شامون دولانوب شامی ائلیکه سحر اولدی #حضرت_رقیه 🍀✨▪️🍀✨▪️🍀✨▪️ #شهادت حضرت رقیه سلام الله علیها حاج نادر بابایی . شامون دولانوب شامی ائلیکه سحر اولدی سس دوشدی رُبابین گُلی ویرانه ده سولدی . . دینجَلدی رقیّه او گجه درد و بلادن اوزدی اَلینی جاذبۀ دار فنادن آیریلدی گجه عالمی جمع اُسرادن پروازه گلوب روحی اونون عَدنه اوجالدی قوینوندا خانیم عمّه سینون اَللری قالدی . . ویرانه ده بو شه قزی گون گورمَدی ئولدی هِچ توسَن عمرین یارییا سورمَدی ئولدی توزلی هوروگون بیرده آچوب هورمَدی ئولدی شمرین ستمی رشتۀ آمالینی بولدی زهرا کیمی اَللرده بو زهرا قزی ئولدی . . زُلفین اَلینه وقت دعاده که آلاردی زینب اونون احوالینه حیرتده قالاردی باخدوقجا اونا ئوز نَنَه سین یاده سالاردی معبوده دیردی منه بو گوهری ساخلا الله نَنَم ئولدی ، نَنَه مَه بَنزری ساخلا . . شهپرسیز اولان بیر قوشودی غم قفسینده یا بیر گُلیدی دار فنا خار و خَسینده سسلوبدی خانم عمَّه سینی سون نفسینده گَل عمّه دئدی بیرده دیله گلدی رقیّون آغلار گوزونی باغلا که دینجلدی رقیّون . . تدفینیمی ای زینب فرخنده خِصال ائت غسلیمده دِئمَم سن ئوزووی غرق مَلال ائت آخر زحماتیمدی منی عمّه حلال ائت بیر اَمریده سن کشف رُموز مِحن ایله باش قاره سینی بختی قَرایه کفن ایله . . گِئتسوز وطنه بیر گونی یاسلی سیاقیندا مندن ائلیون یاد او گونون غملی چاقیندا اوخشا عوضیمده بی بی ،اکبر اطاقیندا منشی قضا خوشدی گلن غملری بولسون قارداش عوضینده یری واردور باجی ئولسون . . جیران دولانار چولده بی بی دسته بَدسته آیری گَزر امّا اگر اولسا بیری خسته سیزدن آرالانسامدا گَلون قبریمون اوسته آهسته دیون اکبره قاره گِیَن ئولدی شیرین دیلیله اصغره لایلای دِیَن ئولدی . . دلخسته ربابون ئورگی قان منه آغلار چوللرده اِیتن وقتیده جیران منه آغلار دوشسه سوریدن آیری او حیوان منه آغلار (نادرده) هاچان گورسه خرابه منه آغلار حتّی بَدنی گئتسه تُرابه منه آغلار .

اولدی یارالی باش منه مهمان گئجه عمه #حضرت_رقیه 💫🌾▪️💫🌾▪️💫🌾▪️ #زبانحال حضرت رقیه در خرابه شام مرحوم معزی اردبیلی . اولدی یارالی باش منه مهمان گئجه عمه چیخدیم قاباقا حال پریشان گئجه عمه . اندوه زماندان اورگیم خالی دگولدی ارزنده قوناقه اطاقیم عالی دگولدى . . باغریم قانا دوندی دوداقیندا یاراسیندان گوگلوم دیدیم ایستور ئوپوم عمه هاراسیندان عارف سن اوزون سئچ سوزومی سوز آراسیندان اعضاسی گر اولسیدی اؤپردیم ایاقیندان یاندیم دیدیم اؤپدوم یارالانمیش دوداقیندان . . قربانون اولوم گل یاخین ای عمّۀ خوشخو آل قانلی باشی یولما هله شامیده گیسو سن حاضر ایله مشک و گلابی دوداقین یو قانلی دوداقی کیم یوواجاق کافر ایوینده مهماندی فقط بو گیجه نی دختر ایوینده . . آخشام چاقیلار آتش هجرانه یاناردیم گوز یولدا خرابه قاپوسیندا دایاناردیم گلمزدی بابام یوز گوزی پوزقون دولاناردیم آخرده ولی مایۀ امیدیمی گوردوم دشمن طبقینده گئجه خورشیدیمی گوردوم . . گل نائرۂ محنتلن اوتلانورام من سوزشلی دی دردیم اورگیمدن یانورام من چوللردن آنام فاطمه عطرین تانورام من مظلوم بابامون گل دوداقین تازه اؤپوبدور گلمز ولی تخمینه به اندازه اؤپوبدور . . سن بو گئجه نی عمریمین آخر گئجه سین بیل گلسه کفنیمده قاباقا شامیده مشکل هرگز دیمورم بیر کفنه دشمنه اسکیل اوز معجرووه میّتیمی عمّه بوکرسن عبّاس آدینا قبریمون اوسته سو توکر سن . . ای اهل عزا زینبه دردانه یورولدی سس گلمدی باغ عمه ریحانه یورولدی پر ووردی سونن شمعینه پروانه یورولدی رنگی سارالوب گوز آخینوب قلبی سیخیلدی شمعون قاباقیند یره پروانه ییخیلدی . . آتدی الینی باشه جگر داغلادی زینب سسلندی گلون ئولدی بالام آغلادی زینب آهسته رقیه گوزینی باغلادی زینب یوز دوتدی یارالی باشا بانوی حمیده عرض ائتدی حسین نازلی قیزون اولدی شهیده . . دیندیر نیه گور ئولدی گونی قاره قیزوندی سندن صورا اعدا وران آواره قیزوندی بیچاره قیزوندی ، اورگی یاره قیزوندی آغوشه آلوب صبح و مسا بسله دیگوندی بنذرسن آنام فاطمیه سسله دیگوندی . . ایو صاحبیدی یاره گوروبدور قوناقیندا ووردی دوداقا محکم الین غملی چاقیندا باخ قویمادی صاف بیر قالا سالم دوداقیندا تیر محنیلن اورگیم باشینی بولدوز دنیاده ایکوزده دوداقی یارہ لی ئولدوز . . قرخ منزلی یولّاردا صف دشمنه باخدی سر نیزه ده گورجک باشووی تئز سنه باخدی گل صورتینه سیلی وورودی منه باخدی باخ منزل ویرانه سینه دوستاقا بنذر سیلی یری رخساریده گوگ بایراقا بنذر . . زهرا یوزینه صورتی قارداش مثلیدی قیزلاردا رقیه هامیدان ایستملیدی اوچ سنّده زیبائیدی زیبا عملیدی منّتلی غذا شام دیارینده یمزدی حتى منه ده آج یاتورام عمه دیمزدی . . آغلاتدی بالام حالینه حتى یادی گیتدی دلده گئجه بیر تازه جوانین آدی گیتدی بوندان صورا قارداش منیم آغزیم دادی گیتدی ایستکلی رقیّونده شیرین دیللره قربان باشینده پراکنده اولان تللره قربان . . دنیاده بلی مغسلی قارداش ئولن ایستر اقوامیده غسّاله دالیجان گیدن ایستر غسلی ویریلندن صورا میّت کفن ایستر دُردانون ئولوب مغسلین اوستونده یووان یوخ قبرین قازانیم آغ کفنیم، قبره قویان یوخ . .

زینبم ویرانه یرده بلبل گلزاریم ئولدی #حضرت_رقیه 🌿🍂▪️🌿🍂▪️🌿🍂▪️ #شهادت حضرت رقیه سلام الله علیها . . #سبک_ای_ویرن_ویرانه_یرده . . فکری اردبیلی . زینبم ویرانه یرده بلبل گلزاریم ئولدی چاره سیزقالدیم آجیننان خرداجاغمخواریم ئولدی لایلای ای آرام جانیم/لایلای ای شیرین زبانیم . . تاپمادیم بونازنینه حیف اولابیرچاره یاندیم وردی اودشیرین زبانی جانیمه مین یاره یاندیم چوخ گجه سهم غذانی پایلادیم قیزلاره یاندیم اگلشوب قیلدیم نمازی یارخوش گفتاریم ئولدی . . قلبینون قانی عذاره سیل تک دائم آخاردی یاندیراردی عالمینی آه جانسوزی یاخاردی گون باتینجاکربلانون سمتینه حسرت باخاردی اللری قوینوندا قالدی حسرت دیداریم ئولدی . . صبحه جک آغلارگوزیله بختیمه ایوای دیردیم گوشه ی ویرانه لرده عمروم اولدی زای دیردیم یاتمیان وقته رقیه اگلشوب لایلای دیردیم غصه دن باشیم آغاردی محرم اسراریم ئولدی . . عشقینه حیران ائدوبدی دهریده اهل ولانی صدقیله جانان یولوندانوش بیلدی هربلانی کُنج ویرانه گتیردی رأس شاه نینوانی یاره لی باشیله قویدی یوزیوزه خونباریم ئولدی . . چوخ بلاتیری دگوبدی دهریده بوبی نصیبه چوخ سوزین گیزلتدی مندن بوعفیفه بونجیبه آخرِعمرینده دردین سویلدی رأس طبیبه باشینی آلدی قوجاقه خسته دل بیماریم ئولدی . . نه یوزوندن گرد راهی نه غم واندوهی سیلدی گلشنی تاراجه گتدی صرصربیداد اسیلدی نذرائدوب عشق عالمینده عاقبت قربان کسیلدی ئوزیرین پیمانی آلدی دلبرودلداریم ئولدی . . بلبلوم خاموش اولانداجانیدن بالمرّه دویدوم وئرمگه غسلون ال آتدیم کوینگین آهسته سویدوم آغ کفن گوردوم تاپولمورکوینگیلن قبره قویدوم ئولمدیم صدحیف اولامن فاطمه اوخشاریم ئولدی . . ذرّه قلبینده یوخیدی قالماقادنیاده میلی قمچیلرشامه گلنده پیکرین ائتمیشدی نیلی شمر وزجربی حیادن چوخ یمیشدی یولداسیلی دینجلوب شمرین الیندن نوگل بی خاریم ئولدی . . هی دیردی عمه ئولسم آغلامابودل فکاره دینجه لردردوبلادن دهریده بوبختی قاره اولساامکانوزقویارسوزقبریم اوسته گاهواره سن دئنن اصغردن اوتری سولدی گل رخساریم ئولدی . . هرنه ایستردی دیردیم صبرائله ای ماهپاره آغلاماغربت یرینده قوی الیم چاتسون دیاره غم یمه آلام وطنده نازنینیم گوشواره قوش کیمین کُنج قفسده جانه دویدی یاریم ئولدی

چون منزل ایتدی آل پیمبر خرابه ده #حضرت_رقیه 🌿▪️▪️🌿▪️▪️🌿▪️▪️ 🍃🥀#شهادت حضرت رقیه سلام الله علیها مرحوم منصور تبریزی . چون منزل ایتدی آل پیمبر خرابه ده عرشه اوجالدی ناله سراسر خرابه ده . عرش خدایه فخرایلیوب سرفراز اولوب خاک سیاه اولدی معطّر خرابه ده . ناموس پرده سینده اولان هاشمیّیه یر ویردیلر او قوم ستمگر خرابه ده . بی فرش و بی چراغ قوری یرده آج سوسوز جانه یتوشدی عترت خیبر خرابه ده . مرغ شکسته بال کیمی سربزیر پر آغلاردی صبح و شام حرملر خرابه ده . یاده دوشنده عزّتیله اوز وطنلری غربت ایدردی چوخلی اثرلر خرابه ده . بی اختیار سس چکوب آغلاردیلار تمام ظاهر اولوردی شورش محشر خرابه ده . اکبر دیوب رقیّه سیزیلداردی نی کیمی دائم ایدردی ناله مکدّر خرابه ده . حسرتله سویلیردی علی قارداش هارداسان . گل بینوا باجین سنی گوزلر خرابه ده . الحق یقینیدور بو که نازلی رقیّه نی ایتدی هلاک فرقت اکبر خرابه ده . راوی دیر یزیده دینده حکایتی گوردوم اوجالدی شوریله سسلر خرابه ده . بی اختیار آچدی گوزین بیحیا یزید ایتدی سوال نولدی سراسرخرابه ده . داد و فغان و ناله و فریادیدور ندن سجاد ئولموش اولسا گیجه گر خرابه ده . فریاد ایتمسونله سحر حکم ایلرم ایلله کفن و دفنینی یکسر خرابه ده . گیتدی غلام گتوردی خبر بیر یتیمه قیز رؤیا ایدوب آتاسینی ایستر خرابه ده . سویلوب گلون آپارون قانلی باشینی تاپسون تسلّی اول مه انور خرابه ده . ناگه اوجالدی ناله یتیشدی غلاملر تسلیم اولوندی زینبه اول سر خرابه ده . قویدی برابرینده او طفلین کنار ایدوب روپوشینی او بیکس و یاور خرابه ده . دوشدی او قانلی باشه گوزی عرض ایلدی عمه بو کیمدی باباما بنزر خرابه ده . فرمایش ایلدی بودی تشنه شهید اولان آتان حسین کشتۀ خنجر خرابه ده . قویدی یوزین یوزینه توکوب قانلی گوز یاشین قان آغلادی او حالی گورنلر خرابه ده . عرض ایلدی بابا سنی کیم ایلدی شهید گوردی حرملرین بیله گونلر خرابه ده . باخ گور بابا ننوعیله قول باغلی آج سوسوز ویردی مکان قوم بد اختر خرابه ده . سولدی سارالدی صرصر ظلمیله گلشنین اولدی اسیر خاره بو گللر خرابه ده . صف صف دوروب باخوب ایللَّه طعنه لر مین ظلمیله شماتت ایدلّر خرابه ده . از بس بابا دیدی بی حس و اختیار دوشدی بسان طایر بی پر خرابه ده . گلشن پوزولدی سولدی گلی ئولدی عندلیب اسدی او نوگل تره صرصر خرابه ده . قول باغلی آج سوسوز قوری یرلرده ویردی جان بیر نوعی درده گلدی اسیرلر خرابه ده . غربت غمی وطن غمی ویرانه لرغمی اود ووردی قلب زینبه غملر خرابه ده . جان تک کناره آلدی رقیّه جنازه سین نی تک ایدردی ناله مکرّر خرابه ده . هر قدرساکت ایتدیله آرام اولمادی ایتدی سوال سرّینی خواهر خرابه ده . بیله بویوردی سوزیله گوردوم دونن گیجه یاتمور بالام فغانیله سویلر خرابه ده . عمه قوری یر اوستی یوخوم گلموری آجام اود سالدی جسم و جانه او دللر خرابه ده . «منصور» ایلیوبدی شهیده رقیّه نی شمر لعین و مرتد و کافر خرابه ده . یارب نصیب اولا بو یتیمین زیارتی مذکور اولا بو غصّه لی سوزلر خرابه ده . .

بابا خوش گلموسن ویرانسرایه قویمارام گیتسون ▪️▪️▪️✨▪️▪️▪️✨ #زبان حال حضرت رقیّه خاتون خطاب به رأس مطهر پدر . غلامحسین اشرفی و مرحوم سیّد حسین رجائی تبریزی . بابا خوش گلموسن ویرانسرایه قویمارام گیتسون یتور هر گونه غم بو مبتلایه قویمارام گیتسون . . او گوندن که وصالون ترک ایدوب آیریلموسان مندن گوروب بیک س عیالون ظلم بی اندازه دشمندن اولوب آخر خرابه مسکنیم آیریلمارام سندن داخی یوخ طاقتیم جور و جفایه قویمارام گیتسون . . بابا دین مبینه خدمتون گون تک نمایاندی کمند ظلمه دوشموش اهل بیتون دیده گریاندی تالاندى خیمه لر سندن صورا اود ووردیلار یاندی چیخوب دور دود آهیم تک سمایه قویمارام گیتسون . . بابا کیم کسدی باشون یاندوروب دور قلب زهرانی منی بو سنّده قویدی یتیمه ایتدی زندانی اسیر روم و دیلم تک دولاندوخ کوه و صحرانی فراقون توش ایدوب دور هر بلایه قویمارام گیتسون . . بابا یاتموشدوم ایمدی پر شکسته مرغ بسمل تک جمالون عالم رؤیاده گوردوم خوش قیزیل گل تک ایدردیم ناله دردیمدن او گل شاخنده بلبل تک ولی یأس اوز ویروب من بینوایه قویمارام گیتسون . . گیجه گوندوز توکردیم اشکیمی وصلون سراقیله گوروب رؤیاده قول آلدیم کمال اشتیاقیله قولوم دوشدی یره قالدوم گینه درد فراقیله دوشوب وصلون اله قیلّام گلایه قویمارام گیتسون . . او قَدری آغلادوم درده گتوردوم قلب زهرانی بی بیم زینب اویاندى باغرینا باسدی بو نالانی یزید بی حیا بولدی بو دردون وار نه درمانی باشون گوندردی باخ طرز دوایه قویمارام گیتسون . . گلوردون ایمدی که ویرانیه ای شاه بی لشکر نولوردی گلماقون بیر دم بولِیدی آل پیغمبر چخِیدی شورله پیشوازه بیر دسته قرا معجر دیِیدیم من عجب گلدون هرایه قویمارام گیتسون . . ولی صد حیف اولا بو گلماقوندان بی خبر قالدوم بولنموردوم ندور مطلب بی بیمدن من خبر آلدوم دیدی دور آغلاما گلدی بابان وصلون اله سالدوم یتیشدیم صون نفسده مدّعایه قویمارام گیتسون . . نَقَدری دلخوشام گوردوم سنی بو خسته حالیمده اُلوم آثاری هر لحظه نمایان دور جمالیمده شکسته اولماسون قلبون منیم طرز مقالیمده بابا سن سیز اسیرم اشقیایه قویمارام گیتسون . . عجب وقته منی یاد ایلدون ای خسرو محشر گلِیدی کاش بو لحظه سنیله قارداشیم اکبر او گل رخسارینی بیرده گورِیدیم بو دم آخر یاخون دور جان ویرم پیک خدایه قویمارام گیتسون . . «رجائی»، «اشرفی » دور چون سالان نظمه بو گفتاری او نصف اوّلین یازدى قالا دنیاده آثاری شریک فیض اولوب او سنده یازدون آخر اشعاری سوزون قورتار یتیشسون انتهایه قویمارام گیتسون .

الهی بوخرابه یرده سه ساله قهرمانیم ئولدی #حضرت_رقیه 🥀🥀🍁🥀🥀🍁🥀🥀 #زبانحال حضرت زینب سلام علیها #سبک_ایران_اگر_دل_تو_را_شکستند با صدای حاج داود بیدق داری  . . حاج داود بیدق داری . الهی بوخرابه یرده سه ساله قهرمانیم ئولدی گورن زمان یارالی باشی یارالی همزبانیم ئولدی . . بو گل حسینمین گولیدی قالیب خرابه ده سارالدی گجه گونوز ائدیبدی ناله نوادن آیری حاله قالدی یانوبدی شمع تک فراقه توانی گون به گون آزالدی ایاقی یاره قلبی یاره عزیز کاروانیم ئولدی . . بوغربت ائلده رنگ حسرت واریدی قاره گوزلرینده باخاردی سمت کربلایه خرابه نین برابرینده قالوبدی تازیانه ردی بو نازدانه پیکرینده وریلدی شامه جن مکرر اودور شکرزبانیم ئولدی . . آلوبدی قمچی لر دوامین یورولدی شامه تا یتشدی دئیردی عمه سرنوشتیم نهایتا هارا یتشدی بلی دئدیم بوعشقه اما نه قدری گور بلا یتشدی کم اولمادی جفای دوران بلالی خسته جانیم ئولدی . . نفسلریم دونوب فغانه سوموکلریم گلیب نوایه خرابه دن صبا گذر سال یتور بودردی کربلایه دئنن جوان علی اکبر رقیه ئولدی گل هرایه ویا دئنن حسینه قارداش غمونده نوحه خوانیم ئولدی. . . واریمدی اوچ گواه الیمده ئولوبدی الده نازدانه اول خدا ایکمجی قلبیم اوچومجی ضرب تازیانه یولی گلینجه شامه هرگون وریلدی قمچی بی بهانه قوجالدی اوچ یاشیندا آخر ستمله قدکمانیم ئولدی .

#رأس مطهر امام درخرابه ی شام سبک-#خیمه-نی-سیلمیشم . مرحوم یحیوی اردبیلی . آغلاما بلبلوم ای سکینه گلوم قلبیمی ائتمه القان دردیوه گلدی درمان بو قرانلوق گئجه اولدی باخ گور نجه منزیلون نوره باران دردیوه گلدی درمان . آغلاما نازدانه م گلدی عطشان حسینیم اوپ سوسوز لبلریندن عرض ایله جان حسینیم . . . ای شریک غمیم هر گئجه همدمیم مهربان پادشاهون ایندی گلدی سفردن باشوی قوی قزیم سینه مون اوستونه گلدی امّیدگاهون سن قوتاردون خطردن رنگ رویون سولور بیله معلوم اولور آیریلورسان بی بوندن زینب دربدردن ناتوان جانیوه چشم گریانوه زینبون جانی قربان دردیوه گلدی درمان . . . غمزده عترتین گورمگه شاه دین کنج ویران سرانی وادی طور ائ ... 👈 متن کامل در سایت ... https://zobdatolashaar.ir/?p=45254

#حالات حضرت سکینه سلام الله علیها در خرابه شام ▪️▪️▪️✨▪️▪️▪️✨ #سبک_نهر_علقمه_قویدی_چون_قدم مشابه سبک-نهر-علقمه-قویدی-چون-قدم . ناطق اردبیلی . یات سکینه جان ای گل خزان بلبل مدینه م ناز پروریم یات بو خرابه نی ایلدون مکان ای سرور سینه م غنچه ی تریم یات . ای منیم انیسیم یار و همدمیم یات هر گنجه شریک محنت و غمیم یات . . . . . راحت اول قزیم کئچدی ذلّتون ال گوتوردی سندن شمر نامسلمان یوخلا بیر زمان گر چه بالشون پاره کرپیچ اولدی ای یتیم نالان بو خرابه دور منزلون سنون یوخ چراغ و فرشی توپراق أوسته وئر جان غربت ئولکه دور اولمادی کفن وار کفن یرینه قاره معجریم بات . . رسمید ور بالا جان وئرنلرون باشی اوسته قرآن ایلمک تلاوت صاغ دگل نئوم یار و یاوریم نینواده ایچدی شر ... 👈 متن کامل در سایت ... https://zobdatolashaar.ir/?p=45256