‍ #یتیم نوازی حضرت علی علیه السلام #گریز به #حضرت_رقیه_شهادت باب سخا علی علی درده دوا علی علی سینۀ اهل حقّیدن عقده گشا علی علی مشکلون اولسا هر زمان صدقیله سسله یا علی پیکرۀ کرم علی بندۀ محترم علی فلسفۀ قِدَم علی فرصت مغتنم علی مائدۀ نِعَم علی نفس مسیحه دم علی ورد زباندی دمبدم شیعیه مقتدا علی سرور و رهبریم علی مسجد و منبریم علی ساقی کوثریم علی شافع محشریم علی دافع غملریم علی دیلده که ازبریم علی من سگ آستانیم هی دیرم آقا علی مرشد و مفخریم علی عشق مقدَّریم علی مونس و یاوریم علی قلبیده باوریم علی حافظ سنگریم علی اوچماقا شهپریم علی سوزلریمه جلا علی گوزلریمه ضیا علی ذکر و اطاعتیم علی حسن عبادتیم علی عمریمه زینتیم علی خلقه وصیتیم علی عزت و شوکتیم علی شأن وشرافتیم علی هر ایکی دهریده منه مونس علی رجا علی زینت انجمن علی لذت هر سخن علی سجده ده راضی ایلیوب سائلی قیترن علی هاردا گلر زمانیه قاتله رحم ائدن علی سویلدی عفو ائدر سنی ئولمه سه مرتضی علی صحنۀ هر جهادیده پنجه سی اود توکن علی فعل مدبرانه سی تخم وفار اکن علی بیوه لره یتیم لره هر گئجه باش چکن علی آج یاتوب عاجز امته بذل ایلین غذا علی مسند حقده اگلشوب کهنه قبا گین علی نوکرینه لباسینون تازه سینی وئرن علی کوچه به کوچه نصف شب ناله ائدوب گزن علی هر آتاسیز آدامسیزا چاره سیزه آتا علی قید مقدراتیده قوللاری باغلانان علی باب سخا و عزتی شعله چکوب یانان علی فاطمه سی یارالانان سینه سی داغلانان علی حکمت حقدن ایلین همتیله حیا علی پنجۀ عدلی ایلین پایۀ ظلمی ریشه کن آتمیش اوچ ایل حیاتیده سِلم خدا یولون گئدن قلبینی غصه لر یاران دردینی چاهه کشف ائدن سوز دل یتیمیلن مونس و همصدا علی بیر گونی مرتضی علی کوچه دده طی راهیده بازی ائدولَّه بیر نچه طفلی ائدوب مشاهده لیک اولارون دوروب بیری غرقیدی سوز آهیده حسرتیلن باخوب یانار گوردی او بینوا - علی گلدی اونون کنارینه مهر و وفالی مرتضی آلدی او طفلیدن خبر حجت حیّ لایری وار نه دلیلی سن گیدوب اویناموسان گوزل بالا دردیوی قیل بیان اوغول تا ایله سون دوا علی باخدی علی جمالینه حسرتیلن او طفل زار سویلدی روزگار ایدوب قلبیمی غملره دچار غصه لیم ئولوب آتام بختیم اولوبدی تیره تار تنگیدی بیر قفس کیمی روحیمه ماسوا علی شعلۀ آهیمه وورار جور زمانه دامه قوی بو ئورکده دردیمی ایندی آچوق دیوم سنه یوخدی آتام قوشولمیور کوچه ده تای توشوم منه ایلیوب اهل ناریدن غصه منی جدا علی بیلدی او نیک منظرون تا که علی ئورک سوزون قلبینی یاردی تیر غم دولدوروب اشکیله گوزون آلدی اونی قوجاقینه ناز ایلیوب ئوپوب یوزون اولدی او غملی طفلکون دردینه آشنا علی قیلدی بیان او کودکِ غم کشه خسرو انام سنده قوشول اوشاقلارا اوینیوب اول خجسته کام کیمدی سوروشسالار آتون سویله علینون اوغلیام سنده بو مدعا ایچون دیلدن اولار رضا علی نازیله گز بو شهریده ای گل ناز خوشمرام غم یمه غمگساریوم هر سوزون اولسا من وارام اوغلوم حسینیدن سنی عاطفه ده آیرمارام بیکس و بینوالری دائم ائدر دعا علی عارفه « #سیفی » سوز گرک جلب توجه ایلیه یغدیلا آل حیدری شامیده بیر خرابیه ئولدی رقیه گلمدی دفنینه مرتضی نیه زینبی سینه داغلیوب هی چاغوروردی یا علی گل بابا بو خرابه ده آتش ظلمه یانمیشام قارداشیمون سولوب گولی اشک غمه بویانمیشام یوخدی کفن رقیّمه هر طرفی دولانمیشام نازلی نَوون ننم کیمی اولدی گونی قرا علی جور زمانه سوزدوروب حقّ ائوینون ستاره سین کسدیله نازدانه مون ظلمیله راه چاره سین ئولدی علاج ائدنمدیم یوزده کی سیلی یاره سین تاپمادی درد و غصه دن نازلی نَوَن شفا علی غنچه نی سولدوروب فلک وئردی بو چولده یللره هامّی چوخ ایستین قزون ماتمی دوشدی دیللره بوکدوم علاجیم اولمادی آغ گولی قاره معجره دفن الیدیم خرابه ده قلبی یانان یانا علی گون سحر ایستیر چخا گوگده دان اولدوزی باتار بلبل اوچار چمنلره ساحتِ وصلته چاتار هاردا منیم رقیه سیز بیرده ملر گوزوم یاتار باتدی ایشیقلی اولدوزوم قلبیم اولوب یارا علی عمر ایلیوب اوچ ایل بالام عزته نایل اولمادی فاطمه تک حیاتینه دهریده مایل اولمادی چون یارالیدی قوللاری عسلیده کامل اولمادی گور نجه قاره بخت ایمیش بو قره گوز بالا علی ✍سیفی اردبیلی بانوای زنده یاد مرحوم حاج سلیم موذن زاده اردبیل ــــــــــــــــــــــــــــــــــــــــــــــــــــــــــــــــــــــ

آتاسیزلیق دردی #ختم_خوانی #گریز #حضرت_رقیه_شهادت . جعفر فتح اللهی (شاکر) . زمانه نین یوزونه گولمز هئچ زمان آتاسیز آتالیق عاطفه سین ایلمز نهان آتاسیز . گئدر گزر دولانار بلکه غصه سی داغیلا بیر آزدا غصه سی آرتار ائدر فغان آتاسیز . گورنده تای توشونی نوز آتاسی ایله گزور چکر بیر آه اولار قلب زاری قان آتاسیز . ایکی الینی قویار قوینونا باخار مأیوس ایکی گوزوندن ائدر اشکینی روان آتاسیز . آتاسی ایله گزن گونلری دوشر یادینا دانیشار ئوز ئوزونه محنته نشان آتاسیز . باشین اشاقه سالار ناگران ائوه قییدر ائدر قاپونی آچاندا بئله گمان آتاسیز . آتاسی ائوده دی تئز تئز بابا بابا چاغیرار سسین ائشیدمز ئوزون گورمز آختاران آتاسیز . اتاقه وارد اولار غم دورار قباقینده دیر آتان یرینه غمدی میهمان آتاسیز . آتاسینون یرینی بوش گورر اوتاقینده اوخور ئوزی ئوزینه غملی داستان آتاسیز . اولاندا بایرام هامی آل یاشیل گییوب دولانار قرا گییوب ئوزون ایلر غم آشیان آتاسیز . اوشاقینه آتا بایرامدا عیدیانه آلار قالار ولی گوزی اللرده ناگران آتاسیز . گئدر هامی گوروشه خویش و اقربا ائوینه قالوب ائوینده قورا بزم جان بستان آتاسیز . اوشاق أَولجه دییر ئوز آتاسینا تبریک دییر منی آتاجان گورمسین زمان آتاسیز . مشاهده ایلیرسوز چیخاندا قبر اوسته آتا مزارین ائدر بهترین مکان آتاسیز . گورر آناسینی غم دیزلرین قوجاقه آلوب باخار یانا یانا نار غمه یانان آتاسیز . آچار قولون دولیار بوینونا سیلر گوزونی دییر چوخ آغلاما گرچه قالوب بالان آتاسیز . سن آغلاسان بو قدر من ئوزومی ئولدورّم بو درده دوزمز اوشاق اولسا یا جوان آتاسیز . آتام کمی منی دیندیر سینقدی گویلومی آل سولار، سینار، سارالار گویلون آلماسان آتاسیز . آتام حسینه فدا من فدا رقیه سینه ایتیم اوشاقلارا سردسته دی همان آتاسیز . گئدردی زینیین آغوشینه گلردی دیله دییردی پس منی کیم قویدی عمه جان آتاسیز . بابام گئدندن آی عمه یاتانمورام گئجه لر مگر یاتار بو بیاباندا قورخودان آتاسیز . مدینیه گئده بیلسن یوبانما تئز یولا دوش روا دگیل اولا دشمنله همزبان آتاسیز . من ئولمه میش آپار عمه مدینه میزده ئولوم عزاسی خوار اولی غربتده وئرسه جان آتاسیز . بو غربت ئولکه ده که خوار اولوب آتام یاسی دوشنده یاده بو مشگل ییوبدى قان آتاسیز . من آغلادیم باباما قمچی ووردیلار باشیما آتاسین اوخشیا لازمدی هر زمان آتاسیز . گوزوم دوشور آتامی ئولدورنلرین گوزونه آلور قراریمی الان منی قویان آتاسیز . اوتوندا الله اوشاقین یامان گونه قویسون منیم کیمی اودا بیلسین اولار یامان آتاسیز . اونوندا قلبی داریخسین تفاقی اودلانسین بئله نقدری یانور خیمه سی یانان آتاسیز . .  #فتح_اللهی

┄━═✿♡﷽♡✿═━┄ ➖➖➖➖➖ گل بابا سلب اولوب توانیم #حضرت_رقیه_حسین_علیزاده ➖➖➖➖➖ زبانحال حضرت رقیه سلام الله علیها . . حسین علیزاده(دلگیر) . . #سبک_اصغریم_ای_شیرین_زبانیم . . گل بابا سلب اولوب توانیم عرشه اوج ایلوری فغانیم یاخجی وقته بابا گلوبسن گور چخور هاردا خسته جانیم . قلبیمی تیر درد و غمله بولورم گل دوشوبدور نفس شماره اولورم . مظلوم بابا . . . . . روزگاریم بابا قرادی دوشموشم درده بی دوادی هیچ سنی بیله گورمه میشدیم وای منه لبلرون یارادی . کیم سنی سالدی بیله احواله بابا قان چکوب گل جمالیوه حاله بابا . مظلوم بابا . . . . . ای اولان غملره نشانه گلمیشم نی کیمی فغانه گوزلرینن ایراق یارالی چوخ یوروبدی منی زمانه . فرقتونده غم اوسته غم آلدی قیزین گل بابا گور نه گونلره قالدی قیزین . مظلوم بابا . . . . . شامیان بزم قوروبلا کینه اوسته بابا دوروبلا کربلادن یتونجه شامه آغلیاندا بابا ویروبلا . زجر ویردی ئوزومه بیر سیلی بابا آچ گوزین باخ ئوزیم اولوب نیلی بابا . مظلوم بابا . . . . . چوخ محن وار بابا سوزیمده چوخ اثر ایلیوب اوزومده ... برچسبها: #ترکی #حسین_دلگیر #حسین_علیزاده #حضرت_رقیه #حضرت_رقیه_حسین_علیزاده #حضرت_رقیه_شهادت #زبدةالاشعار #سبک_اصغریم_ای_شیرین_زبانیم #گل_بابا_سلب_اولوب_توانیم

زبانحال حضرت زینب در شهادت حضرت رقیه علیهما السلام . ✍️ #زبدةالاشعار ✍️ . #سبک_ای_باد_صبا … 7 سبک 📣 مرحوم استاد #سلیم_موذن زاده . حاج اصغر احمدیان خسروشاهی . ای بادصبا کرب وبلایه گذر ایله اوردایارالی تشنه حسینه خبرایله . . عرض ایله اولوب زینبوون حالی پریشان دور قبرده یاتما ، یارالی جانوه قربان افسرده رقیه قوری یرلرده وئرور جان گل شامده ویرانیه بیرایله نظاره بیچاره قالوبدور باجون ایله اوناچاره . . سینونده یاتاردی قیزون ای سینه شکسته ایمدی قوری یرده غم ائدوب جانینی خسته توپراقلارا زلفی توکولوب دسته به دسته مشگلدی منه زلفینی توپراقه سالوبدی گل صورتی غمدن ساری گل تک سارالوبدی . . رنگی سارالوب گل کیمی سولموش گه بنزر زلفی توکولوب صورتینه سنبله بنزر روحی قفسیندن بیراوچان بلبله بنزر نه چاره قیلوم گوشۀ ویراده سنسیز سن تک قوری یرده ئولوری غسل وکفن سیز . . قویما قیزوی خوار اولار رفع محن ایله شهزاده بالان جان وئروری گل کفن ایله قازقبرینی ویرانه نی بیت الحزن ایله وئرغسلینی قوی قبره گوزوم اشگیله دولسون قوی شام گل شاه حجازه وطن اولسون . . فاش ایلدی درددلینی گوزیاشی آخدی یاندوردی حرم اهلینی نارغمه یاخدی آغلارگوزیله بیر او یتیمه قیزا باخدی گوردی بالانون روحی کنار اولدی بدندن آزقالدی ئوزی رخت علایق سویا تندن . . القصه وئروب جان بالا مقصودینه چاتدی صبح اولدوزی تک برج حیا اولدوزی باتدی اولاد علی ناله سسین عرشه اوجاتدی شهزادیه گوربیر نجه غسل وکفن اولدی گویا کفن اگنینده اولان پیرهن اولدی . . دفن اولدی بالا زینبین احوالی پوزولدی قان یاشیله اهل حرمین گوزلری دولدی زهرا قیزی بومجلسه راثی ئوزی اولدی قارداش بالاسیندان او زمان عمه ال اوزدی اهل حرمی قبرینون اطرافنه دوزدی . . هرکیم ئوله اوندان قالار عالمده نشانه ایلرله لباسین ئوز عزاسینده بهانه دوندردی بونیسگیل اویانان دیللری قانه بیر کوینگیدی بیراثر اوندان بدنینده دفنینده کفن ایلدیلر پیرهنینده . . بوغم گتوروب آل علی قلبینی درده ماتمزده لر قوردولار بیرماتم او یرده اول خوردا مزار اوسته چکوبلرنچه پرده گوزیاشلی لارین قلبینین آرامی آلیندی قبراوستونه پرده عوضی زلفی سالیندی . . اولدی هره سی بیر دلیله کاشف مطلب ماتم زده لر گوزیاشینی توکدی مرتب نسگللرین اوخشاردی خانیم عمه سی زینب سویلردی رقیه نیه گوزدن منی آتدون هجرونده بوگوزیاشیمی خون دله قاتدون . . عمرون گلی بوگوشه ویرانه ده سولدی کیم گییدوقی پیراهنیله قبره قویولدی هانسی قیزا غساله اونون عمه سی اولدی شرح غمیوی اشگیمیله توپراقا یازدیم دلده آدون آغلار گوزیله قبروی قازدیم . . دنیاده ادب گلشنینه بیرگلدون سن اصغرکیمی بیرغنچه گله بلبلدون سن عمّه ن سنه قربان نجه شیرین دلیدون سن سن نازیله شه سینه سی اوستونده یاتاردون چوخ غم گوروب اوج سینیله دنیانی قوتاردون . . سن بیرگلیدون بادجفائیله سارالدون ایوای باباوای سسلدون آرامیمی آلدون سن چوخ گئجه لر گوشه ویرانه ده قالدون قلبیمده کی نسگللرون آرامیمی آلدی ئوز دردیوی فاش ایلمدون سینه قالدی . . بیرنسگلیوه یانّام ئولونجه من مضطر لای لای دئدون آغلار گوزیله سسلدون اصغر گه سویلدون ای عمه هانی قارداشیم اکبر اکبر چاغوروب عمه دین دیللره قربان بوتوزلی مزاره باخورام قلبیم اولور قان . . اوخشاردی حزین بیر سسیله زینب نالان گوردی اوجادان باجیسی کلثوم ائدور افغان گوزیاشینی رخساره دوزور چون در مرجان سسلندی باجی سن که ائدورسن بئله شیون بوخورداجا اطفالی نجه ساکت ائدوم من . . عرض ایلدی بیر نسگله یانام بودی مطلب بوشیونه باعثدی رقیه م باجی زینب گوردوم دولانور منزل ویرانی گئچن شب سسلوردی بابا سوزلرینه من قولاق آسدیم دوردوم یوزین اوپدیم گتوروب باغریما باسدیم . . آلدیم یانیما گوزیاشینی سیلدیم یوزیندن آندورمادی دردین منه بیرکلمه سوزیندن اشگین گینه گوردوم توکوری لیک گوزوندن آزآغلا دئدیم بس نیه بوحاله قالوبسان یات راحت اول علن ندی گل تک سارالوبسان . . وار سرّی دئدی اشکیله دولموش گوزوم عمه بنزرسارالان بیرگله سولموش یوزوم عمه وئر گوش منه واردی اورکده سوزوم عمه آهسته دیوم بیلمیه بیرکس ئوزون سن گلمور یوخی آخر گوزیمه عمه آجام من . . بونسگللی دوشدی یادیماناله م اوجالدی گئتدی ئوزی دللرده غم افزا آدی قالدی گلسون بوجهانه ائله قیز امر محالدی دردین دئمسین محنت وغم یولداشی اولسون شیرین دل،ادبلی،ئوزینون اوچ یاشی اولسون . . ای مخزن عصمتده ایشیقلی در وگوهر وی کرب وبلاشاهینه بیر سویگولی دختر ای باب الحوائج آدی ای خواهر اکبر بو(احمدیان)سائلی سالمانظروندن ایستور صله گوزیاشلی خانیم عمه لروندن . . #حضرت_رقیه_شهادت #احمدیان_خسروشاهی #ای_باد_صبا_کرب_و_بلایه_گذر_ایله @Hazrate_Abalfazll

رقیّیه سلام بانوای:#سلیم_نظرآباد_منوچهر_حسن زاده . . شاعر ؟؟؟ . . خرابه قلبینی سیخان رقیّیه سلام اولا یزیدی تختیدن سالان رقیّیه سلام اولا . . ایاقلارین تیکان ئوپن گل پیمبره درود باشینا قمچیلر دگَن یتیمه دختره درود خرابه ده افول ایدن ایشیقلی اختره درود وئرن قوری یر اوسته جان رقیّیه سلام اولان . . فلک لحاف و بالشین حصیر و پاره خشت ائدن رضای حقیدن ئوزون رضای سرنوشت ائدن خرابه یرده جان وئرن خرابه نی بهشت ائدن چراغ و چشم کهکشان رقیّیه سلام اولا . . آناسی فاطمه کیمی جمالی نیلگون اولان جفا و ضرب سیلیدن گوزل گوزونه قان دولان سموم ظلم و جوریدن گل چمن کیمی صولان غمینده عمه سی یانان رقیّیه سلام اولا . . دیلینده اکبرین آدی یاواش یاواش دیین اذان عزیزه دوتدوقی آدی خرابه خاکینه یازان گوزل آدی یازیب ئوپن گوزل آدی ئوپوب پوزان یزیدی تختیدن سالان رقیّیه سلام اولا . . . #حضرت_رقیه #لاادری #حضرت_رقیه_شهادت #خرابه_قلبینی_سیخان_رقییه_سلام_اولا #ترکی #زبدةالاشعار

#حضرت_رقیه_سلام_الله_علیها #حضرت_رقیه_شهادت بود در شهر شام از حسین دختری آسیه فطرتی، فاطمه منظری تالی مریمی، ثانی هاجری عفّت کردگار، عصمت اکبری لب چو لعل بدخش، رخ عقیق یمن او سه ساله ولی عقل چلساله داشت با چهل ساله عقل روی چون لاله داشت هاله برده ز رخ، رخ چو گل ژاله داشت لاله روی او همچو مه هاله داشت ژاله آری نکوست، بر گل نسترن شد رقیّه ز باب نام دلجوی او نار طورکلیم، آتش روی او همچو خیر النساء، خصلت و خوی او کس ندیده است و چون چشم جادوی او نرگسی در ختا، آهویی در ختن گرچه اندر نظر طفل بود و صغیر گر چه می آمدی از لبش بوی شیر لیک چون وی ندید چشم گردون پیر دختری با کمال، اختری بی نظیر شوخ و شیرین کلام، خوب و نیکو سخن از نجوم زمین تا نجوم سما دید در هجر او تربیت ماسوی قره العین شاه، نور چشم هدا هم ز امرش روان، هم ز حکمش بپا عزم گردون پیر نظم دهر کهن بر عموها مدام زینت دوش بود عمّه ها را تمام زیب آغوش بود خواهران را لبش چشمه نوش بود خردیش را خرد حلقه در گوش بود از ظهور ذکا، وز وفور فتن بس که نشو و نما با پدر کرده بود روی دامان او، از و پرورده بود بابش اندر سفر همره آورده بود پیش گفتار او، بنده پرورده بود از ازل شیخ و شاب تا ابد مرد و زن دیده در کودکی، سرد و گرم جهان خورده بر ماه رخ سیلی ناکسان کتف و کرده هدف، بر سنان سنان در خرابه چه جغد ساخته آشیان یا چه یعقوب و در کنج بیت الحزن از یتیمی فلک کار او ساخته رنگ و رخساره را از عطش باخته از فراق پدر گشته چون فاخته بانگ کوکوی او، شورش انداخته در زمین و زمان از بلا و محن داغ تبخاله را پای وی پایدار طوق و درگردنش از رسن استوار وز طپانچه بُدَش ارغوانی عذار گریه طوفان نوح، ناله صوت هزار نه قرارش بجان، نی توانش به تن در خرابه سکون ساخته در کرب شور اَیْنَ أبی؟ کار او روز و شب شامگاهان به رنج، روزها در تعب ای عجب ای سپهر از تو ثمّ العجب تا کجا دون نواز شرمی از خویشتن قدری انصاف و کن آخر از هرزه گرد عترت مصطفی وینقدر داغ و درد شد زنانشان اسیر یا که شد کشته مرد آخر این بیگناه طفل بیکس چه کرد تا که شد مبتلا اینقدر در فتن در خرابه شبی خفته و خواب دید آفتابی به خواب رفت و مهتاب دید آنچه از بهر وی بود و نایاب دید یعنی اندر به خواب طلعت باب دید جای در شاخ سرو کرده برگ سمن شاهزاده به شه مدّتی راز داشت با پدر او بهرراه دمساز داشت ناگهانش ز خواب بخت بد باز داشت آن زمان با غمش چرخ و دمساز داشت گشت و بیدار و ماند شکوه اش در دهن در سراغ پدر کرد و آن مستمند باز و چون عندلیب آه و افغان بلند عرش را همچه فرش در تزلزل فکند ساخت چون نی بلند ناله از بندو بند جامه جان ز نو چاک و زد در بدن زد درآن شب به شام برق آهش علم سوخت برحال خویش جان اهل حرم باز اهل حرم ریخت از غم به هم گشته هریک ز هم چاره جو بهر غم اُمّ کلثوم را زینب ممتحن ناله وی رسید چون به گوش یزید کرد بهرش روان رأس شاه شهید آن یتیم غریب چون سر شاه دید زد به سر دست غم وز دل آهی کشید همچو ((صامت)) پرید مرغ روحش ز تن #صامت_بروجردی