سینه زنی حضرت عباس (ع) 🌴🌾🌴🌾🌴 ▪️▪️▪️▪️▪️ عباسمه مشکل گشامه من شه برارِ جان فدامه اگر بهووِه وقتِ پیکار مثلِ علیِّ مرتضامه //هسّمه سردار،،حسینه غمخوار مه نوم علمدار عباس علمدار۴ ▪️🌴▪️🌴▪️ بمومه جانبازی هاکنم شه مولاره راضی هاکنم برای عدل ودین وایمون شه جانه جه بازی هاکنم //دَوِسْمِه پیمان،،بادین وقرآن فدا بوّه جان عباس علمدار۴ ▪️🌴▪️🌴▪️ شه پره جور هاکنم پیکار در بیارم دشمنِ دِمار چپ وراسته لشکر بزِنم همه از دم هاکنن فرار //نیمه هراسون،،شومبه بمیدون به مثلِ شیرون عباس علمدار۴ ▪️🌴▪️🌴▪️ شومبه لبِ شط او بیارم وچونسّه طاقت ندارم عمو عمو اِنه منه گوش چطی تومبه من تاب بیارم //عَلِم مِنِه دوش، مه خون بمو جوش،،ایارمه خروش عباس علمدار۴ ▪️🌴▪️🌴▪️ دشمن اگه کمین هاکِنه مره نقشِ زمین هاکنه اگه مه دسْ قلم بواشه حسین ره دل غمین هاکنه //مه جانه برار،،هاکن افتخار مه نعشِ کنار شاعر قاسم جناتیان قادیکلایی ▪️🌴▪️🌴▪️ 🌴🌾🌴🌾🌴 بانوای مداح اهل بیت ع🎧 #حاج_پرویز_مشکاتی🎤 #تنظیم خدادادی✍ سبک👇