نوحه بختیاری روز عاشورا #نوحه_امام_حسین_ع☑️ #شاعر_خانم_علیمحمدی📝 #اجرا_استاد_پیام_پرویزی👤 #مداحِ_پرآوازه_بختیاری👍 گو سَردیارُم رَه، حسین برارُم رَه(۲) دا دی نیخوم بعدِ حسین ایی دنیانه بو دا دا هیچ گُلی جورِکاکام سیم نیدهه بو دا گو سردیارُم رَه، حسین برارُم رَه(۲) دا روزِ عاشورا بیو بنیَر به حالُم دا دا دِشمنون دَورُم گِرِن نیدِن مَجالُم دا گو سردیارُم رَه، حسین برارُم رَه(۲) دا دیدُمه قاسمِ وُ علیِ اکبر دا دا چی گُلی به ری زمین وابیدِن پرپر دا گو سردیارُم رَه، حسین برارُم رَه(۲) دا آخرس دیدی که موچه زحمی خَردُم دا دا کُشتنه به کربلا شیرونِ زردُم دا گو سردیارُم رَه، حسین برارُم رَه(۲) دا هیچ کسی زِس نمیرا گِوو جوونِس دا دا هی قسم خردُم وُلا به سَرِ جونِس دا گو سردیارُم رَه، حسین برارُم رَه(۲) دامِنه خیمه ی حسین جاس منده خالی دا دا سی مو که سُهده دلُم نَمنده حالی دا گو سردیارُم رَه، حسین برارُم رَه(۲) دا رَه زِ مو دلاوری عباس جَووُنُم دا دا حونه ی کافر خراو سُهد استخونُم دا گو سردیارُم رَه، حسین برارُم رَه(۲) دا بمیرُم سی بِچیَلِس هنی کُچیرِن دا دا کی گُوده که گویَلُم وا یَک بمیرن دا گو سردیارُم رَه، حسین برارُم رَه(۲) دا اوفُرات به جمجمه نیده گُدارُم دا دا همسفر با کس نیبوم غیرِ برارُم دا گو سردیارُم رَه، حسین برارُم رَه(۲)

نوحه بختیاری حضرت علی اصغر زیبا و جانسوز😭😭😭😭 #سبک_دا_مهروونُم_رَه☑️ #شاعر_خانم_علیمحمدی📝 #اجرا_استاد_پیام_پرویزی👤 #مداحِ_بختیاری👌👍 🔘دا روده شیریم رَه ۲ 🔘عصای پیریم رَه ۲ دا اصغرُم ایخواس حالا دِندون دِراره دا دا ایی گُلِ شیش ماهه مو جاتیر نداره دا 🔘دا روده شیریم رَه ۲ 🔘عصای پیریم رَه ۲ دا جنگ وَسته به کربلا اصغر به خَوهِ دا دا لَواس خشک و تُشنه ی یه تُکه اَوه دا 🔘دا روده شیریم رَه ۲ 🔘عصای پیریم رَه ۲ دا سَرِ دستام تیر زیدِن گِلیسِ دِردِن دا دا دِشمِنون به روده مو رحمی نکردِن دا 🔘دا روده شیریم رَه ۲ 🔘عصای پیریم رَه ۲ دا حونه ی کافر خِراو چه زِم اِخواستِن دا دا زیدِن ویه تیری به دلِ مو کاشتِن دا 🔘دا روده شیریم رَه ۲ 🔘عصای پیریم ره ۲ دا گهواره مَنده پتی دلُم برشته دا دا هدیه دادُم به خدا گُلِ بهشته دا 🔘دا روده شیریم رَه ۲ 🔘عصای پیریم رَه ۲ دا مو حسینِ سُهده دل گُل ایفروشُم دا دا صدای اصغر هنی ایا به گوشُم دا 🔘دا روده شیریم رَه ۲ 🔘عصای پیریم رَه ۲ دا قنداقه به دستُمه پُرِس زِ خینه دا دا سی رودُم همه زنین به سَروسینه دا 🔘دا روده شیریم رَه ۲ 🔘عصای پیریم رَه ۲ دا هیچ گُلی چی اصغرُم پرپر نَوابی دا دا اصغره شیش ماهه مو قربونی وابی دا 🔘دا روده شیریم رَه ۲ 🔘عصای پیریم رَه ۲ دا تَش گِرهده مِن دلُم گُل اَو نَخَرده دا دا زِ دَسِ ایی کافرون دلُم وِ درده دا 🔘دا روده شیریم رَه ۲ 🔘عصای پیریم رَه ۲ دا گُل به گُل گَشتُم ولا به مِنه صحرا دا دا ندیدُم اصغرمه به مِنه گُلا دا 🔘دا روده شیریم رَه ۲ 🔘عصای پیریم رَه ۲