شجاعت حضرت زینب کبری (س)در مجلس یزید ملعون
خیزران دگدی حسینون قوریان لبلرینه
اعتنا ایلمدی نغمه ی یا رَبلرینه
لعنت اولسون اُموی زاده‌لرین دبلرینه
زینبون کاسهٔ صبری جالانوب، اسدی اودم
دئدی ظالم او دوداقلاره ویروب بوسه ننم
دوردی فورا" ایاقا نائبهٔ فخرِ زنان
شیرِتک غُرّش ائدوب خواهر عبّاس جوان
چوخ شجاعتله خانم سوزلرینی قیلدی بیان
بویوروب بسدی اهانتله دولاندیرما زبان
کَس سسون ای طلقازادهٔ آشفته روان
ای یزید آچ گوزوی منده بو تاب و تبه باخ
خیزرانیله قانا غرق ایلیوبسن لبه باخ
غصّه‌دن گوز یاشی القانه دؤنن موکبه باخ
اوجالان نغمهٔ تکبیر و دَمِ یا ربَه باخ
آسمان عَلَویده بو گوزل کوکبه باخ
نَسَبیم هاشمیدور بو نَسَبِ اَطیَبه باخ
آل هاشیمده اولان غیرته باخ منصبه باخ
بیز شهادت طلبوک سن بو درخشان دَبَه باخ
آتام حیدردی آنام فاطمه اُمّ و اَبَه باخ
زینبی شیر بِجَردن عَلَوی مکتبه باخ
او خدائیکه شرف عرش مُعَلّایه وئروب
تپراقی دشت و کویره، سویی دریایه وئروب
هر کسه اوز چیخاری قَدْری خمیر مایه وئروب
بیز بنی هاشمه ده غیرتی سرمایه وئروب
یِدّی قارداش گوجونی زینب کبرایه وئروب
**
✍رحیم فیضی اردبیلی
#اشعار_ترکی
#مجلس_یزید
#چوب_خیزران
#حضرت_زینب_سلام_الله_علیها
🌹 #اللَّهُمَّ_عَرِّفْنِےحُجَّتَڪ 🌹
#نَشـــــــر=صَــــدَقِہ جاریِہ
💠#کانال_وابرگروه_نوای_ذاکرین💠
↙️#خادم_الذاکرین_آرامش↙️
کانال⬇️
Eitaa.com/navayehzakerin2
ابرگروه⬇️
https://eitaa.com/joinchat/954466766C8b9b885ce9
@Aaramesh42 خادم کانال
╚═══💫💎═
13.4هزار دنبال‌کننده
52 عکس
42 ویدیو
109 فایل
گلچین تخصصی و بروز اشعارونواهای مذهبی روضه،غزل مرثیه،نوحه وگریز،دودمه،ختم خوانی باحضورمداحان وشعرای آئینی👌آرامش
راه اندازی کانال درتلگرام سال ۱۳۹۴
خادم و بانی و مداح چه فرقی دارد
من فقط حاجتم این است که نوکرباشم
Eitaa.com/navayehzakerin2
@Aaramesh42
مشاهده در ایتا