‍ زبانحال حضرت علی در شهادت حضرت زهرا علیهم السلام فرهاد فکری اردبیلی الهی دفن ایدیم نجه اوز اللریمله یاریمی مزاره تاپشورام گرگ گجیله من نگاریمی بو درده یوخدور الیمده چاره قویوم نه نوعی یوزون مزاره جنازه سین گتورمیشم گجیله گورمسون بیری نهان قالا بو شهریده همیشه قبرینون یری عجبدی ئولمیوب قالوب بو غمده مرتضی دیری نهان ایدیم گیدیم نجه بو در شاهواریمی ئولونجه یانام آغلارام نه غملی ماجراسی وار جفای روزگاریدن اورگده چوخ یاراسی وار قویوم نه نوعی تپراقا ایوینده دورت بالاسی وار تیکوبله گوزلرین یولا چکوله انتظاریمی تمام اولوبدی دوقوز ایل قوتاردی عمرموز بجه قویوم بو چولده یاریمی دوروم گیدیم ایوه نجه گل ای اجل هایانداسان قوتار علینی بو گیجه ئولیدیم ایندی کاش منیم قازیدیلار مزاریمی ویرن زماندا غسلونی ایدوبدی مه عیان یوزون او قدری با حیائیدی ایدردی تز نهان یوزون ئولنجه ویرمدی منه او با وفا نشان یوزون آلوبدی قلب زاریدن بو نسگلی قراریمی قویاندا قبره جسمینی او عرصه گاهیلر یلی عیان اولوبدی قبریدن پیمبرون ایکی الی ندا گلوبدی صبر ایله دایان عم اوغلی یا علی بو نوعی ویرمدیم سنه جهاندا یادگاریمی گوزتله چوخ دیدیم سنه آناسی یوخ بلالیدی گوزینده قانلی لکه وار ندن شکسته بالیدی قابیرقالاری ظلمیلن سینوب نیه یارالیدی سولوب گتورموسن علی گجیله گل عذاریمی #سلیم_موذن زاده ﷽🍁 @Hazrate_Abalfazll ✨اَللّهُمَّ عَجِّل لِوَلیِّکَ الفَرَج✨💫

‍ کوچ از شام سبک : ای منی آواره قویان ... کلامی زنجانی ✔️ زبانحال حضرت زینب (س) دورسنه قربان گئدورم رقیه رقیه گورنه پریشان گئدورم رقیه رقیه دوربالاعمه ن قولونی آچوبلار هم صاقینی هم صولونی آچوبلار کرب وبلانین یولونی آچوبلار اکبره مهمان گئدورم رقیه دورئوزوم آلّام اوگوزون قاداسین الده قالوب غارت اولان اساسین من کیمه سوغات آپاروم لباسین دیده سی گریان گئدورم رقیه گون که باتارروشن اولارچراغلار کیم سنی غربتده گلوب سراغلار قبریوین اوسته اوتوروب کیم آغلار منکه یانوندان گئدورم رقیه گئتدون ئوزون قالدی آدون دیلیمده یوخدی فراقونده توان دیلیمده خرداجاگوشواره قالوب الیمده قلبیم اولوب قان گئدورم رقیه وای منی گوزدن نیه بس آتوبسان خون دلیم گوزیاشیماقاتوبسان قبریده یورقون یارالی یاتوبسان من ولی نالان گئدورم رقیه وادی بطحا یولوی گوزتلور عترت طاهایولوی گوزتلور غمزده صغرایولوی گوزتلور ایلورم افغان گئدورم رقیه گوزلرون آچ بیربیره وور دوداقون سویله عزیزیم نجه دی ایاقون وای بالا ئولدوردی منی فراقون مونس هجران گئدورم رقیه جواب حضرت رقیه (س) عمه سولوبدی چمنیم گئدون سیز اولدی خرابه وطنیم گئدون سیز عمه بولودتک بیلورم دولارسان گوزیاشوویلااتگون بولارسان کرب وبلانین یولونی سولارسان بوردا یریم خوشدی منیم گئدون سیز سندن آییردی منی بو زمانه مندن اوتورگلمه بئله فغانه ساخلا قراکوینگیمی نشانه تپراق اولوب پیرهنیم گئدون سیز وارنچه یولداش منه بومکاندا یاده سالالّارمنی گون باتاندا یِللر اَسوب قبریمی توز دوتاندا گورماقیما وارگلنیم گئدون سیز سینه ده گوشواره مه سن مکان وئر باغریوا باس گوزیاشیوا امان وئر الده اونی اکبریمه نشان وئر دللره دوشسون محنیم گئدون سیز عمه سن الله یوزیوین توزون سیل توزلودی قبریم داشی دوریوزون سیل آغلاماقربانون اولوم گوزون سیل دای یومولوبدی دهنیم گئدون سیز بیرده بوتوزلی ساچیمی هورنمم بزم احبایه صفا وئرنمم من داخی صغراباجیمی گورنمم قالدی اؤ یول گوزلیینیم گئدون سیز گرچه پوزوب عمه سنی فراقیم بیربیره دگمز یومولان دوداقیم ایندیده هئچ توختامیوب ایاقیم خسته دی یورقون بدنیم گئدون سیز سبک_ای_منی_آواره_قویان مرحوم استاد #سلیم_موذن زاده اردبیلی

زبانحال حضرت زینب در شهادت حضرت رقیه علیهما السلام . ✍️ #زبدةالاشعار ✍️ . #سبک_ای_باد_صبا … 7 سبک 📣 مرحوم استاد #سلیم_موذن زاده . حاج اصغر احمدیان خسروشاهی . ای بادصبا کرب وبلایه گذر ایله اوردایارالی تشنه حسینه خبرایله . . عرض ایله اولوب زینبوون حالی پریشان دور قبرده یاتما ، یارالی جانوه قربان افسرده رقیه قوری یرلرده وئرور جان گل شامده ویرانیه بیرایله نظاره بیچاره قالوبدور باجون ایله اوناچاره . . سینونده یاتاردی قیزون ای سینه شکسته ایمدی قوری یرده غم ائدوب جانینی خسته توپراقلارا زلفی توکولوب دسته به دسته مشگلدی منه زلفینی توپراقه سالوبدی گل صورتی غمدن ساری گل تک سارالوبدی . . رنگی سارالوب گل کیمی سولموش گه بنزر زلفی توکولوب صورتینه سنبله بنزر روحی قفسیندن بیراوچان بلبله بنزر نه چاره قیلوم گوشۀ ویراده سنسیز سن تک قوری یرده ئولوری غسل وکفن سیز . . قویما قیزوی خوار اولار رفع محن ایله شهزاده بالان جان وئروری گل کفن ایله قازقبرینی ویرانه نی بیت الحزن ایله وئرغسلینی قوی قبره گوزوم اشگیله دولسون قوی شام گل شاه حجازه وطن اولسون . . فاش ایلدی درددلینی گوزیاشی آخدی یاندوردی حرم اهلینی نارغمه یاخدی آغلارگوزیله بیر او یتیمه قیزا باخدی گوردی بالانون روحی کنار اولدی بدندن آزقالدی ئوزی رخت علایق سویا تندن . . القصه وئروب جان بالا مقصودینه چاتدی صبح اولدوزی تک برج حیا اولدوزی باتدی اولاد علی ناله سسین عرشه اوجاتدی شهزادیه گوربیر نجه غسل وکفن اولدی گویا کفن اگنینده اولان پیرهن اولدی . . دفن اولدی بالا زینبین احوالی پوزولدی قان یاشیله اهل حرمین گوزلری دولدی زهرا قیزی بومجلسه راثی ئوزی اولدی قارداش بالاسیندان او زمان عمه ال اوزدی اهل حرمی قبرینون اطرافنه دوزدی . . هرکیم ئوله اوندان قالار عالمده نشانه ایلرله لباسین ئوز عزاسینده بهانه دوندردی بونیسگیل اویانان دیللری قانه بیر کوینگیدی بیراثر اوندان بدنینده دفنینده کفن ایلدیلر پیرهنینده . . بوغم گتوروب آل علی قلبینی درده ماتمزده لر قوردولار بیرماتم او یرده اول خوردا مزار اوسته چکوبلرنچه پرده گوزیاشلی لارین قلبینین آرامی آلیندی قبراوستونه پرده عوضی زلفی سالیندی . . اولدی هره سی بیر دلیله کاشف مطلب ماتم زده لر گوزیاشینی توکدی مرتب نسگللرین اوخشاردی خانیم عمه سی زینب سویلردی رقیه نیه گوزدن منی آتدون هجرونده بوگوزیاشیمی خون دله قاتدون . . عمرون گلی بوگوشه ویرانه ده سولدی کیم گییدوقی پیراهنیله قبره قویولدی هانسی قیزا غساله اونون عمه سی اولدی شرح غمیوی اشگیمیله توپراقا یازدیم دلده آدون آغلار گوزیله قبروی قازدیم . . دنیاده ادب گلشنینه بیرگلدون سن اصغرکیمی بیرغنچه گله بلبلدون سن عمّه ن سنه قربان نجه شیرین دلیدون سن سن نازیله شه سینه سی اوستونده یاتاردون چوخ غم گوروب اوج سینیله دنیانی قوتاردون . . سن بیرگلیدون بادجفائیله سارالدون ایوای باباوای سسلدون آرامیمی آلدون سن چوخ گئجه لر گوشه ویرانه ده قالدون قلبیمده کی نسگللرون آرامیمی آلدی ئوز دردیوی فاش ایلمدون سینه قالدی . . بیرنسگلیوه یانّام ئولونجه من مضطر لای لای دئدون آغلار گوزیله سسلدون اصغر گه سویلدون ای عمه هانی قارداشیم اکبر اکبر چاغوروب عمه دین دیللره قربان بوتوزلی مزاره باخورام قلبیم اولور قان . . اوخشاردی حزین بیر سسیله زینب نالان گوردی اوجادان باجیسی کلثوم ائدور افغان گوزیاشینی رخساره دوزور چون در مرجان سسلندی باجی سن که ائدورسن بئله شیون بوخورداجا اطفالی نجه ساکت ائدوم من . . عرض ایلدی بیر نسگله یانام بودی مطلب بوشیونه باعثدی رقیه م باجی زینب گوردوم دولانور منزل ویرانی گئچن شب سسلوردی بابا سوزلرینه من قولاق آسدیم دوردوم یوزین اوپدیم گتوروب باغریما باسدیم . . آلدیم یانیما گوزیاشینی سیلدیم یوزیندن آندورمادی دردین منه بیرکلمه سوزیندن اشگین گینه گوردوم توکوری لیک گوزوندن آزآغلا دئدیم بس نیه بوحاله قالوبسان یات راحت اول علن ندی گل تک سارالوبسان . . وار سرّی دئدی اشکیله دولموش گوزوم عمه بنزرسارالان بیرگله سولموش یوزوم عمه وئر گوش منه واردی اورکده سوزوم عمه آهسته دیوم بیلمیه بیرکس ئوزون سن گلمور یوخی آخر گوزیمه عمه آجام من . . بونسگللی دوشدی یادیماناله م اوجالدی گئتدی ئوزی دللرده غم افزا آدی قالدی گلسون بوجهانه ائله قیز امر محالدی دردین دئمسین محنت وغم یولداشی اولسون شیرین دل،ادبلی،ئوزینون اوچ یاشی اولسون . . ای مخزن عصمتده ایشیقلی در وگوهر وی کرب وبلاشاهینه بیر سویگولی دختر ای باب الحوائج آدی ای خواهر اکبر بو(احمدیان)سائلی سالمانظروندن ایستور صله گوزیاشلی خانیم عمه لروندن . . #حضرت_رقیه_شهادت #احمدیان_خسروشاهی #ای_باد_صبا_کرب_و_بلایه_گذر_ایله @Hazrate_Abalfazll