🔷 دلگویه مازندرانی برای حضرت علی‌اصغر: الهی آسمون خراب بَهیبو تیرسه شعبه تِه جواب نَهیبو الهی من بَمیرم وِه چی بِیّه؟ تِره اینجوربَزوعه وِه کی بِیّه؟ من از خجالتی که اُو بَهیمه از تِه شرمندگی کَعُو بَهیمه چه تیری بَخِردی سرجدا بَیّه مِه ناله خدا خدا خدا بَیّـه بَمیرم مِه کَشِه دَسّ و پا زَنّی تِره نِشتِه که شِه چِشّه دَوِنّی الهی بِشکیه دَسِّ تیر انداز اِتی بَزو تِه چِش بَمونِسّه باز تِه گَلی ره چِتی هاکرده پاره تِه شرمنده بَهیمه تِه بِلاره وِه چه تیری بِیه تِره بَخرده ته این گوش تابه اون گوشِ بَورده تِه سربَیّه آویزون من بَمیرم تِه اِسپِه دِیمِ پِرخون من بَمیرم تِه گَلی مِتلاشی من تِه قروون ته قِنداقه خون آشی من تِه قروون گمون نکردمه مه جان اصغر تِـره بَـزنن و بَـزنی پَـرپَـر گمون نکردمه تَشنا دَگردی اَتا لشکر پیش وِشنا دَگـردی مِه طفل بی زبون من تِه فدامه وَچه عجب تِره من اُو هدامه چتی خیمه بُورم ته مار نَوینه مره اینجوری گرفتار نَوینه پسرشرمندگی خَله بَد هَسّه خدا دونّه که مه دَسِّ دَوسّه حرمله بَیته مِه دِلّه نشونه بَمیرم تِه جان سر آویزونه پسرجان بَوین«مداح»با چه زاری تِوسّه شعر بَعُوته بِرمه واری #علی_اکبر_اسفندیار_مداح #محرم #نوحه_مازندرانی #مویه_مازندرانی #موری_مازندرانی #دلگویه_مازندرانی #حضرت_علی‌اصغر 🔰 به کانال اخبار #لفور بپيونديد 👇👇 @akhbarelafoor 👆 با ما همراه باشید

🔷 دلگویه مازندرانی برای حضرت علی‌اصغر: الهی آسمون وارش بِواره الهی اَبر چِش اُو تِسّه داره پسرجان من غریب وته غریب تر او ندارمه ته تکه هاکنم تر پسرجان تِه تک وچش چه کهوعه بَمیرم که از نَخِردِنِ اُوعه خوانی برمه هاکنی جون ندارنی خوانی اُو بَهُووی زبون ندارنی دَری از تِشنایی از پا کَفنی بمیرم که شه انگشتِ چَفنی ته چِش ته کاسۀ سر فرو بورده تِه تَن اَتا روزه چَنّه اُو بُورده تِره که اِشمه شرمنده بُومه از خجالتی میرمه زِنّـه بومه من و تِه کارچی بُونه جانِ پسر؟ مه چِشِ پَلی دَری زَنّی پَرپَر تِه تِکِ دور که بازو بَسّه بُونه وَچه جان وَسّـه ته تن خَسّه بُونه تِه تنِ دَره مثل کوره  وِشِنِه جان پسر تِره این تَب کِشِنِه تِه زبون و تِه تِک مثل چو بَیّـه تِه عمو از خجالتی اُو بَیّـه خبر بمو عمو جُونّه بَزونه عمو جُونِ مهربونّه بزونه اون دَسّی که توسّه اَو اِیارده جدا بَیّـه مِه دِلّـه تو بیارده تِه بال بال زَنّـی ومن اُو ندارمه چتی هارِشِم تِره که رو ندارمه پسرجان من تِه کِچکِ دَسِّ قِروون چِتی جمع بَیّـه تِه ناخونِ لا خون تِه بِمُویی مِره یاری هاکِنی بَدی غریبمه کاری هاکِنی تِه تازه دَری دَندون دَر اِیارنی شیش ماهه بَعی زبون دَر اِیارنی مِره که اِشنی مه جانِّه گیرنی تِره اُو هم هادِن دیگه تِه میرنی پسرجان ناله نَکن ناله وَسّـه ته زبون مثل یک خِشک چوهَسّه بمیرم مَگه تِه چَنّـه اُو خوانی اَتا دَسِّ دِلـه اُو تره وَسّـه خدا دونّه چه حالی دارنه تِه مار نواجش دِنه بِرمه کِنّـه زار زار خالی گَهره ره کَشه زَنّـه گِنـه حسین اَصغر ره اُو هدایی بیار تِه غم و غصه«مداح»ره بَکوشته تِوسّـه شِه سَرو دِلّـه بَروشته شعر:علی اکبراسفندیار«مداح» #محرم #نوحه_مازندرانی #مویه_مازندرانی #موری_مازندرانی #دلگویه_مازندرانی #حضرت_علی‌اصغر 🔰 به کانال اخبار #لفور بپيونديد 👇👇 @akhbarelafoor 👆 با ما همراه باشید

🔷 دلگویه مازندرانی برای عبدالله بن حسن : مِـه آرزو بِیّـه تِـه فـدا بَـوّم مثل عمو عباس دَس جدا بَوّم خواسّمه که ته ره کَشه بَهیرم نفس نفس بَـزنم و بَمیرم عمو بغل هاکن شه برار زا ره شه آخرین سرباز جان فدا ره بَهیمه مثـل زهـرای مـدینه بَوین با تیر پاره بَیّه مه سینه تِـوسّه بَمیـرم بعـی گـرفتار نا اکبر دارنی نا عباس علمدار تـره داغ علی اکبـر بَکـوشته غـم جـان علی اصغر بَکوشته غریبی دَکِتی مه جان ته قروون تِـه جانِ تن بَهییه چشمهٔ خون عمو حلال هاکن خـدا نگهدار مه غمّه «مداح» بِنالِسّه زار زار 🏴😭🏴😭🏴😭🏴😭 #علی_اکبر_اسفندیار_مداح #محرم #نوحه_مازندرانی #مویه_مازندرانی #موری_مازندرانی #دلگویه_مازندرانی #عبدالله_بن_حسن 🔰 به کانال اخبار #لفور بپيونديد 👇👇 @akhbarelafoor 👆 با ما همراه باشید

#حضرت_علی_اصغر_دلگویه_مازنی شیرخوارگان حسینی مصلای ساری #بانوای_کربلایی_سیدایمان_حسینی شعر: علی اکبراسفندیار_فیروزکوه #محرم #نوحه_مازندرانی #مویه_مازندرانی #موری_مازندرانی #دلگویه_مازندرانی #حضرت_علی‌اصغر 🔰 به کانال اخبار #لفور بپيونديد 👇👇 @akhbarelafoor 👆 با ما همراه باشید

🔷 نوحه مازندرانی برای حضرت زینب : حسین حسین یاحسین سـالار زینب برار ته غم بمیرم حسین حسین حسین یاحسین غمخوار زینب برار ته غم بمیرم حسین 🥀 مدینه یادش بخیر،داشتمه شه مار، برار مه دوروبردهینه،مه شـش تابرار،برار حسین یاداِنه سه روز،تـره نَدیمه،برار ازغـم دوری تـه،مـریـض بهیـمه،برار من هسّـمه زینـبِ،زهـرای اطـهر،برار بمـیرم تـه غـم مـره،نبونه بـاور،برار مـن وتِـه بیـمی دتـا،یـارصمـیمی،برار غـم وشـادی ره اَمـا،بـاهم بَدیمی،برار ته غم بمیرم حسین 🥀 فـرامـوش نـونه مـره ،داغ پیمبر،برار من کردمه ناله و،ته زویی شه سر،برار تـره یـاد اِنـه حسـین،شهرمدینه ،برار جـانِ مـارّ ِبـزونـه ، بشکسه سینه ،برار اَمـان ازکـوفه حسین،من تِه بلاره، برار جـان پِــرِسَـرِجـا،خـون زو فواره ،برار مدینه مـه دلِّ خون ،دکرده یکسر،برار بَـدیمه جان دا حسن،تِه زانوی سر،برار ته غم بمیرم حسین 🥀 الـهی هیـچ خـواخرِه، بـرارنمـیره ،برار بــراره وِسّـه خـواخر عـزا نهـیره ،برار ته که مِـه پَلی دَیی،دل گیـته قرار،برار چنده سخته هِنیشم،تـه نعش کنار، برار چیکارهاکنم مصیبت،هسّه سنگین، برار سفارش هاکردی خواخرنکن نفرین، برار نـا بتّـومّـه نـالـه بـزنم نـا فریاد ، برار نه مِه مار دره نه پِـر،برسه مِه داد،برار ته غم بمیرم حسین 🥀 کـجه دره جان مـار، بویـنه مه زار،برار میـون نـامحـرمـا،بَیـمِه گـرفـتار،برار نکـردمه بـاورایــن روزّه بَـویـنم،برار تـه رگ گـردنِ جـا،لاله بچـینم،بـرار تِه دابمیرم حسین ،که سرندارنی، برار تِـه کمربشکـسّه و،اکـبرنـدارنی ،برار غم بـی بـرادری ره کمبه احساس،برار حسین ته سرچی بموازداغ عباس،برار ته غم بمیرم حسین🥀 تـه قتـلگاه مـیون دست وپـازویی،برار بمـیرم شـه جانِ مـارّه صدا زویی،برار ته دست وپا زویی و،من زومه شه سر، برار نه عباس داشتمه نـا،قاسـم واکبر،برار بمـیرم نـاله زویـی ،ازسـوزعطش ،برار تره که اوندانه،مه دل بورده غش،برار تـادشـمن شادنهـووم نکمبه بـرمه،برار تـه گَلـیِ خونِ جا،چش کمبه سرمه، برار ته غم بمیرم حسین🥀 تـه وَچُـون گـیرنّه ته،سراغّهِ مه جا،برار مـره بکـوشـته وِشُـونِ بـابـا بـابا،برار چی بَـوّم رقـیه ره تـه غم مه سینه،برار نـدارمـه مـن طاقتِ اشک سکینه،برار چـتی نِنـالم مـن از،دسـت زمـانه،برار تسلـیت گـنّه مـره،بـا تـازیـانـه، برار ته غم بمیرم حسین🥀 تِـه سَـرّه دیـربَـدیـنه مره بزونه،برار مـن ازکـبودی تـن دارمـه نشونه،برار چه تقدیـری داشتمی،من وتِه درروزگار مِه قسمت اسیری و،تِـه نیزه سوار،برار تِـه بالای نیزه و،مـه هارش هارش،برار مِـه کَـهوآسـمونِ،چِشن پُـر وارش،برار بسوته «مداح» دل بسوته مه دل برار دیگه شومه اسیری منزل به منزل برار ته غم بمیرم حسین حسین حسین یـاحسین سالارزینب برار ته غم بمیرم حسین حسین حسین یاحسین غمخوار زینب برار ته غم بمیرم حسین #علی_اکبراسفندیار_مداح #محرم #نوحه_مازندرانی #مویه_مازندرانی #موری_مازندرانی #دلگویه_مازندرانی #حضرت_زینب 🔰 به کانال اخبار #لفور بپيونديد 👇👇 @akhbarelafoor 👆 با ما همراه باشید

🔷 دلگویه مازندرانی برای حضرت مسلم بن عقیل : شه غَمّه کره بَوِّم کره بَوِّم دیگه نِخوامه که این دنیا دَوِّم کمین دِتِر مثل من غم بَدیّـه کی مثل من مصیبت بَکِشیّه آرزو دَیّه مِه دل اَی دِواره کَشِه بَهیرم شه جان بابا ره مــره خـبر بَــرسیّه نــاگمون یتیم بَهیمی وبی سروسامون ازاین به بعد مه روزگارچه زاره بَکوشتنه مه نازنین بابا ره غریب مَحله دس وپا بَزوعه دَیّه جان دا کِره صدا بَزوعه مره تا یاد اِنه غم بونه تازه مه بابا نداشته تشییع جنازه مه جان دایی حسینِ نواجش مه چِشّـه اُو بیاردو دله نالش اگه یتیممه دل پُرِ خونه مه جان دایی حسین مهربونه ناروزدارمه ناشوبَیمه جان به لب مِه دردِ مَرحَم هَسّه خاله زینب چی بَهووِم که مره غصه باره مه جانِ مار بِرمه بِرمه داره اِسا که بَهیمه از غصه دلخون خبر ندارمه از جان برارون کِجه آواره و سر گردوننه آواره در کِمِین بیابوننه مه دلخِشی جان براروننه نَکِنِه که وِشون هم دلخوننه جای نفس بَکِشم ناله و آه مه درده روضه بَخونِسّه«مداح» #علی_اکبر_اسفندیار_مداح #محرم #نوحه_مازندرانی #مویه_مازندرانی #موری_مازندرانی #دلگویه_مازندرانی #حضرت_مسلم 🔰 به کانال اخبار #لفور بپيونديد 👇👇 @akhbarelafoor 👆 با ما همراه باشید

🔷 نوحه مازندرانی برای حضرت زینب : مِه دلِ درد و غصه بی شماره«۲»                برار من تِه بلاره«۲» بَمیرم که تِه سر نیزه سواره«۲»                برار من تِه بلاره«۲» تِره تا داشتمه دل غم نداشته تِه زینب با تِه هیچی کم نداشته تِه که بُوردی مِه دلخشی بَمرده تِه واری برار این عالم نداشته مِه دِتا چِش تِوسّه بِرمه واره                برار من تِه بلاره«۲» تِره بَکوشتنه مه پَلی زار زار شِه سرو دلّه بَروشتمه برار عباسِ سر ره تاکه دیر بَدینه برار مره خَله هِدانه آزار مه دل تنگ وتِوسّـه بی قراره              برار من تِه بلاره«۲» کِمین خواخر مِه واری غم بَدیّه شه نازنینونِ ماتم بَدیّـه داغ وَچون ، برار ، برارزاعونّـه اَتا روز همه ره با هم بَدیّـه تِه که بُوردی برار بَیمه آواره                برار من تِه بلاره«۲» تِه هر چی غم بَدی من هم بَدیمه همه جا اَمومه تِه داد رَسیمه حسین جان کی وِنه مِه داد بَرسه؟ نَـدونّـی چَنّـه بِــلا بَکِشیمـه اِسـا بی تِه من هاکنم چه چاره               برار من تِه بلاره«۲» از اون روز که خواخر برار بَهیمی اِما رنگ جدایی ره نَدیمی من شتر سوار و تِه نیزه سوار برار جان اینجوری سفر نَشیمی تِره که اِشمه دل بونه پاره               برار من تِه بلاره«۲» اگر چه دل کوه غم هَسّـه برار از غم تِـه ندارمه صبر و قرار حسین غصه نخر من جای عباس دیگه بَیمه ته سپاه علمدار من و ته سر گذشت چه برمه داره                برار من تِه بلاره«۲» بورم کوفه و شام غوغا هاکنم یزیده همه جا رسوا هاکنم هر چی باشه من علیِ کیجامه تِه حقانیت ره احیا هاکنم روزگارِ تِـه دشمن دیگه زاره                برار من تِه بلاره«۲» اگر چه مه دل از غصه کبابه یاری هاکردنه حسین ثوابه مــبارزه بــا یــزیـدِ زمــانـه مسلمانون الان حفظ حجابه این حکم قرآن و پروردگاره برار من ته بلاره تِـه پیغوم بـر بُـومه من در اسارت تـا کـربلا ره هـاکنم روایـت پیــام کــربـلا ایـن هَسّـه «مداح» همه وِنِـه باشیـم یـار ولایت اینتا سفارش مه جان ماره                برار من تِه بلاره«۲» #علی_اکبر_اسفندیار_مداح #محرم #نوحه_مازندرانی #مویه_مازندرانی #موری_مازندرانی #دلگویه_مازندرانی #حضرت_زینب 🔰 به کانال اخبار #لفور بپيونديد 👇👇 @akhbarelafoor 👆 با ما همراه باشید

🔷 نوحه مازندرانی برای حضرت زینب : مه نازنین برار ای جان زینب برار ته دا بمیرم پاره پاره بعی قرآن زینب برار ته دا بمیرم تمام کربلا ته تن بپاته برار ته دا بمیرم حسین جان ای سرو سامان زینب برار ته دا بمیرم بنالم با نوای بی نوایی آخر برسیّه روز جدایی خدا حافظ مه مارِ یادگاری دیگه نَویـمّه مثل ته براری مره چیکار بکته جان برار من عاقبت بهیمه ته عزادار ته که بوردی مه ناله اشک و آهه بدون ته مه روزگار سیاهه همیشه من ته جا شرمکنده بیمه تا الان ته دلخشی زنه بیمه مه دل تنگ هسّه خوامه زار بزنم ته غریبی ره برار جار بزنم الهی هیچ خواخری مثل زینب از داغ شه برار نناله هر شب چیکار هاکرده با ته داغ عباس دیگه نتونّسی قد هاکنی راس ته سر گذشت چه اَنّـه برمه داره ته تن در خون و سر نیزه سواره یاد اِنـه گتمه با آه و ناله برار من و ته جدایی محاله حسین ای درد و هم درمان زینب برار ته دا بمیرم دنیا مه جا هاکرده بی وفایی مبـتلا بَیمه به درد جدایی خدا مه سر گذشت که نوشته غم و درد و اسیری بنویشته گمون نکردمه غمبار هنیشم ته نعش بی سرِ کنار هنیشم تن بی سر اگه ته مه براری ته پیرهن کوعه ماره یادگاری بشکسّه استخون ته سینه نرمه رگ گردن هنوز خون اِنـه گرمه ته تن ره جای تشییع جنازه چنه گل بزونه با نعل تازه خدا دونّـه که از جان سیر بهیمه برار جان اَتا روزه پیر بهیمه ته جا خالی بیه شام غریبون چه آه و ناله ای زونه یتیمون اَتـا بابا بابا ونگ وا کرده اَتـا عمو عباس ره صدا کرده وچونِ ناله مه دل ره بزو تَش از درد تازیانه کردنه غش حسین هم جان و هم جانان زینب برار ته دا بمیرم دنیبی مره حرف بـد بزونه ته رقیه ره با لگد بزونه اگر چه وچونِ دل پر درده برار غصه نخر زینب نمرده مگه با ته چیکار هاکرده عطش که کربلا ره دود وینّسی و تش ته چش سیاهی بورده سو ندانه تره تشنا بیه و او ندانه مه یاد که در نشونه زیر خنجر ته دس و پا زویی من زومه شه سر تا که عباسِ سر ره دیر بدینه برار ته داغ ره بشتنه مه سینه ته دس و پا زویی میون گودال تره که بدیمه بوردمه از حال میون قتلگاه چی بمو ته سر جان مار ناله زو غریب مادر چی جور بکوشتنه که سر ندارنی ته چه انگشت و انگشتر ندارنی اینجوری بکوشتن ره کی بدیّـه؟ نفس نفس زویی جان در نشیّه بمیرم ته که سر نداشتی برار تره کی رو به قبله بکشیّه؟ عزیز برار و مهربان زینب برار ته دا بمیرم دهون زخم وگلی زخم وزبون زخم کمر از داغ عباس جوون زخم از تیر حرمله اصغر بسوته ته جیگر از داغ اکبر بسوته تا خنجر نَوریه رگِ گَلی ره چنه لو زونه ته پشت و پَلی ره الهی هیچ خواخر غریب کنار نوینه داغ شه عزیز برار کمین خواخر تن بی سر بدیّـه؟ شه عزیز برار ره پرپر بَدیّـه فَلک من و ته جا چها هاکرده تره آخر مه جا جدا هاکرده درشومه اسیری دیار به دیار مره حلال هاکن خدا نگهدار اسیری که شومه دل تسّه تنگه در این سفر مه قسمت چوب و سنگه مه دل تنگ هسّه و چش وارنه وارش دم و ساعت مره از نیزه هارش کاروان درشونه برار دَنیّـه عَلَم دره و علمدار دنیّـه مه یاد در نشونه پیمان زینب برارته دا بمیرم کاروان درشونه ندارنه رهبر نا قاسم دره نا عباس و اکبر غریب بی کفنی ای پاره گَلی بُورم بلکوم که مار بیه ته پَلی اگه بپرسیه از حال زینب ونسّـه بعو از اقبال زینب جانِ مار ره بعو که سر پیری ته زینب ره بَوردنه اسیری بعو که دنیبی شام غریبون مه خواخر تتـه دنبال یتیمون بعو زینب ره اینجه بی بهانه جای تسلیت زونه تازیانه دیگه چی بهووم که دل کبابه وعدۀ من و ته باشه خرابه خدا حافظ حسین ته غم مه سینه بدون ته چتی بُورم مدینه به «مداح» هر چی هاکردی عنایت قیامت ونـه جا هاکن شفاعت. عزیز برار و مهربان زینب برار ته دا بمیرم #علی_اکبر_اسفندیار_مداح #محرم #نوحه_مازندرانی #مویه_مازندرانی #موری_مازندرانی #دلگویه_مازندرانی #حضرت_زینب 🔰 به کانال اخبار #لفور بپيونديد 👇👇 @akhbarelafoor 👆 با ما همراه باشید

🖤 دلگویه مازندرانی برای امام حسین علیه السلام : برار بَوین خواخر ره سرِ پیری درنّـه ورنـّه کوفه اسیری ته که بُوردی خواخر آواره بَـیّه از غم و داغ ته بیچاره بَـیّه اسیری شومه و دیار به دیار مره حلال هاکن خدا نگهدار الهی هیچ خواخر غریب کنار اینجوری نَویـنه داغ شه برار درشومه اسیری دل تسّه تنگه برار برار دیگه مه دلِ وَنگه مه دل تنگو دِتاچش وارنه وارش دم و ساعت مره از نیزه هارش کاروان درشونه برار دَنیّـه عَلَم دره و علمدار دَنیّـه من و ته اینجوری سفر نشیمی بدون عباس و اکبر نشیمی غریب بی کفی ای جان برار گمونم که بِمو بوی جان مار اگه بپرسیه از حال زینب ونسّـه بعو از اقبال زینب جانِ مار ره بعو که سر پیری ته زینب ره بَوردنه اسیری بعو که دنیبی شام غریبون مه خواخر تَتِـه دنبال یتیمون جان مار ره بعو که بی بهونه جای تسلیت تِه زینبِ زونه خداحافظ برار مه دل کبابه وعدۀ من و ته باشه خرابه داداش«مداح» دل خَله بسوته چه جانسوزانه از گودال بهوته #علی_اکبر_اسفندیار_مداح #محرم #نوحه_مازندرانی #مویه_مازندرانی #موری_مازندرانی #دلگویه_مازندرانی #امام_حسین 🔰 به کانال اخبار #لفور بپيونديد 👇👇 @akhbarelafoor 👆 با ما همراه باشید

🔷 دلگویه مازندرانی برای امام حسین ع: شام غریبون مره چیکار بکته ای، برار تِه جا جدابَیمه خدادونّه حسین جان من خواخربی وفا نَیمه اگه تقدیر من اینه که دیگه بی برار باشم جانِ برار دعا هاکن که بی تِه زنـّه نواشم بدون ته مگه روزگار سربونه             داغ دوریِ ته موسه شَربونه ته هم مه عزیزِدل بی،وهم مه نازنین برار ته مارنداشتی ومن هم ته خواخربِیمه هم تِه مار ازمدینه تاکربلاحسین ته غصه خوار بِیمه نَدومّـه که تِوسّه خواخرِبَدیاکه خار بِیمه خوامه ته گَلیِ جا لاله بچینم              دیگه نخوامه فردا روزه بَوینم                    چنه ته اُستخون سینه وکَش وپَلی خورده هرچی که نیزه دَیـّه کربلاته تن فرو بُورده برارِ نازنینی داشتمه  هاکردنه پرپر حسین جان کاش که کور بِیبوم تا تِره ندیبوم بی سر ته بوردی خولی و حرمله بمونه              دنیبی بَوینی که مره بزونه #علی_اکبر_اسفندیار_مداح #محرم #نوحه_مازندرانی #مویه_مازندرانی #موری_مازندرانی #دلگویه_مازندرانی #امام_حسین #شام_غریبون 🔰 به کانال اخبار #لفور بپيونديد 👇👇 @akhbarelafoor 👆 با ما همراه باشید

🔷 نوحه مازندرانی برای حضرت زینب : آمه غریبِ برار زینبِ دلِ قرار خواخر بَیّـه گرفتار الهی تَـش بَهیتبو مِـه اِقبـال آمه غریبِ برار تِره اینجور نَدیبوم زَنّی بال بال آمه غریب برار من و تِه میون جدایی دَکِته آمه غریب برار من تَلِّ زینبیه و ته گودال آمه غریب برار خدا مِه سرگذشتِ که نِوشته گمونم غم و غصه بَنِوشته برار ای کاش که دنیا دَنیبیبوم تِه دَس وپا بَزوعن ره نَدیبوم آمه غریبِ برار زینبِ دلِ قرار خواخر بَیّـه گرفتار چیکار هاکِنم تره شمر نَـزنه این نانجیب ته جا اینجور نکنه چیکار هاکنم دَسّ و پا نَزِنی؟ آنّـه جانِ مار ره صدا نَـزِنی شمرِ نانجیب ره بعو نکنه تِره اینجوری پشت رو نکنه آمه غریبِ برار زینبِ دلِ قرار خواخر بَیّـه گرفتار چیکار هاکِنم مه جا دیر دَکِتی ته نانجیبونِ دَس گیر دَکِتی چی بَوِّم سینه ی سر راس بَهووه الان خواسه که تِه عباس دَهووه خواخر بَمیره که بشکِسّه بالی خَله جای تِه اکبر هَسّـه خالی آمه غریبِ برار زینبِ دلِ قرار خواخر بَیّـه گرفتار من وتِه سرگذشت چه بِرمه داره پُر از غم و پر از دنیای زاره چِتی دل داشته بَورینه گَلی ره چَنّه لُو زوعه تِه پشت و پَلی ره هرچی داشتی ره دَرنّـه وَرنّـه تِه تنِ پیرهَن و سر ره وَرنّـه آمه غریبِ برار زینبِ دلِ قرار خواخر بَیّـه گرفتار مره غصّه باره تِه غم مه سینه خَله بی تابی کِنّـه تِه سکینه الهـی بَمـیرم زارِ رقـیه بابا بابا وِنِـه وَنگ و وا بَیّـه تِه دَنی باشی مره بی بهانه تسلیت گِننه بـا تـازیـانه ته که دَنی باشی آواره بومه از دوریِ تِه من بیچاره بومه آمه غریبِ برار زینبِ دلِ قرار خواخر بَیّـه گرفتار غریبی دَکِتی خواخر بَمیره از نفس بَکِتی خواخر بَمیره برار دنیا چه بی وفا بَهییه زینب دیگه تِه جا جدا بَهییه کِمین خواخر تَنِ بی سر بَدیّه برار ره اینجوری پرپر بَدیّـه آمه غریبِ برار زینبِ دلِ قرار خواخر بَیّـه گرفتار اسیری درشومه دیار به دیار مره حلال هاکِن خدانگهدار اسیری که شومه دل تِسّـه تنگه مِه قسمت این سفری چوب وسنگه چنه سخته سفر برار دَنیبو سپهسالار و علمدار دَنیبو دیگه زینب چتی شه خِدِّه داره بنال«مداح»که زینب خون بواره آمه غریبِ برار زینبِ دلِ قرار خواخر بَیّـه گرفتار #علی_اکبر_اسفندیار_مداح #محرم #نوحه_مازندرانی #مویه_مازندرانی #موری_مازندرانی #دلگویه_مازندرانی #حضرت_زینب 🔰 به کانال اخبار #لفور بپيونديد 👇👇 @akhbarelafoor 👆 با ما همراه باشید

🔷 دلگویه مازندرانی برای امام حسین علیه السلام : ‍ #دختران_امام_حسین_صفورا_طهورا #حضرت_زینب_شام_غریبان بِرو مِه جان خواخر اُم کلثوم اَمِــه دِتــا بِــرار زا بَهیــنه گــوم بِرو خواخر که صحرا ره بَگِردیم تمــام کــرب وبــلا ره بگــردیـم الهــی عمـــه قـــروون «صَفورا» کِـجـه دری مـه بـرار زا «طَهورا» عمـه بَمـردون کِـجه دِمّــدانـی؟ زِنّــه هَسّنـی یـا کـه جان هِـدانی الهــی عمــه بَــوّه شِمـه قِــروون بَگِــردم مـن کِجه ی این بیابون من ازصبح تا نماشون داغ بَدیمه شِه بـرار ره تَـش بَیته بــاغ بَدیمه دیگـه مِــه تَـن وپِــه رمــق نــدارنـه کتـــاب عمــر مـــن ورق نــــارنــه بِــرارِ چِـش وارسّــه مثـل وارش مِــره چَنّـه حسین کِرده سفارش حسین گِته خواخرجان مِه دِترون نـــه صحــرا بَــدینـه و نــه بیــابـون جان تِه جانِ مِه وَچون خواخرجان مبـــادا بَـــوینــن خــــار مُغیـــلان مِــه وَچــون درد جــدایی نَــدینـه بغیــر از مِهــــر بــابــایـی نَــدینــه بَــویـن خــواخـر مِــره چیکار بَکِته بِــرو کــه دیگه تِــه زینـب هِـکتـه مِـه بِــرار زاعــون اینـجه دِمّــدانِـه بَمیــرم هــر دِتــا دل بــاد هِدانـه دِتـایی جان هِـدانه بال به گِردن از این غم دیگه وِنـه که بَمــردن شِــمه چُــو بَخِــرده تـــنِ بِــــلاره شِـمه وِسّـه مِه دل بَهووه پاره شِـمه داغ اَی مِه دلّه داغ بَزوعه مِـه تـوتیـا تَن ره شــلاق بَــزوعــه یتیمـون حسین من شِمه قروون شما مِه نورعین من شمه قروون رقیـــه ی جـــوابــه چــی بَهـــووم سکینه ی جــوابـه چــی بَهــووم نَهییه شما ره عــروس هــاکِنـم شِـمه دشمـنونـه عَبوس هاکِنم خواسّمه شِـمه سر ره گل بپاشِم نَهــییه شِــمه عـــروسـی دِواشـــم مِــره حــلال هـاکِن جـانِ«صَفورا» مِـره ببخش بـرار زا جان«طَهورا» مِه تیر بَخِرده دل اَی تیر بَخِرده دیگـه شِــمه عمـه زینـب بَمــرده شِـمه درد وشِمه غم هَسّـه جـانکاه شِـمه وِسّـه چـه زار بَزوعه«مداح» #علی_اکبر_اسفندیار_مداح #محرم #نوحه_مازندرانی #مویه_مازندرانی #موری_مازندرانی #دلگویه_مازندرانی #امام_حسین 🔰 به کانال اخبار #لفور بپيونديد 👇👇 @akhbarelafoor 👆 با ما همراه باشید

🔷 دلگویه مازندرانی برای حضرت رقیه : الهی بَمِردبوم پای نیزه تا تِره نَدیبوم بالای نیزه بابا جان مگه بَمرده تِه دِتِر؟ که تِه نیزه ی بالا بُوردی مَنبَر؟ بابا تِه سرِ جا مه دلِ سره بِرو مِه کَشه مِه دل ناله دَره بِرو مِه کَشه که دل بَیّـه پاره بُونه ناز هاکِنی مره دواره من نَدومّه که روزهَسّه که شوعه تِه کَشه باخِتن مِه آرزوعه تِه کِجه دَیی بابا مِره زونه هنوز مِه گوش جا خون دَره شونه بابا جان من که بیابون نَدیمه اسیری، بی سرو سامون نَدیمه تِره تا وَنگ هِدامه چو بَخِـنّه گَتـی آدمـونِ جـا لُـو بَخِـنّه بَوین بشکِسّه مِه دَندون شیری سه سالگی بَرسیمه به پیری من و ته سرگذشت چَنّه عجیبه کیجا یتیم بُونه خَله غریبه مِه سینه جای نفس در اِنه آه مه وِسّه خَله بِنالسّه «مداح» علی اکبر اسفندیار«مداح» #محرم #نوحه_مازندرانی #مویه_مازندرانی #موری_مازندرانی #دلگویه_مازندرانی #حضرت_رقیه 🔰 به کانال اخبار #لفور بپيونديد 👇👇 @akhbarelafoor 👆 با ما همراه باشید

🔷 دلگویه مازندرانی برای طفلان حضرت زینب : الهـی مـار شمه قـدِ بــلاره نَدیبو شمه تن ره پاره پاره کی بَوته مار غم پسر بَوینه دِتا دَسّـه گله یکجا بَچینه پسرون من چتی هارشم شماره که مثل گل بَهینی پاره پاره بَمیرم جان دانی من دَنی بیمه حسینِ جامن خجالت کَشیمه دیگه من مادر شهید بَهیمه حسینِ پَلی رو سفید بهیمه شمه مار بَمیره طفلان زینب چه خوب بَهینی پشتیبان زینب اگرچه شمه سرتن خون آشیّه حسینِ پیش مه آبرو نَشيّه نَدومّه چنه دس وپا بزونی خونِ جا شِه تنِ حنا بزونی شمه مار بَمیره دلشاد بَهینی اینجوری خون آشی داماد بَهینی من شمه نُوج بَزه ریشِ بلاره کی دل داشته که بَکوشته شماره شِمه روضه ره بخونِسّـه«مداح» خدا باشه همیشه وِنه همراه #علی_اکبر_اسفندیار_مداح #محرم #نوحه_مازندرانی #مویه_مازندرانی #موری_مازندرانی #دلگویه_مازندرانی #طفلان_حضرت_زینب 🔰 به کانال اخبار #لفور بپيونديد 👇👇 @akhbarelafoor 👆 با ما همراه باشید

🔷 دلگویه مازندرانی برای حضرت علی‌اصغر : شه طفل بـی قـرار دور بگردم تشنـایی زوعه زار دور بگـردم بَمیـرم خـله طفلک بَکشیّه عمـوی  انتظار  دور بگردم وِنه دِتا قشنگ چِشِ قروون دیگه  بَهییه تار دور بگردم طفلکی ازسحر نخرده شیر و پسره روزه دار دور بگردم الهی من بَمردبـوم نَدیبـوم وِره نیزه سوارِ دور  بگردم #علی_اکبر_اسفندیار_مداح #محرم #نوحه_مازندرانی #مویه_مازندرانی #موری_مازندرانی #دلگویه_مازندرانی #حضرت_علی‌اصغر 🔰 به کانال اخبار #لفور بپيونديد 👇👇 @akhbarelafoor 👆 با ما همراه باشید

🔷 دلگویه مازندرانی برای امام حسین علیه السلام شب عاشورا : برار اَمشو چه اَنّه بی قراری؟ آسمونِّه اِشنی بِرمه واری برارجان ته که مِه دلّه بَوردی ته خواخربَمیره که بُغض هاکردی مه دل بَیته برار،ته غم مه سینه حسین جان بِرو دَگِردیم مدینه برار ته چَنّه مظلوم و غریبی تِوسّه بَمیرم که غم نصیبی ته که دارنی علی اکبروعباس برار دیگه غریبی نکن احساس برارجان ناله نکن ناله وَسّه مگه فردا روزِ جدایی هَسّه؟ برارجان من خوامه با ته دواشم بدون ته نخوامه زنّه باشم اگه قراره بَوّم ته عزادار دعا هاکن بَمیرم جان برار بدون ته مه روزگار سیاهه ته قبر سردیگه مه جان پناهه بجان ته حسین جان من شه دومّه بدون تـه دیگه زنّـه نَمومّـه بَخون«مداح»بَخون حسین غریبه خدا دونّه که زینب غم نصیبه #علی_اکبر_اسفندیار_مداح #محرم #نوحه_مازندرانی #مویه_مازندرانی #موری_مازندرانی #دلگویه_مازندرانی #امام_حسین #شب_عاشورا 🔰 به کانال اخبار #لفور بپيونديد 👇👇 @akhbarelafoor 👆 با ما همراه باشید

🔷 نوحه مازندرانی برای حضرت رقیه : عمه جان ازاین همه بی خبری«۲» بَوین باسر بِموعه مه سفری جان پِره وِسّه چِش داشتمه راه«۲» بَدی جواب هِدا چشم انتظاری عمه حاجت روا بَهیمه دیگه شِه جان بابا ره بَدیمه دیگه وِنه قشنگ سر و صورت جا گــل آرزو ره بَچیـمه دیــگه نَدومّه خو دَرمِه یا که بیداری«۲» بَوین با سر بِموعه مِه سفری من فدای شاه عالم بَهووم شِه بابا ره از کِمین غم بَهووم جان پِره دل پُر از خون و غمه وِره از کِمینـتا مــاتم بَهــووم مِره که بَکوشته ای درد دوری«۲» بَوین با سر بِموعه مِه سفری عمه مِه بابای تِک چه خون اِنه؟ بَمیـرم خـون از وِنــه دِهون اِنـه عمـه جان یـاد اِنـه زونـه بابا ره؟ خـون از جـای زخم خیزرون اِنـه مگـه خیـزرون بُـونه مِـزد قـاری«۲» بَوین با سر بموعه مه سفری اَنّـه چو بَخِنّه تـن تَش. شنه درد پهـلـو دَره مــره کِشـنه عمه جان دعا هاکن که بَمیرم بَمونّـم مِـه درد و بـلا تِشِنه عمه هاکری مِه وسّه مادری«۲» بَوین با سر بِموعه مِـه سفری عمه بـابـا ره گِمه بی بَهوونه همیشه مِه خاطری تِره زونه دیگـه تِوسّه بَهیمه درد سـر مِره شِه همراه بَوِر اَگه بونه جـان بـابای فـداعـه دِتِــری«۲» بَوین باسر بموعه مه سفری حلال هاکن عمه ته غم مه سینه خدا حافظ جان خواهر سکینه خرابه جان هداعن مه تقدیره غـم و غصـه یتیـمِ همنشـینه مه غمه خوندنه«مداح»به زاری«۲»      بَوین با سر بموعه مه سفری #علی_اکبر_اسفندیار_مداح #محرم #نوحه_مازندرانی #مویه_مازندرانی #موری_مازندرانی #دلگویه_مازندرانی #حضرت_رقیه 🔰 به کانال اخبار #لفور بپيونديد 👇👇 @akhbarelafoor 👆 با ما همراه باشید

🔷 نوحه مازندرانی برای حضرت رقیه : بَهیمه حاجت روا«۲» عمه خدا نگهدار«۲» دیگه بِمو مِه بابا«۲» عمه خدا نگهدار«۲» عمه بِرو تماشا ، مِه بابا آخر بِمو مِه آسمون ماه و،عزیز وسرور بِمو مِه زار ره که بَدیّه،باباجون باسربمو اَنّـه ناله بَزومه، مِه جان دیگه دربمو دیگه بَهیمی جدا«۲» عمه خدا نگهدار«۲» دیگه بَهیمه خَسّه، از ظلم این زمونه از غـریبی کِـردمه ، تـا بـابـا ره بَهـونه مِه خاطری عمه جان، اِمونه تِره زونه عمه یتیمِی وِسّـه، هیچـکی بابا نَبـونـه ای همدم با وفا«۲» عمه خدا نگهدار«۲» عمه بَعو به عالَم، من خَلِه چُو بَخِنّه به جرم بی گناهی،شلاق و لُو بَخِنّه نوبت به نوبت کِتِک،هم روزوشو بَخِنّه بَعـو کـه از غـریبی، دِق ها کِنّـه بَمِـنّه بَیمه شبیه زهرا«۲» عمه خدا نگهدار«۲» اگر چه عمه بَیمه، همسفر نِیمه راه اگر چه بَیّـه دیگه ، خرابه مِه قتلگاه غصه نَخِرعمه جان،هی نَکِش ازسینه آه عمه مِـه مزار بُـونه، بـی پنـاهونِ پنـاه مِه درد بَهییه دوا«۲» عمه خدا نگهدار«۲» الحَمدُالله که من، شبیه زهرا بَیمه فــدای ولایــت و، فـدای مــولا بَیمـه الحمدالله که از، جمع شهدا بَیمه علمدارِ نهضتِ، شِه جان بابا بَیمه شام بَهییه کربلا«۲» عمه خدا نگهدار«۲» #علی_اکبر_اسفندیار_مداح #محرم #نوحه_مازندرانی #مویه_مازندرانی #موری_مازندرانی #دلگویه_مازندرانی #حضرت_رقیه 🔰 به کانال اخبار #لفور بپيونديد 👇👇 @akhbarelafoor 👆 با ما همراه باشید

🔷 دلگویه مازندرانی برای حضرت رقیه : بابا جان یتیمی درد بَدیّـه مه دل سه ساله سی سال غم بَدیّه بابا خِش بِمویی خرابه منزل تِه کِجه بُوردی پاره بَیّه مِه دل بابا تِه سر وصورت چَنّه خاکه؟ بَمیرم تِه گَلی چه چاک چاکه؟ تِوسّه بِرمه تا که بُونه کِمّه شِه دَسِ جا تِه ریشِ شونه کِمّه ته چَنّه بوی نون تازه دِنی بوی غریبی بی اندازه دِنی بابا تِه تِک اِنه خونِ بِلاره من تِه بشکسّه دَننونِ بلاره ته دَس ندارنی مِره ناز هاکنی اِسا بُونه شه چِشّه باز هاکنی؟ بابا اگه مه چِشِ پشت کهوعه جای مشت خولی و حرملوعه من از کربلا تا شام چو بَخِنّه دم و ساعت بابا جان لُو بَخِنّه تا که بابا گِتمه مره زونه عمه شه خِدّه زو مه یاد نشونه هرکس بَرسیّه مره بَروشته مره درد یتیمی شه بَکوشته مه تن مثل کوره ی تَش وِشنه بابا این درد آخر مره کِشنه بابا اَمشو مره شه همرا بَوِر مه دل تنگه برای علی اصغر هر چی که گلِ درد دَیّه بَچیمه شه عمه جانِ درد سر بَهیمه تا بابا گِتمه مِه وَر اِمونه به بَهونه ی من عمه ره زونه خوامه تِه تِک جا بوسه بهیرم اَتا ناله بَزنم و بمیرم بابا مه غمه «مداح» زار بَزوعه مه غریبی ره با شعر جار بَزوعه #علی_اکبر_اسفندیار_مداح #محرم #نوحه_مازندرانی #مویه_مازندرانی #موری_مازندرانی #دلگویه_مازندرانی #حضرت_رقیه 🔰 به کانال اخبار #لفور بپيونديد 👇👇 @akhbarelafoor 👆 با ما همراه باشید

🔷 دلگویه مازندرانی برای حضرت رقیه : عمه جان بَوین اِماره بَکِته چیکار تماشا دِنّه شهربه شهردیار به دیار مگه عمه جان اِما نِیمی سبط رسول اَمه خنه چه بَهییه خرابه کنار؟ عمه جان پس کو مِه باباجون مه دل بَیـّه وِنِه وِسّه خون خو بَدیمه من عمه شه جانِ بابا ره کَشه بَهیته وِه شه دُردُونه کیجا ره آرزو دارمه بابای کَشه خُو بُورم مه دل بَـیّه مه باباجونِ وسه پاره باباجون که اِنه از سفر سوغاتی ره بیاره مه ور عمه جان بَوین خرابه قَمِربموعه مژده هاده مِه بابا از سفربموعه عمه جان بَدی خدا کَسِ بی کَسونه نصف شو بابا مه وِسّه با سربموعه بابای دِهون پُرِ خون گمونم بابا ره بزونه مه دل خون دَره ازدستِ شامیِ وَچون هر روز غروب اِمونه با شه باباجون همه شه پِر ره مره سراغ دانه بابا تِه که دَنی بی بابا تِره هادم نشون من خَله بَدیمه آزار راه شومه دس گیرمه دیوار بـابـاجـون دیگه مِـره بَـوِر شَـرّ بَهيمه عمه جانِسّه دیگه وِسّه دردسربَهيمه مِره بَزونه بشكسّه مه كَش و پَلى شبيه تِه مار زهراى اَطهَر بَهیمه هم مه کَش بشکسّه و بال مره عمّه ها کن حلال #علی_اکبر_اسفندیار_مداح #محرم #نوحه_مازندرانی #مویه_مازندرانی #موری_مازندرانی #دلگویه_مازندرانی #حضرت_رقیه 🔰 به کانال اخبار #لفور بپيونديد 👇👇 @akhbarelafoor 👆 با ما همراه باشید

🔷 دلگویه مازندرانی برای حضرت رقیه : #سبک_شیر_علی_مردون عمه نداشته کیجا مهربون بِیّه مه جا مثلِ پَروانه مِه دور و ور دَیّه عَمّه الهی نَوینم شه عمه جانِ غَمّه شه درد و دِلّه به عَمّه گِتِمه هر شو وشنا وِنه کَشه ختمه مِن که خُوشیمه تازه عَمّه ناله زو جان برار به داد من بَرس برو اَمان ای دل وای اَمان ای دل وای اَمان ای دل وای اَمان ای دل وای اَی خوانی بُوری سفر مِره شه همرا بَـوِر خَلِه بَد دردیّه بابا درد یتیمی دیگه نَشو مِه جان بابای صمیمی چَنّه چِش داشتمه تِه راه نِمُویی روز بِیه شو دَر اِمو ماه نِمویی مره باباجان بَوِر که عَمّه چوخِرنه مه وسه سپر بُونه همیشه لِو خِرنه اَمان ای دل وای اَمان ای دل وای اَمان ای دل وای اَمان ای دل وای #علی_اکبر_اسفندیار_مداح #محرم #نوحه_مازندرانی #مویه_مازندرانی #موری_مازندرانی #دلگویه_مازندرانی #حضرت_رقیه 🔰 به کانال اخبار #لفور بپيونديد 👇👇 @akhbarelafoor 👆 با ما همراه باشید

🔷 دلگویه مازندرانی برای حضرت رقیه : لالا لالا مِه برار زا عمه قروون آخر بَیتمه تِه عزا عمه قروون لالا لالا مِــه دل خِشی هیچوقتی اینجور خُونَشی چند روزه که ته ناخِتی پِرِه سَرین سَـر باخِتی نَکنه کـه تِـه بَـمردی ازخوشحالی دِق هاکردی چِتی شِـه دل دارم غَمّه الهی نَهــیبُوم عَـمّه تـه که بی مِه دَم و نَفس اِسا دیگه راحت باخِس مه سینه اَی تیر بَـخرده مـه رقیه جـان بَـمرده بِرمِه ره با هِق هِق کردی سه سالگی دِق هاکردی ته این دنیا خِشی نَدی برار زا جان راحت بَعی آخ تِه خَله بَدی آزار راه که شی دَس گیتی دیوار مه یاد دَر نشونه تِه داغ مه چش پیش خِردی شلاق ته غم مه دِلّـه تَش بَـزو دشمن لُو ره تِه کَش بَزو مثل زهرا تِـه دِیم نیلی بَمیرم که خِردی سیلی ته جُرم و گناه چی بِیّـه؟ آخ ته جور مظلوم کی بِیّـه؟ تِه تَن و پِـه هَسّه کَـهو رقــیه بـابـا ره نَـــعو مردم پیش تحقیر بَعی سه ساله بی و پیر بَعی اَتـا غذا سِـر نَـخردی عاقبت وِشـنا بَـمردی رقیه جان دل نارمه من تِه تَـنِّه دَپـوشم کـفن تِه دَرد و بِـلا مِـه سینه بی خواخر بَـیّه سکینه ای همسفر خـدا حافظ خوارِ دِتّر خدا حافظ دَری شونی دل سَروشته ته غم«مداح»ره بَکوشته #علی_اکبر_اسفندیار_مداح #محرم #نوحه_مازندرانی #مویه_مازندرانی #موری_مازندرانی #دلگویه_مازندرانی #حضرت_رقیه 🔰 به کانال اخبار #لفور بپيونديد 👇👇 @akhbarelafoor 👆 با ما همراه باشید

🔷 دلگویه مازندرانی برای حضرت رقیه : الهـی مِــن بَمــرده بُـوم رقـیه تِــه بَمــردن ره نَـدیبـوم رقـیه رقـــیه من تـه کَهـو دِیـمِ قـرون بَمیرم ته دِتا چِش کاسه ی خون مِـره تَش بَـزویی بـا این بَمردن من بَمــردمه از تِـه چـو بَخِردن مِـه قشنگِ کُوتِـر چه پَر بَکِشی؟ مِـره چه نَوِردی اِساکه دَی شی تِـه سـر تـا پــا کهـو عمـه بَمیره شِــه بــابـا ره نَعـو عمـه بَمیـره حسینِ پیش مِـره شرمنده نَکِن از ایـن بـدتـر مِـره درمانده نَکِن من اَمانت داری خوار خوار نَکِنّه مـن مـادری جـای تِـه مـار نَکِنّه سه ساله زهرا،نصف شو بَمِردی مِــه دِلّـه تِـه تـا مـدینه بَـوِردی زهــرای مــدینه هـم شـو بَمِرده مِـه مـار مثل تِه چَک و لوبَخِرده تِه کِچکِ دَسّ ولِینـگ کَهوی قِرون تِه شب و روز بَخِـردی چـوی قرون بَمـیرم کـه تِـه هـر شُو وِشنا خِتـی اَنّــه بــابــا بــابــا گِتــی تــا خِـتی تِـه بَمردِن مِـه دلّه کـه بَـزو چـاک تِــره چِتـی بِهـلّم سینـه ی خـاک تِـــه دعـــا مستجـاب بَیّـه رقـیه مِــه دل تِسّــه کبـاب بَیّـه رقـیه رقـیه جان تِـه غـم مِـره بَکـوشته شــلاق بَهـییـه و مِـــره بَـروشته تِـه مِه شیرین زبـون کاروان بی جانِ برار زا مِه تَن ره تِه جان بی الهـی کـه تِـه جـا حاجت بَهیـرم دعــا هـاکِـن بِـرار زا مـن بَمیرم بِرار زاجان ته بی عمه ی غمخوار رقــیه جــان دیگـه خـدا نگـهدار اگـرچــه تِـه مصیبت هَسّه جانکاه تِه سـوز دل ره هِـدایی بـه«مداح» #علی_اکبر_اسفندیار_مداح #محرم #نوحه_مازندرانی #مویه_مازندرانی #موری_مازندرانی #دلگویه_مازندرانی #حضرت_رقیه 🔰 به کانال اخبار #لفور بپيونديد 👇👇 @akhbarelafoor 👆 با ما همراه باشید

🔷 نوحه مازندرانی برای امام حسین ع : آ بـرار مهـربون «۲» چه اِشنی آسمون خوندنی اِنّا الیه الراجعون «۲» تره به جان مه مار مـگه قـراره بـرار جدایی دَکِفه من و ته میون(۲) نکنه حکم خدایی بموعه بر ته ابلاغ الهـی بمـوعه ای حسین دلشوره دَکته مه جان نکنه وقت جدایی بموعه جدایی با ته مره نَیّـه گمون «۲»         خوندنی اِنّا اِلیه الراجعون(۲) ای حسین مِه جان مارِ یادگار ته چه اَمشو اَنّه هَسّی بی قرار تِه فـدا بَـوِّم تِـره چیـه حسین بُغض هاکردی بِرمه ره خِرنی برار نکنه فردا بُونی تِه غرق خون(۲)       خوندنی اِنّا اِلیه الراجعون(۲) الهـی کـه تِـه فـدا بَـوّم حسین تا بـه تِه غم مفتلا نَـوّم حسین مِـره یـاد نِنِـه تِه جا دور بَهیبوم پس چتی ته جا جدا بَوّم حسین داغ ته گیرنه برارجان مِه اَمون(۲)        خوندنی اِنّا اِلیه الراجعون(۲) از ازل همیشه مـن تـه یار بِیمه هم ته خواخربِیمه هم ته ماربِیمه اَتّـا روز اگـه تِـره نَدیبیـبوم از دلتنگـی تِـه بـی قـرار بِیمه نَدیمه برار تِـه واری مهربون«۲»        خوندنی اِنّا اِلیه الراجعون(۲) بعد مِـه پِـر و بِـرار و جان مـار دیگه مه دل تِه جا خِش بِیّه برار تِه که بُوری دیگه من میرمه حسین بی ته دیگه من ندارمه روزگار ای حسین هَسی ته مه نام و نشون          خوندنی اِنّا اِلیه الراجعون(۲) #علی_اکبراسفندیارمداح #محرم #نوحه_مازندرانی #مویه_مازندرانی #موری_مازندرانی #دلگویه_مازندرانی 🔰 به کانال اخبار #لفور بپيونديد 👇👇 @akhbarelafoor 👆 با ما همراه باشید

🔷 روضه امام حسین ع برای شب عاشورا : امشبی راخواهرم محض خدا آرام باش می شویم فردا دگر ازهم جدا آرام باش آخرین شب باشدامشب خواهرم که زنده ام بنگری بی سر توفردا شب مرا آرام باش جای مادراین سرم را بر روی دامن بگیر می شودفردا جدا چون از قفا آرام باش بعدازآنی که سرم راکرده اند از تن جدا می رسدازهر طرف سیل بلا آرام باش جدمارفت وپدر،مادر،برادرهم که رفت نوبت من شددگرای خواهرا آرام باش زینبم زخم فراوان می زنند بر پیکرم یابه خنجر یابه نیزه یاعصا آرام باش امشبی بادست خودشانه به مویم میزنی می شودفردا زخون رنگ حناآرام باش صبر بنما ومبادا خواهرم نفرین کنی چونکه بیند ماجراها را خدا آرام باش پیرهن کهنه که مادربافت راهم می برند یک بدن بی سرزمن ماندبجاآرام باش تورگ بُبریده میبوسی بجای صورتم گرچه ناله میزنی هی بی هوا آرام باش بچه های من کسی خاروبیابان راندید مانده اند گر زیر تازیانه ها آرام باش این عزیزانم همه بابایی اندخود شاهدی جان تو جان تمام بچه ها آرام باش تواگرگریه کنی این بچه هادق می کنند پس بجان مادرم زهرا بیا آرام باش درنماز شب فراموشم نکن ای زینبم توفقط درحق من بنما دعا آرام باش سینه هاازروضه«مداح»ماآتش گرفت دختر زهرا به پای روضه ها آرام باش #علی_اکبر_اسفندیار_مداح #محرم #نوحه_مازندرانی #مویه_مازندرانی #موری_مازندرانی #دلگویه_مازندرانی 🔰 به کانال اخبار #لفور بپيونديد 👇👇 @akhbarelafoor 👆 با ما همراه باشید