. #نوحه #عربی اسم القصيدة : شهر مذبوحي اسم الرادود :#محمد_الجنامي اسم الشاعر :#كرار_حسين_الكربلائي المناسبة :عاشوراء محرم الحرام 1443 المكان : البصره/الفاو/حسينية وموكب ام الحسن 🏴🏴🏴🏴🏴🏴🏴🏴🏴 اهلاً وسهلاً ياشهر مذبوحي بين هلالك وآنه بين نوحي من البواچي كون تطلع روحي يامحرم....يامحرم ........................... بين محرم......يادمعه تنضم......بعد بين عيوني ماعندي راحه......اشبع مناحه.... ياخلگ خلوني يامحرم....... من تجيني يفز حنيني ودمعي بالعين يامحرم....... تضيع روحي والگه روحي بمجلس حسين يامحرم..... مانسيتك انت جرحي بكل السنين فاگد عزيز وهاي اجت ايامه تنام الخلگ والليل ابد مانامه هلالك مثل جمره بگلب خدامه يامحرم....يامحرم .................................. شهر المصيبه..... روحي غريبه..... ياالم عشته اوياه دمعاتي طاحت....... وجروحي صاحت..... يااباعبداالله حسين جرحي...... مو شهر طول السنه ظل عايش وياي حسين جرحي....... يامحرم وانت تلچم بالجرح جاي حسين جرحي......حسين روحي حسين گلبي حسين مولاي لاتعتقدني يامحرم ناسي اسم الحسبن اشتمه گبل انفاسي هلالك ضوى بس صار شيب براسي يامحرم......يامحرم ............................... ابچي اعله موده..... وثيابي سوده..... وأحضر ابتعزيته دموعي هويتي...... بساعة منيتي..... طير اعيش ابيته مانسيته....... انسه كل الناس بس هو على البال مانسيته ..... حسين مو بلسان كون بدمعه ينگال مانسيته..... واليخدمه يحسبه واحد .من العيال خدامه دللها وسليبه اثيابه والزهره تگعد هالليالي ابابه تقراله آيحسين آيمصابه يامحرم........يامحرم ........................... البارحه امي...... بس تبچي يمي.... وگلت يمه اشصاير لزمتلي ايدي..... وگالت اوليدي..... إيهل محرم باچر يبني يبني.... لاتقصر وأخدم حسين بحياتك يبني يبني.... بالمجالس التزم تضمن نجاتك يبني يبني....... وأذكر ابنياته من تذكر بناتك امي بست چفها وگلت يايمه بشيباتچ احلف مااعوف الخدمه عطرك يهل ومن تبتعد نشتمه يامحرم....يامحرم ................................ انت محنه..... بگلوب اهلنه..... قدس الله ايامك شهرك يمرنه...... يكسر ظهرنه...... ننحني گدامك يوم عاشر......تفز حتى الموته تصرخ وا حسيناه يوم عاشر...... الشمر گاعد فوگ صدر حسين نلگاه يوم عاشر...... يگول مت من العطش وأحنه سمعناه بهلالك انشوف الشمر حز راسه تراوينه حافر خيلهم من داسه اتذكرنه بخيامه وعطش عباسه يامحرم........يامحرم 🏴🏴🏴🏴🏴🏴🏴🏴🏴 👇

القصیدة ▪︎[ شهر مذبوحي ] ▪︎اداء | #محمد_الجنامي ▪︎الشاعر | #كرار_حسين_الكربلائي #محرم #محمد_الجنامي