عشقین حکمتی🌹 https://eitaa.com/saa_institute شعر اگر پنجره اولسا ،گُزه اندازه گلر یوخسا،داش دان دا مگر آینه اعجازه گلر! بیچملی هرنه گدرسن اورگه،حسرتی وار بویونا تازه گلین لر کیمی ،اندازه گلر هرنه وار عالم امکان دا فقط عشق آدی دیر عشق اولا،شیر هژبرانه سی ده نازه گلر عشق اگریازمایازا قانلی اورک دن هامی وقت! گون چیخر،گول آچیلار،پنجره پشوازه گلر! عشق اگر یاده دوشه ،جملگی عالم اوینار طفل نوزاد وروب چهچهه ،آوازه گلر! یکه لیگ حکمتی وار،هرکسه شایسته دگیل! مطرح اولسادا گنده،اُردکه یوخ،غازه گلر هر چیبین ویز ویز اِلر بیر نچه گون،آمّا،فقط گویده قامتلی قَنت ،شهپرشهبازه گلر! حکمت حضرت تکوین دی «سعا» باور اِلَه دولانار چرخ فلک،کهنه گدر، تازه گلر!🖌📖💐 سید علی اصغر موسوی قم- ۳۰ آبان ۱۳۹۹ #سعا #استاد_سعا #تورکی_شعر #شعر_ترکی #saapoem @saapoem #جبهه_تحول #حسین_مهدیزاده ⛳️کانال حسین مهدی زاده: https://eitaa.com/Hossain_mahdizadeh

قورقوشوم👁️ قورقوشوم یاخما بالا،بتتَر اولار داغ یاراسی سَقّلین چاره سی تیغ دیر،نه چوورمک آراسی! دیمدیم پارتلاما«دین،دین»المه،یِل گتیرر! قورقوشوم یاخماگنه،باقلاما«داش شاخ» یاراسی دین ده «واجب»یازولوب،مُستَحبین گورمه فقط ! سورتموشی دینی یره،آختاروسان حق چاراسی؟ ظاهراً بچه مسلمان،باطناً جِنّ لره شیطان سنی گورسه بوشیکیل،کیپلیگ آتار آی پاراسی بسکه جیردین بوغازین،عین«زیبل خان»کیمی،یوخ گزلرینده قاماشوخ،هم قاراشیب آق قاراسی! گدی شیرین مزه ،زامبوردا فقط زهری قالوب کندولاردان ییقیشیب،«جان سعا»بال باراسی!!🐝 سیدعلی اصغرموسوی قم -۱۸ اسفند ۱۴۰۲ #قورقوشوم #شعرترکی #سعا #استاد_سعا #saapoem #شبکه_تحول #شبکه_مردمی_یاران_مردم #شمیم #حسین_مهدیزاده https://eitaa.com/Hossain_mahdizadeh