کیا سلطان مگه مُعجِز نِما نی؟ مگه ته آسِمونِ رونِما نی؟ چه می اِقبال وِنه ته تی نیاره؟ مگه اِفتابِ سوی اونِما نی؟ #هادی_اکبری_وسطی_کلایی #آستان_مقدس_سیدعلی_کیاسلطان #روستای_امامکلالفور #شعرمازندرانی ⭐️ به کانال اخبار لفور بپیوندید 👇👇👇 https://eitaa.com/akhbarelafoor 🌹🌹🌹🌹🌹🌹🌹

✳️ به مناسبت ۱۴ آبان روز مازندران : امه مازندرون مازندرون چه باصفائه هر ور ره اِشِنی ویندی همش لطف خدائه مازرونی دل پاک و زلاله آئینوئه مازرونه دله مشت شیره این زمونوئه بِرو مازرونه فدابووشیم همه یکدل و یک صدا بووشیم آی بگردم مازرونه وِ بهشته ایرونه بورم چرخ هاییرم جنگل ور دل وا بووشه هامجم ویشه ره اعی بچینم صدتا ونوشه بورم دریوی کلاک دله ماهی بیارم افتاب ره کشه بهیرم و صواحی بیارم بِرو مازرونه فدا بووشیم همه یکدل و یک صدا بووشیم آی بگردم مازرونه وِ بهشته ایرونه مازرون تنه مردمونه ایمون بلاره ایرونه آبرویی ته شهیدون بلاره ته افتاب واری سو دنی مه جانه وطن ره اگه جان بخواهی جان دمبه تن کمبه کفن ره برو مازرونه فدا بووشیم همه یکدل و یک صدا بووشیم آی بگردم مازرونه وِ بهشته ایرونه #هادی_اکبری_وسطی_کلایی ۱۴۰۲/۸/۱۲ 🔰 به کانال #اخبار_لفور بپیوندید 👇👇👇 @akhbarelafoor 📱 رسانه باشید کانال اخبار لفور رو به دوستانتون معرفی کنید 👆👆👆👆👆👆👆

📙 مثنوی مازندرانی حدیث کسا : 📙 حدیث کسا به زبان مازندرانی 🎁 تقدیم به ساحت مقدس حضرت زهرا سلام الله علیها بِ بسم الله جا تا میمِ رحمان و رحیم من پناه ورمه خداره شر شیطانِ رجیم هرچی که جابر بَته از گفته ی بنت رسول بنویسم کاغد کش قصه ی زهرای بتول بائوته حضرت زهرا اتا روز جان پی یر بموئه ناخشه حال باته مره جانِ دتر کسای یمانی ره دتر بیار مه سر دَکِش ماهه دیم داشته پی یر خدا وره کرده اِشش بدیمه حسن بمو بَته مره مه جان مار نکنه نبی بِمو اینجه دِنه بوی بهار بَتمه جان حسن نبی دره کسای بِن بورده خدمت رسول اذن دخول بَیته حسن بته ای جان حسن ته صاحب حوض منی بِرو این کسای بن کریم و دلسوز منی اتی وقت بورد و نَشی بدیمه نور عین بمو میوه ی باغ من و علی یعنی حسین بمو بته ای جان ننا اینجه بوی بهار اِنه بوی جد من نبی امه خنه هِدار انه بتمه جان حسین نبی دره کسای بن تِنه دم زنون بونه اونجه بوری سون حسن بته ای جان رسول دِنی مره اذن دخول شمه ور بی یم هنیشم بسون دسته ی گل بِرو این کسای بن ته شفیع مه امتی ته حسین هسی پسر هر دِ جهون ره حرمتی بدیمه ابولحسن شیر خدا خِنه بمو بهوته یا فاطمه خدا مگر بِنه بمو که امه گِلی خِنه چه بوی یاسمن اِنه بوی جان من نبی رسول عالمین دِنه بتمه جان علی تیسه فدا بو جان من که سه تا دسته ی گل دِرنّه اون کسای بن بته ای جان رسول جان ته زهرای بتول منمه وصی ته اذن مره هاکن قبول بدیمه صدا بمو بته علیه مرتضی ته همه جان منی بِرو که هسمی رضا دل قرار نَیته منم بوردمه خدمت رسول بتمه جان رسول منمه زهرای بتول بونه ای جان پی یر مرم ته هاکنی قبول سون پاپلی بَوِم میون این دسته ی گل بته ای جان دتر احمد پاره تن ته ائی میون این یاسمن مه گل نسترن ته ایی بدیمه جان پی یر خداسّه دس تکون هدا بهوته قسم وره که مره گوشت و خون هدا هر کی بد داره شماره وِنه بدخواه منمه هر کی خِش داره شماره روشنه راه منمه وشون از من هسنه مه ایل و مه تبارنه هفتا آسمون بوری اونجه وشون دیارنه پس خدا بته که ای ملائکهای آسمون اگه من دیافریمه صدتا جهون و کهکشون که اگر آسمون و زمین سفره لا بَیّه پنج تن آل عباسه این خدا خدا بَیّه بته جبرئیل امین که ای رسول عالمین که خدای دل خشی درنه این کسای بن بونه که منم بی یم خدای دل خشی یه ور بونه سایه ی کسا دواشه جبرئیل سر بموئه کسای بن پیغوم وره جان خدا بته ای جان نبی خدا تره سلوم هدا که شرف دارنه کسا هر کی ونه بن دَرِنّه پنج تن آل عبا خدای دامن دَرِنّه هر کی خواهون وشونه رستگار بونه آخد شونه جنت میون وشون یار بونه آخد هر چی که حاجت دارن قسم به آل این کسا من خدا دمبه وشون ره هر چی که بوئه اِسا #مثنوی_حدیث_کسا #حدیث_کسا_مازندرانی #هادی_اکبری_وسطی_کلایی ۱۴۰۱/۸/۲۵ 🔰 به کانال اخبار #لفور بپيونديد 👇👇 @akhbarelafoor 👆 با ما همراه باشید

✳️ غزل مازندرانی(تبری) " ام ابیها " : آسِمون اَصری بَشِن بَوین که زهرا دَشونه همون زهرا که دَیّه علیِ هِمرا دَشونه آی زمین تِه جا هاده دخت نبی اِنه تِه وَر وِنه تن کبوده و مجنونِ لیلا دَشونه ماه تی تی شِه روره بَیر نِخوانه دیگه دَر بِئی نَویندی که ستاره یِ صبحِ روجا دَشونه وِنوشه تِه دَر نِرو بِهار ره خوامبی چِکِنیم باغبونِ دِلِ دور لاله یِ صحرا دَشونه یا رسولِ عالمین زهرا تِه وِسّه مار بی یِه سیو جِمه تن دَکِن ام ابیها دَشونه چاهه نخلستون گوش هاکِن که علی تینار اِنه وِنه همدَم تِه بَواش علیِ دِلخا دَشونه آ بلال اذان نَعو که دل و دیم لرزه اِنه برترین بانوی عالم بی وَنگ و وا دَشونه قِرد بَده شِه دردِ زینب که شِه وِسّه مار بَعی هَمونتا که تیجا داشته سِفارِشها دَشونه آسِمون چه ناله دارنه چه زمین لرزه اِنه جان هِدا علی گِمونِم روح مولا دَشونه #شعرمازندرانی #ام_ابیها #شهادت_حضرت_فاطمه_س #هادی_اکبری_وسطی_کلایی 96/11/25 🔰 به کانال اخبار #لفور بپيونديد 👇👇 @akhbarelafoor 👆 با ما همراه باشید

گِردِنه سر ته باز کلیِ قِربون خِنه دارنی کل به کلیِ قِربون سه طایفه کِجور نِمور و مِخری دارنی زرشک دار و هلیِ قِربون #شعرمازندرانی #گردنه_سر #هادی_اکبری_وسطی_کلایی 96/6/17 🔰 به کانال اخبار #لفور بپيونديد 👇👇 @akhbarelafoor 👆 با ما همراه باشید

✳️ شعر مازندرانی درباره حضرت زهرا سلام الله علیها: 🌹 السلام عیلک یا غم خوار علی ******************* خِدایا مه دل داغ زهرا دَره وِنه خاکی چادر مه هِمرا دَره مه دل ناله دارنه غم لاله دارنه مه پاپلیه بال و پر بسوته مِه زهرا خِدا پِشتِ در بسوته از این رنج و ماتِم سیه پوشه خاتِم مه چِش سونه ابر بِهار وارِنه حسنین عزاداره شه مارِنه بی ماره وَچونه گیرنه بهونه یازهرا نشو که علی تیناره چِش اسری مه دیمه سر دیاره مه زاری ره هارش بی یاری ره هارِش مِن شرمندا ی روی ته هسمه ولی مست از بوی ته هسمه ته بویه بهشتی ته مه سرنوِشتی بَتی یاعلی شومِره دفن هاکِن تیناری علی جان مره کفن هاکن مه دل بَیه پاره مه ماه وستاره #شعرمازندرانی #شهادت_حضرت_فاطمه_س #هادی_اکبری_وسطی_کلایی 95/11/27 🔰 به کانال اخبار #لفور بپيونديد 👇👇 @akhbarelafoor 👆 با ما همراه باشید

✳️ شعر مازندرانی درباره " وصیت حضرت زهرا سلام الله علیها " : 🌹 السلام علیک یا حضرت زهرا **** #وصیت_حضرت_زهرا_س صبر وقراره من علی باغ وبهاره من علی مولا هنیش کناره من مه ره حلال هاکن علی یاد انه بته مه پی یر گوش هاده ای جانه دتر بعده من اولین نفر انه مه ور ته ای دتر حاجت روا بهیمه علی تسه فدا بهیمه علی من شومبه پی یره پلی مه ره حلال هاکن علی ندارمه من تاب و توون جانه ته و جانه وچون جانه ته و جانه حسن جانه زینب جانه حسین شومبه تینار بونی علی مه ره حلال هاکن علی آ دتر بمیره ته مار به رو هنیش منه کنار گوش هاده وصیته مار پیرهنه دار مه یادگار دنیمه قتلگاه کنار هاده دپوشه ته برار زینب هنیش منه پلی نی ال تینار بووه علی ته هسی مه یارو ولی مه ره حلال هاکن علی غسل وکفن هاکن علی شومه ره دفن هاکن علی قبره هومار هاکن علی مه ره حلال هاکن علی #شعرمازندرانی #وصیت_حضرت_زهرا_س #هادی_اکبری_وسطی_کلایی 🔰 به کانال اخبار #لفور بپيونديد 👇👇 @akhbarelafoor 👆 با ما همراه باشید

🌹 موری مازندرانی برای شهدای گمنام: 🌹 تقدیم به روح شهیدان گمنام و کبوتران بی نشان .................................. مِن بِمومه نون و دونه ره بیار مه چَفیه سَرِ شونه ره بیار مِن بِمومه سِفرِه رِه بَی لا هاکِن مَجمه ره بَی پِر پِره حِلوا هاکِن مِن بِمومه شَم ره بَهیر سو هادِه مازرِونِ کولِک ره بَی بو هاده مِن بِمومه ماره دل آروم بَوِه کوچه خیابون شهیدِ نوم بَوِه مِن بِمومه بِبا تینار نَواشه مه جانِ خواخِر بی بِرار نَواشه مِن بِمومه تا تِره هِمرا بوئِم تاریکِ شو تِه روشنِ را بوئِم مِن بی نِشون و بی پِلاک بِمومه دَسِّ خالی بِدون ساک بِمومه مِن بِمومه نَعو چه دیر بِموعی نَعو جِوون بوردی و پیر بِموعی اونجِه کِه مِن دَهیمه دل نار شی یِه اِفتاب هَنتا در نیعَمو مار شی یِه اونجِه که مِن دَهیمه خون دَیه خون تیکه تیکه بَدیمه شه رَفِقون تیر و گِلیله مِثل وارش ایمو تَرکِشِ جا بِرمه و نالِش ایمو تانک ایموعه بسیجی ره لو گیته نارنجِ واری رَفِقِ او گیته اَره مِن اونتی جای یِه جا بِمومه شُجا بوردِمه آ شُجا بِمومه مِن بِمومه تا که بِدونی مِه خون زنده هاکِرده تِه و نام ایرون #موری_مازندرانی #شهدای_گمنام #هادی_اکبری_وسطی_کلایی 96/4/28 🔰 به کانال اخبار #لفور بپيونديد 👇👇 @akhbarelafoor 👆 با ما همراه باشید

✳️ شعر مازندرانی تقدیم به پدر عزیز و مهربانم : خِداوندا مه ره پی یِر هِدایی مه ره افتخاری دیگر هِدایی خِداوندا مه ره سرور هِدایی نا سَروَر بلکه تاج سرهدایی مه پی یِر هرصوایی شونه صحرا بارالها ها ته دَواش وِنه همرا خِداوندا مه پی یِر خَسته هسه وِنه دَسِ کفه وصله دَوِسِه پی یِرجان ته دَسِه پِزغاله ی دور پی یِر ته خسته تنه ناله ی دور پی یِر ته دوشه باره هیمه ی دور پی یِر ته دشته سَره کیمه ی دور پی یِر ته تَنِه کهنه قِوا اِ دور ته عاشقیه حال و هِوا اِ دور پی یِر ته دوشه داز و دَرهِ دور پی یِر ته گوکِزا و وَرهِ دور ته لِتکا سَرِ لوش و کَلِکِ دور ته کیله و فیِه و اَلِک دور پی یِر جان ته عرِق بَزه دیمه دور پی یِر جان تِنه وِشنا بِتیمه دور پی یِر جان ته اِسپه سَرِ میه دور ته تش کِله یه کِلین و دیه دور پی یر ته هامته راهره بگردم پی یِر ته لته لِتکاره بگردِم ته هِمِنده سوالِ دور بگردم ته خسته دوشه بالِ دور بگردِم ته لینگ رَج و شابه دور بگردِم ته نماز و ثوابه دور بگردِم بخون قرآن صدایه دور بگردِم مِن ته وته خِدایه دور بگردم شه آسمونه ماهه دور بگردِم مِن تِنِه بورده راهه دور بگردِم پی یِر جان ته حامیه شه وَچونی اَمِسه پیر هاکردی شه جِوونی پی یِرجان خامبه بَووِم ته فِدامه پی یِر ته دور بگردِم ته ریکامه پی یِر جان گوش هاکِن شعره ریکاره که هر دَم دَره ونگ کِنده خِداره خِداوندا مه پی یِر ته هارِش وِنه سالمِ تن نهووِه ناخِش ✍ #هادی_اکبری_وسطی_کلایی 1380/08/22 #شعرمازندرانی #در_وصف_پدر 🔰 به کانال اخبار #لفور بپیوندید 👇👇 @akhbarelafoor 👆 با ما همراه باشید

📝 غزل طنز مازندرانی (تَوِری) نام شعر :خَجّه خاله خَجّه خاله ی سِره مِهمون دَره دَبیستا کفش نال بِنِ ایوون دَره خَجّه گِته که مِن فامیل نِدارمه اَتّا خدیجه کل ایرون دَره خَوِر خَوِر مِره حالی بَهیه اَمشو وِنه کَسِ شی کَسون دَره اَتی که تَن تِر بوردِمه بَدیمه ایوون خِنه کدخدا رمضون دَره مَگه خدیجه لینگِ درد نِداشته اِسا وِنه عصا چه بیرون دَره بَدیمه خَجّه خِنه جا دَر بِمو چارقدِ سر تا فرقِ میون دَره ذِلف کَفِن چه هامِج هامِج شونه اِنگاری که نون وِنه راغون دَره لَچِکِّ وا هاکِرده شه سَرِ جا اَنگوسِ دس مصناعی ناخن دَره نَکِنه خَجّه خوانه شی بَکِنه گِته مه شی دیگه قَورِستون دَره بَدیمه کَلّه ونگ هِدائه دِلّال خَجّه ی دیم اِنارِ جور خون دَره خَجّه خاله شی بَکِرده پیر سَری مِه جور مَله مِفلِسِ جِوون دَره بِنه بَخِره بَمیره می اِقبال نَوینده مِه دل خَله اَرمون دَره مَگه چه چی کم دارِمبّه آخِدا چه خَجّه وِسِّه شی فِراوون دَره آ کَهو اِقبال تِره تَش بَهیره خَجّه وَر کدخدا رمضون دَره #هادی_اکبری_وسطی_کلایی 96/9/7 #شعرطنزمازندرانی #خَجِّه_خاله 🔰 به کانال اخبار #لفور بپيونديد 👇👇 @akhbarelafoor 👆 با ما همراه باشید

📝 شعر طنز انتخاباتی مازندرانی: دِواره اَعی انتخابات بِمو اِ اَعی فصلِ اهدا اِ سیم کارت بِمو اِ شامه سفره دِواره اَعی لا بَیه پِچکه مردی الکی آقا بَیه اتا گِنه که من عَشّه کِشِمبه تَش اَلوک بَیره مِن تَشّه کِشِمبه اَنده شِمِه وِسّه مِن کار یارِمبه عزبِ وَچه یِه سه یار یارمبه اَتا گِنه که مِن گتِ مَردیمه شِمه مشکلاته شه چِش بَدیمه شِمه شهرِسه دانشگاه سازِمبه یتیمِ سه پرورشگاه سازمبه شه بی خِد هی دِنّه وعده و وعید اگر رای بیارم هر روز هسه عید اِما شعاره الکی نخوامبی حرفهای خاله زنکی نِخوامبی ته سیم کارتِ ایرانسل لهِ نِخوامبی الکی خِش کِندی دِل له نِخوامبی اِما شه وِسّه نِماینده خوامبی شهرِسه اِفتابِ تابنده خوامبی نماینده ای که بو اِ وِ دلسوز به قول وَچونا آنلاین و به روز اتا نماینده که باشه فعال هَمِش خَوِر بَهیره مردمِ حال اَمروز نَوِّه می محلی شریفه فِردا نَوِّه واجب مه دِتا جیفه اَمه خِشکه کیمه یه در ره نوجه بیچاره پاپلی یه پَر ره نوجه شِفا ندا نهیره کور نکنه اَمه تیسا پِلا ره شور نکنه مهم نی یه که پیره یا جِوونه مردمه حق ره بَیره از زمونه وِنه که مردِمِسّه کار هاکنه اِفتابِ بَهیره دیار هاکنه کاری هاکنه فِردایِ قیامت شهیدون هاکنن وِره شفاعت #شعرطنزانتخاباتی #هادی_اکبری_وسطی_کلایی 96/1/14 🔰 به کانال اخبار #لفور بپيونديد 👇👇 @akhbarelafoor 👆 با ما همراه باشید

#اجرای برنامه لال و لال مار در شب تیرماه سیزده شو 1398 #تالار پذیرایی آبنوس آهنگرکلای بیشه سر قائم شهر #با هنرمندی شاعر تبری سرای استان مازندران #هادی_اکبری_وسطی_کلایی(لال مار) #مهرداداکبری_وسطی_کلایی(لال) 📹 خانم قریشی 🔰 به کانال اخبار #لفور بپيونديد 👇👇 @akhbarelafoor 👆 با ما همراه باشید