‍#الهی_آسمون_وارش_بواره #حضرت_علی_اصغر_دلگویه_مازنی 🌹🏴🌹🏴🌹🏴🌹🏴 الهی آسمون وارش بِواره الهی اَبر چِش اُو تِسّه داره پسرجان من غریب وته غریب تر او ندارمه ته تکه هاکنم تر پسرجان تِه تک وچش چه کهوعه بَمیرم که از نَخِردِنِ اُوعه خوانی برمه هاکنی جون ندارنی خوانی اُو بَهُووی زبون ندارنی دَری از تِشنایی از پا کَفنی بمیرم که شه انگشتِ چَفنی ته چِش ته کاسۀ سر فرو بورده تِه تَن اَتا روزه چَنّه اُو بُورده تِره که اِشمه شرمنده بُومه از خجالتی میرمه زِنّـه بومه من و تِه کارچی بُونه جانِ پسر؟ مه چِشِ پَلی دَری زَنّی پَرپَر تِه تِکِ دور که بازو بَسّه بُونه وَچه جان وَسّـه ته تن خَسّه بُونه تِه تنِ دَره مثل کوره  وِشِنِه جان پسر تِره این تَب کِشِنِه تِه زبون و تِه تِک مثل چو بَیّـه تِه عمو از خجالتی اُو بَیّـه خبر بمو عمو جُونّه بَزونه عمو جُونِ مهربونّه بزونه اون دَسّی که توسّه اَو اِیارده جدا بَیّـه مِه دِلّـه تو بیارده تِه بال بال زَنّـی ومن اُو ندارمه چتی هارِشِم تِره که رو ندارمه پسرجان من تِه کِچکِ دَسِّ قِروون چِتی جمع بَیّـه تِه ناخونِ لا خون تِه بِمُویی مِره یاری هاکِنی بَدی غریبمه کاری هاکِنی تِه تازه دَری دَندون دَر اِیارنی شیش ماهه بَعی زبون دَر اِیارنی مِره که اِشنی مه جانِّه گیرنی تِره اُو هم هادِن دیگه تِه میرنی پسرجان ناله نَکن ناله وَسّـه ته زبون مثل یک خِشک چوهَسّه بمیرم مَگه تِه چَنّـه اُو خوانی اَتا دَسِّ دِلـه اُو تره وَسّـه خدا دونّه چه حالی دارنه تِه مار نواجش دِنه بِرمه کِنّـه زار زار خالی گَهره ره کَشه زَنّـه گِنـه حسین اَصغر ره اُو هدایی بیار تِه غم و غصه«مداح»ره بَکوشته تِوسّـه شِه سَرو دِلّـه بَروشته. 🌹🏴🌹🏴🌹🏴🌹🏴 شعر:علی اکبراسفندیار«مداح» 🔰 به کانال اخبار #لفور بپيونديد 👇👇 @akhbarelafoor 👆 با ما همراه باشید

#الهی_آسمون_خراب_بهیبو #حضرت_علی_اصغر_دلگویه_مازنی 🌹🏴🌹🏴🌹🏴🌹🏴 الهی آسمون خراب بَهیبو تیرسه شعبه تِه جواب نَهیبو الهی من بَمیرم وِه چی بِیّه؟ تِره اینجوربَزوعه وِه کی بِیّه؟ من از خجالتی که اُو بَهیمه از تِه شرمندگی کَعُو بَهیمه چه تیری بَخِردی سرجدا بَیّه مِه ناله خدا خدا خدا بَیّـه بَمیرم مِه کَشِه دَسّ و پا زَنّی تِره نِشتِه که شِه چِشّه دَوِنّی الهی بِشکیه دَسِّ تیر انداز اِتی بَزو تِه چِش بَمونِسّه باز تِه گَلی ره چِتی هاکرده پاره تِه شرمنده بَهیمه تِه بِلاره وِه چه تیری بِیه تِره بَخرده ته این گوش تابه اون گوشِ بَورده تِه سربَیّه آویزون من بَمیرم تِه اِسپِه دِیمِ پِرخون من بَمیرم تِه گَلی مِتلاشی من تِه قروون ته قِنداقه خون آشی من تِه قروون گمون نکردمه مه جان اصغر تِـره بَـزنن و بَـزنی پَـرپَـر گمون نکردمه تَشنا دَگردی اَتا لشکر پیش وِشنا دَگـردی مِه طفل بی زبون من تِه فدامه وَچه عجب تِره من اُو هدامه چتی خیمه بُورم ته مار نَوینه مره اینجوری گرفتار نَوینه پسرشرمندگی خَله بَد هَسّه خدا دونّه که مه دَسِّ دَوسّه حرمله بَیته مِه دِلّه نشونه بَمیرم تِه جان سر آویزونه پسرجان بَوین«مداح»باچه زاری تِوسّه شعر بَعُوته بِرمه واری 🌹🏴🌹🏴🌹🏴🌹🏴 #علی_اکبر_اسفندیار_مداح 🔰 به کانال اخبار #لفور بپيونديد 👇👇 @akhbarelafoor 👆 با ما همراه باشید

‍#لالا_لالا_لالا_لالا_لالایی #حضرت_علی_اصغر_دلگویه_مازنی 🌹🏴🌹🏴🌹🏴🌹🏴 لالا  لالا  لالا  لالا  لالایی پسر دره اِنه بوی جدایی تِه ماهیِ واری دس وپا زَنّی تره او هم هادن دیگه نَمُونّی الهی بَمِردبوم نَهیبُوم مار چه اینجوری مره اِشِنی زار زار پسرجان بُغض نکن مره کشنی دَرمه میرمه مره زار زار اِشنی جان پسر ته پیش من رو ندارمه بجان تـه قسم من او ندارمه خدا دونه که نا شیر دارمه نا او نِشتنه تسه او بیاره عمو نا زبون دارنی حرف بزنی مه جا نا از تشنایی در اِنِه ته صدا پسرجان بَدیمه ته اِلتماسّـه تِه زبون تِه دِهون دیم دماسّه تِه کَعُو تِکِ دور که پاره بَیّه تِه که نَدونّی مار بیچاره بَیّه خشک سینه ره چنگ نزن ته فدا چنه خون بموعه ته ناخونِ لا کی بَدیّه تِشنا وَچه باخسه شیر نَخرده وِشنا وَچه باخسه از تشنایی ته دس ولینگ چو بَیّه تِـوسّه آرزو دیـگه خُـو بَیّـه تِه مظلومی ره«مداح»جار بَزوعه تِـه زار ره بَـدیـه و زار بَـزوعـه 🌹🏴🌹🏴🌹🏴🌹🏴 #علی_اکبر_اسفندیار_مداح 🔰 به کانال اخبار #لفور بپيونديد 👇👇 @akhbarelafoor 👆 با ما همراه باشید

#حضرت_علی_اصغر_دلگویه_مازنی #سبک_شیر_علی_مردون 🥀😭🥀😭🥀😭🥀😭🥀 مـه پسر جان چـه نازه وه شش ماهه سربازه مـه جان در بوره هنوز وِنــه دِتــا چِـش بــازه مگه وَچه ره تیر جا گیرنّه از شیر؟ انگار وِنه گَلی ره بَزونه با شمشیر کوفی چَنّه بی رحم و بی وفانه مِه وَچه چَنّه او خواسّه ندانه؟ الهی بَمیرم وِنه تن چاکِ چاکه بجای مِه کَشه وِنه جا زیر خاکه اَمان ای دل وای اَمان ای دل وای اَمان ای دل وای اَمان ای دل وای 🥀😭🥀😭🥀😭🥀😭🥀 لالا لالا مـه پسـر لالا لالا مـه جیگر چَنّه زود پَر بَکِشی مـه آسمـون کوتِر تِر که بَکوشتنه اصغرجان به زاری بمیرم تازه خواسّی دندون در بیاری مه جان در بَوره تِه سر آویزونه چِتی دل داشتنه تِره بَـزونه؟ بَوتِمه میدونِ جا بعی خَسّه هَسّی گهره ره آماده هاکِنّه تِه باخِسی اَمان ای دل وای اَمان ای دل وای اَمان ای دل وای اَمان ای دل وای 🥀😭🥀😭🥀😭🥀😭🥀 #علی_اکبر_اسفندیار_مداح 🔰 به کانال اخبار #لفور بپيونديد 👇👇 @akhbarelafoor 👆 با ما همراه باشید

#حضرت_علی_اصغر_دلگویه_مازنی #سبک_شیر_علی_مردون 🥀😭🥀😭🥀😭🥀😭🥀 مـه پسر جان چـه نازه وه شش ماهه سربازه مـه جان در بوره هنوز وِنــه دِتــا چِـش بــازه مگه وَچه ره تیر جا گیرنّه از شیر؟ انگار وِنه گَلی ره بَزونه با شمشیر کوفی چَنّه بی رحم و بی وفانه مِه وَچه چَنّه او خواسّه ندانه؟ الهی بَمیرم وِنه تن چاکِ چاکه بجای مِه کَشه وِنه جا زیر خاکه اَمان ای دل وای اَمان ای دل وای اَمان ای دل وای اَمان ای دل وای 🥀😭🥀😭🥀😭🥀😭🥀 لالا لالا مـه پسـر لالا لالا مـه جیگر چَنّه زود پَر بَکِشی مـه آسمـون کوتِر تِر که بَکوشتنه اصغرجان به زاری بمیرم تازه خواسّی دندون در بیاری مه جان در بَوره تِه سر آویزونه چِتی دل داشتنه تِره بَـزونه؟ بَوتِمه میدونِ جا بعی خَسّه هَسّی گهره ره آماده هاکِنّه تِه باخِسی اَمان ای دل وای اَمان ای دل وای اَمان ای دل وای اَمان ای دل وای 🥀😭🥀😭🥀😭🥀😭🥀 #علی_اکبر_اسفندیار_مداح 🔰 به کانال اخبار #لفور بپيونديد 👇👇 @akhbarelafoor 👆 با ما همراه باشید

#لالا_لالا_لالا_لالا_لالایی #حضرت_علی_اصغر_دلگویه_مازنی 🥀😭🥀😭🥀😭🥀😭 لالا لالا لالا لالا لالایی الهی بشکیه دس جدایی لالا باخس مه کچکِ وَره بَمیرم خاک بِن بَیّه ته گهره ته تازه دَیی دندون در اِیاردی مه شیرین زبون، زبون در اِیاردی تِه شیر نَخِرده تَن رمق ندارنه کتاب عمر تـه ورق ندارنه وچه ره با عسل گیرنّـه از شیر تِه ره حرمله از شیر بَهیته با تیر ته سر تا تیر جا جدا بَهییه مه ناله یا خدا خدا بَهییه ته سر ره تا که تیغ تیر بَچیّـه حسین خَله خجالت بَکشیّـه بَهووم بی عدد باب الحوائج علی اصغر مدد باب الحوائج تِه سر ره تا سه شعبه تیر بَورده تِه غم «مداح» دلّـه خون دکرده 🥀😭🥀😭🥀😭🥀😭 #علی_اکبر_اسفندیار_مداح 🔰 به کانال اخبار #لفور بپيونديد 👇👇 @akhbarelafoor 👆 با ما همراه باشید

#لالا_لالا_باخس_ته_قروون #حضرت_علی_اصغر_دلگویه_مازنی 🥀😭🥀😭🥀😭🥀😭🥀 لالا لالا باخس پسر ته قروون لالا لالا علی اصغر ته قروون ته جا شرمنده بَیمه رو ندارمه ته تشنا هسّی و من او ندارمه گره ره تو دمه چه شو نشونه از تشنایی ته چش که خو نشونه گره ره تو دِمه مه دل سروشته ته زار زار هارشین مره بکوشته سینه ره چنگ نزن من شیر ندارمه خدا دونّه که من تقصیر ندارمه شه چش ره واز هاکن ته دور بگردم مه وسّه ناز هاکن ته دور بگردم ته مهربون عموجان بَـیّه خَسّـه دیگه بَوریـنه ونه دتا دسّـه عمو که دس ندارنه او بیاره خدا هاکنه آسمون بواره 🥀😭🥀😭🥀😭🥀😭🥀 #علی_اکبر_اسفندیار_مداح 🔰 به کانال اخبار #لفور بپيونديد 👇👇 @akhbarelafoor 👆 با ما همراه باشید

#لالا_لالا_گمه_چه_خو_نشونی #حضرت_علی_اصغر_دلگویه_مازنی 🥀😭🥀😭🥀😭🥀😭🥀 لالا لالا گمه چه خو نشونی؟ کم کم دری ته از رنگ و روشونی مثل ماهی دَری دس وپا زَنّی تره او هم هادن دیگه نَمُونّی الهی بَمِردبوم نَهیبُوم تِـه مار چه اینجوری مره اِشِنی زار زار پسرجان بُغض نکن مره کشنی دَرمه میرمه مره زار زار اِشنی جان پسر ته پیش من رو ندارمه به جان ته قسم که او ندارمه خدا دونه که نا شیر دارمه نا او نِشتنه تسه او بیاره عمو زبون ندارنی حرف بزنی مه جا از تشنایی که در نِنِه ته صدا پسرجان بَدیمه ته اِلتماسّـه تِه زبون تِه دِهون دیم دماسّه تِه کَعُو تِکِ دور که پاره بَیّه تِه که نَدونّی مار بیچاره بَیّه خشک سینه ره چنگ نزن ته فدا چنه خون جمع بیه ته ناخونِ لا کی بَدیّه تِشنا وَچه باخسه شیر نَخرده وِشنا وَچه باخسه از تشنایی ته دس ولینگ چو بَیّه تِـوسّه آرزو دیـگه خُـو بَیّـه تِه مظلومی ره«مداح»جار بَزوعه تِـه زار ره بَـدیـه و زار بَـزوعـه 🥀😭🥀😭🥀😭🥀😭🥀 #علی_اکبر_اسفندیار_مداح 🔰 به کانال اخبار #لفور بپيونديد 👇👇 @akhbarelafoor 👆 با ما همراه باشید

#لالا_لالا_باخس_پسر_ته_قرون #حضرت_علی_اصغر_دلگویه_مازنی 🥀😭🥀😭🥀😭🥀😭🥀 لالا لالا باخس پسر ته قرون لالا لالا علی اصغر ته قرون ته جا شرمنده بَیمه رو ندارمه تِه تشنا هَسّی ومن اُو ندارمه گهره ره تُو دِمه چه شو نَشونه از تِشنایی تِه چِش چه خو نَشونه اَنّـه بال بال نزن من شیر ندارمه خدا دونّه که من تقصیر ندارمه شه چش ره واز هاکِن ته دوربگردم مه وِسّه ناز هاکن ته دور بَگِردم ته مهربون عموجان بَیّـه خَسّـه دیگه بَورینه وِنه دِتا دَسّـه عمو که دَس ندارنه اُو بیاره خدا هاکِنِه آسمون بِواره لالا لالا لالا لالا لالایی الهی بِشکیّـه دَسِ جدایی ته تازه خواسّی دندون دربیاری مه شیرین زبون، زبون دربیاری ته تن تَش وِشنه عرق ندارنی بمیرم که دیگه رمق ندارنی 🥀😭🥀😭🥀😭🥀😭🥀 #علی_اکبر_اسفندیار_مداح 🔰 به کانال اخبار #لفور بپيونديد 👇👇 @akhbarelafoor 👆 با ما همراه باشید

#انه_نزن_پسر_بال_بال #حضرت_علی_اصغر_دلگویه_مازنی 🥀😭🥀😭🥀😭🥀😭🥀 اَنّـه نزن پسر بال بال   مامان گِره دیگه دَگرسّه مِه اِقبال  //    // الهی که بَمِـردبـوم تا تِه زاری ره نَدیبوم تِه پَلی من رو ندارمه او خوانی من او ندارمه خدای جا کِمّه خواهش الهی بِـواره وارش ناله نزن بعی خَسّه اَتـا تِپ اُو تِره وَسّه جای نفس کَشنی آه بَسوزنّی دلِ «مداح» 🥀😭🥀😭🥀😭🥀😭🥀 #علی_اکبر_اسفندیار_مداح 🔰 به کانال اخبار #لفور بپيونديد 👇👇 @akhbarelafoor 👆 با ما همراه باشید

#حضرت_علی_اصغر_دلگویه_مازنی شیرخوارگان حسینی مصلای ساری #بانوای_کربلایی_سیدایمان_حسینی شعر: علی اکبراسفندیار_فیروزکوه #محرم #نوحه_مازندرانی #مویه_مازندرانی #موری_مازندرانی #دلگویه_مازندرانی #حضرت_علی‌اصغر 🔰 به کانال اخبار #لفور بپيونديد 👇👇 @akhbarelafoor 👆 با ما همراه باشید