شاعر: مرحوم یحیوی اردبیلی ذاکر:کربلایی منوچهرحسن زاده ویرانه ده نازلی بالام جان وردی دینجلدی بو دختر شیرین کلام جان وئردی دینجلدی بختی بو طفلون اوجیدن دوشدی سرازیره یکسر آتا قارداشلارین چکدیله شمشیره کرب و بلادن شامه دین باغلاندی زنجیره یاتماق اونا اولدی حرام جان وئردی دینجلدی قالدی اراده بی کفن الله بالام ئولدی بیر کیمسه نم یوخ دفن ایدن الله بالام ئولدی آسوده اولدی ظلمیدن الله بالام ئولدی هر زحمته ایتدی دوام جان وئردی دینجلدی بعضی گئجه اکبر بوئین اوخشاردی یاتمازدی شمری گورن گون اوُل گئجه قورخاردی یاتمازدی چوخ یالواراردیم یات قیزیم آغلاردی یاتمازدی ایندی نجه گور اولدو رام جان وئردی دینجلدی غسلون وئرن یوخدور نِئدیم ئولدی بالام قالدی ئوز معجرینله دفن ائدیم ئولدی بالام قالدی سونمز اودون یاندیم دئدیم ئولدی بالام قالدی هی آغلارام آرتار یارام جان وئردی دینجلدی یاتدی حسینین بلبلی یانام اَلولانّام یاده دوشر شیرین دیلی یانام اَلولانّام واردور بونون بیر نیسگیلی یانام اَلولانّام گیزلین دئدی عمه آجام جان وئردی دینجلدی زنجیر کسن قولارینون نقشینه باخدوقجا کهنه حصیردن آلنینون فرشینه باخدوقجا یاننام بالامون خوار اولان نعشینه باخدوقجا بو دللریله اوخشارام جان وئردی دینجلدی ای هاشمون اوغلانلاری عباس و یا جعفر هاردا قالوبسیز پس بوگون ای قاسم و اکبر آخر سکینم (رقیّم) یئرده دور زینب سیزی گوزلر چوخ اینجیدوبدور اهل شام جان وئردی دینجلدی غساله گورسه آغلیور شمرون جفاسیندن مالش ویرنده قویمارام قمچی یاراسیندن زهرا آنامه بو قیزی باشیم بلاسیندن من بیر نمونه یوللارام جان وئردی دینجلدی #شادی_روح_سلیم_صلوات

‍ مدح و میلادیه حضرت زهرا سلام الله علیها بانوای:کربلایی منوچهرحسن زاده دان اولدوزوم زهرا زهرا زهرا دادیم دوزوم زهرا زهرا زهرا گلمز سنه همتا ریحانه طاها ای همسر حیدر حیدر حیدر گنجینه گوهر گوهر گوهر وی شافع محشر محشر محشر گلمز سنه همتا ریحانه طاها وی نهال عز و غیرت غیرت عرش و فرشه زینت زینت باشدان باشا حکمت حکمت گلمز سنه همتا ریحانه طاها گوزل آدون تکدی تکدی تکدی زهرا جان میلادون مبارکدی اهل سما دیلده تبارکدی گلمز سنه همتا ریحانه طاها ای معنی قرآن قرآن قرآن ای دردلره درمان درمان درمان جانلار سنه قربان قربان قربان گلمز سنه همتا ریحانه طاها #شادی_روح_سلیم_صلوات #کربلایی_منوچهر_حسن_زاده #پیشنهاد_دانلود #گلچین_مولودی_یازینب_سلام_الله_علیها