🩸 جوشی شب عاشورا 🩸 بانوای:#کربلایی_منوچهر_حسن_زاده شاعر:#حاج_نادر_بابایی بو گجه فاطمه اوغلی سنه مهماندی باجی صاباح اولسا بیلورم بستریم اَلقاندی باجی پیکریم قانه باتار -- قوری چوللرده یاتار زینبیم بوگجه آخرگجه دور قارداشووا غملی صحراده باجی فرصت اولار گوز یاشووا قاره اوستن گنه ده قاره سالارسان باشووا کربلا دشتی صاباح مَسلخ قرباندی باجی پیکریم قانه باتار--قوری چوللرده یاتار بو گجه قیزلاریم آسوده علمداره باخار خیمه لر اَمنیتی ایندی بوسرداره باخار ئوزی امّا نگران خورداجا قیزلاره باخار گجه نون صبحی بیزه حامل طوفاندی باجی پیکریم قانه باتار -- قوری چوللرده یاتار بیلورم کوفه لیلَرظلم و جنایت ائلیر روزگارین ایشی بو نهری خجالت ائلیر نیزه باشینده باشیم آیه تلاوت ائلیر گون باتان وقتی منیم مقتلیم اَلواندی باجی پیکریم قانه باتار -- قوری چوللرده یاتار نچه آیلیق سفریم ایندی باجی اولدی جدا گئدورم محضر داداره منی ایله دعا ایستورم قانیمیله عهد اَلَست اولسون اَدا گوره لر قارداشووی تابع پیماندی باجی پیکریم قانه باتار -- قوری چوللرده یاتار گون طلوع ائتسه بواَشراریده ایمان ساتاجاق داش آتانلار منه داش هراوخ آتان اوخ آتاجاق اصغریم سینَمون اوستونده بوچولده یاتاجاق آلتی آیلیق بالام ئوز قانینه غلطاندی باجی پیکریم قانه باتار -- قوری چوللرده یاتار