گل هرایه قاسمیوی عمو ستمیله زاغ و زغن وورور ▪️🌱▪️🌱▪️🌱 #استمداد حضرت قاسم علیه السلام #سبک_بالام_آغلاما_گلوم_آغلاما … 8 سبک … دولانور علی قزی مقتلی … سن آت اوسته پای پیاده من … . . کربلایی رحیم شایان . گل هرایه قاسمیوی عمو ستمیله زاغ و زغن وورور ائلییپ محاصره قوم کین منی اشقیای زمن وورور یارالار دگوبدی وجودیمه باشیمین قانی قاشا باغلانوب بوتون اوخدی نیزه دی تیریدی که سینه مده باش باشا باغلانوب گل عزیز مجتبوینی گور نیجه عرصه ده داشا باغلانوب هامونون وار الده فلاخنی منی هر یارالی گورن وورور ضربات دشمن دونیدن تاپارام که فیض شهادتی باشیم اوسته گلسن اولار عمو منه جاودانه سعادتی بیلیرم که شور شهادتین منه وار بیر آیری حلاوتی منه نوشیدور بئله یاره لر اودی هر گیدن له گلن گلن وورور یتیشیبدی حد نهایته عطشیم دوداق قورویوب عمو بو بلالی دشتیده اولمادی منه بیر نفر ویره جرعه سو گیدیرم که جدّ مطهریم ویره جام کوثریدن سبو گل جسمیم اولدی ورق ورق ایاق آتدا خوار ائلین وورور آت ایاقی ایله دی پایمال ازیلیبدی جان و تنیم منیم دوگولوبدی ات کیمی قیچ قولوم داغیلیبدی پیرهنیم منیم آپاراندا خیمه لره اودی اوزانار کیچیک بدنیم منیم زرهیم ده اولمادی جسمیده وورانیم یارالی بدن وورور

گل هرایه قاسمیوی عمو ستمیله زاغ و زغن وورور ▪️🍀🍂▪️🍀🍂 #استمداد حضرت قاسم علیه السلام #سبک_بالام_آغلاما_گلوم_آغلاما … 8 سبک … دولانور علی قزی مقتلی … سن آت اوسته پای پیاده من … . . کربلایی رحیم شایان . گل هرایه قاسمیوی عمو ستمیله زاغ و زغن وورور ائلییپ محاصره قوم کین منی اشقیای زمن وورور یارالار دگوبدی وجودیمه باشیمین قانی قاشا باغلانوب بوتون اوخدی نیزه دی تیریدی که سینه مده باش باشا باغلانوب گل عزیز مجتبوینی گور نیجه عرصه ده داشا باغلانوب هامونون وار الده فلاخنی منی هر یارالی گورن وورور ضربات دشمن دونیدن تاپارام که فیض شهادتی باشیم اوسته گلسن اولار عمو منه جاودانه سعادتی بیلیرم که شور شهادتین منه وار بیر آیری حلاوتی منه نوشیدور بئله یاره لر اودی هر گیدن له گلن گلن وورور یتیشیبدی حد نهایته عطشیم دوداق قورویوب عمو بو بلالی دشتیده اولمادی منه بیر نفر ویره جرعه سو گیدیرم که جدّ مطهریم ویره جام کوثریدن سبو گل جسمیم اولدی ورق ورق ایاق آتدا خوار ائلین وورور آت ایاقی ایله دی پایمال ازیلیبدی جان و تنیم منیم دوگولوبدی ات کیمی قیچ قولوم داغیلیبدی پیرهنیم منیم آپاراندا خیمه لره اودی اوزانار کیچیک بدنیم منیم زرهیم ده اولمادی جسمیده وورانیم یارالی بدن وورور

گر بابا هجران سنی بو چولده بیتاب ایلدی #اکبریه 🏴💫▪️🏴💫▪️🏴💫▪️ #استمداد شهزاده علی اکبر علیه السلام علومی تبریزی . گر بابا هجران سنی بو چولده بیتاب ایلدی ائتمه غم جدّیم منه سو گتدی سیراب ایلدی . . تشنه لوق آلموشدی طاقت بو سوسوز تندن بابا ایستدیم علّت اودور بیر شربه سو سندن بابا اولمادی ممکن سنه محزونیدون مندن بابا ائتمه غم جدّیم منه سو گتدی سیراب ایلدی . . چوخ اؤزوم شرمنده ام سو ایستدیم اوّلده من چون سنی گوردوم که مندن فوق العاده تشنه سن ساخلیوبدی سو سنه جدّیم رسول ممتحن ائتمه غم جدّیم منه سو گتدی سیراب ایلدی . . اولمادی ممکن خیامه بیرده من سالم گلم یخدیلار آتدان منی بو چولده اشرار ظلم ایسترم گل صورتین بیرده گورم اوندان ئولم ائتمه غم جدّیم منه سو گتدی سیراب ایلدی . . ویردی جدّیم مصطفی ایله گوارا سو منه اولمارام بیرده سوسوز ویردیم خبر بابا سنه صون نفسده گل تماشا ایت بو پوزقون گلشنه ائتمه غم جدّیم منه سو گتدی سیراب ایلدی . . ویر تسلّی خیمه ده لیلایه آز ایتسون نوا قاتلیم ایتسه یارالی باشیمی زیب جدا سربلند ایلر اونی صبر ایله سه بو ماجرا ائتمه غم جدّیم منه سو گتدی سیراب ایلدی . . گل بابا گل پارچالانمیش باشیمی آغوشه آل سایۀ لطفون بو صون دم باشیم اوسته بیرده سال شاد اولوم دیداریویله بو زمان ارتحال ائتمه غم جدّیم منه سو گتدی سیراب ایلدی . . بیرده من گتدیم بابا امر ایله سن زین العبا خاک پایونده منی دفن ایله سین بو چولده تا قبریمه زائر اولانلار گورسون ای شاه ولا ائتمه غم جدّیم منه سو گتدی سیراب ایلدی . . بسدور ال ساخلا علومی مطلبه چوخ ویرمه طول آزدا اولسا خدمتون ایلر علی اکبر قبول بیرده دئ بو مصرعی حضّار اولا دلدن ملول ائتمه غم جدّیم منه سو گتدی سیراب ایلدی

ای مسیحا نَفَس مقتدا حسین ▪️✨▪️✨▪️✨▪️✨▪️ #استمداد حضرت عباس علیه السلام #سبک با صدای مرحوم استاد #سلیم_موذن . سیفی اردبیلی . ای مسیحا نَفَس مقتدا حسین نوکرون اولدی شرمنده یا حسین . لطف ایله هرایه گل وار سنه سوزوم قان دولوب سو مشکیمه اوخلانوب گوزوم . . . من سنون با وفا پاسداریوم عرصۀ عشقیده جان نثاریوم ئوپمگه مقدمون انتظاریوم ای گوزل مظهر کبریا حسین لطف ایله هرایه … . . حُسنووه دل وئروب کامه چاتمیشام زندگی لذّتین گوزدن آتمیشام مشعرونده قیزیل قانه باتمیشام قامت عشقه قاندور جلا حسین لطف ایله هرایه … . . گوردوم عطشاندی آهولرون مَلَر قوش کیمی چرپنار تشنه صود اَمَر ائتدی غم روحیمه اوخ کیمی اَثَر اولدوم آمادۀ ابتلا حسین لطف ایله هرایه … . . نهره سوردوم عقابی شتابیلن جنگه چخدوم بو قومِ عذابیلن فاتح اولدوم سویا صبر و تابیلن ایلدیم عهدِ عشقه وفا حسین لطف ایله هرایه … . . اؤوجوما آلدیم اوّل آخار سودان نفسِ عطشان دئدی ایله نوش جان یادیمه صود امر دوشدی ناگهان ووردوم ئوز نفسیمه پُشتِ پا حسین لطف ایله هرایه … . . مشکه دولدوردوم آبِ حیاتیدن خیمه لر عزمین ائتدیم فراتیدن روحیمی کینه سالدی نشاطیدن خط سیریمده آچدی خطا حسین لطف ایله هرایه … . . قوردی روباهیلر شیره دام غم آچدی شهبازه اَل لشگر ستم چکدی سو مشکیمه نقشۀ عدم خامۀ فتنه خویِ قضا حسین لطف ایله هرایه … . . گوردوم عصیان ائدوب قوم کین سیَر مشکیمه پرچمه وار بیوک خطر ایلدیم بو اوزون قوللاری سپَر گورمَسون صَدمه مَشک و لوا حسین لطف ایله هرایه … . . دوشدی قوللار منی سالدی تابیدن سو کیمی آخدی قانیم رکابیدن اولدی شرمنده نَفسیم رُبابیدن نی کیمی ائتدی قلبیم نوا حسین لطف ایله هرایه … . . دوشدوم آتدان یوز اوستونده توپراقا باخدی گولدی منه فرقۀ دغا سسلدیم دم بدم من خدا خدا قیل کرم مندن اولسون رضا حسین لطف ایله هرایه … . . گل حسین دوشموشم دام دشمنه ننگ اولوب عرصۀ زندگی منه قانلی گوزلر قالوب منتظر سنه ایله بو جان نثاره عطا حسین لطف ایله هرایه … . . یاندروب جسمیمی سوز نار غم ای پناهیم حسین رنجه قیل قدم ایله بو نوکری نایل کرم بزم ایثاریمه وئر صفا حسین لطف ایله هرایه … . . نوکرون التماسین مجاب ایله جان چخور لبلریمدن شتاب ایله بو شکسته دلی حر حساب ایله باشیمون اوسته سال سایه یا حسین لطف ایله هرایه … . . خرمن عشقیمه سالدیلار الو نخل امیدیمی ائتدیلر درو قوللاریم اولدی سو مشکیمه گرو قالدی درد دلیم بی دوا حسین لطف ایله هرایه … . . سرّیمی ایلمه خیمه ده علن اولماسون منتشر قصّۀ محن شرمسارم بیلور سن رقیه دن چاره سیز دور غمیم مطلقا حسین لطف ایله هرایه …

داده یتیش آلدیلار دوره می لشگر بابا #اکبریه ▪️🌿🔸▪️🌿🔸▪️ #استمداد حضرت علی اکبر . . #سبک_ای_دل_اگر_عاشقی #سبک_می_گذرد_کاروان ( با اضافه کردن واگیر ) . مرحوم نادری میانجی . داده یتیش آلدیلار دوره می لشگر بابا سالدیلار آتدان یره جان ویرور اکبر بابا . . نازیله سن بسلدون ای گل ریحان منی ایله دون آخر بو گون امّته قربان منی ویردولا چوخ یاره لریخدیلار عطشان منی باشمون اوسته دوروب شمر بداختر بابا . . تازه جوانم بابا دادیمه یوخدور گلن قوملارون اوسته دوشوب اکبر گلگون کفن سن گورن اکبر دگول پاره لنوب گُل بدن گیتدی الوندن بوگون شبه پیمبر بابا . . قویما گیلان آی بابا حالیمی لیلا بوله باشی آچوخ قورخورام باشیمین اوسته گله هیچ آنا تاب ایله مز تازه جوانی ئوله تکجه بو حالی بولر اوغلی ئولنلر بابا . . ای بابا تیز داده گل یخدیلار آتدان منی ایله دی بو قوم دون قانیمه غلطان منی گل گور آلوب اورتیا ئولدورور عدوان منی قتلیمه لشگر چکوب گور نجه خنجر بابا . . باشیمی سیندردیلار جانه بابا دویمشام یاره می یوخ باغلیان قانیمه غرق اولمشام سوز عطشدن بابا لاله کیمین سولمشام گلمدی امدادیمه ساقی کوثر بابا . . ئولمه گمه اینجمم ایلمرم واهمه گوزلری یولاردا دور ایندی باجیم فاطمه یاز باجیما اکبرین تابدی ایشی خاتمه حجله سی دور قتلگه شمعدی شش پر بابا . . یاز باجیما باشینه ایندی قرا باغلاسون اکبرون الدن گیدوب یولارا چوخ باخماسون اکبره نا خوش باجی داغلا جگر داغلاسون قالدی طویوم محشره ای مه انور بابا . . ای بابا ساق قالماقا اکبر ه یوخدور گمان ئولمه میش اوغلون بابا قدون اولوبدور کمان کرب و بلا «نادری» اکبره اولدی مکان قالدی اوغلسوز بوگون شافع محشر بابا

قاسم قیزیل قانه باتوب الآن عمو گل #قاسمیه 🏴🍁✨🏴🍁✨🏴 #استمداد حضرت قاسم علیه السلام رضوی زنجانی . قاسم قیزیل قانه باتوب الآن عمو گل زینت تاپوب قانیمله بو میدان عمو گل . . اوخ نیزه یکسر جسمینی ایلوبدی یاره شهپر ویرور روحی بو گون کوی نگاره ایستور گوره گل صورتین قاسم دوباره عشقینده قاسمدی سنه قربان عمو گل . . خورشید تک گل نور آلا مهتاب عموجان قاسم سنه نوکردی سن ارباب عموجان جسمیم یارادی اولموشام بی تاب عموجان ای سبط طاها آیت سبحان عمو گل . . تپراقلار اوسته یاره لی پیکر گلیبدی شمشیر الینده قتلیمه لشگر گلیبدی تئز گل آنام باشدا قرا معجر گلیبدی اولموش بو غمده گوزلری گریان عمو گل . . بو یاره لر عشقینده مولا جان عسلدی حتّی عسلدن آد گلور بو بیر مثلدی اونداندا شیرین تر، آنام باش اوسته گلدی سنده یوبانما ای شه دوران عمو گل . . گرچه آخار تپراقلار اوسته قان بدندن پروازه روح آماده دی الآن بدندن سن گلمه سن چیخماز ولی بو جان بدندن گل باشیم اوسته جان وئریم آسان عمو گل . . جان اوسته، بیماریندن ائت مولا عیادت بلکه قویام تئز باشیمه تاج سعادت ایله نظر من تئز ایچیم شهد شهادت اولدوم شهادت جامینه عطشان عمو گل . . گل جان وئرنده ائت نظر سرباز عشقه شهپر چالوم من سنده باخ پرواز عشقه پایان عمره باخما، باخ آغاز عشقه پایانه چاتسون تا بئله هجران عمو گل . . باشه سالوب قاره آنام آواره اولسا اوخ نیزه جسمیمدن دگیب مین یاره اولسا پیکر سنون عشقینده گر صد پاره اولسا بیر یول دئمم آخ، ای گُل جانان عمو گل . . قانیم آخور گل گور نئجه بو تپراق اوسته جسمیم یارا یکسر، اوزوم عطشان و خسته بیر قوش کیمی پوزقون پریشان پر شکسته صیّاد الینده قالمیشام الآن عمو گل . . بیرده او طاها بنزری من چوخ سووردیم حیدر مثالی اکبری من چوخ سووردیم الآن اولوب قان بستری من چوخ سووردیم اولدوم اونون تک قانیمه غلطان عمو گل . . بیر شاعر گمنامیوم یورموش زمانه دؤنموش اؤرک اطراف الیندن لخته قانه ای مجتبانون کنزینه درّ یگانه سن دئ اولاندا عمریمه پایان عمو گل

ای سرور عالم یارالی سر سنه قربان #عباسیه 🍁💫▪️✨🍁💫▪️✨ #استمداد حضرت ابوالفضل علیه السلام . هدایت تبریزی . ای سرور عالم یارالی سر سنه قربان باش گوز سنه قربان کسیک اللر سنه قربان . . چوخ ایستیری گویلوم سنی جان اوسته گوریدیم آخر نفسمده سنی درک ایلوب ئولیدیم . . آلدیم سویی سو ایچمدیم امّا ادبیمدن نامحرمیدی قویمادیم ئوپسون سو لبیمدن نفسیم سو طلب ایلدی ، گیچدیم طلبیمدن سالدیم قورویان لبلریوی یادیمه یاندیم سندن ، بالالاردان ، سوسوز اصغردن اوتاندیم . . عطشانلارا چاتسین سویی قدریمجه چالشدیم اوخ مشکه دگنده سارالیب یاندیم آلشدیم اصغر گوزومه دوردی حرارتده یانشدیم سعییم هدر اولدی سو گوروم قانه دونیدی نه غم ، بالالار سو ایچیب عبّاسین ئولیدی . . تیر محنه غصّه لی قلبیم سپر اولدی اوخ اوستومه باران کیمی یاغدی خطر اولدی قان دولدی گوزه ، بیلمدیم اصلا نه لر اولدی نه اوخ آتانی گوردی گوزوم نه داش آتانی گوردوم نه قلج نیزه نی نه یاره ورانی . . سجده گهیمی یاره لین اوخ سوزی قالسین بند دلیمی پاره لین اوخ سوزی قالسین عمروم ورقین قاره لین اوخ سوزی قالسین قالسین کی نه لر باشمه گلدی نه لر اولدی دل یاره سی خنجر یاراسندان بتر اولدی . . ال اولمادی پیکرده قویام یاره لی باشه لطفیله ئوزون قوی او شفا بخش الی باشه سن چکسن الین باشمه عزّت گلی باشه من گلماقا یوخ چاره ، منی گورماقا سن گل باش چکماقا جان اوسته غلامه آقا سن گل . . پنجَم نظره گلدی ، گوزوم گوزلره گلدی اللر کسیلنده علمین لنگره گلدی گویا کی تلاطم یارالی پیکره گلدی گوردوم کی علم یاتسا علمدار ئوله خوشدی عشقیم منی لابد یخلان پرچمه قوشدی . . من یاره لی اولسامدا یارام یادیمه دوشمز اصغر اوتوروب دلده ، بالام یادیمه دوشمز فکریم هله زینبدی ، آنام یادیمه دوشمز دوزدور کی ئوزوم تیر بلیّاته نشانم قارداش جانی سن قالدین آدامسیز نگرانم . . یاره ندی یاره گوره ، راضی اولا یاریم سنسامدا طلایم بیلیرم سنماز عیاریم سرور اولارام عالمه سندندی وقاریم گلسن دیزه آلسا باشمی عرشه اوجاللام ئولسمده ئورکلرده اوتورّام دیری قاللام . . بند اولدی ایاقیم یخلان وقته رکابه آت رم یئدی یوز یرده دگیب داشه ترابه دشمن او قدر یاره ووروب گلمز حسابه گل گور تانیارسان منی ای سرور ابرار گل گور او بنی هاشم آیندان هئچ اثر وار . . قانلی یوزومی گورماقین هئچ لذّتی یوخدی عبّاس وار ، امّا داخی مه طلعتی یوخدی تپراقیله قاندان صورا هئچ زینتی یوخدی بیر ظلم ایلیوبدور منه نامردم کوفه تپراقیله قان مه یوزومی سالدی خسوفه . . من تشنیم امّا آقا دیداروه تشنه جنّت باغی نین زینتی رخساروه تشنه دیداروه ، رخساروه ، گفتاروه تشنه سیراب ایله وصلینله منی جان سنه قربان باش گوز سنه قربان توکولن قان سنه قربان . . افسوس اولا کی اولدی هدر سعی و تلاشیم اللر کسیلیب اولدی هدف اوخلارا باشیم افسوس اولا تپراقدی قزل قاندی فراشیم قالمور او قدر زخم و جراحتدن ئولم من ئولدورمه سه یاره آقا خجلتده ئولم من . . چوخ سعی ایلدیم اولمیا خدمتده قصوریم سو الده دیدیم خیمه لره اولسون عبوریم اوخ مشکه دَینجه واریدی دلده بو شوریم فکر ایلمه کی باشه دگن یاره دن ئولدوم اوخ مشکه دگنده سارالیب غصّه دن ئولدوم . . اوخ مشکه دگنده ئورگیم بندی ئوزولدی یاندیم ، اثر مرگ ، عرق آلنمدا دوزلدی سو یوخ ، ئورگیم قانی تراب اوسته سوزولدی نیلر بئله وقته گوره سقّا الی بوشدی بئیله الی بوشلوقدان ئولوم یوز دفعه خوشدی . . آچدیم چوز آچان وقت ئوزووه گوز ، سنه باخدیم شاد اولدی ئورک تا او رخ احسنه باخدیم باخدیم ، یورولوب گوز ، یوموب آچدیم گئنه باخدیم گورماقه جمالون ایله گویلوم اسیر ایندی تأخیر ایله سن باشمی دشمن کسیر ایندی . . قان یاشدی گوزومدن توکولن عارض زرده باشیم قانی وقتنده چکیب گوزلره پرده آخر گوره بیلمم سنی امواج خطرده لطفیله نظر قیل گیلن ای شاه ولایت نظم ایلیه احوالیمی دقّتله (هدایت)