روضه_روز_وفات_حضرت_زبنب_س بسم الله الرحمن الرحیم   یا رحمان یا رحیم السلام علیکِ یا بنتَ امیر النؤمنین الســــــلام علیکِ یا امُّ المصائب السلام علیکِ یا عقیله بنی هاشم سندنصورا قـــــاره باشیما باغلامشام گل هر یرده حسین وای دئمیشم آغلامشام گل اوخ پاره لین کوینگوی ســــاخلامشام گل     قربانون اولوم طاقتیمی اَلــــدن آلوبسان     زینب باجوام جان وئرورم هاردا قالوبسان ؟ حسین جـان اوسته سنون یاروه من زلفمی سردیم گوز یاشی توکوب جدیم ئوپن یردن اوپردیم سینونده تِکان تک دوزولن اوخــلاری دردیم       قلبوندن حسین تازه آخـان قانوه باخدیم       قیمتلی قانیدی گوتورب زلفیمه یاخدیم 😭حسین آی مظلوم ئولن قارداشیم آخر باجینون قارداشیلان ارزشی واردی گور هیچ منیلن چرخون حسین سازشی واردی ؟ گلسون باجوین بیرجه سنه خواهشی واردی عرضیم بودی ویرانیه ده ، باش یتوررسن گور گلسه رقیّــون قوجاقوندا گتوررسن (۱) 😭خانم دیدی دیدی صورا آناسی زهرانی (س) خطاب ایلدی بیوردی ننه : گل شــــــام دیارینده پربشان ننَه زهرا قارداش آدی دیلده ویرورم جان ننه زهرا سندنصورا دنیاده یوزوم گولمدی بیر گون اولمیشدی مــــدینه منه زندان ننه زهرا کوینک ئوز الونلن توخودون اوغلون حسینه ویردون منه تا ساخـــلیام هر آن ننه زهرا ننه سندنصورا من اَلّی بیر ئیل دربدر اولدوم بوکــدی بیلیمی محنت هجران ننه زهرا سندنصورا قـارداشـــلاریم اللرده ئولوبدی اولدی گیجه گوندوز اورگیم قان ننه زهرا هر سنّیده قیز ئولسه دوشر یاده آناسی دائم بیله دور خصلت انســـان ننه زهرا قارداشیم حسین گلمدی سن گل عوضینده تا قبره گیــــدوم شاد و خرامان ننه زهرا اوغلانلاروون خاطرینه سال منی یاده ابرازه گتور لطف فــراوان ننه زهرا گل کرب و بلادن باشیمون اوسته گلنده اوردا شهــــــدایه ایله اعلان ننه زهرا 😭 آنا مخصوصا حسینه دِی باجون ئولدی یوبانما گلسه ایلیر دردیمه درمـــــــان ننه زهرا 😭بونی دییم بیر بند اوخشاما دییم وقتیم تمام ، ننه اولّدن حسینه بیلوسن چوخـــــدی علاقم عشقینده منم سینه سی سوزان ننه زهرا (۲) اوخشـــــاما حسین اولوب اورگیم باشی یاره ، غُربتده گلوب نظر ایله سولمیش عـــُذاره غُربتده اورک باشیندا الیم رو به قبــله ام ئولورم آپار منی ئوز الونلن ، مــــــزاره غُربتده (۲) التماس دعا

زبانحال حضرت زینب س 🏴🏴🏴🏴🏴🏴🏴🏴 گل قارداش حسین قلبیمی قان بو محن ایلر قارداشسیز اُلن باجینی بس کیم کفن ایلر قارداشدی اولان باجیلارا مونس و دلدار بیر بیرلرینه غم گونیدی یاور و غمخوار بس هاردا قالوب قارداشیم عبّاس علمدار هیچ فکر ایلمزدیم که بیله باشسیز اولام من غربتده اُلن وقتیده قارداشسیز اولام من گور هاردا منی سالدی حسین غصّه ایاقدان غربتده هامی اینجیدی آخِر بو قوناقدان بیر سولدا سلام ایلورم السّاعه اوزاقدان یاخشی بولوسن عشقیوه پابسته دی زینب تیز گل یارالی، شامیده جان اوسته دی زینب جان اوسته گوزوم حسرت دیدارون اولوبدی زینب که چتین وقتیده دلدارون اولوبدی هر یرده باجون زینب علمدارون اولوبدی گه پرچم قرآنیوی من کوفیه ووردوم گاهی آپاروب سر در ویرانیه ووردوم اجرا ایلدیم امریوی فرمانیوی قارداش تعقیب ایلدیم عهدیوی پیمانیوی قارداش تبلیغ ایلدیم مکتب قرآنیوی قارداش دشمنلریوی منطقیلن خوار ایلدیم من غفلتده یاتان ملّتی بیدار ایلدیم من یغدیم باشیما شامه حسین لشکر آپاردیم بیر عدّه اورک داغلی قرا معجر آپاردیم نازلی بالاوی لشکره سرلشکر آپاردیم بولدوم که بیزه ظلم ایده جاق آل امیّه تسخیر ایده جاق شامی شیرین دلّی رقیه بیر آهیله ویران ایلدی قصر یزیدی سالدی یره تختیندن او نامرد پلیدی شام اهلی اولوب دلدن اونون یار و مریدی هجران غمی افسوس دل زارینی بُلدی آز عمر ایلدی گوشه ی ویرانه ده اُلدی نازلی بالامون محنتی آرامیمی آلدی دردی گجه گوندوز آنامی یادیمه سالدی گیتدیم هارا، ویرانه ده فکریم گینه قالدی یوخ بیر کسی بو شامیده گوزلر منی بولدوم طاقت گتوره بولمدیم آخِر گینه گلدیم باشیمده حسین شامه گینه قاره گتیردوم تیعید اولونوب سینه ده چوخ یاره گتیردوم افسوس نه سوغات اونا گوشواره گتیردوم شکوه ایدرم دائم اخا چرخ فلکدن شرمندیم حشره کیمی او قاره لچکدن بیر کیمسه خبر ویرسون او دلدادیه قارداش گلدی گینه عمّن توکه گوزدن یوزه قانیاش قبری اولاجاق غربت آرا قبریوه یولداش حاشا گوزلیم رخت وفانی سویا زینب حاشا سنی غربتده قیزیم تک قویا زینب قارداشیم اُلندن صورا همرازیمیدون سن بلبل کیمی سینمده هم آوازیمیدون سن ویرانه بوجاقینده گل نازیمیدون سن صبحه کیمی منله گجه بیدار قالاردون مظلوم اوتوراندا آنامی یاده سالاردون فریاده دل زاریمی هر ثانیه گتدون شمعی دل شب مسکن پروانیه گتدون آخِر آتا باشین دل ویرانیه گتدون عاشقلری اوز عشقیوه حیران ایلیوبسن یورقون جانی مهمانیوه قربان ایلیوبسن ای نیمه ی شب منزل ویرانه گلن باش وی کرب و بلادن منه شامه کیمی یولداش بیچاره باجون شامیده جان اوسته دی قارداش ویرانیه گلدون آنام اوخشاردی اُلنده گل ایمدی حسین جان ویرورم شامیده منده بیر یولدا حسین گل سنه قربان منه خاطر ویرانه ده غمدن پوزولان گلشنه خاطر چولدن چوله دوشدوم بولوسن من سنه خاطر سنده یارالی گل منی دلشاد ایله قارداش روحیم قوشونی جسمیدن آزاد ایله قارداش ترک ایتدیم حسین خیمه لری تا من خسته چاتدیم ایله که قتلگهه قلبی شکسته گزدیم سنی گودالیده تاپدیم یوزی اوسته باران بلا گویدن او صحراده یاغاردی باشسیز بدنی گورجاق حسین باشیم آغاردی 🏴🏴🏴🏴🏴🏴🏴🏴

جدید_ آهنگ حماسی_بدرقه ی راه زائرین اربعین ____ به لطف زهرا_ غرق شور و شینم بو اربعینده _زائر حسینم مزاریوه ای صاحب کرم_پیاده راهی اولموشام گلم حرم سنوندی _علم سنوندی_کرم سنوندی_یا مولا مولا_یا حسین مدد(4) _ نجف اولوبدی_ پایتخت غیرت علیدن آلدیم_ رخصت زیارت شه ولایت_ایلدی عنایت مزاریوه ای صاحب کرم_پیاده راهی اولموشام گلم حرم سنوندی _علم سنوندی_کرم سنوندی_یا مولا مولا_یا حسین مدد(4) _ عمودی بیر بیر_سایمیشام پیاده چاتور بهشته_انتهای جاده صفای جنت _واردی کربلاده مزاریوه ای صاحب کرم_پیاده راهی اولموشام گلم حرم سنوندی _علم سنوندی_کرم سنوندی_یا مولا مولا_یا حسین مدد(4) _ بو یوللارین وار_آیری بیر صفاسی اولوب(حسین وای)_دیللرون نواسی باشیمدا واردی_کربلا هواسی مزاریوه ای صاحب کرم_پیاده راهی اولموشام گلم حرم سنوندی _علم سنوندی_کرم سنوندی_یا مولا مولا_یا حسین مدد(4) _ ئورکلر ایستور_تا گوره ضریحی گلوب مزارن_ارمنی،مسیحی سنه فدا ای_کربلا ذبیحی مزاریوه ای صاحب کرم_پیاده راهی اولموشام گلم حرم سنوندی _علم سنوندی_کرم سنوندی_یا مولا مولا_یا حسین مدد(4) #اربعین_

روضه قتلگاه دولانوب قتلگهی تاپدی باجی قارداشینی گوردو یوخ کوینکی اگنینده توکوب گوز یاشینی اگیلیب آلنین اوپه گوردی کسیبلر باشینی اوپماقا تاپمادی بیر یر باشا باش قاندی گوروب ال آتوبدور الینه اللریده یوخدی گوروب کیم سویوب حضرت زهرا توخویان پیرهنی ؟ کیم قویوب داشلارین آتدا بو یارالی بدنی ؟ کیم یخوبدور یوزی اوسته بو چوخور یرده سنی ؟ باخمیوب پارچالانوب آلنووی اوخدان یارالی گل یوزون یرده کسوب باشیوی دالدان یارالی هانسی الده ئولنون باشی قالوب اللرده ؟ داغیلوب عضولری یرده چکوب قان پرده یوخدی بیر بوسه یری زینبه بو پیکرده باخورام جسمووه باشدان باشا پیکاندی حسین نه باشون وار نه الون هر طرفین قاندی حسین یرده عریان بدنون داشلارین آلتیندا قالوب کیم بو باشسیز بدنی یرده یوزی اوسته سالوب بیر یاران واردی منیم طاقتیمی الدن آلوب بو نه پیکاندی ویروبلار اورگوندن یارالی ؟ قلبوون قانی آخوبدور کور گوندن یارالی سویولان پیکره باخدوقجا حسین وای دییرم داشلار آلتندا قالان جسمووه ایوای دییرم قویسالار بوردا قالوب من سنه لای لای دییرم نیلیوم گیتمه لیم شامه نه چارم یارالی ؟ یارالی قوش کیمی صیاده دچارم یارالی قانه دوندردیله بو کوفه لیلر گوز یاشیوی سوسوز ئولدور دیله اوغلانلارووی قارداشووی دوداقین اوپماقا گلدیم آپاروبلار باشووی باشون اولسیدی اوپردیم دوداقوندان یارالی داغیلوب قلبون اوپوم قوی ایاقوندان یارالی بیر یاران وار یارالی قلبیمی اوخ مثلی دلیر اورگیم قانینی رخساره سرشکیمله الیر گیجه بوردیدی آنام فاطمنون عطری گلیر بیلمدیم گول گوله مهماندی یارالی یارالی یرده گل پیکرون عریاندی یارالی یارالی باشون اوستونده دونن بوردا کشا کش چوخودی مقتلون گوردوم ئوزوم دوره سی نیزه اوخودی بو چوخور یرده گئچن گون بو قدر داش یوخودی باخورام هر داشا القاندی یارالی یارالی مقتلین قانیله الواندی یارالی یارالی دور حسین سال یولا بی یار و پناهم گیدورم قویمادیم قلبیده کی یارووه مرحم گیدورم وئر ابوالفضله خبر شمریله باهم گیدورم دئینن دور قافله یولاندی یارالی یارالی هم رهیم دشمن ناداندی یارالی یارالی •┈┈••✾❀🕊✿🕊❀✾••┈┈•

مناجات امام زمان عجل الله فرجه شب جمعه است، بیا حال مرا بهتر کن فکر دلواپسیِ قلب منِ مضطر کن این شب جمعه اگر مقصد تو کرببلاست نزد ارباب دعایی به منِ نوکر کن گذر عمر منِ بی سر و پا بر تو نخورد عزم دیدار مرا در نفس آخر کن عمر من رفت و تو را درک نکردم آقا فهم من درخورِ درک تو نشد باور کن چِقَدَر نام تو بردم به زبانم، یک بار تو صدایم بزن و خوش دلم ای دلبر کن سهم من از تو فراق تو شده غم دارم منّتی بر سر من نِه، تو غمم کمتر کن عاشق کرببلا، عاشق دیدار توأم هر دو را قسمت من حق شه بی سر کن کربلا با تو صفا دارد و بی تو سخت است سختی راه، بر این خسته تو راحت تر کن روضه ی جدّ غریبت شب جمعه باز است باز روضه تو نخوان، فکر دل مادر کن مادری کز تَه گودال صدا زد، ای شمر خنجرت را نکش و شرم زِ پیغمبر کن... ...خنجرت را بکشی، حنجر من می سوزد فکر بد حالی من، نزد گل پرپر کن من نه، اصلاً تو بیا فکر حرم باش آخر فکر زینب کن و فکر دل این خواهر کن پیش زینب، به حسینم نزن اِنقدر لگد بدنش ریخت بِهم، رحم بر این پیکر کن فكر نیزه نکن و از سر او دست بکش لااقل قبل بریدن گلویش را تَر کن وقت غارت شده، رحمی تو به ناموس علی رحم بر خیمه و بر کودک و بر معجر کن عاقبت می رسد آن منتقم خون حسین صبر کن، فکر خودت شمر تو در محشر کن #مجتبی_دسترنج_ملتمس #مناجات_امام_زمان_عج

کوچ از قتلگاه   سینوون یاره سى گلمز سانا کیمسن یارالى بویانان باشدان ایاقه قانا کیمسن یارالى . قارداشیمسان نیه بس باجووى دیندیرمیوسن کیم کسوب اللروى هیچ منه بیلدیرمیوسن میندیرن یوخدى منى ناقیه میندیرمیوسن چکیلوبسن نیه بیزدن یانا کیمسن یارالى . باجى بیچاره گرک دردینى قارداشه دیه مهربان قارداش اونون دردینه درمان ائلیه یوزى اوستنده یاتوبسان بله حالیله نیه گوره زینب اورگى اودلانا کیمسن یارالى . یوخسا باشون بله یاتماقده دالدان کسیلوب بله معلوم اولى باشون سنون عطشان کسیلوب هانسى میناده سوسوز سن کیمى قربان کسیلوب چوخ غمون وار بو غمون بیر یانا کیمسن یارالى . قورى تپراقلارین اوستونده قالوبدور بدنون خس و خاشاک بیابان اولوبدور کفنون نقدر ظلم ائدوب حقونده بو عدوان سنون بیر نفر حالووه یوخدور یانا کیمسن یارالى . سن حسینیم سن اگر تز منه دردون اله فاش هانى بارماقون او انگشترون آخر هانى باش کیم گوروبدور ائده لر جسمى بو نوعى متلاش نیزه و خنجریلن دوغرانا کیمسن یارالى . بیرجه دیندیر منى سن باغریمى قان ائتمه دانش مندن اسراروى هچ وقتده نهان ائتمه دانش گئدورم گئتمه لیه م چوخ نگران اولما دانش گئده بلمم نگران بیر یانا کیمسن یارالى . قورخوسان نعشوون اوستونده بو خواهر باش آچا قویمیوبلار قالا بو باجوه معجر باش آچا قارداشى ئولدى گرک خواهر مضطر باش آچا باش آچا باجى گرک باش یولا کیمسن یارالى . سن حسینیم سن اگر عرض ائلیوم مطلبیمى روزگار ایلدى تیره او ایشیق کوکبیمى آلدیلار معجر و گوشواره و چادر شبیمى دوشموشم گور نجه حالدان حالا کیمسن یارالى . اولى چوخ یاندیریجى اودلارین هر یرده کوزى کوز اودون مثلى دى تحویل آلا هر قلب سوزى `مضطر” اول سوز بودى اوخشار باجى قارداشى ئوزى سینوون یاره سى گلمز سانا کیمسن یارالى مرحوم مضطر اردبیلی

‍ ‍ #روضه_باسبک بسم الله الرحمن الرحیم یا رحمن ویارحیم صل الله وعلیک یا مولایه یا اباعبدالله والارواحی التی حلت بفائک السلام الاحسین والی علی ابن الحسین والی اولادی الحسین والی اصحابالحسین اربعین یعنی تجلای عزای اولیا اربعین یعنی چهل روز اروزی کربلا اربعین یعنی علم در دشت پهناور زدن اربعین یعنی به قربانگاه جانان سر زدن خانم گلدی قارداش قبرینه نیچه قدم قالاندا اوقهرمان زینب خانم ایلشدی یره گوزونون قاباقیندا واقعه کربلا مجسم اولدی بیر باخدی گوداله بیر باخدی تله من بو یرده اشکمی غمدن قانا دوندرمیشم تارزلفیمدن بورا فرش مصیبت سرمیشم بوردا قارداش سینه سیندن آخ دیوب اوخ درمیشم حسین سنه باجون قربان آی قارداش  ۲ گوردیلر زینب گلدی فراتین کنارینه خانم بیر کاسه سو دولدوردی قویدی حسینون قبرینه حسین ایشیقلی گون منه سندن صوراقرا گیجه دی باجون اولسون حسین دی گورم یارالارون نیجه دی باجی قارداش قبرینه گیدنده تاج گل اپارار ترمه شال آپارار اما خانم الین آپاردی اورگینون باشیندا ن بیر اوخلی گوینک سردی قارداش قبرینه باجون سنه قربان حسین ویرانسرا ده فرش عزا سالمیشام حسین قمچی گوروب گوینگون اللردن آلمیشام یارالی قارداش۲ گور نیچه اوغلی اولن ننه گتورمیشم نیچه قارداش سیز باجی گتورمیشم خانم بیر باخدی خیملره بیر باخدی قتلگاهه بیر تله دیدی حسین بو خیمه لردن ایریلاندا منه بیر امانت تاپشیردون قارداش خیمده ایریلاندا رقیه گلدی سن ات اوسته پای پیاده من نقدر قاچیم یتوروم بابا سنی عمه مین جانی بیر دایان باشوه گلیم دولانیم بابا ایلشدون بالانی آرام ایلدون دیدی بابا منی کیمه تاپشوروب گیدوسن اشاره ایلدون زینب بالامی سنه تاپشیر دیم گوزون آچ قارداش۲ اما حسین خجالتم قارداش بو سن بو مزارون بو خسته قیزلارون اما حرملرون کیمی منده سلامتی قارداش ولی رقیه بالا ندان خجالتم آی قارداش حسین بالون قالدی خرابده اونوندا سن کیمی قالدی جنازه سی یرده کفن تاپیلماد ی بالاما گلدی خاطریم درده   حسین اولدی بالام اولدی بالام گل کیمی ویرانده  گون گورمه دی اولدی بالام تیر اهیلن ئوزی ئوز سینه سین بولدی بالام بیر ئوپوش گوتدی دوداقیدن سنون اولدی بالام یارالی بالا یارالی بالا لای لای بالام ای،،، #مداحی استاد طالبی :

‍ ‍ ‍سینه_زنی_باسبک زبانحال حضرت رقیه سلام الله علیها گل دادیمه عمه جان - گل دوداقه جان گلوب منیم یارالی بابام - لبلرینده قان گلوب وای منه - وای منه - مهربان قوناقه باخ من باخا بیلمورم - یاره لی دوداقه باخ الله. مسافرلری - سالماسین یامان گونه هانسی مسافر دوشر - بو بابام قالان گونه هی دئدیم گئتمه بو - یول خطرلیدی بابا کربلا یولاری - دردسرلیدی بابا من بو باشین عمه جان - یوز گوزون گرک یووام حقدن ئولوم ایسترم - مستجاب اولار دعام دردیمین سهمینی - هئچ کسیله بولمرم قویما گئتسین بابام - گئتسه راحت ئولمرم باد صبا دردیمی - یاریمه یتورمدی گلدی بابام حیف اولا - اصغری گتورمدی منتظردی گوزوم - قانه دوندی گوزیاشیم قورتار الله منی - هاردا قالدی قارداشیم من بیلوردوم سویگولوم - اختارار تاپار منی گلدی یوخوما گئجه - گل دئدیم اپار منی عمه زهرا جانی - یار اپاردی صبریمی اکبریم گلمدی - قاز منیمده قبریمی ✍کلامی زنجانی سبک بانوای مرحوم حاج محمدباقرمنصوری اردبیلی

‍ ‍ روضه حضرت رقیه(س) (زینب دییر رقییمی آخشاما کیمی نقدر وردولار دینمدی اما اله کی گجه گتدی یوزون قویدی اویارالی سینیه دیدی بابا دویولموشم بابا سویولموشام بابا ) بابا من شمری قویموشام یوخودا دوشموشم یولا قوخدوم گله دالمجا باخردم ساغا صولا بارماقلاریم توخاندی مغیلانداکی کولا دوردوم یخلدم ئولمه میشم زنده گلمیشم فکر ایلدیم گیدیم گجه نین عالمی هارا؟ گزدیم دولاندم تاپدم عجب باغ باصفا ای باغبان یاتوبسان اولوب گلرین فنا بیر بلبلم گلم دیله گلشنده گلمیشم (گونوز نقدری ورسالار دا قیز اوشاقی دینمز گوزلر گجه آتا گله ایوه ) اوت ویردولار گونوز ایویمیز یاندی آی بابا اوت دوتدی دامنیم چوله قاچدیم یانا یانا سوندوردی بیر عرب اوتی ایتدیم اونی دعا گورستمگه یانان یری دامنده گلمیشم

🏴کوچ از قتلگاه ✍بقلم مرحوم مضطر اردبیلی   سینوون یاره سى گلمز سانا کیمسن یارالى بویانان باشدان ایاقه قانا کیمسن یارالى . قارداشیمسان نیه بس باجووى دیندیرمیوسن کیم کسوب اللروى هیچ منه بیلدیرمیوسن میندیرن یوخدى منى ناقیه میندیرمیوسن چکیلوبسن نیه بیزدن یانا کیمسن یارالى . باجى بیچاره گرک دردینى قارداشه دیه مهربان قارداش اونون دردینه درمان ائلیه یوزى اوستنده یاتوبسان بله حالیله نیه گوره زینب اورگى اودلانا کیمسن یارالى . یوخسا باشون بله یاتماقده دالدان کسیلوب بله معلوم اولى باشون سنون عطشان کسیلوب هانسى میناده سوسوز سن کیمى قربان کسیلوب چوخ غمون وار بو غمون بیر یانا کیمسن یارالى . قورى تپراقلارین اوستونده قالوبدور بدنون خس و خاشاک بیابان اولوبدور کفنون نقدر ظلم ائدوب حقونده بو عدوان سنون بیر نفر حالووه یوخدور یانا کیمسن یارالى . سن حسینیم سن اگر تز منه دردون اله فاش هانى بارماقون او انگشترون آخر هانى باش کیم گوروبدور ائده لر جسمى بو نوعى متلاش نیزه و خنجریلن دوغرانا کیمسن یارالى . بیرجه دیندیر منى سن باغریمى قان ائتمه دانش مندن اسراروى هچ وقتده نهان ائتمه دانش گئدورم گئتمه لیه م چوخ نگران اولما دانش گئده بلمم نگران بیر یانا کیمسن یارالى . قورخوسان نعشوون اوستونده بو خواهر باش آچا قویمیوبلار قالا بو باجوه معجر باش آچا قارداشى ئولدى گرک خواهر مضطر باش آچا باش آچا باجى گرک باش یولا کیمسن یارالى . سن حسینیم سن اگر عرض ائلیوم مطلبیمى روزگار ایلدى تیره او ایشیق کوکبیمى آلدیلار معجر و گوشواره و چادر شبیمى دوشموشم گور نجه حالدان حالا کیمسن یارالى . اولى چوخ یاندیریجى اودلارین هر یرده کوزى کوز اودون مثلى دى تحویل آلا هر قلب سوزى `مضطر” اول سوز بودى اوخشار باجى قارداشى ئوزى سینوون یاره سى گلمز سانا کیمسن یارالى ✍مرحوم مضطر اردبیلی #محرم1402 #کوچ_قتلگاه #قتلگاه ________

🎼 سبک شعر فوق👆👆 🎤#بانوای_حاج_علی_سیفی_افشار

🎼 ادامه سبک شعر فوق👆👆 🎤#بانوای_حاج_علی_سیفی_افشار

سینه_زنی_باسبک اربعین زبانحال حضرت زینب سلام الله علیها شامدن فقط گلمیشم حسین قبریوون نماسین گورم گیدم ناقص اولمیا حجی زینبون بیرده حق مناسین گورم گیدم ممکن اولمادی من گیدن زمان یاره‌وی گلوب بوردا باغلیام یا که اولمادی باشدا معجریم اوستوه چکوب سینه داغلیام شمر قویمادی قتلگهده من سس چکوب سنه قارداش آغلیام فرصت ایلیوب ایندی گلمشم فاطمه بالاسین گورم گیدم بیلمرم بونون علتی ندور قبریوی سنون آلتی گوشه‌دور خرمن گلون اوسته غنچه‌تک آچمیوب یقین تازه خوشه‌دور خوشه‌چین گلوب خوشه آختارور بو رباب اوچون یاخش توشه‌دور گلمشم قوجاقونده اصغرین حلقنین یاره‌سین گورم گیدم کربلا آدی دوشدی دللره تپراقندا چون حق فداسی وار دلربا اولوب کربلا آدی چون سنون کیمی دلرباسی وار هر ایکی بو آددان گوزل اولان اکبر آدلی بیرمه لقاسی‌وار لیلی عرض ایدور گلمشم اونون شبه مصطفاسین گورم گیدم من ایشتمیشم نهر علقمی ایلسون زیارت چوخ اجری وار واضحین منه سویله یا حسین قورخما زینبون تاب صبری وار سرو تک اوجا قد و قامتین علتی ندور خیردا قبری وار ایسترم ابالفضل آناسنین صاحب لواسین گورم گیدم بوش‌ دگول الیم شامدن حسین قرخادین سنه جان گتورمشم یوخ طراوتی گللری سولان دسته دسته ریحان گتورمشم نوعروسدور باشدا قاره‌سی دلده شور و افغان گتورمشم گلمشم بلادشتینین اولان تازه کدخداسین گورم گیدم نیلیوم حسین عفو قیل منی رشتۀ کلامی یتورمشم واردی چوخ سوزوم هاردان عرض ایدوب جانمی دوداقه ایتورمشم اهلبیتوی شامدن بورا گورنجه سلامت گتورمشم عرض ایدم سنه تازه بیر خبر قلبوون نواسین گورم گیدم عشقوین فداسی اولوم حسین چکمیشم یولوندا بلیه‌نی سندن ایتدیلر چوخ خجل منی کامه یتمسون هیچ امیه نی قویمشام نماینده شامده ئوز یریمده نالان رقیه‌نی گلمشم اونون العطش سسین ضبط ایدن فضاسین گورم گیدم چکدیگوم مصیباتی شامده عرض ایدوم نجه شاه بی‌وطن دل یاراسی چوخ اینجیدور منی قلبمی دوتوب محنت و محن ئولدی شامده نازدانه قیز تاپمادوم او بیچاریه کفن زخم قلبمین سن طبیبی سن دردیمین دواسین گورم گیدم کربلایه من شامدن گلوب قبریوه اخا خسته زایرم چوخ قالانمارام عفو قیل منی یثربه گیدن بیر مسافرم هر سفارشون وار مدینیه طاعت ایتمگه امره حاضرم قووزا قبردن باش منه گوره روحمین غذاسین گورم گیدم وار مدینه‌ده بیر مریضه قیز گوزلری قالوب یولدا انتظار گورجگین منی ایستیر سنی اکبرین اطاقین آچار باخار گر سوروشسا طوی ایتدوز اکبره یوخ جوابنه منده اختیار گلمشم اونون کامه یتمین نوجوان اخاسین گورم گیدم زینب ستمدیده دور بوگون دشت و کربلانین مسافری السلام ایدن زین‌العابدین ئوز باباسنین خسته زایری چوخ زماندیکی باغلیدور یولی حسرتین چگر گونده «نادری» ایستیه گلوب توزلی قبرینین جلوۀ جلاسین گورم گیدم ‌‌‌‌‌‌‌‌‌‌‌‌‌‎‌‌‌‎‌‌‌‌‎‌‌

‍ نوحه به یاد ماندنی «آی قارداش»                🌴🌴🌴🌴🌴🌴 رسیدم از راه،ببین به دام غم اسیرم رسیدم از راه،ببین که غصه کرده پیرم رسیدم از راه،اگه جوابمو ندی کنار قبرتو میمیرم چهل روزه ، که بی تو عالمی دارم چهل روزه، زداغ تو عزادارم چهل روزه ،به درد و غم گرفتارم به درد وغم گرفتارم                 🌴🌴🌴🌴🌴 خدا میدونه، که بعد تو چیا کشیدم خدا میدونه، دل از همه جهان بریدم خدامیدونه ،نمردم اما نیمه جون کنار قبر تو رسیدم چش واکن، ببین داداش پریشونم چش واکن، براتو نوحه میخونم چش واکن، ز دوری تو دلخونم ز دوری تو دلخونم                    🌴🌴🌴🌴🌴🌴.   میگم براتو، ز اشک و گریهٔ شبانه میگم براتو ،ز ظلم و جور بی بهانه میگم براتو، زطعنه و زسیلی و نوازشای تازیانه خندیدن، به غصه و غم زینب خندین، به اشک  ماتم زینب خندیدن ،به قامت خم زینب به قامت خم زینب                    🌴🌴🌴🌴🌴 ترکی👇👇 اویان حسینیم،گلوبدی زینبون سفردن اویان حسینیم،کچوبدی زینبون خطردن اویان حسینیم،سوروش باشیم بلاسینی بو غمگسار و خونجگردن آی قارداش، سویولموشام بویولاردا آی قارداش، یورولموشام بویولاردا آی قارداش، دوولموشام بویولاردا                  🌴🌴🌴🌴🌴 سوروشما مندن ،بو قیرخ گونون غم و بلاسین سوروشما مندن،اوشام و کوفه نین جفاسین سوروشمامندن،نه چکدی شام و کوفه ده بو قیرخ گونی بنات یاسین آی قارداش، دانیشماقا سوزوم چوخدی آی قارداش،فراقومه دوزوم یوخدی آی قارداش، غمون بوقلبیمه اوخدی غمون بوقلبیمه اوخدی                      🌴🌴🌴🌴🌴 دئمم حسینیم،بو زارو دلکبابی دیندیر دئمم حسینیم، که آل بوترابی دیندیر اقلی قارداش ، بیانه گل بو جمعیده وفا سیَر ربابی دیندیر قیرخ گوندی، دیور علی بالام لای لای قیرخ گوندی،دیور بوغملره یوخ سای خلوتده فقط دیور حسینیم وای                 🌴🌴🌴🌴🌴🌴🌴 مزارون اوسته ،غریق بهر محنتم من سلامیمی آل،که نائل زیارتم من فقط سوروشما ،،آنام جانی رقیه نی بوباره دن خجالتم من آی قارداش،غمی بو سینمی بولدی آی قارداش ، سه ساله یاسمن سولدی آی قارداش ، ننمه بنذریم اولدی 🌴🌴🌴🌴🌴🌴

نوحه اربعین حسینی جدید درسبک کربلاده بو گیجه غوغا اولوب عشقوه قارداش گرفتار اولموشام هربلایه من خریدار اولموشام اربعین گونونده قارداشیم حسین بو گوزل قبریوه زوار اولموشام من نوایه گلموشم دور عزایه گلموشم اربعیندور یاحسین کربلایه گلموشم کربلایه گلمیشم ای شاه دین یاتما سن دور قبریدن نور دوعین عترتون اغلار گوزیلن سسلیور التی گوشه قبریوه قربان حسین التی گوشه قبریوه دل داغلارام نوحه دیوب عترتونله اغلارام عمروم اولسا هر قدر بو دهریده یوسف زهرا سنه یاس ساخلارام قبرون اوسته دیده گریان گلموشم قیزلارونلا دل پریشان گلموشم پیشواز ایت زینبی عترتیوی بو صفالی یره مهمان گلموشم گلموشم قبرون اوسته یاحسین قلبی یاره دل شکسته یاحسین قدی کمان زینبی دیندیر اوزون اولموشام  چوخ زارو خسته یاحسین اللهیم ایتدی عنایت قارداشیم ایلدی منن حمایت قارداشیم اولمدیم من قرخ گیجه گوندوز گلوب قبریوی ایتدیم زیارت قارداشیم حق سوزوی اوسته برادرقالمیشام کوفه و شاماته لرزه سالمیشام او ننم زهرا توخویان کوینگون جرعتیله دشمنونن المیشام کربلاده گلشنون سولدی اخا اغلامدیم غم گوزه دولدی اخا اغلادیم او وفت رقیه شامیده یومدی گوز اواج سوسوز اولدی اخا عفو  ایله من دلبرون دفن  ایلدیم پر بهالی گوهرون دفن ایلدیم معجره بوکدوم تاپیلمادی کفن او سه ساله دخترون دفن ایلدیم التماس دعا

نوحه اربعین امام حسین(ع)🌴🌴🌴🌴🌴 دور شامدن زینب گلوب دیداره قارداش خوش گلدون ایله غصلی زواره قارداش ای نورعینیم     سس ویر حسینیم(2) 🌴🌴🌴🌴🌴 ششگوشه.قبریوه حسین قرباندی    زینب دورگورنجه  بودیده سی  گریاندی  زینب هجرینده قارداش شمع تک سوزاندی زینب ای نورعینیم.   سس ویر حسینیم(2) 🌴🌴🌴🌴🌴 اول مدتی که شامده  قالدیم حسینیم خصم دغانی تختدن سالدیم حسینیم اهل جفادن  کوینگین آلدیم  حسینیم ای نورعینیم    سس ویر حسینیم(2) 🌴🌴🌴🌴🌴 باش ایگمدیم بیر لحظه من خصم دغایه تار.   ایلدیم.   بو عرصنی.  اهل.    جفایه گتدوم     دوباره    عترتون     کربوبلایه ای نورعینیم.    سس ویرحسینیم(2) 🌴🌴🌴🌴🌴 بیر  قاره ده.  بوباشمه.  سالدی.  رقیه اولدی اوگون مندن توان آلدی . رقیه قان.   آغلارام.  ویرانده   قالدی. رقیه ای نورعینیم.  سس ویر حسینیم(2) 🌴🌴🌴🌴🌴 رحم و مروت     اولمادی   قوم    دغاده اولدی   آجندان.   نازقزون.   ویرانسراده قازدیم اوزوم قبرین اوگون اول غمسراده ای نورعینیم.   سس ویر حسینیم(2) 🌴🌴🌴🌴🌴 نوروزی یاز اشگین  یوزه  باغلادی زینب ششگوشه قبری گورجگین آغلادی زینب بیر آه.  چکوب  عالملری  داغلادی زینب ای نورعینیم.  سس ویر حسینیم(2) 🌴🌴🌴🌴🌴🌴🌴🌴🌴🌴 التماس دعا 🌴🌴🌴🌴🌴🌴🌴🌴🌴

در شهادت امام سجاد علیه السلام 🏴🏴🏴🏴🏴🏴🏴 . گلموسوز بو گون سیز مجلس عزایه تسلیت وئرون اول حضرت رضایه جدّینه یانار آغلار غصه قلبینی داغلار یا امام سجّاد (2) . . . . زین العابدینین قلبی قانه دولدی اللی یدیایل عمر ایلیوب یورولدی آغلادی اوتوز بئش ایل ائله پوزولدی گوز یاشین توکردی شاه کربلایه سو گورنده آغلاردی بو جهانی داغلاردی یا امام سجّاد (2) . . . . ابن بابویه دور راویِ روایت زهر وئردی هشام چکمه دی خجالت چون واریدی دلده کعبه دن عداوت فَرزَدَق ائدنده مدح او مقتدایه انتقامونی آلدی شیعه نی غمه سالدی یا امام سجّاد (2) . . . . جان وئرن زماندا یغدی آشناسین آلتی نوجوانین تک به تک بالاسین ایلدی معرف حجت خداسین باقر اوغلی یتدی منصب ولایه دین ائوی اولا تأمین جانشین ائدوب تعیین یا امام سجّاد (2) . . . . پس امام باقر ایلوری روایت اؤز آتام بیوردی وار هله فراغت ایستدی سو آلسین دستماز او ساعت من سوئی گتوردوم حجت خدایه سویلدی وضو اولماز میته وار بو سو اولماز یا امام سجّاد (2) . . . . تازه دن آپاردیم ایلیم عوض من موش مُرده گوردوم سو ایچنده بیردن سو گتوردوم آلدی دستمازین ایمن امر ائدوب گل اگلش گلمه چوخ نوایه گور دویونجا بو زاری من علیل بیماری یا امام سجّاد (2) . . . . بو گئجه یتوبدور وعدۀ وفاتیم بی وفا جهاندان قورتولوب حیاتیم بو شهادتیله کشف اولور نجاتیم هر نه غم یتیشسه ائتمرم گلایه بیر اسفلی ناقم وار چوخ اونا علاقم وار یا امام سجّاد (2) . . . . آبیله علف ائت ناقه مه مهیا چوخ نوازش ایله بیرده تشنه قویما بولسه ئولموشم من غصّه مرگ اولار یا قبریم اوسته گلسه یوز دوتار سمایه قلبی چوخ گلر درده جان وئرر همان یرده یا امام سجّاد (2) . . . . دفن دن صورا اول ناقۀ وفادار صاحبیندن اؤتری ائتدی ناله و زار گلدی قبری اوسته ائتدی بیله گفتار دور گئداق دوباره خانۀ خدایه مرکبون فغان ایلر گورمه سه سنی نیلر یا امام سجّاد (2) . . . . دردلرین دیوردی حسرتیله ناقه یعنی سیّدی دور قبردن ایاقه یوخ منیم بولورسن طاقتیم فراقه آهی اوج ائدوردی عرش کبریایه قالمادی داخی طاقت جان وئروب اولوب راحت یا امام سجّاد (2) . . . . زین العابدینه آغلیاندا ناقه یر گوی اهلی آغلار بو غم فراقه واردی شیعه لرده بیر بویوک علاقه «غمگین» آغلا سنده شاه کربلایه اوغلی جان وئروب نالان پیکر حسین عریان یا امام سجّاد (2) سجادیه_شهادت 🌸اللَّهُمَّ ارْزُقْنِی شَفَاعَةَ الْحُسَیْنِ یَوْمَ الْوُرُودِ🌸

زبانحال حضرت امام سجاد علیه السلام سبک: ای شاه مظلومان حسین 🏴🏴🏴🏴🏴🏴 قرخ ایل بابا دنیاده من سندن صورا قان آغلادیم آخِرده زهر کینیله ویردیم بابا جان آغلادیم دوشدوقجا یاده کربلا قان آغلادیم صبح و مَسا دردیم مَزید اولدی بابا هر لحظه هر آن آغلادیم گوردوم بابا هر یرده سو ایتدیم سنی من آرزو کَسدی سوسوز باشون عَدو ئولدوردی عطشان، آغلادیم قویمادیلار قومِ ظلَم نعشون سنون غسلین ویرم قبره قویوب دفن ایلیم اولمادی امکان، آغلادیم یاندیم غم ایّامیده هر صبحیده هر شامیده گه کوفه ده گه شامیده اولدوم نواخوان آغلادیم اولدی عیالون دستگیر اشرار اَلینده بیر به بیر بیماریدیم منده، اسیر اولدوم بابا جان آغلادیم ویران اولِیدی کوفه نی اودلاره یاندوردی منی خولی ایدوب بُلدوم سنی کول اوسته مهمان آغلادیم گوردوم باشون زیبِ سِنان ایتموش جداسینده سَنان بو ظلمی من گورجک همان چوخ ایتدیم افغان آغلادیم یاندیم سنون احوالیوه پوزقون پریشان حالیوه باشسیز قالان اطفالیوه اولدوم نگهبان آغلادیم 🏴🏴🏴🏴🏴🏴🏴

بسم الله الرحمن الرحیم راه شام سبک (کنار قدم های جابر ) ---------------------------------------------- سینیخ محمل اوسته عیالون دالونجا گلیر شامه قارداش گولور کف چالیر قوم کینه اورح داغلی ایتامه قارداش یازیر قانلی کیپریک لرونله بیزه یولدا برنامه قارداش اوعالی قیامون یتیریرم اولمده من اتمامه قارداش گورلر اسیرِ،ره شوروعشقم ،ییخان کاخ ظلمی سفیردمشقم لبیک یابن حیدر (۳) ➖➖➖➖➖➖➖➖➖➖➖➖ آتام حیدره ثانیم من منه ارث اولوبدی شجاعت باجون اولسه قویماز یخیلسین لوای پرآواز نهضت یاغا غم غم اوسته نه باکیم گینه ایلرم استقامت گرح همتیمله داغیلسین بنای کج و شرک و بدعت گورلر بیانیم نجه منجلیدی --کی هرکیم ایشیتسه دییر بو علیدی لبیک یابن حیدر (۳) ➖➖➖➖➖➖➖➖➖➖➖➖ طنابه قولوم باغلانوب گر سپاه ظلامه اسیرم یوخومدی اورکده حراسیم بو روبه لره دست گیرم سپاهیم بو خیردا اوشاخلار اوزوم ملک عشقه امیرم یزیدی سالان تاجو تختن واریم قدرتیم دخت شیرم شهامت باغیندا،گل حیدرم من ،حسین باجیسی روح، پیغمبرم من لبیک یابن حیدر (۳) ➖➖➖➖➖➖➖➖➖➖➖➖ داریخدی تنور ایچره باشون چیخیب گون کیمی نیده سیره مسلمانلار ایجیتدی یولادا سالوب سیرینی کنج دیره شعاع محبت سالوب یر دلِ راهبی اهل غیره ویروب سیم و زر آلدی راهب یتیشدی اوسوداده خیره گل آبیله قانین یووب ایتدی ناله دیدی کیم سالوبدی، سنی بیله حاله لبیک یابن حیدر (۳) ➖➖➖➖➖➖➖➖➖➖➖➖ دولاندوخ بوتون شهریلرده خرابه بیزه منزیل اولدی بوجمع پریشانه آخیر اوغملی مکان محفل اولدی منیم همدمیم غملی وقته رقیه اوشیرین دیل اولدی دیوب بیر گیجه بیر یاواش سوز قولاقیمه چوخ نیسگیل اولدی او دردیله اولدی ،سنه ایتمرم فاش منی چوخ قوجالدان ،اودرد اولدی قارداش لبیک یابن حیدر (۳) ➖➖➖➖➖➖➖➖➖➖➖➖ دییم هرنه قدر اوقیزدان، ایدم شرووشیون چوخ آزدی اولونجه منه یادگاری قالان ناله دی سوزو سازدی اوهانچی اوشاخدی اُولَنده اونا عمه سی قبری قازدی اوحالی اولوب باعث (اصلی) یانیخلی بیله نوحه یازدی اوزون ویر براتین، کی چوخ باغری قاندی ، بیزه چون بیر اوزلی ،یانان نوحه خاندی لبیک یابن حیدر(۳) ➖➖➖➖➖➖➖➖➖➖➖➖ # راه شام #جلالت #شجاعت حضرت زینب التماس دعا https://eitaa.com/joinchat/2348744791Cd1e41b0233 ─┅─⊱✾♡✾⊰─┅─ کانال اشعار عاشقان حضرت ابالفضل(ع) ـــــــــــــــــــــــــــــــــــــــــــــــــــــــــــــــــــ

https://eitaa.com/joinchat/2348744791Cd1e41b0233 ─┅─⊱✾♡✾⊰─┅─ کانال اشعار عاشقان حضرت ابالفضل(ع) ـــــــــــــــــــــــــــــــــــــــــــــــــ

توسلی خدمت شاهزاده علی اصغر علیه السلام (السلام ای شَه بی قَرینه) ای رُبابین لب عطشان ، بالاسی ای گوزل آدیوین  ، من فداسی دلرُبا سَنسن ، درده دوا سَنسن مشکل گُشا سَنسن ، باب الحوائج من گرفتارم ، یوخ اَلده بیر چاره م باخ گور عزادارم ، باب الحوائج لشکرِ دینه ای لب تشنه قربان عالَمین دردینه وار سنده درمان یا علی یاعلی باب الحوائج سینّنون آزدی ولی وار جَلالون یاندیرار عالَمی غملی حالون ای ایچَن قانین ، تشنه چخوب جانین عالَم پریشانین  ، باب الحوائج سِرّینی بولدون،اوچ پَر اوخا گولدون چوخ غُصّه لی ئولدون ، باب الحوائج اوخلاناندا ، آتان حسرَتله باخدی گولماقین عالَمی یاندیردی یاخدی یا علی یاعلی باب الحوائج من مُریدِ شَهِ کربلایم بیر نَظر سال  منه مُبتلایم غُنچه ی اَحمر ، ای شأنیده اکبر درده دوشَن سَسلر ، باب الحوائج صوداَمر سرباز ، ای تشنه لب جانباز باشدان باشا اِعجاز  ، باب الحوائج گول آدون سَسله ماق، چوخ با صفادی خیرداجا  اَللرون ،  مشکل گُشادی یا علی یاعلی باب الحوائج (بیکَسم) ای گُلِ باغِ جَنّت خیمه گاهه گینه ایله دعوت ای منه دَمساز ، ای عاشقِ مُمتاز تِز تِز زیارت یاز ، باب الحوائج شاهزاده م سَن ، هر درده مَرهَم سن وِردیم دَمادم سن ، باب الحوائج بیزلره هیچ‌ زمان لطفون آزالماز قونداقون کیم دوتا ، مشکلده قالماز یا علی یاعلی باب الحوائج #محرم #شور #علی_اصغر_علیه_السلام #شاهزاده التماس دعای فرج شعر از کربلایی مهدی عبادی

شهادت امام سجاد(ع) سینه زنی درسبک, ای منیم نازنین نگاریم گل آنا فاطمه هرایه / غملی قلبیم گلور نوایه/ ورخبر دادیمه یتوشسون/ بیر آنا شاه کربلایه/ سسلیرم یوخدی دادیمه بیرنفریم/ گل آنا یاندی پاره پاره جگریم هرایه گل هرایه گل/ زهریلن ایلیوبله مسموم/ ظلمیدن قلبیم اولدی مغموم/ عمرمون زهر کین زوالون/ ایلیوب بو مکاندا  محتوم/ تشنه لب شاه کربلا تک/ منده اوللام شهید مظلوم/ قلبیمون طاقتینی محنتلر آلوب/ گل آنا گوزلریم منیم یولدا قالوب/ هرایه گل هرایه گل,,,,,, من غم کربلانی گوردوم/ چوخلی ظلم وجفانی گوردوم/ کربلانون مصیبتیندن/ شامیده چوخ بلانی گوردوم/ کوفه وشام پربلاده/ چوخلی غم ماجرانی گوردوم/ قیرخ ایندی حسینه دل داغلامیشام/ هر گجه گوندوز ایوده من آغلامیشام/ هرایه گل هرایه گل,,,,,, من کیمی غصه غم چکن یوخ/ بیر نفر دردیمی بولن یوخ/ گورموشم مقتل اوسته عریان/ بیر بدن کی اونا کفن یوخ/ کل عالمده بو حسین تک / تشنه مظلوم جان ورن یوخ/ کوفیان ظلمی سربه سر باشلادیلار/ جان ورنده جنازه سون داشلادیلار./ هرایه گل هرایه گل چوخلی گل کربلاده سولدی/ قلبیمه دردو غصه دولدی/ سن بولورسن آنا اوچولده / جان ورنده  حسین نه اولدی/ قتلگاهه گدنده قیزلار / خیمده ساچلارینی یولدی/ عمه مون قلبینی غم وغصه یاریب/ قتلگاهه گیدنده زلفی آغاریب/ هرایه گل هرایه گل جان ورنده سنین حسینون/ سرور عالمین حسینون/ قانلی قودالیده یخیلدی/ خسته ودلغمین حسینون/ قتلگاهه سنی  چاغیردی/ تشنه لب مه جبین حسینون/ سسلدی گل بو پیکریم قاندی نه نه/ تشنه لیقدان دوداقلاریم یاندی نه نه هرایه گل هرایه گل باشی اوسته خمیده قامت/ سن گلوب ایلدون عنایت/ سایوی باشی اوسته سالدون/ قانلی قودالیده اوساعت/ سسلدین دور اویان حسینیم/ یاتما توپراقلار اوسته راحت/ گل منیده بابام کیمی یادیوه سال, / جان ورنده منیم آنا گویلیمی آل/ هرایه گل   هرایه گل ,✍(خوش نوازمرندی), #محرم1402 #شهادت_امام_سجاد_علیه_السلام