزّته یابن فاطمه گوز تیکمیشم عنایته باخدون بو بی لیاقته سرو روانیم/آرام جانیم/گُل آدون اولدی/ورد زبانیم یارالی جان یارالی ای شهریار ما سوا ایها الشهید ای گوزلره نور و ضیا ششگوشه قبره جان فدا ای عشقه میزان و هدف ای پور سلطان نجف ای صاحب عزّو شرف سنسن نگاریم/شأن و وقاریم/سنسن حسین جان/دارو نداریم یارالی جان یارالی جهان آراحسین یابن مرتضی ای عالمه مولا حسین ویر قلبیمه صفا حسین گوز تیکمیشم احسانیوه درمان ایله بیماریوه ملحق اولوم انصاریوه عبد درم من/دیده ترم من/ سن شاه عالم /بیر نوکرم من یارالی جان یارالی ای پادشاه نشأتین مظلوم حسین زهرایه سنسن نور عین هی سسلرم مظلوم حسین ای رهبر آزادگان ای عالمه غوغا سالان قانین اولوب سو تک روان ای روح ایمان/شاه شهیدان/دین اوسته اولدون/سن قانه غلطان یارالی جان یارالی ای شیعیه پشت و پناه جانم آقا ای عشقه عالی شاهراه قسمت ایله بیر خیمه گاه ای ظلموله قانه باتان باش فکرینی باشدان آتان تشنه فرات اوسته یاتان ای نور عینیم/وار شور و شینیم/ذکریم اولوبدی/مظلوم حسینیم یارالی جان یارالی ای فخر کلّ ِ کائنات لبیک حسین ویردون بو دینه سن نجات ای معنی آب حیات سلطان ملک کربلا مرآت قلبه ویر جلا ای عشقینه دل مبتلا یوخدور حبیبیم/ عشقون نصیبیم /بیماریوم من/سن سن طبیبیم یارالی جان یارالی من (بیکَس) و افتادیم رهبریم حسین من روسیَه بی بندیم سندن آقا شرمندیم ایکاش ای خون خدا بیرده اولا قسمت آقا پای پیاده کربلا من مبتلایم/غرق بلایم/عاشق خاکِ/کرب وبلایم یارالی جان یارالی #مهر_جهان_تابیم_حسین_یابن_فاطمه #محرم #جلالت #امام_حسین_علیه_السلام التماس دعای فرج الاحقر مهدی عبادی

شعر شماره۶ شور جدید شروع محرم با چهار فَراز و فرود عاشقان /گلون دوباره/گلوبدی فصل فغان و ماتم اَگنیزه /عزا لباسین/گیون گَلَنده گلوب محرم قورولوب/ بَساطِ روضه چَکیلوب/ عَرش اوسته قاره اَشکیله /دولوبدی گوزلر بَنذیور / اَبر بَهاره اَسَر قاره پَرچَم/گَلَر دیللره غم یتیشدی آقامین عزاسی هامی کوچه لردن/هامی تکیه لردن گَلَر وای حسین وای صداسی چخور عرش اوسته فغانیم سنه قربان جانیم مظلوم ئولن آقام وای عزا رَختینی سویمارام آغلارام، دویمارام مظلوم ئولن آقام وای وای اربابیم ایوای آقام قاپوندا / ای شاه بی سَر/عالَم و آدم بنده دی مولا نهضَتون/واردی یقینیم/بالان گَلینجه زنده دی مولا ویروبسن/ درسِ هدایت بیزلره / وقت شهادت ایلیوب / سنی خداوند یا حسین / بیزه عنایت گیچوبسن باشوندان/گوزل قارداشوندان عجب عشقه میزان قویوبسان بالان دوغرانوبدی/بیری اوخلانوبدی نجه قیزلاروندان دویوبسان باش اَگمه دون سن کُفّاره باشدان باشا یاره مظلوم ئولن آقام وای باشوندان با‌ش فکرین آتدون شیعه نی اوجاتدن مظلوم ئولن آقام وای وای اربابیم ایوای آقام #عاشقان_گلون_دوباره_گلوبدی_فصل_فغان_وماتم #محرم #شروع #جلالت #امام_حسین_علیه_السلام التماس دعای فرج الاحقر مهدی عبادی

شعر شماره۷ عرض ادب خدمت حضرت سیدالشهداء علیه السلام و آرزوی زیارت 🔹🔹🔹🔹🔹🔹🔹🔹🔹🔹 (سلام آقا) (فارسی_ترکی) 🔹🔹🔹🔹 شور عشق تو ، به دلم افتاد به خیال من ،یه حرم افتاد چی میشه،رَهام بُکن از این عذاب ذکرم گشته کربلا ، بده جواب بعضی شبها میبینم ، من توی خواب لالایی میگم برا طفل رباب سلام ارباب دوباره دل هوایی شد سلام ارباب دلم باز ، کربلایی شد حسین جانم ۲ سلام ارباب ببین تو شور و شِینم رو سلام ارباب بِنِویس اربعینم رو حسین جانم۲ لَبَیکَ یا حسین لَبَیکَ یا حسین ۲ نه اولور مولا ، باخ بو مدهوشه گویلومه دوشدی، گینه ششگوشه قبریوین دیولّه چوخ صفاسی وار گنبد آتدا فاطمه نواسی وار خیمه گاهین آیری بیر هواسی وار صودامر آناسینین صداسی وار سلام ارباب منه غملر اولوب دمساز سلام ارباب برات کربلامی یاز حسین جانم۲ سلام ارباب گدای بیکسم مولا سلام ارباب قاپوندان سائلی قووما حسین جانم۲ لَبَیکَ یا حسین لَبَیکَ یا حسین ۲ سالوری آدون ، قلبیمه غوغا یادیمه دوشدی ،یوم عاشورا ایندی ده، یارالیدی گول پیکرون قانه بویانوب، هامی کمک لرون یاتوبدی ، ایاق طرفده اکبرون سینه ن اوسته خواب ایدوبدی اصغرون سلام ارباب سلام ای جان ویرن عطشان سلام ارباب داغیلمیش جسمیوه قربان حسین جانم۲ سلام ارباب سنه هم یار و انصاره سلام ارباب سنه هم تشنه سرداره حسین جانم۲ لَبَیکَ یا حسین لَبَیکَ یا حسین ۲ #شور_عشق_تو_به_دلم_افتاد #محرم #جلالت #اربعین #شور التماس دعای فرج الاحقر مهدی عبادی

شعر شماره۸ عرض ادب خدمت سالار شهیدان و آرزوی زیارت ➖➖➖➖➖➖➖➖➖ (عاشقان حرم ،موکب به موکب) یا حسین ای خانیم زهرا بالاسی شیعیانین یقین سنسن آقاسی اولموشام عشقیوین من مبتلاسی سن سروریم سن، حسین دلبریم سن ، حسین آدیوا عاشیقم رهبریم سن، حسین غمه آماجم ، آقام آقام ایله تاراجم ، آقام آقام سنه محتاجم ، آقام آقام ابی عبدا... حسین حسین نچّه ایلدی قاپوندا نوکرم من اوزگه بیر آستانه گیتمرم من تا نَفَس وار آدیوی سسلرم من سن ایتموسن محترم سائلم قیل کرم گویلوم ایستیر آقا آلتی گوشه حرم اولسا قسمتیم ، قدم قدم توتارام الده ، قره عَلَم دیَرم دائم، حرم حرم ابی عبدا... حسین حسین اهلبیت عشقینه کیم مبتلادی علّتی عالَمِ قالو بَلادی شیعه لر سینه سی کرب و بلادی بیز حیدری مسلَکوخ کفره باش اَگمروخ گوردی داعش نجه نوکر زینبوخ چکروخ لشگر هر اربعین آقامیز پورِ ام البنین یخاروخ کفرون یقین ایوین ابی عبدا... حسین حسین مکتبونده آقا من درس آلاندان سفره وین ریزه خواری من اولاندان آلمیشام درسیمی اکبر بالاندان من آقا دیده ترم عاشق اکبرم بودی دیلده سوزوم پیرو رهبرم تیکمیشم من گوز عنایته عاشقم دیلدن ولایته چکه جاق بو عشق شهادته ابی عبدا... حسین حسین #یاحسین_ای_خانیم_زهرا_بالاسی #محرم #جلالت #اربعین #شور التماس دعای فرج الاحقر مهدی عبادی

شعر شماره۹ عرض ارادت به ساحت قدسی سید و سالار شهیدان در آهنگ : سو گورنده دیرم وای وای علیکم ای غریب کربلا *یا ابا عبدا... آدیوا شیعه فدا * یا ابا عبدا... سو گورنده دیرم وای وای یارالی آقام ایوای آقام ای وای آقام ایوای ۴ یتشوب محرمون * یا ابا عبدا... یاده دوشدی غملرون * یا ابا عبدا... دورت مین اوخلی پیکرون * یا ابا عبدا... لطف ایله کان کرم * یا ابا عبدا... بیرده پابوسه گلم * یا ابا عبدا... اوردا دائم دیرم * یا ابا عبدا... غمیوی یاد ایدرم * یا ابا عبدا... آغلارام داد ایدرم * یا ابا عبدا... ایندی فریاد ایدرم * یا ابا عبدا... ای عزیز مصطفی * یا ابا عبدا... ایتموشم بی حد خطا * یا ابا عبدا... گل منی قورتار آقا * یا ابا عبدا... بولورم یارالی سان * یا ابا عبدا... سن باشی بلالیسان * یا ابا عبدا... آقالار آقاسی سان * یا ابا عبدا... ای آدی درده دوا * یا ابا عبدا... ای شهید نینوا * یا ابا عبدا... ویر بیزه کر ب بلا * یا ابا عبدا... من گرفتار گناه * یا ابا عبدا... سن جهاندا پادشاه * یا ابا عبدا... منه ویر اوزون پناه * یا ابا عبدا... ای گل باغ رسول * یا ابا عبدا... نور چشمان بتول * یا ابا عبدا... (بیکَسم) ایله قبول * یا ابا عبدا... #ای_غریب_کربلا_یااباعبدالله #محرم #جلالت #سیدالشهدا #مقام_نوکری التماس دعای فرج الاحقر مهدی عبادی

شعر شماره ۳۵ عرض ادب خدمت ارباب بیکفن (ایوین آباد حسین) شکسته دیللره صفا سن سن امیر دشت نینوا سن سن رخت عزا گییَرم یارالی عشقیله آغلییَرم یارالی آدیوی سسلیرم یارالی حسین *سَسیمی اِیلَرَم -گینه آزاد حسین اوجادان سَسلرم -ائوین آباد حسین «ائوین آباد حسین » گدای رو سیاه دربارَم بیر عُمریدی سنه عزادارم ماه عزا گینه اولدی آقا باغ ولا، گولی سولدی آقا شیعه لرین ،گوزی دولدی آقا حسین *اِیده جاق پرچمون -کفری بربادحسین دییرم هر زمان -ائوین آباد حسین «ائوین آباد حسین » درسین آلیبدی شهدا سندن علت اودور قوخمادی دشمندن شهریده وار شهید محراب اصغر و مرتضای قصّاب سنسن آقا اولاره ارباب حسین *شهدا اِیلَدی -سنی فریاد حسین هامیسی سسلدی -ائوین آباد حسین «ائوین آباد حسین » درد جهانه سنده وار درمان ششگوشه قبریوه جانیم قربان شیعه فدا یارالی باشیوا گَل بیزی سن گینه یغ باشیوا دعوت ایله دولاناخ باشیوا حسین گینه بو اربعین _بیزی قیل یاد حسین تذکره ویر بیزه _ ایوین آباد حسین «ائوین آباد حسین » کیم دیوری شیعه نی (بیکَسدی) فقط بیزه عشق حسین بسدی گول آدیوی آقا سسلیرم عشقیله قاره می من گییَرم دردیمی من سنه تک دییرم حسین زیر لب وار منیم _بیله فریاد حسین اوّل ، آخر سوزوم_ ایوین آباد حسین «ائوین آباد حسین » #شکسته_دیللره_صفا_سنسن #محرم #جلالت #عرض_ارادت #زیارت التماس دعای فرج الاحقر مهدی عبادی