حضرت #ابوالفضل #عباس مرحوم #حقیر یئتوب امامه مصیبتْ مصیبت اوستوندن نظرده ایمدی همان حالتی مجسَّم دور ییخوبلا قولسوز علمدارینی فرات اوسته یانان بو حسرته، شط فرات علقم دور یئتن زمان باشی اوسته، گؤروب نفَس گلمور هله اورک قانی گلماقلیغا دمادم دور دؤلوبدی قان گؤزونه دیده دن آخار یوزونه گُل اوزره بس دیه‌سن قطره قطره شبنم دور الین قؤیوب بئلینه دیلده ذکر واعباس دئدی بوکولدی بئلیم آه قامتیم خم دور الون الیمدن آلوب ائتدیلر شهید سنی بو قوم ایمدی منیم قتلیمه مصمم دور سنون گؤزونده منم، اؤز گؤزونده سن منی گؤر بو پرده پردۀ چشمونده خونِ دیده‌م دور مدادِ سُرخیله سینونده آیۀ قربان یازوبلا صفحۀ قرآن کیمی مترجم دور اگر یاتوب علمون ائتمه غم قیامت دن او گون لوای شفاعت سنه مسلّم دور ... باشین گؤتوردی دیزیندن ایاقینه قؤیدی محبت عالمینین سرّی اؤزگه عالم دور (با اندک ویرایش)