🔳 مویه مازندرانی شهادت حضرت زهرا سلام الله علیه: ‍ #بنال_ای_دل_بنالم_با_ته_زار_زار بنال ای دل بنالم با ته زار زار، دیگه علی غریبه که بَمرده دیگه مه وَچونِ مار ، ... چَنّه سخته وَچونِ مار بَمیره، ... وَچون مار جوونی زار بَمیره ، ... فاطمه جان دیگه بَیمه گرفتار، ... نـاهمدم دارمـه نـا یـار وفادار ، ... ته تا بَوتی خدا عَجِّل وَفـاتی ،..... دیگه زهرا مره از هم بِپاتی ،.... ته مه چشِ پَلي بزويي پرپر ، ... نَدونّی چه بلایی بمو مه سر ،.... گمون نکردمه ای سرو نازم ،.... اَتا روز توسّه تابوت بسازم ،... مِره تا یاد اِنه غم بُونِه تازه. ... چه زاری بَشسّمه ته جنازه ، ... اينجورى غم بَديين چی ره مونّه، .... چتی آروم هـاکِنم تِـه وَچـونّه؟ ، .... نُه سالِ زندگی چه صفا داشته ،... فلک ته داغه مه سینه دکاشته، .... زهـرا تـه غم بَمیرم کـه جوونی، .... بشکسّه كَش و پَلى درى شوني، .... تِه بُوردِن بُوردِن و مِه زار بَزوعن، .... از غـریبی سـر ره دیـوار بَـزوعن ، .... همه خواسّـنه مه زار ره بَوینِن ،.... مِه روز ومِه شُوی تار ره بَوینِن، .... تِه روضه ره تا هرجا خونّه«مداح» ، .... مـن از داغ تـه از دل کَشمه آه ، ..... شاعر : علی اکبر اسفندیار مداح #موری_مازندرانی #شهادت_حضرت_فاطمه_س 🔰 به کانال اخبار #لفور بپيونديد 👇👇 @akhbarelafoor 👆 با ما همراه باشید