دور ای دوشن یره چون سرو بوستان عبّاس #عباسیه 🍂✨▪️🍂✨▪️🍂 #زبانحال حضرت اباعبدالله بر بالین حضرت ابالفضل العباس علیه السلام مرحوم مضطر قفقازی . دور ای دوشن یره چون سرو بوستان عبّاس اولان شکفته گلی ظلملن خزان عبّاس . هایاندا دوشدی قولون سرنگون اولوندی علم بو نوع باتماگلن ای حسینه جان ، عبّاس . الین که یوخ ایده سن پاک گوزلرون قانین دولوبدی گوزلریوه لخته لخته قان عبّاس . سو جامی الده یولون گوزلوری سکینه سنون چوخ انتظاریدی کلثوم باغریقان عباس . تمام اهل حرم گوز تیکوبدولر یولووا که خیمه لرده سنه چوخدی آغلیان عبّاس . بوقانلو گوزلرون آچ بیر حسینه ایله نظر بو محنتون ایلیوب قدیمی کمان عباس . شهید اولماقیلان سن بلیمی سندیردون چون ال تاپار منه بو شمریله سنان عبّاس . نجد باخوم یوزیوہ طاقتیم کسلدی منیم که مرغ روح ایدوری ترک آشیان عبّاس . قولون که یوخدی سنیله قوجاقلاشام قارداش یوزیوى قوی یوزیمه ایلیاخ فغان عبّاس . قویوم جنازه وی یرده نجه خیامه گیدوم گوزوم یاشی آخوری قالمیوب توان عبّاس . بو حالتون که سوسوز سان منه ایدر تأثیر چخار بو ایسّی قوم أوسته ستمله جان عبّاس . دالنجا گیت گلورم سندن آیریلان دگلم که باشیمیز گیده جاق شامه ارمغان عبّاس . دوروبدی منتظرون قاتلون کسه باشون دوتوبدی دوره می گوز ویرموری امان عباس . یاخوندی آل علی شمره دستگیر اولسون که قالمادی منه بیر یار مهربان عبّاس . سکینه ناله سی بول دشت کربلانی دوتار بو حالتیله اولام خیمیه روان عبّاس . سنیله کوفه و شامه جداده همراهم دیار شامده وورسونلا خیزران عبّاس . نظر بو «مضطره» قیل ای مه بنی هاشم که قبرون أوسته اولا بلکه نوحه خوان عبّاس

امیر لشگر عشق دلاوریم گوزون آچ #عباسیه ▪️✨🍀▪️✨🍀▪️✨ #«زبانحال امام بر بالین علمدار کربلا» کربلایی رحیم شایان . #سبک_ای_آسمان_غمون … . امیر لشگر عشق دلاوریم گوزون آچ حسینه ایله نظر برادریم گوزون اچ مشگون یوخ علمونده صاف یر یوخ بدنونده اللر یوخدی تنونده . ابالفضلیم ابالفضلیم(۲) . . . . ستملن ایله دیلر اوقوللاریوی قلم بو حالی گورسه گیدر امید اهل حرم گوزلردن اخوری یاش اوخ گوزده ازیلیپ باش پوزدون سن منی قارداش . ابالفضلیم ابالفضلیم(۲) . . . . منه عدو گولوری یوخومدی چاره اخا سو یوخدی عیب ائلمه ز یارالی دور ایاقا اصغردن خجل اولما گول مثلی بئله سولما قارداشیم بئله دولما . ابالفضلیم ابالفضلیم(۲) . . . . صفای قلب حسین طراوتیم سنیدون بئلیم سنیبدی اخا که قدرتیم سنیدون دل داغلی ای ابالفضل قول باغلی وای ابالفضل ای حالی زای ابالفضل . ابالفضلیم ابالفضلیم(۲) . . . . دوتوبدی قان گوزووین تماما اغ قاراسین معطلم که ئوپوم جمالیوین هاراسین اماری یاراوین یوخ جسموندی باشاباش اوخ قوللار یوخ محنین چوخ . ابالفضلیم ابالفضلیم(۲) . . . . همای قاف ادب وزیر دولت عشق بنا قویوبسان عجب گوزل عمارت عشق دلخونم محنوندن بو غملی سخنوندن اوضاع بدنوندن . ابالفضلیم ابالفضلیم(۲) . . . . دگوبدی آهن عمود باشین یوزون داغیلیب ووروبلار آننیوا تیر گوزل گوزون داغیلیب ای نور بصریم دور ای باتمیش قمریم دور وای سیندی کمریم دور . ابالفضلیم ابالفضلیم(۲) . . . . بو مقتلوندن اخا گلور شمیم بتول آنام اوغوللوقونا سنی ائدیبدی قبول زهرانون گوزل اوغلی پاک و بی بدل اوغلی ای شیر جمل اوغلی . ابالفضلیم ابالفضلیم(۲)

حسرتم دیداریوه قارداش حسین جان اوسته من #عباسیه 🏴🍂✨🏴🍂✨🏴 #استمدا حضرت ابولفضل علیه السلام . مرحوم غلامعلی باقری الهامی (هوشی تبریزی) . حسرتم دیداریوه قارداش حسین جان اوسته من گل یخیلدیم تپراقا دین اوسته قرآن اوسته من . دوتمادیم عمرومده دینمدن مُقّدم جانیمی باشه ویردیم باش وجانیله بوگون پیمانیمی توکدولراشرارکین بوچولده نا حق قانیمی چوخ تلاش ایتدیم ازلکی عهدوپیمان اوسته من . . گرچه آلدیم مین یارا بیرسینیۀ مجروحیمه باش وجان بذل ایلدیم بو چولده امّا دینیمه یتمدی صد شکرنقصان دینیمه آئینیمه قانه باتدیم تشنه لب دین اوسته ایمان اوسته من . . مائل اولدوم شوقیله جان دینه قربان ایلییم عشقیمین اندازه سین دنیایه اعلان ایلییم اُلما قیمله بلکه درد دینه درمان ایلییم ایلدیم چوخ سعی بودرداوسته درمان اوسته من . . پیکراسلامیده وارگوردوم حال انکسار تقویت تاپسون گرک دین ای شه والاتبار مرد مردانه بو گونده ایلدیم ایثار ثار جانیمه آلدیم اودورپیکانی پیکان اوسته من . . مشق آلموشدوم ازلده سن کیمی استادیدن عین منظوره یتوشدوم سن ایدن ارشادیدن ترک جان ایتدیم اَل اوزدوم عالم ایجادیدن ایلدیم جان بذل آخرعشق جانان اوسته من . . آشنایم روز ِازّل ایتدّوقوم پیمانیله کفریله اولدوم مقابل قوۀ ایمانیله مَشی قیلدیم دین یولیله شیوۀ قرآنیله غیرقرآن اگمدیم باش اوزگه فرمان اوسته من . . دلخوشام چون غفلتیم دینیمده بیرآن اولمادی شکرلللاه باشه ویردیم عهدی نقصان اولمادی دلده دینیمدن سوا بیراوزگه عنوان اولمادی چوخ تقلا ایلدیم ازلّکی عنوان اوسته من . . دینون استقلالینه من صاقیله صول ویرموشم یعنی باشدان گچموشم بیرجفت من قول ویرموشم هرگلن پیکانه سینمده اودور یول ویرموشم یغموشام گنجینمه مرجانی مرجان اوسته من . . ای حسین ای شاه دین ای معدن مهرو وفا دیدۀ جان ودله ای خاک پائی طوطیا لطف قیل گل باشیم اوسته لطفوه جانیم فدا عالمینه فخرایدوم بولطف شایان اوسته من . . فکرخامیله بوصحراده ایا شاه حجاز اوندا که گتدی امان نامه منه اهل حجاز گوردولرگرچه شکار کرکس اولماز شاهباز لیک سندن چوخ خجیل اولدوم او بیرآن اوسته من . . گوردوم اهل کفری آخرفکراستعماریله آشکارا جنگه چخموش مردم ابراریله پنجه نرم ایتدیم بوچولده دست استثماریله مین یارا آلدیم اودوربیرقلب سوزان اوسته من . . نقشۀ آمالیم اوسته ای شه گردون حشم چوخ فعالیتله بو چولده گوتوردوم من قدم آرزو نقش برآب اولدوم یخلدی تا عَلَم تشنه لب قانه بویاندیم آب حیوان اوسته من . . بیرگولم دائم دوشرگلزاریده گل رَشگیمه خار الینده شبنم خونین قاروشدی اشگیمه ناامیداولدوم اوزومدن دگدی اوخ سومشگیمه جاندان اَل چکدیم بوگون بیرتیرپرّان اوسته من . . ای خدای بندگان عاصیه پشت وپناه (هوشیم) بیرعبدعاجز دست خالی روسیاه کِچ ابوالفضله نقدری ایتموشم جرم و گناه عذرخواهم ایتدقوم چوخ جرم وعصیان اوسته من

دور ای یخیلان سرو خرامانیم ابوالفضل #عباسیه 🥀▪️✨🍀🥀▪️✨🍀 #زبانحال امام در بالین حضرت ابوالفضل علیه السلام مرحوم مضطر اردبیلی . دور ای یخیلان سرو خرامانیم ابوالفضل قربان اولا اول جانیوه بو جانیم ابوالفضل . . حقّونده سنون بسکه جفا و ستم اولدی بو سرو قدون تیشة ظلمیله خم اولدی دوشدی علمون هر ایکی قولون قلم اولدی اودلاندی منیم قلب پریشانیم ابوالفضل . . صبریله قراریمی الیمدن عجب آلدون اود جانیمه بو حال پریشانله سالدون . . قارداشینی قارداش بیله عطشان نئجه گورسون گول پیکرینی زینت میدان نئجه گورسون باشدان ایاقه جسمینی القان نئجه گورسون یاندی جگریم ای لب عطشانیم ابوالفضل . . سن سیز بو جماعت نقدر تاپدی جسارت یوخ بیر نظر ایتسون منه بو چولده حمایت نه دیزده توان واردی نه ده قلبیده طاقت طغیان ایلدی فرقة عدوانیم ابوالفضل . . بو قامت رعنا کیمی سرو چمن اولماز بو عارض گلنار تکی یاسمن اولماز جسمون کیمی صد چاک داخی بیر بدن اولماز دور بیر ایاقه سرو گلستانیم ابوالفضل . . قارداش بیلوسن خیلی پریشاندی سکینه گوزلر یولوی خیمده عطشاندی سکینه نه چاره قیلوم کیم عطشه یاندی سکینه ظلمیله صولار غنچة خندانیم ابوالفضل . . اون یدّی نفر دشمنون اطرافون آلوبدی بو نوعی شهید اولماقون اود جانه سالوبدی صد چاک بدن ایستی قوم اوستونده قالوبدی یوخ بیر کمگون قانینه غلطانیم ابوالفضل

منشین کنار پیکرم از جا ،بلند شو #عباسیه 🔸▪️✨🔸▪️✨🔸▪️ #زبانحال سقای کربلا با امام حسین علیه السلام کربلایی سعید حضرتی (هاتف) . منشین کنار پیکرم از جا ،بلند شو آقا تو را به حضرت زهرا،بلند شو . کافیست شرمِ آب،تو آبم مکن دگر کمتر سرم بگیر رویِ پا،بلند شو . من نوکرِ رقیهٔ تو هستم ای امیر کمتر خجالتم بده آقا،بلند شو . من خورده ام زمین،تو زمینگیر گشته ای شرمنده ام به جان تو مولا،بلند شو . من قطره ای کمم،تو ولی بحرِ غیرتی آقا بلندشو،حضرت دریا بلند شو . از دور و بر سپاهِ ستم چشمشان به توست با خنده می کنند تماشا،بلند شو . مشکن چنین غرورِ خودت را به خاطرم قَدت مکن به پیش عدو تا،بلند شو . این خنده ها به زخمِ دلم زخم میزنند دیگر نمی کشد تعصّبِ سقا،بلند شو . ولله غیرتم نمی کشد اینطور می کنی یا اشک خود مریز چنین،یا بلند شو . دستم،سرم،لِوای من و مشک پاره ام چشمم،فدای چشمِ تو یکجا،بلند شو . حمل تنم که یک تنه کار تو نیست،پس زحمت مده دوباره خودت را،بلند شو . تو در خیالِ پیکر من،من به فکر تو یعنی چه می شود بدونِ من آنجا،بلند شو . من سر به پایِ مهرِ تو جان می دهم،ولی تو با سرت چه می کنی آیا؟بلند شو

مرحبا ماه درخشاندی ابوالفضل علی #عباسیه 🌴💫🏴🌴💫🏴🌴💫🏴 #شجاعت حضرت ابوالفضل علیه السلام کربلایی محمدرضا محمدی (ناعم) . مرحبا ماه درخشاندی ابوالفضل علی قلعۀ دینه نگهباندی ابوالفضل علی پیرومکتب قرآندی ابوالفضل علی بانی سفرۀ احساندی ابوالفضل علی فاتح قلۀ ایماندی ابوالفضل علی پیکرعشقیده چون جاندی ، ابوالفضل علی . . مرکب اوستونده او سلطان موقر اوتوروب ایلیوب قلۀ ایثاری مسخر اوتوروب صورتیندن ائله بیل ماه منوّر اوتوروب صولتیندن ائله بیل حیدر صفدر اوتوروب خیمه ده دیلده دعا زینب مضطر اوتوروب عرصیه گوردی ، شتاباندی ابوالفضل علی . . قدم آتدوقجا سالور رعشه دل اعدایه جان وئرور هر نفسی ، پیکر عاشورایه بنذیور جنگ و جدلده علی اعلایه قدسیان مدح دیورعرشیده بو مولایه مرحبا جاهد والا و ملک سیمایه باخیشی خنجر برّاندی ابوالفضل علی . . شمس ، حیراندی اونون آیدان ایشیق طلعتینه رزم جامه یاراشور مرتضوی قامتینه دایانوب فوج ملک عبد کیمی طاعتینه ایلیور جنّ و بشرعرض ادب ، ساحتینه مرحبا همّتینه ، صولتینه ، غیرتینه مکتبه سلسله جنباندی ، ابوالفضل علی . . دیدی ای کوفه لیلر ، معدن احساس ، منم شیر میدان محرّم شرف النّاس منم خرمن کینه نی نابود ائلین داس ، منم شیشۀ نخوته خدشه سالان الماس منم دورد امام آلنین اؤپن مفتخر عباس منم رتبه ده محتشم انساندی ، ابوالفضل علی . . قارداشیم شیر خدا میثم تماری منم شه عالمدی حسین عبد فداکاری منم افتخاریم بودی عالمده علمداری منم قویمارام تک قالا بو چولده هواداری منم قوشونی اولماسادا ایندی سپهداری منم خادم درگه جاناندی ، ابوالفضل علی . . منه گر اذن وئره باشوزه اوت یاغدیرّام دفتر کرب و بلادن آدوزی پوزدوّرام پرچم فتحی گئدوب کاخ یزیده ویرّام کیمدی ، هند اوغلی اونون گردنینی سیندیرّام در زهرا عوضینده قاپوسین یاندیرّام آذر خرمن دوناندی ، ابوالفضل علی . . عار اولا پیشه و اندیشوزه ای قوم کفر دینی دنیایه ساتان اهل ریا فرقۀ شر گورمورم لشکروزون ذره جه تیغینده کسر گوندرون جنگیمه هر قدر واروز مرد هنر اله آلسون سپر و نیزه وشمشیر و تبر سانمیون سیز که گریزاندی ، ابوالفضل علی . . آلدی عبّاس دلاور سسین اعدا او زمان سربسر لشر کین تیتردی ، چون برگ خزان دیدیلر رزمه گلوب شیر دل عباس جوان پهلوانلار دیدی یوخ بیزده بو دعوایه توان مارد آماده اولوب خنده کنان نعره زنان خبری یوخ یل میداندی ابوالفضل علی . . عرصیه گلدی غرض مارد بی شرم و شعور هیبتی دیو کیمی قامتی ، بیر پارچا غرور چوخ غروریله تاپوب مرکز میداندا حضور روبرو اولدی او اثناده غرض شیریله مور گوردی مارد ، نجه عباس ؛ جوانمرد و غیور مرد نام آور دوراندی ابوالفضل علی . . رجزین باشلادی مارد دیدی ، ممتازمنم قدرتین دفترینه نقطۀ آغاز منم آل سفیانه مریدم که سرافراز منم فن دعواده یقین صاحب اعجاز منم افتخاریم بودی سعد اوغلونا سرباز منم ضربت تیغیمه مهماندی ، ابوالفضل علی . . دیدی عباس که ای نوکر اشرار زمان چوخ غروریله باخورسان منه ای هرزه روان چوخدا من من ائلیوب باخما منه خنده کنان کیملره فخر ائلیورسن؟ کیشی سن آخر اوتان ایندی گور من کیمم ای کور دل چرب زبان ساقی رهبرعطشاندی ابوالفضل علی . . اوره گین پنجۀ غیرت سیخانون اوغلی منم اله انگشترغیرت تاخانون اوغلی منم دوش پیغمبردینه چیخانون اوغلی منم اوتوز ایل اشکی عذاره آخانون اوغلی منم کعبه ده عزتیلن بت ییخانون اوغلی منم یادگار شه مرداندی ابوالفضل علی . . اله آل تیغیوی ای شوم و شر و پست و دنی آل طاهایه بو قدرائتمه گشاده دهنی بویارام قانووه من ایندی بو میداندا سنی باغ جنّتده سووندورم آنام فاطمه نی کسرم نسلینی قارداشیما توهین ائده نی قاتل قوم لعیناندی ، ابوالفضل علی . . گوردی مارد که حریفی نجه بی پروادی قامتیندن گورونور سرو چمن آرادی بیلدی ، عباس ، یگانه یل عاشورادی الحق الحق که علی صولتینه دارادی رزمیده یوخ بدلی واحد و بی همتادی دشمن فرقۀ عدواندی ابوالفضل علی . . ماحصل باشلادی ، دعوانی قوپوب ، گرد و غبار نیزه سین آتدی ، ابوالفضله طرف اول غدّار روبه ایستوردی ، ائده مکریله چون شیری شکار زینب غمزه ده نی دوره له دی تئز بالالار نگرانسان دئ ، گوراخ مرکزمیداندا نه وار صاحب فرّ فراواندی ، ابوالفضل علی . . مارد اول حمله ده چوخ کوشش ، بیحد ائلدی سپری ، دوتدی ابالفضل یولونی سد ائلدی چوخ شجاعانه اونون نیزه سینی ، رد ائلدی اول اگدی بلینی دوردی ، صورا مد ائلدی سپه کوفه نی حیران او رسا قد ائلدی پیکرقدرته چون جاندی ، ابوالفضل علی . . ائتدی تدبیر یورش ، الغرض عباس جوان گوشۀ چشمیله باخوب مارده اول شیر ژیان ایتی شمشیره وئروب غیضیله ، عبّاس ، تکان توزقوپوب پهنۀ میدانی ، دوتوب بیرده دومان تلّیدن زینب غمدیده باخوردی نگران زینبین روحینه ریحاندی ، ابالفضل علی

ای شیر صولت قارداشیم دور گلمیشم هرایه #عباسیه 🌴💫🥀🌴💫🥀🌴 #زبانحال امام حسین علیه السلام بر پیکر برادر . #سبک با صدای کربلایی پویا نبی زاده . کربلایی رحیم شایان ارومیه . ای شیر صولت قارداشیم دور گلمیشم هرایه گوزلردن آخمیش قان یاشیم جسمین دوشوب آرایه . سرویم نئجه اولدی خوللار دوشموش هایاندا قوللار ایثاریوه قربان ابوالفضل . گئتدون یاتوبدی پرچم قیزلار دوتوبلا ماتم قوللاریوا قربان ابوالفضل . . . دگمیش عمود آهنین زیبا یوزون داغیلمیش بیر اوخ ووروبلار ظلمولن شهلا گوزون داغیلمیش افسوس او زیبا قامته که ظولموله بیچیلمیش گویا که تندیس شرف شمشیریله کیچیلمیش . اوخدی بدن سراسر قاندی بلالی گوزلر اول چشم خونین بار قربان . سیندی بئلیم برادر بیر یول داغیلدی لشگر بو غیرت سرشاره قربان . . . بو حالیده خجلتده سن خالی اولوبدی مشگین قانلی گوزوندن هی آخور قانلی عذاره اشگین من آغلیرام ایندی برادر بو پاره لنمیش مشگیوه عالملر آغلار ای دلاور گوزدن آخان قان اشگیوه . ائتدون اوزون فدا سن سن معدن وفا سن دینون اولان قربانی قارداش . سن سن منیم پناهیم سن سن امید گاهیم سن ساخلادون قرآنی قارداش . .

ای سرور عالم یارالی سر سنه قربان #عباسیه 🍁💫▪️✨🍁💫▪️✨ #استمداد حضرت ابوالفضل علیه السلام . هدایت تبریزی . ای سرور عالم یارالی سر سنه قربان باش گوز سنه قربان کسیک اللر سنه قربان . . چوخ ایستیری گویلوم سنی جان اوسته گوریدیم آخر نفسمده سنی درک ایلوب ئولیدیم . . آلدیم سویی سو ایچمدیم امّا ادبیمدن نامحرمیدی قویمادیم ئوپسون سو لبیمدن نفسیم سو طلب ایلدی ، گیچدیم طلبیمدن سالدیم قورویان لبلریوی یادیمه یاندیم سندن ، بالالاردان ، سوسوز اصغردن اوتاندیم . . عطشانلارا چاتسین سویی قدریمجه چالشدیم اوخ مشکه دگنده سارالیب یاندیم آلشدیم اصغر گوزومه دوردی حرارتده یانشدیم سعییم هدر اولدی سو گوروم قانه دونیدی نه غم ، بالالار سو ایچیب عبّاسین ئولیدی . . تیر محنه غصّه لی قلبیم سپر اولدی اوخ اوستومه باران کیمی یاغدی خطر اولدی قان دولدی گوزه ، بیلمدیم اصلا نه لر اولدی نه اوخ آتانی گوردی گوزوم نه داش آتانی گوردوم نه قلج نیزه نی نه یاره ورانی . . سجده گهیمی یاره لین اوخ سوزی قالسین بند دلیمی پاره لین اوخ سوزی قالسین عمروم ورقین قاره لین اوخ سوزی قالسین قالسین کی نه لر باشمه گلدی نه لر اولدی دل یاره سی خنجر یاراسندان بتر اولدی . . ال اولمادی پیکرده قویام یاره لی باشه لطفیله ئوزون قوی او شفا بخش الی باشه سن چکسن الین باشمه عزّت گلی باشه من گلماقا یوخ چاره ، منی گورماقا سن گل باش چکماقا جان اوسته غلامه آقا سن گل . . پنجَم نظره گلدی ، گوزوم گوزلره گلدی اللر کسیلنده علمین لنگره گلدی گویا کی تلاطم یارالی پیکره گلدی گوردوم کی علم یاتسا علمدار ئوله خوشدی عشقیم منی لابد یخلان پرچمه قوشدی . . من یاره لی اولسامدا یارام یادیمه دوشمز اصغر اوتوروب دلده ، بالام یادیمه دوشمز فکریم هله زینبدی ، آنام یادیمه دوشمز دوزدور کی ئوزوم تیر بلیّاته نشانم قارداش جانی سن قالدین آدامسیز نگرانم . . یاره ندی یاره گوره ، راضی اولا یاریم سنسامدا طلایم بیلیرم سنماز عیاریم سرور اولارام عالمه سندندی وقاریم گلسن دیزه آلسا باشمی عرشه اوجاللام ئولسمده ئورکلرده اوتورّام دیری قاللام . . بند اولدی ایاقیم یخلان وقته رکابه آت رم یئدی یوز یرده دگیب داشه ترابه دشمن او قدر یاره ووروب گلمز حسابه گل گور تانیارسان منی ای سرور ابرار گل گور او بنی هاشم آیندان هئچ اثر وار . . قانلی یوزومی گورماقین هئچ لذّتی یوخدی عبّاس وار ، امّا داخی مه طلعتی یوخدی تپراقیله قاندان صورا هئچ زینتی یوخدی بیر ظلم ایلیوبدور منه نامردم کوفه تپراقیله قان مه یوزومی سالدی خسوفه . . من تشنیم امّا آقا دیداروه تشنه جنّت باغی نین زینتی رخساروه تشنه دیداروه ، رخساروه ، گفتاروه تشنه سیراب ایله وصلینله منی جان سنه قربان باش گوز سنه قربان توکولن قان سنه قربان . . افسوس اولا کی اولدی هدر سعی و تلاشیم اللر کسیلیب اولدی هدف اوخلارا باشیم افسوس اولا تپراقدی قزل قاندی فراشیم قالمور او قدر زخم و جراحتدن ئولم من ئولدورمه سه یاره آقا خجلتده ئولم من . . چوخ سعی ایلدیم اولمیا خدمتده قصوریم سو الده دیدیم خیمه لره اولسون عبوریم اوخ مشکه دَینجه واریدی دلده بو شوریم فکر ایلمه کی باشه دگن یاره دن ئولدوم اوخ مشکه دگنده سارالیب غصّه دن ئولدوم . . اوخ مشکه دگنده ئورگیم بندی ئوزولدی یاندیم ، اثر مرگ ، عرق آلنمدا دوزلدی سو یوخ ، ئورگیم قانی تراب اوسته سوزولدی نیلر بئله وقته گوره سقّا الی بوشدی بئیله الی بوشلوقدان ئولوم یوز دفعه خوشدی . . آچدیم چوز آچان وقت ئوزووه گوز ، سنه باخدیم شاد اولدی ئورک تا او رخ احسنه باخدیم باخدیم ، یورولوب گوز ، یوموب آچدیم گئنه باخدیم گورماقه جمالون ایله گویلوم اسیر ایندی تأخیر ایله سن باشمی دشمن کسیر ایندی . . قان یاشدی گوزومدن توکولن عارض زرده باشیم قانی وقتنده چکیب گوزلره پرده آخر گوره بیلمم سنی امواج خطرده لطفیله نظر قیل گیلن ای شاه ولایت نظم ایلیه احوالیمی دقّتله (هدایت)

گوردیله تلی آشیب رزمگه قان سالا #عباسیه #مهدی_عابدینی 17 ساعت پیش / babirpour / زبدةالاشعار شجاعت حضرت ابوالفضل علیه السلام 🌴🥀▪️🌴🥀▪️🌴🥀▪️ . #سبک_می_گذرد_کاروان #سبک_ای_بوغازین_اوچ_پر_اوخ . . مهدی عابدینی . گوردیله تلی آشیب…رزمگه قان سالا سوآپارا قیزلارا…نهر فراتی آلا سسلنور من پور حیدرم جان ویرم عشقیمدن دونمرم . . . بوسه ویرار قدسیان..دست علم گیرینه سسلوری احسن حسین..عرصه دکی شیرینه تای گلمز بیرده عباسینه مرحبا عشق و احساسینه . . . سس دوشوب اعدالره.گلدی حسینون یلی یوخ دیه سن خیبره.ئوز قویوب الان علی فتاح خیبر یادگاری عرصه ی جنگون نامداری . . . ویردی ئوزون صفلره.گورنجه طوفان سالیب برق نگاهی اونون.جان سپاهی آلیب قاریشدی میمنه میسره قاباقدان قاچدیلار یکسره . . . الده دوتوب سان ویرور.تیغ شرربارینی لرزه سالیب لشکره.باشلادی پیکارینی گوردی سعد اوغلی کربلاده باشلاری اوینیور هواده . . . هرطرفه ئوز قویور.گله روبه قاچور سیل دیه سن داغ داشی.یاردی گیدور یول آچور شیر یزدانون شیر افکنی سیندیردی هیبت دشمنی . . . تیغینه کیم توش اولور.پیکری باشسیز قالور گویده گزن باشلارا.خیل ملک ال چالور باخ بیر عباسین پیکارینه باتدی هرکیم گلدی قانینه . . . ثبت ایلیوب گویلره.آگه ایدوب عالمی یل یاتا طوفان یاتا.یاتماز حسین پرچمی عباسم شیر نام آورم بوچولده حسینه یاورم . @rozevanoheayammoharramsoghandi

گوزوندن اوخ دگن عباسه لبیک #عباسیه 🌴💫🏴🌴💫🏴🌴 #لبیک یا ابالفضل علیه السلام . بلادی اردبیلی . گوزوندن اوخ دگن عباسه لبیک گیین قاندان کفن عباسه لبیک . . کچن باشدان گوزوندن اللریندن اخان باش قانی یکسر پیکریندن اولان شرمنده زهرا اصغریندن سومشگین اوخ بولن عباسه لبیک . . سوون دردینده قلبی اودلانوردی یاناندرگاه تک غمدن یانوردی گوزوندن سینه سیندن اوخلانوردی شرف عشقه ویرن عباسه لبیک . . دوشنده تپراقا قانلی بیلکلر اسوب گهواره تک یانموش اورکلر ابالفضل وای دیدی قاره لچکلر وجودین غم اگن عباسه لبیک . . سو جام الده سوسوزلار اغلیوردی خانم زهرا یاراگوز باغلیور ی اوپیدی اوخ یئرین دل داغلیوردی خجالتدن اسن عباسه لبیک . . آت اوستن تپراقا قولسوز دوشنده حسینون قدینی غملر اگنده ابالفضل وای دیدی یللر اسنده ایکی قولدان کئچن عباسه لبیک . . اسوردی سینه سینده قانلی پرچم یانوردی پاره مشگه نهر علقم قورا یاس کربلایه گلدی ادم فرات اوسته دوشن عباسه لبیک . . قوروب یاس بوغمه یاس اغلیوردی بوپرپریاسه احساس اغلیوردی سوسوز قیزلاره عباس اغلیوردی الان سو ایچمین عباسه لبیک . . دگنده النینا اوچ شعبه پیکان دولوب قان گوزلره تاراولدی میدان ایتیردی یوللاری سقای عطشان خیامی گورمین عباسه لبیک . . گوزی یول گورمدی کیم گلدی وئردی بالام وای حضرت زهرا بویوردی یول اوسته نوفل بی رحم دوردی سپرباشین ائدن عباسه لبیک . . باشندان دگدی یاره باش داغیلدی سینان ایینه تک گوزقاش داغیلدی سینوب انگشتر جان قاش داغیلدی حسینی سسلین عباسه لبیک . . سو مشگیندن سواخدی قان گوزوندن نئجه السیز چکوب پیکان گوزوندن اوپوب روح الامین گریان گوزوندن دئیوب عطشان یولن عباسه لبیک . .

‍ طشت گذاری روضه حضرت ابوالفضل(ع) دردون اولسا دیمرم حاذق اطبانی چاغیر   گوزون یاشینی توک حضرت زهرانی چاغیر ویر خبر دردی اولانلاره دینن غم گلدی   باشوا باغلا قرا موسم ماتم گلدی   سینه وور سسله حسینی قره پرچم گلدی   ای دوادن یورولان ماه محرم گلدی   چاغیرون یوزلری اشکه بوروننلر گلسین   قره پرچم دالیسیجاق سوروننلر گلسین بزم تجلیل شئونات امامتدی بورا   مرکز کنگره شان و شرافتدی بورا   آیری فکر ایلمه درگاه عبادتدی بورا   گیتمه آیری قاپیا باب سعادتدی بورا   غم یمه اولسا نه اندازه اگر دردون آغیر   قلبووی پاک ایله بیر دفعه ابوالفضلی چاغیر   احتیاجون وار اگر معجزه گر درمانه   متوجه ایله افکاروی نخلستانه   ساقی تشنه دوشوبدی یارالی میدانه   ساق گوزی بوسه ویروب زهریلی بیر پیکانه   سروه اوخشور اوجا قدی ولی خوللاری دوشوب   بیر یانا مشکی دوشوب بیر یانا قوللاری دوشوب   کشتی عشقیدی گویا کی قالوب طوفاندا   عمرینون اولدوزی ایستور باتا نخلستاندا   ئوزینه فکر ایلمور هیچ ایله بیر بحراندا   تلین اوستونده قالوب قلبی گرو جاناندا   گوردی یوخدی یارالی قوللارینون درمانی   دوتدی تصمیمینی دعوت ایلیه مولانی یوز دوتوب تله طرف سسلدی ای شاه بصیر   منتظر دور سنه میدانیده بو عبد حقیر   دیمورم گل منی قویما ایلیه لشکر اسیر   ننووی ایستسه گویلون ئوزووی فوری یتیر   باشیم اوسته اوتوروب گوز یاشی رخساره الور   ساچلاریندان باجیمون ساچلارینون عطری گلور   #دردین_اولسا #محرم #عباسیه فایل صوتی👇👇👇 #اشعار_ترکی

سینه زنی حضرت ابوالفضل(ع) یاتما دور ایاقه بلیم سنوبدور یارالی قارداش قویما باشیوی ایستی قوملا اوسته یارالی قارداش گوز تیکوب یولا آغلاشولار اولدوزلاریم ابوالفضل سینوین یارالارینا فدا قیزلاریم ابوالفضل باشیوین یاراسی وروبدی اود قلبیم اودلانوبدی قلبیمون باشی باخدوقیجا احوالیوه یانوبدی ساق گوزون عزیزیم دینن گوروم هاردا اوخلانوبدی اولدی قامتیم بو مصیبتونده هلالی قارداش گوز تیکوب یولا آغلاشولار اولدوزلاریم ابوالفضل سینوین یارالارینا فدا قیزلاریم ابوالفضل باغلاما گوزل گوزلریوی سرلشکریم اوتانما آیری یانه یوز دوتما ای مه انوریم اوتانما نه رقیه وار بوردا نه علی اصغریم اوتانما قویموشام قالوب خیمه لرده بیر جوت مارالی قارداش گوز تیکوب یولا آغلاشولار اولدوزلاریم ابوالفضل سینوین یارالارینا فدا قیزلاریم ابوالفضل اوخ یاغاندا میداندا اوستوه مشکیوی دلوبدی سینمه دیوب تیر محنتون قلبیمی بولوبدی من نجه گدیم زینبه دیوم قارداشیم ئولوبدی یانجه دیوم باتدی آل هاشم هلالی قارداش گوز تیکوب یولا آغلاشولار اولدوزلاریم ابوالفضل سینوین یارالارینا فدا قیزلاریم ابوالفضل آغلیوردی اصغر گیدنده میدانه سن مکرر سن دوشندن آتدان یره نه گریاندی نه سو ایستر پرچمون یاتاندا گوزین یوموبدور یاتوبدی اصغر گاهواره ده آغلامور ربابون غزالی قارداش گوز تیکوب یولا آغلاشولار اولدوزلاریم ابوالفضل سینوین یارالارینا فدا قیزلاریم ابوالفضل من اوباغبانم که شاخه اوسته گلوم سینوبدی تک سنون باشون سنمیوب منیم بیر الیم سینوبدی دشمن ال چالور دور گیدک خیامه بلیم سینوبدی آل هاشمون برهم اولدی جاه و جلالی قارداش گوز تیکوب یولا آغلاشولار اولدوزلاریم ابوالفضل سینوین یارالارینا فدا قیزلاریم ابوالفضل آند اولا سنون جانیوه آشوب موج غم باشیمدان اود یاغور کانه عذاریمه قانلی گوز یاشیمدان آیرلانمورام سن کیمی شرافتلی قارداشیمدان ایستورم یاتوب بوردا جان ویرم دل یارالی قارداش گوز تیکوب یولا آغلاشولار اولدوزلاریم ابوالفضل سینوین یارالارینا فدا قیزلاریم ابوالفضل کیم گلوبدی مندن قاباخ کی مست عبیریم من صاحب بو عطریله من بیلن هم عشیریم من اللی ایلدی مجنون کیمی بو عطرین اسیریم من دوشموشم اوشاقلیقدا من ننم دن آرالی قارداش گوز تیکوب یولا آغلاشولار اولدوزلاریم ابوالفضل سینوین یارالارینا فدا قیزلاریم ابوالفضل #عباسیه