‍ #جان_پر_کجه_بوردی_ته_قروون #در_فراق_پدر_دلگویه_مازنی 🏴😭🏴😭🏴😭🏴😭 جانِ پِر کجه بوردی ته قروون من از داغِ ته بَهیمه دلخون ته که بُوردی مه چِش بِوارسّه مه دل تنگ هایته و تِره خواسّه باباجان من ته خَسّه تنِ دور تِه خَسّه تَن بَیّه کفنِ دور تِه که بُوردی کی مه غصه خواره دیـگه مـره غـم و غـصه بـاره جانِ پِر وَچونِ کوه صبره دیگه ته نِشونی سرِ قبره ای جان پِر ته غم چاره نَونه نَدومّه چه مِه دل پاره نَونه مِه دل از داغ تِه پُره درده بدونِ تِه دیگه خِنِه سرده مه مهربون بابا، جان تِه قرون مه خِنِه ی صفا، جان تِه قرون شه سینه دَکِـرمه تـه داغّـه کجه بَیرم دیگه تِـه سراغّـه تِه خنده و تِه بِرمه ی قرون مره یاد اِنه مِه دل بونه خون مه یاد نَشونه تِه غم مِه سینه تِه دِیم چِروک و دَسِّ پینه اگه از داغ تِه غِصه دارمه اگه مثل وارش دَرمه وارمه تسلیت بَوتِنه همه مره تعزیت بَوتِنه همه مره ازداغ تِه بَهیمه جان به لب مره یاد بموعه داغ زینب مره یاد بمو حسین وَچون وِشونِ دله هاکردنه خون مه دل تِوسّه در شوروشینه «مداح» ناله هم یا حسینه