✳️ شعر بسیار زیبای محلی سوادکوهی از جناب نادری به زبان شیرین محلی #شعر_محلی_مازندرانی #شعر_تبری ⭐️ کانال اخبار لفور 👇👇 Https://eitaa.com/akhbarelafoor

✳️ شعرخوانی به زبان محلی مازندرانی از مهسا خانم تیزبخش #شعر_محلی_مازندرانی #شعر_تبری ⭐️ کانال اخبار لفور 👇👇 Https://eitaa.com/akhbarelafoor

✳️ شعر محلی مازندرانی با صدای استاد حسن پور در انجمن سوادکوهی های مقیم تهران #شعر_محلی_مازندرانی #شعر_تبری ⭐️ کانال اخبار لفور 👇👇 Https://eitaa.com/akhbarelafoor

✳️ اجرای شعر محلی مازندرانی توسط دو نوجوان مازندرانی در شب شعر موسیقی مازندران #شعر_محلی_مازندرانی #شعر_تبری ⭐️ کانال اخبار لفور 👇👇👇 Https://eitaa.com/akhbarelafoor

✳️ اشعار محلی مازندرانی: تِلا وَنْگ بَزو ، فِرو بُورْده شُو ، مِه یار نِمو دِل پِره دَرده ، نُور ره بَوِرْده ، مِه چِشمه سُو بَس که هارِشیمه دِرازه راه ره بَس که وَنْگ هِدامه جانه خدا ره کِه ره بَووهِم شه حال وزاره خدایا بَرِسِن مه جانه یار ره دِل بَیّه لِر، درد بَیتِه سَر دِلداره سه دِل زَنّه پَر هاکِرده غم مه دِل ره پِر شه جانه جا بَهیمه سِر خدا مه یار دَره کِجه هاکِرده چه وِه اَنْده دِر شیشِک بَیّه گوم  شو بَیّه تِموم وا بَیّه روز ،آفتاب بَزو سَر ، روجا بَیْته پَر ، دِل دارْنه سو مثال چِلچِلا دِل زَنّه پَرپَر ، خوانه پَر بَکِشه یاره خانه سَر وِه هَسّه مه دله قِرار خستگی دَر شونه مه تَنْجه وِلّا وقتی که یار گِنه خدا قوت یار ، خدا وِره مِوِسّه دار اِنا اِنا مه جانه یار، که اِسّائه مه انتظار بِرو بِرو هِنیش مه وَر ، که بَیْره تا مه دل قِرار رَفت و روش وَسّه ، اَی وُونی خَسّه ، مه وَر هِنیش غُصّه نِدارْمه تا تِه ره دارْمه شه چِشه پیش ته مه چِشه سو و دله قِراری مه ره پیر هاکِرْده چشم انتظاری دِرازه شو نَشومْبه خو چَنْده پِرمِهری و شیرین زِبونی به قربون ته  و ته مهربونی ته نَوی مه چِش نِدارْنه سو ته هَسّی مه دله قِرار ، مِنو بِهار مه جانه یار بِرو که دم غنیمِته ، فَلِک نِدارْنه اعتبار #شعر_محلی_مازندرانی #شعر_تبری ⭐️ کانال اخبار لفور 👇👇👇 Https://eitaa.com/akhbarelafoor

✳️ اشعار محلی مازندرانی: 🔵 شعر مرغنه جنگی عمو نوروز برو مرغنه جنگی         بزن بشکن درو و دل ده رنگی ات کل دت کل سه تا چارتا نووشه پایین تا بالا مله رسوا بووشه سیوئی اسبه دیمه رو نیئنه تیلاشی دل خنه ره سو نیئنه بزن بشکن رنگی هاکرده کله نشون هاده وه رسماسیه دل ره بشکسه مرغنه هاکرده خنه نکرده استخاره بوی مارمه اته بیار ونوشه بک و بو ره روشن هاکن خنه بی سک و سو ره بشن او کنای سر مشت هاووشه روشنگ چرخ هاییره وشت هاووشه همیشگ پنجره ور خو بووشه نو سال توم بووئه تا شو بووشه بزن بشکن بخون کنا به کنا بخون خار خار بخون دل دل بوو وا ((باد بهارون بیئمو نوروز سلطون بیئمو مژده دهید دوستون گل در گلستون بیئمو مشت عموی با خدا ایشالا بوری کربلا باد بهارون بیئمو نوروز سلطون بیئمو))  ته کیسکاگ مشته مشته عمو نوروز خداوری ته ور شوئه یا گه روز جمع هاکن بشکنی کل و سیو دل دوش هاییر پید ساله هچی سرچل #شعر_محلی_مازندرانی #شعر_تبری ⭐️ به کانال اخبار لفور بپیوندید 👇👇👇 https://eitaa.com/akhbarelafoor 🌹🌹🌹🌹🌹🌹🌹

✳️ اشعار محلی مازندرانی: 🔵 شعر مه مازندرون تره ویمبه مه چش هی کنده اسلی ناخش تن دارنی و جـان من هسی تـه مــه مـازنـدرونی مه چش سو کی بکـــوشته تــره دل هسه سیو ته صــحرای همنـــدی بـــلاره دماونده بلندی ی بـــلاره همــن سبزه قـــوا ره کی بروته کهــــو سنگه طــلا ره کی بروته خونش دم للــــواره من بنــازم تــه اون قد و بــالا ره من بنازم تــه دریـــوی صدا کلاک اوره ته صـــحرا ته هوای بک و بوره ته جنگل و صفـــا ره کی بروشته ته لمپا نیمچه سوره کی دکـوشته تــره ویمبه، نویمبه نـالـــه دارمه بمــوئن تـه پلی ره بـــانه دارمه زمسون ورف و سرمـا ره چی بیه زلال اوی  بچـــــاره چــی بیه خیابــون گو و گوگزاره چی بیه چپون و گسفن همــراره چی بیه خنه چــاچ و وه گالـه سر نویمبه کاکل زرده کــلاره سر نــویمبه هنــه لو اسبه کوکو ره نــویمبه خیابون ونگــه منگــوره نویمبه دشونـه کـــره دوره آرزومــه ایـوونــه گره تـوره آرزومــه مسلمونـون مسلمونـی چـی بیه شو نشینی امیر خونی چـی بیه اگـه رسم وطـن داری وه هسه برو مازنـــدرون اینجه ته هسه ته اون زلف طلاره من بگردم شونه بزه کــــلاره من بگردم کر و بینج و کوفاره من بگردم جینگا سر هی و هاره من بگردم اودنگه سر شه اوره چاره کردن خشک هیته لب دباره تازه کردن کتولــی و نجمــاره سر هدامه امیری ، طــالبا ره سر هـــدامه تیل و تیل دکتی ره ونگ هدامه دل اشکستنی ره سنگ هـدامـه کوتره بهــارماره پـر هــدانــه لچــری دود و آره ور هـدانـه ته مسه چش همیشه خــو نشونه تـه گـد روخنه چـــه او نشونه تـه دریـا و بیابــــون برمه کنه غم و قصه خـــله دل پاره کنه تــه خسه لینگه  ویمه  لنگ بهیه جنگل تــور تـــاشه ونگ بهیه ته سنگین بـــلاره دوش کشمه حرف اینتا اونتاره گوش کشمه ته اون خشک هیته جاره سبزه کمه تـه اون گل نیه جـاره خنه کمه تـه لتکـــای دلــــه دار کشمه تـه سامونــــه صناور دار کشمه دعـا لب من خــداره ونگ وامه تیم دکــاشته بنه ره چش به رامه #شعر_محلی_مازندرانی #شعر_تبری ⭐️ به کانال اخبار لفور بپیوندید👇👇👇 https://eitaa.com/akhbarelafoor 🌹🌹🌹🌹🌹🌹🌹

✳️ اشعار محلی مازندرانی : ⭐️ آرشی دیگر                                           هوا لم بیته دشمن دم زمین ره وارش نم نم نه بویی از زلنگ اینه نه ونگی از کل کوهی نه نغوم پیت کله و زوزه ی ورگ و بهو کر شال پیغومه روزگار غرصه و درد پسه حال و هوای دین مرد و زن عاشق هوای عاشقی سرد و این غدار دشمن خله نامرد   صدایی در نه نه نا از گلی و سینه ی آدم گمون کندی پلنگ ویشه ره دیگر دنیه دم میون داری دنیه تا کهر ره بوره جینگا ونه شیهه دپیجه تادل صحرا، میون کیمه در آیش بوره  تا جنگل افرا همون افرا که هج و راست وه کوه دماوند دنه لا لا - کمین افراسیاب اینجه کمین دره بفکر بیتن  این سر زمین دره کمین تهمینه ره با شه بلشت چش  دوسه چش مگر این خاک رستم خیز بی رستم بموندسه؟ که انتی از هدار هاکردن این ملک دشمن ره بموئه خش   درفش کاوه ره کی  خوانه  دس بیره؟ شه  دشمن نفس بیره وجب به وجب این خاک که با خون سیاوش ها عجین هسته و شاباش هزاران مرد در این سرزمین هسته ونه با غیرت هر مرد ایرانی بوئه  آباد خله بده ور هدائن شه غیرت ره پر هدائن پلنگ لاش سر ورگ بتتن؟! نکمبه باور ، ونه مرد خطر بویم اتا مازندرونی مرد اتا آزاده ی شبگرد اتا سرباز اهل درد کسی که بزنه شه دل ره به دریا نداره ترس ونه چرخه توجه دشمن بهیره غم اگر چه ونه نوم  افراسیاب و هر که نامرده پرس سه با کمانی که ونه په غیرت ایران و ایرانی بکشه  پر ، بوره تا اون سر دنیا- آمو دریا ازون جه بوره بالاتر ، هنتا تا منزل عنقا خله اونور ترک -اونجه که آسمون لمبرهسته نا پیدا دشمن شام آخر بوه دگرده امه چنبلی کوتر بوه  بگرده برامنده - زمستونه سیو ابر تتاری ره  روز و شوی نخاری ره چه ونه سینه سو-هر کس    شه نعش بوره از این خنه بیرون بوینه این ، تیلنده شو دره  دار و بنه ره کشنه داهون صدا اینه صوایی، که دار طلای ونگ کشنه اسپه چادر ره میون ایش و جنگل   - دره رزه ره وا هاکن! زمین نموندنه بی مرد بی  کلوکی و خوندش  بی بته تن چشمه ، بی شوکا ی مست  کوه که تاش آریو برزن در این ملک ولی امروز که دشمن شه بلشت چش ره دوسه به امه  چش زنده جینگا- خوانه تا امه خواری  جه بهووه خش ونه  تن تن سو- در کرک ره بیارم پائین بختن ؛  یا شه خد کت په بیتن- ور هدائن ،بتر سین؛ خدا دونده ،که انتی تیم تال  این ملک میونه نبونه سوز درفش کاوه ره بروکه دس بیریم هرس سیم  سینه به سینه ی دماوند  شه دشمن نفس بیریم بدونه دشمن خونی که  هنتا یک نفر اسا اتا مرد خطر اسا همون تایی که با تیری کلوم و دودمان هر چه نا مرد بزوئه تش هر چی دشمن دل گر صدا اینه هوا لم بیته دشمن دم نغوم پیت کله و زوزه ی ورگ و بهو کر شال                چه نه نه کم!  کل کوهی دشونه کوه اتا چش ونه پیش و – صد تا چش دنبال                         چکل ره سینه سو کنده سر کوه ورف او کنده بچاه بچاه ره بو کنده   شونه تا غله ی دب بند اسپه دب ره دونده بند هنیشه با  خدایی که دره سر کوه و جر کوه - لشکر ورگ وبهو کر شال هنتا  دارو بنه ره کشنه داهون گمون کنده امه دراز شو دیگر نوونه توم صدا اینه خدایی، از بلند کوی جا اینه دی بیته خنه ره ونه بیارم سو کوتر چمبلی ره بال و پر هادم  امسه چلچلا بوه ونه خوندش ،امه درد  دوا بوه کمین دشمن امه خاک کمین دره بفکر بیتن  این سر زمین دره کل کوهی دماوند سرین اسا به عشق آرش این سرزمین اسا بورین بوین عمو نوروز دواره داستانی ره بهیره سر به نوم آرشی دیگر       به نوم آرشی دیگر  #شعر_محلی_مازندرانی #شعر_تبری #آرشی_دیگر ⭐️ به کانال اخبار لفور بپیوندید 👇👇👇 https://eitaa.com/akhbarelafoor 🌹🌹🌹🌹🌹🌹🌹

✳️ اشعار محلی مازندرانی: ⭐️ بهاریه : یادش بخیر اون قدیما یره به کینکه  ، خرما جرینگ جرینگ –چه گل بهار نازنین چش درکا ،چلیک مار گوپان و پشتی.. چدومبه صد تا هنر داشتنه وچون اتا اشکم داشتنه پلا و بلا وشون سه بیه یکسون کنس و ولیک، وشونسه بیه عسل ماز واری شیرین - بدونه چاشت و نهار سر بینه ،صویی تا  نماشون- اینهمه ناز و ادا نداشتنه   زمستون- اسب میک ره هر کی داشته اتا لتکاره تله جه کرده اورک واش خواره تیکا ره خوندسه که برو  اسپه چینک – سیو تیکا - هنوالی تله ی ور کشیه دوک "هنو الی  هنوالی  دودوک بکش همین راسته  همین راسته اجیک دره خله مسته  تره وسته" زندگی تله ی ور ، وروشه ی په - مثل اوی واری - کلاک زوئه شی یه زمستون گته وارش, گته وا, وقتی که دار ره زوئه کشه صوایی اغوزدار بن - پر بیه - وچه و کچه هر کسی اتا خله اغوز ره گیته کرده  تریک تا نماشته کشته کا بیه ونه کار نه هول بز داشته  نه بز کله و  یار زمستون اسپه اسب - سک و صغیر بینه سوار وره پیش کردنه تا گذر بهار هلی تی تی که ایمو بهار سلوم هول و تکون بیه گت گتای ارمون بوردن شهر- لکلا بیتنه وچون نو کلوش-  شبره دوندی نقل و نبات - برای سفره ی عیدی دنگ سر بوردن وچال بنی هاکردن اغوز نون – پیسه گنده – اتا بنه سیر و سنجه- ونه په - سرکه و سکه همه به یک کنار- گرد دیه ی سره - حسینی خنه ی قران- که دیه منبر بالا که بیه برکت خنه – فکر مادرمه  که وسه - به نوم اتا نفر از کته تا گت هر کی هسته ونه نوم - خوار بوئه- وقت استخاره  همه ی اینها به کنار گت مار مشهدی فضه که همش داد زوئه گته انتی وقت –صد تا چش و دس داری کمه بد غلطه بهو وم  - امه دل  دل ره خنه ریه بتیم ره نکنه- یک سال نشستی بمونده     سال نو بوئه دل گر - وچون اما..عیدی سفره ره وشون دوش دوندی گنه کمه زنجپیلی نون نشنه- به درک!  هر کی اینه-  گنه که  شاخ دار کرک مرغنه خوامبه شمه جه- مرغنه  جنگی وسه خله خواره --- سیو حلواره ونه جا بدائن  - وچه نوینه عیدی که اینه ننا  - لیز دینه اسپه گل جه  کوهنه خنه ره  - خنه بونه هنتا عاروس  چند خشه ونه دله دوه عاروس مرغنه جنگی و عیدی – ونه په جینگای وچون این سر تا اون سر خنه – دیه مهمون دوست و دشمن بینه یک سون- همه با هم کدورت و ناخشی ره کردنه گوم هلی – تی تی جه شه سر ره کشیه لا دیاری عاروس ره موندسه – که خوانه یک نفر وره تعارف هاکنه بوه بفرما شه وسه ناز هاکنه  - کلک سری هادین تا بی ام سور دار ململ تن- هرس سایی ویشه ره په نه افرای گوشه واره مرواریه -  چش خوانه که وره بوینه این همه مهر و محبت همه از لطف خدا – مهر  بهاره ککی سر نا زنده  تی تی کا ک  - نقاره نوروز خون شه وسه حال و هوای دیگه دارنه این سره اون سره سر دینه صدا ره - گنه که : مشتی عموی با خدا – شمه سر پیش ره دواره زمبه پا خدا شماره سلامتی هاده – هر چی ته دل خوانه و گتی هاده ته پسر رخت دامادی دپوشه –شمه کل تلار ره گل بن هاکنه شمه مله پر بوئه از سک و سو—شمه لتکا  پربوئه از بک و بو  حا جی  فیروزه با اون ناز و ادا- دایره زنگی ره هی یارده صدا– گته که مه رو سیاه هسته بدون – خشی هر درد دوا هسته بدون سال نو شمه تن قوا بوئه  روز خش حال و روز شما بوئه مال جدی  ایموئه  با شه الم – آقا جل ره وندسه وچون دس چشمه ی او ونوشه ره – په گیته لب و لوچه جه خشالی ره گیته چشمه ی او – خشالی –عیدی گردش- سفره ی هفت سین قرانی –اسکناس پنج زاری - نو لکلا – در کنار اینهمه لطف خدا – شماره مبارکا #شعر_محلی_مازندرانی #شعر_تبری ⭐️ به کانال اخبار لفور بپیوندید 👇👇👇 https://eitaa.com/akhbarelafoor 🌹🌹🌹🌹🌹🌹🌹

✳️ اشعار محلی مازندرانی : اون قدیما کله په وچونا سک و صغیر کشه زونه تچکل و انگشت کلو ره ناله بن ورف دیه تا ساخ کرچه مار جاج کرده شیه چیندکا ره گیته شه ور زرده سگ کت کته په لب بیه تن تن کرده لوحه وا اغوزه داره دیمره گته شیش واری روشته پا بزا وقتی که خواسته بوره بریم ونه په اتا نفر هم بیه راهی نکنه آل بیه تازه چل مار بوه بی وقتی وره بیره بوره اونجه که ندومبه کجوئه اینجه و اونجه و یا هر کجه بیبو زک و زا بمپری کاک کردنه شینه خنه ره اشتنه شه سر کاتی ور بامبلوی رزه اگه دیگه نیبو کترازن مثل اجل معلق بیه حاضر گت ببا چش قلی کرده که یعنی جق بکنین کترا زن صدا زمبه شمه سر بوسنده زکا زا وقتی که کاتی ره اشانه بامبلوی رزه ره تا که دینه وا شه خدر وردنه گت گتا ی په گت ببا تله قلیون ره گیته دس کچکه قلیون تکنه ره کشیه هورت  ونه کف وقتی بیه کوک صدا ره سردائه خوندسته امیری کتولی نجما و رعنا زکه زای دین و ایمون بیه کاتی زائو پتج همیشه تجسته ال وشونه پتج همیشه کاتی ور اتا رمه کله وسن دییه بیرون وچه گیر ونگه زن دراز قوا شوکه قبرستون میون نصیبه ورگ و سگ شال نییبو هاکرد بو هدار مرده لینگ زنده ره گیته همیشه شو زمونی که ایمو افتاب ره ورده اون وره سی تاریکی بزه واری دشت چرسته ما دکته شو اگر بیبو که هیچی وای ازون زمون که آسمون ماه بیبو نا پیدا همه جا جن دییه هر جمنده ورد زبون بیه بسم الله شو بیه  شو په ی سه تراکنش، تیلنده چایی و نخاری غرصه ی بتتن و بی کس و کاری هول تکون سک و صغیر سره برمه باره ی وچه که دره گهر ه اون زمونی که طلا بی وقتی خوندش ره گیته سر کله یه دی خنه ره کرده قلیه سرخه دیم زکه زائون میس میس اندا ،تچکل ور اسوک اسوک خو کلین واری لا زوئه وشون ره گت خی ملک ورا کرده و شیه اون وره سی سگ شال یاردنه نغوم ورگ زوزه ایش کشیه داهون اتا مردی که ونه نوم بیه میراب ونه دل میس میس اندا دهیه خون برای ابرو داری خسه تن ره کشیه لوش شه پلی هی کرده سروش شیه تا گت کیله ی سر کال دشت ره کرده هدار روز و شو لت روئه ره کشه زوئه گل به گل خیال ایمو وره تری کرده که بپره دل ترکندی دشت ونه بتتن ونه بپا بوئن وقتی بونی میراب صد تا چش داشتن و خو ره خو بدین خو ونه وقتی که میراب بونی ارمون بوئه میسه قله بوئه گلی سر هنیشه تا که نخسی تیناری را دکفی گت کیله ی ور سگ و شاله په بتجی تا صوایی تیناری ورگ واری بکشه زوزه گل به گل هول تکون سگ واری تره بجوئه را ره کج کندی اگه بونه دگردی ایش خی تره پنه صداره کال زمین دله سر دنی گنی " اهای های های                      اهای های های                                        اهای های ..." اسمون استاره ی سو دنیه اتا کرپ ماه اگه بیبو دنیه ارمجی واری شو چفنه تن ره غرصه لوش کشنه ته ره لت کی ورگ واری ورنه پرچین په – کرسه رو – نفاره سر بامبلوی رزه هنتا دیگه نیه        #شعر_محلی_مازندرانی #شعر_تبری ⭐️ به کانال اخبار لفور بپیوندید 👇👇👇 https://eitaa.com/akhbarelafoor 🌹🌹🌹🌹🌹🌹🌹

✳️ اشعار محلی مازندرانی : جور دیگر بییه الان زمانه  همسایه همسایه ره نشناسنه دم بدا بییه اسب پالون و زین     اسب شیره بییه بیب بیب ماشین به جای کلک و کردی و پشکار    کاپشن بمو با آمریکایی شلوار کالچرم جا بمو چکمه افسری     اسبه چارقد جا سیو روسری سرخ جمه کننه پرجایی کیجا    دکل ملوم نیه کیجا و زنا الان سخت بییه همه روز و شو پرجایی بییه این رو و اون رو لَلِوا بشکسه خونش بمرده شو روز نئی امه لمپا دمرده سجرو مه رییه ته او درازی هر چی که من گمه تو نونی راضی اسا که تموم که نوونه تنه او ونه تموم بووشه مه گفتگو #اشعار_محلی_مازندرانی #شعر_تبری ⭐️ به کانال اخبار لفور بپیوندید 👇👇👇 https://eitaa.com/akhbarelafoor 🌹🌹🌹🌹🌹🌹🌹

✳️ اشعار محلی مازندرانی : من ته جه هستمه، بنده ی خدا جان برار مره گنه مشت حسن دشت دله ته کس و کار من فقط خوامبه ته جه وقتی اینه پائیز ماه هپاته بینج تاچه زندی، امه هوا ره دار همیشه پیدا بونه مشتی حسن وقت نشاء معرفت دره ،نمرده انتی سال و روزگار #اشعار_محلی_مازندرانی #شعر_تبری ⭐️ به کانال اخبار لفور بپیوندید 👇👇👇 https://eitaa.com/akhbarelafoor 🌹🌹🌹🌹🌹🌹🌹

✳️ اشعار محلی مازندرانی: سگ و شال واری زوزه کشنی با زندگی  چنده آسوک مِجِنی، با اَتّا دریا زندگی بوی گل در نینه تا استا و اوجی بوه سوز اتا آدم دنیه بهوه زیبا زندگی اتا آدم  که ونه دل مثل آسمون بوئه بهووه ،هنتا دره اینور درکا زندگی دل خوانه ،ورف زمستون ره، تی تی او هاکنه کهنه سال ماه بوره ، بهووه پیدا زندگی گته مار چل و معکو ره دماسه رج بزنه انتری گب بزنه، نکته از  تا زندگی چه ونه هرکی شه راه ره کج هاکنه یک طرف هر کسی بوره شه سی هاکنه  سیوا زندگی بختی  خو کشنی ؟ دل ته بلاره راست بواش !! من  ته جه هستمه، شه چش ره هاکن وا زندگی کوه و جنگل دست به دست هم هدانه تا ابد کی گنه وسنی بوییم همیشه با همدیگه بد؟ به جای دَوِسِّنِ سد بلند، بی خدی بزنیم به سینه ی اخم و کدورت دست رد راس بواش تیلند شو ره ته نکن دستک ماس خوامبه با ته هاکنم شه مهربونی ره رصد عقل و تدبیر شما مسند شاهی نه شنه صد زمانی صد بونه دهووه هشتاد و نود  خوامبه همه بدونن، گتا وِنِه مرام دارن گت نیه هر کی بوئه مردم سه سنگ لحد برو تا با همدیگه همیشه مهربون بوئیم بعد ما ، دنواشه ، یزید و شمرو ابن سعد #اشعار_محلی_مازندرانی #شعر_تبری ⭐️ به کانال اخبار لفور بپیوندید 👇👇👇 https://eitaa.com/akhbarelafoor 🌹🌹🌹🌹🌹🌹🌹

✳️ اشعار محلی مازندرانی : ته بدون بین من و ته صد تا دریا دکشن یا که دیوار چینی تا عرش اعلا دکشن همه درمونده بوئیم که چتی  با هم دواشیم گل خرزهره ره با اوجی و استا دکشن اتا خنه بسازن نه در،نه پنجره نداره تازه ونه میونه اگر و اما دکشن همه ی لوشه نفیر بوئه به وقت همدلی به جای فکر درس ارمون بی جا دکشن معلومه که دشمنه چکه سما بونه بلند نونه بلیم بی ین امه سه فردا دکشن چنده خشه که با هم، پلی بسازیم، دل وشا پلی که خدا خوانه میون دلها دکشن وطن از عشق من و ته، دینه بوی پاپلی وقتی که فرقی نداره ته گلی و مه گلی آسمون پر بونه از روجا و ونگ روشنی طلا شونه دار سر، گنه اذان هم دلی مثل آیینه بونه اتا وضوجه دل و دین دل نماز په شونه، هنتا خداوند پلی اونجه که درد بی درمون همه دوا بونه خط قرمز کشنه بر سر  اما و ولی ونوشه قطار قطار چکه سما کنده اینه تا که مَل مَل بکشه بهار رو بند هلی دواره گیسه ی افرا و اوجا بوه دیار بی یه شونه بکشه، جنگل ذلفه ولولی  حیف که هر کی بیه فاق یکی ره بهیره حیف که رج بزنیم بر سر  راه هم تلی #اشعار_محلی_مازندرانی #شعر_تبری ⭐️ به کانال اخبار لفور بپیوندید 👇👇👇 https://eitaa.com/akhbarelafoor 🌹🌹🌹🌹🌹🌹🌹

✳️ اشعار محلی مازندرانی: ته همون بالا بلندی  حیفه پائین دکفی چه وُنِه با بی خیالی از سر زین دکفی عقل و تدبیر ته کو  کِجِه وِرِه او بِدایی؟ بالا سر خدا دره نکنه از دین دکفی وقتشه، با یاعلی، کاری کارستون هاکنی زندگی پل صراطه حیفه از این دکفی #اشعار_محلی_مازندرانی #شعر_تبری ⭐️ به کانال اخبار لفور بپیوندید 👇👇👇 https://eitaa.com/akhbarelafoor 🌹🌹🌹🌹🌹🌹🌹

✳️ اشعار محلی مازندرانی : اونکه همش خو نشونه ویشاره، مِه ماره گَرِه ی وَر، نیشته و بی قراره، مه ماره اونکه مِره کانده همش نواجش بودِنِ وِه، مثّه گال بهاره، مه ماره اونکه خاشه جانده دِنه مِوِسته غصه و غم وِنِ شوم و قَینیاره، مه ماره اونکه همش اِشکُفنه بو دِنه اُورشِم رنگ مثه گال اِناره، مه ماره اونکه نَشونه هیچگُدِر چرخ تو سره دله همش مه ور تیناره، مه ماره اونکه مره دارنه همش خاشه کَش یِتّا خله غم وِنه دِلده باره، مه ماره اونکه مره شیر هِدا سُز بموندم نخاتی جِه تن ونه زرده زاره، مه ماره اونکه مِوِه اِفتا واری سو دنه هر جا دَوو برکت مه تِلاره، مه ماره اونکه قرآن، وِرِه هِدائه وعده بهشت وِنه لینگ تَه جِه دِیاره، مه ماره اونکه غلام هَسّه وِنِه خاطر خواه همش گونه وِه مِنه اعتباره، مه ماره #اشعار_محلی_مازندرانی #شعر_تبری ⭐️ به کانال اخبار لفور بپیوندید 👇👇👇 https://eitaa.com/akhbarelafoor 🌹🌹🌹🌹🌹🌹🌹

✳️ شعر مازندرانی نَمبِه فارسی نَخِشِه، تِه شِه زِبون رِه یاد نکِن از رحمت‌الله حسن پور : مبل سر نیشتی ؛ پیته لمه ره یاد نکن ... سرمایه دار بئی ؛ فقیری ره یاد نکن ... ته کت و شلوار نو بئیه ؛ احوالپرسی ره یاد نکن ... ته وضع خاره و ارباب بئی ؛ شه رعیتی ره یاد نکن ... کفش مارک دار پوشنی ؛ پینه بزه چکمه ره یاد نکن ... چهار نفر رئیس بئی ؛ گت و کچیکی ره یاد نکن ... وقتی که راحت مجنی ؛ لینک تلی ره یاد نکن ... پشت فرمون نیشتی ؛ خر سواری ره یاد نکن ... آلو طلائی خرنی ؛ ترش هلی ره یاد نکن ... زبون خارجی یاد بئیتی ؛ مازرونی ره یاد نکن ... مرسی مرسی گونی ؛ شه خنابدون ره یاد نکن ... #اشعار_محلی_مازندرانی #شعر_تبری ⭐️ به کانال اخبار لفور بپیوندید 👇👇👇 https://eitaa.com/akhbarelafoor 🌹🌹🌹🌹🌹🌹🌹

✳️ اشعار محلی مازندرانی: بَزِن لَ لِه که لَ لِه زار دارنه غَمِه خِشرو قَدیمه یار دارنه بَخون دِل جه بَخون خِشرویه خونِش غِرصه دِل پِر آ غَم خِروار دارنه دِهون وا کِرده خِشرو دِل نالِسّه بِرمه واره شِلاب آ چِش وارِسِّه غَمیره گَلی ره جِفتا تو گیته خِشی دِله سامون چِنگوم کارِسِّه اَتّا خِشخونا اَتّا گِله مازرون اَتّا رَشید خوندِستا اَتّا گَلون هوژَبره قِصّه ره وافتا په گیته اَتّا اَمیر گِتا نَبِرده قَشون طالِب طالِب و آمِله هِراز او حوسَین خان آ مَشتی آ پِروِره کو شاباجی آ لَفور آ وِنِه مَسّی اَمیر آ گوهِره بِخواستی و رو مه دِل خوانه لَ لِه وا جور بِنالِم بِنالِم زاره دِلبَر وین چه حالِم دیگِر بورده نِنه خِشرویِ واری اَمان اَز داغِه حاله بیقِرارِم دِگِر خِشرو واری خِشخون دَنیِّه مَله سَر بِلبِله اَفغون نَویمبه چِتی پَر بَکشیّه مازرونه کوتِر بِناله مه دِله اَرمون دَنیِّه الهی تا زَمین چَرخ آ تو گیرنه روز آ شو وونه آ چِش ره خو گیرنه ِابولحَسِن یاد زِنده بَمونده جِوون بِئه میدون خِشرو بَخونده ✍ حسن رجبی #اشعار_محلی_مازندرانی #شعر_تبری ⭐️ به کانال اخبار لفور بپیوندید 👇👇👇 https://eitaa.com/akhbarelafoor 🌹🌹🌹🌹🌹🌹🌹

✳️ شعر محلی : غریب لفورک لفورک ته بهار چه بو ندارنه ته محله دیگه سکه سو ندارنه کی نفربن بکرده بَوّی کناری هیچکس بسمت ته رجوع ندارنه بگوش نَرِسِنه هیچ ونگ و وایی کسی پچ پچا گفتگو ندارنه ته ساکنان کجه معوا بَیتِنه که هیچکس میلی به اینسو ندارنه ته جنگل و ویشه بئیه جیگمرد گالش شه منزِلسَر گو ندارنه کَرِس گسفندون هسّنه خالی چپون دیگه گسفند پِنو ندارنه چه بلایی بمو سَر لفورک که جز جزیره دشت و کو ندارنه بمیرم من تواسّه جانِ زادگاه دیگه مثل ته سوادکو ندارنه #شاعر_کیومرث_دهقان #شعر_تبری #شعرمحلی_غریب_لفورک ⭐️ به کانال اخبار لفور بپیوندید 👇👇👇 https://eitaa.com/akhbarelafoor 🌹🌹🌹🌹🌹🌹🌹🌹

✳️ شعر مازندرانی "مشتی ببو " : مشت بّبوی حال گمون که خار نیّه مشت ببو آدم پار پیرار نیه بشنوسّمه وِنه قِد کم بَهیّه ونه دَسّا لینگ اَتی جَم بهیّه چن روزه تِلار تش دی نکنّه دَخّون بَخّون جُون مردی نکنه خدا ها کنه خَوِر دِرو بوئه همیشک مشتی سر سرو بوئه مشت ببوی تن قد چاره نَیّه خسّگی دَکِّل وِره کاره نیه گِتِنه راسِّ دیفار ر لو شیّه گَت موزیا اِزّار لو لیشه قِد نکرده زرچِنونه لو شیه ورف شو پیاده دیمه کو شیه اِسا مشت ببوی تور کِل بهیه ونه تش دَکوشتا چِک فِل بهیه ونه ملکِ سَرا سامون کِجوئه ونه اون گت خیابون کجوئه ونه گوخِسّه ی لَم هئی بمو ونه سر بکرده لَد پئی بمو وِنه تور، ونه جوله با ونه کِشت سرآخر چِتی بونه این سرنوشت ونه ها ها گِدِر پِنو کوئه ؟ جونکا کو ونه جان گو کوئه ونه می اِسبه آ دیم سیو اِسا دَسّا بال اودنگ و اَسّیو اسا ونه گوخسه ی گو تِشکا تلیس ونه گوگِ زا همش لَخا بُپیس زَرگلِه بورده دیگه پیدا نیه پاپلی منگوی سر صدا نیه کو عاروس منگو دوشا بَوِّه اسا ونه گوگ بهار ، روشا بوه اسا دیگه مشت ببوی سر سِراق نیّه ونه اسب ،گوخسه سر یِراق نیه بورده لس لس ونه جانا ونه قد ونه هیمه خره هم خِرنه رِقد... #برگردان فارسی : بنظر میرسد حال مشت ببو چندان خوب نیست، او آدم سالهای گذشته نیست. شنیدم توانش کم شد،دست وپاهایش هم جمع شدند. مدتی دود آتش از منزلش نمی آید، صدای آواز خواندنش هم نمی آید. خدا کند خبرها دروغ باشد و همیشه صدایش بیاید توان تنش زیاد وخستگی در او اثر نمی کرد. اینکه از درختهای بلندوبزرگ بالا می رفت. مسیرهای سخت را راحت می پیمود حتی در زمستان زیر برف به ییلاقات می رفت. حالا تبرش از تیزی افتاد،آتش خونه اش خاموش و حدو حدود زمینش وحتی مسیر رفت وآمدش مشخص نیست گاوبنه اش رو به ویرانی رفت و از ابزار کارش " تبر،ظرف شیردوش مسی،و طناب مخصوص " خبری نیست. از سروصدای موقع حرکت و کوچ دامهاو گاوهایش اثری نیست. حالا موهایش سفید و رنگ صورتش سیا و دست و پاهایش مثل تیر آبدنگ چوبی شد. گاوهایش دیگه از کیفیت افتادند بعضی ها اصلا برنگشتند دیگه خبری از مشت ببو و اسب آماده اش نیست. آرام ارام توان و جانش تمام می شود بزودی هرچه هیزم ردیف کرد نیز بهم خواهد ریخت " کنایه از بهم ریختن شیرازه زندگیست " # مشت ببو در فرهنگ مازندران خصوصا در جنگل و کوه نماد یک گالش مقتدر و قدیمی است.. از بابت برگردان نه چندان مطلوبش عذرخواهی میکنم 🙏 ✍ #عموزاده "نامی" #شعر_تبری #مَشت_بَبو ⭐️ به کانال #اخبار_لفور بپیوندید 👇👇👇 @akhbarelafoor 📱 رسانه باشید کانال ما رو به دوستانتون معرفی کنید 👌👌👌👌👌👌👌

✳️ شعر مازندرانی " پیری " : پیری که از راه رسنه ،ته جسم و جان لرزون بونه بهار عمر ته کشِنه ، دنیا تِه پیش خزون بونه دیم رنگ زردوزار بونه ،قامتِ صاف کمون بونه قشنگیِ جمال شونه ، چروک ها آویزون بونه های های دیگه نموندنه ، وای وای وِردِ زبون بونه خنده خشالی پَر گیرنه ، ناله ته همزبون بونه ته دور و بر خلوت بونه، درد و مرض مهمون بونه دوستان تره ترک کندنه ، خیال آفت جون بونه یاد جونی کفنی ، ته چِش پر از بارون بونه پیری که از راه رسنه ، آدم بی سایه بون بونه دایّم بهونه گیر بونه ، خوار پیش عزیزون بونه قهرو غزب واقع بونه ، دغدغه ی وچون بونه اگه مال و منال داره، راهی سالمندون بونه با یاری ملک الموت ، ساکن قبرستون بونه با آرزوی عاقبت بخیری برای تمامی سالمندان جهان شاعر : کیومرث دهقان - 21 . 9 . 1400 #شعرمازندرانی_پیری #شعر_تبری ⭐️ به کانال #اخبارلفور بپیوندید 👇👇👇 @akhbarelafoor 📱 رسانه باشید کانال ما رو به دوستانتون معرفی کنید 👆👆👆👆👆👆

#دوبیتی_تبری خَله‌ِ ساله که دل، کنّــه گلِ بو خَله‌ِ ساله شِه تنهایی شونه کو خَله‌ِ ساله نَدیمــه گــوپِنــو ره خَوِر دارْمه اِسـا کو نَشونه گو! #برگردان_فارسی👇 سالهای زیادی است که دل بوی گل می‌دهد سالهای زیادی است به تنهایی کوه می‌رود سالهای زیادی است گاوبنه را ندیدم میدانم حالا گاو به کوه نمی‌رود ✍ #حجت‌الله_حیدری‌سوادکوهی #شعر_تبری 🔰 به کانال اخبار #لفور بپيونديد 👇👇 @akhbarelafoor 👆 با ما همراه باشید