#سرود_ولادت_امام_زمان_عج_ برو مولا اَمه دل بیقراره دله عالِم تِوِسه بیقراره برو مولا اِما ته دور بَگردیم ته صورتِ سیاه خالِ بلارم برومولا امه دل بیقراره_ته که دنی کاجه دنیا بهاره ------- برو آقا بوین چه نوبهاره تموم دشت و صحرا لاله زاره مسته بلبل هدا سَر شه صداره گُنه آذین دَوِندین سامراره برومولا امه دل بیقراره_ته که دنی کاجه دنیا بهاره ------- بِهین بوریم یارون شهرِ سامرا نرجس دنیا بیارده اَتا ریکا گُنه دارنه ونه دیم خالِ سیاه ونه نومه مهدی بهیته بابا برومولا امه دل بیقراره_ته که دنی کاجه دنیا بهاره ------- مَلِک در آسمون صف بَکشینه بوردنه دسته دسته گل بَچینه گل محمدی شه دور دَچینه گُنه عجب عیدی رویِ زمینه برومولا امه دل بیقراره_ته که دنی کاجه دنیا بهاره ------- دیگه غاصه نخورین مریض دارون شِمه دردِ وسه بی یمو درمون هرکاجه گرفتار بَینی ناگمون صدابزنین شه صاحب الزمون برومولا امه دل بیقراره_ته که دنی کاجه دنیا بهاره ------- سیو تاریکه شو بزو سِتاره مَلِک در آسمون بزو نِقاره شادی بَیته غم و غاصه ی جاره برومولا امه دل بیقراره_ته که دنی کاجه دنیا بهاره ------- جبریل آسمونِ دی کانده کولک گُنه کَکی بخون دری دارِ تِک سلام هاکان ته آقا بیره علیک امامِ عسکری تِره موارک برومولا امه دل بیقراره_ته که دنی کاجه دنیا بهاره ------- ندومبه دریایِ اُو چند شوره چِشم ته حسودو بخیلون کوره تِعی موسا ودنیا کوهِ طوره ان شاالله که امسال ساله ظهوره برومولا امه دل بیقراره_ته که دنی کاجه دنیا بهاره ------- شاعر:استاد حاج حسین خداپرست(ازساری) #امام_زمان_عج_🍃🌷🍃🌷🍃🌷🍃 🇮🇷اللّٰهمَّ عَجِّلْ لِوَلِیِّكَ ٱلْفَرَجَ🇮🇷 👈دعوتیدبه‌:👇 #کانال_تخصصی_نوای_ذاکرین #اکبر_آرامش_اشعار_مذهبی ایتا👇👇 Eitaa.com/navayehzakerin2 @Aramesh113