گل اوغول طوسیده مظلوم ئولورم #رضویه 🥀🥀✨🏴🌿🥀🥀✨🏴🌿 شهادت امام رضا علیه السلام . #مرحوم شهاب تبریزی . گل اوغول طوسیده مظلوم ئولورم اولموشام گور نجه مسموم ئولورم غم گونی غمخواریم اوغول گل اوزون أول یاریم اوغول . . گوزلریم گوزلر اوغول ایمدی سنی یاده سال بو قوجا وقتی مده منی زهر ویردی منه مأمون دنی گل اوغول طوسیده مظلوم ئولورم . . سالدی دلدن منی زهرین اثری درک قیل سنده بو خونین جگری خوشدور اولاده آتا درد سری گل اوغول طوسیده مظلوم ئولورم . . گَلمدی یانیمه معصومه باجیم آغلییدی منِ مسمومه باجیم قالدی حسرت منه مظلومه باجیم گل اوغول طوسیده مظلوم ئولورم . . نجه بلبل اولی مایل چمنه مایلم یوز او قَدَر منده سنه سُوَرم سن ویره سن غسل منه گل اوغول طوسیده مظلوم ئولورم . . بوغریب ئولکه ده یوخ دادرسیم گول یوزون گورمگه چوخدور هوسیم گل سنی بیر گوروم آخر نفسیم گل اوغول طوسیده مظلوم ئولورم . . گوگلمون فرقتیوه یوخ دوزومی قویما یوللاردا بو آغلار گوزومی گل اوزون قبلیه دوندر یوزومی گل اوغول طوسیده مظلوم ئولورم . . من غریبم منه کیم آغلار اوغول کیم یانوب سینه سینی داغلار اوغول ئولورم کیم گوزومی باغلار اوغول گل اوغول طوسیده مظلوم ئولورم . . لوح تقدیرده قسمت قلمی بیله یازمشدی گورم بو ستمی آتاوون چوخدور اوغول درد و غمی گل اوغول طوسیده مظلوم ئولورم . . یتشوب موسم هجران ئولورم زار و مغموم و پریشان ئولورم گل تلاوت ایله قرآن ئولورم گل اوغول طوسیده مظلوم ئولورم . . صحّتیم اولدی داخی امرمحال وار اجلدن هله تا الده مجال آغلا یان بیر قولووی بوینوما سال گل اوغول طوسیده مظلوم ئولورم . . ای اولان صفحۀ جسمیمده روان گوزیمه نور و دله تاب و توان قوجا وقتیمده منه تازه جوان گل اوغول طوسیده مظلوم ئولورم . . غم هجرانیوه یوخ دلده دوزوم سون نفس مایل دیدارم اوزوم قویما حسرتله قالا یولدا گوزوم گل اوغول طوسیده مظلوم ئولورم . . سالدی دلدن منی بیر زهر جفا یوخ گمانیم اولا بو درده دوا بو مرضدن تاپام هیهات شفا گل اوغول طوسیده مظلوم ئولورم . . یری واردور دیه سن دلده فغان ای شهابا بو سوزی شاه جهان جان ویرنده ایلدی ورد زبان گل اوغول طوسیده مظلوم ئولورم . . . . #رضویه #شهاب_تبریزی #رضویه_شهادت #گل_اوغول_طوسیده_مظلوم_ئولورم #ترکی @nohevarozechahardahmasomsoghandi

ائلدن آرالی بیر غریبم #رضویه 🥀🥀🏴🥀🥀🏴🥀🥀 #زبانحال امام رضا علیه السلام . 🔰#سبک_گلپونه_ها با صدای حاج علی سیفی افشار . . کربلایی رضا ماه پری زنجانی . ائلدن آرالی بیر غریبم یوخ بیر کسیم من بی حبیبم یوخ دردیمه چاره گل اوغلوم گر چه هامی درده طبیبم . دورمی غملر آلوبدی گوزلریم یولدا قالوبدی گل اوغول گور بو غریبی زهر کین درده سالوبدی . گل جوادیم ، گل جوادیم یاندی والله دل دوداقیم …. . . . . گل باشیم اوسته سینه داغلا بو گوزلری غربتده باغلا یوخدور منیم باجیم یانیمدا جان اوستیم گل باری آغلا . ایرانه سایه سالمیشام من حجرمده تنها قالمیشام من تیز گل آنام زهراده گلدی زهرانین عطرین آلمیشام من . گل جوادیم -گل جوادیم یاندی والله دل دوداقیم …. . . . . #رضویه #ماه_پری_زنجانی #رضویه_شهادت #ائلدن_آرالی_بیر_غریبم #ترکی

هارداسان معصومه گل اود دوتدوم اودلاندوم باجی #رضویه 🌱🏴🍁🥀🌱🏴🍁🥀 #خطاب حضرت امام رضاعلیه السلام به حضرت معصومه سلام الله علیها #مرحوم رجایی تبریزی . هارداسان معصومه گل اود دوتدوم اودلاندوم باجی دوغریب زهر جفا اکبادیمی یاندوم باجی . . گل باجی هجران غمی قارداشوی دیلدن سالوب صبریمی اوغلوم جوادین فرقتی اَلدن آلوب نه بالام گلدی نه سن گلدون گوزوم یولدا قالوب هارداسان معصومه گل اود دوتدوم اودلاندوم باجی . . شیونیم عرشه اوجالدی گلمدون فریادیمه قویدی حسرت عاقبت دشمن منی اولادیمه من غریبم کیم یتر بو غربت ایوده دادیمه هارداسان معصومه گل اود دوتدوم اودلاندوم باجی . . چوخ سُوَردیم روز و شب اولسون سیزیله الفتیم حسرتیم قالدی اورکده غربت اولدی قسمتیم گوزلریم یولدا یوزوم توپراقدا آخر ساعتیم هارداسان معصومه گل اود دوتدوم اودلاندوم باجی . . آرزو ایلر هامی دنیاده جان آسان ویره جان ویرنده باشی اوسته اهل بیتین سان ویره چوخ سُوَر قارداش باشی باجی دیزنده جان ویره هارداسان معصومه گل اود دوتدوم اودلاندوم باجی . . باد ظلم اسدی بو یرده سولدی سرو گلشنیم باخمادی بو حالیمه رحم ایتمدی اهریمنیم آخر عمرومده یانان دلده اولوب وردیم منیم هارداسان معصومه گل اود دوتدوم اودلاندوم باجی . . سانما بو دنیاده پابند جلالم آغلارام آخرت فکریله من پژمرده حالم آغلارام یالقوز ایوده آرزومند وصالم آغلارام هارداسان معصومه گل اود دوتدوم اودلاندوم باجی . . نیلورم دنیانی من عزّت لباسین سویموشام آل طاهانی وطنده دیده گریان قویموشام چکموشم بسکه بلا بو خسته جاندان دویموشام هارداسان معصومه گل اود دوتدوم اودلاندوم باجی . . نچّه ایل دور گلموشم هجران اَلیندن داده من ایچمدیم جام وصالوندان دولان پیمانه من بولمه سن حالیم ندور گر باشیم اوسته گلمه سن هارداسان معصومه گل اود دوتدوم اودلاندوم باجی . . اختیاریم الده یوخ قید ملاله بستِیَم چکموشم از بس غم محنت اورکدن خستِیَم همدمیم یوخ لبلریمدن قان آخور جان اوستِیَم هارداسان معصومه گل اود دوتدوم اودلاندوم باجی . . سنده من تک درد و غمدن بیر زمان دینجلمدون آتش هجرانه یاندون استراحت بولمدون نامه یازدوم یولّادوم یول گوزلدوم سن گلمدون هارداسان معصومه گل اود دوتدوم اودلاندوم باجی . . درد هجرانیله بولّم ایمدی سینه داغلوسان نامه مه باخدوقجا رخساره سرشکون باغلوسان باشیم اوسته گورمه دیم قارداش دیورسن آغلوسان هارداسان معصومه گل اود دوتدوم اودلاندوم باجی . . حسرت اولدی باغ وصلیمدن گلوب گُل درمه دون جان ویرونجه سسلدیم باجی منه سس ویرمه دون حیف اولا قارداشوین جان ویرماقین سن گورمدون هارداسان معصومه گل اود دوتدوم اودلاندوم باجی . . گوردولر دلدن سالوب دور محنت غربت منی ایلدی مأمون اوزی دربارینه دعوت منی قویدی بیر ظلمیله اوز اولادیمه حسرت منی هارداسان معصومه اود دوتدوم اودلاندوم باجی . . یوخ سوزوم غربتده ئولماقدان اوزومده دلخوشام وصل یاری آختاروردوم ای باجی هر صبح و شام سن گلینجه قالمارام معصومه جان چوخ ناخوشام هارداسان معصومه گل اود دوتدوم اودلاندوم باجی . . نیسگِلیم چوخدی باجی قالدی اورکده حسرتیم هر غمه فایق گلر دنیاده بیر بو محنتیم جان ویرنده باشیم اوسته آچمادی باش عترتیم هارداسان معصومه گل اود دوتدوم اودلاندوم باجی . . رسم دور قارداشنا باجی علاقه مند اولار قارداشین ناخوش گورنده ابر نیسان تک دولار قارداش ئولسه باجیلار باشین آچار گل تک سولار هارداسان معصومه گل اود دوتدوم اودلاندوم باجی . . بو دیار غربت ایچره دلخوشام بیر مطلبه نائل اولدوخ بیز ایکی قارداش باجی بو منصبه من حسینه اوخشورام سنده بلالی زینبه هارداسان معصومه گل اود دوتدوم اودلاندوم باجی . . چکمرم غم غربت ایچره یالقوز ایوده قالموشام من بیله جان ویرماقین مشقین بابامدان آلموشام کربلا میداننی جان اوسته یاده سالموشام هارداسان معصومه گل اود دوتدوم اودلاندوم باجی . . اولدی اجدادیم رضا هر محنته منه رضا باش و جانندن گیچوب دور خامس آل عبا صون نفسده ورد و ذکریم کربلا دور کربلا هارداسان معصومه گل اود دوتدوم اودلاندوم باجی . . اولما راضی درد فرقتدن گلوم من شیونه من سنون رخساریوه حسرت قالوم سنده منه بیر امیدیله بولورسن نامه گوندردیم سنه هارداسان معصومه گل اود دوتدوم اودلاندوم باجی . . دلخوشام گر مدفنیم اولدی منیم بو ارض طوس «پور بینا» و «رجائی» گلسون اولسون پای بوس بو سوزی اوغلوم رجائی یازدی از راه خلوص هارداسان معصومه گل اود دوتدوم اودلاندوم باجی . . . . #رضویه #رجایی_تبریزی #رضویه_شهادت #هارداسان_معصومه_گل_اود_دوتدوم_اودلاندوم_باجی #ترکی

زمانه ایچره اولور دل شکسته ، زار ، غریب #رضویه 🌾🌾✨▪️🌾✨▪️ #خطاب به غربت سه امام بزرگوار #مرحوم مضطر قفقازی . زمانه ایچره اولور دل شکسته ، زار ، غریب همیشه غربت آرا خلق ایچنده خوار ، غریب . تفحص ایلین اولماز غریبون احوالین بلا و محنته دور مبتلا دچار ، غریب . دولاندیرار گوزینی جان ویرنده هر طرفه که تا تاپا اوزینه بلکه بیرجه یار غریب . اولاندا شام ، غریبون ملالی چوخ آرتار خزان عیش اگر مین اولا بهار غریب . غریبه فرشدی تپراق خشت بالینی غذاسی غصه دوا درد بیشمار غریب . دیار طوسه گذر ایله سن نظاره ایله نجد امام رضا جان ایدوب نثار غریب . ایدوبدی زهر جفا پاره پاره دور جگری قوری یر اوسته دوشوب یوخدی غمگسار ، غریب . نه اوغلی وار ، نه باجیسی نه محرم رازی وطندن آیری ایلیندن دوشوب کنار ، غریب . گوزین تیکوب قاپویه اوغلونون یولون گوزلر اوغول اوغول چاقیروب دائم انتظار ، غریب . اگر گذار دوشه سمت شهر بغداده سراغ دوتگله وار اوردا بیر مزار غریب . دیولّه آدینا موسی بن جعفر مظلوم قالوبدی گوشه زنداندا ، آہ و زار غریب . او محبس ایچره چکوب درد و غصه اون بیر ایل شهید زهر جفا اولدی دلفگار غریب . حسین فاطمه تک اولمیوب غریب هیچکس که اوچ گون اوچ گیجه دوشموشدی زخمدار غریب . کسو بدی باشینی لب تشنه شمر بداختر ووروبدی نوک جدایه اونابکار غریب . باخاردی حسرتیله اکبرین جنازه سینه علی اصغر و اول طفل شیرخوار ، غریب . نظر سالاردی علمدارینه گوروب قولسوز مثال سرو دوشوبدور او گلعذار غریب . گوروب خیام امامتده اهلبیت آغلار ووروبلار او دیانوری خیمه ، آشکار، غریب . بو اوچ غریبه عزا ساخلا (مضطرا) دائم که جان ویروبله قوری یرده اشکبار ، غریب . . . #رضویه #مضطر_قفقازی #رضویه_شهادت #کاظمیه_شهادت #حسینیه_شهادت #زمانه_ایچره_اولور_دل_شکسته_زار_غریب #ترکی

کیمون اولسا نیازی طبیبیله دوایه #رضویه #توسل به ثامن الائمه علیه السلام و گریز به شهادت .✨✨▪️🍁✨✨▪️🍁 #سبک_علی_جان_بالا_لبیک . حاج احمد احمدی (جوان) . کیمون اولسا نیازی طبیبیله دوایه ایدر دردینی اظهار غریب الغربایه . . اولان زهریله مسموم ایا حجت رحمان دوشن ائلدن آرالی غریبانه ویرن جان گلور قبریوه زوار گوزی یاشلی اورک قان رواقنده آچار باش گلر آه و نوایه . . دل شیعه نی داغلار غم و درد و فراقون امیدیله قویار یوز او درگاهه قوناقون ورار طعنه بهشته گوزل صحن و رواقون اولوب کعبۀ مقصود مزارون فقرایه . . گلن قبریوه شاها هامی اهل صفادور صفا اهلنه قبرون حقیقانه منادور سنون تربت پاکون غم و درده دوادور اولا عالمی یکسر فدا خاک شفایه . . ایله سولدی سارالدی سنون عارض آلون ایدر عالمه تأثیر غم و درد و ملالون سنی گورماقا حسرت قالوب اهل و عیالون تحمل ایده کیمدور بو اندازه بلایه . . غریب ئولسه ملالی دل عالمی داغلار باجی اولسا یانندا گوزل اوخشیوب آغلار باشی اوسته آچار باش گوزون باجیسی باغلار مؤثر اولی هر سوز دیسه اهل عزایه . . اسوب باد مخالف گلستانیوه سولدی باجون نامه وی گوردی اورک قانیله دولدی سالوب چوللره عشقین جلای وطن اولدی سنی گورمدی گیتدی باجون دار بقایه . . دیردی اولا بیر گون اولام وصلنه نایل گوگلدن غم هجرین ایدم وصلیله زائل اورک باشی اولوبدور گوزل نامه وه حایل بو نامون اولاجاقدور منیم عشقیمه پایه . . سنون حالیوه آغلار هامی عترت یاسین اوجالدار گویه زهرا بهشت ایچره نواسین گلر قبریوون اوسته قورار ماتم اساسین شب جمعه اولاندا دونر کرب و بلایه . . هامی دسته به دسته گلور قبریوه مهمان ولی ایلدی محروم منی گردش دوران «جوانین» آلوب الدن قرارین غم هجران سلام ایلور اوزاقدان غریب الغربایه . . . . #رضویه #احمدی_جوان #رضویه_شهادت #کیمون_اولسا_نیازی_طبیبیله_دوایه #ترکی

هذا عَزاکَ یا رسول الله #پیامبراسلام #حسنیه #رضویه 🏴🏴🍀🏴🍀🍀🏴 #سه ماتم جانگداز #منتظری شریف آباد . هذا عَزاکَ یا رسول الله نفسی فداکَ یا رسول الله . . دولموش فضا شیون صداسیندن محزون اورک غم ماجراسیندن جنّ و ملک زهرای مظلومه هُم فی بُکاکَ یارسول الله . . آلِ عبانون قلبی داغلاندی فیض نزول وَحی باغلاندی ثانی وروب اود باب جبریله فی ماجراکَ یارسول الله . . بومحنته ارض و سما آغلار ماتم دوتوب غار حرا آغلار کعبه کئمی یاسه باتوب کلِّ اُمُّ القُراکَ یا رسول الله . . عرض ایلیوم هانسی قضایادن زهرا و یا اولاد زهرادن زهر جفائیله یانان قلبی مِن مُجتباکَ یارسول الله . . ایلور نوا ایرانیان یکسر شهر خراسان محشره بنزر اوچ ماتمه ماتمسرا اولموش طوسُ الرّضاکَ یا رسول الله . . زندان غمدور شیعیه عالم دوتموش جهانی ماتمون خاتم بو آتش محنت خَموش اولماز حتّی لِقاکَ یا رسول الله . . سندن صورا عترت گونی باتدی اسلام نابی غاصبان قاتدی قول باغلی گیتدی مسجده جبراً مظلوم اَخاکَ یا رسول الله . . فی حُزنِ فَقدِک سیّدی اَلیوم نَبکی علیکَ هؤُلاءِ القوم لَیسَ لَنا فی مُعضَلاتِ الحَشر عونٌ سَواکَ یارسول الله . . ای ذات پاکی مایه ی رحمت سندن چکر بو ( منتظِر ) منّت اِشفَع لَنا لِاَنَّناَ الاُمّت نَرجوا عَطاکَ یا رسول الله #پیامبراسلام #حسنیه #رضویه #منتظری #پیامبراسلام_شهادت #حسنیه_شهادت #رضویه_شهادت #فارسی #عربی #ترکی

در حجره دست و پا زد و یاد غریب کرد #رضویه 🏴🌿🏴🌿🏴🌿🏴🌿 #شهادت امام رضا علیه السلام #حاج محمود ژولیده . در حجره دست و پا زد و یاد غریب کرد یاد حسین، کشته ی شیب الخضیب کرد رویش بخاکِ حجره که افتاد ناله زد یاد جمال خاکیِ خدالتریب ‌کرد زهرِ جفا که بر جگرش، بد اثر گذاشت یادِ غریبیِ حسنِ بی حبیب کرد افتاد بر زمین، ز غمِ مادرش گریست لعنت بسی، به دومیِ نانجیب کرد آقای ما، که سفره ی روضه بنام اوست با خونِ دل روایتِ اِبنُ الشبیب کرد فرمود: پِلکم از اثرِ گریه زخم شد داغِ حسین، قلب مرا غم نصیب کرد وقتی کشید پیکر خود را به گوشه ای بهر جواد، گریه و صبر و شکیب کرد آمد پسر ، کنار پدر ، دیده تر ، ولی خود را برای غربتِ بابا طبیب کرد این ماجرا به کرب و بلا جورِ دیگر است بابای پیر بهر جوانش نهیب کرد با ناله های یا ولدی، پیشِ پیکرش از سوزِ داغ، شور و نوایی عجیب کرد چون دید اشک خواهرِ مضطر در آن میان دستی بسر گذاشت و اَمَّن یُجیب کرد . #رضویه #محمود_ژولیده #رضویه_شهادت #در_حجره_دست_و_پا_زد_و_یاد_غریب_کرد #فارسی

مسموم ایدوبدی مأمون، ستمله، چون حضرت رضانی #رضویه ✨✨▪️🏴✨✨▪️🏴 #شهادت امام رضا علیه السلام #مرحوم شهاب تبریزی . مسموم ایدوبدی مأمون، ستمله، چون حضرت رضانی بیراود سالوب جهانه، بوغمله، یاندوردی ماسوانی یاندوردی ماسوانی . . تکلیف ایدوب او شاهه، او ملعون، بیر خوشه الده انگور ناچار اولوب او سرور، او وقته، اولدی بو امره مجبور بیرنچه دانه جبراً ، میل ایتدی ، مأمونی قیلدی مسرور اول بیحیانی کامه ، یتوردی ، درده سالوب جهانی . . . . زهر جفا او ماهِ ، منیری ، فورأ سالوب محاقه سمّ ایلدی سرایت ، تماماً ، قلبه دله دوداقه تغییر تاپدی حالی ، یریندن ، دوردی او شه ایاقه چخدی ستم سرادن ، کناره ، الدن گیدوب توانی . . ایلوب بیله روایت ، اباصلت ، گوردوم گلور او سرور رنگ شریفی پوزقون ، خمیده ، اول قامت صنوبر اندام نازنینی ، چو سنبل ، بی تاب اولوبدی تیترر بلدوم اولوبدی مسموم ، او مظلوم ، باشه چکوب عبانی . . گورجک منی بویوردی ، اباصلت ، آچ منزلی اماندی یاندی بودل دوداقیم ، دایانما ، حالیم داخی دولاندی پیک اجل یتشدی ، وفاتیم ، بوحالدن عیاندی ایکاش اولیدی اوغلوم ، یانیمدا ، بو جان ویرن زمانی . . بیرده بویوردی باغلا ، قاپونی ، هم فرشی یغ کناره حال غریبه اولماز ، یقیناً ، کیمسه أیدن نظاره من بیکس و غریبم ، بو یرده ، یوخ ایمدی اوزگه چاره توپراقلار اوسته بلکه ، ویرم من ، جانانیمه بو جانی . . ناگه آچلدى قاپلار ، نه گوردوم ،بیر سیدہ جوانی الده عمامه گلدی ، یتوب چون ، گوردی بو ماجوانی آغوشه باسدی جان تک ، او دمده، مسموم اولان آتانی عرض ایلدی بابادور ، گوز آچ بیر، ای جسممون روانی . . نه حالدور وئروب یوز ، که چوخدور، تشویش و اضطرابون دلدن سالوبدى یکسر ، وجودون، الدن آلوبدی تابون گور بیر قالوب نه حاله ، باباجان، بیرجه بو دلکبابون آخر بابا اوز اوغلون ، جوادم، دیندیر بو بینوانی . . ای شیعه نسگل اولدی ، که بورسم، اولمادی کربلاده عمرینجه گلسه شیعه ، بو غمده، آزدور فغان و داده شاهنشه لب عطشان ، او گونکه، صحرای غمفزاده گلدی نه گوردی یارب ، او دمکه، جان اوسته دی جوانی . . نچّه قدم سوروندی ، یتیشدی، باشین آلوب دیزینه مرآت حق نمانی ، او ساعت، دوتدی اوغول یوزینه جوشه گلوب محبت ، یوزینی، سورتردی گل یوزینه خطّین مخضّب ایتدی ، او شاهین، اول شاهزاده قانی . . گوردی وروبلار از بس ، او جسمه، یاره گروه کافر گلمز شماره هرگز ، بدنده، زخم سنان و خنجر سسلندی یدّی دفعه، اوغولوای، بی اختیار او سرور سالدى شرار آهی، او شاهون، یاندوردی ماسوانی . . آغلا شهاب او حاله، اورکدن، گل نی کیمی نوایه بیر توشه دور سرشکون، یقین بُل، عرصه گه جزایه بو نوحه خوشگلور چوخ، حسینه، هم حضرت رضایه یاده سالولّا مطلق، غم ایتمه، سن جانویرن زمانی . . . #رضویه #شهاب_تبریزی #رضویه_شهادت #مسموم_ایدوبدی_مأمون_ستمله_چون_حضرت_رضانی #ترکی