🌹سرود بختیاری عید غدیر🌹 #سبک_یاس_میگوید_حسین #شاعره_خانم_علیمحمدی📝 #اجرا_استاد_پیام_پرویزی👤 #مداحِ_پرآوازه_بختیاری👌 یار ایگو یاعلی دلدار ایگو یاعلی بلبلی وا نغمه به گُلزار ایگو یاعلی شمع ایگو یاعلی همدم ایگو یاعلی شیعه ی مولا علی هر دم ایگو یاعلی درد ایگو یاعلی همدرد ایگو یاعلی هر کی داره مشکلی وا آهِ سرد ایگو علی سنگ ایگو یاعلی تفنگ ایگو یاعلی ایلمون هفت لنگی وُ چهارلنگ ایگو یاعلی شیر ایگو یاعلی شُمشیر ایگو یاعلی شیردلوم وا بِرنَوِ پُر تیر ایگو یاعلی یاس ایگو یاعلی الماس ایگو یاعلی دُهدَره مو‌ وا دَدو وُ داس ایگو یاعلی گُل ایگو یاعلی دُهُل ایگو یاعلی پرویزی زِ کربلا تا قلعه تُل ایگو علی #فقط_حیدر_امیرالمومنین_است

نوحه بختیاری روز عاشورا #نوحه_امام_حسین_ع☑️ #شاعر_خانم_علیمحمدی📝 #اجرا_استاد_پیام_پرویزی👤 #مداحِ_پرآوازه_بختیاری👍 گو سَردیارُم رَه، حسین برارُم رَه(۲) دا دی نیخوم بعدِ حسین ایی دنیانه بو دا دا هیچ گُلی جورِکاکام سیم نیدهه بو دا گو سردیارُم رَه، حسین برارُم رَه(۲) دا روزِ عاشورا بیو بنیَر به حالُم دا دا دِشمنون دَورُم گِرِن نیدِن مَجالُم دا گو سردیارُم رَه، حسین برارُم رَه(۲) دا دیدُمه قاسمِ وُ علیِ اکبر دا دا چی گُلی به ری زمین وابیدِن پرپر دا گو سردیارُم رَه، حسین برارُم رَه(۲) دا آخرس دیدی که موچه زحمی خَردُم دا دا کُشتنه به کربلا شیرونِ زردُم دا گو سردیارُم رَه، حسین برارُم رَه(۲) دا هیچ کسی زِس نمیرا گِوو جوونِس دا دا هی قسم خردُم وُلا به سَرِ جونِس دا گو سردیارُم رَه، حسین برارُم رَه(۲) دامِنه خیمه ی حسین جاس منده خالی دا دا سی مو که سُهده دلُم نَمنده حالی دا گو سردیارُم رَه، حسین برارُم رَه(۲) دا رَه زِ مو دلاوری عباس جَووُنُم دا دا حونه ی کافر خراو سُهد استخونُم دا گو سردیارُم رَه، حسین برارُم رَه(۲) دا بمیرُم سی بِچیَلِس هنی کُچیرِن دا دا کی گُوده که گویَلُم وا یَک بمیرن دا گو سردیارُم رَه، حسین برارُم رَه(۲) دا اوفُرات به جمجمه نیده گُدارُم دا دا همسفر با کس نیبوم غیرِ برارُم دا گو سردیارُم رَه، حسین برارُم رَه(۲)