🌸🍃🌾🌼 🍃🌾🌼 🌼🍃 🌸 نهضت حسینی حاج اصغر فرشچی ( عدلی تبریزی) ای گولوم آلّانما ابلیس لعین اِغواسینه آند ایچوب آزدیرماقا اویما اُونون سوداسینه بسکه اغفال ایلیوب چوخلار اولوب فرعون صفت گویده آلله اوخلوری گردن دوتور موساسینه مشکل اولموش هر زمان قرآن و دینی ساخلاماخ باخما بیرعده شیوخ نَهروان فتواسینه امربرمعروفیله کسب ایت ثواب آخرت باخما چوخ بی اعتقاد و مُنکرون امّا سینه صدمه ویرما احتکاریله مَعاش مردمه آلّانوب تولانما دنیایِ دَنی حَلواسینه باخما بیر عدّه چاپور بیت المالی مین رنگیله حرمت اولمور قانونا نه ملّتین پیشواسینه خضرتک پیغمبر ایستر تاپماسان هرگز بقا جان آلانلار باخمیوبلر دنیانون مولاسینه وقت قورتارساکفن دور قبریوه سندن گیدر شاد اولار وارث ائوین اول پرده و دیباسینه امتحان وار اغنیایه هم فقیره رهبره اعتماد ایتمه یالان خلقین قوری تقواسینه تا هِبوط ایتدی بِهِشتَن آدم اولدی دلغمین گستروب یول جبرئیل آدم چاتوب حَوّاسینه رهبریت اولماسا گمراه ره دور سالِکان پیشوای دین گرکدور تا یتورسون گمرهی مأواسینه منتخب دور اون ایکی حُجّت جهاندا بیزلره اعتقاد ایت اونلاربن سن غائب و پیداسینه اوّلی مولا علی دور شیعه سی درک ایلیوب بسته دور دنیا و عقباسی اونون اِیما سینه کیمسه ده گر اولمیه حُبّ ولایت یوخ ثمر نه نمازه روزیه زُهدیله هم اِعطاسینه شیعه یعنی پیرو مولا علی و آلِ او قول کیمی تابعدی هر اَمرایلسه مولاسینه فُلکِ دینه ناجی دور اوغلی حسینِ فاطمه اگلشن اول فُلکیده غَرق اولمیوب دریاسینه نهضت دینی ایدوبدور آدلانوب شاه شهید تا نفس وار اولدی صابر دشمنون ایذاسینه اولدی رهبر نهضته تا روز عاشورا گونی چوخ گوزل ایتدی عمل اوز نقشینین ایفاسینه یازدی برنامه حسین بو نهضتینده زینبه تا اسیر عشق اولا باخ قارداشون سوداسینه نچه یوز مین ایل کچور اول وقعه دن امّا هنوز آغلوری دنیاده گوزلر اصغر و صغراسینه کیم تاپا اُلفت حسینیله بیوک سودا ایدوب یاد ایدر کربو بلاسین آغلار عاشوراسینه آغلیین گوز بو حسینه آغلاماز محشر گونی گوز یاشین توشه ایدوب چون بَرزَخ و عُقباسینه مَقتَله باخسان یازانلار نقش ایدوبلر دفتره نچّه مین لشکر یغوشدی کربلا صحراسینه آدلارین مسلم قویانلار ظاهرا اهل نماز باطناَ گلدی اوگون پیغمبرون دعواسینه حقیله باطل آرا باشلاندی جنگ تن به تن اولدی بیر عده شهید دگدی یارا اعضاسینه دشمن دین غالب اولدی ظاهرا امّا حسین باطنا پیروز اولوبدی روزگار اَدناسینه بویالاندی طوی دوتوبلا کربلاده قاسمه کربلاده اولدی. قربان خالق یکتاسینه جانویرنده هر شهیدتوپراقلار اوسته شاه دین یوز قویاردی مهریله قانه باتان سیماسینه تا منای عشقیده قربان ویره اوز اکبرین بیر کفن سالدی الیله تا قدِ رعناسینه خیمیه گتدی آناسی زلفونه شانه ویرا سوسپوپ سالسون یولا اولسون وداع لیلاسینه عازم میدان اولاندا کاسۀ مهری داشوب هر قدمده حسرتیله باخدی سرتاپاسینه قویمیوبلر سو یته عطشانلارا اخیامیده غم یتوشدی بی نهایت کربلا سقاسینه عزم ایدوب آلدی فراتی دولدوروب سو مشکنی باخ مواساته دوزوبدور تشنه لیق ایذاسینه آلدی کفّینه سوئی گوردی سرین سو سسلنور عامل اول تعجیل ایله سقالوغون اجراسینه ایستدی باغلانماسون اصغر قماطه اللری سعی ایدردی سویتورسون کربلا عیساسینه اوخلانوب سومشکی آخدی چاتمادی سو اصغره حسرتیله توکدی اشکین عارض زیباسینه صاق قولون تاسالدی دشمن آلدی شمشیرین صولا باخمادی اول قوم شومون ظلم بی پرواسینه صول قولوندا سالدیلار باش یارلندی گوزده اوخ سسلدی گل یاحسین باخ باشیمون غوغاسینه آلدی اَدرِکنی سسین اخیامیده تا شاه عشق قد خمیده گلدی اولسون دادرس سقاسینه چکدی گوزدن تا اوخی قویدی یوزون رخسارینه آغلادی آغلاتدی زهرانی غم عظماسینه دلده حسرت اول قَمَر ایتدی خسوف یومدی گوزون چون یارا اوستن یارا ویرموشدولار اعضاسینه سسلدی سیندی بلیم آچ گوزلرون یاتما اویان ایت حمایت کربلانون زینب کبراسینه باخمیوب دشمن اوگون مَهریّۀ زهرادی سو ویرمیوب بیر جرعه ده دل باغلیوب دنیاسینه ایلسون اِتمام حُجّت اصغره سو ایستدی حرمله آتدی سه پر اوخ باخمادی فرداسینه اوخ گلوب حلقین بیچنده قان دولوب قونداقینه دیسگینوب آچدی گوزون باخدی اودم باباسینه چکمه سون خجلت گولوب اوّل صورا یومدی گوزون سیر ایدوب روحی گیده تا جنّتین اعلاسینه سپدی قانین گویلره بیر قطره سی گلموب یره عرش و فرشی قویدی حیران بو ایشین معناسینه سیلکدی تادامنین یوز دوتدی عرش داوره سوزلرین بیر بیر دئدی خلاق بی همتاسینه من سنه اکبر دئمیشدیم بیرده ویردیم اصغری لیک باتدیم سود امرده ماتم کبراسینه شاکرم احسانیوه بو دشتیده اولدوم صبور دوزموشم من اهلبیتین آه و واویلاسینه لعنت انس و ملک گلسین یزیده حشره تک قویمادی ظلمونده نقصان دنیانون آقاسینه من قتیل اشقیایم ( عدلی) آغلار حالیمه نوکر درگه گرک دوتسون عزا مولاسینه 🌸 🍃🍂 🍃🌺

#مجلس_ختم_مادر #بیاد_همه_مادران_آسمانی #ترکی #مداح_احسن_حبیبی 😭😭 آی نازیمی آلان ننه وای قیدیمه قالان ننه حزین حزین نوائیلن منه لایلای چالان ننه🍃 زحمتیمی چکن ننه ارزو گلون اکن ننه صبح کیمین اویاق قالوب یوز گوزومی اوپن ننه حسرت قالدیم قوجاقوه🍃 باخانمورام اطاقوه گلسون منیم سراقیمه یوز قویارام ایاقوه مهرو محبتیم ننه گنج سعادتیم ننه آیریلیقا دوزنمرم آرتوبدی محنتیم ننه سنه من ننه اوزوم آغلارام بو مناده یاسوی ساخلارام ✨اَللّهُمَّ عَجِّل لِوَلیِّکَ الفَرَج✨

زمزمه ترکی در فراق مادر (سبک ای قلم ...) ای آدی دلده ازبر ننه م وای صولدی گولشنده گولر ننه م وای سن نیه تز بیزی باشدان آتدون دهریده یوردی غملر ننه م وای اولمادی دردیوه چاره مادر قالموشوق سن سیز آواره مادر (2) ای صولان گلشنین باغبانی چوخ ایدردون آنا جانفشانی نام نیکین جهاندا قالاندی آدین اولدی سنون جاویدانی اولمادی دردیوه چاره مادر قالموشوق سن سیز آواره مادر (2) اولسه مادر دوشر ایوه صفادن دویماروق دای ننه بیز نوادن غرق اولوبلار نوایه اوشاقلار تز گدوبسن آنا سن آرادن اولمادی دردیوه چاره مادر قالموشوق سن سیز آواره مادر (2) هم اوزوم هم آنام ای عزیزان همسر شاه مردانه قربان ترک ایدوب تز جهانی او مادر دهریده دورت گولی قالدی گریان اولمادی دردیوه چاره مادر قالموشوق سن سیز آواره مادر (2) زینبین گتدی الدن آناسی سینه ده واردی مسمار یاراسی داغدار اولدی شاهه ولایت عرش و فرشین اوجالدی نواسی اولمادی دردیوه چاره مادر قالموشوق سن سیز آواره مادر (2) ترک ایدوب دخت طاها جهانی آغلادوب دهریده مرتضانی دفن وکفنی گیجه اولدی یاران اشگ وماتم دوتوب ماسوانی اولمادی دردیوه چاره مادر قالموشوق سن سیز آواره مادر (2) الده گوردی حسین یوخدی چاره نصف شب گتدی زهرا مزاره زینب وکلثوم آغلور غمینده منزله چکدیلر اوندا قاره اولمادی دردیوه چاره مادر قالموشوق سن سیز آواره مادر (2) دورت گولی دهریده قویدی گیتدی غصدن گول کیمی صولدی گیتدی دوقوز ایل اولدی همدم امامه غصه و غم اونی یوردی گیتدی اولمادی دردیوه چاره مادر قالموشوق سن سیز آواره مادر (2) آغلادوب عرش وفرشی اومادر یالقوز اولدی فراقینده حیدر داغدار اولدی کلثوم وزینب شمع تک یاندی دخت پیامبر اولمادی دردیوه چاره مادر قالموشوق سن سیز آواره مادر (2) عرض قیلام من ای دخت طاها فظلیده ای اولان مثل دریا مهدیم چوخدی جرم و گناهیم دوت الیمدن منیم جان مولا اولمادی دردیوه چاره مادر قالموشوق سن سیز آواره مادر (2)

💠تقدیم به عاشقان حسین(ع)💠 ___ ای دردی اولان شیعه گل آواره دولانما آل چاره حسیندن بیله بیچاره دولانما هر درد نهانون بودی واللهی دواسی آواره دوشوب دامن کهساره دولانما گز کوچه‌وبازاری‌حسین‌وای دئ دمادم قان ایله دل عالمی بیکاره دولانما ایله گجه‌لر قاسم و عبّاسیله صحبت غفلت ائلیوب مجلس اغیاره دولانما پروانهٔ شاه شهدایه دئمک اولماز اودلار قنادون شعله لری ناره دولانما ایکاش اولیدی دییَن اول شمر لعینه ای زاغ سیه جانب گلزاره دولانما شرم ایله حسین فاطمه دلبندیدور آخر حلقین‌وئروب‌اول‌خنجر‌خونخواره دولانما میداندا گوروب زینب محزون گلور سس گل ائتمه باجی قلبیمی صد پاره دولانما گوداله گلوب اولما باجی این الاخا گو وار چارون اگر گل ائله بیر چاره دولانما

🙏قبـریمون اول گئجـه سی 🙏 یا حسین ایله کرم قبریمون اول گئجه سی انتظاررون چکرم قبریمون اول گئجه سی آقا من که بیـرعمـریدی مجلـسلری گریان گزورم غملرون یاد ائدوب احـوالی پریشان گزورم اورگیم غصه و غمـلردن اولو ر قان گزورم معصیت چوخدی ؛ عمل یوخدی هراسان گزورم بوسببدن اسرم قبریمون اول گئجه سی انتظارون چکرم قبریمون اول گئجه سی لطف خلاقیله پیس وعده لره اویمامشام جامه عشقوی تندن آقاجان سویمامشام هیئتوندن صورا هر بزمه قدم قویمامشام آغلاماقدان هله عباس جانی دویمامشام گلمه سون نیلییرم قبریمون اول گئجه سی انتظارون چکرم قبریمون اول گئجه سی منکه بیرعمریدی هریرده حسین وای دئمیشم سنه گون قارداشون عباسه آقا آی دئمیشم گلمز عالمده منیم رهبریمه تای دئمیشم اصغرین یاده سالوب چوخ گئجه لای لای دئمشم سنده بیر ایله کرم قبریمون اول گئجه سی انتظارون چکرم قبریمون اول گئجه سی تز چخار یاددان ئوللنلر بیری یاده سالماز دفن ائدنلرده گیدللر بیری حتی قالماز قبرین اطرافین عملدن صورا بیرزاد آلماز قاپوسی اولسادا قبرین گنه بیر کس چالماز قدموندن اوپرم قبریمون اول گئجه سی یوخ منیم بیر کسیم اوردا که منی یاد ایلسین خانه قبریمی یوخ مونسیم آباد ایلسین روح ناشادیمی هانسی عملیم شاد ایلسین حُرّی گوندر منی غم ، غصه دن آزاد ایلسین

"آنا"      گوزلریم قربانون اولسون کوسمه مندن آی آنا آنداولا اوز جانووه سس ویر داریخدیم دای آنا چوخ گیجه سن صبحه جک قالدون اویاخ لایلای دیدون خسته سن دینجل بیرآز، قوی من دییم لایلای آنا سن منه آلدین گیندیردون حسینون قاره سین من سنه اما گیندیردیم کفـن ایوای آنا گیت آنا اوغلی اولن زهرایه تاپشوردوم سنی سنده زهرا تک منی، نوکرلروندن سای آنا من دیدیم گلسن،اولوب پرپر،داغیلدون گل کیمی تاپمادیم هرگز سنه گلدن گوزل بیرتای آنا کاش دییدیم آی سنه،گوندوز قالیدون پرده ده هرگجه باری چیخیدون سیره مثل،آی آنا ویردوگون سوددن گرڪ آرتیخ توکم گوزیاشیمی گوزیاشیم تک آخمیب صحرایه،آخماز چای آنا من دیینده آی آنا،سن جان دییردون هرزمان ایندی من جان سسلیم،سن ویرمیورسن های آنا ادامه دارد... 📚برات عاشورا ✍شعر بقلم شاعر عاشورایی استاد حاج حسین غفاری اردبیلی #پنجشنبه_های_دلتنگی ــ

#زبانحال خواهر حضرت رقیه (س) #مرحوم معزی اردبیلی بانوای:#کربلایی_منوچهر_حسن زاده آی شامیده گوز یاشلی ئولن قافله گیتدی اوچ یاشدا اولان غرق مُحن قافله گیتدی . سس ویر سسیمه حالی پریشان باجوام من آغوشه آلان قبریوی گریان باجوام من سنسیز گونی قاره ئورگی قان باجوام من آغلاتما منی شامه گلن قافله گیتدی . ویرانه ده قوینوندا قالان اللره قربان قاره کفن ایچره بوکولن تللره قربان قبرونده اویان یاتما شیرین دیللره قربان گوزلر سنیده اهل وطن قافله گیتدی . دوشدی یولا غم قافله سی من دالا قالدیم الله بیلوری گلدی یرون نه حالا قالدیم تا عطریوی بیر یولدا مشامیم آلا قالدیم گلدیم سنه خاطر بورا من قافله گیتدی . ویرانه ده یاندیم سسون افلاکه چخاندا آخشام چاقیلار قلبیوی غم غصّه سخاندا دیواره قویاردون یوزوی چوخ داریخاندا محبوبه ی سلطان زمن قافله گیتدی گورسندی آغاج یاره سی عالی قوناقوندا پیشوازینه چخدون گیجه چاقی اوطاقوندا ئولدون قوناقین قانیوا غنچه دوداقوندا ئوز معجری دفنینده کفن قافله گیتدی . غسّاله یوواندا سنی احوالیوه یاندی اللرده ئولوبدور دیدی غسلونده دایاندی عمّه م بویوروب قمچیه مدّتدی نشاندی آی کرب و بلادن دؤیولن قافله گیتدی . لایلای گیجه قانین بابامون زلفه یاخان قیز لایلای یوزونه گوز یاشی یوللاردا آخان قیز لایلای قوجالان عمَّه مَه حسرتله باخان قیز روشن گونوزی شامه دونن قافله گیتدی لایلای بدنی شمع مثالی ارییَن قیز لایلای من آجام عمّه مه گیزلنجه دیین قیز لایلای بابامون خاطرینه قاره گیین قیز قالما باجی ویرانه ده سن قافله گیتدی

سینه زنی #زبانحال_حضرت_ابوالفضل(ع) الهـــی سقا حصــــاره دوشدی سویی جالاندی فشاره دوشدی ئــــولــــور علینون بونور عینی یتـــــور خدایــــا منــــه حسینی تفضل ایله اماندی یارب که درد سقا گراندی یارب سومشگیده تا جالاندی یارب غبار خجلت عذاره دوشدی اگرفراتین سویی سریندی منه برودت غم آفریندی یانان اورکده یارام دریندی نفس دوتولدی شماره دوشدی اورک ملالین کیمه دیوم من خوشام بوقاندان کفن گیوم من بواشقیادن نه ایستیوم من سرای قلبه شراره دوشدی اگرچه اهل شکیبم الله نگاریدن بی نصیبم الله آتام علی تک غریبم الله که شعله قلب فکاره دوشدی نولور یانیدی آقام سوزومدن گلوب سیلیدی قانی گوزومدن چوخ ایستیرم من اونی ئوزومدن گوزوم گوریدیم نگاره دوشدی خجالت اولسون بنی امیه سو ویدی الده منیم هدیه یولوم گوزتلور سوسوز رقیه سودان بوسقا کناره دوشدی کتاب عشقیم ورقلنوبدی گل وجودیم طبقلنوبدی قمر عذاریم شفقلنوبدی بو ماه هاشم مهاره دوشدی

بسم الله الرحمن الرحیم منی باغشلا سنه اولمادیم وفالی ننه الیمدن آلدی فَلَک فرصت وصالی ننه یریوی بوش گورورم گوزلریم دولور بوشالور ئُورک دولور غمیله،منده دست خالی ننه تمام خاطره لر یادیمه دوشور بیر بیر نجه باشیمدان آتوم بیر بئله خیالی ننه سالوبدی آیریلیقون جانیمه شرر یانورام فراق اوتی ائلیوبدی منی عزالی ننه دولاندی چرخ طبیعت یتشدی سال جدید یتیم نیلیه جک تازه ماه و سالی ننه بو تازه ائیل کی دئدیم ، تازه غصه لر گتوروب آپاردی سیلِ بلا چوخ گوزل مارالی ننه بولوطلار آغلادی گوز یاشلاری دؤنوب سیله مسیل اولوب دره لر،گوزلریم مثالی ننه دچار ائدوب غمه مازندران و شیرازی دوشوب بو درده خراسانیِ شمالی ننه سنونده سیل فراقون مسیلِ سینه ده دی خوشام کی دردون اولوب سینمون مدالی ننه به حق حضرت زینب منه دعا ایله تاپوم سنون کیمی منده او خوش خصالی ننه بهار اولوب گوله گل،گولمدی ولی سنسیز نه یاس و لاله بیزه اولمادی صفالی ننه قلم گزور یازا بو ماجرایه حسن ختام اُو  اختتامه گوره شعر اولا  بهالی ننه قلم مدینه ده تاپدی سرای فاطمه نی هامی جهانی دوتوبدی اونون ملالی ننه یاناندا درگهی پهلولری سینوبدی اونون گئدنده قبره گئدوب سینه سی یارالی ننه دیردی اوخشاما زینب اوجادان آغلاردی اماندی دور منه سس وئر باشی بلالی ننه گجه قوتاردی،اذان وقتی چاتدی، محمودی بجادی یاد  ایلیه  سویگولون بلالی ننه 1398/1/9 حسین آباد

‍ ای بشر بیل که بو دنیا سنه یار اولمیاجاق دار دنیاده قوناقسان سنه دار اولمیاجاق   دویمادون بیرجه بو دنیاده گرگ اویمیاسان بیلمدون که سنه دنیاده قرار اولمیاجاق   بیلمدون که سنی آلله نیه خلق ائتمیشدی  بنده مست اولسا رضا ذات کبار اولمیاجاق   بشرین فلسفۀ خلقتی جدّیتدی او که غافلدی اونا لطف نگار اولمیاجاق   بش مین ایل عمر ائده سن سجده ده دائم قالاسان  ذره جه اولسا ریا اوندا عیار اولمیاجاق   تک نمازیله اوروجدان سنه ایمان چیخماز دوزدی ایماندی٬ ولی لایق یار اولمیاجاق   اصل ایمان اودی هر درسده نمره آلاسان  بیر گل آچماقلا مثلدور که بهار اولمیاجاق   مردمین حقّینی غصب ائت صورا سال سجاده بئله سجاده سنه حایل نار اولمیاجاق   اولماسا مؤمن اگر ئوز عملینده عارف باشه مین ایل ویرا مولا اونا یار اولمیاجاق   اوخی بیر زندگیِ «بلعم باعورانی ائله طاعت ائله سون لیل و نهار اولمیاجاق   ایکی یوز ایل یخیلوب سجده گهه قیلدی نماز هامی سویلور بونا قبرینده فشار اولمیاجاق   ولی قبره قویولاندا یوخودی ایمانی بلی باورده یقین اولماسا ٬بار اولمیاجاق   هامی مسئولیدی٬ رهبردن الی سربازه اَل اله وئرمسه٬ ملتده وقار اولمیاجاق   گر علی شیعه سی سن٬ قونشیوین احوالینه باخ ئوز عیالون دئمه بو درده دچار اولمیاجاق   یئرمی قصری ائله اون بش٬ بئشینی یوخسولا وئر اوندا باخ گور سنه گلشن او مزار اولمیاجاق   دئمه من عرضه لییم٬ نفسوی توجیه ائلمه گَلی بیر گون سنه ده راه فرار اولمیاجاق   ایلده دورت یول گئدوسن مکیه مُحرِم اولاسان مَحرم اول٬مُحرمِ بی مهره عیار اولمیاجاق   سن اگر مکّیه گتماقدا بهشت آختاروسان دولان ئوز شهریوی قورخما سنه عار اولمیاجاق   گجه لر گور نقدر آج بالا وار ائولرده بی ریا مکه اودور فیلم نوار اولمیاجاق   اوردا قوی آلله ئوزی فیلم گوتورسون سندن ائله بیر فیلم که٬همتاسی دوبار اولمیاجاق       🌹حاج قدرت چوپانی🌹

مرحوم سیدرضا حسینی سعدی زمان . گوردی قدسیان جان ویرور حسین گیزلنور نفس تازه قان گلور العطش دیور شاه مشرقین اوخ ووران گیدیر داش ووران گلور . . بیر نفر دیمور بو کومکسیزی بیر بیله جماعت ند‌ن وورور نه گناهی وار بو اوغولسوزون اشقیای دورِ زَمَن وورور قربتاً اِلی‌الله خیالی وار هر گلن وورو هر گید‌ن وورو دسته دسته نیزه ووران گیدور ایلیوب هجوم اوخ آتان گلور . بیر سپهریدور قانلو پیکری وار یارالاریله کواکبی بیر یارالی قرخ مین نفر قُشون گور بو مطلبین وار تناسبی وورماق اوسته وحشی عر‌بلرین بیر بیرینه واردور تعاقبی ویرموری امان قوم کوفیان حرمله گید‌نده سنان گلور . شام و کوفه‌نین قان توکنلری دور برده چون حلقۀ نگین بیر یارالی ‌نین دوره ‌سین آلوب دیلده اُقتُلوا الده تیغ کین بو هجومه وسعت ویرر مگر قطعه قطعه بیر جسم ناز‌نین؟ علتی بودور منتظر دوروب شامیان گیدور کوفیان گلور . جدی خاتم‌الانبیا ایدو‌ر باشی اوسته قرآن تلاوتی نُه فلک ده افلاکیان گورور کربلاده برپا قیامتی رسمدور بو اوغلو ئولنلره هر گلن ویرور باش سلامتی ویرماقا تسلّی پیمبره خلدیان گیدور، قدسیان گلور . فاطمه آچوب باشینی گلور اوغلونون سیله قانلو گوز یاشین قتلگهده اما دورانموری چون گورور کسیر شمر اوغول باشین خیمه ‌د‌ن ده زلفین سالوب یوزه گورماقا گلور باجی قارداشین قتلگاهه وار چوخ گلوب گید‌ن زلف آچان گیدور، باش آچان گلور . فاطمه قیزی زینبون آلیب دوره ‌سین بلا مثل دایره وا محمّدا دیلده گه قاچور قارداشی حسین جان ویر‌ن یره گه گلور خیام امامته خوردا قیزلارا تسلیت ویره گیتماقی حزین، گلماقی غمین باغریقان گیدور، خونفشان گلور . خیمه‌لر‌دن علیا مکر‌مه قتلگاهه بیر باش اولور روان باشدا اللری، یوزده ساچلاری روحی مضطرب، جسمی ناتوان قارداشا حمایت اید‌نموری امر ایدور قییت شاه انس و جان سرز‌نان قویور خیمه‌گاهه یوز ناتوان گیدور، سرزنان گلور . مختلف خیالیله چوخلاری ایلیری تر‌دد او مقتله قبض روحه عزرائیل آختاریر سالم عضوینی سالماغا اله زینبی گلیر جانفشانلیقا کسماقا باشین شمر و حرمله عرصۀ قیامتدی قتلگه جانفشان گیدور، جانستان گلور . وار حسین عزاخانه ‌سینده چوخ شوکت و جلال عز‌ت و شر‌ف ظلمدیر #حسینی اوز عمرینی اوزگه یرده هر کس ایده تلف باطناً ملکلر نزول ایدو‌ر کسب فیضه بو بزمه صف ‌به صف ظاهراً گور‌ر بوردا اگلشن روضه‌خوان گیدور، نوحه‌خوان گلور

🕯امروز پنجشنبه است 🍂به یاد عزیزانی که 🕯چشم انتظاری شون رو نمی بینیم 🍂و صداشون رو نمی شنویم 🕯یاد همه آنهایی که دیروز بودند 🍂و امروز یادشون و 🕯عکسی رو تاقچه اتاق ازشون 🍂به یادگار مانده 🕯یک فاتحه، یک صلوات 🍂پیشگاه کسانی که مهرشان 🕯تا ابد در قلب‌هایمان جاریست روحشون شـاد 🍂🖤 🌹🌹🌹🌹🌹 🥀 اَللّهُمَّ اغفِر لِلمُومِنینَ وَ المُومِنَاتِ وَ المُسلِمینَ وَ المُسلِمَاتِ اَلاَحیَاءِ مِنهُم وَ الاَموَاتِ ، تَابِع بَینَنَا وَ بَینَهُم بِالخَیراتِ اِنَّکَ مُجیبُ الدَعَوَاتِ اِنَّکَ غافِرَ الذَنبِ وَ الخَطیئَاتِ وَ اِنَّکَ عَلَی کُلِّ شَیءٍ قَدیرٌ بِحُرمَةِ الفَاتِحةِ مَعَ الصَّلَوَاتِ🙏       

زبانحال حضرت زینب ( س ) در فراق مادر #سبک : ای قلم سوزلرینده اثر یوخ ای گئدن قبره سینه یارالی عمرودن دویمیان ای وفالی عاقبت ائیلدون اوز غمونده زینبی سن ئولونجه عزالی سینمی حشره تک داغلارام من وای ننه سسلیوب آغلارام بو ائوین سنله گئتدی صفاسی غصه لی اولدی حال و هواسی واری یری آسمانه اوجالسون زینبین وای ننم وای صداسی سینمی حشره تک داغلارام من وای ننه سسلیوب آغلارام هی دوشور یاده راز و نیازون سجده حالینده سوز و گدازون قلبیمه اود دوشور من گورنده بوش قالوبدور ننه جانمازون سینمی حشره تک داغلارام من وای ننه سسلیوب آغلارام باشینه مجتبی قاره باغلار ماتمونده حسین سینه داغلار سسلر ایوای ننه ائوده کلثوم روز و شب بو مصیبتده آغلار سینمی حشره تک داغلارام من وای ننه سسلیوب آغلارام باغبون ئولسه باغدا گل آغلار گل سارالسا یقین بلبل آغلار اَسسَه بادِ خزان بوستانه گلشنین حالینه سنبل آغلار سینمی حشره تک داغلارام من وای ننه سسلیوب آغلارام آغلادار عرش و فرشی فراقون یاندیرار قلبیمی اولماماقون نیلیوم ائیله بو درده چاره خردا باجیم دوتاندا سراغون سینمی حشره تک داغلارام من وای ننه سسلیوب آغلارام من سن کی گئتدون گئجیلن مزاره منزله اوز بابام چکدی قاره زینب ئولسون یرون بوش قالاندان بنزیری گوزلریم جویباره سینمی حشره تک داغلارام من وای ننه سسلیوب آغلارام من ای گئجیلَن گئدن قبره پنهان ای قویان دورت گولون زار و گریان قلبیمه بیر بویوک نسگیل اولدی اولمادی دردیوه چون کی درمان سینمی حشره تک داغلارام وای ننه سسلیوب آغلارام من سن بالالاریوی گوزدن آتدون بو غمینده آتامی قوجاتدون سن نئجه قبریده سویله من سیز باش قویوب توپراق اوستونده یاتدون سینمی حشره تک داغلارام وای ننه سسلیوب آغلارام من حالیمه آغلاسا یر گوی آزدی گرچه بیر شَمّه سین #شیدا یازدی تک منیم گوزیاشیم کافی اولماز گوزیاشی عالم عالم نیازدی سینمی حشره تک داغلارام من وای ننه سسلیوب آغلارام من #محمدرضاصادقی‌شیدا

#مناجات_امام_حسین #روضه_امام_حسین #روضه_حضرت_رقیه وقتی از خاک تو شفا برسد گرنگاهی کنی چه ها برسد به نوا میرسانی اش قطعا بی نوا گر به نینوا برسد رحمت واسعه بغل وا کن تا غریبه به آشنا برسد ما ز دست فراق خسته شدیم یک نفرهم به داد ما برسد دست ما را بگیرتا بلکه پاى ما هم به کربلا برسد لحظه ی احتضار منتظریم قدمت روی چشم ها برسد فطرس از قصد در عذاب افتاد قصدش این بود به شما برسد تا حسینی شدن بسی راه است میوه ی کال مانده تا برسد زخم های تو تشنه ی اشک اند گریه کردم به تو دوا برسد همه، شب های جمعه منتظرند به حرم صاحب عزا برسد ذکر میگفتی و سنان نگذاشت تا به گوش همه صدا برسد * ** با خودش میبَرَد مرا حتما پدر امشب اگر خرابه رسد نان خود را نخورد خواهرتو تا به طفلان تو غذا برسد @stayashura313

شهادت حضرت امام جعفر صادق علیه السلام 🏴🏴🏴🏴🏴🏴 شیعه لر قان آغلیون صاحب زمان آغلار بو گون حضرت صادق غمینده قدسیان آغلار بو گون باد ظلمیله گل گلزار پیغمبر سولوب صادق آل محمد زهریله مسموم اولوب گر دیسم زیبنده دور زهرا بو گون زلفین یولوب عالم معناده میر مومنان آغلاربوگون بغضیله منصور نور وحدتی خاموش ایدوب پیشوای دین حق جام شهادت نوش ایدوب جعفری مذهبلری محنتله هم آغوش ایدوب گوز یاشی گوزدن توکر اهل جهان آغلار بوگون باعث ایجاد عالم حامی دین خدا نور یزدان مظهر توحید سبط مصطفا مذهبه رونق ویرن دینه بویوک بیر پیشوا درک ایدوب فیض شهادت انس و جان آغلار بوگون شور محشر شهر یثربده بو گون اولدی عیان وا اماما ناله سی خلقه اولوب ورد زبان بوینی چگنینده توکردی گوز یاشی اسلامیان تابعان حضرت صادق عیان آغلار بوگون جان ویروب جانانه یتدی بو امام ممتحن ایلدی اوز اوغلی موسی جسمینه غسل و کفن اولدی چوخ اجلالیله تشییعینه چوخلی گلن کربلا مظلومینی یاده سالان آغلار بوگون 🏴🏴🏴🏴🏴🏴

امام صادق (ع) 🏴🏴🏴🏴🏴🏴 عزا دوتوبدی فاطمه- شهید اولوب امامیمیز اونون مزار و قبرینه- اولا بیزیم سلامیمیز عزا دوتوبدولار خلایق شهید اولوب امام صادق قورولدی موسم عزا مَلک سماده آغلیور گیوبدی شیعه لر قرا بزم عزاده آغلیور جعفرصادق غمینه آل عباده آغلیور دیون بئله که تا عدو غریب ئولوب امامیمیز عزا دوتوبدولار خلایق شهید اولوب امام صادق دورت مین آرا حبیبیمیز غریبیدور مدینه ده واریدی غملی آقامون نیسگیلی غملی سینه ده یتوردی ماتمی اونون ماتم و دردی سرحده مسموم اولوبدی ظلملن عمری سولوب امامیمیز عزا دوتوبدولار خلایق شهید اولوب امام صادق نه مهلتی وروبدیلر نماز آخرین قیلا نه قویدیلار بالالارین بیرده قوجاقینه آلا چکدیله درگهینده تا،که مادرین یاده سالا چراغ عمری جوردن داها سونوب امامیمیز عزا دوتوبدولار خلایق شهید اولوب امام صادق 🏴🏴🏴🏴🏴🏴🏴🏴

#مناجات #سبک_چوگیسوی_تو_من... #ترکی الهی گلمیشم شرمنده درگاه عطایه یوزوم قاره الیم بوش باخ نوالی بینوایه خطا مندن الهی عطاسندن الهی علاجسیز دردمندم دواسندن الهی نظر قیل منه دخیلم سنه قسم ال عبایه الهی دفتر اعمالیمون تعریفی یوخدی باخا کیم دفتره سویلربونون عصیانی چوخدی الیمده چاره یوخ نیلوم گناهیم قلبه اوخدی بو اوخلی قلبه درمان ایتمگه گلدیم دوایه خطامندن الهی ... الهی واقفم بیراهه یوللار گئتميشم من سراپا عمرومی کج یوللارا صرف ائيتمیشم من الیمدن دوت الهی نفس الینده ائيتمیشم من بو نفسین چون الیندن گلمیشم اه ونوایه خطا مندن الهی... گنهکارم اگر، ایندی پشیمانم الهی سینیق قلبیله گلدیم چوخ پریشانم الهی جوان عمروم گئچوب غفلتده نالانم الهی نئدیم غفلتده عمروم گئتدی چون باد فنایه خطا مندن الهی... منی عفو ایله یارب شاه عاشورایه خاطر چوخور یرده عزیز حضرت زهرایه خاطر الیمدن دوت ئوزون السیز قالان اعضایه خاطر باغیشلا بنده وی الله شهید کربلایه خطا مندن الهی... قسم ویرّم الهی یوم عاشور بلاده حسینون قالدی قانلی نعشی میداندا اراده قالوب اوچ گونلریله نعشی دشت کربلاده داش التندا تاپوب زینب،چیخوب اهی سمایه دیدی ایوای حسینیم منه ویر های حسینیم یاتوبسان یات یارالی دیوم لای لای حسینیم سوسوز قارداشیم بلالی باشیم یارالی جسمه قربان سوزوم یوخ امتحان ویردون حسین چیخدون محکدن ولی زینب ایدر شکوه ئولونجک بو فلکدن نئجه اوخدی بو اوخ قلبه دگوب چیخموش کورکدن قوشون گور نیلیوب دلبند پاک مصطفایه یارالی جان یارالی اولوب زینب عزالی سنه وابسته زینب نئجه دوشسون ارالی ئورک اولدی قان یارالی اویان لب عطشان یابن الزهرا الهی"متقی"بحر گناهه غوطه وردی الینده خیر عمل یوخ بوسببدن دربدردی ئوزون رحم ائت سنی زهرا دعاسی بی ثمردی جواندی دوت الیندن گر گئدوب راه خطایه خطا مندن الهی... ✍#متقی تبریزی 🌴🌴🌴🌴🌴🌴🌴🌴🌴🌴

┄┅✵﷽✵┅┄ #عیدفطر #سروده_رقیه_سعیدی_کیمیا ┄┅═✼✵𑁍✵✼═┅┄ شـد مــاه نـو پـدیـدار ، عید عبادت آمد پایانِ سـفــره های  مــاه ضیــافـت آمد گفتیم عاشقـــانه  لبیــک ، دعوتــش را اینک زمان اَجــر و پاداش  طاعت آمد عید است و چشم ما برعیدانهٔ خداوند بر عـابدانِ عــاشــق وقت کـرامـت آمد حق داده مژده برما غفران ورحمتش را از عــرش کبــریایــی  باران رحمــت آمد با ربنــای افطـار "اِغفــِر لَنــا" ســرودیـم تا وقت لیـلـةُالفـطــر عطــر اجابت آمــد بستیم تا دهان را طعم عسـل چشیدیم شیـرینی عبــادت بهتـــر ز شـــربت آمد شبهـای قدر و توبه  در  وقـت استغـاثه "لا تقنطـوا" ز رحمـان  بر ما بشارت آمد دلهای ما زمانی خوش میشودکه گویند آمـد عــزیــز زهـرا ، پـایـان غیبــت آمد شکر خدا که مــا را توفیــق بنـدگی داد این عید ، "کیمیا" را  عیـد سعـادت آمد شـد قافیـه "زیارت" در بیـت آخرینـم پـــر زد دلـم به مشهـد ، نام زیارت آمـد الٰلّهُمَ؏َجِّلِ‌لوَلیِّڪَ‌اَلْفَـ‍𖣐᭄ـرَجْ‌ ‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌

🌹ولادت حضرت فاطمه معصومه سلام الله علیها سبک: ای صفای قلب زارم 🌿🌿🌿 ای صفای خاک ایران یادگار شاه مردان جشن میلادت مبارک خواهر شاه خراسان یگانه گوهری...به موسی دلبری عزیز جان ما...رضا را خواهری مدد یا فاطمه مدد یا فاطمه 🌿🌿🌿 ای گل باغ پیمبر ای ضیاء چشم جعفر ای کریمه ای نجیبه زاده ی زهرای اطهر جلالت فاطِمی...جمالت فاطمی ایا گنج ادب..جمالت فاطمی مدد یا فاطمه مدد یا فاطمه 🌿🌿🌿 گلدی ایام کرامت لطف ائدیب خلاق رحمت شاد اولوب جنّتده زهرا گول آچوب گلزار عصمت گلوب بیر مه لقا..تا پوب عالم صفا عزیز فاطمه....   ائدر درده دوا مدد یا فاطمه مدد یا فاطمه 🌿🌿🌿 گلدی عالملر صفاسی فاطمه نون دلرباسی عالمی ائتدی منوّر موسیِ جعفر بالاسی گلوب کنز حیا..گل باغ ولا اولوبدی شادمان..بو گون اهل ولا مدد یا فاطمه مدد یا فاطمه 🌿🌿🌿 شاد و مسرور اولدی شیعه زینب ثانی گلوبدی برج عِفّتلن حیانین ماهِ رخشانی گلوبدی گَلون ای عاشقان ..اولوب عالم جنان اورکدن شادیدور..بو گون صاحب زمان مدد یا فاطمه مدد یا فاطمه 🌿🌿🌿┅

حاج محمود کریمی یل یاتار طوفان یاتار یاتماز حسینون پرچمی دیده ی دوران یاتار یاتماز حسینون پرچمی بوحسینونده عزیزان پرچمی اوچ رنگیدی گنبدی اوستونده قرمز یادگار جنگیدی هم یاشیل اعلان ایدورعباس اونون سرهنگیدی سن قرا پرچم گوتور بو زینبون فرهنگیدی . سسله هر بنیان یاتار یاتماز حسینون پرچمی . قاره پرچم،قرمزی پرچم،یاشیل پرچم دیور جاوداندور کربلا،خلقه حدیث غم دیور تک حسینی لر دیمور بلکه هامی عالم دیور ای مسیحی لر بو ذکری عیسی مریم دیور . پایه ی ادیان یاتار یاتماز حسینون پرچمی . ای عراقین تپراقی ویر شور و شَینوندن خبر سنده دی آلتی امام ،ایفای دَینوندن خبر یانجف یا سامرا یا کاظمینوندن خبر هرطرفدن اود یاغور قبر حسینوندن خبر . قورخما بوبحران یاتار یاتماز حسینون پرچمی . عالمی ظلمت دوتوب شمعی گزور پروانه لر آشنالردن دی دوتسون فاصله بیگانه لر خانه ی امنیّت و احساندی ماتم خانه لر قوی دیسونلر قاره سین گیدی گنه دیوانه لر . عالم امکان یاتار یاتماز حسینون پرچمی . بیز بو پرچمدن برات آللوخ ایشتسین مدّعی گیتمه روخ آیری مسیره گیتسه گیتسین مدّعی طعنه لر بسدی خطا یولدان قیتسین مدّعی کیفر صدّامه باخسین عبرت ایتسین مدّعی . کاخ نامردان یاتار یاتماز حسینون پرچمی . یوخ موّرخده او قدرت ایلیه حفظ وفاق چوخ قیامی ثبت ایدوب امّا پوزوب دست نفاق شاه مظلومان مین اوچ یوزیتمیش ایل بوندان قباق بیر قیام ایتدی سسیندن تتردی دوقّوز رواق . یازدی هر ارکان یاتار یاتماز حسینون پرچمی

#ابوالفضل آچ گوزون یاتما ابوالفضل آی کیمی باتما ابوالفضل مشکی پاره گوزی یاره قارداش دور منی قویما آواره قارداش قلبیمه شعله سالولار صبر و آرامیم آلولار آغلورام من باشین اوسته آغلیاندا ال چالولار دور حسینون دوشوب درده قارداش چاره قیل قوم نامرده قارداش مشکی پاره گوزی یاره قارداش دور منی قویما آواره قارداش سن یخلدون یاتدی پرچم قلبیمه غم دولدی کم کم چولره سو جاری اولدی قان اولیدی نهر علقم مشکی پاره گوزی یاره قارداش دور منی قویما آواره قارداش ال اوزوب سن الریندن قان آخور چشم تروندن قانلی پر قانلی بازو ابوالفضل ائدی بی پر سنی سو ابوالفضل مشکی پاره گوزی یاره قارداش دور منی قویما آواره قارداش