📸 اجتماع بزرگ عزاداران حسینی روستای #چمازکتی 🔷 حضور و سخنرانی دکتر #عمران_عباسی نماینده مردم شریف حوزه انتخابیه قائمشهر ، سوادکوه ، سوادکوه شمالی، جویبار و سیمرغ در مجلس شورای اسلامی در جمع عزاداران حسینی روستای #چمازکتی شهرستان #قائمشهر 🔰 به کانال اخبار #لفور بپيونديد 👇👇 @akhbarelafoor 👆 با ما همراه باشید

🎥 گزارش تصویری 🔷 دیدار دکتر #عمران_عباسی نماینده مردم شریف شهرستان های قائمشهر، سوادکوه، سوادکوه شمالی، جویبار و سیمرغ با شورا و جمعی از اهالی محترم روستای #سوخته_سرا سوادکوه ، جهت پیگیری و بررسی مشکلات آن روستا 🔰 به کانال اخبار #لفور بپيونديد 👇👇 @akhbarelafoor 👆 با ما همراه باشید

🔷 دلگویه مازندرانی برای عبدالله بن حسن : عمو ره نزنین عمو غریبه بمیرم از علمدار بی نصیبه عمو ره نزنین وه یار ندارنه غریب هَسّه و هوادار ندارنه عمو ره نزنین پسر ندارنه وره داغ بزونی اکبر ندارنه نزنین که ونه مار دره وینه نزنین خواخر زار دره وینه عموی غریبی ره کِمّه احساس نا اکبر دارنه نا قاسم و عباس شه غریبِ عموی دور بگردم تِه تن بهشتِ بوی دور بگردم اگر چه من جای اکبر نبومه با جان و دل عموته فدابومه اگه من شمشیر و سپر ندارمه ته فدا بَوِّم دس وسر که دارمه عمو مه دل دره اَتا آرزو فقط خوامه ته فدا بوم عمو ازآن روزی که مه چش بَهییه وا ته هم مه عمو بی و هم مه بابا 🥀😭🥀😭🥀😭🥀😭🥀 #علی_اکبر_اسفندیار_مداح #محرم #نوحه_مازندرانی #مویه_مازندرانی #موری_مازندرانی #دلگویه_مازندرانی #عبداله_ابن_حسن 🔰 به کانال اخبار #لفور بپيونديد 👇👇 @akhbarelafoor 👆 با ما همراه باشید

🔷 دلگویه مازندرانی برای حضرت قاسم : بِرار زا دَسّ و پا زَنّی بَمیرم مره زاز زار صدا زَنّی بَمیرم دَس و پا نَزِن مِه دل پاره بَیِّه دیگه تِه عموجان بیچاره بَیِّه بَمیرم که تِه سر بشکِسّه قاسم دواره مِه کمر بشکِسّه قاسم بَمیرم اینجوری از هم بپاشی تِه نوج بَزه ریش بَهییه خون آشی تِه العطش گِتی کباب بَهیمه تِه بال بال که زویی بیتاب بَهیمه عجب ماه عسل داشتی بِرار زا شه داغّه مِه دل دِکاشتی برار زا اکبر مره داغ بَزو بورده قاسم دیگه مِه تنِ نیرو بورده قاسم 🌹🏴🌹🏴🌹🏴🌹🏴 #علی_اکبر_اسفندیار_مداح #محرم #نوحه_مازندرانی #مویه_مازندرانی #موری_مازندرانی #دلگویه_مازندرانی #حضرت_قاسم 🔰 به کانال اخبار #لفور بپيونديد 👇👇 @akhbarelafoor 👆 با ما همراه باشید

🔷 دلگویه مازندرانی برای حضرت ام‌البنین : 🌾🏴🌾🏴🌾🏴🌾🏴 صدای ناله اِنه از مدینه عزای حضرت ام البنینه بَزِن چاووش بَزِن سِنج عزا ره مدینه بَیته رنگ کربلا ره سلام ای بانوی پاک مدینه بقیعِ روضه خون ته غم مه سینه ته سینه گرچه دشت کربلاعه بداغ تِه پسرون مفتلاعه تِه آسمون دیگه قمر نداشته ته روز شو بِیّـه و سحر نداشته پسرون داشتی در عالم نمونه تِه جان هداعن موقه نمونه بی بی، سر پیری عصا نداشتی از اون چارتا پسر اَتا نداشتی اینجوری غریبی ره کی بَدیّـه؟ تره کی رو به قبله بَکشیّـه ؟ نا عبدالله و عثمان و نا جعفر نا عباس و نا زینب دَینِه تِه وَر تِه جان هِدایی در اُوج غریبی ته هم زینب واری غم نصیبی دِتِر ناشتی تِه وِر زاری هاکِنه پسر ناشتی عزاداری هاکنه زینب دَنی بِیّه هاده نواجش از غریبیِ تِه چِش وارنه وارش عجب تقدیری داشتنه ته وَچُون فداییِ حسـینِ بَیـنه بــــرارون ته غم وغصه ره کی کِنّه احساس تِره داغ حسین بَکوشت و عباس پسرون داشتی مثل ماهپاره وِشـونِ میـون عبـاسِ بـلاره کی بَوته که ته زینب کنیزی؟ جان عباس ته همه پیش عزیزی زهرای وَچونّـه شه سر بَهیتی یتیمونّـه شه بال و پر بَهیتی اگه عباس تـِوسّـه نــور عیـنه بی بی جان تِه دَم ونفس حسینه ته حسینِ جا ازبس بی صمیمی نکرده زینب احساس یتیمی عباس از بس حسینِ دس ره گیته عمـوی شیـعیان و اهـل بیـته اگر چه ته دل از غم مفتلاعه ته روضه روضه ی کرب وبلاعه ته عباس با وفا سقا بَهیّـه عـزیـز حضـرت زهــرا بَهـیّـه تا دریا بُورده اما اُو نخرده اُو ره تا نزدیک خیمه بَورده نِهِشتنه که تا خیمه بَرسه وِنه مَشکِ تـا بَـزونه بَمرده بَزونه تا که وِنه مَشک اُو ره گِـته بَــوردِنـه مــه  آبــرو  ره وِه مشکِ اُو تا بَهییـه پاره ناله زو وَچونِ کار دیگه زاره نه تنها مشکِ بَیتِنِه نشونه وِنه نازنین چش ره تیر بَزونه دیگه کرب وبلا بَهییه غوغا تِه جانِ پسره دَسِّ بَیّـه جدا دیگه نا علی اصغر اُو بَخِرده اسیری بُورده زینب لو بَخِرده حسـینِ بشکسّه دیگه رآس نَهییه هیچ کسی وِنِسّه عباس نَهییه بنال«مداح»که بعدازمرگ عباس دیگه حسین غریبی کِرده احساس 🌾🏴🌾🏴🌾🏴🌾🏴 #علی_اکبراسفندیار_مداح #محرم #نوحه_مازندرانی #مویه_مازندرانی #موری_مازندرانی #دلگویه_مازندرانی #خانم_ام‌البنین 🔰 به کانال اخبار #لفور بپيونديد 👇👇 @akhbarelafoor 👆 با ما همراه باشید

🔷 دلگویه مازندرانی برای حضرت علی‌اکبر ع : غم مرگ جوون دنیای درده کی داغ پسر ره مه دل دَکِرده غم داغ جوون مار ره کِشنِه تا قیامت وِنه دل تَش وِشنه کی دل داشته تره اینجوربکوشته ته نازنین تن ره شمشیر بَروشته تِه تن تا اِرباً اِربا بَیّـه اکبر قـاتـل جـان بـابـا بَیّــه اکبر کی مثل من داغ جوون بدیه کی شه جوونه غرق خون بدیه پرس اکبر مه چِش نوینه تاره ته چه اینجوری بعی پاره پاره تمام کربلا بَهییه تِـه تن چتی تِــه تن وِنِــه بَهووه کفن چنه خالیه جای اُم لیلا پسرِ وِسّـه بَخونّـه واویلا ته مار دنیه تا زاری هاکنه مره در داغ ته یاری هاکنه جوانان بنی هاشمی بعین گرفتار بَهیمه مه داد بَرسین بعین مه داد برسین ای جوونا که پرپر بَهییه اکبر لیلا وه پاره پاره هسّه لا بیارین این پاره تنسّه عبا بیارین خدا دونّه که مه چش سو دَنیّه کمر بشکسّه تن نیرو دَنیّه بَوین«مداح»عجب زاری هاکرده مره در داغ ته یاری هاکرده 🌹🏴🌹🏴🌹🏴🌹🏴 #علی_اکبر_اسفندیار_مداح #محرم #نوحه_مازندرانی #مویه_مازندرانی #موری_مازندرانی #دلگویه_مازندرانی #حضرت_علی‌اکبر 🔰 به کانال اخبار #لفور بپيونديد 👇👇 @akhbarelafoor 👆 با ما همراه باشید

🔷 دلگویه مازندرانی برای شهدای غواص : گَلی تَر هاکنم از رود کارون بخوندم از شه نازنین برارون خوامه پَربکشم با بال احساس بُورم تا مقتل شیران غواص همون دشتی که مَشت لاله زاره از داغ مه برارون داغداره همون دشتی که غم درسینه دارنه بهارون در بهارون لاله کارنه بیاد اون شهیدون پر احساس مدد گیتنه از حضرت عباس شهیدونی که زِنّه زِنّه در خاک نفس نفس بزونه بَینه هلاک شمه نفس نفس بزوعن دور شمه پَر از قفس بزوعن دور شمه قروون که پاک و باصفانی بمیرم که غریبی جان هدانی بشنوسّمه که ته دس ره دوسّه چتی بال بال بزویی تنِ خسّه بمیرم جان دانی اروندِ کنار نا پِر دیّه نا مار دیّه نا برار غریبی جان هدانی بین صحرا شمه سر ره به زانو بیته زهرا«س» پسر تِه چَم هدا می یه بلاره تِه خنده و تِه گرمی یه بلاره مره ته مادر شهید هاکردی پیش فاطمه رو سفید هاکردی اِسا دیگه بعی مه سرفرازی خدا ایشاالله از ته باشه راضی تره خو بَدیمه چفیه بدوشی لباس بسیجی شه تن دپوشی تفنگ ته دوش وخوندسی زیرلب گِتی بَوّم فدای عمه زینب طلا ونگ سحر بُوردی نمویی مه قشنگ پسر بوردی نمویی بِنه که بخردی مه دل سروشته تره که تیر بزو مره بکوشته پسرمه پهلوون ته دور بگردم مه نازنین جِوون ته دور بگردم شهیدونی که پاک وبا صفانی بمیرم غریبونه جان هدانی ته نعش ره تا بَدیمه تب هاکنّه همونجه یادی از زینب هاکنّه نشون به اون نشون میون گودال تنِ بی سر بَدیّه بُورده از حال حسین ره بَدیه شه سر ره روشته گته کی تره اینجوری بَکوشته باور نکردمه که سر نداری تره نشناسیمه که مه براری حسین جان مه برار خدانگهدار برار نیزه سوار خدانگهدار حسین مه جانِ جان آسمون ماه الهی ته فدا بهووه «مداح» 🇮🇷🌹🇮🇷🌹🇮🇷🌹🇮🇷🌹🇮🇷 #شعر_علی_اکبر_اسفندیار_مداح #محرم #نوحه_مازندرانی #مویه_مازندرانی #موری_مازندرانی #دلگویه_مازندرانی #شهدای_غواص 🔰 به کانال اخبار #لفور بپيونديد 👇👇 @akhbarelafoor 👆 با ما همراه باشید

🔷 دلگویه مازندرانی برای حضرت علی‌اصغر : لالا لالا باخس پسر ته قرون لالا لالا علی اصغر ته قرون ته جا شرمنده بَیمه رو ندارمه تِه تشنا هَسّی ومن اُو ندارمه گهره ره تُو دِمه چه شو نَشونه از تِشنایی تِه چِش چه خو نَشونه اَنّـه بال بال نزن من شیر ندارمه خدا دونّه که من تقصیر ندارمه شه چش ره واز هاکِن ته دوربگردم مه وِسّه ناز هاکن ته دور بَگِردم ته مهربون عموجان بَیّـه خَسّـه دیگه بَورینه وِنه دِتا دَسّـه عمو که دَس ندارنه اُو بیاره خدا هاکِنِه آسمون بِواره لالا لالا لالا لالا لالایی الهی بِشکیّـه دَسِ جدایی ته تازه خواسّی دندون دربیاری مه شیرین زبون، زبون دربیاری ته تن تَش وِشنه عرق ندارنی بمیرم که دیگه رمق ندارنی #علی_اکبر_اسفندیار_مداح #محرم #نوحه_مازندرانی #مویه_مازندرانی #موری_مازندرانی #دلگویه_مازندرانی #حضرت_علی‌اصغر 🔰 به کانال اخبار #لفور بپيونديد 👇👇 @akhbarelafoor 👆 با ما همراه باشید

🔷 دلگویه مازندرانی برای حضرت علی‌اصغر: لالا لالا گمه چه خو نشونی؟ کم کم دری ته از رنگ و روشونی مثل ماهی دَری دس وپا زَنّی تره او هم هادن دیگه نَمُونّی الهی بَمِردبوم نَهیبُوم تِـه مار چه اینجوری مره اِشِنی زار زار پسرجان بُغض نکن مره کشنی دَرمه میرمه مره زار زار اِشنی جان پسر ته پیش من رو ندارمه به جان ته قسم که او ندارمه خدا دونه که نا شیر دارمه نا او نِشتنه تسه او بیاره عمو زبون ندارنی حرف بزنی مه جا از تشنایی که در نِنِه ته صدا پسرجان بَدیمه ته اِلتماسّـه تِه زبون تِه دِهون دیم دماسّه تِه کَعُو تِکِ دور که پاره بَیّه تِه که نَدونّی مار بیچاره بَیّه خشک سینه ره چنگ نزن ته فدا چنه خون جمع بیه ته ناخونِ لا کی بَدیّه تِشنا وَچه باخسه شیر نَخرده وِشنا وَچه باخسه از تشنایی ته دس ولینگ چو بَیّه تِـوسّه آرزو دیـگه خُـو بَیّـه تِه مظلومی ره«مداح»جار بَزوعه تِـه زار ره بَـدیـه و زار بَـزوعـه 🥀😭🥀😭🥀😭🥀😭🥀 #علی_اکبر_اسفندیار_مداح #محرم #نوحه_مازندرانی #مویه_مازندرانی #موری_مازندرانی #دلگویه_مازندرانی #حضرت_علی‌اصغر 🔰 به کانال اخبار #لفور بپيونديد 👇👇 @akhbarelafoor 👆 با ما همراه باشید

🔷 دلگویه مازندرانی برای حضرت علی‌اصغر : لالا لالا باخس پسر ته قروون لالا لالا علی اصغر ته قروون ته جا شرمنده بَیمه رو ندارمه ته تشنا هسّی و من او ندارمه گره ره تو دمه چه شو نشونه از تشنایی ته چش که خو نشونه گره ره تو دِمه مه دل سروشته ته زار زار هارشین مره بکوشته سینه ره چنگ نزن من شیر ندارمه خدا دونّه که من تقصیر ندارمه شه چش ره واز هاکن ته دور بگردم مه وسّه ناز هاکن ته دور بگردم ته مهربون عموجان بَـیّه خَسّـه دیگه بَوریـنه ونه دتا دسّـه عمو که دس ندارنه او بیاره خدا هاکنه آسمون بواره 🥀😭🥀😭🥀😭🥀😭🥀 #علی_اکبر_اسفندیار_مداح #محرم #نوحه_مازندرانی #مویه_مازندرانی #موری_مازندرانی #دلگویه_مازندرانی #حضرت_علی‌اصغر 🔰 به کانال اخبار #لفور بپيونديد 👇👇 @akhbarelafoor 👆 با ما همراه باشید

🔷 دلگویه مازندرانی برای حضرت علی‌اصغر : لالا لالا لالا لالا لالایی الهی بشکیه دس جدایی لالا باخس مه کچکِ وَره بَمیرم خاک بِن بَیّه ته گهره ته تازه دَیی دندون در اِیاردی مه شیرین زبون، زبون در اِیاردی تِه شیر نَخِرده تَن رمق ندارنه کتاب عمر تـه ورق ندارنه وچه ره با عسل گیرنّـه از شیر تِه ره حرمله از شیر بَهیته با تیر ته سر تا تیر جا جدا بَهییه مه ناله یا خدا خدا بَهییه ته سر ره تا که تیغ تیر بَچیّـه حسین خَله خجالت بَکشیّـه بَهووم بی عدد باب الحوائج علی اصغر مدد باب الحوائج تِه سر ره تا سه شعبه تیر بَورده تِه غم «مداح» دلّـه خون دکرده 🥀😭🥀😭🥀😭🥀😭 #علی_اکبر_اسفندیار_مداح #محرم #نوحه_مازندرانی #مویه_مازندرانی #موری_مازندرانی #دلگویه_مازندرانی #حضرت_علی‌اصغر 🔰 به کانال اخبار #لفور بپيونديد 👇👇 @akhbarelafoor 👆 با ما همراه باشید

🔷 دلگویه مازندرانی برای حضرت علی‌اصغر : مـه پسر جان چـه نازه وه شش ماهه سربازه مـه جان در بوره هنوز وِنــه دِتــا چِـش بــازه مگه وَچه ره تیر جا گیرنّه از شیر؟ انگار وِنه گَلی ره بَزونه با شمشیر کوفی چَنّه بی رحم و بی وفانه مِه وَچه چَنّه او خواسّه ندانه؟ الهی بَمیرم وِنه تن چاکِ چاکه بجای مِه کَشه وِنه جا زیر خاکه اَمان ای دل وای اَمان ای دل وای اَمان ای دل وای اَمان ای دل وای 🥀😭🥀😭🥀😭🥀😭🥀 لالا لالا مـه پسـر لالا لالا مـه جیگر چَنّه زود پَر بَکِشی مـه آسمـون کوتِر تِر که بَکوشتنه اصغرجان به زاری بمیرم تازه خواسّی دندون در بیاری مه جان در بَوره تِه سر آویزونه چِتی دل داشتنه تِره بَـزونه؟ بَوتِمه میدونِ جا بعی خَسّه هَسّی گهره ره آماده هاکِنّه تِه باخِسی اَمان ای دل وای اَمان ای دل وای اَمان ای دل وای اَمان ای دل وای #علی_اکبر_اسفندیار_مداح #محرم #نوحه_مازندرانی #مویه_مازندرانی #موری_مازندرانی #دلگویه_مازندرانی #حضرت_علی‌اصغر 🔰 به کانال اخبار #لفور بپيونديد 👇👇 @akhbarelafoor 👆 با ما همراه باشید

🔷 دلگویه مازندرانی برای حضرت علی‌اصغر : لالا  لالا  لالا  لالا  لالایی پسر دره اِنه بوی جدایی تِه ماهیِ واری دس وپا زَنّی تره او هم هادن دیگه نَمُونّی الهی بَمِردبوم نَهیبُوم مار چه اینجوری مره اِشِنی زار زار پسرجان بُغض نکن مره کشنی دَرمه میرمه مره زار زار اِشنی جان پسر ته پیش من رو ندارمه بجان تـه قسم من او ندارمه خدا دونه که نا شیر دارمه نا او نِشتنه تسه او بیاره عمو نا زبون دارنی حرف بزنی مه جا نا از تشنایی در اِنِه ته صدا پسرجان بَدیمه ته اِلتماسّـه تِه زبون تِه دِهون دیم دماسّه تِه کَعُو تِکِ دور که پاره بَیّه تِه که نَدونّی مار بیچاره بَیّه خشک سینه ره چنگ نزن ته فدا چنه خون بموعه ته ناخونِ لا کی بَدیّه تِشنا وَچه باخسه شیر نَخرده وِشنا وَچه باخسه از تشنایی ته دس ولینگ چو بَیّه تِـوسّه آرزو دیـگه خُـو بَیّـه تِه مظلومی ره«مداح»جار بَزوعه تِـه زار ره بَـدیـه و زار بَـزوعـه 🌹🏴🌹🏴🌹🏴🌹🏴 #علی_اکبر_اسفندیار_مداح #محرم #نوحه_مازندرانی #مویه_مازندرانی #موری_مازندرانی #دلگویه_مازندرانی #حضرت_علی‌اصغر 🔰 به کانال اخبار #لفور بپيونديد 👇👇 @akhbarelafoor 👆 با ما همراه باشید

🔷 دلگویه مازندرانی برای حضرت علی‌اصغر: الهی آسمون خراب بَهیبو تیرسه شعبه تِه جواب نَهیبو الهی من بَمیرم وِه چی بِیّه؟ تِره اینجوربَزوعه وِه کی بِیّه؟ من از خجالتی که اُو بَهیمه از تِه شرمندگی کَعُو بَهیمه چه تیری بَخِردی سرجدا بَیّه مِه ناله خدا خدا خدا بَیّـه بَمیرم مِه کَشِه دَسّ و پا زَنّی تِره نِشتِه که شِه چِشّه دَوِنّی الهی بِشکیه دَسِّ تیر انداز اِتی بَزو تِه چِش بَمونِسّه باز تِه گَلی ره چِتی هاکرده پاره تِه شرمنده بَهیمه تِه بِلاره وِه چه تیری بِیه تِره بَخرده ته این گوش تابه اون گوشِ بَورده تِه سربَیّه آویزون من بَمیرم تِه اِسپِه دِیمِ پِرخون من بَمیرم تِه گَلی مِتلاشی من تِه قروون ته قِنداقه خون آشی من تِه قروون گمون نکردمه مه جان اصغر تِـره بَـزنن و بَـزنی پَـرپَـر گمون نکردمه تَشنا دَگردی اَتا لشکر پیش وِشنا دَگـردی مِه طفل بی زبون من تِه فدامه وَچه عجب تِره من اُو هدامه چتی خیمه بُورم ته مار نَوینه مره اینجوری گرفتار نَوینه پسرشرمندگی خَله بَد هَسّه خدا دونّه که مه دَسِّ دَوسّه حرمله بَیته مِه دِلّه نشونه بَمیرم تِه جان سر آویزونه پسرجان بَوین«مداح»با چه زاری تِوسّه شعر بَعُوته بِرمه واری #علی_اکبر_اسفندیار_مداح #محرم #نوحه_مازندرانی #مویه_مازندرانی #موری_مازندرانی #دلگویه_مازندرانی #حضرت_علی‌اصغر 🔰 به کانال اخبار #لفور بپيونديد 👇👇 @akhbarelafoor 👆 با ما همراه باشید

🔷 دلگویه مازندرانی برای حضرت علی‌اصغر: الهی آسمون وارش بِواره الهی اَبر چِش اُو تِسّه داره پسرجان من غریب وته غریب تر او ندارمه ته تکه هاکنم تر پسرجان تِه تک وچش چه کهوعه بَمیرم که از نَخِردِنِ اُوعه خوانی برمه هاکنی جون ندارنی خوانی اُو بَهُووی زبون ندارنی دَری از تِشنایی از پا کَفنی بمیرم که شه انگشتِ چَفنی ته چِش ته کاسۀ سر فرو بورده تِه تَن اَتا روزه چَنّه اُو بُورده تِره که اِشمه شرمنده بُومه از خجالتی میرمه زِنّـه بومه من و تِه کارچی بُونه جانِ پسر؟ مه چِشِ پَلی دَری زَنّی پَرپَر تِه تِکِ دور که بازو بَسّه بُونه وَچه جان وَسّـه ته تن خَسّه بُونه تِه تنِ دَره مثل کوره  وِشِنِه جان پسر تِره این تَب کِشِنِه تِه زبون و تِه تِک مثل چو بَیّـه تِه عمو از خجالتی اُو بَیّـه خبر بمو عمو جُونّه بَزونه عمو جُونِ مهربونّه بزونه اون دَسّی که توسّه اَو اِیارده جدا بَیّـه مِه دِلّـه تو بیارده تِه بال بال زَنّـی ومن اُو ندارمه چتی هارِشِم تِره که رو ندارمه پسرجان من تِه کِچکِ دَسِّ قِروون چِتی جمع بَیّـه تِه ناخونِ لا خون تِه بِمُویی مِره یاری هاکِنی بَدی غریبمه کاری هاکِنی تِه تازه دَری دَندون دَر اِیارنی شیش ماهه بَعی زبون دَر اِیارنی مِره که اِشنی مه جانِّه گیرنی تِره اُو هم هادِن دیگه تِه میرنی پسرجان ناله نَکن ناله وَسّـه ته زبون مثل یک خِشک چوهَسّه بمیرم مَگه تِه چَنّـه اُو خوانی اَتا دَسِّ دِلـه اُو تره وَسّـه خدا دونّه چه حالی دارنه تِه مار نواجش دِنه بِرمه کِنّـه زار زار خالی گَهره ره کَشه زَنّـه گِنـه حسین اَصغر ره اُو هدایی بیار تِه غم و غصه«مداح»ره بَکوشته تِوسّـه شِه سَرو دِلّـه بَروشته شعر:علی اکبراسفندیار«مداح» #محرم #نوحه_مازندرانی #مویه_مازندرانی #موری_مازندرانی #دلگویه_مازندرانی #حضرت_علی‌اصغر 🔰 به کانال اخبار #لفور بپيونديد 👇👇 @akhbarelafoor 👆 با ما همراه باشید

🔷 دلگویه مازندرانی برای عبدالله بن حسن : مِـه آرزو بِیّـه تِـه فـدا بَـوّم مثل عمو عباس دَس جدا بَوّم خواسّمه که ته ره کَشه بَهیرم نفس نفس بَـزنم و بَمیرم عمو بغل هاکن شه برار زا ره شه آخرین سرباز جان فدا ره بَهیمه مثـل زهـرای مـدینه بَوین با تیر پاره بَیّه مه سینه تِـوسّه بَمیـرم بعـی گـرفتار نا اکبر دارنی نا عباس علمدار تـره داغ علی اکبـر بَکـوشته غـم جـان علی اصغر بَکوشته غریبی دَکِتی مه جان ته قروون تِـه جانِ تن بَهییه چشمهٔ خون عمو حلال هاکن خـدا نگهدار مه غمّه «مداح» بِنالِسّه زار زار 🏴😭🏴😭🏴😭🏴😭 #علی_اکبر_اسفندیار_مداح #محرم #نوحه_مازندرانی #مویه_مازندرانی #موری_مازندرانی #دلگویه_مازندرانی #عبدالله_بن_حسن 🔰 به کانال اخبار #لفور بپيونديد 👇👇 @akhbarelafoor 👆 با ما همراه باشید

#حضرت_علی_اصغر_دلگویه_مازنی شیرخوارگان حسینی مصلای ساری #بانوای_کربلایی_سیدایمان_حسینی شعر: علی اکبراسفندیار_فیروزکوه #محرم #نوحه_مازندرانی #مویه_مازندرانی #موری_مازندرانی #دلگویه_مازندرانی #حضرت_علی‌اصغر 🔰 به کانال اخبار #لفور بپيونديد 👇👇 @akhbarelafoor 👆 با ما همراه باشید

🏴 ظهر تاسوعای حسینی 1403 🕌 مسجد امام حسین (ع) بورخانی 🎤 با مداحی برادر #کجوری ارسالی#یوسف_درزی 🔰 به کانال اخبار #لفور بپيونديد 👇👇 @akhbarelafoor 👆 با ما همراه باشید

🔷 نوحه مازندرانی برای حضرت زینب : حسین حسین یاحسین سـالار زینب برار ته غم بمیرم حسین حسین حسین یاحسین غمخوار زینب برار ته غم بمیرم حسین 🥀 مدینه یادش بخیر،داشتمه شه مار، برار مه دوروبردهینه،مه شـش تابرار،برار حسین یاداِنه سه روز،تـره نَدیمه،برار ازغـم دوری تـه،مـریـض بهیـمه،برار من هسّـمه زینـبِ،زهـرای اطـهر،برار بمـیرم تـه غـم مـره،نبونه بـاور،برار مـن وتِـه بیـمی دتـا،یـارصمـیمی،برار غـم وشـادی ره اَمـا،بـاهم بَدیمی،برار ته غم بمیرم حسین 🥀 فـرامـوش نـونه مـره ،داغ پیمبر،برار من کردمه ناله و،ته زویی شه سر،برار تـره یـاد اِنـه حسـین،شهرمدینه ،برار جـانِ مـارّ ِبـزونـه ، بشکسه سینه ،برار اَمـان ازکـوفه حسین،من تِه بلاره، برار جـان پِــرِسَـرِجـا،خـون زو فواره ،برار مدینه مـه دلِّ خون ،دکرده یکسر،برار بَـدیمه جان دا حسن،تِه زانوی سر،برار ته غم بمیرم حسین 🥀 الـهی هیـچ خـواخرِه، بـرارنمـیره ،برار بــراره وِسّـه خـواخر عـزا نهـیره ،برار ته که مِـه پَلی دَیی،دل گیـته قرار،برار چنده سخته هِنیشم،تـه نعش کنار، برار چیکارهاکنم مصیبت،هسّه سنگین، برار سفارش هاکردی خواخرنکن نفرین، برار نـا بتّـومّـه نـالـه بـزنم نـا فریاد ، برار نه مِه مار دره نه پِـر،برسه مِه داد،برار ته غم بمیرم حسین 🥀 کـجه دره جان مـار، بویـنه مه زار،برار میـون نـامحـرمـا،بَیـمِه گـرفـتار،برار نکـردمه بـاورایــن روزّه بَـویـنم،برار تـه رگ گـردنِ جـا،لاله بچـینم،بـرار تِه دابمیرم حسین ،که سرندارنی، برار تِـه کمربشکـسّه و،اکـبرنـدارنی ،برار غم بـی بـرادری ره کمبه احساس،برار حسین ته سرچی بموازداغ عباس،برار ته غم بمیرم حسین🥀 تـه قتـلگاه مـیون دست وپـازویی،برار بمـیرم شـه جانِ مـارّه صدا زویی،برار ته دست وپا زویی و،من زومه شه سر، برار نه عباس داشتمه نـا،قاسـم واکبر،برار بمـیرم نـاله زویـی ،ازسـوزعطش ،برار تره که اوندانه،مه دل بورده غش،برار تـادشـمن شادنهـووم نکمبه بـرمه،برار تـه گَلـیِ خونِ جا،چش کمبه سرمه، برار ته غم بمیرم حسین🥀 تـه وَچُـون گـیرنّه ته،سراغّهِ مه جا،برار مـره بکـوشـته وِشُـونِ بـابـا بـابا،برار چی بَـوّم رقـیه ره تـه غم مه سینه،برار نـدارمـه مـن طاقتِ اشک سکینه،برار چـتی نِنـالم مـن از،دسـت زمـانه،برار تسلـیت گـنّه مـره،بـا تـازیـانـه، برار ته غم بمیرم حسین🥀 تِـه سَـرّه دیـربَـدیـنه مره بزونه،برار مـن ازکـبودی تـن دارمـه نشونه،برار چه تقدیـری داشتمی،من وتِه درروزگار مِه قسمت اسیری و،تِـه نیزه سوار،برار تِـه بالای نیزه و،مـه هارش هارش،برار مِـه کَـهوآسـمونِ،چِشن پُـر وارش،برار بسوته «مداح» دل بسوته مه دل برار دیگه شومه اسیری منزل به منزل برار ته غم بمیرم حسین حسین حسین یـاحسین سالارزینب برار ته غم بمیرم حسین حسین حسین یاحسین غمخوار زینب برار ته غم بمیرم حسین #علی_اکبراسفندیار_مداح #محرم #نوحه_مازندرانی #مویه_مازندرانی #موری_مازندرانی #دلگویه_مازندرانی #حضرت_زینب 🔰 به کانال اخبار #لفور بپيونديد 👇👇 @akhbarelafoor 👆 با ما همراه باشید

🔷 دلگویه مازندرانی برای حضرت مسلم بن عقیل : شه غَمّه کره بَوِّم کره بَوِّم دیگه نِخوامه که این دنیا دَوِّم کمین دِتِر مثل من غم بَدیّـه کی مثل من مصیبت بَکِشیّه آرزو دَیّه مِه دل اَی دِواره کَشِه بَهیرم شه جان بابا ره مــره خـبر بَــرسیّه نــاگمون یتیم بَهیمی وبی سروسامون ازاین به بعد مه روزگارچه زاره بَکوشتنه مه نازنین بابا ره غریب مَحله دس وپا بَزوعه دَیّه جان دا کِره صدا بَزوعه مره تا یاد اِنه غم بونه تازه مه بابا نداشته تشییع جنازه مه جان دایی حسینِ نواجش مه چِشّـه اُو بیاردو دله نالش اگه یتیممه دل پُرِ خونه مه جان دایی حسین مهربونه ناروزدارمه ناشوبَیمه جان به لب مِه دردِ مَرحَم هَسّه خاله زینب چی بَهووِم که مره غصه باره مه جانِ مار بِرمه بِرمه داره اِسا که بَهیمه از غصه دلخون خبر ندارمه از جان برارون کِجه آواره و سر گردوننه آواره در کِمِین بیابوننه مه دلخِشی جان براروننه نَکِنِه که وِشون هم دلخوننه جای نفس بَکِشم ناله و آه مه درده روضه بَخونِسّه«مداح» #علی_اکبر_اسفندیار_مداح #محرم #نوحه_مازندرانی #مویه_مازندرانی #موری_مازندرانی #دلگویه_مازندرانی #حضرت_مسلم 🔰 به کانال اخبار #لفور بپيونديد 👇👇 @akhbarelafoor 👆 با ما همراه باشید

🔷 نوحه مازندرانی برای حضرت زینب : مِه دلِ درد و غصه بی شماره«۲»                برار من تِه بلاره«۲» بَمیرم که تِه سر نیزه سواره«۲»                برار من تِه بلاره«۲» تِره تا داشتمه دل غم نداشته تِه زینب با تِه هیچی کم نداشته تِه که بُوردی مِه دلخشی بَمرده تِه واری برار این عالم نداشته مِه دِتا چِش تِوسّه بِرمه واره                برار من تِه بلاره«۲» تِره بَکوشتنه مه پَلی زار زار شِه سرو دلّه بَروشتمه برار عباسِ سر ره تاکه دیر بَدینه برار مره خَله هِدانه آزار مه دل تنگ وتِوسّـه بی قراره              برار من تِه بلاره«۲» کِمین خواخر مِه واری غم بَدیّه شه نازنینونِ ماتم بَدیّـه داغ وَچون ، برار ، برارزاعونّـه اَتا روز همه ره با هم بَدیّـه تِه که بُوردی برار بَیمه آواره                برار من تِه بلاره«۲» تِه هر چی غم بَدی من هم بَدیمه همه جا اَمومه تِه داد رَسیمه حسین جان کی وِنه مِه داد بَرسه؟ نَـدونّـی چَنّـه بِــلا بَکِشیمـه اِسـا بی تِه من هاکنم چه چاره               برار من تِه بلاره«۲» از اون روز که خواخر برار بَهیمی اِما رنگ جدایی ره نَدیمی من شتر سوار و تِه نیزه سوار برار جان اینجوری سفر نَشیمی تِره که اِشمه دل بونه پاره               برار من تِه بلاره«۲» اگر چه دل کوه غم هَسّـه برار از غم تِـه ندارمه صبر و قرار حسین غصه نخر من جای عباس دیگه بَیمه ته سپاه علمدار من و ته سر گذشت چه برمه داره                برار من تِه بلاره«۲» بورم کوفه و شام غوغا هاکنم یزیده همه جا رسوا هاکنم هر چی باشه من علیِ کیجامه تِه حقانیت ره احیا هاکنم روزگارِ تِـه دشمن دیگه زاره                برار من تِه بلاره«۲» اگر چه مه دل از غصه کبابه یاری هاکردنه حسین ثوابه مــبارزه بــا یــزیـدِ زمــانـه مسلمانون الان حفظ حجابه این حکم قرآن و پروردگاره برار من ته بلاره تِـه پیغوم بـر بُـومه من در اسارت تـا کـربلا ره هـاکنم روایـت پیــام کــربـلا ایـن هَسّـه «مداح» همه وِنِـه باشیـم یـار ولایت اینتا سفارش مه جان ماره                برار من تِه بلاره«۲» #علی_اکبر_اسفندیار_مداح #محرم #نوحه_مازندرانی #مویه_مازندرانی #موری_مازندرانی #دلگویه_مازندرانی #حضرت_زینب 🔰 به کانال اخبار #لفور بپيونديد 👇👇 @akhbarelafoor 👆 با ما همراه باشید

🔷 نوحه مازندرانی برای حضرت زینب : مه نازنین برار ای جان زینب برار ته دا بمیرم پاره پاره بعی قرآن زینب برار ته دا بمیرم تمام کربلا ته تن بپاته برار ته دا بمیرم حسین جان ای سرو سامان زینب برار ته دا بمیرم بنالم با نوای بی نوایی آخر برسیّه روز جدایی خدا حافظ مه مارِ یادگاری دیگه نَویـمّه مثل ته براری مره چیکار بکته جان برار من عاقبت بهیمه ته عزادار ته که بوردی مه ناله اشک و آهه بدون ته مه روزگار سیاهه همیشه من ته جا شرمکنده بیمه تا الان ته دلخشی زنه بیمه مه دل تنگ هسّه خوامه زار بزنم ته غریبی ره برار جار بزنم الهی هیچ خواخری مثل زینب از داغ شه برار نناله هر شب چیکار هاکرده با ته داغ عباس دیگه نتونّسی قد هاکنی راس ته سر گذشت چه اَنّـه برمه داره ته تن در خون و سر نیزه سواره یاد اِنـه گتمه با آه و ناله برار من و ته جدایی محاله حسین ای درد و هم درمان زینب برار ته دا بمیرم دنیا مه جا هاکرده بی وفایی مبـتلا بَیمه به درد جدایی خدا مه سر گذشت که نوشته غم و درد و اسیری بنویشته گمون نکردمه غمبار هنیشم ته نعش بی سرِ کنار هنیشم تن بی سر اگه ته مه براری ته پیرهن کوعه ماره یادگاری بشکسّه استخون ته سینه نرمه رگ گردن هنوز خون اِنـه گرمه ته تن ره جای تشییع جنازه چنه گل بزونه با نعل تازه خدا دونّـه که از جان سیر بهیمه برار جان اَتا روزه پیر بهیمه ته جا خالی بیه شام غریبون چه آه و ناله ای زونه یتیمون اَتـا بابا بابا ونگ وا کرده اَتـا عمو عباس ره صدا کرده وچونِ ناله مه دل ره بزو تَش از درد تازیانه کردنه غش حسین هم جان و هم جانان زینب برار ته دا بمیرم دنیبی مره حرف بـد بزونه ته رقیه ره با لگد بزونه اگر چه وچونِ دل پر درده برار غصه نخر زینب نمرده مگه با ته چیکار هاکرده عطش که کربلا ره دود وینّسی و تش ته چش سیاهی بورده سو ندانه تره تشنا بیه و او ندانه مه یاد که در نشونه زیر خنجر ته دس و پا زویی من زومه شه سر تا که عباسِ سر ره دیر بدینه برار ته داغ ره بشتنه مه سینه ته دس و پا زویی میون گودال تره که بدیمه بوردمه از حال میون قتلگاه چی بمو ته سر جان مار ناله زو غریب مادر چی جور بکوشتنه که سر ندارنی ته چه انگشت و انگشتر ندارنی اینجوری بکوشتن ره کی بدیّـه؟ نفس نفس زویی جان در نشیّه بمیرم ته که سر نداشتی برار تره کی رو به قبله بکشیّه؟ عزیز برار و مهربان زینب برار ته دا بمیرم دهون زخم وگلی زخم وزبون زخم کمر از داغ عباس جوون زخم از تیر حرمله اصغر بسوته ته جیگر از داغ اکبر بسوته تا خنجر نَوریه رگِ گَلی ره چنه لو زونه ته پشت و پَلی ره الهی هیچ خواخر غریب کنار نوینه داغ شه عزیز برار کمین خواخر تن بی سر بدیّـه؟ شه عزیز برار ره پرپر بَدیّـه فَلک من و ته جا چها هاکرده تره آخر مه جا جدا هاکرده درشومه اسیری دیار به دیار مره حلال هاکن خدا نگهدار اسیری که شومه دل تسّه تنگه در این سفر مه قسمت چوب و سنگه مه دل تنگ هسّه و چش وارنه وارش دم و ساعت مره از نیزه هارش کاروان درشونه برار دَنیّـه عَلَم دره و علمدار دنیّـه مه یاد در نشونه پیمان زینب برارته دا بمیرم کاروان درشونه ندارنه رهبر نا قاسم دره نا عباس و اکبر غریب بی کفنی ای پاره گَلی بُورم بلکوم که مار بیه ته پَلی اگه بپرسیه از حال زینب ونسّـه بعو از اقبال زینب جانِ مار ره بعو که سر پیری ته زینب ره بَوردنه اسیری بعو که دنیبی شام غریبون مه خواخر تتـه دنبال یتیمون بعو زینب ره اینجه بی بهانه جای تسلیت زونه تازیانه دیگه چی بهووم که دل کبابه وعدۀ من و ته باشه خرابه خدا حافظ حسین ته غم مه سینه بدون ته چتی بُورم مدینه به «مداح» هر چی هاکردی عنایت قیامت ونـه جا هاکن شفاعت. عزیز برار و مهربان زینب برار ته دا بمیرم #علی_اکبر_اسفندیار_مداح #محرم #نوحه_مازندرانی #مویه_مازندرانی #موری_مازندرانی #دلگویه_مازندرانی #حضرت_زینب 🔰 به کانال اخبار #لفور بپيونديد 👇👇 @akhbarelafoor 👆 با ما همراه باشید

🖤 دلگویه مازندرانی برای امام حسین علیه السلام : برار بَوین خواخر ره سرِ پیری درنّـه ورنـّه کوفه اسیری ته که بُوردی خواخر آواره بَـیّه از غم و داغ ته بیچاره بَـیّه اسیری شومه و دیار به دیار مره حلال هاکن خدا نگهدار الهی هیچ خواخر غریب کنار اینجوری نَویـنه داغ شه برار درشومه اسیری دل تسّه تنگه برار برار دیگه مه دلِ وَنگه مه دل تنگو دِتاچش وارنه وارش دم و ساعت مره از نیزه هارش کاروان درشونه برار دَنیّـه عَلَم دره و علمدار دَنیّـه من و ته اینجوری سفر نشیمی بدون عباس و اکبر نشیمی غریب بی کفی ای جان برار گمونم که بِمو بوی جان مار اگه بپرسیه از حال زینب ونسّـه بعو از اقبال زینب جانِ مار ره بعو که سر پیری ته زینب ره بَوردنه اسیری بعو که دنیبی شام غریبون مه خواخر تَتِـه دنبال یتیمون جان مار ره بعو که بی بهونه جای تسلیت تِه زینبِ زونه خداحافظ برار مه دل کبابه وعدۀ من و ته باشه خرابه داداش«مداح» دل خَله بسوته چه جانسوزانه از گودال بهوته #علی_اکبر_اسفندیار_مداح #محرم #نوحه_مازندرانی #مویه_مازندرانی #موری_مازندرانی #دلگویه_مازندرانی #امام_حسین 🔰 به کانال اخبار #لفور بپيونديد 👇👇 @akhbarelafoor 👆 با ما همراه باشید

🔷 دلگویه مازندرانی برای امام حسین ع: شام غریبون مره چیکار بکته ای، برار تِه جا جدابَیمه خدادونّه حسین جان من خواخربی وفا نَیمه اگه تقدیر من اینه که دیگه بی برار باشم جانِ برار دعا هاکن که بی تِه زنـّه نواشم بدون ته مگه روزگار سربونه             داغ دوریِ ته موسه شَربونه ته هم مه عزیزِدل بی،وهم مه نازنین برار ته مارنداشتی ومن هم ته خواخربِیمه هم تِه مار ازمدینه تاکربلاحسین ته غصه خوار بِیمه نَدومّـه که تِوسّه خواخرِبَدیاکه خار بِیمه خوامه ته گَلیِ جا لاله بچینم              دیگه نخوامه فردا روزه بَوینم                    چنه ته اُستخون سینه وکَش وپَلی خورده هرچی که نیزه دَیـّه کربلاته تن فرو بُورده برارِ نازنینی داشتمه  هاکردنه پرپر حسین جان کاش که کور بِیبوم تا تِره ندیبوم بی سر ته بوردی خولی و حرمله بمونه              دنیبی بَوینی که مره بزونه #علی_اکبر_اسفندیار_مداح #محرم #نوحه_مازندرانی #مویه_مازندرانی #موری_مازندرانی #دلگویه_مازندرانی #امام_حسین #شام_غریبون 🔰 به کانال اخبار #لفور بپيونديد 👇👇 @akhbarelafoor 👆 با ما همراه باشید

🔷 نوحه مازندرانی برای حضرت زینب : آمه غریبِ برار زینبِ دلِ قرار خواخر بَیّـه گرفتار الهی تَـش بَهیتبو مِـه اِقبـال آمه غریبِ برار تِره اینجور نَدیبوم زَنّی بال بال آمه غریب برار من و تِه میون جدایی دَکِته آمه غریب برار من تَلِّ زینبیه و ته گودال آمه غریب برار خدا مِه سرگذشتِ که نِوشته گمونم غم و غصه بَنِوشته برار ای کاش که دنیا دَنیبیبوم تِه دَس وپا بَزوعن ره نَدیبوم آمه غریبِ برار زینبِ دلِ قرار خواخر بَیّـه گرفتار چیکار هاکِنم تره شمر نَـزنه این نانجیب ته جا اینجور نکنه چیکار هاکنم دَسّ و پا نَزِنی؟ آنّـه جانِ مار ره صدا نَـزِنی شمرِ نانجیب ره بعو نکنه تِره اینجوری پشت رو نکنه آمه غریبِ برار زینبِ دلِ قرار خواخر بَیّـه گرفتار چیکار هاکِنم مه جا دیر دَکِتی ته نانجیبونِ دَس گیر دَکِتی چی بَوِّم سینه ی سر راس بَهووه الان خواسه که تِه عباس دَهووه خواخر بَمیره که بشکِسّه بالی خَله جای تِه اکبر هَسّـه خالی آمه غریبِ برار زینبِ دلِ قرار خواخر بَیّـه گرفتار من وتِه سرگذشت چه بِرمه داره پُر از غم و پر از دنیای زاره چِتی دل داشته بَورینه گَلی ره چَنّه لُو زوعه تِه پشت و پَلی ره هرچی داشتی ره دَرنّـه وَرنّـه تِه تنِ پیرهَن و سر ره وَرنّـه آمه غریبِ برار زینبِ دلِ قرار خواخر بَیّـه گرفتار مره غصّه باره تِه غم مه سینه خَله بی تابی کِنّـه تِه سکینه الهـی بَمـیرم زارِ رقـیه بابا بابا وِنِـه وَنگ و وا بَیّـه تِه دَنی باشی مره بی بهانه تسلیت گِننه بـا تـازیـانه ته که دَنی باشی آواره بومه از دوریِ تِه من بیچاره بومه آمه غریبِ برار زینبِ دلِ قرار خواخر بَیّـه گرفتار غریبی دَکِتی خواخر بَمیره از نفس بَکِتی خواخر بَمیره برار دنیا چه بی وفا بَهییه زینب دیگه تِه جا جدا بَهییه کِمین خواخر تَنِ بی سر بَدیّه برار ره اینجوری پرپر بَدیّـه آمه غریبِ برار زینبِ دلِ قرار خواخر بَیّـه گرفتار اسیری درشومه دیار به دیار مره حلال هاکِن خدانگهدار اسیری که شومه دل تِسّـه تنگه مِه قسمت این سفری چوب وسنگه چنه سخته سفر برار دَنیبو سپهسالار و علمدار دَنیبو دیگه زینب چتی شه خِدِّه داره بنال«مداح»که زینب خون بواره آمه غریبِ برار زینبِ دلِ قرار خواخر بَیّـه گرفتار #علی_اکبر_اسفندیار_مداح #محرم #نوحه_مازندرانی #مویه_مازندرانی #موری_مازندرانی #دلگویه_مازندرانی #حضرت_زینب 🔰 به کانال اخبار #لفور بپيونديد 👇👇 @akhbarelafoor 👆 با ما همراه باشید