یا رب نه مصیبتدی بوگون شیعه لر آغلار 🍂🍂🍂🍂🍂 شهادت حضرت زهرا سلام الله علیها . مرحوم غمناک تبریزی . یا رب نه مصیبتدی بوگون شیعه لر آغلار یکسر باش آچوب باشه وورار خونجگر آغلار . . آثار هوادن گورونور درد و مصیبت افلاک یوزینی بؤرویوبدور بیله ظلمت گؤی، گؤی گینوب اگنه یاغار بارش رحمت (1) سگان سماوات سرشگین توکر آغلار . . وار عالم لاهوتده چوخ شورش و غوغا بیر بزم غم و محنت اولوب عالم بالا قاره چکیلوب دورۀ افلاکه سراپا لوح و قلم و عرش و قضا و قدر آغلار . . ظلمات دوتوب یر یوزینی ابر کدردن عرشه اوجالور ناله سسی خاک و حجردن آغلار در و دیوار گلور ناله شجردن اشجار و نباتات اولوب دیده تر آغلار . . بزم غم اولوبدور چمن و صحن گلستان گلزارده پژمرده اولوب سنبل و ریحان غمدن دِلنه داغ چکوب لالۀ نعمان رخسارینه نرگس توکر اشک بصر آغلار . . یا رب بو نه غمدور که ایدوبدور بیله تأثیر آغلار بو جهان اهلی اولوب جمله سی دلگیر تأثیر اثریندن بودی یوخ طاقت تحریر هر کیم که ایدر یاد، اولور خونجگر آغلار . . گویا که ایدوب عزم جنان حضرت زهرا یکسر گیونوب قاره بو گون عترت زهرا محزون ایلیوب عترتینی محنت زهرا اولاد پیمبر باش آچوب سر بسر آغلار . . گورمز حرمی أوسته علی ، پوشش ابره اشکیله او دم گوزلرینی دوندروب ابره بیر پردۀ گلرنگ چکر أوستنه غبره سلمان و ابوذر اونا ایلر نظر آغلار . . چون ویردی اونا غسل، کفن ایلدی حیدر دوشدی حسنین نعشینون اوستنده آچوب سر باسدی اولاری سینیه صدیقۀ اطهر گوردیکه نه شوریله شبیر و شبر آغلار . . هاتفدن او دم گلدی صدا، کی شه لولاک قویما حسنینی چوخ اولا دیده سی غمناک آز قالدی دوشه رعشیه نُه قبّۀ افلاک بو غمدن اولوب جمله ملک باخبر آنلار . . زینب گلوب افغانه ایدر عالمی دلخون آچمش باشنی ناله ایدر با دل محزون بیکس قالوب آغلار اولوب احوالی دگرگون زینب غمینه دردیله جنّ و بشر آغلار . . کعبه گینوب قاره اولوب طاق حرم خم زینب گوزینون یاشی کیمین جاریدی زمزم هر قدر صفا عیش ایدر، سعی گورر غم مشعر له منا، رکن عظیم و حجر آغلار . . #گریز #حسینیه_شهادت . آخر بوهمان زینب کبرائیدی یاران بیرجه غمه دوزمزدی ایدردی جگرین قان بولمم نجه تاب ایتدی اوگون با دل سوزان گوردی که قرا یللر اسر بحر و بر آغلار . . میدانه دونوب باخدی گلوب آه و فغانه گوردی که حسین باشی گیچوب نوک سنانه یرلر تیتورور رعشه دوشوب کون و مکانه افلاکه یتوب زلزله ناله چکر آغلار . . زینب دوه أوستنده، حسین باشی جداده هر لحظه وروب سس سسه فریاد و نواده بو ذکر حسیناده او قرآن خداده قارداشلا باجی اولدی عجب هم سفر آغلار . . یتمز بو حسین محنتی «غمناک» تمامه آز قالدی دوتوب اود یانا بو دفتر و خامه چون ئولدی حسین شمر چکوب زینبی شامه بیر مسجد ویرانه ده شام و سحر آغلار . (1) گؤی (اول) = آسمان ، گؤی (دوم) = لباس کبود .

زمانه ایچره اولور دل شکسته ، زار ، غریب #رضویه 🌾🌾✨▪️🌾✨▪️ #خطاب به غربت سه امام بزرگوار #مرحوم مضطر قفقازی . زمانه ایچره اولور دل شکسته ، زار ، غریب همیشه غربت آرا خلق ایچنده خوار ، غریب . تفحص ایلین اولماز غریبون احوالین بلا و محنته دور مبتلا دچار ، غریب . دولاندیرار گوزینی جان ویرنده هر طرفه که تا تاپا اوزینه بلکه بیرجه یار غریب . اولاندا شام ، غریبون ملالی چوخ آرتار خزان عیش اگر مین اولا بهار غریب . غریبه فرشدی تپراق خشت بالینی غذاسی غصه دوا درد بیشمار غریب . دیار طوسه گذر ایله سن نظاره ایله نجد امام رضا جان ایدوب نثار غریب . ایدوبدی زهر جفا پاره پاره دور جگری قوری یر اوسته دوشوب یوخدی غمگسار ، غریب . نه اوغلی وار ، نه باجیسی نه محرم رازی وطندن آیری ایلیندن دوشوب کنار ، غریب . گوزین تیکوب قاپویه اوغلونون یولون گوزلر اوغول اوغول چاقیروب دائم انتظار ، غریب . اگر گذار دوشه سمت شهر بغداده سراغ دوتگله وار اوردا بیر مزار غریب . دیولّه آدینا موسی بن جعفر مظلوم قالوبدی گوشه زنداندا ، آہ و زار غریب . او محبس ایچره چکوب درد و غصه اون بیر ایل شهید زهر جفا اولدی دلفگار غریب . حسین فاطمه تک اولمیوب غریب هیچکس که اوچ گون اوچ گیجه دوشموشدی زخمدار غریب . کسو بدی باشینی لب تشنه شمر بداختر ووروبدی نوک جدایه اونابکار غریب . باخاردی حسرتیله اکبرین جنازه سینه علی اصغر و اول طفل شیرخوار ، غریب . نظر سالاردی علمدارینه گوروب قولسوز مثال سرو دوشوبدور او گلعذار غریب . گوروب خیام امامتده اهلبیت آغلار ووروبلار او دیانوری خیمه ، آشکار، غریب . بو اوچ غریبه عزا ساخلا (مضطرا) دائم که جان ویروبله قوری یرده اشکبار ، غریب . . . #رضویه #مضطر_قفقازی #رضویه_شهادت #کاظمیه_شهادت #حسینیه_شهادت #زمانه_ایچره_اولور_دل_شکسته_زار_غریب #ترکی

﷽ ای پاره پاره جسمی عریان قالان حسین وای #حسینیه_حقیر_خویی ➖➖➖➖➖➖ ➖➖➖➖➖ روز عاشورا خطاب به حضرت امام حسین در قتلگاه . . . #سبک_احوالیمیز_یاماندی ... 10 سبک ... قان یاغدی کربلایه ... اود یاپوشدی سینمه ... از ما خطا یا الله ... . *مرحوم میرزا عبدالوهاب حقیرخویی* . . ای پاره پاره جسمی عریان قالان حسین وای ای خیمۀ جلالی تالان اولان حسین وای . . ای گوزلری فراته حسرت باخوب وئرن جان مولا او حالتیوه جانلار اولیدی قربان تشنه جگر یارالی گون ایسّی سینده عطشان یالقوز یارالی وئردون میداندا جان حسین وای . . اطرافون هر طرفدن قیلدی احاطه لشگر از بسکه ووردولار اوخ پیکاندان آچدی شهپر دولدی خدنگه جسمون اولدی بدن سراسر آماجگاه تیغ و تیر و سِنان حسین وای . . آخدوقجا قان اولوب ضعف مستولی اول جنابه خدّ یمینی اوسته قویدی یوزون ترابه گرد و غبار یردن اوج ائتدی نُه قبابه جوش و خروشه گلدی کرّوبیان حسین وای . . ... ➖➖➖➖➖➖ 👈 متن کامل در سایت ... https://zobdatolashaar.ir/?p=35394 . برچسبها: #ای_پاره_پاره_جسمی_عریان_قالان_حسین_وای #ترکی #حسینیه #حسینیه_حقیر_خویی #حسینیه_شهادت #حقیر_خویی #زبدةالاشعار #سبک_احوالیمیز_یاماندی #عاشورا #قتلگاه