#غم_بی_دود_و_درمون_دره_مه_دل #حاج_قاسم_سلیمانی #شهید_شهادت_دلگویه_مازنی 🥀🕊🥀🕊🥀🕊🥀🕊🥀 غم بی دردو درمون دره مه دل غـم سـردار کـرمون در مـه دل خدا دونّه مه دل وِنِسّه تنگه کهو نیل مثل آسمون رنگه جان برار سلیمانی ته قروون اَمه سردار سلیمانی ته قروون تِره «مسلمِ» کار بِنگونه سردار دَسِ یزیدی یون بَعی گرفتار تــره «ابـن زیــادِ» ایـن زمونه از ضـرب کینه بَهیته نشونه خـبر بمـو بـه امام زمـونه تِه«سردار سلیمانی» ره بَزونه اَمه «جان آقای» دل بَسـوته مه جان وِنِه فدای دل بَسوته تِه بُوردی جان آقا بِرمه کِرده وِنــه چـراغ دلخـشی دَمـرده غـریب جـا بَعـی مهمـون قرون بَسوتِـه تـن و غـرق خـون قرون تِـه چِشِ قرون عین دِتـا الماس تِه دَس جدامثل«حضرت عباس» تِه که شه بَعی مهمون شهیدون یتـیم بَیـنه یتیـمون شهیدون یتیمون دل از غم تَش وِشنه ته درد دوری وِشونّه کِشنه تِه بُوردن بُوردن وچِش مَشت وارش کجه بوردی هنوز راه دره مه چِش اگه بَسوته تِه تن «حاج قاسم» آخر بِموعه وطن «حاج قاسم» اگـر چـه پاره پاره بَیّـه تِه تن آخر تِـه پاره تَـنِ بَهییه کـفن تـره هـاکـردنـه تشـییع جنازه تِـه تـن نَشـیّه زیـر نَعـل تـازه ته خواخر ره نَوِردنه اسیری وِره آزار نِــدانـه سـرِ پیـری ته انگشتر ره ساربون نَوِرده تِه سر ره که خولیِ دون نَوِرده اَمـان از غـریبـیِ امـام حسـین وِنِـه غـم نصیبیِ امام حسین وِنـه خواخرهمونجه بورده ازحال وِنـه مـار نـاله زوعـه دور گودال تِــره بَکـوشتِنه تــِه مـار بَمـیره تِــره بَـروشتنه تِــه مـار بَمـیره الهـی بَهـووه «مداح» تِـه قـرون تِه قتلگاه بَهییه چشمه ی خون 🥀🕊🥀🕊🥀🕊🥀🕊🥀 #علی_اکبر_اسفندیار_مداح @navaye_asheghaan