تصبحون علی حب صاحب الزمان ( عج)💚💫🌙👑

◗ قصيدة [ شد الثامه ] ◗ اداء || محمد الجنّامي ◗ كلمات || كرار حسين الكربلائي ◗ ليالي محرم الحرام 1445 ◗ العراق النجف الأشرف ◗ عزاء هيئة الزهراء للعزاء المركزي ♡◇♡

القصيدة: شَد لثامه الشاعر: كرار حسين الكربلائي الرادود: محمد الجنامي ~~~~~~ شدّ لثامه هز صمامه بالطف عيده و ايدگ بيده هامه ابهامه هيبه و رايه منطي احچايه طـر الهـيمه جـاب الغـيمه يـم اخـيامـه گمر يضوي شحلاته گمر كافل خواته يَمّ اخيامه ~~~~~~ امان الخيم وأهل الخيم كلها بأمانه جمال إذا شـلنه الگـمر هوّه امكانه چـبير حلف عالعلگمي يجرّه من اذانه گمر فدوه لله العلم بيده صلّه ملح للرجـوله الـوصـل يـمه فنّه اليگول آنه خاله رجف من خياله شمرهم يگلهم دخـيل الله منّه ريشه ابرايه وجيش انفاسه من طباها موت و جاها حي عبّاسه خرزة عينه الموت ابعينه عم السّاده ذل القاده عسكر داسه علي بـأربـع جـهـاتـه گمر كـافـل خـواتـه يَمّ اخيامه ~~~~~~ شجاع درس بالجامعة بقسم البطوله علي نطاه ميه و طلع بالطف قبوله جيوش تولاها و شمر ذوله اعله ذوله فـزع ليـها فزعه غنـم بيـها يـرعه ذبحهم عقيقه السلامة عضـيده بطل سيفه شاعر صعد عالمناحر قراله قـصـيدة صورها جديده كلشي ابكيفه هوّه و سيفه من يـدناله و اليـدناله يأخـذ روحه و الما طاعه يلوي اذراعه نعم الـوالي بـيرغ عالي منهو يلوحه جبل ماكو ابثباته گمر كافل خواته يَمّ اخيامه ~~~~~~ يناس الشمس لو باوعلها ابغيمه تلبد شموخ حلو طوله النخل لو شافه تگعد الفرات حچه ويه الجرف احسلك اشرد الاجه زلمه نشمي الشرد منه نشمي الـزلم كـلها صاحت تعـبنه يكافل اليگول آنه و آنه يشبعه مهانه العلم بيده وگله ونعم يبو فاضل الرايه الخضره صارت حمره دم غطـاها بي تتباها و الـطف شـاهد ثابت ما زل ما يتنازل ملك الموته يحـسب موته نازل صـاعد السّمه تگول اشعلاته گمر كافل خواته يَمّ اخيامه ~~~~~~ نشوف عذاب ومن عذابه ماكو مهرب بلاء دخیل الله اخـو زينب تنگب ثبات يسمونه ابن ابـوه المنه يگرب كفيل الوديعه وگـف عالشريعة ومن خزرة الماي ركض عالمخيم النهر بيده شاله العطش صفگاله ابفـقه گطع الرگاب يظل هوّه الأعلم هوّه الاعلم و الچف زمزم فدوه العينه عم اسكينه ما يتلاكه شبت ناره شَن الغاره سمره ازنوده تحچي ابزوده كل عشاگه النهر يحچي ابصفاته گمر كافل خواته يَمّ اخيامه ~~~~~~ الچفوف هون بس خضرن بالطف مناير العلم ينادي ابگبته أهلًا يزاير كريم اليدگ بابه ابد ما يبقه حاير الخلگ تحچي عنه جمال و محنه ينـاس هـذا عبّاس رجـوله و مـهابـه شارته بالايد اخذ منّه شتريد و علي ينسه همه اليروح اعله بابه الخير ابابه الرحمه ابابه كلشي ابابه و اتدگ بابه متظل حيره كلها اتشوفه الطف بـچفوفـه نهـر الجنه يشـرب مـنه زود و غـيره بگلب زينب غلاته گمر كافل خواته يَمّ اخيامه ~~~~~~ ♡◇♡

◗ قصيدة [ شد الثامه ] ◗ اداء || محمد الجنّامي ◗ كلمات || كرار حسين الكربلائي ◗ ليالي محرم الحرام 1445 ◗ العراق النجف الأشرف ◗ عزاء هيئة الزهراء للعزاء المركزي محرم1445 ♡◇♡

اسم القصيدة : ياعباس إجت اسم الشاعر : #كرار_حسين_الكربلائي اسم الرادود : #محمد_الجنامي 🏴🏴🏴🏴🏴🏴🏴🏴🏴🏴🏴 يا عباس إجت من السبي هاي زينب عوف المشرعه وأستقبل اوياي زينب من ضيم اليسر عدها حچي اهواي زينب خل نطلع سويه نتلگه السبيه @@@ هاي ام المصايب إلنه رجعت رايده أتزور مشتاگه الي ومشتاگه الك من ظهر عاشور إشرايك يابو فاضل نفزعلها من الگبور وإبلا روس نركض خل نسمعها بچي أنحور زينب كعبه خلي ارواحنه اطوف زينب جيب اچفوفك الزم بيهن اچفوف زينب بيدك خل ترف الرايه وتشوف زينب من الغاضريه نتلگه السبيه @@@ الزينب من بعيد اسمع بچي اعرف بچيها محنية ظهر تمشي عمت عيني عليها هاي الغاليه سوط الشمر شمسوي بيها من دم روسنه يابو الفضل حمرات ايديها يوجعها المتن من عصي الجمال زينب متورمات إيديها من الحبال زينب نحلانه وجدمها گوه ينشال زينب گلي إبيا رزيه نتلگه السبيه @@@ زينب من تطب الكربله وياها الايتام تگعد ع الترب لو تنهضلها وتنصب إخيام يا عباس تدري شلون دارت بيها الأيام چانت بالخرابه إعله الترب من تتعب إتنام إصعد عله التل وشوفلي وين زينب وإسأل منهو بچفوفه سطر عين زينب صح يابو الفضل طبت دواوين زينب من ديوان اميه نتلگه السبيه @@@ إبلا چفين عد وياي يا ليث الكتيبه ♡◇♡

📜قصيدة: مثلك يجدي ✒الشاعر : #راضي_الفيصلي 🔖:شهادة الإمام محمد الجواد ع ليلة 29 ذوالقعدة 1440 🕌: موكب عزاء خاتم الأئمة عجل الله فرجه مثلك يجدي ملتهب جبدي بحشاي أحس نار الضمه من وادي الطفوف متوسد جروح بس ماني مذبوح بحشاي أحس نار الضمه من وادي الطفوف محد كسر مني ضلع ولحد قطع مني صبع من وادي الطفوف 🏴🏴🏴🏴🏴🏴🏴🏴 وحدي وأكابر بالأجل لاجار يمي ولا أهل يسمع ونيني حالي جرح يحضن ملح اتلوه مثل المنذبح محد يجيني واتذكرت جدي الغريب واعلى الرمل خده التريب هيج حنيني لاخيل داست جثتي ولا دم يخضب شيبيتي بس تجري عيني بس عندي عنوان جن جدي عطشان بس عطش يفرق عن عطش وقت المنيه مو مثله بلواي ضامي بكتر ماي بس عطش يفرق عن عطش وقت المنيه ولا مثله واقع منصرع ولحد قطع مني صبع من وادي الطفوف 🏴🏴🏴🏴🏴🏴🏴🏴 أتقلب بنار الألم واتذكرت نار الخيم وجدي وحريمه كلما نهض وبنهضته يوقع كتر من جثته والله هضيمه لمن نخاها لوحده فزعت عليه خيل العده وزادت جريمه وعمتي تشوفه وتسمعه وتنذبح مثله بمصرعه واشقد عظيمه هم أنسه حالي وانسى الجرالي احاه يمحنت عمتي بين الاجانب بين الحوافر وقعت ستاير احاه يمحنت عمتي بين الاجانب بجعب الرمح من تندفع ولحد قطع مني صبع من وادي الطفوف 🏴🏴🏴🏴🏴🏴🏴🏴 بنار العطش قلبي ألتهب جن جدي الساني خشب وقلبي تفطر بس ماشفت ذاك الشمر قام وتربع عالصدر وابأيده خنجر وحدي رحت من الشمل محد ذبح مني طفل وابدم تعفر ساعه ومصيبة كربله تتعادل بهالمعضله وصبري تصبر ماشفت الجفوف طاحت على جروف والساقي ضامي ومنصرع وبجربته الماي عايف خواته ومخدراته والساقي ضامي ومنصرع وبجربته الماي بونينه ونه تنسمع محد قطع مني صبع من وادي الطفوف 🏴🏴🏴🏴🏴🏴🏴🏴 نايم أنا بحر الشمس باجر وهاليوم وأمس بحر الظهيره حر الصحاري مجندله مصرع عشيره بكربله بس ياعشيره نار وسبي وخوف وهَضم والتنخه اهلها تنلطم حيرتها حيره بعد السترها برايته وبعد الكفلها بذمته ماتبقه غيره مابين الارجاس تندب يعباس انظر خواتك باليسر ماعدها والي هم تقدر تشوف تسترها بجفوف انظر خواتك باليسر ماعدها والي احاه يجف المنقطع ولحد قطع مني صبع من وادي الطفوف 🏴🏴🏴🏴🏴🏴🏴🏴 عندي وصيه لشيعتي لمن تنوح مصيبتي انسوا المصيبه نوحوا لبنات المصطفى والمنذبح من القفه وجثته سليبه صبح ومسى نوحوا بوجل للبقت حرمه بلا أهل وراحت غريبه وذكروا الفواطم من مشت وبيا دروب تغربت ماهي جريبه بهاي الرزيه ذكروا رقيه بين الخرايب تندفن ياهو الدفنها بذيج الخرابه وتندب يبابه بين الخرايب تندفن ياهو الدفنها وبخدها سطرة تنطبع ولحد قطع مني صبع من وادي الطفوف ♡◇♡

القصيدة [ مثلك يجدي ] أداء | محمد الجنامي للشاعر | راضي الفيصلي مونتاج وتنفيذ | حارث العكيلي المكان | العراق - بغداد - حي النصر ليالي إستشهاد الإمام محمد الجواد عليه السلام 1440 هـ موكب خاتم الائمة عج ♡◇♡

قصیدة ؛ ماسامح الرادود ؛ ملامحمد‌الجنامی الشاعر ؛ عبدالخالق‌المحنه ┄┅┄┅┄ ❥❥ ┄┅┄┅┄ ⁦♡الرادود الحسینی محمد الجنامی⁦⁦⁦♡ ♡◇♡

اسم القصيدة : ماسامح اسم الشاعر : #عبدالخالق_المحنه اسم الرادود : #محمد_الجنامي المناسبة الليالي الفاطمية 1442 المكان كربلاء المقدسة / موكب جمهور الفاطمية 🏴🏴🏴🏴🏴🏴🏴🏴🏴 عگب الجريمه والكلام الجارح ماسامح اوداعة علي ماسامح والما يطفوون النار خلهم يدورون اعذار ماسامح @@@@ شفتك حطب شايل حطب گبلك اجت اخبارك ماتعرف اتطفي الجمر بس تعرف اتشب نارك يالماتجي ماي ابعطش المن تريد انهارك ضلع الشرف من ينكسر ماينجبر بأعذارك لاتطعم البايع بخت بچفوفك يگطع ايديك ومايرد معروفك والحرگوا اعليه الدار خلهم يدورون اعذار ماسامح @@@@ مامر على گصتك نده من الورد ماتخجل احنه زرعنالك وفه بس انت طبعك منجل ياللي احرگت گلب النبي عد ياصنم تتوسل شبه الزلم صاروا زلم يم الحرم تتمرجل يالگابلتني ويمي ترفع عينك بالخندق وخيبر اسألك وينك والما وفوا للكرار خلهم يدورون اعذار. ما سامح @@@@ چفك قبل لاينرفع كلمة و ( إن ) سطرتني ايدك لون تمسح دمع لاوالله ماعصرتني لمن صحت محد حضر بس زينب الحضرتني من الألم ماأنكسر دمعة علي الكسرتني فوگ الجبل صرتوا ونسيتوا الحفره اول مراجلكم قتلتوا الزهره گبلي حچاها البسمار خلهم يدورون اعذار ماسامح @@@@ وين الشرد. من الحرب يمي فتل ذرعانه والما حچه ويه الزلم شو يمي طال السانه والشايل ابراسه صنم يمشي ابفكر شيطانه بين الجمر وأهل الغدر هيچ الوكت خلانه والخاين الصاحب يصاحب مثله بايع ضميره ومايعرف الفشله والأيدوا هالغدار خلهم يدورون اعذار ماسامح @@@@ مابايعتهم عالحكم هاذي فقط حجتهم قتلوني آنه والطفل والوادم امأيدتهم چان انقلاب أعله السمه وأتوضحت غايتهم ياوسفه سمعوا ونتي وآنه اسمعت ضحكتهم بابي ثگيله وأيدي ماتمنعها والثاني بمتون وظهر يدفعها من فاطمه اخذوا ثار خلهم يدورون اعذار ماسامح @@@@ اخفي الگبر ياأبا الحسن عن الذي آذوني والماأجوتي ابمحنتي مااريدن إيشيعوني بس انت وأطفالي تجي بالظلمه وأتزوروني لو عالگبر ينزل دمع ينزل دمه من عيوني لو تكشف اتراب الگبر تلگاني يم والدي وأشكيله من الثاني مايشفه جرح المختار خلهم يدورون اعذار ماسامح 🏴🏴🏴🏴🏴🏴🏴🏴

قصيدة : درب العشق الرادود: محمد الجنامي #حسب_الطلب ♡◇♡

حبیبی‌ حسین...🥲💔 اجمل اهات ملا محمد الجنامي🥀

اسم القصيدة : راحت امي اسم الرادود :#محمد_الجنامي اسم الشاعر :#علي_الخفاجي المناسبة الليالي الفاطمية 1442 المكان البصره/ الفاو/ حسينية ام الخسن 🏴🏴🏴🏴🏴🏴🏴🏴🏴 راحت امي وراحت ايام المحنّه ياخواتي اتگابلن ونُه اعله ونّه راحت امي راحت امي ======== راحت امي وكلشي راح وگلبي بالفرگه انچوى شلون نامت بالتراب وزينب إتشم الهوى سطروا اعيون امي لكن طفّوا ابعيني الضوى الداوت إجروح اليتامه ضايع اعليها الدوى حتى موطن جدنه صاير مو وطنّه ياخواتي اتگابلن ونّه اعله ونّه راحت امي راحت امي ========= ساعد الله التفگد امها أتصير مصدر للجروح عجبه ما تفگد بصرها وعدله تبقى وبيها روح خل تموت اگبال امها اعله النعش لمن تنوح والله فگد الأم مصيبه إيروح كلشي من تروح والمصايب باچر اتفرق شملنه ياخواتي اتگابلن ونّه اعله ونّه راحت اني راحت امي ========== چانت الخيمه التلمنه وللأهل فيّ وذرى هسه وين امنه الحنينه شلون غطّاها الثرى صحت ياموت اعله هونك بعد ماعذرك ترى والتموت امّه اشيصبره غير گاع المگبره لبست اسود وي لبسنه اديار اهلنه ياخواتي اتگابلن ونّه اعله ونّه راحت امي راحت امي ========= البيت لو مابي ضواها موحش ومظلم بعد لاتشيعون الحبيبه ارد اموت اعله الجسد ابهيده لا تلچم جرحها الچانت الظهرك سند اتواري فاطم بالتراب ومامش الجرحك ضمد ساعه ساعه ونلبس اوياها چفنه ياخواتي اتگابلن ونّه اعله ونّه راحت امي راحت امي ========= ياحنان اليوصللها هي ام گلب الرحيم والتراب اللي تسحگه إيصير جنات النعيم امك الجنه ابكرها والصراط المستقيم والله صعبه اليفگد امه صدگ يتسمّه يتيم دفنوا امنه وريت وي امنه اندفنه ياخواتي اتگابلن ونّه اعله ونّه راحت امي راحت امي 🏴🏴🏴🏴🏴🏴🏴🏴🏴 ♡◇♡