‍ #دخترجوان چهلم مادر جوان یک دختر کوچک دا ره ➖➖➖➖➖➖➖➖✔️✔️✔️✔️🍀🍀 ای خدا مه دل سر اوشته / مه چراغ ره کی بکوشته سرنوشته غم بنوشته / دتر ته ننا بمردبو مره یاد بموعه دتر /مِوِسه بموعه خوِر برو بمرده ته دتر / دتر ته ننا بمیره امان از مرگ ناگهون/ مه دل بیّه کاسهٔ خون گم بیّه کیجای نشون /دتر ته ننا بمیره ته داغ که نبونه کنار/نیشتمبه نالمبه زار زار ته عکس ره المبه دیوار /دتر ته ننا بمردبو چهل روزه بعیمه تینار/برمه کمبه چنده زار زار هروز امبه من ته گلزار/دتر ته ننا بمردبو مره یاد انه ای خدا /مه دتر بزّو دسّ و پا ونگ کرده هردم ای خدا /دتر ته ننا بمردبو ته تن بی خورد و خمیر /ته داغ بهیمه من اسیر دیگه دنیاجه بیمه سیر /دتر ته ننا بمیره سر زمبه کوه و بیابون / خوندمبه مثل درویشون مه دل بهیعه غرقه خون /دتر ته ننا بمیره چهل روزه بیمه روضه خون /مه چش بیّه مثل جیحون مه چش بهیعه مشت خون /دتر ته ننا بمیره من بیمه ته کچکه کیجا / فردا روز وه خانه ننا ونه برمه دل ره ورنا/دتر ته ننا بمیره مردم شماره به خدا / سرکو نکنین ابدا بمرده جوونه کیجا /دتر ته ننا بمیره داغ جوون نونه چا ره /دل سنگه نبونه پاره هیچ کس سه خدا نیاره /دتر ته ننا بمیره قورستون بزنم خیمه /دپوشم تن سیو جمه شب و روز هاکنم برمه /دتر ته ننا بمیره صفا هاکن اتی دعا /صبر هاده وشون ره خدا اینتا هسه مه مدّعا /دتر ته ننا بمیره شاعر قاسم جناتیان قادیکلایی 🌾🌾🌾🌾🌾 # اجرای سبک: 🎤بانوای مداح اهل بیت ( ع) # استاد _ کربلایی _ محسن _ اخوان @khatmkhanimajma #ترحیم_خوانی_مجمع_الذاکرین # التماس دعای فرج 🙏