زبانحال حضرت امام سجاد (ع) به خانم ام البنین (س) در عزای حضرت زینب (س) مرحوم #معزی_اردبیلی زینب نگران شامیده حسرتله وئروب جان سجاد آقا قبره قویوب افسرده و گریان گلدی وطنه ام بنینه ائدوب اعلان شامه وطنیندن آنا تبعید اولان ئولدی زلفین بابامون نعشینین اوسته یولان ئولدی غملی بیبیمون دایر ائدون مجلس یاسین اما قویون اوّل وسطه قاره لباسین نسوان مدینه گوره زینتلی عزاسین غربتده اولار بیلسین حسین وای دیین ئولدی بش یاشدا همین شهریده قاره گین ئولدی واردور یری حشره کیمی شیعه اولا دل خون زینبچیلره وئر خبر ای غمزده خاتون گلسون هاموسی باشدا قرا مجلسه محزون مظلوم بابامون غم گونی یاری دنن ئولدی زهرا ائوینون تعزیه داری دنن ئولدی گوزیاشلی ابوالفضلوه خاطر دولاناردی مجلسده لواسین چکوب آغوشه یاناردی اوخشاردی قلم قوللاری محزون دایاناردی قیرخندا ائدن خوش آدینی سرسخن ئولدی مین محنتیلن خیرداجا قبرین ئوپن ئولدی گتدیم بابامون کوینگین ای گوزلری پرنم بیرگون توخوموشدی اوزی زهرای مکرّم قویموشدی ئولنده سینه سی اوستونه عمم اوخدان یورولان سینه ده یاره گورن ئولدی پیراهن خونبارینی پاره گورن ئولدی یاد ایلدی قارداشلارینی غملی چاقیندا ائتمیشدی مجسّم بابامی گوز قاباقیندا گوزلر یومولوب جانی چخوب شام باغیندا آغلار گوزی یوللاردا ئولنده قالان ئولدی وای اللی بیر ایل باشینه قاره سالان ئولدی عباسوین اوغلی اولا غمسیز چالیشاردی زیبا یوزینی تزتز ئوپردی دانیشاردی یخسیدی علم ائوده الیندن یاپیشاردی سولموش یوزینه گونده سرشگی آخان ئولدی عباس عوضینده بویونا چوخ باخان ئولدی دین اوسته کچوبدور ایکی زیبا بالاسیندان آلمیشدی اجازه شهدانین آقاسیندان ائتموبدی گوروش لحظه ایکی گل بالاسیندان الله بگنن یولدا همیشه گئدن ئولدی آغ گونلرینی قارداشا تقدیم ائدن ئولدی غارت گونی میداندا چخوب عرشه نواسی جان وئردی اوگون فاطمه نون تشنه فداسی عمم قییدوب خیمه لره الده یاراسی گودالیده مین رنج و مصیبت اوتان ئولدی تکبیر دیوب خنجر شمری دوتان ئولدی قیزلاری بیبیم ساخلادی صاقیندا صولیندا عشاقه نشان وئردی وفا عشق یولیندا کیم قمچی ویروب قمچیه یر وئردی قولیندا قمچی یاراسین معجریلن باغلیان ئولدی غساله سی احوالینه چوخ آغلیان ئولدی من ناخوشیدیم قلبی یارالی گونی قاره عمم نه گوروب خیمه می توش ائتدیله ناره پر آچدی هما مثلی منی چکدی کناره ظاهرده اگر شامیده بیر پیرزن ئولدی باطنده ولی ولی هاشیمیده شیرزن ئولدی گوستردی عمل عهد الستی باشا ویردی قارداشینا خاطر ئوزینی داغ داشا ویردی خردا باجیم ئولدی ایکی اللی باشا ویردی ویرانه بوجاقنده مزارین قازان ئولدی زیبا آدینی قبرینون اوسته یازان ئولدی #زینب_نگران_شامیده_حسرتله_وئروب_جان #معزی_اردبیلی @Hazrate_Abalfazll

کوچ از شام زبانحال خواهر حضرت رقیه (س) . مرحوم معزی اردبیلی . آی شامیده گوز یاشلی ئولن قافله گیتدی اوچ یاشدا اولان غرق مُحن قافله گیتدی . . سس ویر سسیمه حالی پریشان باجوام من آغوشه آلان قبریوی گریان باجوام من سنسیز گونی قاره ئورگی قان باجوام من آغلاتما منی شامه گلن قافله گیتدی . . ویرانه ده قوینوندا قالان اللره قربان قاره کفن ایچره بوکولن تللره قربان قبرونده اویان یاتما شیرین دیللره قربان گوزلر سنیده اهل وطن قافله گیتدی . . دوشدی یولا غم قافله سی من دالا قالدیم الله بیلوری گلدی یرون نه حالا قالدیم تا عطریوی بیر یولدا مشامیم آلا قالدیم گلدیم سنه خاطر بورا من قافله گیتدی . . خسته بدنون دوشمیه جک زحمته قورخما یانمیش ئورگون یانمیاجاق محنته قورخما یوخ سیلی ویران نیلی اولان صورته قورخما گول صورتینی عمّه م ئوپن قافله گیتدی . . صحرای غم افزاده اقامت ایله سنده کفاریدن عبّاسه شکایت ایله سنده قبرین بابامون قالما زیارت ایله سنده دیدارینه قلبی تله سن قافله گیتدی . . ویرانه ده یاندیم سسون افلاکه چخاندا آخشام چاقیلار قلبیوی غم غصّه سخاندا دیواره قویاردون یوزوی چوخ داریخاندا محبوبه ی سلطان زمن قافله گیتدی . . گورسندی آغاج یاره سی عالی قوناقوندا پیشوازینه چخدون گیجه چاقی اوطاقوندا ئولدون قوناقین قانیوا غنچه دوداقوندا ئوز معجری دفنینده کفن قافله گیتدی . . غسّاله یوواندا سنی احوالیوه یاندی اللرده ئولوبدور دیدی غسلونده دایاندی عمّه م بویوروب قمچیه مدّتدی نشاندی آی کرب و بلادن دؤیولن قافله گیتدی . . لایلای گیجه قانین بابامون زلفه یاخان قیز لایلای یوزونه گوز یاشی یوللاردا آخان قیز لایلای قوجالان عمَّه مَه حسرتله باخان قیز روشن گونوزی شامه دونن قافله گیتدی . . لایلای بدنی شمع مثالی ارییَن قیز لایلای من آجام عمّه مه گیزلنجه دیین قیز لایلای بابامون خاطرینه قاره گیین قیز قالما باجی ویرانه ده سن قافله گیتدی . . #کوچ_شام  #معزی_اردبیلی

#مطالب ویژه شب شهادت حضرت علی اکبرعلیه السلام راه شام زبانحال حضرت لیلا (س) . مرحوم معزی اردبیلی . چیخوبدور کوفه دن لیلا گلوب افغانه یوللاردا باخوب سر نیزیه قلبی دونوبدور قانه یوللاردا . گوروب دلبندینون باشین چکوبدور آهی آه اوستن بالانین محنتی گتدی آنانی جانه یوللاردا . دیدی ای یوسفیم یومما گوزون حالی پریشانم تکان ویر بیر قدر قانه باتان مژگانه یوللاردا . فلک اون سگّیز ایل قویدی باخام رخسارووه اما صورا دنیانی دوندردی منه زندانه یوللاردا . منیم شمع حیاتیم سن آماندور تز جدادن اَن دولانسون باشوه بیر آز گِنه پروانه یوللاردا . اَسوب یل کاکلون سرنیزه ده اولموش پراکنده نه خوشدور زلفووه ویرسا کنیزون شانه یوللاردا . گلوبدور باش یاروندان قان دوزولموش ماه رویونده یوزونده خشک اولان قان بنذیور مرجانه یوللاردا . ایدوب حُسن عالمی یکسر مسخّر لشکر زلفون کنار ایله باخوم بیرده رخ رخشانه یوللاردا . چیخاندا نیزیه باشون کأنّه آی چیخور سیره باخور افسرده اولدوزلار مهِ تابانه یوللاردا . فلک جان شیشووی چالدی عداوت داشینه بیر دن نظر قیل گور نجه آغلار نچه دُردانه یوللاردا . هانی هاجر گلوب باخسون منیم تک هاجر عصره نه نوعی وورموشام زینت گوره قربانه یوللاردا . دریغا یوسف عصری چکوب بازاره شام اهلی ساتوللار گور نه نوعی قیمت ارزانه یوللاردا . ولی کیمده نه جرأت وار حسینون یوسفین آلسون خریدارم ئوزوم من یوسف دورانه یوللاردا . دیدیم گر چه گوزون یونما ولی یوم مشتری چوخدور آلا گوزلر نهان اولسون باخور بیگانه یوللاردا . یقین ئولم آلنسا قانلی باشون نیزه داروندن ایویمی یخماسن باخما من نالانه یوللاردا . آپارسا هر یره دشمن منی گل سنده دیداره گجه صبحه کیمی سنلن قوروم غمخانه یوللاردا . دیللّر ظالمی آنی یخار بیچاره نین آهی چکوم آهی سالوم اود عالم امکانه یوللاردا . آنالیق مهری جوش ایلراورگیم برگ تک تیترر ترحّم ایلین یوخدور دل لرزانه یوللاردا . طبیبا ناقه اوستونده مریض بی علاجم من منی محتاج ایدوب دردو غمون درمانه یوللاردا . دعا من ایلرم آمین دییَر نازلی رقیّونده باشون تا اولمیا مهمان دنی انسانه یوللاردا . ربابون اوغلی اللرده ئولوب بیلّم چیخار جانی پریشان گوزلری دوشسه قوزی جیرانه یوللاردا . #راه_شام #چیخوبدور_کوفه_دن_لیلا_گلوب_افغانه_یوللاردا #معزی_اردبیلی