در عزای مادر بو دنیاده گورمین خوش گون ای گونی قاره یات ننم لایلای گیدن قبره اولمیان آخر دردینه چاره یات ننم لایلای غمی باشدان آت ننم لایلای چالیم ایندی یات ننم لایلای آه و واویلا بودنیانون رنج و دردیندن راحت اولدون سن مقصده چاتدون بالالاری یاندروب یاخدون ئوز فراقونده گور نه آغلاتدون بیزی آخر قویدون آواره تپراق آلتیندا دیده تر یاتدون بلیمی سیندیردی هجرانون قالدیم آواره یات ننم لایلای غمی باشدان آت ننم لایلای چالیم ایندی یات ننم لایلای آه و واویلا قوجالدان انسانی بش گونده محنت هجران غصه و غمدی آغاردان زلف سیه فامی خم ائدن سر قدی ماتمدی آناسیز ائو هر قیزا واللهی بو دنیاده چون جهنّمدی گونی بنزر دائماً گوزده لیلۀ تاره یات ننم لایلای غمی باشدان آت ننم لایلای چالیم ایندی یات ننم لایلای آه و واویلا ئوزون گئتدون آی ننه اما سینه میزده نسگل لرون قالدی فراقونده شمع تک یاندی خردا نازلی بلبل لرون قالدی الی قوینوندا اورک داغلی دیده تر شیرین دیل لرون قالدی قالوب ایندی زار و دل خسته قیزلارون آغلار یات ننم لایلای غمی باشدان آت ننم لایلای چالیم ایندی یات ننم لایلای آه و واویلا قالوب ائوده بوش یرون نیلوم سن یاتان یردن عطریوی آلّام ایکی اللی نار هجرونده هی یانوب محکم باشیمه چالّام ئوزومده هئچ بیلمورم آخر ای ننه سنسیز من نئجه قالّام نیازیم وار هر زمان سن تک بیر پرستاره یات ننم لایلای غمی باشدان آت ننم لایلای چالیم ایندی یات ننم لایلای آه و واویلا ✍فکری_اردبیلی #کانال_ترحیم_وختم_خوانی_ ┅┅┅┅┄❅[﷽❅┄┅┅┅┅┄ #اَللّهُمَّ‌عَجِّلْ‌لِوَلِيِّکَ‌الْفَرَجَ #اللَّهُمَّ‌اشْفِ‌کُلَّ‌مَرِیض #کانال_وگروه_تخصصی_نوای_ذاکرین #اشعار_مذهبی #نَشـــــــر=صَــــدَقِہ جاریِہ ↙️#خادم_الذاکرین_آرامش↙️ 💠کانال وابرگروه نوای ذاکربن💠 Eitaa.com/navayehzakerin2 #ابرگروه⬇️ https://eitaa.com/joinchat/954466766C8b9b885ce9 @Aaramesh42خادم کانال ╚═══💫💎═╝