اسم القصيدة : ياعباس إجت اسم الشاعر : #كرار_حسين_الكربلائي اسم الرادود : #محمد_الجنامي 🏴🏴🏴🏴🏴🏴🏴🏴🏴🏴🏴 يا عباس إجت من السبي هاي زينب عوف المشرعه وأستقبل اوياي زينب من ضيم اليسر عدها حچي اهواي زينب خل نطلع سويه نتلگه السبيه @@@ هاي ام المصايب إلنه رجعت رايده أتزور مشتاگه الي ومشتاگه الك من ظهر عاشور إشرايك يابو فاضل نفزعلها من الگبور وإبلا روس نركض خل نسمعها بچي أنحور زينب كعبه خلي ارواحنه اطوف زينب جيب اچفوفك الزم بيهن اچفوف زينب بيدك خل ترف الرايه وتشوف زينب من الغاضريه نتلگه السبيه @@@ الزينب من بعيد اسمع بچي اعرف بچيها محنية ظهر تمشي عمت عيني عليها هاي الغاليه سوط الشمر شمسوي بيها من دم روسنه يابو الفضل حمرات ايديها يوجعها المتن من عصي الجمال زينب متورمات إيديها من الحبال زينب نحلانه وجدمها گوه ينشال زينب گلي إبيا رزيه نتلگه السبيه @@@ زينب من تطب الكربله وياها الايتام تگعد ع الترب لو تنهضلها وتنصب إخيام يا عباس تدري شلون دارت بيها الأيام چانت بالخرابه إعله الترب من تتعب إتنام إصعد عله التل وشوفلي وين زينب وإسأل منهو بچفوفه سطر عين زينب صح يابو الفضل طبت دواوين زينب من ديوان اميه نتلگه السبيه @@@ إبلا چفين عد وياي يا ليث الكتيبه ♡◇♡

📜قصيدة: مثلك يجدي ✒الشاعر : #راضي_الفيصلي 🔖:شهادة الإمام محمد الجواد ع ليلة 29 ذوالقعدة 1440 🕌: موكب عزاء خاتم الأئمة عجل الله فرجه مثلك يجدي ملتهب جبدي بحشاي أحس نار الضمه من وادي الطفوف متوسد جروح بس ماني مذبوح بحشاي أحس نار الضمه من وادي الطفوف محد كسر مني ضلع ولحد قطع مني صبع من وادي الطفوف 🏴🏴🏴🏴🏴🏴🏴🏴 وحدي وأكابر بالأجل لاجار يمي ولا أهل يسمع ونيني حالي جرح يحضن ملح اتلوه مثل المنذبح محد يجيني واتذكرت جدي الغريب واعلى الرمل خده التريب هيج حنيني لاخيل داست جثتي ولا دم يخضب شيبيتي بس تجري عيني بس عندي عنوان جن جدي عطشان بس عطش يفرق عن عطش وقت المنيه مو مثله بلواي ضامي بكتر ماي بس عطش يفرق عن عطش وقت المنيه ولا مثله واقع منصرع ولحد قطع مني صبع من وادي الطفوف 🏴🏴🏴🏴🏴🏴🏴🏴 أتقلب بنار الألم واتذكرت نار الخيم وجدي وحريمه كلما نهض وبنهضته يوقع كتر من جثته والله هضيمه لمن نخاها لوحده فزعت عليه خيل العده وزادت جريمه وعمتي تشوفه وتسمعه وتنذبح مثله بمصرعه واشقد عظيمه هم أنسه حالي وانسى الجرالي احاه يمحنت عمتي بين الاجانب بين الحوافر وقعت ستاير احاه يمحنت عمتي بين الاجانب بجعب الرمح من تندفع ولحد قطع مني صبع من وادي الطفوف 🏴🏴🏴🏴🏴🏴🏴🏴 بنار العطش قلبي ألتهب جن جدي الساني خشب وقلبي تفطر بس ماشفت ذاك الشمر قام وتربع عالصدر وابأيده خنجر وحدي رحت من الشمل محد ذبح مني طفل وابدم تعفر ساعه ومصيبة كربله تتعادل بهالمعضله وصبري تصبر ماشفت الجفوف طاحت على جروف والساقي ضامي ومنصرع وبجربته الماي عايف خواته ومخدراته والساقي ضامي ومنصرع وبجربته الماي بونينه ونه تنسمع محد قطع مني صبع من وادي الطفوف 🏴🏴🏴🏴🏴🏴🏴🏴 نايم أنا بحر الشمس باجر وهاليوم وأمس بحر الظهيره حر الصحاري مجندله مصرع عشيره بكربله بس ياعشيره نار وسبي وخوف وهَضم والتنخه اهلها تنلطم حيرتها حيره بعد السترها برايته وبعد الكفلها بذمته ماتبقه غيره مابين الارجاس تندب يعباس انظر خواتك باليسر ماعدها والي هم تقدر تشوف تسترها بجفوف انظر خواتك باليسر ماعدها والي احاه يجف المنقطع ولحد قطع مني صبع من وادي الطفوف 🏴🏴🏴🏴🏴🏴🏴🏴 عندي وصيه لشيعتي لمن تنوح مصيبتي انسوا المصيبه نوحوا لبنات المصطفى والمنذبح من القفه وجثته سليبه صبح ومسى نوحوا بوجل للبقت حرمه بلا أهل وراحت غريبه وذكروا الفواطم من مشت وبيا دروب تغربت ماهي جريبه بهاي الرزيه ذكروا رقيه بين الخرايب تندفن ياهو الدفنها بذيج الخرابه وتندب يبابه بين الخرايب تندفن ياهو الدفنها وبخدها سطرة تنطبع ولحد قطع مني صبع من وادي الطفوف ♡◇♡

القصيدة [ مثلك يجدي ] أداء | محمد الجنامي للشاعر | راضي الفيصلي مونتاج وتنفيذ | حارث العكيلي المكان | العراق - بغداد - حي النصر ليالي إستشهاد الإمام محمد الجواد عليه السلام 1440 هـ موكب خاتم الائمة عج ♡◇♡

قصیدة ؛ ماسامح الرادود ؛ ملامحمد‌الجنامی الشاعر ؛ عبدالخالق‌المحنه ┄┅┄┅┄ ❥❥ ┄┅┄┅┄ ⁦♡الرادود الحسینی محمد الجنامی⁦⁦⁦♡ ♡◇♡

اسم القصيدة : ماسامح اسم الشاعر : #عبدالخالق_المحنه اسم الرادود : #محمد_الجنامي المناسبة الليالي الفاطمية 1442 المكان كربلاء المقدسة / موكب جمهور الفاطمية 🏴🏴🏴🏴🏴🏴🏴🏴🏴 عگب الجريمه والكلام الجارح ماسامح اوداعة علي ماسامح والما يطفوون النار خلهم يدورون اعذار ماسامح @@@@ شفتك حطب شايل حطب گبلك اجت اخبارك ماتعرف اتطفي الجمر بس تعرف اتشب نارك يالماتجي ماي ابعطش المن تريد انهارك ضلع الشرف من ينكسر ماينجبر بأعذارك لاتطعم البايع بخت بچفوفك يگطع ايديك ومايرد معروفك والحرگوا اعليه الدار خلهم يدورون اعذار ماسامح @@@@ مامر على گصتك نده من الورد ماتخجل احنه زرعنالك وفه بس انت طبعك منجل ياللي احرگت گلب النبي عد ياصنم تتوسل شبه الزلم صاروا زلم يم الحرم تتمرجل يالگابلتني ويمي ترفع عينك بالخندق وخيبر اسألك وينك والما وفوا للكرار خلهم يدورون اعذار. ما سامح @@@@ چفك قبل لاينرفع كلمة و ( إن ) سطرتني ايدك لون تمسح دمع لاوالله ماعصرتني لمن صحت محد حضر بس زينب الحضرتني من الألم ماأنكسر دمعة علي الكسرتني فوگ الجبل صرتوا ونسيتوا الحفره اول مراجلكم قتلتوا الزهره گبلي حچاها البسمار خلهم يدورون اعذار ماسامح @@@@ وين الشرد. من الحرب يمي فتل ذرعانه والما حچه ويه الزلم شو يمي طال السانه والشايل ابراسه صنم يمشي ابفكر شيطانه بين الجمر وأهل الغدر هيچ الوكت خلانه والخاين الصاحب يصاحب مثله بايع ضميره ومايعرف الفشله والأيدوا هالغدار خلهم يدورون اعذار ماسامح @@@@ مابايعتهم عالحكم هاذي فقط حجتهم قتلوني آنه والطفل والوادم امأيدتهم چان انقلاب أعله السمه وأتوضحت غايتهم ياوسفه سمعوا ونتي وآنه اسمعت ضحكتهم بابي ثگيله وأيدي ماتمنعها والثاني بمتون وظهر يدفعها من فاطمه اخذوا ثار خلهم يدورون اعذار ماسامح @@@@ اخفي الگبر ياأبا الحسن عن الذي آذوني والماأجوتي ابمحنتي مااريدن إيشيعوني بس انت وأطفالي تجي بالظلمه وأتزوروني لو عالگبر ينزل دمع ينزل دمه من عيوني لو تكشف اتراب الگبر تلگاني يم والدي وأشكيله من الثاني مايشفه جرح المختار خلهم يدورون اعذار ماسامح 🏴🏴🏴🏴🏴🏴🏴🏴

قصيدة : درب العشق الرادود: محمد الجنامي #حسب_الطلب ♡◇♡

حبیبی‌ حسین...🥲💔 اجمل اهات ملا محمد الجنامي🥀

اسم القصيدة : راحت امي اسم الرادود :#محمد_الجنامي اسم الشاعر :#علي_الخفاجي المناسبة الليالي الفاطمية 1442 المكان البصره/ الفاو/ حسينية ام الخسن 🏴🏴🏴🏴🏴🏴🏴🏴🏴 راحت امي وراحت ايام المحنّه ياخواتي اتگابلن ونُه اعله ونّه راحت امي راحت امي ======== راحت امي وكلشي راح وگلبي بالفرگه انچوى شلون نامت بالتراب وزينب إتشم الهوى سطروا اعيون امي لكن طفّوا ابعيني الضوى الداوت إجروح اليتامه ضايع اعليها الدوى حتى موطن جدنه صاير مو وطنّه ياخواتي اتگابلن ونّه اعله ونّه راحت امي راحت امي ========= ساعد الله التفگد امها أتصير مصدر للجروح عجبه ما تفگد بصرها وعدله تبقى وبيها روح خل تموت اگبال امها اعله النعش لمن تنوح والله فگد الأم مصيبه إيروح كلشي من تروح والمصايب باچر اتفرق شملنه ياخواتي اتگابلن ونّه اعله ونّه راحت اني راحت امي ========== چانت الخيمه التلمنه وللأهل فيّ وذرى هسه وين امنه الحنينه شلون غطّاها الثرى صحت ياموت اعله هونك بعد ماعذرك ترى والتموت امّه اشيصبره غير گاع المگبره لبست اسود وي لبسنه اديار اهلنه ياخواتي اتگابلن ونّه اعله ونّه راحت امي راحت امي ========= البيت لو مابي ضواها موحش ومظلم بعد لاتشيعون الحبيبه ارد اموت اعله الجسد ابهيده لا تلچم جرحها الچانت الظهرك سند اتواري فاطم بالتراب ومامش الجرحك ضمد ساعه ساعه ونلبس اوياها چفنه ياخواتي اتگابلن ونّه اعله ونّه راحت امي راحت امي ========= ياحنان اليوصللها هي ام گلب الرحيم والتراب اللي تسحگه إيصير جنات النعيم امك الجنه ابكرها والصراط المستقيم والله صعبه اليفگد امه صدگ يتسمّه يتيم دفنوا امنه وريت وي امنه اندفنه ياخواتي اتگابلن ونّه اعله ونّه راحت امي راحت امي 🏴🏴🏴🏴🏴🏴🏴🏴🏴 ♡◇♡

اسم القصيده : يا جابر اسم الشاعر : #حمزه_السماوي اسم الرادود : #محمد_الجنامي المناسبة : ليالي الاربعين ١٤٤٤ الهجري المكان : موكب الكميل الحسيني | كربلاء المقدسه 🏴🏴🏴🏴🏴🏴🏴🏴🏴🏴 ياجابر اتلكله الناس .. وصلوا ابزود العباس كربله انترست زوار .. كلهم وفه ورفعة راس هوّس بالعلم واتلكه الخدم كوم بدمعة العين خطار النحر وابآخر صفر .. فاتح بيته لحسين ■♧■♧■♧■♧■♧■♧■♧■ يالدمعك اتلكه الظعن ذاك الوكت حاضر ياجابر افتح موكبك يمك يجي الزاير بيوت الخدامه اتفتحت محد يظل حاير مايستمع غير الهلا وتدلل و تامر اجت كلها الكربله اراضي وسماوات يجابر من جيّتك بديت الزيارات وتلكاهك ابهله وتلكاهم ابماي مو بس ظعن من الشام .. زوار اجتنه ابكل عام وهذا صفر بسمك صار .. سيد و شيخ الخدام مشايه اجت وانته بالبخت تعرف بالمشي زين خطار النحر وابآخر صفر .. فاتح بيته لحسين ■♧■♧■♧■♧■♧■♧■♧■ ماهمهم الحر والتعب سامع حجي وقاري زوار وابطول الدرب يحفظهم الباري قطعه جبيره ابموكبه جابر الانصاري قال الحسين ابن علي اهلا يزواري يغالي وتسوه العمر يصيحوله مشكور منابرنه ترتفع منابر من النور يجابر بس انتظر كلها تجي اتزور من بيتك الصحن حسين .. عالراس تمشي وعالعين خدمتك اي شي تحتاج .. جيتك اشكد امتانين يجابر اجوا بالموعد وفوا بالحب ردّوا الدين خطار النحر وابآخر صفر .. فاتح بيته لحسين ■♧■♧■♧■♧■♧■♧■♧■ طول الدرب بسم الله مجراهم ومسراهم ياجابر المهدي اجه بالممشه وياهم باطراف وادي كربله اوكف تلكاهم الله ومحمد وعلي والزهره وياهم تعب ماكو كل تعب على الحب يموتون الحسين ابوحده مهم مهم ماكو بالكون حبيب وياهم مشه واشوفه ركض جون ماكو نبي ماموجود .. ادم وعيسى و داوود ابراهيم موسى ذالنون .. ويصعد شعيب الرادود شدوها الحزم اصحاب العزم كالوا احنه ماشين خطار النحر وابآخر صفر .. فاتح بيته لحسين ■♧■♧■♧■♧■♧■♧■♧■ توسع ملايين البشر ياجابر ارض الطف واليوكع ابنص الدرب يركض يلزمه الجف شايب رجع شاب ابكثر ماكلبه يتلهف بترابهم ارض وسمه والجنه تتشرف مشيهم ماينكطع الحبيب الله ناوين شفت زواره دمع الارض خد الحسين قسم كالوا بالضلع على كلشي راضين واشما تصير من اخطار .. انموت صاحوا زوار جم عابس تشوف اليوم .. مجنون يركض عالنار اهل المرجله بدمهم كربله تجري بالشرايين خطار النحر وابآخر صفر .. فاتح بيته لحسين ■♧■♧■♧■♧■♧■♧■♧■ انظر ملايين البشر كلهم شفت واحد ياجابر انته ابكل بطف كربله شاهد زاير ينادي ياحسين الاجر مارايد بس رايد ابحزنك احس لمن صرت فاكد اجوا بس كل الدرب ياجابر يلطمون سلام الله عالخيم بمشيهم يصيحون علم بس اكبر علم بديهم يرفعون وابكل سنه تزيد اعداد .. ياجابر وربك راد مو وحدك كلهه اوياك .. تتلكه ظعن السجاد ايسوّون العجب ماعرفوا تعب بالخدمه مجانين خطار النحر وابآخر صفر .. فاتح بيته لحسين 🏴🏴🏴🏴🏴🏴🏴🏴🏴 ♡◇♡

يـَقولـوטּ إنَ الحُــسين يَختاࢪ خِدامهُ بِـنفسَه فـما اَجمَل اختَيارهُ لِـ خَدامه..!🥺🍂

#محمد_الجنامي اسم القصيدة : ضاع عمری اسم الشاعر : #وسام_الشويلي اسم الرادود : #محمد_الجنامي المناسبة مصاب عاشوراء 1442 المكان النجف الأشرف/ هيئة الزهراء للعزاء المركزي 🏴🏴🏴🏴🏴🏴🏴🏴🏴 حبيبي~ حبيبي عليٌ اتدري لقد ضاعَ عمري حبيبي ~حبيبي بُني ضاقَ صدري بكََ الموتُ يسري @@ علي يا انفاس روحي وياحياتي وياهلي علي يبني انت تدري اشگد أحب كلمة علي انت مو بس أبني أحسبك كلشي معتبرك إلي وگلبي البوجهك ترسته من تروح إيظل خلي إليَّ ~ إليَّ لأشكوك أمري فقد خانَ دهري إليَّ ~إليَّ أُنادي بقهري بك الموت يسري @@ وين ماينجاب ذكرك ياعلي گالوا كفو شرد اگولن من أوصفك وجهك اوطبعك حلو إنت مره أتصير صاحب مره يوليدي أخو وما أبالغ لون گتلك حتى أشوفنك أبو أراكَ~ أراكَ كعباس ذخري عموداََ لظهري أراكَ~أراكَ معين لضري بكَ الموتُ يسري @@ من جمالك كلها تسأل بشر إنت لو ملك اشما اشتاگ الوجه جدي ياعلي انظر إلك ابداخلي عايش احسك وآنه اعيش ابداخلك مدري إنت الدللتني مدري آنه امدللك بِجنبي~ بِجنبي إذا حلَّ عُسري تكُن انت يُسري بِجنبي~ بِجنبي لماذا بكسري بكَ الموتُ يسري @@ مثل ما عطشان انت الك عطشان الگلب ومو دمع صب أعله خدي عمري قطرات ويصب بإسمي من ناديت بويه تيهت وين الدرب جيتك اركض مره اعثر مره انام اعله الترب تُنادي ~ تُنادي ابه السيف يُبري بكبدي ويُفري تُنادي ~ تُنادي و أعطيك عُذري بكَ الموتُ يسري @@ اجروح كلك ردت احضنك خفت يبني تلچم ما الم جسمك يالأكبر آنه بسنيني الم وصله وصله بيك اشيلن ياعلي عندك علم شلت وصله لنها گلبي طايح ابنحرك يشم فؤادي ~ فؤادي كما النحرِ يجري دماءََ كجمري فؤادي ~ فؤادي سيُرمىٰ بشمرِ بكَ الموتُ يسري @@ يالرحت عني وعفتني بالطفوف المظلمه إخذ يوليدي سلامي وصله لأمي فاطمه گلها ابوي إنهدم حيله ونزلت ادموعه دمه وصار ظهره مثل ضلعچ وإيده ع الخد لاطمه ♡◇♡

القصيدة؛[عَلىٰ شفافَّك] الرَّادود؛ [مُحَمَّد الجنَّامِيْ] الشَّاعِرْ؛[أَمجد الشّطرِّي] ~~~~~~~~~~~~~~~~ عَلىٰ شفافَّك ضمه وعيني دمه اتلالي يخويَه شلون أَشربك والرُّمح عالي ~~~~~~~~~~~~~~~~ وَكت ما عالهزل يبن أُمي رَكبوني نزلّت من الهزيله أَفگدْ اضعوني يجرونـي بحبل نوبـَه ويضربوني وَعلىٰ نَحرك يخويَــه صدّت عيوني عفتني بحيرتي ومَحّد إلي تالي يخويَّه شلون أَشربك والرُّمح عالي ~~~~~~~~~~~~~~~~ مشينَه ومن مشّينَه أَحساسي ظَلّ ينعه تذَكرتْ الأَصابّعْ منْ بُقـن تسعـــه صحتْ يَحسّينْ صــاح الشّمر شيرَّجعه اخوچ آنه بديه زينـــب مگــطــعَــه الشّمر طول الدَّرُب ما راحُمْ بحالي يَخويَّه شلون أَشربك والرُّمح عالي ~~~~~~~~~~~~~~~~ يَخويه ألنذل شَربت ماي جاب ألنه رحت أَسكي رُقيَّه وبيَّه تتهَنه فتحت الجربه بأيدي وصاحت بونَّه شلون أَشرب و أبويه منحّرُم منَّه أَشرّبه الماي لَمَّن يرتوي الغالي يَخويَّه شلون أَشربك والرُّمح عالي ~~~~~~~~~~~~~~~~ عَلىٰ درّب السَّبي مَره وگف راسَّك گلت يمكن حَجر من النَذل جاسَّك رگضت عَليك أبچي وأَنظر احسّاسَّك شفت شَهگه نَفس ما هيّه بأنفاسَّك كلت طفلة اوگعت شفت الضَّعن خالي يَخويَّه شلون أَشربك والرُّمح عالي ~~~~~~~~~~~~~~~~ الرّماح شگَد ولكن رمحَّك بعيني تصدلي بمنحرَّك وتگلي أَعذريني أَستحيت حسّين أكلَّك متني يآذيني خاف أَشگي ويجي الجلّاد يعميني تراها أمتوني ما تتراوه يا غالي يَخويَّه شلون أَشربك والرُّمح عالي ~~~~~~~~~~~~~~~~ رُقَيَّه بالدَّرُب راسَّك يصــد إِلهـا ما أَدري بنضرتَك خويه شتگلها گلتْ لازم أروحَن يَمها وأَسألهـــا شفّت دمعتَها كلما تصفن اتهلها أَثاري الصفنه سَفرة وخابت امالي يَخويَّه شلون أَشربك والرُّمح عالي ~~~~~~~~~~~~~~~~