#اربعین_دلگویه_مازنی اسیری بوردمه منزل به منزل ‍ #اسیری_بوردمه_منزل_به_منزل #اربعین_دلگویه_مازنی 🏴🥀🏴🥀🏴🥀🏴🥀 اسیری بوردمه منزل به منزل غم وغصه ی عالم دره مه دل برارِ نازنین زینب ته قروون پِِرس مره بَوین زینب ته قروون برار پرس خبرها دارنه زینب پرس که درد دلها دارنه زینب اگه مه رنگ و رو تغییر هاکرده مره درد اسیری پیر هاکرده مه دل ره خون دکردنه اسیری چهل روزه برسیمه به پیری چهل روزه چهل جور داغ بدیمه شه چشِ جا خزون باغ بدیمه تـه رقیـه ره بـا لگـد بـزونه دَنیبی مـره حـرف بد بزونه برار تا مجلس شراب بدیمه نامحرمون پیش کباب بهیمه وچون چش پیش به هر بهونه خجالت کشیمه تا مِره زونه ته که دَنیبی خواخر چو بَخرده ته زینب مثل ته مار لو بَخرده از رقیه نپرس جواب ندارمه بغیر از این دل کباب ندارمه ته سره تا بَدیّه دق هاکرده اَنّـه بـابـا بـابـا  بَـوته بَمـرده دعا هاکن شه حاجت ره بهیرم الهی که ته قبر سر بمیرم بَخون «مداح» مه دل که پاره بَیّه مـه قسمت کـربلا دِواره بَیّـه 🏴🥀🏴🥀🏴🥀🏴🥀 #شعر_علی_اکبر_اسفندیار_مداح