زبانحال حضرت موسی ابن جعفر (ع) حاج علی پورعلی (جاهد) . . آنا زهرا جان وئرور اوغلون موسی جعفر تئز یتیش داده دوتوب اود سینم یانور تئز گل بو دم آخر سال منی یاده . هارای هارونین جفاسیندن هارای ظلم نارواسیندن . آه و واویلا (2) . . . یتیش داده غملی چاقیمده حالیمه آغلا سینه وی داغلا غریبانه جان وئرور اوغلون غملی زنداندا گوزلرین باغلا . هارای هارونین جفاسیندن هارای ظلم نارواسیندن . آه و واویلا (2) . . . غریب ئولسه غملی زنداندا گوزلرین آخر باغلیان اولماز چیخار جانی غملی غربتده اوخشیان اولماز آغلیان اولماز . هارای هارونین جفاسیندن هارای ظلم نارواسیندن . آه و واویلا (2) . . . دئدیم حقدور مکتب قرآن دوشدوم آخر بو غملی زندانه غل و زنجیر آلتدا جان وئردیم عمر غمباریم چاتدی پایانه . هارای هارونین جفاسیندن هارای ظلم نارواسیندن . آه و واویلا (2) . . . رطوبت یئرده زبس قالدیم استخوانیم دوشدی یامان درده تداوم تاپدی بو محنتدن اوخشادی رخساریم گل زرده . هارای هارونین جفاسیندن هارای ظلم نارواسیندن . آه و واویلا (2) . . . رخ زردیم هر نماز اوسته یا مناجاتین انتهاسینده اولوب نیلی ضرب سیلیدن سِندیِ شاهک لر جفاسیندن . هارای هارونین جفاسیندن هارای ظلم نارواسیندن . آه و واویلا (2) . . . ملاقاتیم یوخ مناجاتیم اون بیر ائیل اولدی یا کریم الله مجیب الله ذوالجلال الله یا رئوف الله یا رحیم الله . هارای هارونین جفاسیندن هارای ظلم نارواسیندن . آه و واویلا (2) . . . گوزوم یولدا بو دم آخر غملی قلبیم بیر لحظه دینجلسین بو غم ساعاتیمده دیداره راحت جان اوغلوم رضا گلسین . هارای هارونین جفاسیندن هارای ظلم نارواسیندن . آه و واویلا (2)

زبانحال حضرت امام کاظم (ع) . مرحوم زائر تبریزی مشهور به زائر عمو . . بو گوشۀ زندان خدا سن راضی سان من راضیم هارون ویره زهرجفا سن راضی سان من راضیم . . مشاقیدیم دائم تاپوم من بیربیله خلوتسرا طاعاتوه مشغول اولوم یارب سنون صبح و مسا صد شکر یتدیم مقصده گلدی اله بو مدعا ایتسه منه ظلم اشقیا سن راضیسان من راضیم . . شام وسحر اعدای دین ایلر اذیتلر منه ترویج دینوندور سنون خوشدور بو زحمتلر منه آزار ایدولر متصل بو کفر طینتلرمنه تحریرایدوب گویا قضا سن راضیسان من راضیم . . هرچند ظلمتدور یریم روشندی قلبیم نوریله ایتم گله من صابرم قلبیمده کی منظوریله بو غم لره صبر ایلرم یارب دل مسروریله گلسه غم اوستن گر بلا سن راضیسان من راضیم . . سند شقی هرگون منی غم منجنیقینده سخار آگاهسن ظلمی اونون یارب حسابیندن چخار قمچی ورار چوخ جوخ منه دین مبین رکنین یخار بوظلمه منده یوخدی لاسن راضیسان من راضیم . . دریاده بطن حوتدن ای یوسفی آزاد ایدن سنسن نجی زندان ده هر بیر غریبی یاد ایدن سن حل ایدنسن مشگلی عاجزلره امداد ایدن ایتسن منی غمدن رها سن راضیسان من راضیم

#حضرت_رباب_س قبره قویاندا سید سجاد آناسینی دیلدن اوجاتدی عرش خدایه نواسینی آخدی سرشکی عارضه بیر سِیل تک مدام ایسلاتدی گوز یاشیلا مزارین سراسینی سَسلندی یات که یئتدون اورکده مرادیوه تاپدون او داغلی سینه ده دردون دواسینی دینجل گیلَن که یورموشیدی ابتلا سنی تعقیب ایتمه کرب و بلا ماجراسینی سعی ائت مزاریده داخی نِی تک سیزلداما بیر عالمین جهاندا گوروبسَن جفاسینی روحون گوزیله آغلاسان آغوش قبریده شه سینه سینده آرتیرار اصغر بکاسینی اصغر شهید اولاندان آنا گولمدی یوزون گوردون هاچان شَقی فلکین سَن وفاسینی؟ ناله سَسون سَمٓایه یتردی مدینه دَن تسخیر ایدردی شهر مدینه فضاسینی دائم چَکَردون عکس رخ یاری ذهنیوه یاددان چیخاتمازیدون او غم مبتلاسینی اَلده بهانه دوتدون علی اصغری هرآن توکدون آتام غمینده گوزون کیمیاسینی دائم عزاده حاضر اولوب اوخشاما دیدون شوره گتیردی نغمه لرون بزم یاسینی گه شیرخواره آغلامیسان گاه او سروره گَتدون بو نوعیله اَله الله رضاسینی جان جهان فدا بالاوین قبر پاکینه تذهیب ایدوب بالان شه دین کربلاسینی اوغلون شفاعت اهلینه اسباب عشقیدور تعریف ایدوب بابام بالاوون ادعاسینی مَمهور ایدوب صحیفه سینی خون حلقیله گون چَکدی باشینه او گون اصغر حناسینی دولدوردی اوجونا بالاوین قانینی بابام تا تیره روزگار ایده شام اولیاسینی... سَپدی سمایه قانینی، قان قان دیدی او قان یخدی غرض که شامیده ظلمون بناسینی ظلمون بناسینی یخان اولدی بهشته زیب ایندی آلوب کنارینه زهرا،  بالاسینی محسن تبسمیله ایدور بوس حلقینی هر چند غرق ایدور مُحنه اوز آناسینی سَنده کَسوبسن ایندی که اُلفت بناتیدن گورسَن هاچان بهشتیده غم آشناسینی... مَندَنده بیر سلام ایله پهلو شکستیه عرض ائت بالان غمونده اوجالدار نواسینی بوس ایلمه اماندی او مجروح سینه نی قلبون یانار یقین ایله گورسَن یاراسینی عِشقون اورکده، ساز ایلیوب سازیوی #عتیق گور نه بلند ایدوبدی قلمده صداسینی التماس دعااا🙏

#سلام سلام بر غریب بغداد حضرت امام موسی کاظم ع سلام تیر بلا داغلی قلبینی بولنه سلام گوشه ی زندانیده غریب ئولنه سلام سینه ده چوخ نیسگلی قالان آقاما فراق محنتی ، آرامینی آلان آقاما سلام اولا او عزیزه که همدمی یوخیدی انیسی آهیدی باشدا بلاسی چوخ چوخیدی سلام او عاشقه که ذات حقه عاشیقدی همیشه ذکر دعا و نمازه شاییقیدی سلام او عابده کی ذکر حقه طالبیدی رضای حقه گوره دیو نفسه غالیبیدی سلام او مومنه که ظلمه اولمادی تسلیم سلام او رهبره کی کفره ائتمه دی تعظیم سلام اولا او مریضه که یاد ائدن یوخیدی گوروشه گوشه زندانیده گئدن یوخیدی سلام او شیره که اولموشدی بسته زنجیر دیلینده جاری اولوردی او حالیده تکبیر سلام او عابده که عالی امتیاز اوسته دایاندی گوشه زندانیده نماز اوسته سلام او زاهده که قیده اولمادی بسته ولیک سند او قدر ووردی ائله دی خسته سلام اولا او امامه که صبره حاکم دیر مصیبت عالمی داغ تک متین و کاظم دیر سلام اولا او امامه که حقه شاکری دی غم و مصیبته دریا مثالی صابریدی سلام او سروره که دوشدی درد هجرانه گوزل بالالاری دائم گلردی افغانه دئیردی گرچه بو زنداندا ناخوشام یارب ولی بو خلوته چوخداندی دلخوشام یارب ادامه دارد.. #محمد_هوشمند

ناحله الجسم یعنی حامد زمانی و عبدالرضا هلالی🎤🎤

﷽ #این آیه شریفه را بنیت شفاء خیر برای سلامتی همه بیماران اللخصوص مریض منظور نیت کنید قرائت کنید اجرتان با حضرت سیدالشهدا ع أَمَّنْ یُجیبُ الْمُضْطَرَّ إِذا دَعاهُ وَ یَکْشِفُ السُّوء🌷 أَمَّنْ یُجیبُ الْمُضْطَرَّ إِذا دَعاهُ وَ یَکْشِفُ السُّوء🌷 أَمَّنْ یُجیبُ الْمُضْطَرَّ إِذا دَعاهُ وَ یَکْشِفُ السُّوء🌷 أَمَّنْ یُجیبُ الْمُضْطَرَّ إِذا دَعاهُ وَ یَکْشِفُ السُّوء🌷 أَمَّنْ یُجیبُ الْمُضْطَرَّ إِذا دَعاهُ وَ یَکْشِفُ السُّوء🌷 #اجرکم_عندالله🙏

#امام_کاظم کیست این مرد که اوصاف پیمبر دارد از قدم تا به سرش هیبت حیدر دارد بی عصا آمده و حضرت موسی شده است ریشه در سلسله ی حضرت جعفر دارد بی سبب نیست اگر حاجت ما را داده به لبش زمزمه ی سوره ی کوثر دارد دلم از سوز غمش در تب و تاب افتاده دلم از سوز غمش داغ مکرّر دارد چند وقتی است که دنبال اجل می گردد کنج زندان بلا روضه ی مادر دارد چند وقتی است تنش سخت به هم ریخته است اینقَدَر زخم، روی پیکر لاغر دارد از روی تخته ی در، پیکر او بردارید چند تا خاطره ی سوخته از در دارد با عبا زود بپیچید به هم پایش را اینکه اینگونه تنش ریخته دختر دارد پیکرش از چه چنین بین گذر افتاده یک نفر نیست تنش را ز زمین بر دارد لا اقل چند کفن بهر تنش آوردند دست کم روی تن سوخته اش سر دارد پسرش آمده بالای سرش اما باز روضه خوان دل من روضه ی اکبر دارد همه جا را تن صد چاک علی می بینم بس که در پیکر خود زخم ز خنجر دارد وحید محمدی کانالی برای مداحی متن و شعر همراه با سبک روضه آماده مولودی های ناب ایام رجب و شعب

حضرت موسی بن جعفرع از مرحوم استاد عابد تبریزی                            اولوب مغلول اگر چه دست و پا قید اسارتده ولیکن بال آچوبدور طایر جان اوج وحدتده نه غم گر تابش ایتمز مهر و مه زندانه روز و شب که هر دم جلوه گردور عارض جانان بو ظلمتده شکایت ایتمرم زندانیدن زنجیریدن هر گز زبان گویای اسم یاردور هر ذکر وصحبتده اگرچه بیکسم اما انیسیم فکرجاناندور گوگل خوشدور لقای أشنادن کنج غربتده شئون حجت الهی اسارتدن خلل تاپماز هامی أزاده لیق تاپموش تحقق بو اسارتده حریم اعتکافیمدورمنیم بو گوشه زندان اورک مشغولیدور یاریله محراب عبادتده خدائی عزتین نقصانی یوخ-امر مسلمدور عدو هر حالیده ذلتده دور من اوج عزتده ازلدن بی نهایتده اولوب مجذوب ذراتیم جهان مجذوب اولارگر بی نهایتده نهایتده ریاستدن هوا سر مستی عزت آختارار اما حقیقت عاشقی عزت تاپار فیض شهادتده نه غم زنجیریدن زندانیدن اندوه غربتدن شکایت ایلمز سالک اولان ، راه حقیقتده ولی معصومه دیدارین گوگل چوخ آرزو ایلر بلی واضحدی بی آرام اولار دل درد فرقتده نسیم صبحیله پیغامینی همراه ایدر اما نسیمه یوخدور امکان گذر بو دار محنتده مشام جان آلار عطرین گینه باد سحر گهدن تاپار دل بوی فردوس برین هر دم بو نکهتده بلی هر آشنایه آشنادورآشنا عطری نجه امکان قرب اولماز اولا بعد مسافتده هویدادور گوزیمده عارضی هر لحظه هر ساعت گوزوم نورین گوزوم هر دم گورر اولسا نه حالتده گل رخساری سولموش آفت هجرانیدن بلم گوزینده شام تار اولموش ایشق گونلر بو أفتده ننوعی سولماسین اوز شاخه سیندن أیریلان بیرگل نجه شمع عزا تک یانماسین نار مصیبتده گل مریم نجه تقطیر شبنمله اولار همدم جمالی غرق اولوب بلم سرشک درد حسرتده خیال ایتدوقجا سولموش عارضین قلبیم یانار أری گل سوری مصیبتدور سولا عین طراوتده بیر اوزگه ماجرا ایلور تداعی بو بیان (عابد) رقیه صحبتی یاده دوشور بو طرز صحبتده

زبانحال حضرت موسی ابن جعفر (علیه السلام)   سِند الیندن گلمیشم جانه آنا یا فاطمه سنده گل بغداده زندانه آنا یا فاطمه   کاش اولیدی ای آنا ، آزاده لردن بیر نفر شعلهء آهیله قلبیم تک یانیدی مختصر بیر دییدی رحمسیز هارونه ای بیدادگر سیلی ورمازلا مسلمانه آنا یا فاطمه   من بو خلوتگاهیده جانانیله همرازیدیم محوِ وصلِ یاریدیم ، عشّاقدن ممتازیدیم حلقهء زنجیریمیله روز و شب دمسازیدیم شُکر ایدردیم حیّ سبحانه آنا یا فاطمه   قویمادی افسوس اولا دشمن منی اوز حالیمه یادِ یاریله یتَم قلبیمده کی آمالیمه حالیمی احساس ایدر هر کیم باخار احوالیمه گوز یاشیم آخدوقجا دامانه آنا یا فاطمه   بیر گجه مندن اولور زنداندا زجریله سحر قاتیلمده بیر گجه تختِ زر اوسته صبح ایدر وای او گوندن موج ایدر دریای قهرِ دادگر غرق اولار ظالم او طوفانه آنا یا فاطمه   ایتمدی رفتار دشمن ، منله بیر انسان کیمی قلبیمی یاندیردی زهری آتشِ سوزان کیمی قطره قطره قان دوداقیمده دوروب مرجان کیمی لاله تک باغریم دونوب قانه آنا یا فاطمه   نه عزیزیم وار آنا گورسون ملالِ فاشیمی قلبی یانسون حالیمه سیلسون منیم گوز یاشیمی نه قیزیم معصومه وار آلسون دیز اوسته باشیمی همدم اولسون بو پریشانه آنا یا فاطمه   واردی نه بیر اهلِ دل ، احوالیمی بیلسین منیم گوگلومی آلسین ملالیم بلکه اسگیلسین منیم نه گلور اوغلوم رضا ، گوز یاشیمی سیلسین منیم بیر سو سپسون سوزِ پنهانه آنا یا فاطمه   ایمدی جان ویرسم بو حالیله اگر زنداندا من نه ائلیم وار نه قبیلم ، نه گلن وار نه گیدن کیم مزاره تاپشورار کیم بس منه ایلر کفن؟ کیم گلر شامِ غریبانه آنا یا فاطمه   چون ایدوب مشمولِ رحمت ، خالقیم اوز بنده سین گون کیمی گورّم ایشیق تاریخمین آینده سین مرگ باغلار هر نجه محکوم اولا پرونده سین آشنا یا اولسا بیگانه آنا یا فاطمه   سِندی گورسم ، رنگِ رخساریم دیمه قاچماز منیم طایرِ روحیم بو خاکی دامدن اوچماز منیم دشمنِ بی عاطفه زنجیریمی آچماز منیم جان ویرم آسوده جانانه آنا یا فاطمه   من آنا باشه یتوردوم باشداکی تقدیریمی اهلِ دل باخسا وجودیمدن گورر تصویریمی قاتلیم ئولسمده آچماز جسمدن زنجیریمی ظلم ایدر بی روح انسانه آنا یا فاطمه   جان ویرنده دفنه راجع بیر وصیّت ایلرم بو مُقیّد جسمیله محشرده شرکت ایلرم منتقم آللهه دشمندن شکایت ایلرم انتظارم من او دیوانه آنا یا فاطمه   نوکرون (خوندل) بو درگاهه قویوب چوخدان یوزون وار سنه آرتوق ارادت اوندا ، آگهسن اوزون قویما قالسین ننگدور بیگانه اللرده گوزون تا قورتارسین عمری شاهانه آنا یا فاطمه.   مرحوم حاج حیدر خوندل

در احوالات حضرت موسی ابن جعفر (علیه السلام)   ای خدا زندانیده محبوس بی تقصیره باخ جان وئرن وقتیمده بو بوینومدا کی زنجیره باخ   شاهد اول سن گور نئجه هارون منی مظلوم ائدوب بیر اوزون مدّتدی بو زندانیده مغموم ائدوب عاقبت مین جور و ظلمیله بو گون مسموم ائدوب جانیمه زهر عداوت ایلین تآثیره باخ   شکر اولا درگاهیوه ای خالق ربّ جلیل سن کریم پروردگار و منده بیر عبد ذلیل قالمیشام اولادیمه حسرت اؤزوم زار و علیل گوشۀ زندانیده احوال عبد پیره باخ   سالدی زندانه منی اول ناکس بی شرم و عار مین جفائیله ائدوبدور محنت هجره دچار خلقه اسلامیّتین هر لظه ایلر آشکار بی حیا هارونیده بیر حیله و تزویره باخ   دمبدم هارون الیندن یوز وئرور ذلّت منه آرتوری ظلم وستم هر لحظه هر ساعت منه حلقۀ زنجیر و کنده اولدی هم صحبت منه آه آتشباری گور بیر نالۀ شبگیره باخ   هجر معصومه خدایا منده قویموب اختیار گوزلریم یولدا قالوب یوخ بیر غمین و غمگسار بی کسم توپراقلار اوسته ایمدی ئولّم خوار و زار کنده و زنجیر ظلمه باغلانان نخجیره باخ   هر بلا گلسه رضایم وار بو جانه منّتی لیک چوخ دلتنگ ائدوب اوغلوم رضانون فرقتی نوش قیللّام دمبدم جام و بلا و محنتی ملک جسمیمده سپاه غم ائدن تسخیره باخ   عرض ائدوب راز و نیازین حضرت معبودینه عاقبت ائتدی وفا اؤز وعدۀ معهودینه تاپشوروب جان نقدینی اولدی بو سودا سودینه قتلینه هارون بی دین ایلین تدبیره باخ   جان وئروب زندانیده گر چه امام هفتمین دفن ائدوب نعشین سلیمان دوتدی ماتم دلحزین جانو ئرنده کربلاده تشنه لب سالار دین هر زمان سویلردی یارب گردش تقدیره باخ   عهدیمی باشه یتوردوم ای خدای مهربان من خریدارم اؤزوم هر ظلم ائدللر کوفیان ایمدی وئرّم خنجر برّان دمینده تشنه جان بارالهی پیکریمده زخم تیغ تیزه باخ   گرچه یوخ بیر رحم ائدن ای خالق ربّ رَئوف دیدۀ زینب کیمی آغلار جراحات سیوف مین بئله یاره دگه هرگز دئمم بیر کلمه اوف خاک و خون ایچره دوشن اعضانی گور تخمیره باخ   راضی ام شمر ستمگر زینب غم پروری قولّاری باغلی دولاندیرسون پیاده چوللری چخماسون دیندن کناره جدّیمون امّتلری عاصیان ، غم دفترینده ایلین تحریره باخ   «کهنمویی» قورتولاندور نچّه گون عمرون یقین دوت حضور قلبیله موسی ابن جعفر دامَنین مطلع اشعاریوی یاز بیرده آخرده غمین بارالهی حبسده محبوس بی تقصیره باخ   مرحوم کهنموئی

احوالات حضرت موسی بن جعفر (علیه السلام)   خاموش ائدیبله شمع شبستان حیدری زهریله ئولدوروبله بو موسی ابن جعفری   وار حاجتون دئ صدقیله باب الحوائجه مشکل گشا مُلقَّب ائدیبله او سروری   زوّاردن عریضه یازین ایلیین شفیع سیز بو غریبه قاسم و عبّاس و اکبری   یوخ الده زادِ راحیله صدقیله آغلاسین تا ایسته سین رواقینه بو وقته بیزلری   زنداندا تورپاق اوسته قالیبدور جنازه سی نه مادر و نه خواهر و نه یار و یاوری   بیر تخته اوسته دورد نفر حمّال حمل ائدیب تابوتیدن کناریده قالمیشدی اللری   بو ماجرا یتیشدی سلیمان جعفره امر ایلدی توکولدوله خدّام و نوکری   حمّالیدن آلیبلا امامین جنازه سین فریاد سیّدا بؤرؤیوب هفت کشوری   غسلین وئریبله عزّتیله دفن ائدیب رضا راضی ائدیب پیمبر و خاتون محشری   یا فاطمه چوخ آغلاما زنداندا ، قیل نظر گور کربلاده یتمیش ایکی نعش اطهری   باخ بیر حسینیوه ، خس و خاشاک اولوب کفن قلبینده زخم تیر ، قوجاقینده اصغری   بیر نوعیله بدن داغیلیب ، بند بندیدن نه باش قالوب بدنده نه چیگنینده اللری   یا فاطمه توجّه ایله نهر علقمه بیر شاخ دور یخیلمیش علی نین صنوبری   قوللار دوشوبدی بیر طرفه مشک بیر طرف از بس ایاقلیوبلا تانینمازدی پیکری   شبه پیمبرین گوتوروب ، سسلنیر باجی لیلاده پیشواز ائله سین گلدی اکبری   اهل حرم یتیشدیله نعشین قوجاقلیوب آغلار بو حاله مادری اوخشاردی خواهری    مرحوم واقف سرابی

#امام_موسی_کاظم_علیه_السلام #شهادت #غزل من در این زندان به جرم عشق یار افتاده ام بهر حفظ دین و کسب و افتخار افتاده ام در مقام سر نوشتم چاره جز تسلیم نیست برگ زردم در مسیر جویبار افتاده ام یوسفی هستم که از جور و جفای ظالمان کنج زندان با دو چشم اشکبار افتاده ام من حسینی مذهبم که از بهر ارشاد بشر گوشۀ محبس حزین و بی قرار افتاده ام من امام هفتمینم کز پی ترویچ دین بی کس و تنها در این زندان تار افتاده ام من گلی از گلشن آل رسولم کز ستم با رخ پژمرده ای در پای خار افتاده ام محرم رازم به غیر از کنده و زنجیر نیست کاین چنین بی مونس و بی غمگسار افتاده ام مرغ بی بال و پری هستم که از جور عدو اندر این کنج قفس دور از دیار افتاده ام شد دل شوریده از این ماتم عظمی حزین کاندر این محبس غریب و دل فکار افتاده ام #ژولیده_نیشابوری