✍ استاد جابر ولدپور(مژده) اجرا: احسن دهقان #اللهم_عجل_لولیک_الفرج

✍ علی اصغر عباسعلی نژاد اجرا: احسن دهقان #اللهم_عجل_لولیک_الفرج

احسن دهقان

🍁 بسم‌ الله الرحمن الرحیم 🍁 🏴شهادت امام زین العابدین علیه السلام 🏴 🎼 گلدیم حسین وای دییم گل آنـا یا فاطمه گل دادیمه سسله یانـان دیللـری امدادیمه زهر جفائیـله یـانـوبـدور دیـلیـم دوشدی بو حالیـلـه آتـام یـادیـمه کرب وبلاصحنه سی، دوشدی منیم یادیمه گل آنا جانیـم فـدا، تئـز یـتیش امدادیـمه 🌴🌴🌴🌴 واردی اوره کده بالاویـن وای سسی یوخ منـه ایـوای اولا بیـرهای سسی گل آنـا گلسین منـه لایـلای سسی چاره اله بو دل نــاشـادیـمـه کرب وبلا صحنه سی، دوشدی منیم یادیمه گل آنا جانیـم فـدا، تئـز یـتیش امدادیـمه 🌴🌴🌴🌴 سون نفسیـمـدی یانیـرام گل آنـا دوغـرادی دیـل یـاره می زهـر جفـا اینـدی آتـام دا گلـجکـدور بیـرا اوغلـوویـنان گل آنـا فـریـادیـمه کرب وبلاصحنه سی، دوشدی منیم یادیمه گل آنا جانیـم فـدا، تئـز یـتیش امدادیـمه ✍علی اصغر عباسعلی نژاد کیوج_سراب التماس دعا... ✨اَللّهُمَّ عَجِّل لِوَلیِّکَ الفَرَج✨

✍ به قلم علی اصغر عباسعلی نژاد کیوج _ سراب اجرا : احسن دهقان #اللهم_عجل_لولیک_الفرج

🌱°• 🎧 مداحی حاج مهدی رسولی 📍 استانبول | ترکیه زبان بی‌ قدر و قرب قطره دِسون دریا خصائلینون با ترجمه فارسی حاج_مهدی_رسولی اربعین

سلام اولا او قیزا خیمه لر یانان ساعت اولوبدو اکبر آلان گوشواره سی غارت سلام اولا یوزونه گوزیاشی آخان بالیا دگنده سیلی دونوب علقمه باخان بالیا سلام اولا هامونون مشکلون آچان بالیا ایاق یالن باش آچوخ چوللره قاچان بالیا سلام اولا او قیزا قلبین إتیلر یاره گجاودن یخیلیب چولده قالدی آواره سلام اولا اوقیزا یوللار اوسته آغلاردی ایاقلارین یاره سین معجرینن باغلاردی سلام اولا اوقیزا دوندو گوزلری ابره خرابه یئرده ئولوب عمه سی قویدی قبره ********************** غارت اولدی صبر اویم غارتده هاردیدون بابا خیملر تاراج اولان حالتده هاردیدون بابا اونداکی نصفی یانان چادورده سسلیدوق سنی عمه ام ائیلوردی نوا خلوته هاردیددن بابا ناقدن شامین یولوندا ساربان یخدی منی قالدیم او صحرایه پروحشته هاردیدون بابا آغلیاندا من سنه دشمن بابا گولدی منه یاندی قلبیم آتش محنده هاردیدون بابا کاش اولیدوک گورمیدوق هیچ بیر یزید مجلسین قالمادی طاقت دل عطرتده هاردیدون بابا قوی دیم بیر سوز منی اوردا کنیز استیوردیلر

حضرت رقیّه(س) ای غملره مانوس اولان لایلای رقیه اکبر فراقینده سولان لایلای رقیه آرام جانیم روح روانیم زهرایه بنزر شیرین زبانیم باش اولدی بو نسگل منه هر نسگلوندن پاک ائتمدیم غملر توزون قاره تلوندن الله بيلور من دويماديم شيرين دیلوندن ای عمّه سین درده سالان لایلای رقیه آرام جانیم روحو روانیم زهرایه بنزر شیرین زبانیم گُللر مثالی شامیده سولدون سارالدون آهو سیاقینده دوشوب چوللرده قالدون سرنیزده قارداشیمین آرامین آلدون ای تک دوشوب یولدا قالان لایلای رقیه آرام جانیم روح و روانیم زهرایه بنزر شیرین زبانیم بير شمع تك ياندون قیزیم ويرانسراده جسمون گلوب روحون قالوب كرب وبلاده بيرگون سنه بير ايل گچوب شام بلاده سيخدي سني دور زمان لايلاي رقيه آرام جانیم روح ورانیم زهرایه منزر شیرین زبانیم آچ گوزلرون اي گوزلري زهرايه بنزر هي سويلدون گلمور ندن ديداره اكبر اولدي سنه آخر كفن بير قاره معجر شهلا گوزي يولدا قالان لايلاي رقيه آرام جانیم روح و روانیم زهرایه زهرایه بنزر شیرین زبانیم اِسپهر ايمانه ايشيق سالدون اوَلده آفاقي حيران ايلدون عشق و عملده قالدي ولي آخر سنون گوشوارون اَلده آراميمي اَلدن آلان لايلاي رقيه آرام جانیم روح و روانیم زهرایه بنزر شیرین زبانیم سن بير گوليدون آشنا بُلبلريلَن مانوسيدون بو كارواندا اكبريلن بير آيري اُلفت باغلادون سن اصغريلن اي اصغره لايلاي چالان لايلاي رقيه آرام جانیم روح روانیم زهرایه بنزر شیرین زبانیم سن تك بير عاشق گورميوبدور چشم دوران اللر دعاده صبح و شب قلبي پريشان ائتسون دعا تا كه گَله ديداره جانان جان اوسته مقصوده چاتان لايلاي رقیه آرام جانیم روح و روانیم زهرایه بنزر شیرین زبانیم (داود بیدق داری )

حضرت رقیه (س) (دیدی：) قاتما عمه إئله خون دلیوی گوز یاشیوا بو سوزی یازدیراسان ایندی بو قبرین داشینا بو قیز أللرده ئولوب حسرت اولوب قارداشينا (خانيم زينب ديدی：) بو سفر گئتمه لیدی, حیف اولا منسیز گئدیسن سارالان گول سایاقی, باغ و چمن سیز گئدیسن چون حسینین قیزیسان, سنده کفن سیز گئدیسن هله من ئولمه میشم قبریوی آغلار قازارام نه سفارش إئله دین قبریوین اوسته یازارام

آتدان یئره چون دوشدی لیلانین عزیز اوقلی بیلمم نه حالا قالدی زهرانین عزیز اوقلی سو یرینه ایچدی قان علی اکبر روحی لک الفدا جان علی اکبر سسلندی گولوم لای لای، آرام دلیم لای لای دور تترور الیم لای لای، لای لای گوزلیم لای لای سن جدّیوه مهمانسان قوی منده گلیم لای لای سو یرینه ایچدی قان علی اکبر روحی لک الفدا جان علی اکبر کلامی زنجانی ‏#ترکی #حضرت_علی_اکبر #حاج_محمدباقر_منصوری

‍ روضه‌حضرت‌زینب (س) غساله گلوب گوز یاشیمی سیلدی گوزومدن گوز یاشیمی پاک ایتدی ولی دوشدی دوزومدن سسلندی خانملار داخی من گیتدیم ئوزومدن معلوم اولونور بو خانمن نیسگیلی چوخدی یول یول گوریبدی بدنی صاف یری یوخدی اولسا جان اوسته باجی قارداشی قیدینده قالار باجی تابوتینی ئوز چینینه قارداشی آلار هر قدم آتدیقجا قبره طرف وای دیجک باجینی قبره قویانان صورا لای لای دیجک (الله هیچ باجینی قارداشسیز المه خانم یانا یانا دیدی حسین ئولورم ابوالفضل گل یامان گونومدی آی قارداش ) حسین بیر یرده حسین جان ویریرم سایه ده یوخدی زینب سنه قربان اولا همسایه

امدن‌غساله‌‌به‌خرابه‌شام‌بعداز‌وفات‌حضرت‌رقیه‌‌ ویرانه‌غساله‌گلیب‌‌باب‌غم‌الیشدی‌ بیراه‌جیگرسوزچکوب‌یاندی‌الیشدی‌ اغلارگوزینله‌اوز‌اوزنه‌چوخلی دانشدی‌ اول‌اوقیزین‌باغلی‌قالانقولارین‌اشدی‌ باخدی گوورن‌صورتینه‌حالی‌پوزولدی‌ ناله‌اوجالوب‌گویلره احوالی‌پوزولدی‌ اثار‌جفاگتورب‌دادوفغانه‌ گفتاره گلوبدی‌دل‌شبده‌ یانه‌یانه‌ای‌وای‌‌منه‌باشدان‌باشا‌ نیلی‌دی‌عذاری‌‌یاندیردی‌بوغم‌ایتدیپریشان‌من‌ زاری کیم‌سیلی‌ویروب‌‌بورخ‌زیبایسینه‌یاندیم‌ یانیدم‌شررمحنته‌دلدنیارالاندیم‌‌بوصورت‌‌زیبایه‌ مگرسیلی‌ورالار‌یاقید‌اسارتله‌بواحواله‌سالالار هرکیم‌بوقیزا‌سیلی‌ویروب‌اللری‌یانسون‌‌ یانسون‌اورگی‌ناله‌سی‌افلاکه‌دایانسون گل‌تک‌سارالوب‌صورت‌گلناری‌سولوبدی‌ چوخ‌ظلم‌وستم‌بوقیزاواللاهی‌الوبدی هیچ‌گل‌بله‌عالمده‌خزان‌اولموب‌اولماز تاواردی‌جهان‌‌گلشن‌اراگل‌بله‌سولماز

#مطالب ویژه شب شهادت حضرت علی اکبرعلیه السلام راه شام زبانحال حضرت لیلا (س) . مرحوم معزی اردبیلی . چیخوبدور کوفه دن لیلا گلوب افغانه یوللاردا باخوب سر نیزیه قلبی دونوبدور قانه یوللاردا . گوروب دلبندینون باشین چکوبدور آهی آه اوستن بالانین محنتی گتدی آنانی جانه یوللاردا . دیدی ای یوسفیم یومما گوزون حالی پریشانم تکان ویر بیر قدر قانه باتان مژگانه یوللاردا . فلک اون سگّیز ایل قویدی باخام رخسارووه اما صورا دنیانی دوندردی منه زندانه یوللاردا . منیم شمع حیاتیم سن آماندور تز جدادن اَن دولانسون باشوه بیر آز گِنه پروانه یوللاردا . اَسوب یل کاکلون سرنیزه ده اولموش پراکنده نه خوشدور زلفووه ویرسا کنیزون شانه یوللاردا . گلوبدور باش یاروندان قان دوزولموش ماه رویونده یوزونده خشک اولان قان بنذیور مرجانه یوللاردا . ایدوب حُسن عالمی یکسر مسخّر لشکر زلفون کنار ایله باخوم بیرده رخ رخشانه یوللاردا . چیخاندا نیزیه باشون کأنّه آی چیخور سیره باخور افسرده اولدوزلار مهِ تابانه یوللاردا . فلک جان شیشووی چالدی عداوت داشینه بیر دن نظر قیل گور نجه آغلار نچه دُردانه یوللاردا . هانی هاجر گلوب باخسون منیم تک هاجر عصره نه نوعی وورموشام زینت گوره قربانه یوللاردا . دریغا یوسف عصری چکوب بازاره شام اهلی ساتوللار گور نه نوعی قیمت ارزانه یوللاردا . ولی کیمده نه جرأت وار حسینون یوسفین آلسون خریدارم ئوزوم من یوسف دورانه یوللاردا . دیدیم گر چه گوزون یونما ولی یوم مشتری چوخدور آلا گوزلر نهان اولسون باخور بیگانه یوللاردا . یقین ئولم آلنسا قانلی باشون نیزه داروندن ایویمی یخماسن باخما من نالانه یوللاردا . آپارسا هر یره دشمن منی گل سنده دیداره گجه صبحه کیمی سنلن قوروم غمخانه یوللاردا . دیللّر ظالمی آنی یخار بیچاره نین آهی چکوم آهی سالوم اود عالم امکانه یوللاردا . آنالیق مهری جوش ایلراورگیم برگ تک تیترر ترحّم ایلین یوخدور دل لرزانه یوللاردا . طبیبا ناقه اوستونده مریض بی علاجم من منی محتاج ایدوب دردو غمون درمانه یوللاردا . دعا من ایلرم آمین دییَر نازلی رقیّونده باشون تا اولمیا مهمان دنی انسانه یوللاردا . ربابون اوغلی اللرده ئولوب بیلّم چیخار جانی پریشان گوزلری دوشسه قوزی جیرانه یوللاردا . #راه_شام #چیخوبدور_کوفه_دن_لیلا_گلوب_افغانه_یوللاردا #معزی_اردبیلی

▪️کیمیای صلوات سیری در فضائل بی‌انتهای ذکر شریف صلوات ▪️ قسمت بیست و یکم

خیمه لرده نگران واردی علمداریم اویان     گوزی یوللاردا قالان واردی علمداریم اویان اویان قارداش اویان قارداش(4)   ای علمدار سپاهیم نه یاتوبسان گوزون آچ  ای بنی هاشم آیی قاندا یاتوبسان گوزون آچ آفتاب حرمی گوزدن آتوبسان گوزون آچ      دلده نه تاب و توان واردی علمداریم اویان  اویان قارداش اویان قارداش(4) اوخ دگوب مشگیوه ای غصّه لی سقّای حرم   قول دوشوب بیر طرفه بیر یانا مشگیله علم باشیوا یاره وروب عرصه ده بو اهل ستم      کاسه ی چشمیده قان واردی علمداریم اویان  اویان قارداش اویان قارداش(4) آفرین عشقیوه ای امّ بنینون بالاسی    افسر عشقیدی باشونده عمودین یاراسی آه و نالیله دولوب خیمه ومیدان آراسی   لبلرونده هله جان واردی علمداریم اویان   اویان قارداش اویان قارداش(4) سنه معناده آنام فاطمه آغلار یارالی       زینبیم نوحه دیوب عالمی داغلار یارالی مرتضی ایندی گلر یاره وی باغلار یارالی       غم هجرونده یانان واردی علمداریم اویان اویان قارداش اویان قارداش(4)   کاسه ی اشگیمی بیر بیله گوزومدن جالاما    غم غم اوسته دلِ آل اللهه قارداش قالاما کیم تسلّی ویره جاق ایندی رقیّه بالاما           چوخ اورکده ضربان واردی علمداریم اویان  اویان قارداش اویان قارداش(4) گونی سالدون غمه ای ماه عجب باتدون اؤزون    پرچم نصر من اللّه کیمی یاتدون اؤزون پارچالانمیش باشیلا حیدره اوخشاتدون اؤزون   کیمده بیر بیله نشان واردی علمداریم اویان  اویان قارداش اویان قارداش(4) شاعر: حاج ولی الله کلامی زنجانی.

#شام_غریبان_سالار_شهیدان_اباعبدالله_الحسین_(ع) چوخودی اول چولده ، شام غریبانه گلنی هره بیر نحویله اوخشاردی ،اول باشسیز بدنی جمله سی ائتدی زیارت، اول اللرده ئولنی قوردلار بزم عزا ، سینه لرین داغلادیلار گون قاباقیندا قالان، شهیدلره آغلادیلار شام غریبان گجه سی ،حضرت حواده گلیب آسیه مریمیله، هاجرو ساراده گلیب اوغولونا لایلای دیمگه، حضرت زهراده گلیب اول گجه شاه نجف ،ناله وفریاده گلیب پا برهنه باش آچوخ ، حضرت طاهاده گلیب #شعر_مداح_وشاعر_سیفعلی_رستمی_

‍ حضرت رقیه سلام الله علیها استاد غفاری اردبیلی سبک:ای کربلانون صودامرجیرانی اصغر       ای بلبل شیرین سخن لایلای رقیه         ویرانه ده مظلوم ئولن لایلای رقیه آدون قیزیم پاینده دی/سندن بیبون شرمنده دی                   ایوای رقیه/لایلای رقیه تپراقون اوسته یاتماای زهرانشانی سنسن عزیزیم زینبین آرام جانی قول باغلی اولدون شهرشامون قهرمانی ظالملری رسواائدن لایلای رقیه عشقون باشونداتاج اولار/عالم سنه محتاج اولار                   ایوای رقیه/لایلای رقیه اولدوزکیمی آخدون گجه ویرانسراده نسگیل اولاربومحنتون زین العباده قالدی سنون حسرت گوزون کرببلاده اولدی سنه غربت وطن لایلای رقیه دیداره دلبرگلمدی/قارداشون اکبرگلمدی               ایوای رقیه /لایلای رقیه قالدی حسینیم قوملاراوسته پیرهنسیز کرببلاده نورچشمیم قالدی من سیز سنده گئدورسن وای منه قبره کفنسیز ئوزکوینگون اولدی کفن لایلای رقیه قلبیم سنه پیوسته دی/یات خرداجسمون خسته دی                  ایوای رقیه/لایلای رقیه مندن نه گوردون داشیمی آتدون عزیزیم اولدوزکیمی ویرانه ده باتدون عزیزیم کوسدون یاتان بختیم کیمی یاتدون عزیزیم قالدی چراغسیزانجمن لایلای رقیه قویدون منی دنیاده تک/دشمن ایچینده بی کمک                  ایوای رقیه/لایلای رقیه دوزدون فقط اوچ ایل قیزیم غم ماجراسین زینب بیبون چکدی ولی دنیابلاسین الله یتیمون مستجاب ایلردعاسین درگاه حقدن ایسته سن لایلای رقیه وئرسین منیم درمانیمی/غمدن قوتارسین جانیمی                     ایوای رقیه/لایلای رقیه