#آسنی
#قاشق‌زنی
نماشته سر تازه لسلس هوا دئیه تاریک بییه، همه جا جه ترقه و فشفشه صدا اِیموئه، تش دور نیشت بینه و ترش آش و قاشق زنی خاطره ره تعریف کارده
📌گاته:
خیله سالا پیش تر هر چی تجسمه(تلاش میکردم) خواسمه شه دل حرف ره بائورم مجال پیش نیئمو، مره یادِ آخرین چارشنبه و قاشق زنی دکته
روئی قاشق و مرسی پیاله و اتا کهنه چادر که دیم ره دپوشنده
منبع ئوی صلواتی تن اتا مرسی پیاله دئیه که ونه دله اتا برنجی الله داشته که همه محل ونه جه خاطره داشتنه و تشنا دهون ره خیس هاکارده بینه و یزید ره لعنت برسندی بینه ره قشنگ اشناسینه، چون مه گت پیئر وقفی بییه ونه تن زنجیر هنتا مه یاد دره
آخر چارشنبه هوا سرد هسه کسی ئو بَخورن دنبال دَنینه، پیاله و چادر و قاشق ره بئیتمه و راه دکته همون جه که می دل اونجه گیر بییه
📌کوچه خلوت و بیستا بییه انگار همه مه منتظر بینه، لوش پشت هرسامه و قاشق ره بزومه پیاله‌ی پشت، پرچیم پشت جه سره دله معلوم بییه، انگار هیچ کس سره دنییه، اتا میشکا اون حوالی پر نزو، اَی قاشق ره صدا هدامه، بدیمه یک نفر جواب هدا صبر هاکان در امبه، اتا کئو کاسه ونه دس دیه، مه تن شونش(لرزش) مه سر بالا آغوز دار گت گت شاخه ره تکون دا، می دل دیه قلوه ره گاز گته...
📌هاپرسیه:
ته پیاله صدا آشنا هسه تا شه ره معرفی نکانی ته ره هدیه ندمبه، من چادر بن جه هیچ گپ نزومه، بائوته آجیل خوانی یا آش؟ آش ره خودم بَپتمه، من هیچ چی نائومه، می دس بید واری لرزسه، پیاله ره چادر بن جه جلو هدامه، یعنی هر چی تی سلیقه هسه فقط خالی برنگرده
پیاله ره ورانداز هاکارده بائوته، چنده آشنائه، ونه دله ره هارشائه
📌بائوته :
کاغذ یاد داشت چیشیه ونه دله دَره؟ مگه ته دعاگر هسی؟
مه دل دیگه شه جا سر جه بکندسه بَیه بوردمه گپ بییم که بدیمه آغوز دار بالا جه اتا لگن ئو مه سر دشندی بَیه ایندفعه ره من تله دکت بیمه...
تا سال ها سال ماجرای اون قاشق زنی و لگن ئو، محل دله پخش بییه...
اما پیاله دله مه نامه شه اثر ره داشته
تا اتا آسنی دیگه بدرود
✍#روح‌اله_نظرنژاد_کدخدا
📝سپاس از ابوالفضل وکیلی
🌐 http://mohsendadashpour2021.blogfa.com/post/2454
─═༅𖣔❅ ⃟ ⃟ 📚 ⃟ ⃟ ❅𖣔༅═─
💥#پژوهش_ادملاوند
@edmolavand ﷽
#آوات_قلمܐܡܝܕ
📡✦࿐჻ᭂ🇮🇷࿐჻𖣔༅═─
꧁꧂🌼꧁꧂🌼꧁꧂
📝#انشا
🌸عید نوروز خود را چگونه گذرانده اید؟
✍معلم پَلی هِرستامه دفتر نقاشی ره واز هاکاردمه
#خانم_نقاش اَمه معلم انشا، بائوته: بخون پسرم،
شروع هاکاردمه بَخوندستن
امسال عیدی اَمه وِسه خله خار بود و اِما ره خله خوش گذشت، وقتی مدرسه تعطیل شد چارشمبه سوری خَله ترقه در کردیم
ونه فردا، اَبل مخش هایم را نوشتم، و شه ریاضی ره حل و شه فارسی ره هم حاضر کردم
مه #گت_برار هر روز مه ره مجبور میکرد املا بنویسم و همه ره بیست گرفتم
وقتی بوق عید ره زدند مه گتِ برار قايم دست مرا پِلق گرفت (فشار داد) و با آقاجان و مارجان به دیدن گت گتای فامیل رفتیم
#ننه_آقای سِره اَمه نزدیکی بود و همیشه مارغانه رنگی وِنه سفره‌سَر داخل چینی پیاله گلِ سرخی، کَت بود، سرخ ماهی وِنه تُنگ دِله بمِپری میکرد، من همیشک ننه آقا سره ره خَله دوست داشتم مه پیئر مه ننه آقا ره همیشه مواظب بود
ننه آقا می سر ره دست کشید و دو طرف دیمِ مرا خوش داد و یک کُل مارغانه رنگی به من عیدی داد و من در جیب کتم گذاشتم، کت پارسال گتِ برارم بود، اَت کم برای من گشاد بود اما خار بود
مارغانه را با اجازه مارجانم در آوردم، کچلابش (پوستش) را کندم وَل شدم نمک پاش را بگیرم که مه چش دکته اون ورِ سفره سیو شکلات که مِره زِمر زِمر می‌دید
ننه آقا مره تعارف کرد دِ تا برداشتم اَتا ره جیف دله گذاشتم اتا ره شه لامیزه (داخل دهان)
اونجه جه راست شدیم رفتیم #خاله_جان سِره که چشمِ آبی و حنائی گیسه داشت ونه سفره اَچی مَچی فتا فراون بود، سرقلوالی (قطاب) مسقطی و شیرینی پنجره ای همیشه درست میکرد
خلاصه خانم معلم، همه جا بُوردیم، فراوونی بود هر چی شمه دل میخواست تموم سفره سر ها کَت بود مه مار مره خَله مُخوِر بود که اِشکم پرستی نکنم آخه من خَله اِشکِمبِل (شکمو) بودم
راستی تا یاد نکردم آقا #ممدسن_خطی سره هم رفتیم و اتا جعبه پرتقال هم موقع آمدن به ما تعارفی داد خواستیم آقا نیکوی سره هم عیدی گردش برویم اما، اسب اَمه گیر نیامد
دِ سه روز هم هوا خله وارشی و چرتی بود سره دله اسیر بودیم و برارون و خاخرون همدیگه سر کله ره می‌زدیم تلویزیون هم از ساعت پنج نماشون برنامه داشت تا ساعت یازده که خله هاشم وچون وسه خوب نبود
اینتا بییه مه انشا که «عید نوروز را چگونه گذراندید»
✍#روح‌اله_نظرنژاد_کدخدا
#پژوهش
#هادی_اکبری_وسطی_کلایی
#عید_نوروز
🌐http://mohsendadashpour2021.blogfa.com/post/2617
─═༅𖣔❅ ⃟ ⃟ ﷽ ⃟ ⃟ ❅𖣔༅═─
💥#پژوهش_ادملاوند
@edmolavand
📚#آوات_قلمܐܡܝܕ
📡✦࿐჻ᭂ🇮🇷࿐჻𖣔༅═─