🌺در وصف ماه مبارک رمضان 🌺 طلیعهء رمضاندور ندا یتیشدی بیزه ندای خالق ارض و سما یتیشدی بیزه گلوب اورجلوق آیی بنده لر اوروج دوتسون کلام وحییدی امر خدا یتیشدی بیزه دیلیمده ذکریم اولوب" لا اله الا الله" دوداقدا غنچه لنوب "ربنا "یتیشدی بیزه دیینده " ربی الاعلا " گلور ندا، لبیک کی یعنی مرحمت کبریا یتیشدی بیزه دولاندی دوره گینه نوبه بیزلره چاتدی جواز توبه و حال دعا یتیشدی بیزه گینه بو آیدا گنهکاره یر آچیلدی گلون بو ازدحامیده صد شکر جا یتیشدی بیزه دوباره شوق ائلدوخ بنده لیق ائداخ حقّه اورک سِووندی عجیبه صفا یتیشدی بیزه گدالری بو آییون هاردادور دئیون گلسون گلوبدی رحمت آیی اعتلا یتیشدی بیزه علی الینده دی بو بیر آیون حسابی ، یقین علینون عشقیدی که ، اهدنا یتیشدی بیزه علینون عشقینه الله آچوبدی سفره سینی علی سببدی خدادن عطا یتیشدی ییزه عنایت ائیلدی بیرده بو آیدا حضرت حق کریم آل عبا ، مجتبی یتیشدی بیزه جهاندا هرکس اولار بیر کسه پناهنده حریم خامس آل عبا یتیشدی بیزه حسین دئینده اورک هفت شهر عشقی گزور خدایه شکر اولا کرب و بلا ، یتیشدی بیزه حسین دئینده سوسوز لبلری دوشور یادیما دیینده " صَبراً عَلی ما قَضا " یتیشدی بیزه قیام کرب و بلاده قیامت ائتدی حسین منای حقده " ذبیحاً قفا " یتیشدی بیزه پیمبر امتی پیغمبر اوغلون ائتدی شهید محرّمون آیی آه و نوا یتیشدی بیزه حسین فدالری دشت بلاده جان وئردی حریم عشقیده قانلی مِنا یتیشدی بیزه کنار نهریده سقا سوسوز شهید اولدی لِوای ساقیِ دشتِ بلا یتیشدی بیزه حسینون عشقیدی #شیدانی ائیلیوب شیدا ولایت عشقینه طبع رسا یتیشدی بیزه #محمدرضاصادقی‌شیدا

برگرفته از شعر استاد بدرخانی : 👆👆👆 بداهه صلح اولاردی کل دنیاده اگر جنگ اولماسیدی خلقیده بیرلیق اولاردی مین بئله رنگ اولماسیدی ظاهر و باطن مثال آیِنه یک رنگ اولاردی قلب لر سینمازدی مغرض لرده گر سنگ اولماسیدی حکم قران کل دنیاده یقین اجرا اولاردی ظاهرا آدی مسلمان دینه گر ننگ اولماسیدی مکتب غربی دوتاردی کل ایران عزیزی مکتب سرخ حسین تک بوردا فرهنگ اولماسیدی خاک ایرانی یقین اشرار دون تسخیر ائدردی گر سپاه و ارتش ایران هماهنگ اولماسیدی #احسانین شعری گتوردی شوره #شیدانی وگرنه خامه یازمازدی یقینا صفحه دلتنگ اولماسیدی بیت بیتیندن آلوب الهام ، تازه سوز یازاردی #بدرخانی تک اونا گر قافیه تنگ اولماسیدی #محمدرضا‌صادقی‌شیدا

در آرزوی کربلا #سبک: من اومدم دوا بشه دردم ای کربلا ای روضه رضوان سنده یاتان قربانلارا قربان هجرونده بو قلبیم اولوب شان شان داریخمیشام من ای کربلا سندن اوتور هر آن قلبیم اولور بیر بید تک لرزان هجرونده اولموش گوزلریم گریان داریخمشام من ای کربلا ای دردیمه درمان ( ۳ ) گلسم سوزوم وار خلق ائیلیوب الله سنی لایق چون اولموسان ثارللّهَه شائق سنده یاتوب یئتمیش ایکی عاشق ای فخر عالم ای کربلا ای کعبه دن افضل خُلد برینه ای اولان مَدخَل ای جلوه سی رضوانیدن اَجمَل ای فخر عالم ای کربلا ای دردیمه درمان ( ۳ ) گلسم سوزوم وار ای عرش و فرشه توپراقی زیور اُم القُرادَن ای اولان برتر سنده یاتوبدور جان پیغمبر توپراقلار اوسته ای کربلا ای مرکزِ افغان اون گون سنه اولدی حسین مهمان عطشان اولوب اوز دینینه قربان توپراقلار اوسته ای کربلا ای دردیمه درمان ( ۳ ) گلسم سوزوم وار سنده وئریب قارداشلارین زینب پاینده قالسین دینیلَن مذهب ئولمز یقیناً بیر بئله مکتب محشر اولونجا سنده یاتوبدور شبهِ پیغمبر قطعه به قطعه دوغرانوب اکبر تا کشتیِ دین سالماسین لنگر محشر اولونجا ای کربلا ای دردیمه درمان ( ۳ ) گَلسَم سوزوم وار اوخلاندی سنده معدن احساس نهر فرات اوسته دمِ حسّاس سقای شاه کربلا عباس ظلمِ عدودن قاسم باتوبدور قانینه آخَر ظلمیله اوخلاندی علی اصغر بو غمده یاندی ماسوا یکسر ظلمِ عدودن ای کربلا ای دردیمه درمان ( ۳ ) گَلسَم سوزوم وار ای مسلَخِ مردانِ عاشورا ای جایگاهی کعبه دن والا توپراقلار ایچره یوخ سنه همتا سنده گوزوم وار درد و غمه ائتمه منی مأنوس ورد دیلیم قویما اولا افسوس #شیدانی گل قویما قالا مأیوس سنده گوزوم وار ای کربلا ای دردیمه درمان ( ۳ ) گلسَم سوزوم وار #محرم #آرزوی_کربلا #محمدرضاصادقی‌شیدا

استغاثه از محضر حضرت معصومه ( س ) ای خواهرِ امامِ رضا اِشْفَعِی لَنا محبوبه‌ئ حبیبِ خدا اِشْفَعِی لَنا ای نورِ چشمِ فاطمه ای جان مرتضی ای افتخارِ آل عبا اِشْفَعِی لَنا ای طاهره ای عالمه ای عابده ، خانم ای معدنِ عطا و سخا اِشْفَعِی لَنا ای اهلبیت و آل عبانون کریمه سی ای عالمینه بابِ رجا اِشْفَعِی لَنا ای مایهء قرار دل ثامن الحجج ای زینبِ امامِ رضا اِشْفَعِی لَنا معنا تاپوب سیزیله جهاندا حیا خانم ای معدنِ وقار و حیا اِشْفَعِی لَنا ای نورِچشم و جان و دل و روح شاه طوس ای نورِ پاکی نورِ هدی اِشْفَعِی لَنا گلزاره دوندی گوردی سیزی تا دیار قم ای عشق پاکی قلبه صفا اِشْفَعِی لَنا ای ریزه خوار سفرهء گسترده سی اولان مین حاتم و امیر و گدا اِشْفَعِی لَنا ای مس وجودینی ائلیین بیر نگاهیله اجدادی تک بسان طلا اِشْفَعِی لَنا هر کیم مریض اولوبدی گلوب پیشگاهوزه سیزدن آلوب یقین که شفا اِشْفَعِی لَنا ای آستانی جلوه‌ء عرشِ حقِ مُبین ای شیعه لر اوقبره فدا اِشْفَعِی لَنا اوز شیعه و مُحبّینی هر صبح و ظهر و شام ای ائیلییَن همیشه دُعا اِشْفَعِی لَنا قاره یوزیله درگهیوه گلمیشوخ خانم چوخدور اگرچه بیزده خطا اِشْفَعِی لَنا وئرّم سیزی او طوسیده قارداشیزه قسم وئر بیر برات کرب و بلا اِشْفَعِی لَنا طوبی قلم اولا یر اوزی صفحه ، وصفیزی گر یازسا حقّیز اولماز ادا اِشْفَعِی لَنا دعوت ائله بو جَمعیله #شیدانی قبروزه ائتسونله درگهوزده ندا اِشْفَعِی لَنا بیر نوکرم قاپوزدا کی الکن زبانیله ایلوم سیزی نه نوعی ثنا اِشْفَعِی لَنا #محمدرضاصادقی‌شیدا