🥀کوچ کاروان اهلبیت (ع) از کربلا بازگشت به مدینه🥀 🎵سبک: میگذرد کاروان... ➖➖➖➖➖➖➖➖ اسدی نسیم فراق دوشدی یولا کاروان قالدی شه بی کفن گئتدی باجی باغریقان چکدی گینه یثربه چرخ فلک زینبی سالدی یولا کربلا قاره لچک زینبی اولوبدی ، غم یولداش ، زینبه قالمیوب ، بیرقارداش ، زینبه زینب عزادار اولوب یتمیش ایکی یارینه آغلور علینون قزی قولسوز علمدارینه قافله ی یثربون یوخدی علی اکبری ترک ائلیوب زینبی قاسمیلن جعفری وئروبدی ، الدن قارداشینی کسوبلر ، حسینون باشینی بختی قرا زینبین لشگری بیر دسته قز شامیده اما قالوب غمکش و دلخسته قز چهره ده گوزیاشی وار دیلده غم و التهاب سینده هجران داغی یثربه گئدور رباب سسلور ای ، لاله ی ، پرپریم گل گئدگ ، وطنه ، اصغریم لیلی بی خانمان اوخشور علی اکبری نوحه سی دل یاندورور سسلور او مه پیکری غملی عروس آغلیور قاسم ناکامینه ناله ائدور عرشیان فاطمه آلامینه زهرانین ، گللری ، سولدولار تک تکی ، قاندا غرق ، اولدولار ساجد آل عبا خسته دی جان اوسته دی غمدن عزیز حسین قوش کیمی پربسته دی نصب اولونوب محمله بیر اوجا قاره علم قافله ی غم گئدور یثربه دیلده اِلَم حسینون ، زینبی ، قوجالوب ناله سی ، گویلره ، اوجالوب ام بنین گوزلیور شیر دل عباسینی گوزلری یولدا قالوب غم آلوب احساسینی گوزلور علی اکبری یولارا صغرا باخور هجر اوخی قلبین دلوب اشگی گوزوندن آخور صغرانی ، غم ائدوب ، بی قرار یثربده ، قوجالدوب ، انتظار 📝کربلایی شهرام علیزاده #وداع_از_کربلا