✔️ نوحه اربعین حسینی بانوای:کربلایی_منوچهر_حسن_زاده دور اربعیندور گلمیشم کرب و بلایه آغلار گوزیله یاحسین گلدیم عزایه چیخ پیشوازه ، ای نور عینیم عطشان حسینیم، مظلوم حسینیم باشی بلالی زینبم دلداریوم من قیرخ گوندی چوللرده سنون غمخواریوم من سس وئر بیلورسن یاحسین، بیماریوم من اوج ایلیور آه و فغانیم نُه سمایه شاماته گئتدیم یاحسین من دست بسته گزدیم دولاندیم کوفه‌نی قلبی شکسته عشقونده امّا اولمادیم بیر لحظه خسته الان دوباره گلمیشم قانلی منایه قارداش ئورکده غملریم طغیان ائدوبدور اصغر غمی بو قلبیمی شان شان ائدوبدور بیکس ربابین گوزیاشین القان ائدوبدور آغلار گجه گوندوز ولی ائتمز گلایه غملی ربابین نیسکیلی دیلده قالوبدور آغلار گوزیله باشینه قاره سالوبدور اصغر عزاسی صبرینی الدن آلوبدور نفرین ائدر دیلدن اخا، اهل جفایه سینونده اصغر گورنجه راحت یاتوبدور سو ایستمور سو فکرینی باشدان آتوبدور سو اوسته اوخلاندی بالون قانه باتوبدور آغلار سما اهلی بو غملی ماجرایه آهو باخیشلی بیر قیزی وئردون امانت الدن گئدوب نازلی گلوم اولدوم خجالت مندن سنی زهرا حسین ائتمه شکایت دوتسون رقیَون آدینی گَللم نوایه ویرانسراده آغلیوردی ماهپاره هردم گلوردی غصَه‌دن چون آه و زاره حسرت چکوردی اکبرین گورسون دوباره چوخ دردی اولدی چاتمادی امّا دوایه عبّاس ئولندن قامتیم دوندی کمانه عمریم دونوبدور غصه‌دن فصل خزانه مظلوم حسین وای سسلرم من یانه یانه شکر آللها گلدیم دوباره کربلایه شاعر#کربلایی_حسن_طیبان نوا:#کربلایی_منوچهر_حسن_زاده #اربعین_۱۴۰۳ #پیشنهاد_دانلود