بیر وقته اوغول دادینه یتدی شه عطشان 🍃▪️🍂🍃▪️🍂🍃▪️🍂 #حالات حضرت علی اکبر علیه السلام #مرحوم ملا عبادالله غمگین اردبیلی . بیر وقته اوغول دادینه یتدی شه عطشان نه گوردی علی اکبر اولوب قانینه غلطان . . گوردی بئله گل پیکرینی دوغریوب اعدا یوخ صاف یری جسمینده علی اکبرون اصلا گوز یاشین حسین توکدی دئدی وای اوغول ای وا آز قالدى اولا زیر و زبر عالم امکان . . آلدی دیزی اوسته باشینی دیده سی غمناک آهسته ثنایالرینون قانین ائدوب پاک خم انتدی اوغول قدّینه قدّین شه لولاک نه دیللریلن نوحه ائدوب ایلدی افغان . . دور ائتمدی کامونجه سنون چرخ ستمگر طوی حسرتی قالدی اورگونده علی اکبر سنسیز اولا دنیانون اوغول باشینه کوللر عمرون نه آز اولدی ایا کوکب ماكان . . الله منه بو قوم نه چوخ ائتدیله جرئت ساخلامادیلار حضرت پیغمبره حرمت ئولدوردی علی جان سنی بو رحمسیز امت بو دشتی سنون قانویله ائتدیله الوان . . بو چولده ازل قانوه آلوده سن اولدون قربان ائلین جانینی معبوده سن اولدون اندوه غم دهریدن آسوده سن اولدون هجرونده منی قویدون اوغول دیده سی گریان . . جسمیمده على جان سنیدون روح روانیم آدون دی منیم ایندی اوغول ورد زبانیم گل نطقه منیله دانیش ای تازه جوانیم رحم ایله اوغولسوز باباوا ای مه تابان . . قانلی گوزونی آچدی او دم شبه پیمبر بو نوعیله گفتاره گلوبدور علی اکبر مندن نگران اولماگیلان ای شه محشر سیراب ائلدی جدّ کباریم منى الان . . شهزاده باخوب حسرتیله دیده سی پر نم گوردی باشین آلمیش دیزی اوسته شه عالم بیر شهقه چالوب روحی بدندن چیخوب اولدم جانانه علی اکبر ائدوب جانینی قربان . . حمل ائتدی اوغول نعشین حسین خیمه سرایه یوز وئردی غم و محنت اودم آل عبایه فریاد و فغان اوج ائلدى عرش خدایه اکبر غمینه اهل حرم آغلادیلار قان

آخر گلون انصاف ایدون ای بی وفالر ▪️🍃▪️#حالات حضرت علی اصغر علیه السلام 🔰#سبک یافاطمه من عقده‌دل وانکردم . #مرحوم عندلیب اردبیلی . آخر گلون انصاف ایدون ای بی وفالر بسدور بیزه بو ایتدیقوز جور و جفالر شرم ایلمزسوز ای قوم ظالیم یاندی سوسوزدان اهل و عیالیم . . ای دللرینده ذکر ایدن آیات قرآن اینتدوز جماعت خانۀ ایمانی ویران توکدوز منای عشقیده یتمش ایکی قان باتدی قرایه مروه و سعی و صفالر . . بو هانسی دینده بی حیا ملت روادور آل رسوله بو قدر محنت روادور باشین آچوب اهل حرم شور و نوادور گتدوز بلالی باشیمه یوزمین بلالر . . دام بلاده مرغ بی بال و پرم من انصاف ایدون بیر بیکس و بی یاورم من ایتسوز منه هر بیر جفا تاب ایلرم من چوخ تشنه دور تاب ایلمز بی دست و پالر . . باتدی بو چولده قانه عباس علمدار گیتدى الیمدن بیر به بیر اعوان و انصار بو اصغریم تنها قالوب گتدیم من زار بیر جرعه سو ویرمزسوز ای ناکس دغالر . . اوچ گوندی نه صود گورمیوب بو شیرخواره نه سو تاپولماز ویرمگه بو طفل زاره ناچار قالدیم خیمه دن گتدوم کناره چوخ تشنه دور رحم ایلیون ای بی حیالر . . بو اودلی سوزدن ناگهان چکدی زبانه بیر تیر برّان حرمله قویدی کمانه ایتدی او طفلون نازنین حلقون نشانه یارب نه غملی قصّه دور بو ماجرالر . . بو «عندلیب» ایلر صباح و شام ناله داغ ایلیوبدور سینه سین مانند لاله باشین آچار قان یاش توکر گوزدن بو حاله حسرت چکر بو ماتمه شاه و گدالر

ویردی خبر حسین بیر اهل منبره 🌾✨#حالات حضرت علی اکبرعلیه السلام #مرحوم صدری اردبیلی . ویردی خبر حسین بیر اهل منبره چوخ آغلیون بالام شهزاده اکبره . . وقتیکه یخدیلار آتدان جوانیمی اکبرلن آلدیلار بیر یرده جانیمی فکر ایلین بیلر رمز بیانیمی لازم دگل حسین اللرده جان ویره . . گل دادیمه بابا سس گلجک عرصه دن الدن او وقتیده ویردیم حیاتی من گیتدی هرایینه بو روحسیز بدن اوز روحین آختاروب میداندا تا گوره . . هر سنگدل اگر اولسیدی قاتلی قویمازدی قانینه باتسون او کاکلی داشداندا سخت میش بو قاتلون دلی وردی عمودیله یخدی اونی یره . . راوی دیور حسین سلطان تشنگان میداندا اکبرین درک ایتدی ناگهان گوردی نفس چالور قان ایچره اول جوان نزدیکدور یته جدّی پیمبره . . اول قانلو پیکره قالمش نچه قدم آتدی اوزین یره آتدان او قدى خم تاپدی او نورسی نه نوعی بلمورم گوردی دولوبدی قان اول قاره گوزلره . . اول جسمه تکیه گه ایتدی اوزین حسین سس ویرمدی اوغول سیلدی گوزین حسین افسوس ایشتمدی اکبر سوزین حسین باعث بودور که جان یتمشدی لبلره . . وای اکبریم دیدی وای نورسیم بالا آیا قولاقوه یتمز سسیم بالا نجه علاقمی سندن کسیم بالا لعنت بو گردش چرخ ستمگره . . اوخشادی آغلادی یوسف لقاسینی فرش ایتدی تپراقون اوسته عباسینی قویدی عباسینه نورس بالاسینی حمل ایتدی خیمۀ اولاد حیدره . . اندیردی عرصه دن تلّون ایاقینه زینب ایاق یالین قاچدی قباقینه قارداش بالاسینی آلدى قوجاقینه قربان بیبون على صد پاره پیکره . . بو حالی اهل بیت ایتدی مشاهده بیر کیمسه قالمادی اول خیمه گاهده اول نعشی قویدیلار تا بین راهده وا اکبرا سسی اوج ایتدی گوگلره . . یولدیلا زفلری اول نعشون اوستنه گوزیاشی سپدیلر بلکه بو اود سونه قالدی دیدی آنون لیلا قرا گونه نوبت یتنده اول بیچاره مادره . . تا «صدری» زنده سن دار فناده سن دریای شعریده دائم شناده سن اوقات عمریدن قیل استفاده سن یاز نوحه اکبره ثبت ایله دفتره

علی ای شبه پیغمبر منیم صبر و قراریمسان #حالات حضرت علی اکبر علیه السلام در وداع 🍂🌿▪️🍂🌿▪️🍂🌿▪️ #مرحوم تائب تبریزی . علی ای شبه پیغمبر منیم صبر و قراریمسان سرور سینه حیدر سن ایستکلی نگاریمسان شبیه روی پیغمبر علی اکبر علی اکبر . . علی روح وفا سنسن شبیه مصطفا سنسن بوقلبیمده صفاسنسن توانیم اختیاریمسان شبیه روی … . . گویول ملكین آلوب عشقین اورکده یر سالوب عشقین اؤزون گیتسن قالوب عشقین منیم دل شهریاریمسان شبیه روی … . . سوزوم سن صحبتیم سنسن دیزیمده قوتیم سنسن اورکده طاقتیم سنسن منیم صبر و قراریمسان شبیه روی … . . عشیرم سن ائلیم سنسن سویدای دلیم سنسن گلستانیم گلیم سنسن منیم تازه بهاریمسان شبیه روی … . . منیم شوریده شوریمسن گوزیمده برق نوریمسن سروریم سن غروریم سن وجودیم اقتداریمسان شبیه روی … . . جهانیم دولتیم سنسن عزیزیم عزّتیم سنسن جلالیم شوکتیم سنسن وقاریم افتخاریمسان شبیه روی … . . گوزل لر جمله بیر یانه گُل اوزلوم سنده بیریانه منه دنیادی بیگانه فقط سن نازلی یاریمسان شبیه روی … . . چمنده سرونازیمسن نهال اعتزازیمسن دلیل امتیازیمسن جهاندا اعتباریمسان شبیه روی … . . جوان ماهرو سنسن گل خوشرنگ و بو سنسن دلیمده گفتگو سنسن بیان در نثاریمسان شبیه روی … . . على دلده شكیبیم سن سن ایستکلی حبیبم سن حبیبیم سن طبیبیم سن جوان گل عُذاریمسان شبیه روی … . . بو سینمده دؤزوم سنسن گیلَم سنسن گوزوم سنسن دانشسام هر سوزوم سنسن بیان شاهکاریمسان شبیه روی … . . گونوزلر آفتابیمسن گئجمده ماهتابیمسن حسابیمسن کتابیمسن ادیب خوش نگاریمسان شبیه روی … . . منیم آشنام یادیم سنسن دوزوم سنسن دادیم سنسن جهاندا هر زادیم سن سن خلاصه هرنه واریمسان شبیه روی … . . نجه سن دویماسان مندن ایله من دویمارام سندن یتوب لیک امر ذوالمندن جهاده رهسپاریمسان شبیه روی … . . آنان زحمت چکوب هرگاه بُیوتدی سن کیمی دلخواه بو گونده فی سبیل الله وفالی جان نثاریمسان شبیه روی … . . على هرگز دیمم گیتمه گیدوب مقصودیوه یتمه ایاق ساخلا شتاب ایتمه جدائی اختباریمسان شبیه روی … . . اولوب شاه زمن راضی بابان راضیدی سن راضی من اولّام بی سخن راضی فدای کردگاریمسان شبیه روی … . . منه شایاندى ال اوزماق سنه قان دجله ده اوزماق سنه ئولماق منه دؤزماق فدای دادگاریمسان شبیه روی … . . قانون آخسا بو صحرایه دونر گلزار زیبایه أؤزوم گلّم تماشایه صفای لاله زاریمسان شبیه روی … . . گیدورسن بزم جانانه دایان ای نازلی دردانه وروم بیر زلفوه شانه که سن مهمان یاریمسان شبیه روی … . . گوتور تائب اله دفتر نگار ایت نوحۀ اكبر بسوندور شبه پیغمبر دیسه نوحه نگارمسان شبیه روی …

گوره سن زینبه شام اهلی هارالی دئدیلر 🌾🍂🍁🥀🌾🍂🍁🥀 #حالات حضرت زینب #مرحوم شایق اردبیلی . گوره سن زینبه شام اهلی هارالی دئدیلر گوردولر محنتینی باشی بلالی دئدیلر . . چون تماشایه او شام اهلی شتاب ایلدیلر شیعه نون قلبینی بو غمده کباب ایلدیلر زینبی خارجی آدیله خطاب ایلدیلر نه مدینه لی نه بیر کرب و بلالی دئدیلر . . بیلمدیلراو خانم نائبه ی فاطمه دور اودلانوب خیمه لری خاطری پر واهمه دور آناسی حضرت زهرا کیمی بیر عالمه دور عجب اول عالمیه فاطمه آلى دئدیلر . . گوردولر رأس حسین نیزه ده قرآن اوخیور قالدی دریای تحیّرده اُناسیله ذكور غرفه دن کینۀ عورت او زمان انتدی ظهور تازه دن اول یارالی باشه یارالی دئدیلر . . زینب غمزده نی ظلم عدو گتدی دله وا أخا سؤیلدى قان آغلادی آز قالدی ئوله محمله عشق حسینیله باشین ویردی بئله باش سینوب منقلب اولدی او حیالی دئدیلر . . گوردولر فاطمه نی ناقه ده محکم دایانوب باشینه قاره سالوب اللری قانه بویانوب بیلدیلر تازه گلین دور طوئی یاسه دولانوب اللرین قانه خضاب ایلوب حنالی دئدیلر . . درک ائدوب نازلی سکینه بو سوزون کشمکشین سر عباسه باخوب آچدی لب غنچه وشین ائتدی اظهار او یارالی باشا سوز عطشین سر مجروحیدن ائتدی بو سؤالی دئدیلر . . شیعه ویرماز نئجه بو غمده مکرر باشینا باخدیلار نیزه باشیندا علی اکبر باشینا گوردولر بنذری وار ختم پیمبر باشینا واریمیش یوزده اونون هاشمی خالی دئدیلر

ای دیار کوفه سنده چوخلی طغیان ایتدیلر ▪️✨🍃▪️✨🍃▪️✨🍃 #حالات جناب مسلم علیه السلام #مرحوم نادری میانجی . ای دیار کوفه سنده چوخلی طغیان ایتدیلر ترک ایدوب عهد وفانی نقض پیمان ایتدیلر . . انتظارونده قالوب مروه صفانون صاحبی سنده سرگردان اولوب دین و دیانت طالبی خوار اولوب سنده حسین ابن علینون نائبی قویدولار یالقوز اونی تحویل عدوان ایتدیلر مسلم بی یاری ناحق قانه غلطان ایتدیلر . . کهنه عادتدور بو سنده ای وفاسیز بیر دیار شاه مردان سنده اولدی قانیله گلگون عذار پارچالاندی باشی محرابونده شیر کردگار منکر توحید اولوب تحقیر قرآن ایتدیلر زینب کلثومی بوردا دیده گریان ایتدیلر . . بو نه عادتدور قوناقه و ئرمسوز روی صفا آدلانوب (لایوفی) اهلون یوخدی کویونده وفا شُهرتوز پیمان شکندور ، عادتوز ظلم و جفا بیر نفر یالقوز غریبین اوسته عصیان ایتدیلر مسلم بیچاره نى شمشیره مهمان ایتدیلر . . آه او وقتن مسلمه ال تاپدی قوم مشرکین یاره لى عنقا کیمی دورموشدی شیر خشمگین هر طرفدن اوستونه دشمن چکوب شمشیر کین دوتدولار تذویریلن زار و پریشان ایتدیلر قولاری باغلى او سرداری جگر قان ایتدیلر . . شیر غرانی او گون رو باهلر ایتدی شکار یوز دوتوپ دارلاماره سمتهه اولموش رهسپار صید صیادین قباقینجه اسیر و زخمدار اهل دینی خوار ایدوب سفیانی خندان ایتدیلر گلشن آل عقیلی اوندا تالان ایتدیلر . . کوفه سرداری دوروب ابن زیاده روبرو گورمسون گوزلر نه نوعی باشلانوبدور گفتگو تکیه ایتمش تختینه ابن زیاد تندخو مسلمه سالدی نظر زهرانی گریان ایتدیلر بی ادب لحنیله بو گفتاری عنوان ایتدیلر : . . کوفیه گلمیشدون آیا خلقه سردار اولماقا؟ سن عراقه حاکم و سر خیل و سالار اولماقا؟ ای حسینون نایبی گلدون سپهبدار اولماقا؟ بس ندن حقونده بونلار عکس احسان ایتدیلر؟ جسموی آماج غرق تیر و پیکان ایتدیلر؟ . . ای عقیل اوغلى سنه بیر سوز دیر ختم کلام بو سونی تائید ائدوب اهل حجاز و مصر و شام بیل حسین ناحقدی دنیاده یزید أولموش امام اهل عالم جمع اولوبدور ترک عرفان ایتدیلر آل سفیانیله گور تجدید پیمان ایتدیلر . . وقت اولوب ایندی زیاد اوغلى الین ویرسه تکان یر یوزونده قالماسون نام حسینوندن تشان اوپ رکابیمدن منیم تا که ئولومدن تاپ امان اولسا یاندونده علینی بوردا د بیجان ایتدیلر کوفه محرابینده گوردون قانه غلطان ایتدیلر . . بو سوز اود ووردی او سرداره أولوب قلبی کباب غیضیله ابن زیاده یوز دوتوب ایتدی خطاب : گر چه ابله سوز دینده عاقلان ویرمز جواب یوخدی باکیم گر منه جور فراوان ایتدیلر عدلی پامال ایلیوب ظلمی نمایان ایتدیلر . . بسدی بو زخم زبانون پند ویرمه چوخ منه هاشمون اولادی هرگز دال چوؤرمز دشمنه حیف یوخ شمشیریم الده تا ئییدوم من سنه نیلیوم بو قوم عدوان ترک ایمان ایتدیلر جیفۀ دنیایه خاطر نقض فرمان ایتدیلر . . من حسینه نوکرم وار قلبیده بی رنیّتیم چکسه لر داره یتر پایانه مأموریّتیم ثابت اولسون عالمه دنیاده مظلومیّتیم قوی دیسونلر بیر غریبی قانه غلطان ایتدیلر مسلمی دینون یولوندا تشنه قربان ایتدیلر . . الده شمشیریم اولا میدانی جولان ایلرم اولسا گر جسمیمده مین جان بذل جانان ایلرم گونده یوز دفعه حسینه جانی قربان ایلرم قوی عقیل اوغلون دیسونله خانه ویران ایتدیلر بسدی بو فخریم منی جزء شهیدان ایتدیلر . . انتظاریم یوخدی سندن چون آنان مرجانه دور قبله گاهون بی مروّت دولت سفیانه دور دین و توحید و نبوت سیزلره بیگانه دور جدّ ناپاکوز سیزون نعمتده کفران ایتدیلر خندق و بدر و احد ده کفری اعلان ایتدیلر . . پور مرجانه بو سوزلردن اولوب دردی مزید حکم قتل مسلمی صادر ایدوب اولسون شهید چکدیلر شمشیر او ساعت جیره خواران یزید نادری یاز اهل کوفه چرخی حیران ایتدیلر هاشمی صولت جوانین نعشین عریان ایتدیلر

سوسوزلوقدان باغریقان بالا لایلای اصغریم لایلای ▪️✨🍃▪️✨🍃▪️ #حالات حضرت علی اصغر علیه السلام #سبک_خداحافظ_ای_آنام_باجی … 3 سبک . مرحوم یحیوی یا مرحوم شایق اردبیلی . سوسوزلوقدان باغریقان بالا لایلای اصغریم لایلای گئجه گوندوز یاتمیان بالا لایلای اصغریم لایلای . . ائشیدمیشم سو یرینه سن ایچموسن قزل قانی چوخ اینجیدوب حرمله سنی وورجاقین او پیکانی بئله ناله ایلرم على داغلارام بو دنیانی جهاندا دل آچمیان بالا لایلای اصغریم لایلای . . گئجه گوندوز یاتمادون على سوزش حرارتدن سوسوزلقون آتشی سنی سالدى تاب و طاقتدن آنون ندن ئولمدی اوغول چکدیگی خجالتدن سوسوز بالا ناتوان بالا لایلای اصغریم لایلای . . بو فكریله یولّادیم سنی عرصیه منِ نالان باخوب سنه بیرجه رحم ائده بلکه سو وئره عدوان سو وئرمدى حرمله سنون وردی حلقووه پیکان سنون سووون اولدى قان بالا لایلای اصغریم لایلای . . آنون ئولسون اولمادی سنه بیرجه شر به سو قسمت سو یوللارین ایندی آچدیلار یوخ سو ایچمگه منت سو ایچمیشم دوشلریمه صودگلدی چوخ وئرور زحمت گل ایچ صوددن یا سودان بالا لایلای اصغریم لایلای . . غمون على سوز آهیله داغلو قلبیمه یازدوم دئسیدیلر بو مصیبتی من بالا اینانمازدوم دیلون اولسیدی دانیشماقا من بو قدری یانمازدوم بودور منی یاندیران بالا لایلای اصغریم لایلای . . اگر وئره قاتلون على گاهواروی آلّام اونون اوسته بو پراکنده زلفیمی آچوب سالّام گئجه گوندوز صبحه تک بالا یاتماسام اویاق قالّام اولار وردیم هر زمان بالا لایلای اصغریم لایلای . . گون ایستیسینده گونوزلری ایلرم على مأوا گئجه لری راحت اولمارام یاتمارام بالا اصلا سیزیلدارام تا فغانیمه نالیه گلور دنیا گل اول منه همزبان بالا لایلای اصغریم لایلای

پرپر اولدی یاسمن دردا گلستان آغلادی #عباسیه 🏴🌱✨🏴🌱✨🏴🌱✨ #حالات حضرت ابوالفضل علیه السلام . آرمین عاصم اردبیلی (سالک) . پرپر اولدی یاسمن دردا گلستان آغلادی قاره یئللر نوحه خوان اولدی نیستان آغلادی . . کهکشان محنتی تصویره چکدی نینوا ماسوا نی تک بو غمده ائیله دی آه و نوا گور نئجه اهل سما قورموشدیلار ماتم سرا پارچالانمیش بیر آییا مهر درخشان آغلادی . . توشدی قول سوزتپراقا کان وفا سردار عشق پاره پاره پیکریله اولدی پرچمدار عشق سو کنارینده سوسوز جان وئردی سردمدار عشق سربدار عشقه گویا جان جانان آغلادی . . شوقیله دوشدی منای عشقه دلداره گوره قوللاریلا صاغ گوزون دن کئچدی داداره گوره کفه ی اخلاصه قویدی وار یوخون یاره گوره بیر بئله ایثارینه عدلیله میزان آغلادی . . بو مصیباتی یازاندا وار یئری سینسین قلم گوئییا بو محنته گویده اسور قاره علم یاره لی سقا دیینده وای حسینیم دم به دم وار گمانیم حالینه اوچ شعبه پیکان آغلادی . . لشگر ظلمت الینده قالدی تا روح سحر یئرده قیزلار گویده اولدوزلار دئیوردی نوحه لر قان دوتاندا گوزلرین سانکی خسوف ائتدی قمر ماه آل اللهه حتی ماه کنعان آغلادی . . ساقی عطشان باخاند ا حسرتیله علقمه اول زامان غملر سحابی سایه سالدی عالمه ائتدیلر عباس آدین کوثر له زمزم زمزمه باغلانوب میخانه لر پیمانه لر قان آغلادی . . مشکه باخدوخجا گوزونده ایلشوردی ژاله لر یادینه دوشدوقجه سقانین سوسوز آلاله لر یاندیراندا قلبینی یوز مین نیستان ناله لر آرزی گوللر سولدی قلبینده بهاران آغلادی . . ساغرعشقی جالاندی ظلمیله سیندی سبو قول سوز عباس ائیله دی بو حالیله بیر آرزو تا دئدی یارب گوزوم زهرانی ائیلر جست و جو عرشیان فریاده گلدی عرش رحمان آغلادی . . حضرت زهرا گلوب جناتیدن سیماسی نور باشی اوسته یاسینین تا باغبان تاپدی حضور جان دیینده اوغلونا نالان اولوب جنتده حور نوحه خوانی گویلر اولدی روح ریحان آغلادی . . باب حاجات ائیله دی عباسی تا رب جلیل عارفان کوی عشق اولدی او مولایه دخیل یاده سالجاق حضرتی دونمیشدی قانه سلسبیل بو ذبیح عشقینه پیر مغان قان آغلادی . . یازدیم عباسین آدین پروانه لر آغلاشدیلار تشنه سقا سویله دیم خمخانه لر آغلاشدیلار شعره چکدیم قصه سین افسانه لر آغلاشدیلار سالکا بو شعرووه شاه لب عطشان آغلادی

حسین باشینه ای شیعه نه بیر دعواده داش دگدی #راه_شام 💫▪️🍃💫▪️🍃💫▪️🍃 #حالات راه شام #مرحوم شایق اردبیلی . . حسین باشینه ای شیعه نه بیر دعواده داش دگدی گیدنده ارمغان شامه ایکی مأواده داش دگدی . . ایدون اهل عزا ناله اولون آلوده گوز یاشه چکون آه شررباری ایکی اللى ویرون باشه حسینون باشینی باسدی اوشاقلار كوفه ده داشه نچه یردن امامه نخلۀ خرماده داش دگدی . . گجه خولی تنورینده او قانلی باش قوناق قالدى هامی یاتدی او شهر ایچره خانیم زینب اویاق قالدى کوچنده کوفه دن شامه دالیدا بیر اوشاق قالدى او مظلومه قاچاندا پایینه صحراده داش دگدی . . قالوب نازلی سکینه ظلم ایاقینده دیدوم کیچدی باباسی نیزه ده حق اشتیاقینده دیدوم کیچدی خرابه شامیده غرفه قباقینده دیدوم کیچدی حسینون باشینه بیر نیزۀ بالاده داش دگدی . . عجوزه قلب زهرانی اوجا منزلده سیندیردی سر سلطانی ویردی نیزۀ قاتلده سیندیردی گوروب زینب بو احوالی باشین محملده سیندیردی نجه پیغمبرون دندانینه هیجاده داش دگدی . . کیچوب بیر غم خیالیمدن پریشان اولدی احوالیم یزید آلدى اله چوب جفا الله اوزی عالم دیدی زینب الون ساخلا او باشی ویرما ای ظالم مگر آزدور جبینیندن او گون میناده داش دگدی . . الینی ساربان کسدی گجه وقتینده مقتلده گلوب بجدل تاپوب فرصت اوزوگون قویمادى الده گونوز شمر لعین باشین قفادن کسدی اوّلده بو غمدن بیر به بیر لرزه دوتوب هر جاده باش دگدی . . سکینه ناز پروردور اونی قورخوتما ای کافر حسینی ویرما آغلاتما بالاسین تا دم محشر سنون ظلمون او مظلومه قزا ای شمر بد اختر کانّه شهپری سینمش قوشا دنیاده داش دگدی . . محال امریدور قویسون سنون ظلمون اونی زنده دایانمش تختوه اللر یوزینده بوینی چگنینده دوشاخه بوینونی کسمش یارا وار زیر پایینده نشاندور آت قباقینده قاچان اثناده داش دگدی . . مصیبت یازماقا حاضر ایله دفتر قلم «شایق» کچه عمرون هدر قویما ایله نوحه رقم «شایق » یاتوبسان خواب غفلتده اویانمازسان حَلَم «شایق » او دم بیدار اولارسان باشوه قبراده داش دگدی

#حالات حضرت سکینه سلام الله علیها در خرابه شام ▪️▪️▪️✨▪️▪️▪️✨ #سبک_نهر_علقمه_قویدی_چون_قدم مشابه سبک-نهر-علقمه-قویدی-چون-قدم . ناطق اردبیلی . یات سکینه جان ای گل خزان بلبل مدینه م ناز پروریم یات بو خرابه نی ایلدون مکان ای سرور سینه م غنچه ی تریم یات . ای منیم انیسیم یار و همدمیم یات هر گنجه شریک محنت و غمیم یات . . . . . راحت اول قزیم کئچدی ذلّتون ال گوتوردی سندن شمر نامسلمان یوخلا بیر زمان گر چه بالشون پاره کرپیچ اولدی ای یتیم نالان بو خرابه دور منزلون سنون یوخ چراغ و فرشی توپراق أوسته وئر جان غربت ئولکه دور اولمادی کفن وار کفن یرینه قاره معجریم بات . . رسمید ور بالا جان وئرنلرون باشی اوسته قرآن ایلمک تلاوت صاغ دگل نئوم یار و یاوریم نینواده ایچدی شر ... 👈 متن کامل در سایت ... https://zobdatolashaar.ir/?p=45256