📜 شومه محله ، دل قرار دنیه 📝 دل نوشته ای به نظم و زبان محلی در وصف و حال این دوران #لفور 👇👇 زبان حال مسافران این روزهای روستاهای #لفور زبان حال مسافران مهاجر ، مسافرانی که خود زمانی ساکن این دیار و آبادی بوده اند. مسافری که در مراجعه به آبادی خود و مشاهده این همه تغییر و دگرگونی احساس دلتنگی و غریبی به او دست می دهد و ناباورانه ملاحظه می کند که هیچکس و هیچ چیزی از آبادی سر جای خودش نیست.! نه از آن کاشانه های زیبا خبری است و نه اثری از زندگی پر جنب و جوش صاحبان آنها! نه از بلنگوی مسجد صدایی بلند است و نه سر و صدای کودکان بازیگوش در کوچه پس کوچه های آبادی شنیده می شود! 🎼 آوای دل مسافران بومی این دیار : شومه مَحله، دلِ قرار دَنیّه خَله وقته مه جانِ مار دَنیّه مَحله ره اِشِمه، کِمّه غریبی مه سِرپیشِ لوش و کِنار دَنیّه دیگه وَچونِ سَرْ صِدا نِنه گوش گَته کَرْسَنگ، خوردِ روهار دَنیّه مسجدِ بُلَنْدگو نَکِنده صدا یَقِن ضبطِ دِله، نِوار دَنیّه دستگاهِ شالیکوب، نَکِنده تَکتَک بینجِ کیسه و اسبِ بار دَنیّه اودَنگِ سَر، دیگه صدا نِدارنه اودَنگ کَته، دَنکو در کار دَنیّه اَتی اسب و اَتی گو، ویمّه آیِش دوره ره اِشِمه سِوار دَنیّه تور و رَسِن بَدیمه مینا خِنه هیمه کَری، در اون دیار دنیّه تَنیرِ سَر، کَته تَنّیرِ گِلی چَنده حیفه که جانِ مار دَنیّه اَمه سِرپیشْ بَیّه ساحلِ دریا خِنه بَمونِسّه، دیفار دَنیّه خِدایا، ته نِگاهی و نظر دار کسی که گوش هاده مه زار دَنیّه ✍ #حوا_واحدی_گشنیانی #گشنیانی #شعر #مازنی ─═༅𖣔❅ ⃟ ⃟ 📚 ⃟ ⃟ ❅𖣔༅═─ #پژوهش_تبارشناسی_اِدمُلّاوَند @edmolavand ﷽ #آوات_قلم http://mohsendadashpour2021.blogfa.com 📡✦‎‌‌‌࿐჻ᭂ🇮🇷࿐჻𖣔༅═─

کهو دِنیا، مه جا کَلْ کَلْ چه کِنّی؟ مه بِشْکِسّه کَمِــــرّه وَل چه کِنّی؟ بِرو مه جا بســـازا مهروون باش اِســــا دِلّا بَییْمــــه شَلْ چه کِنّی؟ #حوا_واحدی_گشنیانی @edmolavand

📝 شعر طنز : گرونیِ هلی اَنده هلی بوتی مه تِک او بِمو حوصله ،دِگر لَس ندائه لو بمو بوردمه بازارِ دله بخرِنِم ترشِ هَلی مِسّه، چش ابرو بمو تا که بدیمه وِنه رو ره اِتی دل بَکِلِسّه و مه چش سو بمو اَتّه کِلو بَکشیّه مسّه ولی کارته که بکشیمه مره تو بمو چنتا هلی گاز بزومه امّا حف یکدفه هندا بَسوته بو بمو راس بَوِمه ویمّه خنه نیشتِمه اَمرو چتی بی موقه چش خو بمو؟! ✍ #حوا_واحدی_گشنیانی #شعرطنزمازندرانی ─═༅𖣔❅ ⃟ ⃟ 📚 ⃟ ⃟ ❅𖣔༅═─ #پژوهش_اِدمُلّاوَند @edmolavand ﷽ 📡✦‎‌‌‌࿐჻ᭂ🇮🇷࿐჻𖣔༅═─ #آوات_قلم http://mohsendadashpour2021.blogfa.com 📡✦‎‌‌‌࿐჻ᭂ🇮🇷࿐჻𖣔༅═─

#شعرمازنی #جانِ_مار جمعه بونه، دل توِســه چرخِ تو گیرنه، دواره خورد ِکیجا دسوری، تیساپه دو گیرنه دواره آسمــونّه برمـه یارنه مه چش ِتیم تیم هسری غرصه جم بونه مه دلّه میس ِ لو گیرنه دواره وا میایِ دسّــه دارنـه تا مـه سامون، تَن اِیارنه مه دل ِتش، خشکِ چوی جور،الو گیرنه دواره اتّه دل اینجه دره، ات دل، توسّه زنده بال بال بی قــرار ِچلچــلا ره، لرز ِ تــو گیرنـــه دواره ته خِنـه ی در ره زمبه،جانِ مار! در،وانکنـدی نِل مره تینار، بی ماه ، دلّه شو گیرنـه دواره بی خوِر بشتی مره، بعد ِ ته، مِنَ ککی بهیمـه  مه بهـــــاری روز و ما پاییز ِ بو گیرنه دواره ✍#حوا_واحدی_گشنیانی 🌐http://mohsendadashpour2021.blogfa.com/post/2272 ─═༅𖣔❅ ⃟ ⃟ 📚 ⃟ ⃟ ❅𖣔༅═─ 💥#پژوهش_ادملاوند @edmolavand ﷽ #آوات_قلمܐܡܝܕ 📡✦‎‌‌‌࿐჻ᭂ🇮🇷࿐჻𖣔༅═─